Քուջուջ անող գործիչները կամա, թե ակամա կործանում են ամեն բան…

Երկրում կատարվող ամեն բան Տիեզերահաս է, բայց Երկրային ամեն բան չէ, որ արձանագրվում է Երկնքում…
Պետական, քաղաքական, մշակութային, ազգային տարբեր ոլորտների գործիչները գործում են գլուխները կախ` նյութական աշխարհի օրենքներով, առանց վերեւ նայելու։ Նրանց համար ինչ տեսանելի է, ինչ շոշափելի է, դա էլ հասանելի է ֊ նպատակային, երբեք չեն մտածում, որ ի վերջո հոգին տիեզերածին է, գենն էլ արարչադիր եւ մարդը գտնվում է նաեւ Երկնային Իշխանության ազդեցության տակ… մարդը եռահամակարգ է` մարմին, միտք, հոգի եւ նյութական արժեքներին միայն մտավոր կերպով անդրադառնալով չես կարող ամբողջացնել ֊ լիարժեք դարձնել որեւէ նախաձեռնություն։
Ցանկացած գործ, որ պետական, ազգային կամ այլ գործիչները կհաջողեն առանց հոգեւոր գիտակցության, չի արձանագրվի Տիեզերքում` ամրագրում չի ստանա եւ կորագծով կգնա կործանման, ոչ մի ապագա չի ունենա, եթե անգամ ժամանակավոր հաջողութհուններ արձանագրի…
Առանց Երկնային Զորության Երկրային զարգացումները անհեռանկար են եւ այդ իրողությամբ է, որ Բարին ձսխողում է իր գործերը, իսկ Չարը` հաջողում, քանզի Երկրում դեռ Չարի Իշխանությունն է, որ հետզհետե սասանվում է Տիեզերական Գարնան ազդեցությունից։
Բայց եթե մարդը շարունակեց անտեսել մարմի, մտքի եւ հոգու համադրությունը, կմնա որպես գլուխը կախ քուջուջ անող, պետական, թե ազգային գործերում, գիտության, թե մշակույթի մեջ եւ ամենուր…
Քուջուջ անողներն են, որ կամա, թե ակամա ավերման են տանում նաեւ իրենց արարած ամեն բան…
Ցայսօր այդպես է…
(Արմեն Ավետիսյան, Հայ Արիական Միաբանության առաջնորդ)