Ես տպավորված եմ. ընդամենը այսքանն ասաց վարչապետը, ինչպես մամուլում են բնութագրում՝ դասախոսել սիրող Տիգրան Սարգսյանը այն բանից հետո, երբ կառավարությանն առընթեր անշարժ գույքի կադաստրի պետական կոմիտեի «Գեոդեզիայի եւ քարտեզագրության կենտրոն» ՊՈԱԿ-ում գործարկվեց տիեզերական ընդունիչ կայանը (այդ կայանի շնորհիվ երկիր կհաղորդվեն Հայաստանի տարածքի վերաբերյալ տարածական տվյալներ, որոնց ընդունումը հայ մասնագետներն առաջին անգամ են անում): Գործընկերներս նկատեցին՝ այնքան տպավորված էր, որ խոսել անգամ չուզեց… Բացատրենք, թե ինչ է իրենից ներկայացնում նշված ընդունիչ կայանը: Ըստ կադաստրի պետկոմի նախագահ Մանուկ Վարդանյանի, տիեզերական դիտարկումների կենտրոնում տեղադրված այս ընդունիչ կայանը հնարավորություն է ընձեռում օգտվել երկրամերձ ուղեծրով (մինչեւ 1000կմ) արհեստական արբանյակների հնարավորություններից եւ կատարել Երկրի հեռահար զոնդավորում: Արդյունքում բազմաբնույթ տեղեկատվություն ենք ստանում Երկրի մասին: Այդ տեղեկատվությունը Երկիր է հաղորդվում 8 ԳՀց հաճախականության ռադիոալիքներով: Տիեզերական ընդունիչ կայանը ընդունում է Երկրի արհեստական արբանյակներից ուղարկված տեղեկատվությունը, գրանցում է այն, որից հետո կատարվում է մշակում եւ արխիվացում: Մասնագիտական շատ մանրամասներ նշել չենք ուզում: Միայն մի նկատառում անենք: Մեր երկրում կադաստրի համակարգը այն եզակի ոլորտն է, որտեղ իսկապես զրոյից է սկսվել ամեն բան, այն պարզ պատճառով, որ ԽՍՀՄ փլուզումից հետո քարտեզագրական մեր ամբողջ արխիվը մնաց… Մոսկվայում… Ինչեւէ, հետո ոլորտն այնպես զարգացավ, որ մենք արդեն այդ արխիվի կարիքը չունեինք: Ավելին, Հայաստանի կադաստրի համակարգը այսօր օրինակելի է համարվում եվրոպական այն երկրների համար նույնիսկ, որոնք կադաստրի ոլորտում 300 տարվա փորձ ունեն: Ու սա հենց նույն՝ կադաստրի բնագավառների արտերկրի փորձագետներն են նշում: Ու չնայած առկա թերություններին, ինչն, ի դեպ, մեր երկրի կադաստրում չեն հերքում, համակարգը մնում է Հայաստանում այն եզակի հատվածներից մեկը, որտեղ գործ է արվել: Սակայն, վերջերս շատ էին շրջանառում համակարգի ղեկավարի փոփոխության հարցը: Խնդիրը դա չէ, այլ այն, թե այդ փոփոխության հետեւանքով ով է ստանձնելու մի բնագավառի ղեկավարություն, որտեղ բազմաթիվ հաջողված գործեր են արվել: Ըստ լրատվության մեր աղբյուրների, ուզում են կադաստրի պետկոմի նախագահ նշանակել Երեւանի նախկին քաղաքապետ Երվանդ Զախարյանին: Մարդ, ում ղեկավարած Երեւանը տեսել ենք… Կա բոլորովին մեկ այլ խնդիր: Մատուցած ծառայությունների դիմաց Ե. Զախարյանին ուզում են վարձահատույց լինել: Չգրված օրենքների տրամաբանությունն էլ հասկանալի է: Միայն անհասկանալի է այն, թե ինչու են Զախարյանին տեղափոխում մի տեղ, որտեղ քար կա քարին դրված, ու հանուն այդ տեղափոխման պաշտոնի տարիքային սահմանափակումների փոփոխություն անում՝ դա էլ պատճառաբանելով այն հանգամանքով, իբր այդ փոփոխությամբ քաղծառայության մասին օրենքին համապատասխանեցում է արվում: Սա էլ անհասկանալի է, քանի որ կադաստրի պետական կոմիտեի նախագահի պաշտոնը քաղծառայության շրջանակում չէ: Եվ վերջում՝ տարիքի մասին: Դարձյալ մեր աղբյուրները նշում են, որ իրականում Ե. Զախարյանը ոչ թե 1946թ. ծնունդ է, այլ՝ 1944: Ասել է թե՝ նա հիմա 65 տարեկան է, ոչ թե 63 եւ, այսպես թե այնպես, նրա այդ տարիքը չի համապատասխանում այդ պաշտոնին: Հարց է ծագում՝ ու՞մ կամ ի՞նչ կամ ինչքա՞ն ծառայություն է մատուցել Ե. Զախարյանը, որ փոխհատուցելու համար նույնիսկ տարիքն են փոխում… Աստղինե Քարամյան «Լուսանցք» թիվ 12 (98), 2009թ.
-
Հայկական Լեռնաշխարհը
Հայերի Արարչական Բնօրրան,
Արիական քաղաքակրթության ծննդավայր:
Հայեր ու Արիներ,
ազատագրե՜ք Սրբազան Լեռնաշխարհը :
Armenian Highland
the Homeland of Armenians,
Cradle of Aryan Civilization.
Aryans all over the world,
liberate it, liberate yourself.
Армянское Нагорье,
Созидательная Родина Армян,
очаг Арийской Цивилизации.
Арийцы всех стран освободите ее,
освободитесь сами. Նկար :: Image
Քվեարկություն
Loading ...- Loading ...
Հղումներ
Վերականգնենք մեր երկիրը Տաճար առ Տաճար
Վերականգնենք Հայոց հավատը, Արարչական Տիեզերակարգը, ապահովենք Հայ Աստվածների վերադարձը ու ապացուցենք աշխարհին, որ Հայը Աստվածամարդ է եւ վերադառնում է իր Արմատներին: Արիական Մայր Տաճարի կառուցումը Երեւանում կդառնա այս ամենի հավաստումը: Թող ամեն հայ իր մասնակցությունը բերի այս սուրբ գործին՝ նյութական, մտավոր կամ հոգեւոր առումով: Այստեղ կարող եք կատարել նվիրատվություններ...
Armenian