Միշտ անհանգիստ – Տերերը հայտնի են, ձեռքները բռնող չկա… Գառնու ձոր մեքենայով գնացողները ու՞մ են վճարում ստիպված – Իսկ բարձրաստիճան տերերին վաղուց գիտեն… Տեղադրեք ձեր գովազդը www.hayary.org-ում եւ «Լուսանցք»-ում…

Գառնու ձորի երկայնքով դեպի Քարերի սիմֆոնիա տանող ճանապարհն անասելի վատն է: Պարզվում է, այդ վատ ճանապարհով մեքենադ քշելու համար ստիպված ես ոմն Շմավոն Համբարձումյանի 1000 դրամ վճարել: Ասում ենք՝ կվճարենք, բայց հասկանալի ու տրամաբանական պատասխան տվեք՝ ինչի՞ համար:

50-անց, անհատ ձեռնարկատեր ներկայացող տղամարդը պատասխանում է՝ եթե ուզում եք, մեքենան թողեք հեռու, ոտքով գնացեք, ձեզանից փող չեմ վերցնի. «Եկել եք հանգստանալու չէ, ուտելիքով, բանով, բարի եղեք վճարեք: Ես ապօրինի բան չեմ անում, հեսա ՀԴՄ կտրոն էլ կտամ»,- ներկայացնում է panorama. am-ը (hեղինակ՝ Լալա Տեր-Ղազարյան):

Պարզաբանեմ, որ հանգստի գոտու ցանկապատված տարածքում չենք նստել, եղել ենք գետի ափին մի ծառի տակ, որտեղ ոչ մի տաղավար կամ ծածկ չկար: Ճանապարհի սկզբում էլ որեւէ գրություն կամ ցուցանակ, որ դեպի Քարերի սիմֆոնիա տանող ճանապարհը վճարովի է, չկա:

Օրական այդ ճանապարհով երեւի մի քանի տասնյակ մեքենա է գնում: Թե ովքեր են անհատ ձեռնարկատերն ու նրա թիկունքը, դժվար է ասել, բայց որ զբաղված են հանրային սեփականությունը հանրությանը վաճառելով ու օդից փող կպցնելով, դա փաստ է:

Լավ կլինի պատկան մարմիններն ուշադրություն դարձնեն փաստին:

«Լուսանցք»-ը այս փաստին եւ շատ այլ փաստերի՝ կապված Գառնո տաճարի, ձորի, կամրջի եւ Քարերի սիմֆոնիայի հետ, մշտապես անդրադարձել է: Պաշտոնական նամակներ են հղվել նաեւ պատկան մարմիններին՝ համապատասխան հոդվածները կցված: Փոքրիշատե հաջողություններ կան արդեն արձանագրված:

 «Լուսանցք»-ը Հայ Արիական Միաբանության եւ Հայ Ազգայնականների Համախմբման հետ միասին հաջողություններ արձանագրեց նաեւ մշակույթի նախարարության եւ այդ մշակութադավ կառույցի ՊՈԱԿ-ների մշակութակեր տնօրենների դեմ պայքարում, երբ նրանք փորձեցին Գառնո տաճարի տարածքում սրճարան կառուցել: Կարծես արգելվեց նաեւ Գառնի, Զվարթնոց եւ այլ տաճարների տարածքներում վերջերս հնչեղ դարձած օտարաշունչ «կորպորատիվ խնջույքների» անցկացումը…  

Քարերի սիմֆոնիայի հարցով «Լուսանցք»-ում հանդես եկավ նաեւ թերթի գլխավոր խմբագիր Արմենուհի Մելքոնյանը, ով մինչ այդ, «Հայաստանի Հանրապետություն» օրաթերթում հրապարակեց հոդվածաշար համապատասխան նկարներով, թե ինչպես են կտրատում եւ գողանում հրաշագեղ բնակերտ հուշարձանի քարերը:

Եվ այնպես չէ, որ հայտնի չէ, թե ով կամ ովքեր են կանգնած այդ ավազակության հետեւում, ինչպես գրել է panorama.am-ի հոդվածագիրը: Կատարողների թիկունքի բարձրաստիճան տերերին վաղուց գիտեն, սակայն թե ինչու չեն պատժում՝ այ սա «օդից փող կպցնելուց» ավելի տխուր փաստ է:

Վերջապես ե՞րբ են հանգիստ տալու մեր երկրում, թերեւս տարածաշրջանում միակ հեթանոսական սրբավայրին, ե՞րբ են հասկանալու, որ այստեղ ոչ միայն մարդկային, նաեւ աստվածային անդորր է անհրաժեշտ եւ Գառնին միայն պատմամշակութային արժեք չէ, նաեւ ու առավելապես հոգեւոր սրբավայր է ու ոչ երբեք սեփական գրպանը լցնելու «օբյեկտ»:

Վահագն Նանյան

Հ.Գ. – Արմենուհի Մելքոնյանը տարիներ առաջ տպագրել էր իր իսկ լուսանկարները («Զենիթ»-ով արված), թե ինչպես են Գառնիում քարերը կտրում եւ թե ինչ են պատմում օրավարձով աշխատող բանվորները, ում համար տաճարի քարն ու գոմի քարը նույն բանն են:

Ոստիկանությունից բանավոր ուզել էին ֆոտոժապավենը, որպեսզի տեսնեն կտրողների դեմքերը:

Հոդվածագիրը մերժել էր՝ ասելով, որ ֆոտաժապավենը կտա այն ժամանակ, երբ քրեական գործ կհարուցվի՝ պատվիրատուների՛ն պատժելու համար…

* * *

Հայ Արիական Միաբանության պաշտոնական կայքը տրամադրում է գովազդային վահանակի տեղ:

Ցանկացողները կարող են զանգահարել հետեւյալ հեռախոսահամարով՝ (0.10) 52-38-75, կամ գրել redaction@hayary.org եւ hayaryan@gmail.com  էլ.հասցեներով:

Ի դեպ, ՀԱՄ կայքը google-ի ռեյտինգային համակարգում ստացել է 6 բալ, որը բավականին բարձր ցուցանիշ է:

Կայքը եռալեզու է եւ ունի այցելուներ շուրջ 150 երկրից:

Այնպես որ, տեղադրե՛ք Ձեր գովազդը եւ մի՛շտ մնացեք Ձեր բարձունքին մե՛ր օգնությամբ:

www.hayary.org-ի համակարգող

* * *

«Լուսանցք»-ի բաժանորդագրության համար դիմել`

«Պրես Ստենդ»՝     54-41-99                 «Բլից մեդիա»՝  52-53-01

«Հայփոստ»՝            51-45-01                «Հայմամուլ»՝    58-94-12

«Պրես Ատտաշե»՝ 32-03-74                 «Լուսանցք»՝     52-38-75

* * *

1 տարվա բաժանորդագրության գինը՝  4800 դրամ

 6 ամսվա բաժանորդագրության գինը՝  2400 դրամ

 3 ամսվա բաժանորդագրության գինը՝  1200 դրամ

 1 ամսվա բաժանորդագրության գինը՝  400 դրամ

- «Լուսանցք»-ը աշխատանքի է հրավիրում շրջիկ լրագրավաճառի եւ գովազդային գործակալի՝ շահավետ պայմաններով: Դրանց ծանոթանալու համար այցելել խմբագրություն:

- «Լուսանցք»-ում կատարում են մեքենագրական եւ խմբագրական աշխատանքներ:

«Լուսանցք» թիվ 23 (369), 2015թ.

Կարդացեք «Լուսանցք»-ի PDF տարբերակները www.hayary.org-ի «Մամուլ» բաժնում

Այս գրառումը հրապարակվել է Արվեստ, Հոդվածներ խորագրում։ Էջանշեք մշտական հղումը։