Այսօրվա աշխարհի սեւ հումորը…

Այսօրվա աշխարհի սեւ հումորը Իսրայելի հանցագործություններին ուղղված մարդու իրավունքների հավակնորդների աջակցությունն է

ՄԱԿ-ում ԻԻՀ ներկայացուցիչ Մոհամմադ Խազաին Պաղեստինի ժողովրդի հետ համախմբման միջազգային օրվա թեմային նվիրված Գլխավոր Ասամբլեայի նիստի ժամանակ կրկին ընդգծել է Պաղեստինի ժողովրդի իրավատենչ պայքարի հետ ԻԻՀ ժողովրդի ու կառավարության համախմբումը:

Ըստ Խազաիի. «60 տարի է անցնում Պաղեստինի բռնազավթումից՝ այդ երկրամասի անմեղ ու անպաշտպան մարդկանց փախստական դառնալուց եւ նրանց տների ու բնակավայրերի ոչնչացումից, եւ շարունակ պաղեստինցիները ենթարկվում են սիոնիստների բռնություններին ու դաժան հարձակումներին: Շարունակվում են կանանց ու մանուկների սպանդն ու կոտորածը: Բազում պաղեստինցիներ են ծնվել արտաքին ուժերի բռնազավթման տարիներին. ապրել են բռնազավթման շրջանում եւ մահացել բռնազավթման շարունակության շրջանում: Եւ միաժամանակ ականատեսը եղել ցեղասպանությանը, հետապնդմանն ու հալածանքների, զանգվածային պատիժներին ու իրենց օրինական իրավունքներից, մասնավորապես իրենց մայր հողում ապրելու իրավունքից, զրկված լինելուն»:

Նա ավելացրեց. «Այդ բռնազավթման արդյունքում եւ Պաղեստինի ժողովրդի անքակտելի իրավունքների իրականացման հանձնախմբի զեկույցի համապատասխան 7 միլիոն պաղեստինցի այժմ փախստականի կարգավիճակում են եւ այս զանգվածը համարվում է աշխարհում փախստականների ամենատարեց եւ ամենամեծ խումբը: Ավելի քան 11 հազար պաղեստինցի, այդ թվում՝ հարյուրավոր կին եւ երեխա ապրում են Իսրայելի բանտերում կամ կալանավայրերում: Ի դեպ, ցավոք, համաձայն հավաստի աղբյուրների, նույնիսկ երեխաներն են հալածվում եւ ենթարկվում իսրայելցիների ծեծին ու բռնությանը, իրենց կալանավորման ընթացքում»:

Խազաին շարունակելով իր խոսքը, ակնկալել է միջազգային հանրության լուրջ ուշադրությունը սույն հանձնախմբի զեկույցի նկատմամբ, որը հստակ ու պարզ փաստաթուղթ է, որը վկայում է մարդկության դեմ սիոնիստական վարչակարգի պատմական հանցագործության մասին:

Նա պարզաբանեց. «Համաձայն Պաղեստինի ժողովրդի անքակտելի իրավունքների իրականացման հանձնախմբի զեկույցի, 2000 թ. ինթիՖազեյի սկիզբ առնելուց ի վեր, շուրջ 700 հազար պաղեստինցի, այլ կերպ ասաց, պաղեստինցիների մեկ հինգերորդը հետապնդման են ենթարկվել, կալանավորվել կամ ժամանակավոր ազատազրկվել եւ առնվազն 5500 պաղեստինցի սպանվել եւ 32 հազար 600 հոգի վիրավորվել են»:

ԻԻՀ ներկայացուցիչն ավելացրել է. «Ցավոք սրտի, վերջին տարիների ընթացքում Պաղեստինում իրավիճակը ոչ միայն չի բարելավվել, այլեւ ավելին է բարդացել եւ շարունակվել է սիոնիստական վարչակարգի միջոցով Պաղեստինի ժողովրդի անհատական եւ հասարակական ամենաակնհայտ իրավունքների ոտնահարումը, իսկ սա այն դեպքում, երբ Իսրայելի բանակը շարունակել է բազմաբնակիչ կենտրոններում ռազմական գործողությունները եւ բազում խաղաղ բնակիչների սպանության ու վիրավորման պատճառ դարձել, այդ թվում՝ 2008 թ. մարտի 1-ին, ընդամենը մեկ օրվա ընթացքում, 59 պաղեստինցու սպանդ»:

ԻԻՀ դեսպանն ու ներկայացուցիչը նաեւ անդրադառնալով Գազայի հատվածի բնակիչներին պարտադրված անմարդկային պայմաններին ու շրջափակմանը եւ ընդգծելով ՄԱԿ-ի զեկույցը առ այն, որ այդ շրջանի ավելի քան մեկ ու կես միլիոն բնակիչ խիստ շրջափակման պայմաններում են գտնվում, ընդհատվել է նրանց կապը արտաքին աշխարհի հետ եւ զրկված են ցանկացած տեսակի պարենային մթերքից, կարիքներից, դեղորայքից ու բուժծառայություններից եւ նույնիսկ առողջապահական ու անվտանգության տարրական հնարավորություններից, ավելացրեց. «Ցավոք սրտի, սիոնիստական վարչակարգը, բացահայտ ոտնահարելով միջազգային իրավունքները եւ ՄԱԿ-ի բազմաթիվ բանաձեւեր, եւ ստատուս քվոյի պահպանման ու ամրապնդման քաղաքականության շրջանակներում, շարունակում է անօրինական ավանների ընդլայնումը, ինչպես նաեւ պատվար հանդիսացող ցեղապաշտական պատի կառուցումը եւ անտեսում միջազգային արդարադատության դիվանի վճիռը»:

ՄԱԿ-ում ԻԻՀ դեսպանն ու ներկայացուցիչը իր խոսքերի մի այլ հատվածում անդրադարձել է ՄԱԿ-ից, Գլխավոր Ասեմբլիայից եւ Անվտանգության Խորհրդից Պաղեստինի ժողովրդի ակնկալիքներին՝ իրենց խորը վշտի ու տառապանքի նկատմամբ առավել լուրջ ուշադրություն դարձնելու կապակցությամբ եւ ընդգծել. «Պաղեստինի ժողովրդի լուրջ հարցը այն է, թե որտե՞ղ են այն մարդիկ, ովքեր իրենց ներկայացնում են իբրեւ մարդու իրավունքների աջակից»:

Նա ավելացրեց. «Սա մի սեւ եւ ցավագին հումոր է, ըստ որի մարդու իրավունքների հավակնորդները ոչ միայն չեն մտահոգվում այս հալածյալ ժողովրդի տառապանքներով, այլեւ նույնիսկ աջակցում են ագրեսոր կողմի ողբերգական հանցագործությունները»:

Խազաին կրկին ընդգծելովՊաղեստինի հարցի նկատմամբ ՄԱԿ-ի պատասխանատվությունը, հայտարարեց. «Խնդրի արդարացի, օպտիմալ ու մշտական լուծման ձախողումը համարվելու է ՄԱԿ-ի պատմության մեջ ամենամեծ պարտությունը եւ այդպիսի ձախողումն ու պարտությունը կհանգեցնի Պաղեստինի եւ այլ գրավյալ տարածքների, առանձնապես Ջուլանի բարձունքների եւ Լիբանանի տարածքների բռնազավթումը եւ դրանց նկատմամբ ոտնձգությունը շարունակելու Իսրայելի վարչակարգի դրդապատճառների ուժեղացմանը»:

Իրանի դեսպանը ընդգծեց. «Մենք գտնում ենք, որ Պաղեստինի խնդիրը Միջին Արեւելքի ճգնաժամի գլխավոր ու արմատական պատճառն է եւ ակնհայտ է, որ մշտական եւ լիակատար խաղաղությունը միայն արդարության պահպանման, հալածանքի վերացման ու Պաղեստինի ժողովրդի ոտնահարված իրավունքների, մասնավորապես փախստականների վերադարձի իրավունքի, ամբողջական վերականգնման, պաղեստինյան, սիրիական եւ լիբանանյան տարածքների բռնազավթման ավարտի եւ ժողովրդավարական կառույցների (որտեղ Պաղեստինի ողջ ժողովուրդը հնարավորություն կգտնի մասնակցել իր ճակատագրի ու ապագայի որոշմանը) ստեղծման դեպքում է հնարավոր»:

Նա ավելացրեց. «Այս նախաձեռնության նպատակն է շահագործել այս նիստը եւ միջազգային հանրության ուշադրությունը շեղել այդ վարչակարգի հանցագործություններից եւ այս հստակ ու պարզ իրողությունից, թե Իսրայելը համարվում է լրջագույն եւ ամենահրատապ սպառնալիքը տարածաշրջանային եւ միջազգային խաղաղության ու անվտանգության համար»: