Հայտարարություն

     Ապրիլի 16-ին ջավախահայ ազգային գործիչ «Միասնական Ջավախք – ժողովրդավարական դաշինք» Հ/Կ-ի նախագահ Վահագն Չախալյանին Թբիլիսիի թիվ 8 կալանատանը դաժան ծեծի են ենթարկել: Բռնությունն իրականացրել են կալանավայրի վրացի աշխատակիցները:
     Հարձակվողները դիմակավորված չեն եղել, ինչը վկայում է, որ նրանք բարձր մակարդակով ապահովագրված են եղել եւ հովանավորվել են վրացական իշխանությունների կողմից:
     Վահագն Չախալյանի փաստաբան Ստեփան Ոսկանյանը եւ վրացի իրավապաշտպան Զուրաբ Ռուստիաշվիլին հանդիպել են հայ քաղբանտարկյալին եւ տեսել են ծեծի պատճառով նրա ստացած վնասվածքները: Սակայն բռնության փաստն ամենեւին չի ազդել հայրենասեր հայորդու հոգեկան վիճակի վրա, հուսանք, որ առողջական խնդիրներ նույնպես չի առաջացնի:        

 

    Մենք՝ նորքոստորագրյալ կազմակերպություններս, դիմում ենք ՀՀ իշխանություններին եւ համայն հայությանը՝ սատարել հայ քաղբանտարկյալին, որպեսզի վրացական ազգայնամոլական իշխանությունները վերջ տան կտտանքներին եւ անհապաղ դադարեցնեն այս շինծու դատական գործը՝ ազատ արձակեն Վահագն Չախալյանին:        
     Հայաստանի եւ Սփյուռքի կազմակերպություններին կոչ ենք անում իրենց վրդովմունքը հայտնել այն երկրների Վրաստանի դեսպանատների առջեւ, որտեղ իրենք բնակվում են:       
     Այս քաղաքական դատը ոչ թե Վահագն Չախալյանի դեմ է, այլ ջավախքահայության:
     Ուստի՝ մեր ազգակիցներին կոչ ենք անում կազմավորել ինքնապաշտպանական խմբեր եւ հասնել Ջավախքի ինքնավարությանը Վրաստանի կազմում: Եթե վրացական իշխանությունները դեմ լինեն, ապա հասնել կամ Ջավախքի անկախությանը կամ վերամիավորմանը՝ Հայաստանին:       
     Մենք մեր աջակցությունն ենք հայտնում Վահագնին եւ բոլոր նվիրյալ ջավախքահայերին, եւ կեցցե միասնական հայությունը:

Հայաստանից՝   
   
Հայ Արիական Միաբանություն՝
Արմեն Ավետիսյան

Հայ Ազգայնականների Համախմբում՝
Արմենուհի Մելքոնյան
Րաֆֆի Բաբիկյան
Գեւորգ Յազըճյան
Վազգեն Ղազարյան
Աշոտ Բադալյան
Սերգեյ Մանուկյան
Շմավոն Վեզիրյան
Արմեն Պետրոսյան (Արցախ-ԼՂՀ)
Անդրանիկ Թանգամյան (Ջավախք)
Անդրանիկ Աթոյան (Ռուսաստանի Դաշնություն)

ԱՄՆ-ից՝
      
Հայ Արիական Բռունցք՝       
Արմեն Շահբազյան

Հայկական Ծագումնաբանական Ըկերակցություն՝
Արբի Ինջիլյան 
Ստեփան Գումրիկյան

«Արատտա» Պտմագիտական Ըկերակցություն՝
Պերճ Քսաջիկյան

«Լոռի» Հայրենակցական Միություն՝
Հակոբ Կոստանդյան

02.05.2009թ.
Երեւան-Լոս Անջելես-Մոսկվա-Ստեփանակերտ-Ախալքալաք

Այս գրառումը հրապարակվել է Հ.Ա.Մ., Հայտարարություններ խորագրում։ Էջանշեք մշտական հղումը։