http://hayeli.am/article/381578/ – Նոր մանրամասներ՝ համասեռամոլ պաշտոնյաների ցուցակի մասին. Իսագուլյանը բացում է փակագծերը…

Հարցազրույց ,,Ազգային անվտանգություն,, կուսակցության նախագահ, ՀՀ նախագահ Ռոբերտ Քոչարյանի նախկին խորհրդական Գառնիկ Իսագուլյանի հետ:

- Պարո՛ն Իսագուլյան, Հայ Արիական Միաբանության ղեկավար Արմեն  Ավետիսյանը հայտարարել է, որ տարիներ առաջ Ռոբերտ Քոչարյանին, Սերժ Սարգսյանին ու լուսահոգի վարչապետ Անդրանիկ Մարգարյանին է փոխանցել մի ցուցակ, որտեղ ներառված են եղել բարձրաստիճան պաշտոններ զբաղեցնող համասեռամոլների անունները /ըստ այդմ՝ համասեռամոլներ կային ինչպես նախագահական ապարատում, այնպես էլ կառավարության վերնախավում եւ պետական այլ կարեւոր օղակներում-խմբ./: Այն տարիներին Դուք Ռոբերտ Քոչարյանի՝ ազգային անվտանգության հարցերով խորհրդականն էիք, եւ եթե նման ցուցակ իսկապես եղել է, Դուք պետք է որ դրա մասին տեղյակ լինեիք: Նման ցուցակ Ռոբերտ Քոչարյանին փոխանցվե՞լ է:

Այո՛, Հայ Արիական Միաբանության ղեկավար Արմեն Ավետիսյանը պաշտոնապես ինձ հանձնել է նամակ, որի բովանդակության մեջ նման ցուցակներ ներառված են եղել: Այդ նամակները հասցեագրված էին 2 հոգու՝ նախագահ Ռոբերտ Քոչարյանին ու այն ժամանակվա պաշտպանության նախարար Սերժ Սարգսյանին:

Արմեն Ավետիսյանի կողմից նշվել էր, որ ցուցակները Անդրանիկ Մարգարյանին եւս փոխանցվել է:

Անդրանիկ Մարգարյանին, որքանով տեղյակ եմ, Արմեն Ավետիսյանը նամակներն առձեռն է փոխանցել: Ինձ պաշտոնապես տրվել է նախագահ Ռոբերտ Քոչարյանին ու այն ժամանակվա պաշտպանության նախարար Սերժ Սարգսյանին հասցեագրված նամակներ: Ես այս պարագայում ընդամենը փոխանցողի դերում պիտի հանդես գայի:

Իսկ ի՞նչ ճակատագիր ունեցան այդ նամակները:

Իմ կողմից հարցի մասին զեկուցվել է, նամակներից մեկը փոխանցվել է հասցեատիրոջը, մյուսը՝ ոչ, քանի որ զեկուցելուց հետո համապատասխան օղակները նպատակահարմար չեն գտել փոխանցել նամակը հասցեատիրոջը: Նամակների հետ կապված՝ այլ հարցի չեմ պատասխանելու:

Բայց հարցն արդեն ծնվել է՝ հնարավոր չէ չտալ՝ հասցեատերերից ո՞վ չի ստացել նամակը՝ Ռոբերտ Քոչարյա՞նը, թե՞ Սերժ Սարգսյանը:

Չեմ կարող ասել:

Դատելով այն բանից, որ ինքը՝ Արմեն Ավետիսյանը, ժամանակին համոզված ասում էր, թե Ռոբերտ Քոչարյանը համասեռամոլ պաշտոնյաների ցուցակը ստացել է, բացի այդ՝ Դուք այն ժամանակ Ռոբերտ Քոչարյանի խորհրդականն էիք, մնում է ենթադրել, որ այն չի հասել Սերժ Սարգսյանին: Այդպե՞ս է:

Դա Ձեր ենթադրությունն է: Ես ընդամենը մի բան կարող եմ ասել, որ Արմեն Ավետիսյանը շատ կարեւոր եւ ազգային գործ էր անում:

Արմեն Ավետիսյանը ,,Ժողովուրդ,, թերթի հետ զրույցում նախօրեին ասել է նաեւ, այդ ցուցակի փոխանցումից հետո՝ Սերժ Սարգսյանի պաշտոնավարման ժամանակներում, համասեռամոլները չեն ծավալվել նախագահականումՆա ասել է նաեւ, որ ոչ ավանդական սեռական կողմնորոշման տեր անձինք միայն ՀՀ կառավարության ղեկավար կազմում են մնացել հնուցԴուք այսօր կառավարության կազմում այն ժամանակվա ցուցակում եղած անուններից ինչ-որ անձանց տեսնո՞ւմ եք:

Այո՛, կա նման ցուցակ, կան նման մարդիկ, բայց ես իրավասու չեմ այդ մասին խոսել. դրանով պետք է զբաղվի ԱԱԾ-ն:

Հասկանո՞ւմ եք, հենց այնպես չի կարելի որեւէ մեկի անունը հրապարակել: Արմեն Ավետիսյանը շատ ճիշտ է ասում, որ ժամանակին, այդ հարցի հետ կապված, խորհրդակցություններ եղան, ու որոշվեց, որ դա իսկապես մարդու անձնական կյանքին է վերաբերում, եւ սխալ է այն հրապարակել: Այդ կարգի հարցերը պետք է լուծվեն այլ մեխանիզմով՝ շատ բարձր մակարդակներում: Ժամանակին, երբ որեւէ մեկը բարձր պաշտոնի էր նշանակվում, նրա վերաբերյալ բոլոր, այդ թվում այդ կարգի անձնական տվյալները ճշտվում էին: Կարծում եմ, որ այդ մեխանիզմը գործում է նաեւ այսօր, եւ դա ԱԱԾ խնդիրն է:

Այսինքն՝ մարդուն բարձր պաշտոնի նշանակելուց առաջ ճշտվո՞ւմ են նրա սեռական կողմնորոշումը, սիրային կապերը, կրոնական հայացքները… Այո՞:

Ես ինքս եղել եմ բարձր պաշտոնյա, դա շատ նորմալ բան է. չէ՞ որ այդ մարդը ձեռք է բերում հանրության, համակարգի ու իրեն վստահված ոլորտի վրա ազդեցություն ունենալու շատ մեծ լծակներ:

Եթե նման համակարգ կա, ապա այդ ցուցակի մասին տեղեկանալուց հետո գոնե փորձ չի՞ արվել ճշտել, փաստարկել, թե որքանով է դա համապատասխանում իրականությանը:

Ժամանակին Ձեր խոնարհ ծառան՝ ես ինքս, առիթ եմ ունեցել զեկուցելու. իսկ եթե ես զեկուցում եմ, ուրեմն նշանակում է փաստեր կան, այսինքն՝ էնտեղ ապացուցելու որեւէ բան չկար կոնկրետ պաշտոնյաների մասին: Բայց, ցավոք սրտի, քանի որ այդ կարգի հիվանդ մարդիկ իրար միշտ պաշտպանում են, եւ քանի որ մեզ համար Եվրոպական խորհրդի, Եվրոպական միության եւ մարդու իրավունքների հարցերը այդ փուլում շատ ակտուալ էին, նրանք այդ ժամանակ պլստացին…

Եվ ի՞նչ, մինչեւ հիմա էլ պլստալով ապրում ու պաշտոնավարո՞ւմ են:

Եթե մարդը կարողանում է մի անգամ պլստալ, հետո միշտ էլ ամբողջ կյանքում պլստում է:

Պարո՛ն Իսագուլյան, Դուք համասեռամոլությունը ազգային անվտանգության խնդիր համարո՞ւմ եք:

Միանշանա՛կ դա ազգային անվտանգությանն ուղղված լուրջ խնդիր է. հատկապես մեր կարգի փոքր երկրի համար դա կարող է ուղղակի կործանարար լինել:

Կա տեսակետ, որ դա մարդու իրավունք է, օրինակ՝ եթե այսօր կա որեւէ բարձրաստիճան համասեռամոլ պաշտոնյա, իսկ Դուք ասում եք, որ նման բան կա, նա հասարակությանը ինչո՞վ է վնաս տալիս: Եթե պաշտոնյան օրենք չի խախտում, իր տեղում լավ մասնագետ է, ինձ ի՞նչ, թե նա ինչպիսի սեռական կողմնորոշում ունի:

Եթե ուզում եք հասկանալ՝ որեւէ խնդիր կամ երեւույթ որքանով է ազգային անվտանգության սպառնալիք, փորձեք այդ երեւույթը տարածել ամբողջ հանրության վրա եւ անմիջապես կհասկանաք՝ դա ազգային անվտանգության սպառնալի՞ք է, թե՞ ոչ: Հիմա պատկերացրեք, որ ամբողջ հասարակությունը, Աստված մի արասցե, համասեռամոլ է, փորձեք պատկերացնել դրա հետեւանքը եւ մոտավոր հաշվարկ անել, թե քանի տարի է պետք, որ Հայաստանը վերանա: Հետեւաբար առավել եւս բարձրաստիճան պաշտոնյան իրավունք չունի համասեռամոլ լինելու, որովհետեւ դա կնշանակի որ ինքը, որ կոչված է նպաստելու պետության եւ ազգի հզորացմանը, իր գոյությամբ ազգային անվտանգության խնդիր է հարուցում:

Հարցազրույցը՝ Կարինե Սարիբեկյանի

http://hayeli.am/article/381578/

Այս գրառումը հրապարակվել է Հ.Ա.Մ., Հայտարարություններ, Հոդվածներ խորագրում։ Էջանշեք մշտական հղումը։