Երեւանի հրապարակում կտեղադրվի՞ ազգերի տոհմածառը – Արիական Տաճարի կառուցումը կարո՜ղ է առավել նպաստավոր դարձնել այս գաղափարը…

Հանրապետության Հրապարակում կտեղադրվի՞ ազգերի տոհմածառը

Արիական Տաճարի կառուցումը կարո՜ղ է առավել նպաստավոր դարձնել այս գաղափարը…

«ՓիԱր»-ի («Armenian Center of PR Development») Զարգացման Հայկական կենտրոնը հանդես է եկել նոր նախագիծ-առաջարկով: Առաջարկվում է Հանրապետության Հրապարակում տեղադրել ազգերի տոհմածառը, որի համաձայն աշխարհի բոլոր ազգերը սերում են Հայաստանից եւ հայերից: Դեռեւս 2004թ. հայտարարվել էր մրցույթ, որի նպատակն էր լուծումներ գտնել Լենինի արձանի տեղում առաջացած բաց տարածության համար: Մրցույթի արդյունքում, սակայն, որեւէ նախագիծ չհաղթեց:

Նշվում է, որ ազգերի տոհմածառ ներկայացնող այս նկարը մեզ է հասել 1634թ. Լոնդոնում տպագրված ավետարանից: Այս բացառիկ տոհմածառում Հայաստանը ներկայացված է որպես մարդկության բնօրրան: Ծառի հիմքում տապանն է, որը կանգնած է Մեծ Մասիսի գագաթին, վերջինիս վրա կա գրություն «Armenia» եւ «Ararat»: Համոզմունք է հայտնվում, թե մոտ 12 մ բարձրությամբ ծառն իր տեսքով լիովին համապատասխանում է թամանյանական ոճին եւ ներդաշնակորեն լրացնում է այն:

Բացի ծառի խորհրդանշական նշանակությունը, այն նաեւ ունի զբոսաշրջային, գիտական, կրթական եւ մշակութային արժեք: Ծառի հիմքում տեղակայված տապանը ունենալու է պատուհան-անցքեր, որոնցից ներս բոլոր ցանկացողները կարող են խորհրդանշական մետաղադրամներ գցել: Դա յուրօրինակ «Ազգերի օգնության ֆոնդ» կլինի, որում կուտակված գումարը ամեն տարի կհատկացվի որեւէ այլ ազգի՝ օգնություն ցուցաբերելու համար: Ծառի մոտ լինելու են հատուկ մետաղյա ցուցանակներ, որոնց վրա աշխարհի բոլոր հիմնական լեզուներով գրվելու է հակիրճ տեղեկատվություն ծառի ու նրա նշանակության մասին: «Նախագծի իրականացումը կապված չէ չափազանց մեծ ծախսերի հետ եւ այն կարող է իրականություն դառնալ ինչպես պետական միջոցներով, այնպես էլ հետաքրքրված անհատների կամ կազմակերպությունների ֆինանսավորմամբ»,- կարծում են կենտրոնի պատասխանատուները:

Նշենք, որ առաջարկը հետաքրքրական է, քանզի դրա իրագործումն իրապես կարող է ունենալ ինչպես նշված գիտա-կրթական ու մշակութային նշանակություն, այնպես էլ քաղաքական եւ գաղափարական-հավատքային ազդեցություն:

Այն կարող է անգամ ռազմավարական նշանակություն ունենալ, եթե տեղադրվելուց հետո ճիշտ մեկնաբանությունների արժանանա: Տոհմածառը չի կարող բավարարվել 1700-ամյա կրոնական պատմություններով եւ պետք է առնչվի ազգի ծագման եւ արարման ակունքներին:

Իսկ այն, ինչ  ասված է այդ ակունք-արմատներում, արդեն վերարտադրված են հայ արիների կողմից.-

«ԱրԱրիչը ԱրԱրեց ԱրԱրածին ԱրԱրատում եւ այդ Արիածին ԱրԱրածը Արի Մարդն էր՝ Արիացին՝ Արի Մանը՝ Արմանը կամ Արմենը:

ԱրԱրատը Արիական Ցեղի Նախահայրենիքն է, եւ քանի որ Արիացին Երկնի ու Երկրի Ոգեղեն Ծնունդ է՝ Հայ(ա) կամ Հայ(ր) Աստծո Պտուղը, ապա ԱրԱրատում ԱրԱրված ԱրԱրածը Բնույթով ու Էությամբ Հայ-Արիացի է…

Նրանք, ովքեր պատմության անդաստաններում հեռացան Նախահայրենիքից, կրեցին Արի կամ Արիա-Արիացի կոչվելու իրավունքը, իսկ նրանք, ովքեր մնացին Նախահայրենիքում՝ ԱրԱրչական Աստվածային Տարածքում, կոչվեցին՝ Հայ-Հայեր՝ Հայ(ա) Աստծո անունով…

Եվ Բնօրրանն էլ նրանց կոչվեց Հայրերի-Հայերի Երկիր՝ Հայրենիք-Հայ(ր)աստան… Եվ Հայ(ր)երն են մարդկության Հայրերը՝ Նախնիները…

Հայերն են, որ ունեն ԱրԱրիչ Տի-Եզերքի՝ Տիրոջ Եզերքի(ց) Ծագում ու ըստ այդմ՝ ԱրԱրչական Առաքելություն…

…Վաղ շրջանի մեկնություններում հաճախ է Արմենիան (Արմենների Երկիրը) փոխարինվում Հայքով, իսկ Արարատ-Արատտա-Արմենիա-Հայաստան նույնությունն անկասկած է…

Հայկական լեռնաշխարհում է հիշատակվում Եդեմ-Դրախտը (որից ելնող չորս գետերից երկուսը Տիգրիսն ու Եփրատն էին): Այնտեղ արարվեցին մարդկության առաջնեկները, ինչից էլ ակնհայտ է, որ հին ազգերի աշխարհածնության պատկերացումներում Հայաստանն ընկալվել է իբրեւ Սրբազան Վայր, Սրբազան Օրենքների Երկիր, որտեղ արարվել է մարդկությունը, վերածնունդ ապրել (փրկվել աշխարհակործան ջրհեղեղից), որտեղ կնքվել է Աստծո ու Մարդկության Հավիտենական Ուխտը, որտեղ ստեղծվել են Արարչադիր Օրենքները՝ Տիեզերակարգը:…

Հայկական լեռնաշխարհը կրում է անմահության խորհուրդը (կենաց ծառ եւ անմահության ծաղիկ)՝ փակվելով անարժան մարդկության առաջ (ճառագող մարդակարիճները՝ Մաշու լեռներում, քերովբեները եւ ամեն կողմ դարձող բոցեղեն սուրը՝ դրախտի դիմաց, կենաց ծառի ճամփին): Ավելորդ չենք համարում նշել, որ Արատտա-Արարատ-Հայաստանը նույն կերպ է ներկայանում ինչպես շումերական (միջագետքյան), այնպես էլ աստվածաշնչյան (բիբլիական) եւ ամենատարբեր հնագույն ազգերի վաղ պատկերացումներու­մ»:

Եվ այս ամենը հաշվի առնելով՝ կարեւոր ենք համարում վերոնշյալ կենտրոնի առաջարկը ազգերի տոհմածառի տեղադրման առումով: Հետաքրքրական է նաեւ «Ազգերի օգնության ֆոնդ»-ի գաղափարը:

Հիշեցնենք, որ Երեւանը համամարդկային նշանակության կենտրոն դարձնելու համար հայ արիները տարիներ առաջ մայրաքաղաքում Արիական տաճար կառուցելու գաղափարը տվեցին, որը եւս պետք է հիմնավորեր «Հայաստանի, որպես մարդկության բնօրրան» գաղափարն ու դրանից բխող միջազգային նշանակությունը: ՀԱՄ հայտարարությունում մասնավորապես ասված էր. «Վերականգնենք Հայոց հավատը, Արարչական Տիեզերակարգը, ապահովենք Հայ Աստվածների վերադարձը ու ապացուցենք աշխարհին, որ Հայը Աստվածամարդ է եւ վերադառնում է իր Արմատներին: Արիական Մայր Տաճարի կառուցումը Երեւանում կդառնա այս ամենի հավաստումը: Թող ամեն հայ իր մասնակցությունը բերի այս սուրբ գործին՝ նյութական, մտավոր, թե հոգեւոր առումով»:

Արիական Տաճարի կառուցման գաղափարը չի կարող վտանգավոր դիտվել անցյալի քաղաքական համապատկերում, քանզի հայ արիականությունը (ինչպեսեւ՝ նժդեհյան ցեղակրոնությունը) որեւէ կապ չունեն իտալական ֆաշիզմի ու գերմանական նացիզմի հետ, ինչը վաղուց ապացուցված է:

Քանզի՝ «Հայ Արիները երբեք չեն առաջնորդվում ընդդեմ մտածողությամբ:

– Չեն գործում ընդդեմ որեւէ ազգի կամ մարդատեսակի, պետության կամ հանրության, գաղափարի կամ տեսության, կրոնի կամ հավատքի, մշակույթի կամ լեզվաքաղաքականության, կենսակերպի կամ…

Հայ Արիները միշտ առաջնորդվում են հանուն Հայի ու Հայաստանի:

– Գործում են հանուն հայ տեսակի բնական հատկանիշների եւ կարողությունների վերականգնման, հանուն հայկական արժեքային համակարգի վերահաստատման, հանուն ազգի ու հայրենիքի միասնության եւ հարատեւման…

Մեր հանուն-բնատուր նպատակներին ընդդեմ գործողներն անգամ մեզ չեն կարող շեղել մեր արարող կենսակերպից՝ դեպի ավերող եւ ընդդեմ գործելակերպ­ի»…

Իբրեւ Արարող ցեղ, մենք բնարմատն ենք Արիական մեծ ցեղի եւ ունենք պատկառելի ավանդ համաշխարհային քաղաքակրթության մեջ: Արարչից մեզ տրված Բնատարածքը՝ Հայկական բարձրավանդակն է, որը մեր հավիտենական Հայրենիքն է՝ Բնօրրանը Արիական ցեղի: Հայկական լեռնաշխարհը Արարչի եւ Աստվածների, Մարդ-Աստվածների ու Մարդկության Հավիտենական Ուխտի եւ Փրկության Բնատարածք է, ուստի մենք պարտավոր ենք ամեն կերպ ցուցանել եւ վասն ազգի ու հայրենիքի շահերի օգտագործել այս իրողությունը եւ դրանից բխող դրական հետեւանքները:

ՀԱՄ Հոգեւոր հանձնախմբի քրմեր Արամ եւ Արեգ

 «Լուսանցք» թիվ 14 (277), 2013թ.

Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում

 

 

Այս գրառումը հրապարակվել է Հոդվածներ խորագրում։ Էջանշեք մշտական հղումը։