Վերհիշումներ

Վերհիշումներ

Հիշողությանս մեջ,
Ուղեղիս մի անկյունում
ողջ տիեզերքի կյանքի պատմությունը
տեսագրված ու ձայնագրված է
սկզբից մինչև այսօր:

Մարմնիս ամեն մի մասում,
յուրաքանչյուր բջջի խորքում
ննջում են նախնիներիս կարոտները:
Հորս սերը
արյունատար իմ երակներով
բերում է ապուպապիս
կյանքի փորձը՝
թոռներիս համար:

Սիրով, արյունով
ու լույսով են գերված
իմ տոհմի պատմության էջերը,
ներշնչող լիցքերը դրված են
ուղեղիս ու սրտիս թրթիռների տակ,
երգերս ծիլ են տալիս
իմ նախնիների հիշողության խորքերից:

Արևշատ Ավագյան


Այս գրառումը հրապարակվել է Արվեստ, Հ.Ա.Մ. խորագրում։ Էջանշեք մշտական հղումը։