Հայկական խոհանոց – Պաքսիմատով դդում

(Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028)

(ռեստորանն ընդունում է կոլեկտիվ հայտեր)

- Պաքսիմատով դդում

 

Բաղադրությունը

Բնական մեղր – 2 ճաշի գդալ

մաքրած դդում – 1 կգ

ձու – 4 հատ

պաքսիմատ – 100 գ

բուսայուղ – 150 գ

կաթ – 0.5 լ

օսլա – 10 գ

աղ – 0.5 թեյի գդալ

շաքարավազ – 2 թեյի գդալ

կոնյակ – 2 ճաշի գդալ

Պատրաստման եղանակը

Դդումը կեղեւից հեռացնել, վերածել կտորների, եփել թեթեւ աղաջրի մեջ: Հետո ջրքամել եւ դդումները լցնել սառցաջրի մեջ: Դրանից հետո դդումների վրա լցնել թուլացրած մեղրը:

Այնուհետեւ դդմի կտորները լցնել ձվի լեզոնի, ապա թաթախել պաքսիմատի մեջ: Վերջում բուսայուղով տապակել:

Առանձին պատրաստել թանձրուկ: Կաթը, օսլան, աղը, շաքարավազը խառնել, դնել կրակին, հասցնել եռման աստիճանի, ապա ավելացնել կոնյակ:

Տապակած դդմի կտորները մատուցել թանձրուկի հետ:

Բարի ախորժակ:

* * *

Հայ Արիական Միաբանության պաշտոնական կայքը տրամադրում է գովազդային վահանակի տեղ:

Ցանկացողները կարող են զանգահարել հետեւյալ հեռախոսահամարով՝ (0.10) 52-38-75, կամ գրել hayaryan@gmail.com էլ.հասցեով:

Ի դեպ, ՀԱՄ կայքը google-ի ռեյտինգային համակարգում ստացել է 6 բալ, որը բավականին բարձր ցուցանիշ է: Կայքը եռալեզու է եւ ունի այցելուներ շուրջ 200 երկրից: Այնպես որ, տեղադրե՛ք Ձեր գովազդը եւ մի՛շտ մնացեք Ձեր բարձունքին մե՛ր օգնությամբ:

www.hayary.org-ի համակարգող

* * *

Շաբաթվա մարզական կյանքից –
Հայ սամբիստները նվաճեցին 7 մեդալ

Բուլղարիայի մայրաքաղաք Սոֆիայում կայացած սամբոյի պատանիների, աղջիկների եւ երիտասարդների աշխարհի առաջնությունից Հայաստանի հավաքականները վերադարձան 7 մեդալով՝ 1 ոսկե, 4 արծաթե եւ 2 բրոնզե:

Մեր պատանեկան հավաքականը թիմային հաշվարկով գրավեց 3-րդ հորիզոնականը, 1-ին տեղում ռուսներն են, 2-րդում՝ վրացիները:

Պատանիների աշխարհի առաջնության հաղթող եւ ոսկե մեդալակիր դարձավ Գոռ Մայիլյանը (56կգ): Ջիվան Ղազարյանը (48կգ), Գրիգոր Մխիթարյանը (52կգ) եւ Հովհաննես Ալեքսանյանը (60կգ) արժանացան արծաթե մեդալների, իսկ Մինաս Մադոյանը (75կգ) նվաճեց բրոնզե մեդալ: Երիտասարդների աշխարհի առաջնության բրոնզե մեդալակիր դարձավ Լենդրուշ Զատիկյանը (48կգ), իսկ աղջիկների աշխարհի առաջնությունում Ռոզա Խաչատրյանը (52կգ) գրավեց 2-րդ տեղը՝ նվաճելով արծաթե մեդալ:
Շախմատի կանանց թիմը՝ 2-րդ տարին անընդմեջ մրցանակակիր

Իսրայելական Էյլաթ քաղաքում կայացած եվրոգավաթի խաղարկությունում Երեւանի «Միկա»-ն 14 հնարավորից վաստակեց 10 միավոր եւ շրջանցեց 2-րդ տեղում գտնվող ռուսական «Յուգրա»-ին, որը 1:3 հաշվով պարտվեց Եվրոպայի նորընծա գավաթակիր Մոնտե Կառլոյի «Սերկլ Էչես»-ին: Այդպիսով, մեր շախմատիստուհիները անցած տարվա բրոնզե պարգեւներին ավելացրին արծաթե մեդալներ: Հիշեցնենք, որ նախկինում «Միկա»-ն 1-ին տեղն էլ է գրավել եվրագավաթի խաղարկությունում, նաեւ բրոնզե մեդալներ նվաճել:

Վերջին փուլում ջախջախելով Ռուսաստանի «Չիգորինի Ակումբ»-ին՝ 3,5:0,5, մեր թիմը կարողացավ արձանագրել նման մեծ հաջողություն հետեւյալ՝ Էլինա Դանիելյան (Հայաստան), Հարիկա Դրոնավալի (Հնդկաստան), Լելա Ջավախաշվիլի (Վրաստան) եւ Լիլիթ Մկրտչյան (Հայաստան) կազմով:

Նշենք, որ Հայաստանի տղամարդկանց հավաքականի շախմատիստ Սերգեյ Մովսիսյանը ռուսական «Սանկտ Պետերբուրգ» թիմի կազմում դարձավ Եվրոպայի գավաթակիր:

Բարձր որակի խաղեր՝ ցածր արդյունքներով

2014թ. ֆուտբոլի աշխարհի առաջնության Եվրոպական գոտում 4 փուլից հետո ընտրական «B» խումբը վստահ գլխավորում է Իտալիայի հավաքականը՝ վաստակելով 10 միավոր: Բուլղարիան ունի 6 միավոր, Չեխիան՝ 5:

Հայաստանը 3 խաղից հետո վաստակել է 3 միավոր ու զբաղեցնում է 4-րդ տեղը, 1 միավոր քիչ ունի Դանիան, իսկ Մալթան առայժմ միավոր չի վաստակել:

Հայաստանի ազգային հավաքականը 2 արտագնա խաղ է անցկացրել, առաջինում՝ 1:0 հաշվով հաղթել է Մալթայի թիմին, իսկ երկրորդում՝ նույն հաշվով պարտվել Բուլղարիային: Երրորդ խաղը մեր ֆուտբոլի ընտրանին անցկացրեց Եվրոպայի առաջնության արծաթե մեդալակիր Իտալիայի հեղինակավոր հավաքականի հետ եւ հավասար պայքարում, ցավոք, պարտվեց 1:3 հաշվով, ինչը հաստատ խաղի տրամաբանական հաշիվը չէր: Խաղի տրամաբանական արդյունքը ոչ-ոքին կլիներ: Մեր թիմից միակ գոլի հեղինակ դարձավ Հենրիխ Մխիթարյանը:

Սա արդեն երկրորդ դեպքն է, երբ մեր հավաքականը հավասար խաղում (որոշ ցուցանիշներով նաեւ առավելություն ունենալով) պարտվում է: Սոֆիայում Բուլղարիայի հավաքականին եւս մեր տղաները կարող էին ոչ միայն չպարտվել, այլեւ հաղթել՝ ցուցաբերած խաղի որակը հաշվի առնելով:

Սա մտահոգիչ է, քանի որ թիմային ու անհատական խաղերի մակարդակը բարձրացնելով մեր հավաքականը դեռեւս չի կարողանում արդյունավետ գործել ու լիարժեք օգտագործել ստեղծած հնարավորությունները:

Հիշեցնենք, որ Եվրոպայի անցած առաջնությունում Հայաստանի հավաքականին 1 միավոր չբավականացրեց եզրափակիչ խաղերին մասնակցելու համար, չնայած գոլառատ հանդիպումներ ունենալու բազմաթիվ հնարավորություններ ունեցավ:

Իհարկե, խանգարիչ են լինում նաեւ մրցավարների կոպիտ սխալները, բայց թիմային համառությունը այս արգելքը եւս կհաղթահարի:

Արսեն Պետրոսյան

* * *

Հայ Արիական Միաբանության պաշտոնական կայքը տրամադրում է գովազդային վահանակի տեղ:

Ցանկացողները կարող են զանգահարել հետեւյալ հեռախոսահամարով՝ (0.10) 52-38-75, կամ գրել hayaryan@gmail.com էլ.հասցեով:

Ի դեպ, ՀԱՄ կայքը google-ի ռեյտինգային համակարգում ստացել է 6 բալ, որը բավականին բարձր ցուցանիշ է: Կայքը եռալեզու է եւ ունի այցելուներ շուրջ 150 երկրից: Այնպես որ, տեղադրե՛ք Ձեր գովազդը եւ մի՛շտ մնացեք Ձեր բարձունքին մե՛ր օգնությամբ:

www.hayary.org-ի համակարգող

* * *

«Լուսանցք»-ի բաժանորդագրության համար դիմել`

«Պրես Ստենդ»՝ 54-41-99 «Բլից մեդիա»՝ 52-53-01

«Հայփոստ»՝ 51-45-01 «Հայմամուլ»՝ 58-94-12

«Պրես Ատտաշե»՝ 27-02-22 «Լուսանցք»՝ 52-38-75

* * *

1 տարվա բաժանորդագրության գինը՝ 4800 դրամ

6 ամսվա բաժանորդագրության գինը՝ 2400 դրամ

3 ամսվա բաժանորդագրության գինը՝ 1200 դրամ

1 ամսվա բաժանորդագրության գինը՝ 400 դրամ

- «Լուսանցք»-ը աշխատանքի է հրավիրում շրջիկ լրագրավաճառի եւ գովազդային գործակալի՝ շահավետ պայմաններով: Դրանց ծանոթանալու համար այցելել խմբագրություն:

- «Լուսանցք»-ում կատարում են մեքենագրական եւ խմբագրական աշխատանքներ:

«Լուսանցք» թիվ 33 (254), 2012թ.

Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում

Այս գրառումը հրապարակվել է Հոդվածներ խորագրում։ Էջանշեք մշտական հղումը։