ՀԱՅՏԱՐԱՐՈՒԹՅՈՒՆ ՀԱՀԳԲ-ի նախկին քաղբանտարկյալների ու ազատամարտիկների

Հրապարակվել է Հեղինակ` ՀԱՄ
<<Չորրորդ իշխանության>> 9-ը հունվարի 2007թ. համարում Ա. Աբգարյան ստորագրությամբ <<Վամպիրների դիմակահանդեսը>> շարունակելի հոդվածի կապակցությամբ

Ազատագրական պայքարի 30-ամյա մեր փորձառության մեջ <<Չորրորդ իշխանության>> նմանօրինակ քայլը նորություն չէ. այն, նախ եւ առաջ, պայմանավորված է Հայաստանում եւ Հայաստանի նկատմամբ տարածաշրջանում առաջիկայում ընթացող աշխարհաքաղաքական եւ ներպետական, հանրության համար դեռեւս լիովին չբացահայտված խմորումներով, նպատակ հետապնդելով կանխավ անվանարկել հայրենասիրական ուժերից մեկին, ըստ իրենց ենթադրությունների` առաջիկայում նրա հնարավոր գործունեությունը կանխարգելելու տրամաբանությամբ:

ԱՍԱԼԱ-ի նկատմամբ սույն դիլետանտական մակարդակով սարքված ակնհայտ սադրանքը, վստահաբար, <<Չորրորդ իշխանության>> կողմից ներկայացվել է նրան ֆինանսավորող ու թելադրող ուժերի կողմից, այլապես, եթե դա միայն անգիտակցության կամ սեփական ուժի նկատմամբ վստահության պակասի դրսևորման պատճառով եղած լիներ, առնվազն չէր դրսեւորվի նման մանր խուլիգանական մակարդակով:
Ուստի` զգաստության ենք հրավիրում <<Չորրորդ իշխանության>> պատասխանատուներին, որ ազգային գերագույն նպատակների և այդ ուղղությամբ զոհաբերվող ազատամարտիկների նկատմամբ չգտնվեն անսկզբունք եւ անհարգալից:
<<Ուխտ Արարատ>>, Հայաստանի ազատագրության հայ գաղտնի բանակի /ASALA/ ազատամարտիկների եւ նախկին քաղբանտարկյալների միությունը կոչ է ուղղում հայ լրագրությանը, որ աչալրջությամբ եւ զգոնությամբ վերաբերվի նորագույն ազատագրական պայքարի ռահվիրա կազմակերպության` ՀԱՀԳ Բանակի կերտած ավանդի նկատմամբ:

<<Ուխտ Արարատի>>,
Հայաստանի ազատագրության հայ գաղտնի բանակի /ASALA/
ազատամարտիկների եւ նախկին քաղբանտարկյալների միություն

Այս գրառումը հրապարակվել է Հ.Ա.Մ., Հայտարարություններ խորագրում։ Էջանշեք մշտական հղումը։