Ահազանգ. – Համարակալեցին հայությանը («Անհատական համարանիշ»-«Սոցիալական քար­տ»), այժմ փորձում են չիպավորել («Բիոքարտ»-Կենսաչափական փաստաթղթեր եւ «Չիպի» տեղադրում մարմնի մեջ)՝ զուգահեռ «գենդերա»-սեռամոլագարական օրենքներ պարտադրելով…

Ասողին լսող է պետք, նաեւ՝ խոսքից գործի անցնող…

Տարիներ առաջ լուրջ պայքար մղվեց ՀՀ-ում մարդկանց համարակալումը կանխելու համար: Ընդդեմ համարակալման հավաքվել էր գրեթե 150 հազար ստորագրություն: Դա ստիպեց միջազգային գաղտնի ուժերին փոխել մարտավարությունը, եւ նախատեսված՝ «Մարդու անհատական համարանիշ»-ը փոխարինել «Սոցիալական քար­տ»-ով (ինչը միայն անվան ձեւակերպման փոփոխություն էր): Եվ հանրապետական-դաշնակցական-օրինացերկրական պետական շրջանակները՝ դաշնակ եւ այսօր թունդ ընդդիմադիր Աղվան Վարդանյանի գլխավորությամբ՝ խաբելով մարդկանց՝ համարակալեցին ՀՀ բնակչությանը: Այն պնդումները, թե սոցքարտերը կվերացնեն թղթաբանությունը սոցիալական ոլորտում, կեղծ էր, ինչպես հայտարարում էին ընդդեմ համարակալման պայքարողները, եւ այժմ նույն թղթաբանությունը մնացել է ու նաեւ պահանջում են սոցքարտը… Այս քարտը կատարեց իր վնասարար գործը, ՀՀ բնակչությունը համարակալվեց եւ հիմա այն պիտի փոխարինել (հաջորդ քայլը) կենսաչափական քարտերով՝ բիոքարտերով: Նախկին պայքարող ուժերից Հայ Արիական Միաբանությունը (այլ ազգայնական ուժերի հետ), «Ընդդեմ մարդկանց համարակալման» միավորման «Ընդդեմ կենսաչափական փաստաթղթերի» միությունը եւ «Քրիստոնյաներն ընդդեմ մարդկանց համարակալմա­ն» միությունը այսօր մերթ ընդ մերթ պայքարում են նաեւ այն «նորարարության» դեմ, որի ներդրումից հետո կսկսվի մարդկանց չիպավորումը (մարմնի մեջ չիպի տեղադրումը), ինչի մասին ասվել է դեռ համարակալման դեմ պայքարի ընթացքում:

Այժմ այս ուժերը հայության մյուս առողջ ուժերի հետ պայքարում են նաեւ աղանդավորական ու անբարո տարբեր երեւույթների ու դրսեւորումների դեմ: Եվ անցած պայքարի ուղին ապացուցել է, որ միջազգային ու ներազգային դավադիր ուժերը առավելապես գործում են փուլային սկզբունքով, որպեսզի վտանգն անտեսանելի դարձնեն, պայքարը թուլացնեն եւ ի վերջո հասնեն իրենց նպատակներին: Դրա համար պետք է զգուշանալ, քանզի գենդերային կոչված օրենքի մեղմացումները ժամանակավոր են, եւ այսօրինակ օրենքի հաստատումը հետագայում նոր փուլ է բացելու եւ նոր օրենքներ է առաջ քաշելու՝ անբարոյականների համար օրենսդրական դաշտը բացելու համար:

Հայ արիները այս առումով, հատկապես գենդերային հավասարության եւ խտրականության դեմ օրենքների մասով, հայտարարություն արել են արդեն, իսկ ՀԱՄ առաջնորդ Արմեն Ավետիսյանը մանրամասն մեկնաբանել է այն վտանգները, որոնք պատսպարված են «անմեղ» ձեւակերպումներով օրենքների կամ օրինագծերի տողատակերում: «Ընդդեմ կենսաչափական փաստաթղթերի» միությունն էլ հայտարարել է կենսաչափական քարտերի ու չիպավորման հաջորդ փուլի վտանգների մասին, իսկ «Քրիստոնյաներն ընդդեմ մարդկանց համարակալմա­ն» միության նախագահ Խաչիկ Ստամբոլցյանը հայտարարել է, որ «ամբողջ աշխարհում դրված է խնդիր մարդկությանը համարակալել, դարձնել կենդանի, դեմ դուրս գալ աստվածային բոլոր օրենքներին եւ հասարակությունը դարձնել կառավարել­ի»: Պիտի վերջ դնել Հայաստան ներխուժած բոլոր տեսակի անբարոյականություններին, այլապես շուտով «մորը՝ որդու հետ, հորը դստեր հետ են ամուսնացնելու, գենդերի մասին օրենքը ընդունելուց հետո գալու է նոր օրենք, որը թույլ է տալու միասեռականները ամուսնանան, հետո գալու է յուվենալ օրենքը, որն արդեն կա ՀՀ կառավարության կայքէջում, որով երեխային դու այլեւս դաստիարակելու իրավունք չունես, թե չէ երեխայիդ բան ասես՝ կզանգի ոստիկանություն, կգան երեխային կօտարեն կտանեն, որպեսզի միասեռականներին դաստիարակության տա­ն»: Նշվել է նաեւ, որ ԱՄՆ-ի նախագահ Օբաման էլ օրենք է ստորագրել, ըստ որի՝ զինվորները սեռական կապ կարող են ունենալ անասունների հետ:

Իսկ մեր Կոմայգու անբարոյականացմանը վերջ տալու համար, նախկին պայքարող կառույցներից բացի, արդեն բազմաթիվ կազմակերպություններ ու անհատներ են պայքարում: Սոցցանցերում բացեիբաց նշվում է, որ կան պաշտոնյաներ, ովքեր միջնորդում են Կոմայգում կանգնող Մաշայի, Սաշայի, Լիզուլիկի համար…

Անգամ Մարդու իրավունքների պաշտպան Կարեն Անդրեասյանն է արտահայտվել «Կոմայգու գիշերային տարօինակ կյանք­ի» մասին եւ դիմել է Երեւանի քաղաքապետ Տարոն Մարգարյանին: Մինչ ՄԻՊ-ի այս դիմումը, ավելի վաղ տեղեկացրել էին, որ քաղաքապետարանի աշխատակիցները՝ ոստիկանների հետ համատեղ հերթապահություն են սահմանել այդ տարածքում: Եվ հերթապահողներն իբր «կարգի են բերում» այդտեղ կանգնողներին՝ փորձելով հնարավորինս մաքրել տարածքը, չենթարկվողներին նույնիսկ բերման են ենթարկում ոստիկանություն:

Մի քանի օր կարծես այդպես էր, բայց հետո՝ ինչպես նախկինում: Արդեն ասվեց, նրանք ունեն պաշտոնյա միջնորդներ ու… հաջորդ օրը այդ լիզուլիկներն ու չգիտեմ ինչերը նորից նույն տեղում են… Հենց այդ պատճառով հնարավոր չէ կարգավորել հարցը:

Կամ՝ ո՞ւմ մտքով կանցներ, որ սեռական դաստիարակության անվան տակ երեխաներին այլանդակություններ կցուցադրեն, այն, ինչը հիմա բացահայտ արվում է Եվրոպայում:

Հետաքրքիր է, որ ասում-զարմանում են նրանք, ովքեր այս երեւույթների դեմ պայքարողներին մինչեւ վերջերս ծայրահեղականներ էին որակում: Այնպիսի անհեթեթ վիճակի է ամեն ինչ հասել, որ մանկապիղծների շահերը պաշտպանող կուսակցություն է ստեղծվում Հոլանդիայում, իսկ ԱՄՆ-ի որոշ դպրոցներում որոշում են կայացրել, որ եթե տղան իրեն աղջիկ է զգում՝ իրավունք ունի գնալ աղջիկների զուգարան… Անգամ բարբաջում են, թե հնարավոր է մեկն էլ իրեն ոչ կին, ոչ էլ տղամարդ  զգա, ուրեմն պիտի լինի 3-րդ սեռ, գուցե նաեւ՝ 4-րդ եւ այսպես շարունակ…

Այսօր շատերն են պահանջում՝ Կոմայգին վերադարձնել երեխաներին, Հայրենիքը՝ հայերին (նորմալ մարդկանց), ովքեր ապրում են արարչական ու աստվածային օրենքներով… ՄԱՐԴ-ը պետք է այլեւս չարժեւորի Չմարդուն…

Արման Դավթյան եւ Վահագն Նանյան

«Լուսանցք» թիվ 36 (299), 2013թ.

Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում