azer online-ն ընդդեմ www.hayary.org-ի

Հրապարակվել է Հեղինակ` ՀԱՄ
 
Հայ Արիական Միաբանության www.hayary.org կայքը ենթարկվել է հակերային հերթական հարձակման եւ թվով 5-րդ անգամն է, որ թշնամական երկրներից կարողացել են խափանել կայքի աշխատանքները՝ չնայած ձեռնարկված պաշտպանական միջոցներին:

Այս անգամ խափանարարները Ադրբեջանից են գործել, եւ սա կարծես շարունակությունն էր կայքը վնասելու մինչ այս՝ թուրքական հարձակման: Հուլիսի 5-ի առավոտյան 14.00-15.00-ի սահմաններում ադրբեջանական հակերները  azer online ինտերնետ մատակարարին (պրովայդեր) պատկանող գծից, 2-3 ուղղություններով մեծածավալ գրոհ են սկսել ՀԱՄ կայքի վրա եւ դրա համար գործադրել են հակերային աշխարհում շատ հայտնի բազմաթիվ միջոցներ: Կեսօրին մոտ հարձակումը շարունակող ինքնաշխատ (ավտոմատ) գործողությունները վայրկյանում հասել են անգամ 10-15 հարվածի, եւ www.hayary.org-ի սերվերի գործունեությունը վտանգվել է, որը սերվերի սեփականատիրոջը ստիպել է ընդհանուր վնասներից խուսափելու համար անջատել ՀԱՄ կայքը՝ միաժամանակ www.hayary.org-ի կայքավարին հնարավորություն տալով վերացնել կայքին հասցված վնասները:

ՀԱՄ պաշտոնական եռալեզու կայք այցելում են աշխարհի շուրջ 150 երկրներից, եւ այցելուների առաջին եռյակը միշտ կազմում են Հայաստանը, ԱՄՆ-ն ու Ռուսաստանը: Սակայն ադրբեջանական հակերները (որոնց գործի բարձր մակարդակը հավաստում է, որ կայքը ջարդելու պատվերն ակնհայտ է) այնքան լայնածավալ են հարձակվել, որ մինչեւ կայքը սերվերից անջատելը ավելի քա 10 հազար հարված է ուղղվել մի շարք ուղղություններով, եւ Ադրբեջանը այցելուների շարքում 1-ին տեղում է հայտնվել՝ 8 անգամ գերազանցելով Հայաստանի ցուցանիշը:

Ինչեւէ, www.hayary.org-ի մասնագետները 2-3 օրում կարգավորել են կայքի գործունեությունը, բայց շարունակում են հզորացնել պաշտպանական միջոցառումները:

Մենք հասկանում ենք՝ թշնամին արթուն է, իսկ համացանցային այսօրինակ պայքարը պատերազմի մեկ այլ տեսակ է: Մենք էլ թշնամուն պատասխանում ենք՝ իսկ պատերազմում ինչպես պատերազմում, որտեղից հայ արիները վերջնահաշվարկում միշտ են հաղթող դուրս գալիս, ինչը դրսեւորվում է հատկապես թուրքական ու ադրբեջանական հակերային կատաղությամբ…

ՀԱՄ-ը շարունակելու է իր համահայկական ու համաարիական տեղեկատվական պայքարը, որի հաջողությունը մոտ ապագայի խնդիր է այլեւս:

 

ՀԱՄ լրատվական կենտրոն

09.06.2012թ.
 

Այս գրառումը հրապարակվել է Հ.Ա.Մ., Հայտարարություններ խորագրում։ Էջանշեք մշտական հղումը։