Նավթի ուժը – Ադրբեջանում մեկնարկած զորա-վարժության մասին տեղեկությունները սակավ են, սակայն տեսանյութերից ու լուսանկարներից կարելի է տեսնել, թե ինչ սպառազինություն է ներգրավված զորավարժությանը… Ինչպես ասում են՝ թշնամուն չթերագնահատենք, բայցեւ՝ չգերագնահատենք…

Ինչպես տեղեկացնում է Ռազմ.info-ն, ապրիլի 16-ին Ադրբեջանում մեկնարկած զորավարժության մասին տեղեկությունները սակավ են, սակայն երկրի պաշտպանության նախարարության ներկայացրած տեսանյութերից ու լուսանկարներից կարելի է տեսնել, թե ինչ սպառազինություն է ներգրավված զորավարժությանը:

Զորավարժության առաջին երկու օրերի ընթացքում ներկայացված նյութերից հայտնի է, որ զորավարժությանը մասնակցում են.

  1. «Սմերչ» համազարկային կրակի ռեակտիվ համակարգեր.

– հրթիռների տրամաչափը՝ 300 մմ,

– հեռահարությունը՝ մինչեւ 70-90 կմ,

– համազարկի հրթիռների քանակը՝ 12 հատ:  

  1. «Գրադ» համազարկային կրակի ռեակտիվ համակարգեր.

-հրթիռների տրամաչափը՝ 122 մմ,

-հեռահարությունը՝ մինչեւ 40 կմ,

-համազարկի հրթիռների քանակը՝ 40 հատ:

  1. «Մստա-Ս» ինքնագնաց հաուբիցներ.

-հրանոթի տրամաչափը՝ 152 մմ,

-հեռահարությունը՝ մինչև 25 կմ,

-մարտական լրակազմը՝ 50 արկ,

-կրակի տեմպը՝ րոպեում 7-8 կրակոց:

  1. 4. «Գիացինտ-Բ» քարշակվող հաուբիցներ.

-հրանոթի տրամաչափը՝ 152 մմ,

-հեռահարությունը՝ 30 կմ

-կրակի տեմպը՝ րոպեում 5-6 կրակոց:

  1. «Պիոն» ինքնագնաց հրետանային համակարգեր

-հրանոթի տրամաչափը՝ 203 մմ,

-հեռահարությունը՝ մինչեւ 47 կմ,

-մարտական լրակազմը՝ 4-8 արկ,

-կրակի տեմպը՝ րոպեում 1,5-2,5 կրակոց:

  1. Տ-72 տանկեր

-հրանոթի տրամաչափը՝ 125 մմ,

-մարտական լրակազմը՝ մինչեւ 39 արկ,

-կրակի տեմպը՝ րոպեում մինչեւ 8 կրակոց:

  1. ԲՏՌ-80Ա զրահափոխադրիչներ

-սպառազինությունը՝ 30 մմ հրանոթ, 7,62 մմ գնդացիր,

-անձնակազմը՝ 3 զինծառայող,

-դեսանտը՝ մինչեւ 7 զինծառայող,

-պաշտպանվածությունը՝ հրազենից եւ բեկորներից:

  1. ՄՏԼԲու զրահապատ փոխադրիչ-քարշակներ

-անձնակազմը՝ 1 զինծառայող,

-դեսանտ՝ մինչեւ 6 զինծառայող,

-պաշտպանվածությունը՝ հրազենից և բեկորներից:

  1. «Մարադյոր» զրահամեքենա

-անձնակազմը՝ մինչեւ 11 զինծառայող

-ընթացամասը՝ 4×4

  1. «Սենդքեթ» զրահամեքենա

-անձնակազմը՝ 4-8 զինծառայող,

-ընթացամասը՝ 4 x 4

Սրանից բացի, ադրբեջանական կողմի հայտարարությունների համաձայն՝ զորավարժությանը մասնակցում են նաեւ ավիացիոն տեխնիկա (25 միավոր), հրթիռահրետանային միջոցներ (200 միավոր), ինչպես նաեւ ռադիոէլեկտրոնային հետախուզության միջոցներ եւ անօդաչու թռչող սարքեր:

ՀՀ ՊՆ պնդմամբ՝ զորավարժությունն անցկացվում է միջազգային պայմանավորվածությունների խախտումներով:

«Ռազմինֆո»-ի հետ զրույցում ՀՀ ՊՆ մամուլի քարտուղար Արծրուն Հովհաննիսյանը նշել է. «Վիեննայի փաստաթղթի համաձայն՝ կա երկու մոտեցում՝ մինչեւ 9 հազար զինծառայող եւ 40 հազարը չգերազանցող [ուժերով զորավարժությունների անցկացում]: Երկուսի դեպքում էլ համապատասխան իրազեկման ժամկետների կարգ գոյություն ունի: Մասնավորապես երկրորդի պարագայում իրենք մինչեւ 2016թ. նոյեմբերի 15-ը պարտավոր էին իրազեկել: Եթե նույնիսկ զորավարժությունը պլանավորվել է ավելի ուշ, օրինակ՝ 2017թ.-ին, Ադրբեջանի Հանրապետությունը պարտավոր էր Վիեննայի փաստաթղթի մասնակից պետություններին սահմանված ընթացակարգով նախօրոք տեղեկացնել այդ մասին: Բայց չի իրազեկել»:

 «Լուսանցք» թիվ 15 (448), 2017թ.

«Լուսանցք»-ի թողարկումները PDF ձեւաչափով կարող եք կարդալ http://www.hayary.org/wph/ կայքի «Մամուլ» բաժնում - http://www.hayary.org/wph/?cat=21,http://pressinfo.am/ պորտալում՝ հայկական եւ արտասահմանյան տպագիր մամուլի առցանց գրադարանում եւ pressa.ru-ում - http://pressa.ru/ru/catalog/newspapers/categories/gazetyi/blizhnego-zarubezhya/#/:

Այս գրառումը հրապարակվել է Հոդվածներ խորագրում։ Էջանշեք մշտական հղումը։