Վերջերս քաղաքական գործիչ, «Ղարաբաղ» կոմիտեի նախկին անդամ Աշոտ Մանուչարյանը հայտարարեց. «Շուտով չեք ճանաչելու Հայաստանը… Տարիներ շարունակ պնդում ենք, որ Հայաստանում իրականանում է «տրանսֆորմացիոն» մի գործընթաց, որի հեղինակներն են ամերիկացիները եւ անգլիացիները, եւ դա անում են համատեղ ծրագրերի շրջանակում»:
Խորքային իմաստով, սա է ընթանում, եւ ընթանում է բավական հաջողությամբ: ՀՀ-ում ուրվագծվում է երկու ծրագիր. «Առաջինը՝ անգլո-ամերիկյան նախագիծն է, երկրորդը՝ նոր ուժերն են, որոնք նոր ձեւերով ու գործիքներով են աշխատում՝ ձեւավորելով հայկական համակարգ: Դա հայկական նախագիծ իրականացնող համախումբն է»:
Ա. Մանուչարյանի կարծիքով, «անգլո-ամերիկյան ադմինիստրացիան» դրսում սովորած ու երեւան վերադարձած այսպես կոչված «հարվարդյան տղաներն են. Հարվարդ կարելի է ավարտել, բայց Հարվարդի տղա չլինել»,- պարզաբանել է նա եւ հավելել, որ նրանք քիչ թե շատ կրթություն են ստացել ԱՄՆ-ում, կամ ընդհանրապես Արեւմուտքում, որոնք, մի կողմից՝ ինչ-որ հմտություններ են ձեռք բերել, բայց շատ խորքային չեն, եւ մյուս կողմից էլ՝ նրանց աշխարհայացքը «կլիշեներով է ձեւավորված՝ սահմանադրական կարգ, այլընտրանքային ընտրություններ, ժողովրդավարություն»: Այս բառապաշարը նրանցն է, որը իրականության հետ քիչ կապ ունի:
«Մեծ խմբեր կան, որոնք ընդվզեցին՝ արտահայտելով մեր ժողովրդի խորքային երազանքը, եւ ասացին, որ կյանքն այսպիսին չպետք է լինի: Նրանք փորձեցին փնտրել նոր կյանքի ձեւերն ու ճանապարհները, որ տանում են դեպի դրան, եւ առայժմ հաջողության չեն հասել»,- ասել է Ա. Մանուչարյանը՝ հավելելով.- կհաղթի անգլոամերիկյան գործընթացը, թե հայկականը՝ ազգային համակարգը, երկու դեպքում էլ ամբողջությամբ փոխվելու է Հայաստանը: Թե երբ եւ ինչ է փոխվելու, նա չի մանրամասնել:
Արտակ Հայոցյան
Նախագահականի ուրվագիծ
Կովկասյան խնդիրներին վերաբերող միջազգային գիտաժողովի շրջանակներում Երեւանում գտնվելիս «Զերկալո» օրաթերթի քաղաքական վերլուծաբան Ռաուֆ Միրգադիրովը, գնահատելով ՀՀ-ում ներքաղաքական իրավիրճակը, նշել է, որ եթե ԲՀԿ առաջնորդ Գագիկ Ծառուկյանը շարունակի մնալ ընդդիմություն, մեծ փողերը չեն կարող անգամ նրան փրկել. «Հայաստանի, Վրաստանի ու Ադրբեջանի նման քաղաքականություն ունեցող երկրներում հենց դառնում են ընդդիմություն, դառնում են իշխանությունների թշնամին, իսկ երբ դառնում են թշնամի՝ կա՛մ հաղթում են, կա՛մ նրանց ոչնչացնում են»:
Նա չի բացառել, որ նախագահական ընտրություններին ընդառաջ՝ ԲՀԿ-ն որոշել էր ընդդիմություն խաղալ. «Ընդդիմության էլեկտորատը հօգուտ իշխանության մեծացնելու նպատակով, ինչպես 2008թ. դա արեց Արթուր Բաղդասարյանը… Կարծում եմ՝ հենց դրա համար Սերժ Սարգսյանը վարձահատույց եղավ, հասկանալի է, որ ՕԵԿ-ը չէր կարող 5% հավաքել: Բայց կարծում եմ՝ Ծառուկյանն այդ գործիչը չէր: Ի տարբերություն Բաղդասարյանի՝ նրա ախորժակն ավելի մեծ է: Իսկ եթե սա Քոչարյանի խաղն է, ապա Տեր-Պետրոսյանի համար դժվար օրեր կլինեն… Գուցե ընտրություններում նա ստիպված լինի սատարել նախագահ Սարգսյանին»:
Այս վերլուծաբանի գնահատմամբ՝ ի տարբերություն գործող նախագահի, ում մի շարք պատճառներով ՌԴ նախագահ Պուտինը շատ չի վստահում, Քոչարյանը Պուտինի հետ շատ մտերիմ է, իսկ նախագահ Սարգսյանին Ռուսաստանում մինչեւ վերջ չեն վստահում իր արեւմտամետ լինելու պատճառով: «ՀՀ նախագահը եղել ու մնում է արեւմտամետ. ստացվում է հետաքրքիր իրավիճակ. արեւմտամետները շանսեր չունեն: Լ. Տեր-Պետրոսյանը լուրջ դեմք է, բայց այլեւս որոշիչ դերակատար չէ նախագահական ընտրություններում: Իսկ Ռ. Քոչարյանը Վ. Պուտինի ընկերն է, սա էլ մի տեսակ պիտակի նման բան է»:
Ստացվում է՝ կրկին ականատես ենք լինելու ՀՀ 3 նախագահների մրցապայքարին:
Անի Մարության
Ի գիտություն Արեւմուտքի ու արեւմտամետների
Ոչ թե անհանդուրժողականություն
Այլ ագրեսիվ ու վատ պահվածքի պատասխան
«Լուսանցք»-ը միշտ ուշադրության կենտրոնում է պահում սեռական փոքրամասնությունների թեման այն պարզ պատճառով, որ վերջիններս բավականին ագրեսիվ կեցվածք են դրսեւորում՝ ստիպելով հանրության մյուս՝ բնական, նորմալ կողմնորոշում ունեցողներին խոնարհվել իրենց: Ու մի առիթով ասել էինք, որ քանի դեռ այս խնդրին հստակ օրենսդրական, իրավական ու բարոյական լուծումներ չեն տրվել, այս մյուս՝ նորմալ կողմնորոշում ունեցողները գնալու են որոշակի քայլերի:
Հիշենք վերջերս DIY ակումբի պայթեցումը: Օրերս էլ՝ մայիսի 29-ի գիշերը, Երեւանի «Կոմայգու» տրանսվիստիտների ուղղությամբ կրակոցներ են արձակվել:
Մայիսի 29-ին, ժամը 01.45-ին, ոստիկանության Երեւան քաղաքի վարչության հերթապահ մասից ոստիկանության Կենտրոնականի բաժնում հաղորդում է ստացվել այն մասին, որ իրենց է զանգահարել 21-ամյա Գեւորգ Թ.-ն եւ հայտնել, որ անհայտ անձինք «Տոյոտա պրադո» ավտոմեքենայի սրահից օդամղիչ ատճանակով կրակել են իր եւ 43-ամյա Տիգրան Ք.-ի ուղղությամբ, ինչի հետեւանքով ինքը ոտքի մասում ստացել է վնասվածք: Ձեռնարկված օպերատիվ-հետախուզական միջոցառումների շնորհիվ Բուզանդի փողոցի թիվ 35 հասցեի մոտ հայտնաբերվել է «Տոյոտա պրադո» մակնիշի ավտոմեքենան, որի վարորդը՝ 22-ամյա Գոռ Տ.-ն եւ ուղեւորը՝ 21-ամյա Գրիգոր Ե.-ն, բերման են ենթարկվել բաժին, որտեղ Գոռ Տ.-ն ներկայացնելով «Բայկալ ՄՊ-654Կ» տիպի օդամղիչ ատրճանակը՝ հայտնել է, որ Երեւանի քաղաքապետարանի մոտ գտնվող այգում Գեւորգ Թ.-ի եւ Տիգրան Ք.-ի ուղղությամբ կրակել է ինքը:
Այս միջադեպը ուղղակիորեն հաստատում է իմ ասածը: Ու ինչքան էլ մամուլի որոշակի միջոցներ գրեն, թե սեռական փոքրամասնությունների նկատմամբ անհանդուրժողականություն է դրսեւորվում, մենք ստիպած ենք սրբագրել. այդ «անհանդուրժողականություն» ասվածը միասեռականների՝ նորմալ մարդկանց հանդեպ տարիներ շարունակ վատ վարքագծի ուղղակի պատասխան-հետեւանքն է: Որ կարող էր չլինել, եթե ժամանակին, արդեն ասացինք, հստակ իրավական ու բարոյական լուծում տրվեր:
«Լուսանցք»
Փաստաբանները դատավորներից զզված են
Փաստաբանների պալատի 5 անդամներից կազմված հանձնախումբն առաջիկայում հանրությանը կներկայացնի դատական համակարգում առկա խնդիրները եւ դրանց լուծման ուղղությամբ փաստաբանների կողմից իրականացվելիք գործողությունները:
Այս մասին հայտնել է փաստաբան Լուսինե Սահակյանը, ով հանձնախմբի անդամ է:
Հանձնախմբում են ընդգրկված նաեւ փաստաբաններ Արա Զոհրաբյանը, Գեւորգ Գյոզալյանը, Հայկ Ալումյանը եւ Կարեն Մեժլումյանը:
Հանձնախումբ ձեւավորելու որոշումը Փաստաբանների պալատը կայացրել է մայիսի 25-ին տեղի ունեցած նիստի ընթացքում, երբ փաստաբանները ներկայացրել են իրենց կողմից վարած գործեր, որտեղ դատարանները թույլ են տվել ակնհայտ խախտումներ:
Համացանցում՝ անվտանգ եւ իրավապահ «ընկեր»-ներ
Հայկական զլմ-ներն անդրադարձել են մի հանգամանքի, որը մտահոգում է համացանցից օգտվողներին: Շատերին է հայտնի, որ ազգային անվտանգության համակարգը վաղուց է հսկում համացանցի շատ էջեր, այդ թվում՝ շատ օգտագործվող «Ֆեյսբուք»-ը եւ «Օդնոկլասնիկ»-ը:
Հիմա էլ ոստիկանությունն է ձեռնամուխ եղել այդօրինակ մի գործի: Պարզվում է նաւե, որ վերջին շրջանում «Ֆեյսբուք» սոցիալական ցանցում ավելացել է ոստիկան օգտատերերի թիվը, եւ սա պատահական չէ, դա արվում է այդ տիրույթը վերահսկելու նպատակով:
Հայտնի է, որ նաե ւիշխանության ծրագրերի դեմ ընդվզումները կազմակերպվում են հենց այս սոցիալական ցանցում, ինչը մեզանում կատարվում է այլ երկրների օրինակով: Այստեղ մարդիկ ավելի ազատ են գրում, շփվում, անգամ քննադատում առավել բաց, ինչը մղել է ոստիկանությանը վերահսկել սոցցանցը: Սա, ոմանց կարծիքով, թույլ կտա կանխել շատ անօրինական մտահղացումներ, ինչպես «Ֆեյսբուք»-ի էջերում հանդես գալով, այնպես էլ դրանց մասին նախապես իմանալով:
Այս խնդիրները կարծես քննարկվել են նաեւ օտարերկրյա մասնագետների հետ:
Սեփ լրատվություն
«Լուսանցք»
թիվ 20 (241), 2012թ.
Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում