Այցելե՛ք եւ օգտվե՛ք Հայ Արիական Միաբանության պաշտոնական կայքից-www.hayary.org… Կարդացե՛ք եւ բաժանորդագրվե՛ք «Լուսանցք» ազգային-ազգայնական շաբաթաթերթ… Երեւանում բացվեց Արամ Մանուկյանի արձանը… ՀՄԸՄ-100 ամյակ.- Գյումրիում բացվեց ՀՄԸՄ–ի ռահվիրա Վահան Չերազի արձանը… «Ոսկե ծիրան»-ը՝ 2018թ. եվրոպական լավագույն կինոփառատոների շարքում… Մայրաքաղաքում կանցկացվի ձմերուկի 6-րդ փառատոնը… «Երեւան ՏարազՖեստ» 4-րդ փառատոնն է… Մինաս Ավետիսյանի որմնանկարները վտանգված են… Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնը  Մոսկվայի Մեծ թատրոնում… Շատ ափսոս, որ Արամ Խաչատրյանը ընդամենը 3 բալետ է գրել… Աշխարհը հիանում է հայկական մշակույթով… «Բյուրեղապակյա դղյակ»-ը հայաստանյան հանդիսատեսի համար… Համերգային ծրագրեր. Ֆրանսիացի փոքրիկ դեսպանները Հայաստանում… Խաղաղության վազքով` Մարսելից Երեւան` 2800-ամյակին նվիրված… Մեկնարկել է «Սեւան Ստարտափ Սամմիթ 2018»-ը… «Արմաթի» սաները Հայաստանը կներկայացնեն Մեխիկոյում կայանալիք «First Global» ռոբոտների միջազգային մրցույթում… Ջավախքի Գանձա գյուղում կայացել են Տերյանի պոեզիային նվիրված միջոցառումներ… Առաջին անգամ Հայաստանում կնշվի ընկերների միջազգային օրը… Այլ գիտա-մշակութային լուրեր…

Երեւանում բացվեց Արամ Մանուկյանի արձանը

Հայաստանի առաջին Հանրապետության հիմնադիր Արամ Մանուկյանի՝ աղմուկ հանած արձանը, ամեն դեպքում բացվեց: Արձանը տեղադրվել է Երեւանի Արամի եւ Նալբանդյան փողոցների խաչմերուկում՝ մետրոյի Հանրապետության հրապարակ կայարանի հարեւանությամբ գտնվող տարածքում: Արձանի բացման արարողության ժամանակ ունեցած ելույթում վարչապետ Նիկոլ Փաշինյանն Արամ Մանուկյանին կոչել է մեր պատմության մեծագույն առաքյալ:

Մշակույթի նախարարը շարունակում է պնդել, որ Արամ Մանուկյանի արձանի հետ կապված իրենց փաստի առաջ են կանգնեցրել, եւ հայտարարում, որ դրա տեղադրման վայրի այլընտրանքային տարբերակներ են ներկայացնելու:

* * *

ՀՀ վարչապետ Նիկոլ Փաշինյանը, ՀՀ նախագահ Արմեն Սարգսյանը, ԱԺ նախագահ Արա Բաբլոյանը, Ամենայն Հայոց Կաթողիկոսը, Երեւանի քաղաքապետի պաշոտանակարատ Կամո Արեյանը Երեւանում ներկա են գտնվել Արամ Մանուկյանի արձանի բացման արարողությանը:

«Ի դեմս Արամ Մանուկյանի, մենք գործ ունենք նորագույն պատմության մեծագույն առաքեյալի հետ: Նա ծնվեց՝ իրականացնելու համար մի մեծ առաքելություն, այն է գտնել հաղթանակ պարտությունների տեղատարափի ներքո, գտնել ուժ, երբ թվում է, թե թևերդ թուլացած են, ծնկներդ ծալված են, ողնաշարդ կոտրված է: Արամ Մանուկյանը լիարժեք, լիովին կատարեց իր առաքելությունը, երբեք չապրեց իր ընտանիքի համար, ապրեց, պայքարեց ու հաղթեց իր ժողովրդի համար: Նա մահացավ իր գաղթած, կոտրված, անտուն ժողովրդից փոխանցված հիվանդության արդյունքում»,- իր խոսքում ասաց վարչապետը:

Մինչ այդ Ամենայն Հայոց Հայրապետն իր պատգամն  ուղղեց ներկաներին: «Այս հանդիսավոր արարողությամբ ոգեկոչվում է հիշատակը մեր ժողովրդի նվիրյալ ու վաստակյալ զավակի, ով մեր պատմության դժվարին ժամանակներում հերոսացավ հայրենյաց պաշտպանության մաքառումներում, Հայաստանի առաջին հանրապետության հիմնադրության գործում բերած իր անդուլ ջանքերով ու կորովով: Նա սերունդ դաստիարակող ուսուցիչ էր, որ դարձավ իր ժողովրդի իրավունքների պաշտպան, Վանի ինքնապաշտպանության ջահակիր ռազմիկ, Վանի նահանգապետ, մեր հայրենյաց արևելյան փրկված հատվածում պետականության վերահաստատման առաջամարտիկ:  

Նրա անունը մեր ժողովրդի համար անբաժանելի է դարձել մեկ դար առաջ արձանագրված մայիսյան հերոսամարտերի փառապանծ հաղթանակներից, անկախ պետականության վերակերտման պատասխանատվությունից ու ամբողջանվեր ջանքերից: Արամ Մանուկյանի արձանի բացումը Հայաստանի առաջին հանրապետության եւ մայիսյան հերոսամարտերի հարյուրամյակի այս տարում խորհրդանշական է՝ որպես երախտիք մեր ժողովրդի մեծ զավակին, որպես ազգանվիրումի ու հայրենասիրության ոգեշնչում այսօր ապրողներիս եւ մեր հետագա սերունդներին:

Թող Արամ Մանուկյանի լուսավոր կերպարը քաջալերություն ու ոգեշնչում լինի մեզ ամենքիս, ազգիս բոլոր զավակներին՝ Տիրոջ զորակցությամբ, միասնական ջանադրությամբ կերտելու հզոր պետություն՝ որպես ամուր վեմ ու պատվար մեր ժողովրդի նոր հաջողությունների, մեր արդար հույսերի ու մեր պայծառ ապագայի՝ այսօր եւ միշտ. ամեն»,- իր խոսքում մասնավորապես նշել է Կաթողիկոսը:

Բացի պաշտոնատար անձանցից բացման հանդիսավոր արարողությանը ներկա էին մշակութային գործիչներ, մտավորականներ, դաշնակցական գործիչներ, բազմաթիվ  քաղաքացիներ:

Գյումրիում բացվեց Հ.Մ.Ը.Մ-ի ռահվիրա Վահան Չերազի արձանը

Հուլիսի 23-ին Գյումրիի Վարդանանց հրապարակում տեղի ունեցավ Հ.Մ.Ը.Մ-ի ռահվիրա Վահան Չերազի արձանի բացման հանդիսավոր արարողությունը, որին մասնակցեցին Շիրակի փոխմարզպետ Սոֆյա Հովսեփյանը, Գյումրիի քաղաքապետ Սամվել Բալասանյանը, հոգևոր հայրեր, Համաշխարհային սկաուտական շարժման ընդհանուր քարտուղարի ներկայացուցիչը, Վահան Չերազի դուստրը` Բյուրակն Չերազը, Հ.Մ.Ը.Մ-ի կենտրոնական եւ շրջանային վարչությունների անդամներ, հյուրեր: Օրվա բանախոսն էր ՀՄԸՄ կենտրոնական վարչության ատենադպիր Րաֆֆի Կէօվողլանյանը:

Գյումրու քաղաքապետ Սամվել Բալասանյանը բոլոր գյումրեցիների անունից շնորհավորեց ՀՄԸՄ-ականներին՝ կազմակերպության 100 ամյակի եւ  Վահան Չերազի արձանի բացման առիթով:

Ողջույնի խոսքով հանդես եկավ Չերազի դուստրը՝  Բյուրակն Չերազը: Նա մասնավորապես նշեց. «Ուրախ եմ ներկա գտնվել իմ ծննդավայր Գյումրիում: Շնորհակալություն ՀՄԸՄ-ին այս գեղեցիկ նախաձեռնության համար: Շնորհակալություն քանդակագործ Սամվել Մուրադյանին հրաշալի քանդակի համար»:

Ողջույնի ուղերձ հնչեցվեց նաեւ համաշխարհային սկաուտական կազմակերպության անունից:

Վահան Չերազի արձանի բացումից հետո՝ շեփորախմբի գլխավորությամբ սկաուտական քայլերթով հրապարակով անցան Հայ մարմնակրթական ընդհանուր միության 100-ամյակի առիթով համա.Հ.Մ.Ը.Մ.-ական 11-րդ բանակմանը մասնակցելու համար աշխարհի 26 երկրներից հայրենիք ժամանած 1200 սկաուտներ:

Հայ հասարակական-քաղաքական գործիչհայտնի մարզիկՀայաստանում  սկաուտության հիմնադիրներից Վահան Չերազը 1920-1927թթզբաղվել է Հայոց ցեղասպանությունից մազապուրծ որբերի հավաքագրմամբ  եւ խնամակալությամբհիմնել սկաուտական եւ մարզական խմբեր ԳյումրիումՆա գնդակահարվել է  ստալինյան բռնաճնշումների տարիներին:

Բյուրականում կայացել է ՀՄԸՄ-ի 100-ամյակի և 11-րդ համա-ՀՄԸՄ-ական բանակումի փակումը

Հուլիսի 28-ին ՀՀ սփյուռքի նախարարությանաջակցությամբ Բյուրականի բանակավայրում անցկացվեց ՀՄԸՄ-ի 100-ամյակի եւ 11-րդ համա-ՀՄԸՄ-ական բանակումի փակման հանդիսավոր արարողությունը, որին մասնակցեցին Ամենայն Հայոց կաթողիկոս Գարեգին Բ-ն, սփյուռքի փոխնախարար Բաբկեն Տեր Գրիգորյանը, ՀՀ-ում Սիրիայի դեսպանը, հասարակական գործիչներ, պատվավոր այլ հյուրեր:

Բացման խոսքով հանդես եկավ ՀՄԸՄ Կենտրոնական վարչության ատենապետ Գառնիկ Մկրտիչյանը, ներկայացրեց հյուրերին, կենտրոնական վարչության անունից ողջունեց վեհափառ տիրոջ այցելությունը բանակավայր:

Ամենայն Հայոց կաթողիկոս Գարեգին Բ-ն իր խոսքը սկսեց տերունական աղոթքով: Շնորհավորելով ՀՄԸՄ 100 ամյակի առթիվ՝ նա հավելեց. «Ուրախ եմ գտնվել ձեզ հետ, ձեր մեջ: Շնորհիվ մեր հավատքի ու մշակույթի մեր ազգը վերապրեց ամենածանր փորձությունները, կարողացավ վերակերտել պետականությունը: Այս տարի մեծ շուքով տոնախմբում ենք Հայոց պետության 100 ամյակը: Վստահ եմ, որ այս բանակավայրում, այս բարձունքի վրա զգում եք հայոց հողի ուժն ու զորությունը եւ տուն պիտի վերադառնաք ավելի զորացած: Վստահ եմ, որ մեր հայրենիքի ձեռքբերումները հպարտությամբ են լցնում ձեր սիրտն ու հոգին»:

Ողջույնի խոսքով հանդես եկավ սփյուռքի փոխնախարար, նախկին հոմենեթմենական Բաբկեն Տեր Գրիգորյանը: Նա վստահություն հայտնեց, որ հայրենիքում համախմբված ՀՄԸՄ-ի մեծ ընտանիքի անդամները դրական մեծ լիցքեր կստանան և նոր ուժով, նոր եռանդով կշարունակեն իրենց առաքելությունը:

Հուլիսի 19-29-ը Հայաստանում մեծ շուքով նշվում է ՀՄԸՄ-ի մեկդարյա հոբելյանը` ՀՀ նախագահ Արմեն Սարգսյանի, Ամենայն Հայոց կաթողիկոս Գարեգին Բ-ի, Մեծ Տանն Կիլիկիո կաթողիկոս Արամ Ա-ի, սփյուռքի նախարարության աջակցությամբ:

ՀՄԸՄ-ի 100-ամյակին նվիրված՝ «Պատվաբեր անցյալից հաղթական ապագա» խորագրով 11-րդ համա-ՀՄԸՄ-ական բանակումին մասնակցելու համար Հայաստան է ժամանել 1200 հոմենեթմենական՝ ԱՄՆ-ի, Կանադայի, Ավստրալիայի, Լիբանանի, Եգիպտոսի, Ամմանի, Իրանի, Իրաքի, Քուվեյթի, Իսրայելի, Ռուսաստանի, Սիրիայի, Հունաստանի, Կիպրոսի, Ավստրիայի, Շվեդիայի, Բուլղարիայի, Ֆրանսիայի, Անգլիայի, Հոլանդիայի եւ այլ երկրների 26 քաղաքներից:

Բեռլինում Հանրապետության 100-ամյակին եւ Երեւանի 2800-ամյակին նվիրված համերգ է կայացել

Օգոստոսի 27-ին Բեռլինի Մենդելսոնի անվան համերգասրահում Գերմանիայում Հայաստանի Հանրապետության դեսպան Աշոտ Սմբատյանի հովանու ներքո կայացել է համերգ` նվիրված Հանրապետության 100-ամյակին եւ Երեւանի հիմնադրման 2800-ամյակին, որը համատեղ կազմակերպվել էր ԳԴՀ-ում Հայաստանի եւ Իռլանդիայի դեսպանությունների կողմից, Մենդելսոնի անվան երաժշտական ընկերակցության աջակցությամբ:

Միջոցառմանը ողջույնի խոսքով հանդես են եկել Ֆելիքս Մենդելսոնի անվան երաժշտական ընկերակցության նախագահ Թոմաս Լաքմանը եւ դեսպան Աշոտ Սմբատյանը: Երաժշտական կատարումներով հանդես է եկել գերմանաբնակ հայ անվանի դաշնակահարուհի Լուսինե Խաչատրյանը: Հնչել են Կոմիտասի, Արամ Խաչատրյանի, Էդվարդ Միրզոյանի, Առնո Բաբաջանյանի եւ Ալեքսանդր Հարությունյանի ստեղծագործությունները:

Համերգի ավարտին առաջին անգամ կատարվել է Սոնա Թալյանի «Անձրեւի կաթիլներ» ստեղծագործությունը: Միջոցառմանը ներկա են գտնվել ԳԴՀ-ում հավատարմագրված դիվանագիտական ներկայացուցչությունների ղեկավարներ, ԳԴՀ կառավարության հասարակական եւ գիտական շրջանակների, ինչպես նաեւ հայ համայնքի ներկայացուցիչներ:

31/07/2018 - «Ոսկե ծիրան»-ը՝ 2018թ. եվրոպական լավագույն կինոփառատոների շարքում

Երեւանի «Ոսկե ծիրան» միջազգային կինոփառատոնն  ընդգրկվել է 2018թ. Եվրոպական լավագույն կինոփառատոնների շարքում: Այս մասին գրված է կինոփառատոնի ֆեյսբուքյան էջում։

2018թ. Եվրոպական լավագույն կինոփառատոների ցանկը ներկայացված է flightnetwork.com կայքում, որտեղ նաեւ նշված է, որ եվրոպական կինոփառատոներն  աշխարհում շատ է սիրվում, քանի որ այն կարողանում է ներկայացնել հայտնի մարդկանց, կինոգործիչների եւ կինոնկարների միջազգային լսարան: Ցանկում ընդգրկված են ինչպես արդեն կայացած, այնպես էլ դեռ կայանալիք կինոփառատոներ, ընդգրկված են աշխարհի տարբեր երկրներում անցկացվող կինոփառատոներ, ներկայացված են լիամետրաժ, կարճամետրաժ ֆիլմերի փառատոներ, երիտասարդական, բնության եւ սպորտի մասին ֆիլների փառատոներ։

Երեըանի «Ոսկե ծիրան»-ը եւ եւս 6 ֆիլմ «Special Interest» («Հատուկ հետաքրքրություն») ներկայացնող փառատոներից են։ Հիշեցնենք, որ այս տարի հուլիսի 8-15-ը «Ոսկե ծիրանը» անցկացվել է 15-րդ անգամ։

Կարդալ նաեւ այս հրապարակումները`

«Ոսկե ծիրան» Երեւանի 15-րդ միջազգային կինոփառատոնի հաղթողները

«Ոսկե ծիրան»-ը դարձել է Հայաստանն աշխարհի հետ կապող՝ միջմշակութային փոխգործակցության կարեւոր հարթակ. Ռալֆ Յիրիկյան

«Ոսկե ծիրան» փառատոնի պատվավոր հյուրն է Դարեն Արոնոֆսկին

Ռոբեր Կետիկյանի ֆիլմով կմեկնարկի «Ոսկե ծիրան»-ը

Օսկարակիր Ասղար Ֆարհադին կգլխավորի «Ոսկե ծիրան»-ի խաղարկային ժյուրին

«Ոսկե ծիրան 2018»-ին կտեսնեք մարդկանց, ում երազել եք տեսնել. Հարություն Խաչատրյան

Հարություն Խաչատրյանը նախագահում է «Պատուհան դեպի Եվրոպա» կինոփառատոնի «Կոպրոդուկցիա» ծրագրի ժյուրին

Հայաստանի կինեմատոգրաֆիստների միության նախագահ Հարություն Խաչատրյանը Վիբորգում նախագահում է «Պատուհան դեպի Եվրոպա» ռուսական կինոյի 26-րդ կինոփառատոնի «Կոպրոդուկցիա» ծրագրի ժյուրին: Միության ֆեյսբուքյան էջից տեղեկանում ենք, որ ժյուրիի կազմում են նաեւ պրոդյուսեր Յուլիա Միշկինենեն, մշակութաբան, պրոդյուսեր Օլգա Աֆանասեւան, կինոդերասան, կինոռեժիսոր, պրոդյուսեր Վյաչեսլավ Սորոկինը:
Կինոփառատոնը մեկնարկել է օգոստոսի 10-ին՝ Գարի Բարդինի «Բոլերո 17» եւ Ալեքսանդր Վելեդինսկու «Քեյփթաունյան նավահանգստում» ֆիլմերով: Կինոփառատոնի փակումը տեղի կունենա օգոստոսի 16-ին, որտեղ էլ ի հայտ կգան փառատոնի հաղթողները:
Վեստի.ռու-ից տեղեկանում ենք, որ «Պատուհան դեպի Եվրոպա» ռուսական կինոյի փառատոնի մրցութային ծրագրերում ներկայացված է խաղարկային, վավերագրական, անիմացիոն 130 ֆիլմ։

«Սոսե» կինոփառատոնի մասնակցության հայտ է ներկայացրել 39 երկիր

«Սոսե» միջազգային կինոփառատոնը կերտում է իր 5-րդ պատմությունը։ Անցած 5 տարիների ընթացքում կինոփառատոնի կազմակերպիչներին հաջողվել է ոչ միայն փառատոնի շուրջ համախմբել կինոսիրող պահանջկոտ հանդիսատեսի բանակը, այլեւ գրավել հենց կինոհեղինակների ուշադրությունը։ Փառատոնի կազմակերպիչները հայտնում են, որ եթե տարիներ առաջ փառատոնը մեկնարկեց հայ հեղինակների ընդամենը 8 ֆիլմով, ապա այս տարի արդեն «Սոսե» 5-րդ միջազգային կինոփառատոնի մասնակցության հայտ է ներկայացրել 39 երկրի (ԱՄՆ, Մեծ Բրիտանիա, Իրան, Ռուսաստան, Իտալիա, Իսպանիա, Շվեյցարիա, Ֆրանսիա, Գերմանիա, Չինաստան, Նոր Զելանդիա) 742 հեղինակ, մրցութային փուլ է անցել 172 ֆիլմ։
«Ուրախալի է նշել, որ փառատոնին մասնակցելու հայտ են ներկայացրել աշխարհի տարբեր անկյուններում գործող ֆիլմարտադրողներ։ Մեզ համար դա իհարկե այս տարիների կատարած աշխատանքի լավագույն գնահատականն է, բայց պիտի խոստովանեմ, որ դա նաեւ «դժվարացրել է» մեր աշխատանքը։ Մեր նախնական ընտրական հանձնախումբը կանգնած էր շատ պատասխանատու եւ բարդ ընտրության առաջ՝ լավագույներից ընտրել լավագույնը»,- ասում է «Սոսե» 5-րդ միջազգային կինոփառատոնի համահիմնադիր եւ գեղարվեստական ղեկավար Ռիտա Խալաթյանը։
«Սոսե» 5-րդ միջազգային կինոփառատոնին կներկայացվեն նաեւ հեղինակավոր կինոփառատոններին մասնակցած և մրցանակների արժանացած ֆիլմեր։ Օրինակ՝ ռուս ռեժիսոր Իգոր Պոպլաուխինի «Օրացույց» ֆիլմը 2018 թ-ին Կաննի միջազգային կինոփառատոնում արժանացել է 2-րդ, «Կինոտավր»-ի՝ գլխավոր մրցանակներին, Եվրասիա միջազգային կինոփառոտնի՝ ժյուրիի հատուկ մրցանակի, ֆրանսիացի երիտասարդ խոստումնալից ռեժիսոր Սելին Դյուվոյի «Մեծ վիշտ» ֆիլմը Վենետիկի միջազգային կինոփառատոնում արժանացել է վենետիկյան հորիզոն մրցանակի՝ որպես լավագույն կարճամետրաժ ֆիլմ, շվեդ ռեժիսոր Մարիա Էրիքսսոն-Հեշթի  «Դպրոցական դժվարություններ» ֆիլմն արդեն ներկայացվել է Չեխիայի հայտնի Կարլովի Վարեի, Տորոնտոյի միջազգային եւ Նեշվիլլի կինոփառատոններում։
Կինոփառատոնի մրցութային փուլ անցած ֆիլմերը կներկայացվեն հետեւյալ անվանակարգերում՝ հիմնական մրցութային ծրագիր (15 խաղարկային լիամետրաժ, 63 խաղարկային կարճամետրաժ եւ 21 վավերագրական ֆիլմ),  «Բովանդակությունը՝ կին» (27 ֆիլմ), «Ուսանողական» (48 ֆիլմ)։

Փառատոնի գեղարվեստական ղեկավարը կարեւոր առանձնահատկություններից մեկը համարում է այն, որ ցուցադրությունները չեն կենտրոնանա միայն մայրաքաղաքում․ «Արդեն 3-րդ տարին է մարզերի հանդիսատեսը ևս հնարավորություն է ունենում դիտել մեր փառատոնի ֆիլմերը։

Այս տարի «Սոսե»-ի ֆիլմերը կցուցադրվեն Գորիսում, Եղեգնաձորում, Դիլիջանում, Գյումրիում, Ղափանում, տարեցտարի ավելանում են մարզերի ընդգրկվածությունը»։
Նախատեսվում է խաղարկային լիամետրաժ, կարճամետրաժ եւ վավերագրական ֆիլմերի ցուցադրություն նաեւ արտամրցութային ծրագրում։ Կինոփառատոնը կանդրադառնա նաեւ Վիլյամ Սարոյանի ծննդյան 110 -ամյակին։ Սարոյանական օրերը կանցկացվեն «Ըստ Սարոյանի» խորագրով։ Արտամրցութային ծրագրում կներկայացվեն նաեւ Սարոյանի ստեղծագործությունների հիման վրա նկարահանված ֆիլմեր։
«Սոսե» 5-րդ միջազգային կինոփառատոնը կմեկնարկի սեպտեմբերի վերջին եւ կտևի մոտ 2 ամիս։

«Կինոշոկ»-ում կմրցեն նաեւ հայկական ֆիլմեր

Անապայում նախօրեին մեկնարկել է ԱՊՀ և Բալթյան երկրների  «Կինոշոկ» 27-րդ կինոփառատոնը, որը կշարունակվի մինչեւ սեպտեմբերի 9-ը։
Նյուզռու.քոմ կայքը գրում է, որ փառատոնն ունի 5 մրցութային ծրագիր՝ լիամետրաժ ֆիլմերի մրցույթ, կարճամետրաժ ֆիլմերի մրցույթ, վավերագրական ֆիլմերի մրցույթ, «ՏՎ-շոկ» (խաղարկային հեռուստաֆիլմեր), մանկական ֆիլմերի  մրցույթ («Киномалышок»)։
Լիամետրաժ, կարճամետրաժ եւ վավերագրական մրցութային ֆիլմերը գնահատվում են ժյուրիի կողմից, հեռուստատեսային մրցութային ֆիլմերը՝ հանդիսատեսի քվեարկությամբ, իսկ մանկական ֆիլմերը՝ մանկական ժյուրիի։ Փառատոնի ընթացքում ցուցադրվելու է շուրջ 70 ֆիլմ։ Փառատոնն ունի նաեւ արտամրցութային ծրագիր։
Փառատոնի լիամետրաժ ֆիլմերի մրցութային ծրագրում ընդգրկված է 10 ֆիլմ, այդ թվում նաեւ հայ ռեժիսորների՝ Մաքսիմ Հայրապետովի «Արմենն И Я», Անահիտ Աբադի «Եվա» (հայ-իրանական համատեղ արտադրություն)։
Լիամետրաժ ֆիլմերի մրցույթի ժուրիի կազմում  ընդգրկված է նաեւ հայ օպերատոր Վահագն Տեր-Հակոբյանը։
Կարճամետրաժ ֆիլմերի մրցույթում ընդգրկված է 23 ֆիլմ։ Այս մրցույթում  ցուցադրվելու է Գուժ Թադեւոսյանի «Մեկ օր» (Հայաստան-Ռուսաստան) ֆիլմը։

Վավերագրական ֆիլմերի մրցույթում ընդգրկված է 14 ֆիլմ։ Հայ ռեժիսոր Վահագն Խաչատրյանի 21 րոպեանոց «Լուսինը, արեւը եւ հրացանակիրները» ֆիլմը նույնպես ընդգրկված է այս մրցույթում։

«Կինոշոկ» փառատոնում լավագույն դերասանուհի է ճանաչվել Նարինե Գրիգորյանը

Անապայում ավարտվել է ԱՊՀ և Բալթյան երկրների  «Կինոշոկ» 27-րդ կինոփառատոնը։ «Լավագույն դերասանուհի» անվանակարգում հաղթել է Նարինե Գրիգորյանը՝ Անահիտ Աբադի «Եվա» ֆիլմում մարմնավորած դերի համար:

Հայալեզու ֆիլմը Հայաստանի եւ Իրանի համատեղ արտադրությունն է: Կինոնկարը նկարահանվել է «Հայաստանի ազգային կինոկենտրոնի» եւ «Ֆարաբի կինոյի հիմնադրամի» ֆինանսական աջակցությամբ: Կինոնկարը դրամատիկ պատմություն է կնոջ մասին, ով ուզում է մոռանալ տարիներ առաջ իր կյանքում տեղի ունեցած մութ ու ծանր պատմությունը։ Եվան դստեր հետ հեռանում է Երեւանից, հաստատվում է Արցախում՝ ծանոթների մոտ։ Սակայն, անցյալը ամենուր հետապնդում է նրան… Կինոնկարում նկարահանվել են Նարինե Գրիգորյանը, Շանթ Հարությունյանը, Մարջան Ավետիսյանը, Ռոզի Ավետիսյանը, Սերգեյ Թովմասյանը, Վրեժ Քասունին, Տիգրան Դավթյանը, Նանոր Պետրոսյանը, Էլենա Ադամյանը, Մարատ Դավթյանը եւ ուրիշներ։

Ինտերֆաքսի հաղորդմամբ,  «Լավագույն դերասան» է ճանաչվել Վլադիմիր Տոլոկոննիկովը (հետմահու)։ Ղրղզստանից ռեժիսոր Տաալայբեկ Կուլմենդեևի «Մունաբիյա» ֆիլմն արժանացել է գլխավոր մրցանակին՝ «Ոսկե որթ»։ Այս ֆիլմը նաեւ մրցանակ է ստացել լավագույն սցենարի համար։
Լավագույն ռեժիսոր է ճանաչվել Ալեքսեյ Շեմեսը «Պապ» ֆիլմի համար։
«Կինոշոկ» 27-րդ կինոփառատոնն անցկացվել է սեպտեմբերի 2-9-ը։ Փառատոնի ծրագրերում ներկայացվել է 67 ֆիլմ, այդ թվում դեբյուտներ, գեղարվեստական եւ վավերագրական համաշխարհային պրեմիերաներ։
Փառատոնն ունի 5 մրցութային ծրագիր՝ լիամետրաժ ֆիլմերի մրցույթ, կարճամետրաժ ֆիլմերի մրցույթ, վավերագրական ֆիլմերի մրցույթ, «ՏՎ-շոկ» (խաղարկային հեռուստաֆիլմեր), մանկական ֆիլմերի  մրցույթ («Киномалышок»)։

Մայրաքաղաքում կանցկացվի ձմերուկի 6-րդ փառատոնը

Երեւանի քաղաքապետարանի «Երեւանյան ամառ 2018» եռամսյա միջոցառումների ծրագրի շրջանակում հուլիսի 22-ին՝ ժամը 18:00-ին, Կարապի լճի հարակից տարածքում կմեկնարկի բազմաթիվ երեւանցիների ու զբոսաշրջիկների կողմից սիրված եւ սպասված ձմերուկի 6-րդ փառատոնը:

Երեւանի քաղաքապետարանից հայտնում են՝ արդեն ավանդական դարձած փառատոնի շրջանակում հյուրերի եւ մասնակիցների համար նախատեսված է հաճելի ու հետաքրքրական ժամանանց: Մեկնարկը կտրվի շքերթ-դիմակահանդեսով, որը կանցկացվի ժամը 18:00-ից մինչեւ 19:00-ն Կարապի լիճ – Հյուսիսային պողոտա – Կարապի լիճ հետագծով: 19:00-ին տեղի կունենա փառատոնի բացման արարողությունը, որին կհետեւեն մրցույթներ, հյուրասիրություն, երաժշտական ծրագիր, ուրախ խաղեր եւ այլն: Նշենք, որ մրցույթների հաղթողները կարժանանան հետաքրքիր մրցանակների:

#ԵրեւանՏԱՐԱԶֆեստ2018 փառատոնի նախապատրաստական աշխատանքները ակտիվ ընթացքի մեջ են – Հիշեցնենք, որ #ԵրեւանյանԱմառ2018-ի շրջանակներում օգոստոսի 4-ին՝ ժամը 18:00-23:00-ին Հյուսիսային պողոտայում Yerevan Municipality-ի եւ Teryan Cultural Center-ի նախաձեռնությամբ կկայանա «Երեւան ՏարազՖեստ» 4-րդ փառատոնը:

* * *

Երեւանի քաղաքապետարանի #Երևանյանամառ2018 եռամսյա միջոցառումների ծրագրի շրջանակում օգոստոսի 4-ին ժամը 18:00-23:00 Հյուսիսային պողոտայում արդեն 4-րդ տարին անընդմեջ կանցկացվի #ԵրևանՏԱՐԱԶֆեստ փառատոնը: ______________________________________________________
Within the frames of “Yerevan summer 2018” three-month event program #YerevanTARAZfest festival will be held for the 4th time. This year festival will take place on August 4, from 18:00 till 23:00 in Northern Avenue, Yerevan.
______________________________________________________
Проводимый уже четвертый год подряд в рамках программы трехмесячных мероприятий «Ереванское лето 2018» фестиваль #ЕреванТАРАЗфест (фестиваль армянской национальной одежды) в этом году пройдет 4ого августа с 18:00 по 23:00 на Северном проспекте в Ереване.

* * *

- Համեցե՛ք. – Օգոստոսի 11-12-ին Շամշադինի Բերդ համայնքում կկայանա Շամշադինի մեղրի եւ հատապտուղների արդեն  7-րդ փառատոնը, որն, ինչպես ամեն տարի, այս տարի եւս անց է կացվելու Սորաններ ազգային պուրակում…

Օգոստոսի 18-ին մայրաքաղաքում կանցկացվի Երեւանի գարեջրի 5-րդ հոբելյանական փառատոնը

Հարգելի համաքաղաքացիներ եւ մայրաքաղաքի հյուրեր, Երեւանի հիմնադրման 2800-ամյակի առիթով գարեջրի բոլոր սիրահարներին օգոստոսի 18-ին՝ ժամը 18:00-23:00,  հրավիրում ենք Կարապի լճի հարակից տարածք՝ մասնակցելու  մեր մայրաքաղաքի ամենասիրված ռւ սպասված Երեւանի գարեջրի 5-րդ հոբելյանական փառատոնին:
Երեւանյան մթնոլորտ, գարեջրային հրավառություն, հետաքրքիր մրցույթներ, հայկական գարեջրի պատրաստման լավագույն ավանդույթներ, գարեջրի շուկայի լավագույն արտադրողներ, այս ամենը մեկ վայրում՝ Երեւանի գարեջրի 5-րդ հոբելյանական փառատոնին:

Իսկ այդ ամենը կուղեկցվի երեւանյան շատ բարձր տրամադրությամբ: Եկեք տոնենք միասին: Սիրով՝ Երեւանի քաղաքապետարանի տուրիզմի բաժին:

Ախթալայում տեղի կունենա խորովածի համահայկական 10-րդ հոբելյանական փառատոնը  

Oգոստոսի 19-ին Ախթալայում տեղի կունենա համահայկական 10-րդ հոբելյանական «Խորովածի փառատոնը», որի ժամանակ Հայաստանի եւ Վրաստանի տարածաշրջանները ներկայացնող ավանդական թիմերը, ինչպես նաեւ զինծառայողների, գրողների եւ ֆիզիկոսների ներկայացրած մի շարք թիմեր իրենց ուտեստներով կմասնակցեն փառատոնին: Այս մասին լրագրողների հետ հանդիպման ժամանակ ասաց Հայ խոհարարական ավանդույթների զարգացման եւ  պահպանման հասարակական կազմակերպության նախագահ Սեդրակ  Մամուլյանը:

«Փառատոնին լինելու է 30 տաղավար: Փառատոնը կազմված է 2 մասից՝ մրցութային եւ գեղարվեստական: Առաջին հատվածի մասնակիցները կներկայացնեն խորովածի տեսականիները, այնուհետև 10 անդամից բաղկացած ժյուրին կգնահատի 3 անվանակարգով՝ «Լավագույն տեսք», «Լավագույն համ» եւ «Լավագույն մտահաղացում»: Խաղարկվելու է նաեւ հոբելյանական արձանիկի տեսքով գլխավոր մրցանակ: Իսկ 1-ին, 2-րդ եւ 3-րդ տեղերը զբաղեցրած մասնակիցները, համապատասխանաբար, կպարգևատրվեն ոսկե, արծաթե եւ բրոնզե մեդալներով»,- ասաց Սեդրակ Մամուլյանը:

Վերջինիս խոսքով՝ գեղարվեստական մասն ուղեկցվելու է ազգագրական, ռազմահայրենասիրական երգերով, մասնակցելու է նաեւ գուսան Հայկազունու խումբն իր հեղինակային երգերով: Սեդրակ Մամուլյանի հավաստմամբ՝ խնդիրներ են եղել տեղանքի ընտրության վերաբերյալ: «

Ախթալայի ընտրությամբ լուծվեց նաեւ տարածաշրջանների համաչափ զարգացման հարցը: Մենք ընտրել ենք Ախթալան, որովհետեւ գիտեինք, որ այդ փառատոնը սկզբնական շրջանում անցկացվում էր Բերդում գտնվող եկեղեցու տարածքում, իսկ եկեղեցու մասով որոշակի խնդիրներ կային Հայաստանի ու Վրաստանի միջեւ: Մենք ուզում էինք հարեւան երկրի հետ համատեղ միջոցառում անցկացնել: Եվ ստացվեց, եւ համատեղ գործունեությունն արդյունք տվեց: Մենք հասել ենք մեր նպատակին, եւ հիմա այս փառատոնը սպասված միջոցառում է շատերի համար»,- նշեց նա:

Սեդրակ Մամուլյանի խոսքով՝ իրենց առջեւ դրված է եղել նաեւ այդ տարածաշրջանի հանրահռչակման հարցը, ինչին հասել են: «Սկզբնական շրջանում գրեթե ոչ ոք չէր լսել Ախթալայի մասին, իսկ հիմա վերջինիս անունը հայտնի է դարձել աշխարհին: Բացի այդ՝ փառատոնի արդյունքում խորովածի տեսականիների մասին 2 անգամ գիրք է տպագրվել»,- հավաստեց Սեդրակ Մամուլյանը:

Նա նշեց, որ խորովածն ինքն իրենով կերակուր չէ, այն մսի ջերմային մշակման եղանակ է: «Լավ կլինի, որ հայերս աշխարհին ներկայանանք այլ կերակրատեսակներով եւս, ինչպիսիք են մշոշը, փլոլը, մախոխը, պուտուկը, Անիի քաղցրավենիքը եւ այլն, որոնք յուրահատուկ են իրենց տեսակի մեջ»,- ընդգծեց նա:

Սեդրակ Մամուլյանի տեղակալ Ռուզաննա Նահապետյանի խոսքով՝ փառատոնն առանձնանում է նրանով, որ ներկայացվում են յուրահատուկ ձեւով պատրաստված տարբեր ուտեստներ: «Ինձ ամենից շատ դուր է եկել խորոված հոնով ու բրնձով լցոնած ճուտը, խորոված տոլման, բանջարեղենի ու մրգերի խորովածը, հետաքրքիր էր նաեւ խորոված ձմերուկը, բայց սրանք հայկական խոհանոցում չկան»,-նշեց Ռուզաննա Նահապետյանը:

Հայ խոհարարական ավանդույթների զարգացման եւ պահպանման հասարակական կազմակերպությունը օգոստոսի նախավերջին շաբաթը հայտարարել է խորովածի օր, իսկ Ախթալան՝ խորովածի մայրաքաղաք:

15/09/2018 - Տող գյուղում անցկացվել է Արցախյան գինու ավանդական փառատոնը

Արցախի նախագահ Բակո Սահակյանն այսօր Հադրութի շրջանի Տող գյուղում մասնակցել է Արցախյան գինու ավանդական փառատոնին: ԱՀ նախագահի աշխատակազմի տեղեկատվության գլխավոր վարչությունից հայտնում են, որ միջոցառմանը ներկա են եղել պաշտոնատար անձինք, ներկայացուցիչներ Հայաստանից եւ սփյուռքից, հյուրեր արտերկրից:

Նշենք, որ Արցախյան գինու փառատոնն ամենամյա խոշոր միջոցառում է, որի կազմակերպումը նպատակ ունի  խթանել իրադարձային տուրիզմն Արցախում, հանրահռչակել Արցախի հարավային զբոսաշրջային երթուղին, ստեղծել  յուրահատուկ հարթակ Արցախի ու Հայաստանի գինեգործների համար

Գունային փառատոն Գյումրիում

Գունային փառատոն Գյումրիում: Color Fest-ը համախմբել է երիտասարդների՝ Հայաստանի տարբեր ծայրերից: Նրանք բարձր երաժշտության ներքո գունավորել են մինյանց, երգել պարել եւ ուրախ ժամանակ անցկացրել: Երիտասարդների միջազգային օրը՝ օգոստոսի 12-ը, շնորհիվ կազմակերպիչների դարձել է անմոռանալի:

Միմյանց վրա գունավոր փոշի շաղ տալու սովորույթը գալիս է Հնդկաստանից: Միջոցառումը Հայաստանում ավանդական է դարձել, բայց Գյումրիում իրականացվել է առաջին անգամ:

«Գութանը» այս տարի տեւեց 3 օր

Ազգային նվագարանները, երգերն ու պարերը կրկին մեկ բեմում են։ «Գութան» երգի ու պարի ամենամյա փառատոնն այսօր անց է կացվում հոբելյանական 5-րդ անգամ։ Այս տարի այն աչքի ընկավ յուրահատուկ մեկնարկով։ «Ամսի 22-ից սկսեցինք, յուրաքանչյուր խումբ, վերցնելով իր վրա պարտականություն, Երեւանի տարբեր վարչական շրջաններում ժողովրդին սովորեցնում էին երգեր, պարեր։ Կամաց-կամաց փորձում ենք ընդլայնել»- նշում է փառատոնի կազմակերպիչ Արսեն Գրիգորյանը։

Ամեն տարի, չնայած փառատոնը համալրվում է նորություններվ, բայց կան նաեւ հստակ պահպանվող սկզբունքներ։ «Յուրաքանչյուր խումբ ամեն տարի մի առաջադրանքով է պատրաստում իր ծրագիրը։ Յուրաքանչյուր խումբ անդրադառնում է ամբողջական Հայաստանի մի գավառի, որեւէ շրջանի ֆոլկլորին, այսինքն՝ Կիլիկյան Հայաստանից սկսած մինչեւ Արցախ, Լոռիից մինչեւ Սյունիք»։

Ամեն տարի մոռացությունից փրկվում են բավականին մեծ թվով երգեր եւ պարեր։ Սկսելով 10 խմբից Գութան փառատոնին այսօր մասնակցում են արդեն 17 երգի ու պարի ավանդական խմբեր։ Բացի մասնակիցների թվից՝ Գութանն ընդլայնում է նաեւ աշխարհագրությունը։ «Ամեն տարի «Գութանն» անցակցվում է նաեւ Արցախում։ Հույս ունենք անցկացնել նաեւ սահմանամերձ քաղաքներում»։

«Գութան» փառատոնն անց է կացվում 2014թ.-ից Երեւանի քաղաքապետարանի եւ Հայաստանի մշակույթի նախարարության աջակցությամբ։

Եռակի հաղթանակ Բուլղարիայից

Օգոստոսի 24-ին Բուլղարիայում մեկնարկեց «Սլավյանսկի Վենեց-2018» միջազգային մրցույթ-փառատոնը, որին «Մինորա» մշակութային կենտրոնի աջակցությամբ մասնակցեցին «Աշոտ Ղազարյանի հումորի, ծիծաղի եւ խոսքի դպրոց-ստուդիան», «Let’s Dance» եւ «Բելլա» պարային համույթները։

– Մեր կենտրոնի շնորհիվ Հայաստանի Հանրապետությունում գործող խմբերն արդեն 7-րդ տարին է, ինչ հնարավորություն ունեն մասնակցելու Բուլղարիայում բարձր մակարդակով կազմակերպվող միջազգային «Սլավյանսկի Վենեց» բազմաժանր մրցույթին, որին ամեն տարի մասնակցություն են ցուցաբերում ստեղծագործական խմբեր աշխարհի շուրջ 15 պետություններից: Սիրով եւ հպարտությամբ ուզում եմ նշել, որ մեր բոլոր մասնակիցներն իրենց տարիքային խմբերում եւ անվանակարգերում զբաղեցրեցին 1-ին տեղը:  – նշում է «Մինորա» մշակութային կենտրոնի հիմնադիր եւ տնօրեն Ռոլանդ Ռեյը (Աբրահամյան):

Բացի մրցույթից մասնակիցները հնարավորություն ունեցան այցելել Վառնայի Գալատա թաղամաս, որտեղ գտնվում է հայ ազգային հերոս Զորավար Անդրանիկի հուշարձանը: Բոլորը Բուլղարիայից վերադարձան անմոռանալի տպավորություններով, բարձր տրամադրությամբ՝ ըստ արժանվույնս եւ բարձր մակարդակով ներկայացնելով մեր մշակույթն իր ողջ գեղեցկությամբ, որն անկասկած գնահատվեց, վերածվեց հաղթանակի եւ բազմաթիվ գովեստի խոսքերի:

Նշենք նաեւ, որ այսուհետ «Մինորա»  մշակութային կենտրոնը հանդիսանում է  «Սլավյանսկի Վենեց» միջազգային մրցույթ-փառատոնի էքսկլյուզիվ ներկայացուցիչը ՀՀ-ում եւ ԼՂՀ-ում:

Մինաս Ավետիսյանի որմնանկարները վտանգված են

Այսօր այս մասին լրագրողների հետ հանդիպմանը Մինաս Ավետիսյան» հիմնադրամի խորհրդի նախագահ Արման Ավետիսյանը հայտնեց, որ Մինաս Ավետիսյանի որմնանկարները վտանգի տակ են։

«Ուղղակի ֆինանսավորում չկա եւ ուշադրությունից դուրս է հիմա։ Մշակույթի նախորդ նախարարի օրոք ուղղակի չէր խոսվում այս մասին, հիմա էլ մենք մեկ ամսից ավել է դիմել ենք, որ հանդիպում ունենանք նորանշանակ նախարարի հետ»։

Մինչ օրս հիմնադրամի ներկայացուցիչները սպասում են Մշակույթի նախարարության պատասխանին։ Արման Ավետիսյանը փաստում է՝ հատկապես վտանգված է Մինաս Ավետիսյանի «Գիշեր» որմնանկարը: Նրա պնդմամբ՝ Մինաս Ավետիսյանի բոլոր նկարները պետք է վերադարձվեն Գյումրի, բայց դրա համար անհրաժեշտ պայմաններ չկան: ««Գիշեր» որմնանկարը մոտ 18-20 հազար դոլարի խնդիր է, իսկ «Արմենիա» որմնանկարը դեռ պիտի ուսումնասիրվի»,- նշում է Արման Ավետիսյանը։

Հիմնադրամի խորհրդի նախագահն առաջարկում է բոլոր որմնանկարներն ի վերջո հավաքել մեկ տեղում։ «Առաջարկում եմ Գյումրիում ստեղծել մոնումենտալ թանգարան։ Սա կխթանի նաեւ տուրիզմի զարգացմանը»։

Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնը  Մոսկվայի Մեծ թատրոնում / Մենակատարին մոսկովյան հյուրախաղերից առաջ տանում են բանակ

Մոսկվայում վաճառվել են  «Գայանե» բալետի բոլոր տոմսերը։ Սպենդիարյանի անվան օպերայի եւ բալետի ազգային ակադեմիական թատրոնը  Մոսկվայի Մեծ թատրոնում «Գայանե»-ն ներկայացնելու է հուլիսի 24-ին։ Վերջին անգամ այս բալետը ներկայացվել է 60 տարի առաջ, իսկ  մեր թատրոնի դերասանները վերջին անգամ  հյուրախաղերով  25 տարի առաջ են եղել Մոսկվայի Մեծ թատրոնում:

Գեղավերստական ղեկավար Կոնստանտին  Օրբելյանն ամփոփեց 85-րդ հոբելյանական թատերաշրջանը և ներկայացրեց աշխատանքները, անդրադարձավ առաջիկա, մասնավորապես՝ Դուբայի եւ Քուվեյթի հյուրախաղերին եւ պրեմիերաներին։ Նա խոսեց նաեւ  առկա խնդիրների եւ իր անձնական ներդրումների մասին։  «Կախարդական սրինգ», եւ «Կարմեն» օպերաների նոր բեմադրությունների համար թատրոնը որեւէ «կոպեկ» չի ծախսել: Սա բացառապես Օրբելյանի եւ նրա ընկերների կողմից արված ներդրումներն են։

Հարցին, թե ինչպե՞ս է լուծվելու 18 տարին լրացած պարային մենակատարների բանակ զորակոչվելու հարցը, Օրբելյանն ասաց, որ աշխատանք տարվում է այդ ուղղությամբ, բայց պատասխան դեռ չունեն: Նա մասնավորապես խոսեց  միջազգային մրցանակների դափնեկիր մենապարող Ռազմիկ Մարուքյանի մասին, որը վաղը պետք է զորակոչվի բանակ, այնինչ նա ընդգրկված է «Գայանե» բալետային ներկայացման հյուրախաղերում:

Սպենդիարյանի անվան օպերայի եւ բալետի ազգային ակադեմիական  թատրոնում «Արշակ Բ» ներկայացումից առաջ կայացավ Արշակ Բ հայկական առաջին օպերայի 150 ամյակին նվիրված մեկ նամականիշով փոստային բացիկի մարման հանդիսավոր արարողությունը: ԻսկԱրշակ Բ-ի դերում հանդես է գալու Բարսեղ Թումանյանը։

Շատ ափսոս, որ Արամ Խաչատրյանը ընդամենը 3 բալետ է գրել

Ալ. Սպենդիարյանի անվան օպերայի եւ բալետի ազգային ակադեմիական թատրոնը Արամ Խաչատրյանի ծննդյան 115-ամյակի հոբելյանական միջոցառումների շարքում,  հունիսի 8-ին, 11-ին և 13-ին ներկայացվեցին «Սպարտակ», «Գայանե» եւ «Դիմակահանդես» բալետները։ Նախաձեռնության հեղինակը՝ Կոնստանտին Օրբելյանն էր։ «Երեքն էլ հեքիաթային բալետներ են, մեր ազգի հպարտությունը, ամեն մեկը յուրովի սիրելի,- ասել է բալետի առաջատար պարող Ռուբեն Մուրադյանը,- ես շատ եմ ափսոսում, որ Խաչատրյանը ընդամենը 3 բալետ է գրել, ոչ թե 10, կամ 15»։

«Երբ ես, 1973-ին պետք է բեմադրեի «Գայանե»-ն՝ մեր օպերայի բեմում, որոշեցի լիբրետոն ձեւափոխել,- ասոել է թատրոնի գլխավոր բալետմայստեր Վիլեն Գալստյանը։ Դիմեցի Սիլվա Կապուտիկյանին, հետո Պարույր Սեւակին, սակայն ի վերջո, նրանց իսկ խորհրդով՝ ես գրեցի։ Բայց դե ինձանից ինչ լիբրետիստ։ Կարևորը այն էր, որ գոնե սյուժետային շատ անհեթեթություններ վերացրեցի»։

Հուլիսի 24-ին, 60 տարի անց՝ «Գայանե» բալետը Ռուսաստանում ՀՀ դեսպանության նախաձեռնությամբ եւ աջակցությամբ կներկայացվի Մոսկվայի Մեծ թատրոնի բեմում։ Վիլեն Գալստյանը մեծ ափսոսանքով խոսեց այն մասին, որ ցավոք, կառավարությունը այդպես էլ գումարներ չկարողացավ հատկացնել «Դիմակահանդեսը»՝ Սանկտ-Պետերբուրգ հյուրախաղերի տանելու համար։

Արամ Խաչատրյանին նվիրված համերգ՝ Մոնակոյի «Օպերա դե Մոնտե-Կարլո»-ում

Սեպտեմբերի 2-ին «Opéra de Monte-Carlo, Salle Garnier» համերգասրահում կայանալու է բարեգործական համերգ համաշխարհային օպերային երգչուհի սոպրանո Հասմիկ Պապյանի եւ միջազգային մրցույթների դափնեկիր դաշնակահարուհի Նարե Արղամանյանի մասնակցությամբ։

armeniancollection.com  կայքից տեղեկանում ենք, որ համերգի կազմակերպիչն ու նախաձեռնողը BPA ընկերությունն է։ «Հաշվի առնելով այն հանգամանքը, որ այս տարի լրանում է հայ մեծանուն կոմպոզիտոր, երաժիշտ Արամ Խաչատրյանի 115-ամյակը, ով եղել է առաջին հայը, որ համերգով հանդես է եկել Մոնակոյի «Օպերա դե Մոնտե-Կարլո»-ում 1974թ., ուստի նպատակահարմար ենք գտնում հենց նույն համերգասրահում կազմակերպել Արամ Խաչատրյանին նվիրված համերգ: Ուրախ ենք տեղեկացնել, որ Արամ Խաչատրյանը ջերմ ընդունելության է արժանացել 1973թ. Մոնակոյի արքայազն Ռայներ Ռենե III-ի եւ արքայադուստր Գրեյս Քելլիի կողմից: Ինչպես նաեւ նրանց առաջարկով 1974թ. «Օպերա դե Մոնտե-Կարլո»-ում կազմակերպվել է Արամ Խաչատրյանի համերգը»,- նշված է armeniancollection.com կայքում։
Բարեգործական համերգը ուղղված է լինելու «Օգնեմ» եւ «Ֆոնդ 100» բարեգործական հիմնադրամներին աջակցելու նպատակով: Նույն աղբյուրում նաեւ նշված է, որ  BPA (Business Partners of Armenia) ընկերությունը, որը տարիներ շարունակ հանդես է եկել Հայաստանի տնտեսության զարգացմանը միտված տարբեր նախաձեռնություններով, այժմ հանդես է գալիս մի նոր մեծ նախաձեռնությամբ՝ «Armenian collection 2018 Monte-Carlo», որը միտված ակտիվացնելու Հայաստանի եւ Մոնակոյի միջեւ մշակութային եւ տնտեսական կապերը:
Ծրագիրն իր մեջ ներառում է նաեւ արվեստագետ, նկարիչ, ոսկերիչ, դիզայներ Նուռի երկու աշխատանքների ցուցադրություն, հայտնի հայ մոդելավորողների ցուցադրություն, ARARAT Լեգենդար Հայկական կոնյակների համտեսի արարողություն եւ այլ միջոցառումներ։

«Թիկնոցը» եւ «Պայացներ». համերգային կատարումներ՝ հայ եւ օտարազգի մենակատարների մասնակցությամբ

Արամ Խաչատրյան համերգասրահում օգոստոսի 29-ին հնչելու է Ջակոմո Պուչինիի «Թիկնոցը» եւ Ռուջերո Լեոնկավալոյի «Պայացներ» օպերաների համերգային կատարումները՝ դիրիժոր Էդուարդ Թոփչյանի ղեկավարությամբ: Հայաստանի Ազգային ֆիլհարմոնիկ նվագախմբի կայքից տեղեկանում ենք, որ համերգին որպես մենակատարներ հանդես են գալու ոչ միայն հայ, այլ նաեւ օտարազգի արտիստներ։
Մասնավորապես, «Պայացներ»-ում հանդես է գալու Իտալիայից բարիտոն Ջիանպիերո Ռուջերին, Ղազախստանից բարիտոն Ազամաթ Ժելտիգրուզովը, նաեւ Ռուսաստանից տենոր Արսեն Սողոմոնյանը, Ֆրանսիայից սոպրանո Աննա Կասյանը, Հայաստանից տենոր Պերճ Քարազյանը։  Երգչախմբերից ելույթ է ունենալու «Հովեր» պետական կամերային երգչախումբը (խմբավար՝ Սոնա Հովհաննիսյան), Երեւանի ձայնի պահպանման վոկալ-երգչախմբային մասնագիտական դպրոցի երգչախումբը (խմբավար՝ Էմմա Առաքելյան)։

Էլի Բերբերյանն ու Եզրաս արքեպիսկոպոսը Սանկտ Պետերբուրգում կատարել են «Հորովել»-ը

Օգոստոսի 1-ին օպերային երգիչ եւ փոփ երաժշտությանը նոր շունչ հաղորդած Էլի Բերբերյանը Ռուսաստանի եւ Նոր Նախիջեւանի հայոց թեմի առաջնորդ Եզրաս արքեպիսկոպոս Ներսիսյանի հետ Սանկտ Պետերբուրգի Նեւսկու պողոտայի վրա գտնվող Հայ առաքելական սուրբ Եկատերինա եկեղեցու դիմաց կատարել են Կոմիտասի «Հորովել»-ը:
Երգիչն իր ֆեյսբուքյան էջում նաեւ տեսանյութ է հրապարակել, որտեղ երեւում է, թե ինչպես են անցորդները կանգնած լսում կատարումն ու նկարում:

«Բյուրեղապակյա դղյակ»-ը հայաստանյան հանդիսատեսի համար

Շքեղ դեկորացիաներ, բեմում համաշխարհային աստղեր, նրբաճաշակ երաժշտություն եւ անգամ կուլիսներից անսպասելի հայտնված կենդանի ձի ու շներ։ Նախորդ ամիս Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնում երեւանյան հանդիսատեսը 2 օր վայելեց կոմպոզիտոր Ալեքսեյ Շորի «Բյուրեղապակյա դղյակ» մուլտիժանրային բեմադրությունը։ Բեմադրության սցենարի հեղինակ եւ ռեժիսոր Եկատերինա Միրոնովայի խոսքով, երեւանյան ներկայացումները կարելի է համարել  պրեմիերա։ «Անցյալ տարի հատուկ պատվերով ներկայացրել ենք այն Մալթայում, որը նախապրեմիերային ցուցադրություն էր»,- ասել է նա:

Սցենարի հիմքում 18-րդ դարի Ռուսական կայսրուհի Աննա Իոանովնայի պալատական բարքերն ու մարդկային կրքերն են։ Իրական մի պատմություն, թե ինչպես կայսրուհին, որ ոչինչ իր հաճույքների համար չէր խնայում, հրամայում է  ծաղրածու զույգի ամուսնության հանդեսը կատարելու համար կառուցել բյուրեղապակյա դղյակ։ Զույգը սառցե պալատում անցկացնում է ամուսնական առաջին գիշերը, հետո մոռանում են նրանց մասին։ «Սա այն դեպքն է, երբ պատմությունը իրականում ավելի բարեհաջող ավարտ է ունենում, քան ներկայացման մեջ,- ասել է խորեոգրաֆ Ալեքսանդր Սոմովը։

Ներկայացմանը մասնակցում էին Երեւանի պարարվեստի քոլեջի սաները եւ Արմեն Տիգրանյանի անվան երաժշտական դպրոցի երգչախումբը: Ռուս արտիստներին հիացրել էին հայ երեխաները, որոնք, նրանց խոսքով` զարմանալի դաստիարակված են ու տաղանդավոր։ Հիացմունքի խոսքեր հնչեցին նաեւ նվագախմբի երաժիշտների պրոֆեսիոնալիզմի եւ օպերայի բեմական հնարավորությունների մասին։ Բեմադրիչների խոսքով, նման շքեղ բեմադրությունը թանկ հաճույք է եւ երեւանյան հյուրախաղերը կայացան Մալթայի մեր հայրենակից գործարարի հովանավորության շնորհիվ, նաեւ Կոնստանտին Օրբելյանի շնորհիվ, որի անունն իհարկե իր դերակատարումն ունեցավ։

«Բյուրեղապակյա դղյակը» առայժմ Մեծ թատրոնի խաղացանկում ընդգրկված չէ։ Թե  որ բեմում այն կներկայացնեն երեւանյան հյուրախաղերից հետո՝ հստակ չէ, ամենայն հավանականությամբ դա կլինի Ղազախստանը կամ Ճապոնիան։

Արմեն Ջիգարխանյանի անվան թատրոնը բացում է նոր թատերաշրջանը

ԽՍՀՄ ժողովրդական արտիստ Արմեն Ջիգարխանյանի անվան Մոսկվայի դրամատիկական թատրոնն  կբացի նոր՝ 23-րդ թատերաշրջանը։ ՏԱՍՍ-ի հաղորդմամբ, միաժամանակ ցուցադրվելու է երկու ներկայացում՝ նախորդ թատերաշրջանի պրեմիերաները։
Գործակալության զրուցակիցը պատմել է, որ Ջիգարխանյանն անձամբ է պատրաստել թատերախմբին նոր թատերաշրջանի բացմանը։ «Արմեն Ջիգարխանյանն ամեն օր մասնակցում էր փորձերին, ամռանը նա հագստացավ, ուժերը հավաքեց եւ հիմա ամբողջությամբ տրվել է ստեղծագործական գործունեությանը»,- ասել է զրուցակիցը։ Նա նաեւ ասել է, որ թատրոնի նախկին տնօրենի եւ Ջիգարխանյանի նախկին կնոջ հետ կապված դատական գործընթացներով բացառապես զբաղվում են իրավաբանները, իսկ Արմեն Ջիգարխանյանն այդ գործերից ազատված է։
Թատրոնից նաեւ հայտնել են, որ առաջիկա թատերաշրջանը հարուստ է լինելու պրեմիերաներով։

Մեր օպերան վերջին 25 տարիների ընթացքում տակնուվրա կյանք է ապրել

«Հայաստանի մշակութային քաղաքականության մեջ վերջերս բարելավումներ եմ նկատել»,- այս մասին մամուլի ասուլիսի ժամանակ ասաց փարիզաբնակ ռեժիսոր, դերասան Ժիրայր Բաբազյանը։ «Բավականին երկար ժամանակ հին, սովետական մտածելակերպով աշխատաձևեր կային, որոնք ինձ բացարձակ դուր չէին գալիս եւ խուսափում էի, բայց երբ որ 2016թ. պատահաբար հանդիպեցի այն ժամանակ Համազգային թատրոնի տնօրեն Վարդան Մկրտչյանին, զրուցեցինք, հասկացա, որ սերունդը փոխվել է։ Այդ սերնդափոխությունն ինձ խանդավառեց, այն դերասան-դերասանուհիների, որոնց հետ ծանոթացրեց նա, հասկացա, որ ուրիշ սերունդ է։ Նախորդ սերունդը մի քիչ ինքնահավան էր»,- պատմեց ռեժիսորը։
Նա հայտնեց, որ օգօստոսի 16-ին տեղի կունենա իր բեմադրությամբ Լեւոն Չուքազյանի «Կարին» օպերայի պրեմիերան։ Բաբազյանը հատուկ շեշտեց, որ ներկայացման մեջ ներառել է երիտասարդ սերնդի արտիստներին։
«Պրեմիերան մայիսի 12-ին էր նախատեսված, սակայն երկրում տեղի ունեցող իրադարձությունների պատճառով հետաձգվեց։ Փորձեր չկարողացանք անել,  կիսատ-պռատ եղան որոշ փորձեր, մոտենալ չէինք կարողանում Օպերայի շենքին։ Բեմադրությունը արեւմտահայերենով է, եւ այն կլինի այս շրջանի միակ արևմտահայերեն լեզվով մատուցված գործը»,- ասաց Ժիրայր Բաբազյանը։
Նա հիշեցրեց, որ «Կարին» օպերան առաջին անգամ բեմադրել է ֆրանսերեն լեզվով Փարիզում՝ 2010թ., այնուհետեւ մինչեւ 2015թ. ներկայացրել են Ֆրանսիայի այլ քաղաքներում. «Դահլիճներն ավելի շատ օտար հանդիսատեսով էր լցված, քան հայերով»։
Հարցին, թե այստեղ բեմադրության կազմակերպման ժամանակ ի՞նչ դժվարությունների է հանդիպել, փարիզաբնակ ռեժիսորը պատասխանեց. «Նախ աշխատաձեւը շատ տարբեր է, հետո գումարի հետ կապված հարցրեր կան, ամեն մի փորձը գումար է։ Այստեղի օպերան ռեպերտուարային թատրոն է, մի գիշեր «Կարմեն» են երգում, մի գիշեր՝ «Տոսկա», եւ իրենց կենտրոնացումը մաքուր չի լինում։ Իսկ եթե այսպիսի մեծ մասշտաբային ռեպերտուարով օպերա ենք ցանկանում պահել, պետք է գոնե երկու խումբ լինի։ Օպերան վերջին 25 տարիների ընթացքում այնքան տակնուվրա կյանք է ապրել, որ մեկ երկու տարվա մեջ խնդիրները չեն լուծվի։ Այնտեղ փորձասենյակ չկա մարդավարի։ Երբ բեմը զբաղված է, զուգահեռ աշխատանք տանելու համար փորձասենյակ է պետք»։
Նրա կարծիքով՝ պետության եւ մշակույթի աշխատողների միջեւ մտածողությունը լուրջ ուսումնասիրության ենթարկված չէ։

30/08/2018 – Օպերայի եւ բալետի թատրոնում կան մեծ խնդիրներ.

Ալ. Սպենդիարյանի անվան օպերայի եւալետի ազգային ակադեմիական թատրոնի բյուջեն չի բավարարում շենքի կապիտալ վերանորոգման համար։ Լրագրողների հետ հանդիպմանն ասաց օպերայի եւալետի ազգային ակադեմիական թատրոնի տնօրեն եւեղարվեստական ղեկավար, ՌԴ վաստակավոր արտիստ Կոնստանտին Օրբելյանը։
«Թատրոնում կան մեծ խնդիրներ։ Տանիքից կաթում է, գումար չկա վերանորոգելու համար»,- ասաց նա՝ հավելելով, որ երբեմն մարդիկ իրենք են իրենց գրպանից ծախսեր անում: Կ. Օրբելյանը ցանկանում է ստեղծել ևս մեկ նվագախումբ, որպեսզի կարողանան ավելի շատ աշխատել: «Մեկ նվագախումբը չի կարող այսօր նվագել «Աիդա», վաղը՝ «Սպարտակ», մյուս օրը՝ մեկ ուրիշ ներկայացում»,- հավելեց նա։

Ես ասել եմ՝ թողեք աշխատեմ

Տես նաեւ՝ Օպերային թատրոնում արմատական փոփոխությունների անհրաժեշտության կարիք կա. Լիլիթ Մակունց

«Աշխարհի շատ թատրոններում գլխավոր տնօրենի ու գեղարվեստական ղեկավարի պաշտոնները համատեղ են։ Նաեւ թե գեղարվեստական ղեկավարը դիրիժոր է, չպետք է լինի գլխավոր դիրիժոր, այդ պաշտոնները նույնպես համատեղվում են»,- լրագրողների հետ հանդիպմանն ասաց Ալ. Սպենդիարյանի անվան օպերայի եւ բալետի ազգային ակադեմիական թատրոնի տնօրեն եւ գեղարվեստական ղեկավար, ՌԴ վաստակավոր արտիստ Կոնստանտին Օրբելյանը՝ պատասխանելով հարցին, թե ինչպես կմեկնաբանեք մշակույթի նախարար Լիլիթ Մակունցի հայտարարությունները։
Նա նաեւ նշեց. «Ես ասել եմ՝ թողեք աշխատեմ, մի քանի տարվա պայմանագիր ունեմ, եթե ձեզ դուր չի գա, փոխեք հետո։ Ես ասել եմ՝ իմ պայմանագիրն այդպիսինն է։ Ես անում եմ այն, ինչ համարում եմ անհրաժեշտ։ Ես կարծում եմ, որ այն, ինչ ես անում եմ, առաջին հերթին պետք է թատրոնին, երգիչներին։ Հսկայական պլաններ ունենք»։

Կ. Օրբելյանն ասաց, որ լավ հարաբերություններ ունի մշակույթի նախարարի հետ։ Ասուլիսին ներկա թատրոնի գլխավոր խմբավար, ՀՀ վաստակավոր արտիստ Կարեն Սարգսյանն ասաց, որ ինքը թատրոնում աշխատում է 1977թ.-ից։ «Հովհաննես Չեքիջյանը, երբ 1982թ. նշանակվեց տնօրեն եւ գեղարվեստական ղեկավար, վերացվեց ոչ միայն գլխավոր դիրիժորի, նաեւ գլխավոր խմբավարի պաշտոնը, ասաց՝ եթե ես այստեղ եմ, ի՞նչ գլխավոր խմբավար»,- հավելեց նա։
Օգոստոսի 27-ին կայացած ասուլիսում մշակույթի նախարար Լիլիթ Մակունցը, խոսելով հաստիքների տարանջատման մասին ասել էր, որ հնչեցվել է տեսակետ, որ օպերայի աշխատանքների արդյունավետությունը թերևս կշահի, եթե բոլոր հաստքիները լինեն տարանջատված։ «Մեր կողմից հնչեցվել է այդ տեսակետը, որ տնօրենն առանձին հաստիք զբաղեցնի, գեղարավեստական ղեկավարը՝ առանձին։ Խոսել ենք  գլխավոր դիրիժորի հաստիքի անհրաժեշտության մասին։ Անձամբ իմ կարծիքն այն է, որ եթե այդ հաստիքները լինեն առանձին, օպերայի արդյունավետ աշխատանքը շատ ավելի զգալի կլինի։ Շատ դեպքերում  տնօրենի եւ գեղարվեստական ղեկավարի հաստիքները միմյանց հետո պետք է կոնֆլիկտի մեջ մտեն, ու դրա արդյունքում է լինում արդյունավետ աշխատանք»,- ասել էր նախարարը։

30/08/2018 - Օպերային թատրոնը հյուրախաղերով հանդես է գալու Դուբայում եւ Քուվեյթում

«Ալ. Սպենդիարյանի անվան օպերայի եւ բալետի ազգային ակադեմիական թատրոնի աշխատանքն անցած 10-11 ամիսներին աննախադեպ ակտիվ էր։ 11 ամսում իրականացրել ենք 7 խոշոր ծրագիր»,- լրագրողների հետ հանդիպմանն ասաց  թատրոնի գլխավոր խմբավար, ՀՀ վաստակավոր արտիստ Կարեն Սարգսյանը։ Նրա խոսքով, ստեղծագործական իմաստով խիստ բավարարված են, հոգնելու իրավունք չունեն, քանի որ մի ամբողջ ամիս սպասվում է  բավականին ինտենսիվ աշխատանք։ Կ. Սարգսյանը տեղեկացրեց, որ սեպտեմբերին 6 ներկայացումով հանդես են գալու Դուբայում,  2 ներկայացումով եւ 1 համերգով՝ Քուվեյթում։
«Ամբողջ սեպտեմբերը զբաղված պետք է լինենք։ Վերադառնալուց հետո մասնակցելու ենք Ֆրանկոֆոնիայի գագաթաժողովի միջոցառումներին։ Հոկտեմբերի 6-ին, 8-ին, 10-ին ներկայացնելու ենք  առաջին անգամ մեր խաղացանկում  Մասնեի «Մանոն» օպերան։ Բավականին դժվար օպերա է, բայց շատ գեղեցիկ  բեմադրություն է, որը Մոսկվայի Ստանիսլավսկու անվան թատրոնի բեմադրությունն է, Ալ.Սպենդիարյանի անվան օպերայի եւ բալետի ազգային ակադեմիական թատրոնի տնօրեն եւ գեղարվեստական ղեկավար Կոնստանտին Օրբելյանը տեղափոխել է մեզ մոտ»,- ասաց Կ. Սարգսյանը։
Հրավիրյալ դիրիժոր Քրիստոֆեր Օկասեկի գնահատմամբ, օպերային թատրոնի նվագախումբն ու երգչախումբն անհավատալի էներգիայով են կատարում իրենց աշխատանքը։

Տեսնել նաեւ այս հրապարակումները`

Մեր օպերան վերջին 25 տարիների ընթացքում տակնուվրա կյանք է ապրել. Բաբազյան

Պրեմիերա՝ Հայաստանի օպերային թատրոնում

Գինեսի ռեկորդակիր Նիկոլայ Մադոյանը ելույթ կունենա Հայաստանի պետական կամերային նվագախմբի հետ

Սեպտեմբերի 19-ին Կոմիտասի անվան կամերային երաժշտության տանը տեղի կունենա Հայաստանի պետական կամերային նվագախմբի 2018-2019 համերգաշրջանի բացման համերգը, որը նվիրվում է Հայաստանի Հանրապետության անկախության 27-ամյակին:

Համերգին ելույթ է ունենալու Հայաստանի պետական կամերային նվագախումբը (գեղարվեստական ղեկավար եւ գլխավոր դիրիժոր Վահան Մարտիրոսյան): Համերգը ղեկավարելու է դիրիժոր Կարեն Դուրգարյանը։ Որպես մենակատար հանդես է գալու միջազգային մրցույթների դափնեկիր, Գինեսի ռեկորդների տիտղոսակիր ջութակահար Նիկոլայ Մադոյանը։
Համերգային ծրագրում ընդգրկված են Վիվալդիի «Տարվա եղանակներ», Սարյանի «Գառնի», Հարությունյանի «Սինֆոնիետա», Միրզոյանի «Լարային քառյակ» ստեղծագործությունները։

Հիշեցնենք, որ Նիկոլայ Մադոյանը 33 ժամ, 2 րոպե եւ 41 ժամ անընդմեջ նվագով (ժամը մեկ՝ 5-րոպեական դադարներով) ջութակահարը համաշխաշխարհային ռեկորդ է սահմանել։

Աշխարհի մեծագույն բեմերը նվաճած բալետի հայազգի պարուհին երազում է հանդես գալ Հայաստանում

«Վեց տարեկան էի, երբ հեռացանք Հայաստանից, բայց այն շարունակում է մնալ աշխարհի իմ ամենասիրելի անկյունը: Որտեղ էլ լինեմ, միշտ հպարտանում եմ իմ հայկական արմատներով: Պարել եմ աշխարհի ամենատարբեր քաղաքներում, բայց երբեք չի հաջողվել պարել Երեւանում»: Մշակույթի նախարարության ֆեյսբուքյան էջից տեղեկանում ենք, որ երեւանյան բեմում պարելու իր երազանքի մասին Մոնտե Կառլոյի օպերային թատրոնի հայտնի մենապարուհի Վիկտորյա Անանյանը պատմել է մշակույթի նախարար Լիլիթ Մակունցի, նախարարի տեղակալներ Վահե Բուդումյանի ու Տիգրան Գալստյանի հետ հանդիպմանը: Նա նաեւ ասել է, որ  հնարավորության դեպքում մեծ ուրախությամբ հանդես կգար հայ հանդիսատեսի առաջ:
«Միշտ ունեցել եմ այդ ցանկությունը, բայց երբեք չի հաջողվել այն իրագործել: Հասկանում եմ, որ բալետային ամբողջ խմբով Հայաստանում հանդես գալը չափազանց ծախսատար է, գուցե հնարավոր է դա իրականացնել միայն բալետի իմ գործընկերոջ հետ»,-նշել է Վիկտորյա Անանյանը: Մշակույթի նախարարի համոզմամբ, վերջին ձեւաչափով Վիկտորյայի երեւանյան ելույթը իրագործելի է:
Մոնտե Կառլոյի օպերային թատրոնի հայտնի մենապարուհին ծնվել է Երեւանում՝ պրոֆեսիոնալ բալետ պարողների ընտանիքում: Ինչպես ինքն է ասում՝ բալետն իր արյան մեջ է, հայ խորհրդային բալետի արտիստ ու բալետմայստեր, ՀԽՍՀ արվեստի վաստակավոր գործիչ Զարեհ Մուրադյանի թոռնուհին է: Մանկուց սովորել է տարբեր երկրների բալետային դպրոցներում, յուրացրել է ռուսական, եվրոպական ու ամերիկյան բալետի բոլոր ոճերը: Ապրել է Ուկրաինայում, Բելառուսում, Ռուսաստանում, Հոլանդիայում, ԱՄՆ-ում, ներկայում՝ Մոնակոյում:
Հոլանդահայ համայնքի «Գրիգոր Նարեկացի» հիմնադրամը 2800-ի առիթով Երեւանին այսօր նվիրեց Գամփռ շան քանդակը՝ որպես Հայաստանի խորհրդանիշներից մեկը: Նախաձեռնության հեղինակներից է նաեւ Վիկտորյա Անանյանը, որը փորձում է օգտակար լինել հայրենիքին հնարավոր բոլոր միջոցներով:

10/09/2018- Նախագահը ներկա է գտնվել Երեւանյան 12-րդ միջազգային երաժշտական փառատոնի բացմանը

Նախագահ Արմեն Սարգսյանն «Արամ Խաչատրյան» համերգասրահում այսօր ներկա է գտնվել Երևանի հիմնադրման 2800-ամյակին նվիրված Երևանյան 12-րդ միջազգային երաժշտական փառատոնի բացման հանդիսավոր համերգին: Այս մասին տեղեկանում ենք ՀՀ նախագահի պաշտոնական կայքից։

Տեսանյութ – https://www.a1plus.am/1640353.html 

Մոսկվայում բացվելու է Մարիամ Ասլամազյանի աշխատանքների ցուցահանդեսը

Մոսկվայի Արեւելքի պետական թանգարանում օգոստոսի 29-ից սեպտեմբերի 18-ը գործելու է Մարիամ Ասլամազյանի աշխատանքների ցուցադրությունը՝ «Արեւային գույների պատմություններ» խորագրով։ ՌԴ-ում ՀՀ դեսպանության ֆեյսբուքյան էջից տեղեկանում ենք, որ ցուցահանդեսը նվիրված է նկարչուհու 110-ամյակին։

Ցուցահանդեսի կազմակերպիչներն են ՀՀ-ի և ՌԴ-ի մշակույթի նախարարությունները, ՌԴ-ում ՀՀ դեպանությունը, Արեւելքի պետական թանգարանը, Մարիամ եւ Երանուհի Ասլամազյան քույրերի պատկերասրահը։

ԽՍՀՄ ժողովրդական նկարիչ Մարիամ Ասլամազյանը (1907-2006 թթ.) Լենինականում ապրել է մինչեւ 1927թ., երկար տարիներ ապրել է Մոսկվայում: «Մարիամի ստեղծագործությունները վառ են, լուսավոր. նրա ստեծագործությունների գույների ու քսվածքների բովանդակությունն աշխարհի լինելիության վերաբերյալ որոնողական բովանդակությունն է: Մարիամի ստեղծագործություններն արված են դեկորատիվ-հարթային լուծումով եւ կոմպոզիցան էլ կառուցված է արեւելյան սկզբունքով առարկաները բաշխված են ըստ գույնի լուսավորության: Ստեղծագործությունների կրեդոն ազգայինի եւ առատության գաղափարների բովանդակության գովերգումն էր: Նա իր ստեղծագործություններում որպես ազգային գույն կարեւորում է կարմիրը: Մարիամ Ասլամազյանն իր արվեստի մեջ սեփական տեսանկյունից փորձել է վերանայել Խորհրդային եւ հետպատերազմյան տարիները, իր վերաբերմունքն է արտահայտել այդ տարիների հետեւանքների վերաբերյալ»,- կարդում ենք aslamazyanmuseum.com  կայքում:

Մարիամ Ասլամազյանը մահացել է 2006թ. հուլիսի 16-ին: Դին տեղափոխվել եւ հուղարկավորվել է Երեւանում: Նրա աշխատանքները պահվում են բազմաթիվ  թանգարաններում`Երեւան, Մոսկվա, Սոֆիա, Բեռլին, Վենետիկ, Տոկիո, Դելի եւ այլն:

Աշխարհը հիանում է հայկական մշակույթով

Ֆրանսահայ դերասան, բեմադրիչ Ժիրայր Բաբազյանը (Փափազյան) 2010թ. Փարիզում ներկայացրել է Տիգրան Չուխաջյանի «Կարինե» օպերետի ֆրանսերեն ընթերցում-համերգ տարբերակը: Այժմ նա փորձում է, անհրաժեշտ ֆինանսական միջոցները հայթայթելուց հետո`բեմադրել նաեւ Հայաստանում: Այս մասին ասուլիսում ասաց նա` Ժիրայր Բաբազյանը:
Նրա խոսքով, այդկերպ ցանկանում է Ֆրանսիայի եւ Հայաստանի միջև ստեղծել մշակութային կապեր: Ըստ Ժ. Բաբազյանի, «Կարինե» օպերետը, աջակցության դեպքում, ֆրանսերենով հնարավոր կլինի բեմադրել Ֆրանկոֆոնիայի օրերին, որը սովորաբար գարնանն է լինում:

Բեմադրիչի խոսքով, հայկական մշակույթի միջոցով պետք է աշխարհին ներկայացնել Հայ դատն, ու ընդհնարապես, Հայ դատի իրականացմանը հասնել նաեւ մշակութային քաղաքականության միջոցով: «Աշխարհը հիանում է, երբ նրան ցուցադրում են հայկական մշակութային հարուստ ժառանգությունը, ինչը նրանց անծանոթ է»,- նշեց Ժ. Բաբազյանը` կարեւորելով մշակույթի ոլորտի ֆինանասավորում: Նրա խոսքով, անծանոթ վայրերում պետք է ներկայացնել միայն բարձրորակ մշակույթ, իսկ նման մշակույթ, արվեստ կարող են ներկայացնել միայն պրոֆեսիոնալները, նրանց էլ մեծ գումարներ են հարկավոր:

«Հայաստան»-ը՝ Մետրոպոլիտենի արվեստի թանգարանում

Նյու Յորքի Մետրոպոլիտենի արվեստի թանգարանը  2018թ. սեպտեմբերի 21-ից 2019թ. մինչեւ հունվարի 13-ը կհյուրընկալի «Հայաստան» խորագիրը կրող բացառիկ ցուցահանդեսը, որտեղ կներկայացվի հայ ժողովրդի պատմական ու մշակութային ժառանգությունը՝ սկսած IV դարից՝ քրիստոնեության ընդունումից, հայերեն գրերի գյուտից, մինչեւ XVII դար: Հայաստանի պատմության թանգարանից հաղորդում են, որ ցուցահանդեսի բացումը կկայանա 2018թ. սեպտեմբերի 21-ին՝ ի նշանավորումն Հայաստանի Անկախության օրվա:

Հայաստանի խոշոր թանգարաններից՝ Հայաստանի պատմության թանգարան, Էջմիածնի Մայր Աթոռի թանգարաններ, Մատենադարան, ընտրված 81 նմուշների հետ մեկտեղ, կներկայացվեն նաեւ նմուշներ՝ փոխառված Երուսաղեմի Սրբոց Հակոբյանց վանքից, Մեծի տանն Կիլիկիո Կաթողիկոսարանից, Վենետիկի Մխիթարյան միաբանությունից, Գալուստ Գյուլբենկյան հիմնարկությունից, մշակութային այլ կենտրոններից եւ անհատական հավաքածուներից:

Հայաստանի պատմության թանգարանից 34 արժեքավոր նմուշներից մեկը՝ IV-V դդ. Խարաբավանքի քառանիստ կոթողը (Արագածի հարավային լանջ, Ուջան գյուղի մերձակայք) այս ցուցահանդեսի մեջ առանցքային եւ բացառիկ նշանակություն ունի, իբրեւ հայկական մշակույթի ու արվեստի ինքնատիպ ֆենոմենի, նրա ակունքի փաստացի վկայություն:

Ցուցահանդեսում ընդգրկված ավելի քան 140 նմուշները՝ տարբեր նյութերի, ձեւերի, տիպերի մեջ դրոշմված հետքերով, տարբեր ժամանակների եւ մշակութային միջավայրերի համատեքստերում, կվերստեղծեն ինքնատիպ տարեգրությունը եւ անընդհատելի ընթացքը հոգեւոր այն արժեքների, որոնք վկայում են Հայաստանի մշտակա ներկայությունը եւ ավանդը համաշխարհային քաղաքակրթության մեջ:

«Անպայման կվերադառնանք արեւի երկիր՝ Հայաստան»…

Օգոստոս 26,2018 – Ավարտվեց Մանկավարժական համալսարանի կազմակերպած հերթական միջազգային ամառային դպրոցը, որը Հայաստան բերեց ավելի քան 80 օտարերկրացի, եւ որոնք դարձան հայկական մշակույթի, արվեստի ու պատմության հերթական դեսպաններն իրենց երկրներում:

Արդեն 6-րդ տարին Մանկավարժական համալսարանն անցկացնում է ուսանողների փոխանակման, ուսումնակրթական, ժամանցային, միջազգային այս ծրագիրը: «Ամառային դպրոց- 2018» միջազգային ծրագրին այս տարի մասնակցեց ավելի քան 80 ուսանող բուհից եւ արտասահմանյան գործընկեր համալսարաններից՝ Լիտվայից, Ֆինլանդիայից, Հունգարիայից, Բելառուսից, Ռուսաստանի Դաշնությունից, Չինաստանից եւ Արցախի Հանրապետությունից: 10 անմոռանալի, հետաքրքիր եւ հագեցած օրերը գեղեցիկ ձեռնարկով էլ ամփոփվեց ՀՊՄՀ-ի Աղավնաձորի ուսումնական բազայում:

Համալսարանի ռեկտոր Ռուբեն Միրզախանյանը շնորհավորեց մասնակիցներին ծրագրի արդյունավետ անցկացման առթիվ: Ռեկտորը կարեւորեց ոչ ֆորմալ կրթության դերը ուսանողների զարգացման եւ կրթման գործընթացում:  «Հուսով եմ եւ վստահ, որ դուք սիրեցիք Հայաստանը եւ անպայման ցանկություն կունենաք կրկին վերադառնալ մեր երկիր՝ Հայաստան»,- ամփոփեց Ռուբեն Միրզախանյանը, եւ ծրագրի մասնակիցներին հանձնեց հավաստագրեր, որոնք նաեւ 3 կրեդիտ են յուրաքանչյուրի ուսման գնահատման գործընթացում:

«Կրթություն, ժառանգություն եւ հնարավորություններ» խորագիրը կրող այս տարվա ամառային դպրոցը հագեցած էր հատկապես ինտերակտիվ դասախոսություններով եւ այցելություններով Հայաստանի պատմամշակութային վայրեր: ՀՊՄՀ-ի Միջազգային համագործակցության բաժնի ղեկավար Մարիաննա Հարությունյանը նկատում է՝ այս տարվա ծրագիրը հարուստ էր ինչպես մշակութային, այնպես էլ կրթական բաղադրիչով: Իսկ դասախոսությունների թեմաները հատուկ էր ընտրված, որն էլ նպաստել է անձի, անհատի, ստեղծագործական մտածելակերպի զարգացմանը: «Այս ծրագիրը ոչ միայն մշակութային արժեքների փոխանակում է, այլեւ տալիս է մասնակիցներին բազմաթիվ հմտություններ, նոր գիտելիքներ եւ մշակութային նոր բացահայտումներ. մասնակիցները սովորում են, համեմատում ու բացահայտում են նոր արժեքներ, այն ուսանողների  մտահորիզոնի զարգացման լավագույն միջոցներից է»,- ասաց Մարիաննա Հարությունյանը:

Փակման հանդիսավոր արարողությանը ուսանողները ներկայացրին իրենց ազգային երգն ու պարը, բեմադրություն, հումոր, իսկ վերջում ժամանցային եւ մշակութային գերհագեցած առօրյան ու տպավորությունները յուրաքանչյուր խումբ ամփոփեց տեսաշարով: Օտարազգի ուսանողները շատ տպավորված էին Հայաստանով եւ ծրագրով: Հենց օդանավակայանից հասցրել էին արդեն սիրել Հայաստանը, իսկ հետո սիրահարվել են հայկական բնաշխարհին եւ մշակույթին:

Լիտվայի կրթական գիտությունների համալսարանի ներկայացուցիչ Անդրիեկուտե Աստան շատ ուրախ է, որ հենց իրեն  է նման հնավարություն ընձեռվել՝ ծանոթանալ հայկական կրթական մոդելին, ստանալ նոր գիտելիքներ, ունենալ նոր ընկերներ: «Այստեղ ձեռք բերեցի շատ հմտություններ, որոնք ինձ հետագայում հաստատ անհրաժեշտ են լինելու, շատ սիրեցի Հայաստանը՝ իր ամեն ոլորտով, հաստատ կվերադառնամ այս երկիր»,- ասաց Աստան:

Իսկ Չինաստանի Հարավ-արեւմտյան համալսարանի մասնակից Յու Յալլան հատկապես տպավորված էր ծրագրի դասախոսներից: «Ձեր մասնագետները իրականում շատ լավն են ու բանիմաց: Շատ ուրախ եմ, որ կարողացա մասնակցել այս հիանալի ծրագրին: Դեռ Հայաստանից չհեռացած արդեն կարոտում եմ: Հատկապես տպավորիչ էին հայկական եկեղեցիներն ու ճարտարապետությունը»,- ասաց Յու Յալլան եւ հավալեց, որ ամենաշատ կկարոտի իր ընկներին:

Ծրագրի ընթացքում կազմակերպվել են այցեր պատմամշակութային վայրեր, մասնակիցները ծանոթացել են հայոց պատմությանն ու արժեքներին, հայ երիտասարդների կյանքին, հայկական կրթական մոդելին, ունեցել հանդիպումներ, քննարկումներ, դասախոսություններ եւ ժամանցային խաղեր:

Բոլոր մասնակիցները վերջում Մանկավարժական համալսարանին շնորհակալություն հայտնեցին նման արդյունավետ, տպավորիչ եւ անմոռանալի ծրագիր կազմակերպելու համար, եւ խոստացան անպայման վերադառնալ արևոտ եւ հյուրընկալ Հայաստան:

Նշենք, որ Մանկավարժական համալսարանի Աղավնաձորի ուսումնական բազայում անցկացվող տասնօրյա «Ամառային դպրոց-2018»  միջազգային ծրագրի մասնակիցները ներկայացնում էին Հունգարիայի Պիտեր Պազմանի անվան կաթոլիկ, Լիտվայի կրթական գիտությունների, Մոսկվայի պետական հոգեբանամանկավարժական, պետական մանկավարժական, Պուշկինի անվան ռուսաց լեզվի պետական ինստիտուտի,  Սանկտ Պետերբուրգի տնտեսագիտական, Բելառուսի Մաքսիմ Տանկի անվան պետական մանկավարժական, Չինաստանի Հարավ-արևմտյան, Ֆինլանդիայի Օուլուի, Արցախի պետական եւ հայկական պետական մանկավարժական համալսարանները:

Ֆրանսիացի փոքրիկ դեսպանները Հայաստանում

Երկու երկրների՝ հայ եւ ֆրանսիացի երեխաների համատեղ ելույթը Տիգրան Հեքեքյանը վաղվա քաղաքացիների մերձեցման, մշակութային ու մարդկային շփման ու ժողովրդական դիվանագիտության լավ օրինակ է համարում:

Փարիզի ազգային օպերայի մանկական երգչախմբի ղեկավար Գաել Դարշենի խոսքով, ֆրանսիացի փոքրիկներից շատերը Հայաստանի անունն անգամ չէին լսել, իսկ հիմա տաս օր նրանք շրջելու են Հայաստանով, ծանոթանալու են մեր մշակութային կոթողներին, այցելելու են թանգարաններ եւ որպես փոքրիկ դեսպաններ վերադառնալու են իրենց երկիր ու կիսվեն վառ տպավորություններով ու հիշողություններով։

Հյուրախաղերի կազմակերպիչ Օլիվյե Լուչիանին ևս վստահ է, որ սա իրոք հիանալի առիթ է Հայաստանը, հայերին, նաեւ Կոմիտասի անունը եւ ստեղծագործությունը բացահայտելու համար: «Երեխաները կլինեն Գյումրիում, Դիլիջանում, Ջերմուկում: Իսկ ես, որ դեռ 3 ամիս առաջ այստեղ եկա այս ամենը կազմակերպելու, համոզվեցի, որ հյուրընկալելու ձեր արվեստը չի զիջում ձեր երգչախմբային արվեստին»,- ասել է պարոն Լուչիանին:

Նախորդ ամիս Արամ Խաչատրյան համերգասրահում կայացավ Փարիզի ազգային օպերայի մանկական երգչախմբի, որ Ֆրանսիայում տասնյակ հազարավոր երգչախմբերից, այդ թվում նաեւ մանկական երգչախմբերից, լավագույն 3-ից մեկն է համարվում եւ «Հայաստանի փոքրիկ երգիչներ» երգչախմբի համատեղ համերգը՝ «Կոմիտաս» փառատոնի շրջանակներում:

«Կոմիտաս» փառատոնի ղեկավար Տիգրան Հեքեքյանի խոսքով, սա բաց փառատոն է եւ ողջ տարվա ընթացքում կարող են կազմակերպվել տարբեր համերգներ եւ ոչ միայն երգչախմբային: Ի դեպ, այս տարի, երբ Հայաստանում պետք է կայանա Ֆրանկոֆոնիայի գագաթնաժողովը, այս երգչախումբը Ֆրանսիայից ժամանած 2-րդ խումբն է:

Սեպտեմբերի 26-ին, Վարդապետի ծննդյան օրը նշելու են Հառիճավանքում, որտեղ մի շրջան ապրել է Կոմիտասը: Կոմիտասյան կատարումներով ելույթ կունենան ազգագրական խմբեր, երգչախմբեր: Կհնչեն նաեւ Կոմիտասի ժողովրդից  գրի առած մեղեդիներ, որ երբեւէ չեն հրատարակվել:

Հառիճավանքում ելույթ կունենա նաեւ «Զանգեր» խումբը, որն ի դեպ, սեպտեմբեր ամսից ղեկավարելու է արդեն պրոֆեսոր Դոնովան Գրեյը՝ զանգերի նվիրատուն, որին Տիգրան Հեքեքյանը հրավիրել է նաեւ դասավանդելու է «Սայաթ-Նովայի» երաժշտական դպրոցում:

Ծրագրերը շատ են, բայց ամենակարեւորը թերեւս՝ Կոմիտասի 150-ամյակի առթիվ աշխարհի երգիչներից հավաքական երգչախումբ ստեղծելու գաղափարն է:

03/09/2018 – Երեւանի տիկնիկային թատրոնը մասնակցում է Բահրեյնում անցկացվող փառատոնին

«Մեր «Թռիչք քաղաքի վրայով» ներկայացումը շարունակում է իր համաշխարհային թռիչքը»,-գրված է Հովհաննես Թումանյանի անվան պետական տիկնիկային թատրոնում ֆեյսբուքյան էջում։ Միաժամանակ թատրոնից տեղեկացնում են, որ այս օրերին թատրոնը մասնակցում է Բայրեյնում անցկացվող ամենամյա թատերական փառատոնին՝ International Theatre Festival for Youth in Bahrain:

Այս անգամ Տիկնիկային թատրոնը  ներկայանալու է Անուշ Ասլիբեկյանի «Թռիչք քաղաքի վրայով» պիեսի Նարինե Գրիգորյանի բեմադրությունով: «Թռիչք քաղաքի վրայով»-ը ներկայացվելու է սեպտեմբերի 6-ին։

Դերերում հանդես են գալիս Նարինե Գրիգորյանը եւ Սերգեյ Թովմասյանը:

Կարդալ նաեւ այս հրապարակումները`

«Թռիչք քաղաքի վրայով» ներկայացումը՝ միջազգային թատերական փառատոնում

Նարինե Գրիգորյանի «Թռիչք քաղաքի վրայով» ներկայացումը զբաղեցրել է երրորդ տեղը. «Ամաչելու բան չունենք»

Յասմինա Ռեզայի թատրոնը Հայաստան է գալու

Սեպտեմբեր 3,2018 – Ֆրանսիայում գործող Սաթէ–Աթղըթատերական միությունը ՀՀ մշակույթի  նախարարության, Հայաստանում Ֆրանսիայի դեսպանատան եւ Ֆրանկոֆոնիայի միջազգային  կազմակերպության հետ համատեղ Հայաստանումկներկայացնի Յասմինա Ռեզայի դրամատուրգիային  նվիրված միջոցառումների շարք:

Ֆրանկոֆոնիայի Գագաթնաժողովի շրջանակներում «Սաթէ-Աթղը» թատերական միությունը նպատակ ունի հայ ընթերցողին եւ հանդիսատեսին ճանաչելի դարձնել ֆրանսիացի ժամանակակից նշանավոր դրամատուրգ  Յասմինա Ռեզայի թատրոնն ու ստեղծագործությունները։ Ռեզան աշխարհում  ամենաշատը թարգմանված եւ բեմադրված ժամանակակից ֆրանսիացի դրամատուրգներից է,  ով, դժբախտաբար, գրեթե հայտնի չէ ո՛չ բհայընթերցողին, եւ ո՛չ էլ՝ հայ հանդիսատեսին:

Մեր նախագիծը ներառում է հետեւյալ միջոցառումների շարքը.

Հովհաննես Թումանյանի անվան պետական տիկնիկային թատրոնում կբեմադրվի «Սպանդի Աստվածը» պիեսը: Ներկայացման մեջ ներգրավված են Նարինե Գրիգորյանը, Սերգեյ Թովմասյանը, Տաթեւ Հովակիմյանը եւ  Արթուր Մանուկյանը: Բեմադրիչ՝ ՍաթէԽաչատրյան:

Նույն պիեսը կբեմադրվի նաեւ ֆրանսերեն եւ կցուցադրվի երկու անգամ բացառապես ֆրանկոֆոն հանդիսատեսի համար: Պիեսի ֆրանսերեն տարբերակում կներկայանան հրավիրյալ դերասաններ՝  Քիթ Ֆարքուարը /Ֆրանսիա/, Մարժոլեն Օժերը /Կանադա/ եւ Ժերալդ Բաբազյանը /Ֆրանսիա/: Հրավիրյալ  արտիստները կանցկացնեն նաեւ վարպետության դասընթացներ Երեւանի թատրոնի եւ կինոյի պետական  ինստիտուտում /ուսանողների համար/ եւ Հովհաննես Թումանյանիանվան պետական տիկնիկային  թատրոնում /պրոֆեսիոնալ դերասանների համար/:

Կդասավանդվի մասնավորապես Մայզների տեխնիկան: Վարպետության դասընթացներ կլինեն նաեւ ֆրանսերեն ուսումնասիրողների համար՝ «Սովորել ֆրանսերեն թատրոնի միջոցով» խորագրով: Կթարգմանվի եւ Զանգակ հրատարակչատան  կողմից կհրատարակվի Յասմինա  Ռեզայի վեցպիես: Գրքի  շնորհանդեսը կկայանա Զանգակ գրատանը: Նույն վայրում կցուցադրվի նաեւ Ռեզայի«՛ ԱՐՎԵՍՏ»  պիեսի թատերականացված ընթերցումը, որը Սաթէ–Աթղը  թատերականմիությունը իրականացնում է  ԱԳՈՐԱ  թատերախմբի հետ համատեղ: Ռեզայի պիեսներիժողովածուի հայերեն գրքի շնորհանդեսը  կկայանա նաեւ  Ավ. Իսահակյանի անվան կենտրոնականգրադարանում:

LOFT-ում կցուցադրվի Ռեզայի «ԿՅԱՆՔԻ ԵՐԵՔ ՏԱՐԲԵՐԱԿ» պիեսը, որը կբեմադրեն երեք ռեժիսորներ:  Բեմադրությունն իրականացվում է ԱԳՈՐԱ թատերախմբի հետ համատեղ, գեղարվեստական ղեկավար  եւ բեմադրիչ՝ Սերժ Մելիք-Հովսեփյան:

Սաթէ-Աթղը թատերական միությունը կմեկնի նաեւ Գորիս՝ «Սպանդի Աստվածը» բեմադրությունը Գորիսի  հանդիսատեսի դատին ներկայացնելու: Ներկայացումից բացի կլինեն նաեւ վարպետության  դասընթացներ:

Միությունը վարպետության դասընթացներով հանդես կգա նաեւ Սեւանում:

Հայ թատրոնի խաղացանկը կարիք ունի թարմանալու համաշխարհային հնչեղություն ունեցողգրողների երկերով, եւ սա հրաշալի առիթ կլինի անդրադառնալու համաշխարհայինգրականության եւ թատրոնի մեջ իր ուրույն  վտեղն ունեցող ժամանակակից այս հեղինակին։

Մեր նախագծի աջակիցներն են՝ ՀՀ մշակույթի նախարարությունը, ՀՀ-ում Ֆրանսիայի դեսպանատունը,  Լյոնի  Մետրոպոլը (Métropole de Lyon), Իզեղ դեպարտամենտի խորհուրդը (CDI), Օվերն-Ռոն-Ալպեր  տարածաշրջանը, ԻՐԱՊԱ հարթակը (IRAPA) եւ Ֆրանկոֆոնիայի միջազգայինկազմակերպութունը  (OIF),  ինչպես նաեւ Հ. Թումանյանի անվան պետական տիկնիկայինթատրոնը, Զանգակ գրատունը եւ հրատարակչատունը, LOFT-ը, Ավ. Իսահակյանի անվանկենտրոնական գրադարանն ու  Երեւանի  քաղաքապետարանը:

ԱՄՆ կինոակադեմիան հիմնել է «Օսկարի» նոր անվանակարգ

ԱՄՆ Կինոակադեմիայի կառավարիչների խորհուրդը որոշել է «Օսկար» մրցանակ շնորհել «Լավագույն հանրաճանաչ ֆիլմ»-ի համար, նաեւ կրճատել մրցանակաբաշխության հեռուստատեսային տարբերակը մինչեւ 3 ժամ։ Գազետա.ռու-ի  հաղորդմամբ՝ այս մասին գրել է  Reuters-ը՝ հղում անելով կինոակադեմիայի անդամների նամակին։
Խորհրդի անդամները չեն հստակեցրել, թե ինչ  չափանիշներով են ընտրելու ֆիլմերը այդ անվանակարգի համար՝ հավելելով, որ այդ մասին կհայտարարեն ավելի ուշ։ Նամակում ասվում է, որ «Օսկարի» ավելի քիչ հայտնի անվանակարգերում մրցանակների հանձնումը չի ցուցադրվի հեռուստատեսությամբ, որպեսզի կրճատվի արարողության ցուցադրման եթերի ժամանակը։

91-րդ «Օսկար» մրցանակաբաշխությունը կայանալու է 2019թ. փետրվարի 23-ին Լոս Անջելեսում։

Դիջեյների մրցույթ-փառատոն եւ դիսկոտեկ՝ Ազատության հրապարակում

Օգոստոսի 12-ին Ազատության հրապարակում տեղի կունենա «Երիտասարդ Երեւան» ակումբային դիջեյների մրցույթ-փառատոն եւ դիսկոտեկ – Հարգելի համաքաղաքացիներ եւ մայրաքաղաքի հյուրեր, Երեւանի քաղաքապետարանի «Երեւանյան ամառ 2018» եռամսյա միջոցառումների ծրագրով օգոստոսի 12-ին՝ ժամը 19:00-23:00-ն մայրաքաղաքի Ազատության հրապարակում կանցկացվի «Երիտասարդ Երեւան» ակումբային դիջեյների մրցույթ-փառատոն եւ դիսկոտեկ՝ նվիրված Երիտասարդների միջազգային օրվան: Սիրով հրավիրում ենք բոլորին՝ մասնակցելու «Երիտասարդ Երեւան» երիտասարդական միջոցառմանը:

ՇուտովԱրարատի հայացքը…

Ավարտին են մոտենում «Արարատի հայացքը» ֆիլմի պատրաստման աշխատանքները: Ստեղծագործական թիմը 2-րդ  տեսահոլովակն է պատրաստել, որով բացահայտում է ֆիլմի մի փոքր դրվագ եւս:  Տրամադրություն, որն անպայման կզգաք, երբ դիտեք ֆիլմն ամբողջությամբ: Ու քանի որ թիմը շատ գաղտնապահ է, առայժմ միայն փորձենք կռահել, թե ինչ անակնկալներ են սպասում մայրաքաղաքը սիրողներիս՝ մեր սիրելի Երեւանի 2800-ամյակի առիթով հոբելյանական ֆիլմի տեսքով:

Հիշեցնենք, որ  մոտ 1 տարի է  ստեղծագործական խումբը աշխատում է հոբելյանական ֆիլմի վրա, որը նվեր կլինի մեր 2800-ամյա, բայց միշտ երիտասարդ քաղաքին:

* * *

Դեռեւս 2017թ., երբ Երեւանի քաղաքապետ Տարոն Մարգարյանը պաշտոնական այցով գտնվում էր Մարսելում, այնտեղ ծանոթացան Արա Խաչադուրյանի հետ եւ այն, ինչ մտածել էին, իրականություն դարձավ:

Երեւանի քաղաքապետարանում հյուրընկալեցին աշխարհի ամենաբարձր գագաթ Էվերեստը նվաճած ֆրանսահայ լեռնագնաց Արա Խաչադուրյանին, ով նշել էր, որ ցանկանում է իր այս քայլով ներշնչել հայ երիտասարդներին, որպեսզի գնան իրենց երազանքի ու մտքի հետեւից, ինչպես դա արեց ինքը:

* * *

Խաղաղության վազքով Մարսելից Երեւան հասած Արա Խաչադուրյանը հյուրընկալվել է Երեւանի քաղաքապետարանում

Հուլիսի 21-ին «Խաղաղության վազք» անվանմամբ նախաձեռնության հեղինակ Արա Խաչադուրյանը, ով օրական վազելով 50 կմ եւ անցնելով 8 երկրի 150 քաղաք, Մարսելից հասել է Հայաստան, հյուրընկալվել է Երեւանի քաղաքապետարանում: Մոտ 5000 կմ տարածությունը վազքով հաղթահարելու նախաձեռնությունը նրա հերթական մտահաղացումն է, որին նախորդել էր 2016թ. աշխարհի ամենաբարձր գագաթը՝ Էվերեստը, նվաճելը:

Երեւանի քաղաքապետարանում ֆրանսահայ հյուրին դիմավորել են քաղաքապետի օգնական Մարիա Բարաղամյանը, աշխատակազմի մշակույթի վարչության պետ Ռուբեն Հովհաննիսյանը, սպորտի բաժնի պետ Յուրի Մամիկոնյանը, ինչպես նաեւ Երեւանի քաղաքապետարանի ենթակայության մարզադպրոցների սաները:

Արա Խաչադուրյանն այնուհետեւ այցելել է Երեւան քաղաքի պամության թանգարան, որտեղ ողջունելով նրան, քաղաքապետի օգնական Մարիա Բարաղամյանը նշել է նաեւ, որ Երեւանի ու Մարսելի միջեւ բազմակողմ համագործակցությունը տասնամյակների պատմություն ունի, իսկ սկսած 2007թ.-ից Երեւանն ու Մարսելը քույր քաղաքներ են: Քաղաքապետի օգնականը, հիշեցնելով, որ այս տարի նշվում է մեր մայրաքաղաքի հիմնադրման 2800-ամյակը, հոբելյանը խորհրդանշող հուշանվերներ է հանձնել ֆրանսահայ հյուրին:

* * *

Մարսելաբնակ լեռնագնաց Արա Խաչատուրյանը Հայաստանի նախագահ Արմեն Սարգսյանի հետ հանդիպմանը պատմել է խաղաղության վազքի մասին:

«Ջավախքին աջակցություն» հիմնադրամ – Հայ-վրացական բարեկամության օր Դամալա գյուղում
2018թ. օգոստոսի 12-ին Ջավախքի Ասպինձայի շրջանի միակ հայաբնակ Դամալա գյուղում տեղի կունենա հայ-վրացական բարեկամության պահպանմանն ուղղված միջոցառումների շարք ի կարեւորություն երկու ժողովուրդների միասին անցած հազարամյա ուղու: Միջոցառումների շարքը կսկսվի ժամը 11-ին Դամալա գյուղի Սուրբ Խաչ եկեղեցում Սուրբ Պատարագի մատուցմամբ, որից հետո կկատարվի  խաղողօրհնության կարգ եւ ապա օրհնված ողկույզները կբաժանվեն ժողովրդին:
Այնուհետեւ տեղի կունենա համերգ Կողտաբերդ ամրոցում, որտեղ ելույթ կունենան Դամալա գյուղի պարի համույթը, Ասպինձայի անսամբլը եւ Հայաստանից ժամանած կատարողներ: Կողտաբերդի միջոցառմանը կհաջորդի վերականգնված աղբյուր-հուշարձանի հանդիսավոր բացման արարողությունը:
19-րդ դարի վերականգնված աղբյուր-հուշարձանի բացման արարողության ավարտին Դամալա գյուղի պարի համույթը ներկաներին կհամախմբի հայկական ավանդական, տոնական  շուրջպարի ներքո՝ օրն ամփոփելով մշակութային շնչով եւ ոգով:

Վանաձորում կանցկացվի Քըրք Քըրքորյանի մասին պատմող «Խաղացողը» գրքի շնորհանդեսը

10/08/2018  – Ամերիկահայ գործարար, միլիարդատեր, բարերար, «Տրասինդա Քորփորեյշնի» գործադիր տնօրեն, Հայաստանի ազգային հերոս Քըրք Քըրքորյանի մասին պատմող «Խաղացողը» գրքի շնորհանդեսը տեղի կունենա Վանաձորում`Լոռու մարզային գրադարանում: Գիրքը լույս է ընծայել «Էդիթ Պրինտ» հրատարակչությունը:
«Մենք շարունակում ենք Քըրք Քըրքորյանի մասին պատմող «Խաղացողը» գիրքը ներկայացնել հանրապետության մարզերում: Մարզային շնորհանդեսների նպատակն է ոչ միայն գիրքը ներկայացնել տեղի բնակիչներին եւ պատմել, թե ով է եղել Քըրք Քըրքորյանը, այլև ակտիվացնել մարզաբնակների մշակութային առօրյան»,- նշել է «Էդիթ Պրինտ» հրատարակչության մարքեթինգի տնօրեն Շավարշ Կարապետյանը:
Հրատարակչությունից հայտնում են, որ «Խաղացողը. Թե ինչպես անփող, թերուս Քըրք Քըրքորյանը դարձավ կապիտալիստական պատմության խոշորագույն գործարարը» անգլերեն գիրքը լույս է տեսել 2018թ. հունվարի 23-ին:

 – 30/07/2018Քըրք Քըրքորյանի մասին պատմող «Խաղացողը» գրքի շնորհանդեսը տեղի կունենա Գյումրիում – Ամերիկահայ գործարար, միլիարդատեր, բարերար, «Տրասինդա Քորփորեյշնի» գործադիր տնօրեն, Հայաստանի ազգային հերոս Քըրք Քըրքորյանի մասին պատմող «Խաղացողը» գրքի շնորհանդեսը տեղի կունենա Գյումրիում: «Էդիթ Պրինտ» հրատարակչությունը, Գյումրու համայնքապետարանի աջակցությամբ, գրքի շնորհանդեսը կկազմակերպի օգոստոսի 4-ին Քըրք Քըրքորյանի արձանի հարակից տարածքում:

Հրատարակչությունից հայտնում են, որ Ամերիկայի Միացյալ Նահանգներում լույս տեսած եւ արդեն իսկ բեսթսելեր դարձած գրքի հեղինակը Ուիլյամ Չ. Ռեմփելն է: Գրքի թարգմանիչներն են Ալինա եւ Աննա Միրզոյանները: «Քըրք Քըրքորյանը շատ փակ մարդ էր, հարցազրույցներ չէր տալիս, հանրության առաջ ելույթ չէր ունենում: Նա իր անձնական կյանքի պահպանումն ամեն ինչից վեր է դասել: Քըրքորյանի խորհրդատուներն ու գործընկերները կարծում էին, որ անգամ նրա մահից հետո պետք է պահպանել մեկուսացվածությունը, սակայն Ռեմփելին հաջողվել է բացառություններ գտնել»,- նշել է գրքի թարգմանիչ Ալինա Միրզոյանը:

Jaguar Land Rover Road Show-ն՝ Հայաստանում

Բրիտանական Jaguar եւ Land Rover ապրանքանշանների պաշտոնական ներկայացուցիչ «Ֆորա Պրեմիում» ընկերության նախաձեռնությամբ արդեն 2-րդ անգամ Հայաստանում անցկացվեց Jaguar Land Rover Road Show միջոցառումը, որի նպատակն էր հանրությանը հասանելի դարձնել բրիտանական արտադրության շքեղ ու գերժամանակակից ավտոմեքենաները։
Սեպտեմբերի 8-9-ը «Ֆորա Պրեմիում» ընկերության ավտոսրահի տարածքում տեղի ունեցած միջոցառման շրջանակներում ավտոսիրողները հնարավորություն ունեցան փորձարկել մեքենաներն ու բացահայտել դրանց ողջ պոտենցիալը: Շուրջ 350 մասնակցի հաջողվեց 2 օրվա ընթացքում անձամբ փորձարկել ավտոմեքենաները, հաղթահարել բազմաթիվ արգելքները, վայելել ավտոսրահում եւ դրա հարակից տարածքում տիրող ջերմ ու անկաշկանդ մթնոլորտը:
Թեստ-դրայվերն իրականացվեց Jaguar Land Rover Experience ռուսաստանյան կենտրոնի համաշխարհային մակարդակի հրահանգիչների ուղղորդմամբ, ինչի շնորհիվ մասնակիցները հնարավորինս հեշտ ու անվտանգ հաղթահարեցին առաջարկված փորձությունները, ինչպես նաեւ հնարավորություն ստացան սեփական փորձով գնահատել Jaguar բրենդի գերժամանակակից մեքենաների  հարմարավետությունը, կառավարելիությունն ու նորագույն տեխնոլոգիաները:
Արտաճանապարհային Land Rover ավտոմեքենաների փորձարկումն իրականացվեց «Տերապոդ» կոչվող հատուկ սարքերի վրա, որոնցից մեկը լցված էր ջրով եւ թույլ էր տալիս գնահատել ջրային խոչընդոտներ հաղթահարելու ավտոմեքենաների ունակությունը:
«Ֆորա Պրեմիում» ընկերության մարկետինգի տնօրեն Արսեն Մանասյանի խոսքով՝  հաշվի առնելով միջոցառման նկատմամբ մեծ հետաքրքրությունը՝ այն շարունակական կդարձնեն:
«Այս միջոցառման նպատակն է հանրությանը ներկայացնել Jaguar եւ Land Rover բրենդի մեքենաների տեխնիկական հնարավորությունները, ցույց տալ, որ այս մեքենաները ոչ միայն շքեղ են, այլեւ՝ բավականին ապահով։ Մեզ համար շատ կարևոր է, որ մարդիկ թեստ-դրայվերի ժամանակ դրանում համոզվեն։ Մենք բոլորին այդ հնարավորությունը տալիս ենք»,- նշեց նա։
Արսեն Մանասյանը խոստովանում է, որ նախորդ տարի, երբ առաջին անգամ էին կազմակերպում այդ միջոցառումը, դեռ հստակ չէին պատկերացնում, թե այն ինչ արձագանք կունենա։
«Արձագանքները դրական էին, դա էր պատճառը, որ այս տարի եւս անցկացրեցինք թեստ-դրայվեր։ Այսօր արդեն կարող ենք ասել՝ այո, այն սպասված միջոցառում է, այդ մասին վկայում են նաեւ մասնակիցների ու հյուրերի թիվը»։
Կազմակերպիչները չէին մոռացել նաեւ կրտսեր հյուրերին: Երեխաներն էլ կարողացան հատուկ պատրաստված հրապարակում փորձարկել Jaguar Land Rover ֆիրմային էլեկտրական մինի-ավտոմեքենաները: Նրանց սպասվում էր նաեւ տարբեր բնույթի զվարճանքներ: Առանձին անկյունում կազմակերպված էր դասընթացներ, ուր երեխաները ծանոթացան ճանապարհային նշաններին եւ երթևեկության կանոններին:
Հատկապես երեխաները չէին շտապում հեռանալ: Այստեղ ամեն ինչի մասին մտածել էին  մարդկանց օրը հետաքրքիր եւ տոնական դարձնելու համար:
Թեստ-դրայվը մեծ ոգևորություն առաջացրեց եւ ակտիվ մասնակցություն ապահովեց: Սա լավ առիթ էր, որպեսզի մասնակիցները ծանոթանային Հայաստան ներմուծված տեխնիկական եւ դիզայներական լուծումներով Jaguar եւ Land Rover մեքենաների հնարավորություններին: Կազմակերպիչները վստահեցնում են, որ ապագայում եւս այլ մոդելների հետ շփման հնարավորություն կընձեռեն ավտոսիրողներին։

Հարակից հրապարակումներ`

Jaguar Land Rover Road Show-ն վերադառնում է

Renault-ն ներկայացրել է նորացված Logan և Sandero մոդելները

«Մեգնա». Հատուկ ամառային առաջարկ DUSTER ամենագնացի համար

Beeline-ի աջակցությամբ մեկնարկել է «Սեւան Ստարտափ Սամմիթ 2018»-ը

Beeline-ի աջակցությամբ Սեւանի ափին մեկնարկել է «Սեւան Ստարտափ Սամմիթ 2018»-ը: Ընկերությունից հայտնում են, վրանային ճամբարի ձևաչափով սամմիթն անցկացվում է հուլիսի 22-ից 29-ը եւ ուղղված է ստարտափների ու ներդրողների միջեւ համագործակցության նոր ուղիների հայտնաբերմանը:

Միջոցառմանը մասնակցում են շուրջ 1000  ձեռներեց ամբողջ աշխարհից, այդ թվում 120 ստարտափ թիմեր, ներդրողներ, վենչուրային ֆոնդերի ներկայացուցիչներ, մենթորներ, բիզնես փորձագետներ եւ ոլորտի ներկայացուցիչներ։ Ստարտափների համար նախատեսված են բազմաթիվ ուսուցողական միջոցառումներ եւ մրցույթներ։

«Անցած տարի Beelinը եւս Սեւան ստարտափ սամմիթի աջակիցն էր, եւ մենք ինքներս համոզվեցինք, թե որքան կարեւոր է նման միջոցառման առկայությունը հայկական ստարտափ էկոհամակարգի համար: Ցանկացած ստարտափի համար սա չափազանց կարևոր փորձ է, եւ ինչու ոչ, պոտենցիալ հովանավորների ու գործընկերների հետ հանդիպելու ու կապեր հաստատելու հիանալի հնարավորություն: Ես միշտ մեծագույն ոգեւորությամբ եմ զրուցում ու իմ գիտելիքներով կիսվում սամմիթի մասնակիցների հետ, քանի որ վստահ եմ, որ նրանց նոր գաղափարներն ու լուծումները կարող են կյանքն ավելի լավը դարձնել»,- նշել է Հայաստանում Beeline-ի Գլխավոր տնօրեն Անդրեյ Պյատախինը։

Այս տարի սամմիթը դուրս է եկել միջազգային հարթակ՝ որպես «Սիսայդ Ստարտափ Սամմիթ», եւ անցկացվել ԱՄԷ-ում եւ Հնդկաստանում։ Սեւանի ափին անցկացվող սամմիթը եզրափակիչ միջոցառումն է, որի ժամանակ կամփոփվեն ԱՄԷ-ի եւ Հնդկաստանի համաժողովների արդյունքները։

Ծրագրի ներդրումային ֆոնդը 100 000 ԱՄՆ դոլար է, որը կտրվի ծրագրի մասնակից մեկ կամ 2 ստարտափի, մրցանակային ֆոնդը կկազմի 50 000 ԱՄՆ դոլար։

«Համագործակցությունը Beeline-ի հետ սկսվել էր դեռ «Սեւան Սարտափ Սամմիթ 2017»-ի շրջանակներում եւ ուրախալի է, որ այն շարունակական է։ Շարունակական համագործակցությունն այսպիսի խոշոր կազմակերպությունների հետ խոսում է այն մասին, որ նրանք եւս հետաքրքրված են Հայաստանում ստարտափ էկոհամակարգի զարգացմամբ»,- նշել է «Սեւան Ստարտափ Սամմիթ»-ի տնօրեն Վահագն Ռափյանը։

Beeline-ն արդեն  2-րդ տարին է հանդես գալիս որպես սամիթի գլխավոր աջակից։ Ընկերությունը սամմիթին աջակցություն է ցուցաբերում «Ստարտափ Արմենիա» հիմնադրամի հետ համագործակցության շրջանակում՝ այդ թվում մասնակիցներին տրամադրելով ինտերնետ հասանելիություն։

Երազեք համարձակ. Հայաստանի նախագահը՝ «Սեւան ստարտափ սամմիթ 2018»-ի մասնակիցներին

Հանրապետության նախագահ Արմեն Սարգսյանը հուլիսի 28-ի երեկոյան մասնակցել է «Սեւան ստարտափ սամմիթ 2018»-ի փակման արարողությանը: Մինչ այդ, նախագահը կազմակերպիչների եւ մի խումբ մասնակիցների ուղեկցությամբ շրջայց է կատարել տարածքում, ծանոթացել ստեղծված ճամբարային պայմաններին, տեղեկացել մեկշաբաթյա միջոցառման ընթացքում ստարտափների համար կազմակերպված ուսուցողական նախագծերի ու մրցույթների, ինչպես նաեւ առաջիկա ծրագրերի ու նախաձեռնությունների մասին։

Այնուհետեւ Հանրապետության նախագահը երեկոյան խարույկի շուրջ անմիջական զրույց է ունեցել միջոցառման մասնակիցների հետ։ Նա նշել է, որ եկել է հանդիպելու 21-րդ դարի առաջնորդների հաջորդ սերնդի հետ, քանի որ 21-րդ դարում երկրների զարգացման հիմնական ռեսուրսը գիտելիքն ու գաղափարները, ստարտափներն ու հավելվածներն են։ Դիմելով ներկա երիտասարդներին՝ նախագահն ասել է. «Երազեք համարձակ։ Երբ մեծ երազանք եք ունենում, մեծ ծրագրեր եք կազմում ու համառորեն աշխատում, անպայման հասնում եք այդ երազանքին։ Կոտրեք կարծրատիպերը, հայտնաբերեք այնպիսի բաներ, որոնք մյուսները չեն նկատել։ Ազատ եղեք ձեր մտածողության մեջ ու ձեր պատկերացումներում, եղեք ստեղծագործ եւ մի վախեցեք ոչ մի բանից։ Միշտ հիշեք, որ եթե հավատաք ինքներդ ձեզ, առաջ շարժվեք դեպի ձեր նպատակը, կդառնաք այն, ինչ ցանկանում եք լինել»։ Նա նաեւ պատասխանել է մասնակիցների մի շարք հարցերին։

Փակման արարողության ժամանակ Արմեն Սարգսյանը ողջունել է «Սեւան ստարտափ սամմիթ»-ի կազմակերպումը եւ մաղթել, որ այն համաշխարհային նշանակություն ձեռք բերի՝ Հայաստանում համախմբելով նորարարական տեխնոլոգիաներով ու գաղափարներով հետաքրքրվողներին՝ ամբողջ աշխարհից։ Նախագահը հայտարարել է, որ ստարտափների համար նախատեսված մրցանակներին հաջորդ տարի կավելանա եւս մեկ՝ Հանրապետության նախագահի մրցանակ, ինչպես նաեւ հատուկ մրցանակ՝ կազմակերպիչների համար։ Նա նաեւ պատրաստակամություն է հայտնել հնարավորինս աջակցել միջոցառման անցկացմանը։

«Սեւան ստարտափ սամմիթ»-ի նպատակը ստարտափների եւ ներդրողների միջեւ կապերի հաստատումն է եւ փոխգործակցության նոր ուղիների հայտնաբերումը: Այս տարի միջոցառմանը մասնակցել է շուրջ 1000 ձեռներեց 35 երկրից, այդ թվում՝ 120 ստարտափ թիմ, ներդրող, վենչուրային ֆոնդերի ներկայացուցիչ, մենթոր, բիզնես փորձագետ։

«Արմաթի» սաները Հայաստանը կներկայացնեն Մեխիկոյում կայանալիք «First Global» ռոբոտների միջազգային մրցույթում

«Արմաթ» ինժեներական լաբորատորիաների սաները օգոստոսի 16-18-ը Հայաստանը կներկայացնեն Մեխիկոյում կայանալիք «First Global» ռոբոտների միջազգային մրցույթում:

Այս մասին հայտնել են «Արմաթ» կրթական ցանցի հիմնադիր՝ Առաջատար տեխնոլոգիաների ձեռնարկությունների միության (ԱՏՁՄ) գործադիր տնօրեն Կարեն Վարդանյանը, Հայաստանը Մեխիկոյում ներկայացնող թիմի գործընկերներ՝ «Ucom» ընկերության համահիմնադիր եւ գործադիր տնօրեն Հայկ Եսայանը եւ «Ամերիաբանկի» ՏՏ և ավտոմատացման վարչության ղեկավար Շավարշ Ոսկանյանը:

ԱՏՁՄ գործադիր տնօրեն Կարեն Վարդանյանը նշել է, որ «Արմաթի» սաները ռոբոտաշինության գերազանց գիտելիքներ են կուտակել եւ ռոբոտների միջազգային օլիմպիադայում կարող են Հայաստանը պատվով ներկայացնել ու հաղթանակ բերել:

«Ամերիաբանկի» ՏՏ և ավտոմատացման ստորաբաժանման ղեկավար Շավարշ Ոսկանյանը նշել է. «Մենք ողջունում ենք Առաջատար տեխնոլոգիաների ձեռնարկությունների միության այս նախաձեռնությունը  և ուրախ ենք, որ մեր շնորհալի պատանիները ներկայացնելու են  Հայաստանը «First Global» ռոբոտների միջազգային մրցույթում: Մշտապես հանդես գալով նորարարական տեխնոլոգիաների ներդրմամբ`Ամերիաբանկը կարեւորում է տեխնոլոգիական առաջընթացի ուղղությամբ սերունդների կրթման ու զարգացման գործընթացը եւ սիրով միացել է այս նախագծին: Մասնակցությունը միջազգային մրցույթին հիանալի հնարավորություն է նոր գիտելիքնր ու փորձ ձեռք բերելու համար»:

«Ucom» ընկերության համահիմնադիր եւ գործադիր տնօրեն Հայկ Եսայանը նշել է. «Մեր ընկերության կորպորատիվ սոցիալական պատասխանատվության շրջանակներում մշտապես եղել է եւ կլինի «Արմաթ» ինժեներական լաբորատորիաների ներդնումը, այդտեղ սովորող երեխաների մոտ ինժեներական մտածելակերպի զարգացումը, նրանց համար ստեղծվող հնարավորությունների ընդլայնումը, միջազգային ասպարեզ դուրս բերելը։ Արմաթցիների մասնակցությունը «First Global» միջազգային մրցույթին կարևոր է միջազգային փորձ, կապեր ու մրցունակություն ձեռք բերելու համար: Իսկ Ucom-ին սա ավելի է մոտեցնում մեր ռազմավարական նպատակին՝ ունենալ կրթված ու պահանջված ինժեներների սերունդ»։

Ամերիաբանկ ընկերությունից հայտնում են, որ «First Global»-ը ռոբոտների միջազգային մարտահրավեր է, որին մասնակցում են 14-18 տարեկան պատանիներ շուրջ 160 երկրից: Մրցույթի նպատակն է միավորել պատանիներին, ոգեշնչել նրանց տեխնոլոգիաների եւ նորարարության հնարավորություններով, ստեղծել համագործակցության հարթակներ գլոբալ խնդիրների ու կյանքի որակի բարձացմանն ուղղված լուծումներ ստեղծելու համար:

Այս տարի մրցույթի առանցքում՝ վերականգնվող էներգիայի վերաբերյալ առաջադրանքներ են: Մրցութային դաշտում կլինեն հողմային եւ ջերմային կայաններ, արևային պանելային բջիջների մակետներ։ Թիմի անդամների կառավարմամբ ռոբոտը պետք է պտտի հողմային կայանը, արեւային պանելը մի կետից փոխանցի մյուս կետին, որտեղ թիմի անդամները պետք է վերցնեն եւ կախեն միացման օղակներում, որի արդյունքում սկսվում է էկրանի վրա ցույց տալ պայմանական էլէկտրաէներգիայի արտադրությունը։ Բացի դրանից, առկա կլինի նաւե պայմանական ածուխ, որը պետք է տեղադրել ջերմային կայանների մակետային հատվածում։

Հայաստանյան թիմում ընդգրկված են Վահագն Զարգարյանը (Արծվաբերդ), Լիլիթ Խաչիկյանը (Սիսիան), Նոնա Թելունցը (Գորիս) եւ թիմի ղեկավար ու մասնակից Արմեն Յենոքյանը (Սիսիան, «Արմաթի» խմբավար): Հատկանշական է, որ հայկական թիմն ակնհայտորեն արտացոլում է «Արմաթ» կրթական ցանցի առաքելությունը՝ նորարարության եւ ինժեներական գիտելիքի մարզային զարգացումը:  Ի դեպ, թիմում ընդգրված են հավասար թվով աղջիկներ եւ տղաներ: Նրանք լրագրողների հետ հանդիպմանը ներկայացրեցին մրցույթի մասնակից ռոբոտին, սակայն չցանկացան բացել իրենց բոլոր գաղտնիքները:

Արմաթցիների մասնակցությունը «First Global» ռոբոտների միջազգային մրցույթին կարևոր է միջազգային փորձ ու մրցունակություն ձեռք բերելու համար: Այն խրախուսում է պատանիներին ու առաջ մղում նրանց՝ գիտությամբ զբաղվելու եւ նորարություններ ստեղծելու համար: Մրցույթի մասնակիցները նաև միջազգային կապեր ստեղծելու հնարավորություններ ձեռք կբերեն:

Սամցխե-Ջավախքի Գանձա գյուղում կայացել են Տերյանի պոեզիային նվիրված միջոցառումներ

Սամցխե-Ջավախքի Գանձա գյուղում հուլիսի 21-ին տեղի են ունեցել հայ մեծ քնարերգու Վահան Տերյանի հիշատակին նվիրված միջոցառումներ, որին մասնակցել է նաեւ Վրաստանում մեր երկրի դեսպան Ռուբեն Սադոյանը։

Վրաստանում Հայաստանի դեսպանության մամուլի ծառայությունից, տոնական օրվա մեկնարկը տրվել է գյուղի Սուրբ Կարապետ եկեղեցում (1859թ․ կառուցել է Վահան Տերյանի պապի՝ Տեր Գրիգորը) օրվա առթիվ կազմակերպված Սուրբ պատարագով, որից հետո միջոցառման մասնակիցներն այցելել են Վահան Տերյանի տուն-թանգարան։

Այնուհետեւ, տեղի է ունեցել տոնական մեծ միջոցառում, որտեղ հնչել են Տերյանի ստեղծագործություններն ու հայկական եւ վրացական երգերի ու պարերի կատարումներ։

Դեսպան Ռուբեն Սադոյանն իր ելույթում նշել է, որ Տերյանը, լինելով հայ գրականության ամենաերևելի դեմքերից մեկը, թողել է անգնահատելի գրական ժառանգություն, որը մշտապես շարունակելու է կրթել հայ ժողովրդի նորանոր սերունդներ։

Պրեմիերա՝ Հայաստանի օպերային թատրոնում

Ա․Սպենդիարյանի անվան օպերայի եւ բալետի ազգային ակադեմիական թատրոնում օգոստոս ամիսը շարունակելու է լինել աշխատանքային, ներկայացվելու է Տիգրան Չուխաջյանի «Կարինե» օպերետը։ Օպերային թատրոնի ֆեյսբուքյան էջից  տեղեկանում ենք, որ 2 գործողությամբ օպերետի պրեմիերան կայանալու է օգոստոսի 16-ին եւ 18-ին։ Նախագծի հեղինակն ու բեմադրող ռեժիսորն է Ժիրայր Բաբազյանը, դիրիժորը Հարություն Արզումանյանը։

Կոմպոզիտոր, դիրիժոր, մանկավարժ Տիգրան Չուխաջյանը հայկական օպերային արվեստի հիմնադիրն է: Եվրոպական երաժշտական կրթություն ստացած կոմպոզիտորը դեռևս Իտալիայում է սկսել աշխատանքները «Կարինե» կամ «Լեբլեբիջի Հոր-հոր աղա» անմահ օպերետի վրա, որը բեմ բարձրացավ 1875թ.:
Օպերետը թարգմանվել է տարբեր լեզուներով եւ բեմադրվել մի շարք երկրներում` Բուլղարիայում, Հունաստանում, Գերմանիայում, Եգիպտոսում եւ այլուր:
Հայերենով առաջին անգամ օպերետը բեմադրվել է 1912թ. Մայիլյան թատրոնում, Մացակ Տեր-Առաքելյանի թարգմանությամբ: Տ.Չուխաջյանի` մահվանից հետո իրականացել է նաեւ կոմպոզիտորի երազանքը՝ «Կարինե»-ն բեմադրվել է նաեւ Փարիզում:

Հայաստանի օպերային թատրոնի շնորհիվ Դուբայի հանդիսատեսը կվայելի երբեւէ գրված երկու հզոր օպերա

Ալ. Սպենդիարյանի անվան օպերայի եւ բալետի ազգային ակադեմիական թատրոնը սեպտեմբերի 6-15-ը հյուրախաղերով հանդես է գալիս Դուբայի օպերային թատրոնում՝ ներկայացնելով  Բիզեի «Կարմեն» և Մոցարտի «Կախարդական սրինգ» հանրահայտ օպերաները, երկուսն էլ պրեմիերաներ։

Օպերայի եւ բալետի թատրոնի հաղորդմամբ, ժամանակակից  շնչով ներկայացվող «Կարմենը» (ռեժիսոր՝ Նաիրե Ստեփանյան)  ցուցադրվել է երեկ, կներկայացվի նաեւ այսօր եւ սեպտեմբերի 8-ին։
Ներկայացման մեջ հանդես են գալիս սոպրանո Կարինե Բաբաջանյանը (Կարմեն), տենոր Հովհաննես Այվազյանը (Դոն Խոսե), Մերի Մովսիսյանը (Միքայելա), Գեւորգ Հակոբյանը (ցլամարտիկ Էսկամիլիո) եւ այլ անվանի արտիստներ, ինչպես նաեւ օպերային թատրոնի երգչախումբը, նվագախումբը, բալետային թատերախումբը։

Դուբայի հանդիսատեսին ներկայացվում է տպավորիչ բեմական հագուստ՝ դիզայներ Քրիստինե Ավետիսյանի ձեւավորմամբ եւ չափազանց ինքնատիպ լուծումներով բեմի ձևավորում, որն իրականացվել է Հայաստանի օպերային թատրոնի գլխավոր նկարիչ Ավետիս Բարսեղյանի կողմից։ Ներկայացման դիրիժորն է Քրիստոֆեր Օկասեքը (ԱՄՆ)։

Երկրորդ ներկայացումը՝ Մոցարտի «Կախարդական սրինգը», Դուբայի օպերային թատրոնում բեմ կբարձրանա հաջորդ շաբաթ, կրկին իրար հաջորդող 3 օրերի ընթացքում՝ սեպտեմբերի 13-ին, 14-ին եւ 15-ին։ Ներկայացման հագուստների ձևավորումը կատարել է անվանի դիզայներ Ալբերտո Սպազին։ Ներկայացման բեմադրությունը իրականացրել  է իտալացի նշանավոր ռեժիսոր Պաոլո Միչիկեն։
«Կախարդական սրինգում» հանդես են գալու օպերային թատրոնի փորձառու արտիստներն ու երիտասարդ ուժերը՝ միջազգային մրցույթների դափնեկիրներ Լիպարիտ Ավետիսյանը, Ջուլիետա Ալեքսանյանը, Ալինա Փահլևանյանը եւ օպերային թատրոնի այլ հայտնի մենակատարներ։
Դուբայի օպերային թատրոնի գործադիր տնօրեն Ջասպեր Հոփեն նշել  է, որ սեպտեմբերին Դուբայի հանդիսատեսը կվայելի երբեւէ գրված երկու հզոր օպերա, երկու հրաշալի ներկայացում Հայաստանի օպերային թատրոնի շնորհիվ։

Հարակից հրապարակումներ` Օպերային թատրոնը հյուրախաղերով հանդես է գալու Դուբայում և Քուվեյթում

Եզակի արվեստն այսօր չենք կարողանում մատուցել մեր ազգին. Լարախաղաց

Հեղինակ` Տաթեւ Մանուկյան

Օդի մեջ պիրկ ձգված պարանի վրա խաղալու արվեստը՝ լարախաղացությունը, որը դեռ միջնադարյան Հայաստանում էր հայտնի, այսօր կորում է։ Panorama.am-ի հետ զրույցում ՀՀ մշակութի գործիչ, լարախաղաց-աճպարար, գրող Վլադիմիր Հակոբյանը ահազանգեց. «Մեր եզակի արվեստն այսօր չենք կարողանում մատուցել մեր ազգին, հին ազգային ավանդույթը կորում է»։
Նա նշեց, որ ամսական 15-20 ելույթ պետք է կազմակերպվի քաղաքներում, գյուղերում, որպեսզի գոյատեւի արվեստի այս տեսակը, տարածվի, նաեւ ցանկացողներ լինեն զբաղվել լարախաղացությամբ։
«Մշակույթի նախարարությունը քաղաքապետարանի հետ պետք է լիարժեք պայմաններ տա ազգային արվեստը ցանկացած տեղ ցուցադրելու համար»,- ասաց Վ. Հակոբյանը։
Նրա խոսքով, մշակույթի ոլորտում աշխատող անձնավորությունները միայն դիպլոմ ունեն, մշակույթի բոլոր ճյուղերից չեն հասկանում։
«Մեզ մոտ չի զարգանում լարախաղացությունը, որովհետև պայմաններից ելնելով՝ մարդիկ չեն կարող գնալ անվճար ելույթներ ունենալ։ Ֆինանսավորում չկա, կադրեր էլ չկան։  Սակայն եթե պետությունը խթանի, կզարգանա այս ժանրը։ Երբ կրկեսը բացվի, հնարավոր է գան ցանկացողներ, նրանց միջից գտնենք կադրեր, ովքեր կկարողանան զբաղվել լարախաղացությամբ։ Ես պատրաստ եմ նրանց սովորեցնել»,- ասաց Վ. Հակոբյանը։
Նա նաև նշեց, որ լարախաղացությունը պետք է ընդգրկվի պետական մշակութային ծրագրերում։
«Հարյուրավոր երգիչներ կան, պարի խմբեր, որոնց տեղ են տալիս, բայց լարախաղացությունն այսօր տեղ չունի, որովհետև չեն հասկանում, անուշադիր են»,- հավելեց ՀՀ մշակութի գործիչը։
Panorama.am-ը նաեւ հետաքրքրվեց, թե որտե՞ղ է ելույթ ունենում, մեկ ելույթի համար որքա՞ն են վճարում։ Նա ասաց, ու հրավերներ է ստանում Հայաստանի տարբեր շրջաններից, Արցախից, հիմնականում քաղաքների, ազգային տոներին, ծիսակատարություններին։ Իսկ վճարը կախված է հեռավորությունից։
«Ութ տարի էլ խաղալու եմ, որ դառնամ 80 տարեկան եւ աշխարհին ապացուցեմ, որ մեր հայոց երկրին ամեն ինչից առաջ կարևորում է արվեստը, մշակույթը։ Ափսոս մեր տաղանդները կորչում են հղփացած որոշ շրջապատի մեջ։ Բայց արվեստի, մշակույթի մարդկանց պետք է շատ գնահատել»,- նշեց Վ.Հակոբյանը։

Կարդալ նաեւ այս հրապարակումները`

Ի՞նչն է խանգարում, որ լարախաղացությանը մշակույթի նախարարությունը ուշադրություն չի դարձնում. գրող-լարախաղաց

Լարախաղաց-աճպարար. Հենց վերևից մի աղջկա եմ նայում, ինձ մի բան պատահում է

Լարախաղաց Վլադիմիր Հակոբյանը հիասթափված չէ… «Լույս եմ տեսնում»

«Նոր ալիք». Գեւորգ Հարությունյանը «Կյանք ու կռիվ» երգով կրկին արժանացել է առավելագույն միավորի

Նախօրեին՝  «Նոր ալիք-2018» երաժշտական մրցույթի երկրորդ մրցույթային օրը, մասնակիցները կատարել են իրենց երկրների հիթերը։ Հայաստանը ներկայացնող  Գեւորգ Հարությունյանը հանդես է եկել «Կյանք ու կռիվ» երգով՝ ստանալով առավելագույն՝ 100 միավոր։ Նա ֆեյսբուքյան իր էջում տեղաղադրել է իր ելույթը։

Հիշեցնենք, որ առաջին մրցութային օրը Գեւորգը կատարել էր Լաուրա Պերգոլիցի  (Laura Pergolizzi) «Lost on You» երգը՝ կրկին ստանալով առավելագույն 100 միավոր։
Մրցութային երրորդ օրը մրցույթի մասնակիցները ներկայացնելու են  իրենց սեփական երգացանկից կատարում: Առավելագույն 100 միավոր ստացել է միայն հայ կատարողը։
Մասնակիցները գնահատվում են ժյուրիի 10 անդամի կողմից, ովքեր մասնակիցներին գնահատում են 10-միավորային սանդղակով։
Մրցույթին մասնակցում է 15 կատարող Ռուսաստանից, Իտալիայից, Մալթայից, Հունաստանից, Ադրբեջանից, Կանադայից, Ղազախստանից, Ուկրաինայից, Բուլղարիայից։
«Նոր ալիք-2018»-ը  մեկնարկել է սեպտեմբերի 4-ին, կշարունակվի մինչեւ սեպտեմբերի 9-ը։

Հարակից հրապարակում` «Նոր ալիք-2018»- ում Գեւորգ Հարությունյանն արժանացել է առավելագույն միավորի 

«Նոր ալիք-2018»-ում Գեւորգ Հարությունյանը 2-րդն է

«Նոր ալիք-2018» երաժշտական մրցույթում Հայաստանի ներկայացուցիչ Գեւորգ Հարությունյանը եւ Ռուսաստանի ներկայացուցիչ Դարյա Անտոնյուկը (297-ական միավոր) կիսել են 2-րդ  հորիզոնականը։ Մրցույթում հաղթել է Ռուսաստանի ներկայացուցիչ Դան Ռոզինը՝ 298 միավորով։ 3-րդ տեղում է հույն երգիչ Demy –ը (295 միավոր)։ Ռիա նովոստիի հաղորդմամբ՝ մրցույթից հետո կայացած ասուլիսում հայտարարել է ժյուրիի նախագահ Իգոր Կրուտոյը։
Նշենք, որ Գ. Հարությունյանը մրցութային 1-ին եւ 2-րդ օրերին վաստակել էր առավելագույն 100 միավոր,  մրցութային 3-րդ օրը՝ 97։ Մասնակիցները գնահատվել են ժյուրիի 10 անդամի կողմից, ովքեր մասնակիցներին գնահատել են 10-միավորային սանդղակով։

Մրցույթին մասնակցել է 15 կատարող 10 երկրից՝ Հայաստանից, Ռուսաստանից, Իտալիայից, Մալթայից, Հունաստանից, Ադրբեջանից, Կանադայից, Ղազախստանից, Ուկրաինայից, Բուլղարիայից։

«Նոր ալիք-2018»-ը  կայացել է սեպտեմբերի 4-9-ը։

Կարդալ նաեւ այս հրապարակումները`

«Նոր ալիք». Գևորգ Հարությունյանը «Կյանք ու կռիվ» երգով կրկին արժանացել է առավելագույն միավորի

«Նոր ալիք-2018»- ում Գևորգ Հարությունյանն արժանացել է առավելագույն միավորի

0/09/2018Պոլսահայ երգիչը կարող է ընդգրկվել «Թուրքիայի ձայնը» երաժշտական մրցույթի ժյուրիում

Թուրքական լրատվամիջոցների համաձայն՝ նոր եթերաշրջանում մրցույթի ժյուրիում կատարվել են փոփոխությունները։ Խոսակցություններ են պտտվում, որ ժյուրիի կազմից հեռացող Գյոքհան Օզօղուզի փոխարեն նախագիծ կմտնի պոլսահայ անվանի երաժիշտ Հայկո Ջեփքինը։ Այս մասին գրում է էրմենիհաբերը։ Ժյուրիում Ջեփքինի հնարավոր ներգրավվածության մասին լուրերը թուրք օգտագերերի շրջանում բուռն քննարկումների առիթ են հանդիսացել։ Հայտնի է, որ մրցույթի 8-րդ եթերաշրջանը եթեր կհեռարձակվի սեպտեմբերին։

Ռոք երաժիշտ Հայկո Ջեփքինը ծնվել է 1978թ․ մարտի 11-ին՝ Ստամբուլում։ Ուսանել է Ստամբուլի հայկական Կենտրոնական վարժարանում, ապա Միմար Սինանի անվան համալսարանում՝ երգեցողության, սոլֆեջոյի եւ դաշնամուրի բաժնում։ Ջեփքինը 4 երաժշտական ալբոմի հեղինակ է, նկարահանվել է որոշ թուրքական հեռուստասերիալներում, համագործակցել Թուրքիայի երաժշտական աշխարհի մի շարք առաջատար դեմքերի հետ։ Յուրօրինակ կերպարով հայ երաժիշտը նաեւ յուրօրինակ հոբբիներ ունի․Հայկոն պարաշուտային սպորտի մեծ սիրահար է եւ ձգտում է այս ոլորտում չեմպիոն դառնալ։ Օրեր առաջ՝ սեպտեմբերի 2-ին Թուրքիայում կայացած մի երաժշտական փառատոնի ժամանակ Ջեփքինը հանդիսատեսին հիացրեց պարաշյուտով անմիջապես համերգային հրապարակ իջնելով։

21/08/2018 – Թուրքիայում բացվել է պոլսահայ լուսանկարիչ Արա Գյուլերի թանգարանը

Արա Գյուլերի (Արա Գյուլերյան) եւ «Դողուշ» հոլդինգի միջև կնքված «Գործընկերության եւ համագործակցության մասին» համաձայնագրով Թուրքիայում բացվել է պոլսահայ աշխարհահռչակ լուսանկարիչ Արա Գյուլերի թանգարանը:

«Էրմենիհաբերի» հաղորդմամբ, Ստամբուլի եվրոպական հատվածում գտնվող Բոմոնթի գարեջրի գործարանի պատմական շենքում տեղակայված թանգարանի առաջին այցելուների դատին են հանձնվել «Սուլող մարդը» խորագրով ցուցադրությունը, որտեղ ներկայացված են արխիվային լուսանկարներ, պատմվածքներ, նոթեր, տեսանյութեր, անձնական իրեր, գրքեր, լուսանկարչական սարքեր:

Գյուլերի արվեստը, ինքնությունն ու կենցաղն ապագա սերունդներին փոխանցելու նպատակով է հիմնադրվել միջազգային բարձր չափորոշիչներին համապատասխանող Թուրքիայի առաջին լուսանկարիչ-արվեստագետի թանգարանը: Բացման արարողության ժամանակ տոնել են նաեւ Գյուլերի 90-ամյակը:

Արա Գյուլերն ուշադրություն է հրավիրել այն հանգամանքի վրա, որ մեծ դժվարություններ է կրել, մինչ երկար տարիների ընթացքում կձեւավորվեր իր արխիվը:

Հիշեցնենք, որ  2013թ. Հայաստանի Ազգային պատկերասրահում բացվել էր լուսանկարչի աշխատանքների ցուցահանդեսը: Բացմանը ներկա էր նաեւ Արա Գյուլերը: Այցի ընթացքում հայ անվանի լուսանկարիչը Հայաստանի ազգային պատկերասրահին անհատույց հանձնել է 160 լուսանկար եւ դրանց նկատմամբ ՀՀ քաղաքացիական օրենսդրությամբ սահմանված օգտագործման բացառիկ իրավունքները:

Աշխարհահռչակ հայազգի լուսանկարիչ ծնվել է 1928թ. Ստամբուլում՝ հայկական Բեյօղլու՝ Բերյայի թաղամասում: Իր կատարած լուսանկարներով միջազգային ճանաչում ձեռք բերած ներկայացուցիչներից է Թուրքիայում: 1951թ. ավարտել է Կենդրոնական վարժարանը, իսկ լրագրությամբ սկսել է զբաղվել 1950թ. «Նոր Ստամբուլ» թերթում: Այս տարիներին հայերեն թերթերում եւ գրական ամսագրերում հրապարակում է պատմվածքներ: 1961թ. Անգլիայում լույս տեսնող «British journal of Photography Year book»-ը նրան ճանաչել է աշխարհի լավագույն 7 լուսանկարիչներից մեկը: 1962թ. Գերմանիայում վաստակել է «Master of Leica» տիտղոսը, որն աշխարհում 38 հոգի ունի: Աշխարհի տարբեր ծայրերում հարյուրավոր ցուցահանդեսներ է բացել:

Գյուլերը համարվում է Թուրքիայում ֆոտոնկարչության հիմնադիրը, ինչի համար էլ ստացել է «Ստամբուլի աչք» կամ «Ստամբուլի լուսանկարիչ» անունը: Նա 800.000 լուսանկարների հեղինակ է:

Տաղանդավոր արվեստագետը լուսանկարել է Բերթրան Ռասելից մինչեւ Ուինսենթ Չերչիլ, Առնոլդ Թոյնբիից մինչեւ Պիկասո, Սալվադոր Դալի, Մարկ Շագալ, Ալֆրեդ Հիչքոք, Թենեսի Ուիլյամս, Վիլյամ Սարոյան ու Փարաջանով ու բազմաթիվ հայտնի անձանց: Լուսանկարների մեծ մասը հատուկ հավաքածուով ցուցադրվել է Փարիզում` Ազգային գրադարանում, ԱՄՆ-ում` Նեբրասկա համալսարանի Շելդոն հավաքածուում, բացի այդ՝ նաեւ Բոսթոնում, Չիկագոյում, Նյու Յորքում:

Կարդալ նաեւ այս հրապարակումները`

Պտույտ մը Պոլսո թաղերուն մեջ

Ստամբուլում Արա Գյուլերի պատվին միջոցառում է կազմակերպվել

Թուրքիա-Գերմանիա կինոփառատոնի Պատվո մրցանակը հանձնվել է պոլսահայ լուսանկարիչ Արա Գյուլերին

Թուրքական մեջլիսի հայ պատգամավորի հոդվածը Արա Գյուլերի մասին

Հայաստանում Արա Գյուլերի թանգարան բացելու համար այս պահին շենք չկա. փոխնախարար

Արա Գյուլերին չի գոհացրել թուրքական պրոիշխանական ընկերության առաջարկած պայմանները. Թուրքական մամուլի արձագանքը

Արա Գյուլերի ողջ արխիվն անցել է թուրքական պրոիշխանական «Doğuş» հոլդինգին

Անթալիայում բացվել է Պիկասոյի և Արա Գյուլերի ցուցահանդեսը

«Բարև Ձեզ»… Ստամբուլահայ լուսանկարիչ Արա Գյուլերի համար հայ լինելը «առավելություն» է (Լուսանկարներ)

Պոլսահայ հայտնի լուսանկարիչը պատմել է, թե ինչու է թաքցրել իր հայ լինելը

«Գեղարդը շատ աղվոր է». Արա Գյուլեր

Գավառի պատկերասրահում գործում է պոլսահայ լուսանկարիչ Արա Գյուլերի լուսանկարների ցուցահանդեսը

28 Օգոստոս, 2018 – Գավառ քաղաքի Հրաչյա Բունիաթյանի անվան պատկերասրահում օգոստոսի առաջին շաբաթից ցուցադրվում է հայազգի աշխարհահռչակ լուսանկարիչ Արա Գյուլերի լուսանկարչական գործերի ցուցահանդեսը, որը կրում է «Ակնթարթից դեպի հավերժություն» խորագիրը:

Ինչպես «Արմենպրես»-ին տեղեկացրեց Գավառի պետական պատկերասրահի տնօրեն Ջուլիետա Ղարաբաղցյանը, ցուցահանդեսի բացման առաջին իսկ օրերից պատկերասրահն ընդունել է բազմաթիվ արվեստասերների ոչ միայն Գավառ քաղաքից, այլ նաեւ մայրաքաղաքից եւ մարզի տարբեր համայնքներից: «Մենք մեր պատկերասրահում կազմակերպեցինք մի եզակի ցուցադրություն՝ մեր համաքաղաքացիներին հաղորդակցելով համաշխարհային ճանաչում ձեռք բերած հայ լուսանկարիչ Արա Գյուլերի ստեղծագործության հետ:

Այս տարի Արա Գյուլերը դարձավ 90 տարեկան: Նա ծնվել է Պոլսում եւ զբաղվում է լուսանկարչությամբ ու թղթակցում անվանի պարբերականներին: Մեծ Եղեռնից շատ է տուժել նաեւ Գյուլերների գերդաստանը: 1960-ականներից սկսած Արա Գյուլերի լուսանկարները տպագրվում են նշանավոր հեղինակների գրքերում եւ ցուցադրվում են աշխարհի տարբեր երկրներում: Գյուլերի աշխատանքները ներկայացվել են նաեւ Նյու Յորքի ժամանակակից արվեստի թանգարանում:

Մեր պատկերասրահում ցուցադրվեցին Գյուլերի հեղինակած 14 լուսանկարներ, որոնք շատ տպավորեցին մեր քաղաքի արվեստասերներին: Արա Գյուլերը հարցազրույցներ է վարել եւ լուսանկարել այնպիսի ճանաչված մարդկանց, ինչպիսիք են նկարիչներ Սալվադոր Դալին, Մարկ Շագալը, Պաբլո Պիկասոն, կինոռեժիսոր Ալֆրեդ Հիչքոքը, երգչուհի Մարիա Կալասը, քաղաքական գործիչներ Ուինսթոն Չերչիլը, Ինդիրա Գանդին եւ շատ ուրիշներ»,-նշեց պատկերասրահի տնօրենը:

«Ինձ անչափ հուզեց հատկապես Մեծ Բրիտանիայի վարչապետ Ուինստոն Չերչիլի լուսանկարը: Սովորաբար անչափ դժվար է եղել Չերչիլին լուսանկարելը, քանի որ նա ծխախոտը վառում էր իրար հետեւից եւ ամեն մի ակնթարթ խնդիր ստեղծում լուսանկարիչների համար: Բայց Գյուլերը հասցնում է նրան նկարել այն պահին, երբ նա ցած է դրել վերջացած ծխախոտի մնացորդն ու փորձել է նորը վերցնել:

Եվ այդ լուսանկարը համարվել է Չերչիլի ամենահաջողված լուսանկարներից մեկը»,-պատմեց Գեղարքունիքի երկրագիտական թանգարանի նախկին ավագ գիտաշխատող Հասմիկ Հովեյանը: «Գավառի քաղաքապետարանի աշխատակազմը, մտավորականները, այլ զբաղմունքի տեր մարդիկ մեծ պատիվ են համարում, որ իրենց քաղաքում ցուցադրվում են նման աշխարհահռչակ մարդու ստեղծագործությունները: Գյուլերի լուսանկարներին ծանոթ եմ դեռեւս ուսանողական տարիներից, այն ժամանակներից, երբ աթեիզմը տիրապետող էր, իսկ կրոնական ու ազգային թեմաներով արված նկարները բարյացակամորեն չէին ընդունվում: Բայց նա կարողանում էր մարդկանց տպավորել ու գրավել դեպի իր արվեստը:

Հայ լուսանկարչի աշխատանքներում հատկանշական են հատկապես պատմական հայրենիքին վերաբերող գործերը. բավական է մի հայացք, եւ միանգամից աչքի են զարնում դրանցում արտացոլված կարոտը, ցավն ու կսկիծը»,- նշեց Գավառի քաղաքապետարանի աշխատակազմի ղեկավար Կարինե Մանուկյանը: Արա Գյուլերին նվիրված ցուցահանդեսն ունեցել է հարյուրավոր այցելուներ:

Օգոստոսի 31-ը Վիլյամ Սարոյանի ծննդյան օրն է

Այսօր լրանում է ամերիկահայ գրող Վիլյամ Սարոյանի 110-ամյակը։ Վիլյամ Սարոյանը համաշխարհային գրականության ականավոր ներկայացուցիչներից է: Նա պատմվածքի ժանրը հարստացրել է սոցիալ-հոգեբանական նոր թեմատիկայով, մարդու, մարդկայինի, բարոյականության մասին թարմ ասելիքով, պատումի նոր ձեւերով: Գրել է անգլերեն:

«Թեև գրում եմ անգլերեն եւ ծնունդով ամերիկացի եմ, բայց ես ինձ համարում եմ հայ գրող: Լեզուն, որով գրում եմ, անգլերենն է, միջավայրը, որ նկարագրում եմ, ամերիկյան է, իսկ ոգին, որ ինձ մղում է գրելու, հայկական է: Ուրեմն ես հայ գրող եմ եւ պատկանում եմ հայ գրողների ընտանիքին»,- գրել է Վիլյամ Սարոյանը…- https://www.panorama.am/am/news/2018/08/31/%D5%8E%D5%AB%D5%AC%D5%B5%D5%A1%D5%B4-%D5%8D%D5%A1%D6%80%D5%B8%D5%B5%D5%A1%D5%B6/1997455

Ֆրեզնոյում օգոստոսի 31-ը հռչակվել է Վիլյամ Սարոյանի օր

Ֆրեզնոյի քաղաքապետարանի հատուկ որոշմամբ՝ օգոստոսի 31-ը հռչակվել է Վիլյամ Սարոյանի օր: Ֆրեզնոյի քաղաքային խորհրդի նախագահը որոշումը հրապարակել է մեծանուն գրողի տուն-թանգարանի պաշտոնական բացումից մեկ օր առաջ: Ֆրեզնոյի քաղաքապետի խոսքով, ով անձամբ է տեսել Վիլյամ Սարոյանին՝ քաղաքը հարգանքի տուրք է մատուցում այստեղ ապրած ու ստեղծագործած հանրահայտ գրողին:

«Ես սիրում էի կարդալ նրա գրքերը: Չափազանց կարեւոր է հանրահայտ գրողի թողած գրական ժառանգությանը, ուստի այսպես փորձում ենք մեր հարգանքի տուրքը մատուցել»,-նշում է Ֆրեզնոյի քաղաքապետ Լիի Բրենդը: Ֆրեզնոյի քաղաքային խորհրդի նախագահ Էսմերալդա Սորիան կարևորել է Վիլյամ Սարոյանի թողած գրական ժառանգության պահպանումը: «Նա Ֆրեզնոյի լեգենդն է դարձել: Հայ համայնքը եւս Ֆրեզնոյի համար կարևոր է, քանի որ նպաստում է մեր քաղաքի զարգացմանը: Իսկ Սարոյանն այն անհատներից է, որն ամբողջությամբ ներկայացնում է Ֆրեզնոյին հայ համայնքի տված արժեքները»,- նշում է նա:
«Ինտելեկտուալ Ռենեսանս» հիմնադրամի տնօրեն Հակոբ Հակոբյանի կարծիքով՝ ուրախալի կլինի, եթե Ֆրեզնոյի քաղաքապետարանի որոշումը օրինակ ծառայի նաև Երեւանի քաղաքապետարանի համար եւ այստեղ էլ օգոստոսի 31-ը հռչակվի Սարոյանի օր: «Սարոյանն ասում էր՝ «Բոլոր մարդիկ պետք է մեռնեն, բայց միշտ մտածել եմ, որ իմ դեպքում բացառություն կարվի»: Այո՛, փաստացի այդ բացառությունն արված է, մեծանուն գրողը միշտ կլինի կենդանի՝ իր թողած մեծ ժառանգությամբ»,-ասում է Հակոբ Հակոբյանը:
Նշենք, որ այսօր՝ օգոստոսի 31-ին, մեծանուն գրողի 110-ամյակին, ԱՄՆ Ֆրեզնո քաղաքում իր դռները կբացի գրողի տուն-թագարանը՝ «Սարոյան Հաուսը»: Սարոյանի տունը գնելու եւ այն թանգարանի վերածելու գաղափարի հեղինակն ու իրականացնողը բարերար Արթուր Ջանիբեկյանի կողմից հիմնադրված «Ռենեսանս» հիմնադրամն է:
Հիշեցնենք, որ Արթուր Ջանիբեկյանի կողմից հիմնադրված «Ինտելեկտուալ եւ մշակութային ռենեսանս» հիմնադրամը Վիլյամ Սարոյանի առանձնատունը գնել էր 2015թ., վերակառուցել որպես տուն-թանգարան եւ Սարոյանին պատկանող եւ առնչվող հնարավոր բոլոր նյութերը հավաքագրել այնտեղ: Տուն-թանգարանը ապրելու է ստեղծագործական բուռն կյանքով՝ հանդիսանալով մշակութային օջախ ոչ միայն համայն հայության, այլեւ ամբողջ աշխարհի համար: Այնտեղ կազմակերպվելու են գրական երեկոներ, փառատոններ եւ այլ մշակութային միջոցառումներ:

Ֆրեզնոյում բացվել է Վիլյամ Սարոյանի տուն-թանգարանը

Ամերիկահայ գրող Վիլյամ Սարոյանի ծննդյան 110-ամյակին ԱՄՆ Կալիֆորնիա նահանգի Ֆրեզնո քաղաքում օգոստոսի 31-ին բացվել է գրողի տուն-թանգարանը The Fresno Bee-ն գրում է, որ թանգարանի բացմանը ներկա են եղել Ֆրեզնոյի քաղաքային խորհրդի անդամ Էսմերալդա Սորիան, քաղաքապետ Լի Բրանդը, ԱՄՆ-ում ՀՀ դեսպան Գրիգոր Հովհաննիսյան, «Ռենեսանս» հիմնադրամի հիմնադիր Արթուր Ջանիբեկյանը եւ այլոք:

Թանգարանի մի հատվածում կարելի է տեսնել Սարոյանի հոլոգրամը, նրա գրասեղանն ու տունն այնպիսին, ինչպես եղել է գրողի կենդանության օրոք: Թանգարանն այցելուների համար բաց կլինի երեքշաբթիից կիրակի

Փողոցային մշակույթն ու առևտուրը կոլորի՞տ է, թե՞ խանգարող հանգամանք…

Ոստիկանապետ Վալերի Օսիպյանը ստիպված է բացատրություն տալ, թե ինչու են Հյուսիսային պողոտայում ոստիկանները բերման ենթարկել փողոցային երաժիշտներից երկուսին, որոնք Ուկրաինայից են: Օսիպյանի խոսքով, երաժիշտները ոչ սթափ վիճակում էին, վիճում էին իրար հետ, անցորդները դիտողություն էին անում, այդ պատճառով էլ ստիպված էին միջամտել: Երաժիշտներին բաց են թողել համապատասխան արձանագրություն կազմելուց հետո:

Արդեն մի քանի օր է, սոցցանցերում բուռն քննարկումների առիթ է դարձել փողոցային երաժշտության հարցը։ Կարծիքները տարբեր են։ Նույն պատկերը ստացվեց  մեր հարցումների ժամանակ։ Անցորդներին հիմնականում դուր է գալիս, իսկ բնակիչներին այնքան էլ չէՆրանց խանգարում է աղմուկը, հոգնեցնում է օրվա ընթացքում մի քանի ժամ տեւող միեւնույն երաժշտությունը:

Միաժամանակ, շատերը փողոցային երաժիշտների արվեստը համարում են  Հյուսիսային պողոտայի մթնոլորտի մի մասըհատկապես զբոսաշրջիկները։ Երաժիշտները լավ ժողովուրդ են, նրանք յուրահատուկ կոլորիտ են փոխանցում քաղաքին, նրա փողոցներին: Առանց նրանց հետաքրքիր չի լինելու»,- ասում են նրանք:

Քաղաքացիները խնդրի լուծման իրենց տարբերակներն են առաջարկում՝ այլ երկրների օրինակները բերելով: Ասում են՝ պետք է օրենք գործի, ըստ որի՝ մեկ տեղում կես ժամից ավելի նվագել չթույլատրվի: Ինչեւէ, ՀՀ ոստիկանապետը  ոստիկաններին հրահանգ է տվել՝ երգել եւ նվագել ավելի ցածր եւ միայն մինչեւ 23:00-ն:

Ոստիկանության ուշադրության կենտրոնում հայտնվել են նաեւանրապետության հրապարակում եւ Հւսիսային պողոտայում մանկական խաղալիքներ, փուչիկներ եւյլ մանր ապրանքներ վաճառողները: Նրանց թույլ չեն տալիս վաճառել իրենց ապրանքները: Առեւականները պատրաստ են նույնիսկ հարկ վճարել, միայն թե  իրենց գործունեությունը չարգելվի, քանի որ գումար վաստակելու այլ աղբյուր չունեն: «Ես հաշմանդամություն ունեմ, չեմ ուզում գնալ ու գողություն անել կամ պետք է թույլատրեն, կամ ինձ այլ աշխատանքով ապահովեն»,– ասում է փուչիկների շրջիկ վաճառողը: Խաղալիք վաճառողները  պնդում են, որ կշարունակեն բողոքել, մինչեւ հարցը լուծում ստանա:

Երաժշտությունն ընդդեմ բռնության. ակցիա Հյուսիսային պողոտայում

Երեւանի Հյուսիսային պողոտայում «Երաժշտությունն ընդդեմ բռնության» խորագրով ակցիա է իրականացվում: Ուկրաինայից եւ Վրաստանից եկած երաժիշտների խումբ է իրականացնում ակցիան: Նշենք, որ սա պատասխան է պողոտայի բնակիչների այն հայտարարություններին, թե երաժիշտները խանգարում են իրենց անդորրը, ինչպես նաեւ տեղի ունեցած բռնության միջադեպին:

Ակցիայի ընթացքում այստեղ ժամանեց ինքը՝ Օսիպյանը, ով նշեց, որ եկել է համոզվելու, որ երեկվա միջադեպից հետո հիմա իրավիճակը նորմալ է. «Գտնում եմ, որ կան մարդիկ, ովքեր փորձում են ստեղծված իրավիճակում ստվեր գցել ոստիկանության վրա, բայց ոստիկանությունն իր գործառույթն է իրականացնում»,- ասաց նա: Վերջինս հավելեց, որ ոստիկանություն է ներկայացել այն անձը, ում հետ երաժիշտները կոնֆլիկտ էին ունեցել: «Ոստիկանությունը դեմ չէ, սակայն մենք բողոքներ ենք ստանում, արդեն ասել եմ»,-նշեց նա:

Հիշեցնենք, որ հրապարակախոս Վահրամ Մարտիրոսյանը այս մասին ֆեյսբուքյան գրառում էր արել, նախ միջադեպից տեսանյութ հրապարակել. «Երկու օր առաջ ոստիկանները արգելում էին նվագել ուկրաինացի ու վրացի երաժիշտներին, որոնք սիրված արտասահմանյան երգեր էին կատարում, բավական լավ մակարդակով, բայց ոչ բարձր՝ մոտիկ պետք է կանգնեիր, որ լսեիր։ Երեւանի փոխոստիկանապետ Էդգար Պետրոսյանի ու իմ բանավեճից հետո Հյուսիսային պողոտայի երաժիշտներին հանգիստ թողեցին»,- նշել էր նա։

Հյուսիսային պողոտա եկավ նաեւ ՀՀ մշակույթի նախարար Լիլիթ Մակունցը: Նա նշեց, որ իրենք էլ են կողմ այս երաժշտությանը, պատրաստվում էին հայտարարություն անել, սակայն ոստիկանությունն արդեն կեսօրին հայտարարությամբ հանդես եկավ: Իսկ երաժիշտներից մեկն էլ, ով միջադեպի մասնակից է եղել, լրագրողներին ասաց, որ ինքն այդ օրը հարբած չի եղել, ով կասկածում է, խորհուրդ տվեց տեսանյութ նայել, ընդամենը հայկական գինի է խմել դրանից առաջ:

30/07/2018 – Այսօր ընկերների միջազգային օրն է

Հունիսի 9-ը մի շարք երկրներում նշվում է որպես ընկերների միջազգային օր: Այս մասին տեղեկանում ենք Calend.ru-ից: «Եկեք ընկերանանք ու երբեք չվիճենք»,- խորհուրդ է տալիս կայքը:
ՄԱԿ-ը հուլիսի 30-ը սահմանել է ընկերության օր:
Կազմակերպության մասնագետները գտնում են, որ աշխարահի առաջ կանգնած մարտահրավերներն ու սպառանալիքները, որոնք են աղքատությունը, բռնությունը, մարդու իրավունքների խախտումները, հաջողությամբ հաղթահարելու համար անհրաժեշտ է  համերաշխություն: Այն կարող է արտահայտվել տարբեր ձևերով՝ առաջին հերթին ընկերությամբ:
«Ընկերությունն ավելի է մտերմացնում: Միասին մենք կարող ենք հասնել համաձայնության, ստեղծել հարմար պայմաններ բոլոր մարդկանց համար, ձգտել ավելի լավը դարձնել աշխարհը»,- նշում են նրանք:

- Այսօր առաջին անգամ Հայաստանում կնշվի ընկերների միջազգային օրըԱշխարհի տարբեր երկրներում այսօր նշվում է որպես «Ընկերների օր»: Միջերկրածովյան տարածաշրջանի եվրոպական երկրներում եւ Լատինական Ամերիկայում այս օրը նշվում է տոնախմբություններով, ընկերական հավաքույթներով, գինով եւ ուրախությամբ: 2011թ. Միավորված Ազգերի Կազմակերպությունը հուլիսի 30-ը հայտարարել է որպես «Ընկերների միջագային օր»:

(ՄԱԿ-ի Գլխավոր ասամբլեայի A/RES/65/275 բանաձևի համաձայն այս օրը սահմանված է որպես միասնականության խթանման եւ ընկերության օր, որը կօգնի աշխարհը դարձնել ավելի լավը):

Էռնեկյան ընկերությունների խումբը հաղորդագրություն է տարածել, որտեղ ասված է. «Այս տարի առաջին անգամ այն կտոնվի նաեւ Հայաստանում: Էռնեկյան ընկերությունների խումբը եւ Հայաստանի առևտրաարդյունաբերական պալատը նախաձեռնել են «Ընկերների օրը Հայաստանում» ծրագիրը, որի նպատակն է եւս մի նոր, հրաշալի եւ ուրախ տոն ավելացնել Հայաստանի օրացույցում:  «Ընկերությունը» չի ճանաչում սեռ, տարիք, սոցիալական դիրք կամ որևէ այլ տարբերություն, որը կարող է գոյություն ունենալ նույն համայնքի անդամների միջեւ: Այն ԲՈԼՈՐԻ համար է եւ հիմնված է ՀԱՎԱՍԱՐՈՒԹՅԱՆ սկզբունքի վրա:
Հայաստանում արդեն սկսվել են ներգրավված ընկերությունների կազմակերպած միջոցառումները:

Այս տարի կնշենք այս ուրախ տոնը եւ կպատրաստվենք այն եկող տարի ավելի մեծ ընկերական շրջապատում, ավելի ուրախ տոնելուն:
Դու եւս կարող ես միանալ:
Շուտով տոնին կմիանան բոլորը»:

Վաղը Երիտասարդների միջազգային օրն է

Օգոստոսի 12-ին կնշվի Երիտասարդների միջազգային օրը, որը 1999թ. դեկտեմբերի 17-ին սահմանվել է ՄԱԿ-ի գլխավոր ասամբլեայի կողմից: Առաջին անգամ տոնը նշվել է 2000թ. օգոստոսի 12-ին՝ նպատակ ունենալով բարձրացնել երիտասարդության իրազեկությունը երիտասարդությանն ուղղված գործողությունների համաշխարհային ծրագրի մասին:
ՄԱԿ-ի պաշտոնական կայքը գրում է որ այսօր աշխարհում ռեկորդային թվով երիտասարդներ են ապրում. մոտավորապես 1,8 միլիարդ երեխաներ եւ 10-24 տարեկան դեռահասներ ու երիտասարդներ։
10 երեխայից մեկը գտնվում է հակամարտության գոտում, եւ նրանցից 24 միլիոնը դպրոց չեն գնում: Քաղաքական անկայունությունը, աշխատաշուկայի անկայունությունը, ինչպես նաեւ երիտասարդների քաղաքական եւ հասարակական կյանքում ներգրավելու համար սահմանափակ դաշտը հանգեցնում է երիտասարդների աճող մեկուսացմանը:
Երիտասարդների միջազգային օրվա այս տարվա կարգախոսն է՝ անվտանգ հրապարակներ՝ երիտասարդների համար։ «Երիտասարդները անվտանգ հարթակերի կարիք ունեն, որտեղ նրանք կարող են հավաքվել, գործունեություն ծավալել՝ իրենց բազմազան կարիքների ու հետաքրքրությունների հետ կապված, մասնակցել որոշումների կայացման եւ ազատ արտահայտեվել»,- ասված է ՄԱԿ-ի կայքում։

Ձեռնարկվում են միջոցառումներ՝ Այվազովսկու «Նավը ծովում» կտավի ձեռք բերման աղբյուրը պարզելու ուղղությամբ

ՀՀ քննչական կոմիտեի ՀԿԳ քննության գլխավոր վարչության կոռուպցիոն, սեփականության դեմ ուղղված հանցագործությունների եւ կիբեռհանցագործությունների քննության վարչությունում միջոցներ են ձեռնարկվում՝ պարզելու Հովհաննես Այվազովսկու՝ «Նավը ծովում» կտավի ձեռք բերման հանգամանքները:

Նախնական տվյալներով՝ 2017թ. «Փյունիկ» բարեգործական հիմնադրամի պաշտոնական կայք-էջում հրապարակվել է տեղեկատվություն՝ հիմնադրամի կողմից ՀՀ 3-րդ նախագահին ծովանկարիչ Հովհաննես Այվազովսկու՝ «Նավը ծովում» կտավը նվիրելու վերաբերյալ, որից հետո մամուլում հրապարակումներ են եղել այն մասին, որ կտավը հափշտակված է:

Նյութերի նախապատրաստման ընթացքում տվյալներ են ձեռք բերվել առ այն, որ 2011թ.  հունվարի 13-ին «Ռուսական ոսկի» կորպորացիայի տնօրենի՝ ՌԴ-ում գտնվող բնակարանից ավազակային հարձակմամբ հափշտակվել են բազմաթիվ կտավներ, այդ թվում՝ Հովհաննես Այվազովսկու՝ առանձնապես խոշոր չափի արժողության «Նավը ծովում» կտավը:

Նկատի ունենալով, որ նախապատրաստված նյութերում առկա է ՀՀ քրեական օրենսգրքի 216-րդ հոդվածի 3-րդ մասի 1-ին կետով նախատեսված առերևույթ հանցագործության հատկանիշներ՝ ՀՀ ՔԿ ՀԿԳ քննության գլխավոր վարչության կոռուպցիոն, սեփականության դեմ ուղղված հանցագործությունների եւ կիբեռհանցագործությունների քննության վարչությունում հարուցվել է քրեական գործ՝ ակնհայտ հանցավոր ճանապարհով ձեռք բերված առանձնապես խոշոր չափի գույք ձեռք բերելու կամ իրացնելու դեպքի առթիվ:

Կատարվում է նախաքննություն, ձեռնարկվում են անհրաժեշտ քննչական եւ դատավարական այլ գործողություններ՝ կտավի ձեռք բերման աղբյուրը, բոլոր հանգամանքները պարզելու ուղղությամբ:

ԾանուցումԵնթադրյալ հանցանքի մեջ կասկածվողը կամ մեղադրվողը համարվում է անմեղքանի դեռ նրա մեղավորությունն ապացուցված չէ ՀՀ քրեական դատավարության օրենսգրքովսահմանված կարգովդատարանիօրինական ուժի մեջ մտած դատավճռով:

ՀՀ քննչական կոմիտե

Ֆեյսբուքը կարող է կորցնել այցելությունների թվով 2-րդ սոցցանցի կոչումը

Վերջին մի քանի ամիսը ծանր են եղել Ֆեյսբուքի համար։ vestifinance.ru-ի հաղորդմամբ, սոցցանցն անցել է սկանդալների շարքի, տեղեկությունների արտահոսքի, ֆինանսական անբավարար ցուցանիշների միջով։
Ընկերության գործերը, ըստ վերջերս հրապարակված SimilarWeb հետազոտության, գնալով վատանալու են։ Ֆեյսբուքը կարող է կորցնել աշխարհում հանրահայտությամբ երկրորդ սոցցանցի կոչումը, զիջելով YouTube-ին։
Ամսական Ֆեյսբուք այցելողների թիվը 2 տարի առաջվա 8,5 միլիարդից այս տարի նվազել է մինչեւ 4,7 միլիարդի։ Այդ ընթացքում YouTube-ը ավելացրել է ամսական այցելությունների թիվը մինչեւ 4,5 միլիարդի։
Google-ն իր հերթին մնում է ամենաայցելվող կայքը ԱՄՆ-ում՝ ամսական 15,2 միլիարդ այցելություններով։ Ակնհայտ է, որ մոտակա ժամանակահատվածում ոչ Ֆեյսբուքը, ոչ YouTube-ը չեն կարող Google-ին դուրս մղել առաջին տեղից։

Հայաստանյան բազմաթիվ պրեմիերաներ` մեկ համերգային երեկոյին

Կամերային երաժշտության տանը սեպտեմբերի 13-ին կկայանա հնագույն երաժշտության «Տաղարան»  համույթի համերգը: Կամերային երաժշտության ազգային կենտրոնից հայտնում են, որ «Դաշնամուրային զուգանվագ» խորագրով համերգային երեկոյին հանդես կգան Սեդրակ եւ Կամիլա Երկանյանները (դաշնամուր)՝ ներկայացնելով հայաստանյան բազմաթիվ պրեմիերաներ։
«Հայր եւ դուստր Երկանյաններով առաջին անգամ հանդես ենք գալու համերգով, հիմնականում հայաստանյան պրեմիերաներ ենք ներկայացնելու: Առաջին անգամ Հայաստանում հնչելու է Բախի երկու կոնցերտ, դրանցից մեկը` Բրանդենբուրգյան 4-րդ կոնցերտը ես եմ փոխադրել երկու դաշնամուրի համար: Առաջին անգամ կներկայացվեն Պուլենկի սոնատը երկու դաշնամուրի համար, Մայքլ Աշճյանի «Տանգոն» եւ ամերիկահայ կոմպոզիտոր Դայանա Գուլքասյան-Ռաբեի «Տանգոն» »,-նշում է «Տաղարան»  համույթի գեղարվեստական ղեկավար եւ դիրիժոր, ՀՀ Մշակոյթի վաստակավոր գործիչ Սեդրակ Երկանյանը` շեշտելով, որ հանդիսատեսին ներկայացվելու է մեծածավալ ու հետաքրքիր ծրագիր:
Սեդրակ Երկանյանի խոսքով, «Տաղարան»-ն ակտիվ գործունեություն է ծավալում, սեպտեմբերի 27-ին էլ հանդես է գալու Հայաստանի Հանրապետության անկախության 27-ամյակին նվիրված համերգով:
«Տաղարան»-ը ի սկզբանե կոչված է եղել համերգային բեմ բարձրացնելու, տարածելու եւ հանրահռչակելու հայ միջնադարյան հոգևոր երգարվեստի գանձերը: Այդ է պատճառը, որ նրա նվագացանկում մշտապես կենտրոնական  տեղ են գրավում 5-15-րդ դարերի հեղինակների շարականներն ու տաղերը:

«Արվեստը՝ հանուն սոցիալական արդարության». կրթություն՝ բոլորի համար

Մուղդուսյան արվեստի կենտրոնը Հելսինկյան քաղաքացիական ասամբլեայի Վանաձորի գրասենյակի եւ Բաց հասարակության հիմնադրամներ – Հայաստանի ֆինանսավորմամբ 2018 թ. սեպտեմբերի 1-ից սկսել է«Արվեստը՝ հանուն սոցիալական արդարության» հնգամսյա ծրագիրը:

Ծրագրի միջոցով Կենտրոնը ցանկանում է լիարժեք ներառականության մոդել ստեղծել եւ լսողության խնդիրներ ունեցող երեխաներին ներառել կրթական, սոցիալ-մշակութային կյանքին։

Ծրագրի շրջանակում Մուղդուսյան արվեստի կենտրոնի քանդակագործության, նկարչության, վոկալի, խեցեգործության եւ կարպետագործության մասնագետները կսովորեն ժեստերի լեզուն, որը նրանց հնարավորություն կտա ավելի հեշտ հաղորդակցվել կենտրոն հաճախող լսողության խնդիրներ ունեցող երեխաների հետ։ Ժեստերի լեզուն կուսուցանվի նաեւ կենտրոնի 20 սաների:

Ժեստերի լեզվով կթարգմանվեն հայ դասական ժողովրդական երգերը, որոնք Մուղդուսյան արվեստի կենտրոնի Նաիրյան վոկալ անսամբլը կներկայացնի «Ես լսում եմ քեզ» ներառական մենահամերգի ընթացքում: Այն «Ես լսում եմ քեզ» միջոցառումների շարքի մաս է կազմում. նախատեսվում են նաեւ տեղեկատվական արշավներ եւ ֆլեշմոբ՝ ուղղված իրազեկվածության բարձրացմանն ու լսողության խնդիրներ ունեցող անձանց նկատմամբ կարծրատիպերը կոտրելուն:

Մուղդուսյան արվեստի կենտրոնի մասնագետները կկարողանան ավելի արդյունավետ կազմակերպել դասավանդման գործընթացը լսողության խնդիրներ ունեցող երեխաների հետ՝ ստեղծելով արվեստի կրթություն ստանալու ավելի բարենպաստ, ներառական պայմաններ։

Ավելացնենք, որ վիճակագրական տվյալների համաձայն՝ ՀՀ-ում ականջի և պտկաձև ելունի հիվանդության հիմքով  հաշմանդամության խումբ ունեցող անձանց 15%-ը (476 հոգի) երեխաներ են:

 

* * *

Հայ Արիական Միաբանության պաշտոնական կայքը տրամադրում է գովազդային վահանակի տեղ:

Ցանկացողները կարող են զանգահարել հետեւյալ հեռախոսահամարններով՝ (0.10) 52-38-75, (091)49-64-51, կամ գրել redaction@hayary.org եւ hayaryan@gmail.com էլ.հասցեներով:

Ի դեպ, ՀԱՄ կայքը google-ի ռեյտինգային համակարգում ստացել է 6 բալ, որը բավականին բարձր ցուցանիշ է:

Կայքը եռալեզու է եւ ունի այցելուներ շուրջ 150 երկրից:

Այնպես որ, տեղադրե՛ք Ձեր գովազդը եւ մի՛շտ մնացեք Ձեր բարձունքին մե՛ր օգնությամբ:

www.hayary.org-ի համակարգող

* * *

«Լուսանցք»-ի բաժանորդագրության համար դիմել`

«Պրես Ստենդ»՝     54-41-99                 «Բլից մեդիա»՝  52-53-01

«Հայփոստ»՝          51-45-01                 «Հայմամուլ»՝    58-94-12

«Պրես Ատտաշե»՝  32-03-74                 «Լուսանցք»՝     52-38-75

* * *

1 տարվա բաժանորդագրության գինը՝  4800 դրամ

 6 ամսվա բաժանորդագրության գինը՝  2400 դրամ

 3 ամսվա բաժանորդագրության գինը՝  1200 դրամ

 1 ամսվա բաժանորդագրության գինը՝  400 դրամ

- «Լուսանցք»-ը աշխատանքի է հրավիրում շրջիկ լրագրավաճառի եւ գովազդային գործակալի՝ շահավետ պայմաններով: Դրանց ծանոթանալու համար այցելել խմբագրություն:

- «Լուսանցք»-ում կատարում են մեքենագրական եւ խմբագրական աշխատանքներ:

«Լուսանցք» թիվ 26 (504), 2018թ.

«Լուսանցք»-ի թողարկումները PDF ձեւաչափով կարող եք կարդալ http://www.hayary.org/wph/ կայքի «Մամուլ» բաժնում - http://www.hayary.org/wph/?cat=21,http://pressinfo.am/ պորտալում՝ հայկական եւ արտասահմանյան տպագիր մամուլի առցանց գրադարանում եւ pressa.ru-ում - http://pressa.ru/ru/catalog/newspapers/categories/gazetyi/blizhnego-zarubezhya/#/

Այս գրառումը հրապարակվել է Արվեստ, Հոդվածներ խորագրում։ Էջանշեք մշտական հղումը։