Մարտի 21-ին Հայոց (Արիական) Ամանորն է եւ Հայոց ռազմի ու զորության Աստված Վահագնի ծննդյան օրը

«Լուսանցք»-ը մշտապես համագործակցելով Ռուզաննա Նահապետյանի հետ՝ նպատակ ունի վերհանել հայկական ազգային խոհանոցի մոռացված էջերը, ցույց տալ մեր խոհանոցն իր բոլոր բաղադրատարրերով, ամբողջ հմայքով:
Իսկ հայ-արիական տոների օրերին մենք փորձում ենք ներկայացնել այն ուտեստները, որ սիրով պատրաստել են մեր նախնիք՝ ի փառս մեր հզոր Աստվածների եւ հզոր երկրի:
Ու քանի որ Հայոց Ամանորն է, առանց կեղծ համեստություն բանեցնելու, նվեր անենք ինքներս մեզ ու մեր գործընկերոջը:
Նվեր անենք գովեստով: Որովհետեւ մենք անում ենք գործ, որ համատեղ պիտի անեին պատմաբանները, ազգագրագետները, խոհարարները, բանասերները, հնագետները…, անգամ երկրի իշխանությունները:
Ուրեմն՝ շնորհավոր բոլոր նրա՜նց Ամանորը, ում համար մարտի 21-ը նոր տարեմուտ է ու Հայոց ռազմի եւ զորության Աստված Վահագնի ծնունդը:

- Հայկական խոհանոցը ներկայացնում է Ամանորյա տոնական ուտեստներ…

(Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028) – (ռեստորանն ընդունում է կոլեկտիվ հայտեր)

 

- Քաշիկա

Բաղադրությունը

Յուղոտ գառան միս – 1 կգ

ձավար – 1 կգ

ջուր – 6 լ

Պատրաստման եղանակը

Կաթսայում շերտ-շերտ դասավորել միսը ու նախապես տաք ջրով թրջած ձավարը: Հետո վրան լցնել ջուրը, կաթսան ամուր փակել եւ իջեցնել թոնիրը:

Եփել ամբողջ գիշեր՝ առանց խառնելու:

- Սամիր

Բաղադրությունը

Ցորեն – 1 կգ

ջուր – 1.5 լ

կաթ -1 լ

դոշաբ – 100 գ

ընկույզ – 150 գ

դարչին – ըստ ճաշակի

կաթի սեր – նույնպես ըստ ճաշակի

Պատրաստման եղանակը

Ցորենը թրջել, ավելացնել ջուրը, դնել կրակին եւ դանդաղ, առանց խառնելու եփել: Ավելացնել աղը եւ կաթը: Եփելուց հետո թողնել մի քանի ժամ հանգստանա:

Հետո լցնել կաղապարների մեջ, մատուցելիս ավելացնել դարչինը, դոշաբը, ընկույզը եւ կաթի սերը:

Կաթի սերով խավիծ

Բաղադրությունը

Կաթի սեր – 0.5 կգ

ալյուր – 100 գ

յուղ – 50 գ

աղ կամ մեղր՝ ըստ ճաշակի

Պատրաստման եղանակը

Ալյուրը բովել մարմանդ կրակին՝ մինչեւ ոսկեգույն դառնալը:

Հետո ավելացնել յուղը:

Հենց դառնա միասեռ զանգված, ավելացնել կաթի սերը:

Դանդաղ եփել այնքան, մինչեւ յուղը երեսը դուրս գա:

Մատուցելիս համեմել աղով կամ մեղրով՝ ըստ նախասիրության:

- Կլոր գաթա

Բաղադրությունը

Յուղ – 1 բաժակ

մածուն – 1 բաժակ

թթխմոր – 1 թեյի գդալ

ալյուր – 2-3 բաժակ

աղ

խորիզի համար՝

յուղ – 0.5 բաժակ

ծեծած շաքար – 1 բաժակ

դարչին

Պատրաստման եղանակը

Թասի մեջ լցնել հալած յուղը, ավելացնել մածունը, աղը, թթխմորը: Խառնել այս ամենը, լցնել ալյուրը եւ հունցել այնքան, մինչեւ դառնա փափուկ խմոր:

Սա վերածել 2 գնդի:

Գրտնակով բացել:

Վրան քսել խորիզը, խմորը հավաքել, նորից բացել կլորավուն տեսքով:

Այնուհետեւ եզրերը մատներով նախշել աստղիկների ձեւով, հետո վրան քսել ձվի դեղնուց:

Պատառաքաղով կրկին նախշեր անել ու դնել ջեռոցը՝ մինչեւ կարմրելը:

Եփել 20 րոպե՝ 2000-ի տակ:

* * *

Հայ Արիական Միաբանության պաշտոնական կայքը տրամադրում է գովազդային վահանակի տեղ:

Ցանկացողները կարող են զանգահարել հետեւյալ հեռախոսահամարով՝ (0.10) 52-38-75, կամ գրել hayaryan@gmail.com էլ.հասցեով:

Ի դեպ, ՀԱՄ կայքը google-ի ռեյտինգային համակարգում ստացել է 6 բալ, որը բավականին բարձր ցուցանիշ է: Կայքը եռալեզու է եւ ունի այցելուներ շուրջ 150 երկրից: Այնպես որ, տեղադրե՛ք Ձեր գովազդը եւ մի՛շտ մնացեք Ձեր բարձունքին մե՛ր օգնությամբ:

www.hayary.org-ի համակարգող

* * *

«Լուսանցք»-ի բաժանորդագրության համար դիմել`

«Պրես Ստենդ»՝ 54-41-99 «Բլից մեդիա»՝ 52-53-01

«Հայփոստ»՝ 51-45-01 «Հայմամուլ»՝ 58-94-12

«Պրես Ատտաշե»՝ 27-02-22 «Լուսանցք»՝ 52-38-75

* * *

1 տարվա բաժանորդագրության գինը՝ 4800 դրամ

6 ամսվա բաժանորդագրության գինը՝ 2400 դրամ

3 ամսվա բաժանորդագրության գինը՝ 1200 դրամ

1 ամսվա բաժանորդագրության գինը՝ 400 դրամ

- «Լուսանցք»-ը աշխատանքի է հրավիրում շրջիկ լրագրավաճառի եւ գովազդային գործակալի՝ շահավետ պայմաններով: Դրանց ծանոթանալու համար այցելել խմբագրություն:

- «Լուսանցք»-ում կատարում են մեքենագրական եւ խմբագրական աշխատանքներ:

«Լուսանցք» թիվ 9 (272), 2013թ.

Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում

Այս գրառումը հրապարակվել է Հոդվածներ խորագրում։ Էջանշեք մշտական հղումը։