Հայոց Տրնդեզը հավիտենական խորհուրդն ու տիեզերահաս իմաստ ունի:

Տրնդեզ – Տիառն ընդ առաջի տոն, Տերն ընդ առաջ՝ Տիրոջն առաջ գնալու տոն: Այդ օրը կրակներ վառելը, այսինքն՝ տրնդեզ անելը՝ խորհուրդ ունեցող կրակ վառելը (կրակե դեզ վառելը)՝ ծիսակարգ է: Երկնային Արէգակի Երկրային արտացոլանքի խորհուրդն է նախանշում, եւ Արէգակը (Արական ու Է(Ի)գական Ակունքը)՝ որպես Երկրի Կյանքի Պահապան-Ակունք է փառաբանվում:

Սա է պատճառը, որ արիադավան մարդիկ հաճախ Տերն ընդ առաջը նաեւ որպես Տրնդեզ են նշում: Իսկ Տիեզերքի (Ամենայնի) Միակ Արարողն ու Տերը Արարիչն է, ում էլ փառաբանում են արիական հայերն ու հեթանոս-արիադավան ազգայնականները:

Այս Տրնդեզին ընդառաջ էլ, որը կայացավ փետրվարի 13-ին հայոց հնավայրերից մեկում, որն ավելի քան 3 հազարամյա պատմություն ունի՝ Էլար-Դարանիի տարածքում, իր երկնային հոգին երկրում մարմնավորեց Հայ Արիական Միաբանության առաջնորդ Արմեն Ավետիսյանի եւ «Լուսանցք» շաբաթաթերթի գլխավոր խմբագիր Արմենուհի Մելքոնյանի արու զավակը՝ Արեգը:

Հայ արիականների ու հեթանոս համախմբված ազգայնականների համար ուրախության այդ առիթը եւս կար, նրանք ողջունեցին ու շնորհավորեցին հայ արիականների առաջնորդին՝ Արե(Է)գ որդու լույս աշխարհ գալու առթիվ, ում դժվար ծնունդը կայացավ Հայ Աստվածների կամոք…  Continue reading →

ՀՀԿ նախագահի տեղակալ Արմեն Աշոտյանը եւ ՀՅԴ Հայաստանի Գերագույն մարմնի ներկայացուցիչ Աղվան Վարդանյանը փետրվարի 24-ին ստորագրեցին այդքան թմբկահարված համագործակցության համաձայնագիրը: Առաջին հայացքից սա զարմանալի է, եթե իշխանության կամ իշխանության ներսում լինելու համար այսքան մեծ աղմուկ կար, ապա ինչու՞ կառույցների 1-ին դեմքերը չստորագրեցին համաձայնագիրը, ինչն ավելի ազդեցիկ կդիտվեր ոչ միայն մեր ներքին կյանքում:

Խոսք կա, որ Արմեն Աշոտյանին լուրջ կուսակցակցական աշխատանք է սպասվում, իբր այդպես նախատեսված է, եւ նրա ստորագրությունը պատահական չէ: Սերժ Սարգսյանի չստորագրելու դեպքում ավելի հավանական էր համարվում վարչապետ Հովիկ Աբրահամյանի կամ ԱԺ նախագահ Գալուստ Սահակյանի մասնակցությունը, կամ՝ գոնե ՀՀԿ ԱԺ խմբակցության ղեկավար Վահրամ Բաղդասարյանի: Բայց վարչապետը ցայսօր առավելապես համարվում է Ռոբերտ Քոչարյանի կադրը, Գալուստ Սահակյանը մեծ վստահություն չունի այլեւս, իսկ Վահրամ Բաղդասարյանը ոչ միանշանակ ընկալելի գործիչ է համարվում…

Կրթության եւ գիտության արդեն նախկին նախարար Արմեն Աշոտյանը ՀՀԿ-ական երիտասարդ կուսակցական կադրերից է, ով ապացուցել է, որ կարող է նաեւ նախարար աշխատելով մնալ կուսակցական դեմք: Ով կարողացել է այդ ընթացքում խիստ չվարկաբեկվել, նաեւ ազատ ու անկաշկանդ շփվել լրագրողների հետ. իսկ միջազգային հանդիպումներում դրսեւորել է իրեն որպես միջազգային եւ ազգային հարաբերությունները համադրող պետականամետ գործիչ:

Այսպես՝ Արմեն Աշոտյանի՝ համաձայնագրի ստորագրման հանգամանքը կարծես հասկանալի է: Իսկ Աղվան Վարդանյանի դեպքում, եթե հետեւենք նույն տրամաբանությանը, ապա շատ անտրամաբանական է հետեւությունը:
Continue reading →

Մեր երկրի նախագահ Սերժ Սարգսյանը վերջին ընդարձակ ելույթով ընդգծեց այն սպասվող փոփոխություններն ու առաջիկա համապետական քայլերը, որոնք պիտի լինեն այլեւս եւ իրականություն դառնան Հայաստանում: Դա իրականում մեր պետական համակարգի փոփոխմանն առնչվող ընդարձակ վերլուծություն էր, որը մեզ սպասում է 2017թ. խորհրդարանական ընտրություններից հետո, երբ Հայաստանի Հանրապետությունը կիսանախագահական համակարգից անցում կկատարի դեպի խորհրդարանական համակարգի: Ինչն այլեւս երկրորդական կդարձնի 2018թ. սպասվող ՀՀ նախագահի ընտրության կարեւորությունը:

ՀՀԿ-ականներն այդ ելույթն անվանեցին պետության առաջնորդի հայեցակարգային եւ ծրագրային ելույթ, որը հնչել է ՀՀԿ ԳՄ նիստում:

Կառավարության փոփոխության մասին քննարկումներից առաջ հայեցակարգային հարցերի եւ արդեն սկսած սոցիալ-տնտեսական քաղաքականության շուրջ են եղել ծավալումները, որտեղ խոսվել է «իրենց անելիքներից, պաշտոնյաների գործունեությունից, նրանց արդյունավետությունից, կոռուպցիայի դեմ պայքարից, ներքին եւ արտաքաին քաղաքականությունից, մամուլի ազատությունից, ժողովրադավարության զարգացումից… Չի եղել մի ոլորտ, որին նախագահը չի անդրադարձել»,- ասել է ՀՀԿ մամուլի խոսնակ եւ ԱԺ փոխնախագահ Էդուարդ Շարմազանովը:

Իր խոսքերի հաստատմամբ էլ նախագահ Սերժ Սարգսյանը պաշտոնապես ընդունեց ԵՄ արտաքին քաղաքականության եւ անվտանգության հարցերով բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինիին ու նրա գլխավորած պատվիրակությանը: Մեր երկրի ղեկավարն ընդգծեց, որ Հայաստանը հաստատակամ է շարունակելու տարբեր ոլորտներում սկսված բարեփոխումները:

Դառնալով նախագահի վերոհիշյալ ելույթին՝ նշենք, որ նա պարզորոշ հայտարարեց, թե «վերեւում» պատասխանատվությունից խուսափող եւ քննադատությունից վախեցող չկա, որ մեր խնդիրների լուծումը մեզնից դուրս չպետք է փնտրել: Ավելին՝ «իրենց ուժերի նկատմամբ վստահություն չունեցող մարդիկ տեղ չունեն իշխանության մեջ»:

Եթե այստեղ մի փոքր դադար առնենք, ապա կարելի է ենթադրել, որ խոսքը «վերեւում» այն գտնվողների մասին է, որոնց մի մասը աշխատում է Սերժ Սարգսյանի ենթակայությամբ, բայց միաժամանակ սպասում է Ռոբերտ Քոչարյանի վերադարձին… Այս «իրենց ուժերի նկատմամբ վստահություն չունեցող մարդիկ» այլեւս տեղ չեն ունենալու իշխանության մեջ, ինչի մասին հնչեց հստակորեն:
Continue reading →

«Սեւանա լիճ. ձկնաբուծության ծրագիրը պե՞տք է իրականացնել, թե՞ ոչ» հոդվածաշարը, որ տպագրեցինք մեր թերթի 2015թ. 40-44 եւ 2016թ. 1-2 համարներում, նպատակ ուներ խնդիրը համակողմանիորեն քննարկել, ծրագրի դրական ու բացասական կողմերը վեր հանել, նպատակն ու այդ նպատակին հասնելու միջոցները շեշտադրել: Թեման բաց ենք թողել՝ շահագրգիռ բոլոր կողմերի տեսակետները, բանավիճող կողմերի առաջարկները ներկայացնելու նկատառումով:

Առաջինն արձագանքեց գյուղատնտեսության նախարարությունը, որի պատասխանը ներկայացնում ենք ստորեւ՝ առանց փոփոխությունների:

* * *

http://www.hayary.org/wph/?p=5356 – Ազգային հարստություն – (7-րդ մաս) – Սեւանա լիճ. ձկնաբուծության ծրագիրը պե՞տք է իրականացնել, թե՞ ոչ – Նշաձողի վերեւում՝ գենոֆոնդի պահպանումը (Արմենուհի Մելքոնյան, «Լուսանցք» շաբաթաթերթի գլխավոր խմբագիր)…

* * *

«Ձեզ ենք ներկայացնում «Սեւանի իշխան» հիմնադրամի՝ ՀՀ գյուղատնտեսության նախարարությանը տրամադրված տեղեկատվությունը։

ՀՀ կառավարության 04.04.2014թ. N13 արձանագրային որոշմամբ հավանություն է տրվել «Սեւանա լճում իշխանի պաշարների վերականգնման եւ ձկնաբուծության զարգացման համալիր ծրագրին», որն

ուղղված է լճի ձկնատեսակների, բնական պաշարների եւ խախտված էկոհամակարգի վերականգնմանը: Ծրագրի նպատակներն են.

1. Սեւանա լճում իշխանի պաշարների վերականգնումը,
2. Սեւանա լճի բնապահպանական հիմնախնդիրների լուծման համար ֆինանսական միջոցների ստեղծումը,
3. Նոր աշխատատեղերի ստեղծումը:

Ավելի վաղ՝ 19.12.2013թ, ՀՀ կառավարության. N1442-Ն որոշմամբ հիմնադրվել է Սեւանի իշխանի պաշարների վերականգնման եւ ձկնաբուծության զարգացման հիմնադրամը:

Հիմնադրամի կարեւորագույն նպատակներից մեկն է՝ Սեւանա լճի էնդեմիկ ձկնատեսակների՝ գեղարքունի եւ ամառային իշխանի պաշարների վերականգնման կայուն ընթացքի ապահովումը:  Continue reading →

Սկիզբը՝ թիվ 4-ում

http://www.hayary.org/wph/?p=5388 – Վերադարձ դեպի նախնիների գյուղատնտեսություն (1-ին մաս).- Այլ կերպ՝ օրգանական գյուղատնտեսական արտադրությունը այն է, ինչով զբաղվել են մեր պապերը՝ «մաքուր հողից՝ անարատ, բնական ուտելիք»։… Ադրբեջանն արդեն խմբագիրների մակարդակով տանում է այս գիծը…

Աշխարհի միտումը ցույց է տալիս, որ, ինչպես նախորդիվ ասացի, օրգանական գյուղատնտեսությունն այլընտրանք չունի. ԵՄ երկրներում օրեցօր ավելանում է այն սպառողների քանակը, ովքեր գնում են օրգանական մթերք՝ արտադրված առանց պարարտանյութերի։ Հիշեցնենք՝ ԵՄ երկրներում օրգանական գյուղատնտեսական տարածքները վերջին 10 տարվա ընթացքում տարեցտարի ավելանում են՝ տարեկան մոտ 8 տոկոսով (4,3 մլն հա-ից հասել են 7,6 մլն հա-ի)։

Նկատեմ նաեւ, որ իմ մասնավոր հարցումները ցույց տվեցին, որ հայկական օրգանական արտադրանքի հնարավորությունների մասին արտերկրում նույնիսկ ավելի շատ գիտեն, քան մենք պատկերացնում ենք։ Այդ դեպքում ինչո՞ւ չենք կարողանում եվրոպական շուկայում ամուր ոտք դնել։

Պատասխանը պարզ է՝ ստանդարտների համապատասխանության խնդիր կա։

Հիշենք մեր գինու պատմությունը։ Որակական չափանիշների «քննությունն» անցել էինք, բայց գինու շշերի խցանները «փչացրին» ամեն ինչ, քանզի պատրաստված չէին ըստ անհրաժեշտ տեխնոլոգիաների (թեեւ քաղաքական ենթատեքստը չենք բացառում)։ Մեր երկիրը օրգանական գյուղատնտեսության մասին օրենք ունի, որով նախատեսվում է ոլորտի պետական աջակցություն, մասնավորապես՝ նորամուծությունների (ինովացիաների), ինչպեսեւ արդիական տեխնոլոգիաների ներդրմանն օժանդակում, միջպետական տնտեսական համագործակցության ընդլայնման միջոցով օրգանական գյուղատնտեսական արտադրանքի արտահանման խթանում եւ այլն։ Օրենքից զատ, մինչեւ 2020թ. գյուղատնտեսության ռազմավարությունն էլ է քայլեր նախանշում։

Ըստ այդմ, վստահություն կա (մասնագետները համենայն դեպս չեն ժխտում), որ մեր երկրում առկա են որոշակի պայմաններ առավել բարձր ավելացված արժեք ապահովող օրգանական սննդամթերքի արտադրության զարգացման համար։ Գուցե այսօր ավանդական գյուղատնտեսությանը վերադառնալը անհնար թվա (հասկանալ՝ դժվարության իմաստով), բայց միանշանակ արժե՝ հանուն առողջության, հողի որակի բարելավման, շրջակա միջավայրի պահպանման եւ վերջապես՝ հանուն սերնդի առողջ գենի պահպանման։  Continue reading →

Փետրվարի 25-ին, 27-ին եւ 29-ին հրավիրած աշխատանքային խորհրդակցությունների ընթացքում Երեւանի քաղաքապետ Տարոն Մարգայանը որոշակի շեշտադրումներ արեց: Օրինակ, քաղաքապետը պահանջեց հետեւողական լինել՝ աշխատակազմի գործուղումների գործընթացի նկատմամբ: Սա մի թեմա է, որ հանրության համար շատ ցավոտ է: Հասարակությունը միշտ ուզում է իմանալ, թե պետական այրերը ուր են գնում, ինչքան գումար ծախսում եւ ինչ ուղղությամբ, բայց այդ հարցադրումները միշտ կամ անպատասխան են մնում, կամ, լավագույն դեպքում, թերի պարզաբանվում:

Քաղաքապետը այլ լուծում է առաջարկում՝ այն է՝ թեման լայն բացել կամ՝ հանրությանը ներկայացնել անգամ արարողակարգային նրբություններ՝ շահարկումների տեղիք չտալու համար. «Գործուղումները պետք է լինեն նպատակային: Այս հարցում ակնկալում եմ շատ հստակ մոտեցում: Քույր ու գործընկեր քաղաքներ գործուղվող մեր աշխատակիցների առջեւ խնդիր դրեք, որ երկու քաղաքների միջեւ ստորագրված համաձայնագրի կետերի շրջանակում նախանշված ծրագրերի մասով հենց տեղերում փորձեն առավել գործնական ընթացք տալ հարաբերությունների խորացմանը: Գործուղումները պետք է լինեն առավել արդյունավետ… Կարող ենք արձանագրել, որ նկատելի է արտաքին կապերի վարչության ակտիվ գործունեությունը Երեւանի 50 քույր եւ գործընկեր քաղաքների հետ, բայց 2016թ. ակնկալում եմ ստորագրված համաձայնագրերով եւ պայմանագրերով նախանշված ծրագրերի կյանքի կոչման հարցում լինել ավելի հետեւողական: Բացի այդ, պարբերաբար ներկայացրեք դրանց մանրամասները: Մեր համաքաղաքացիները պե՛տք է իմանան, թե ինչ է տալիս Երեւանին տարբեր քաղաքների հետ համագործակցելը: Հասարակությանը պետք ներկայացվեն նաեւ արարողակարգային որոշ նրբությունները, որպեսզի անհարկի շահարկումները բացառվեն»:

Տարոն Մարգարյանն աշխատանքային խորհրդակցություն է անցկացրել աշխատակազմի իրավաբանական վարչության աշխատակիցների հետ՝ հանձնարարելով ավելի ճշգրիտ աշխատանք տանել քաղաքապետարան դիմած քաղաքացիների հետ եւ աջակցել իրավական հարթությունում. «Իրավաբանական վարչությունը դեռ անելիքներ ունի: Հատկապես ֆիզիկական անձանց հետ կապված դեպքերում հանգամանորեն ուսումնասիրե՛ք ամեն մի մանրուք: Մենք չպետք է անհարկի ավելացնենք մեր համաքաղաքացիների բեռը: Քաղաքացին պետք է տեսնի եւ զգա, որ մենք իր կողքին ենք»,- ասել է քաղաքապետը:  Continue reading →

«…Արայի պաշտամունքը ձեւավորվել է Հայկական լեռնաշխարհում, ապա տարածվել հին աշխարհի բազմաթիվ ցեղերի ու ժողովուրդների դիցարանում»:

Արչիբալդ Սեյս

Վստահ կարող ենք ասել՝ Պորտասարի 12.000 տարեկան ծիսական համալիրի առկայությունը հաստատում է, որ Հայկ Նահապետի ժամանակաշրջանում կրոնական ընկալումներն արդեն ունեին կանոնակարգված դոգմատիկ լուծում: Մեր նախնիները ստեղծել են ծանրակշիռ դիցաբանական մշակույթ, որն իր ստեղծման վայրից՝ Հայքից տարածվել է աշխարհի չորս կողմերը եւ ստացել իր յուրօրինակ զարգացումները՝ ըստ կոնկրետ էթնոխմբի կրոնական պատկերացումների: Մեր նախնիների թողած դավանաբանական ժառանգության մասին կարող ենք դատել այն գրավոր նյութերից, որոնք պահպանված են շումերական, աքքադական, հուրրիական, խեթական եւ այլ արձանագրություններում:

Այսպես. հելլենական աշխարհում հայոց դիցական համակագը ներկայացվել է Արեսի, Հերմեսի, Էրոսի, Մակեդոնիայում՝ Արասի, Իրանում՝ Ահրումազդայի, Հռոմում՝ Մարսի եւ Միթրայի, գերմանացիների մոտ՝ Էրթագի, սլավոնների մոտ՝ Յարիլոի, Հնդկաստանում՝ Ռամի, Եգիպտոսում՝ Ռաի, Խեթերի մոտ՝ Արա-ի, Ասորեստանում՝ Արա-ի, Բաբելոնում՝ Արիաի, Լիդիայում՝ Արմասի միջոցով:

Նկատի պետք է ունենանք, որ նոր միջավայրում մեր գլխավոր աստծո նկարագրում պահպանվել են առանցքային մի քանի էլեմենտներ: Հիշեցման կարգով նշեմ, որ Հայոց արեւապաշտական հավատքի եւ համակարգի մասին կարող ենք դատել նաեւ ըստ Հին կտակարանի. Հայկը մոնոֆիզիտ Նոյի հինգերորդ սերունդն էր եւ, որպես ժառանգություն, Նոյից ստացել է Մեծ Լույս կամ Արեւ տիտղոսը եւ մոնոֆիզիտական ուսմունքը, որպես բարձրագույն իրավունք, Հայկը փոխանցել է իր ժառանգորդներին:

Մեծ լույս կամ Արեւ տիտղոսից եւ մոնոֆիզիտական ուսմունքից զատ արեւապաշտական դավանաբանական ժառանգության հաջորդ գլխավոր երեւույթը «անմահների երկիր» ձեւակերպումն է՝ ըստ շումերական կոչվող մշակույթի:

Դիցական հանրահայտ հերոսներից առաջինը Գիլգամեշն է Հայոց աշխարհում փնտրում «անմահության ծաղիկը», իսկ վերջին հերոսը Ալեքսանդր Մակեդոնացին էր, ով նույնպես անմահություն էր փնտրում:

5000 տարվա հնություն ունեցող այս փաստերը հաստատում են Հայոց աշխարհի եւ արեւապաշտական անմահության երեւույթի դոգմատիկ լինելու հանգամանքը։

Եվս մեկ անգամ հիշենք. Հայկ նահապետի նախնիներն են Նոյը, Հաբեթը, Գամերը, Թիրասը, Թորգոմը: Հայկի սերունդն է Արամանյակը, Արամայիսը, Ամասիան, Գեղամը, Հարման, Արամը, Արա Գեղեցիկը: Հայոց ազգադիր Հայկի թողած դավանաբանական ժառանգությամբ մենք մոնոֆիզիտ ենք եւ կրում ենք Մեծ լույս կամ արեւ տիտղոսը: Այդ ժառանգությունը որոշակի դիցաբանական փոփոխություններով մեզ է հասել հետեւյալ անցումներով՝ Հայկից մինչեւ տրոյական պատերազմ:  Continue reading →

Հայկական խոհանոց – ներկայացնում է Ռուզաննա Նահապետյանը:

Խոհանոցը ազգի մշակույթի կարեւորագույն հիմքերից է: Տե՛րը լինենք մեր պատմության:

– Հնդկաձավարով աղցան

Բաղադրությունը – Հնդկաձավար – 1 բաժակ, կանաչ սոխ – 0,5 կապ, մաղադանոս – 1 կապ, անանուխ – 1 կապ, գլուխ սոխ – 1 հատ, լոլիկ – 2 հատ, կիտրոն – 2 հատ, ձիթապտղի յուղ – 80 գ:

Պատրաստման եղանակը – Հնդկաձավարը թրջել եռման ջրով: Կանաչեղենը մանր կտրատել: Կիտրոնը քամել վրան, ավելացնել աղը, ձիթայուղը նույնպես:

Սա լցնել հնդկաձավարի վրա, խառնել, վերջում վրան կտրատել լոլիկը եւ մատուցել:

Կայացավ Իվետա Մուկուչյանի Եվրատեսիլի երգի պրեմիերան

«Եվրատեսիլ» երգի միջազգային մրցույթին մեր երկիրը կներկայանա “LoveWave” երգով. Հայաստանի ներկայացուցիչ Իվետա Մուկուչյանը եվրատեսիլյան բեմից միջազգային երաժշտասեր հանրությանը կներկայանա գերզգացմունքային ստեղծագործությամբ:

Հանրային հեռուստաընկերության կողմից ներկայացվող “LoveWave” երգի երաժշտության համահեղինակները Լեւոն եւ Լիլիթ Նավասարդյաններն են, խոսքերի համահեղինակները՝ Իվետա Մուկուչյանն ու Սթեֆանի Քրաթչֆիլդը, ովքեր փորձել են երգն ամբողջությամբ կառուցել երգչուհու զգացողությունների եւ կասկածների, խտացված ապրումների ու զգացմունքների միջոցով:

Ինչպես երկրաշարժի, այնպես էլ սիրո ալիքը տագնապեցնող է, սթափեցնող, այն կարող է մեկ վայրկյանում փոխել մարդուն ու նրա կյանքը ճիշտ այնպես, ինչպես երկրաշարժի առաջին ալիքը` Love Wave-ը: «Ես ցանկացա երգել այնպիսի զգացմունքի մասին, որը ճանաչում ենք, գիտենք, զգում ենք ու դրանով ենք ապրում կամ գուցե առանց դրա չենք ապրում: Ցանկացա երգել անկեղծ էմոցիայի մասին, զգացողության, որ անհանգստացնում է, ապրեցնում է, հուզում է»,- ասում է Իվետա Մուկուչյանը:

Մրցութային երգի տեսահոլովակը հայ-գերմանական համատեղ արտադրություն է՝ Հայաստանի հանրային հեռուստաընկերության եւ գերմանական “Blacksheep communications”-ի: Տեսահոլովակի շրջանակներում Իվետա Մուկուչյանը համագործակցել է Kivera Naynomis (գլխավոր դիզայներ՝ Արեւիկ Սիմոնյան) նորաձեւության տան հետ:

Իր տեսակով յուրահատուկ տեսահոլովակում գործողությունների փոխարեն ապրումներ են, ստանդարտ սյուժեի փոխարեն՝ խճճված ներաշխարհ: Էկրանից այն կողմ իրականությունն է՝ լուսանկարի ճշգրտությամբ, աբստրակտ պատկերի խորությամբ: Տեսահոլովակում իրականացվել են մակրոնկարահանումներ, որոնք թույլ են տալիս պատկերացնելու սիրո քիմիան, որը տարածվում է ամբողջ մարմնով՝ խորհրդանշելով սիրո զարգացումն ու անկումը:

Հերոսների հոգեւոր զգացումները, միացումն ու բաժանումը արտացոլված է գրաֆիկական հետաքրքիր լուծումների միջոցով: Հիշեցնենք, որ տեսահոլովակում Իվետա Մուկուչյանի զուգընկերը շվեդ հայտնի մոդել, դերասան Բեն Դահլհաուսն է, ով համագործակցում է աշխարհահռչակ ապրանքանիշերի հետ եւ հանդիսանում դրանց գովազդային դեմքը: Նա նաեւ մեծ մասսայականություն է վայելում սոցցանցերում:

«Արտավազդ»-ի հավակնորդները

Տասնյակ դերասաններ եւ դերասանուհիներ, արդեն հայտնի ու նորահայտ, տասնյակ ռեժիսորներ, սցենարի հեղինակներ և տասնյակ ներկայացումներ. Հայաստանի թատերական գործիչների միության կայքում ներկայացվել են «Արտավազդ-2016»-ի հավակնորդները: Հիշեցնենք, որ թատերական ոլորտի «Արտավազդ-2016» մրցանակաբաշխությունը կայանալու է մարտի 26-ին Հակոբ Պարոնյանի անվան երաժշտական կոմեդիայի թատրոնում: «Արտավազդ» մրցանակաբաշխության փորձագետներն են՝ ՀՀ արվեստի վաստակավոր գործիչ Վիգեն Ստեփանյան, ՀՀ վաստակավոր արտիստ Մուրադ Ջանիբեկյան, ՀՀ վաստակավոր արտիստ Էվելինա Շահիրյան, ՀՀ վաստակավոր արտիստ Արմեն Մարության, բեմանկարիչ Մերի Սարգսյան, գրականագետ, թարգմանիչ Մարինա Մարինոսյան, թատերագետ Ռուզաննա Առաքելյան:  Continue reading →

Մարզաշխարհի խաչմերուկներում –

Արծաթե եւ բրոնզե մեդալներ՝ Եվրոպայից

Հունգարիայի Գիոր քաղաքում կայացավ հրաձգության Եվրոպայի առաջնությունը, որին մասնակցել է 47 երկրի 588 մարզիկ: Նախորդ տարվա համեմատ աճել է մասնակից երկրների ու մարզիկների քանակը: Եվրոպայի առաջնությանը խաղարկվեց Ռիո-2016-ի 12 օլիմպիական վարկանիշ: Վարկանշային էին հրացան եւ ատրճանակ մեծահասակների վարժությունները՝ յուրաքանչյուր ձեւից խաղարկվում էր 3-ական վարկանիշ՝ կանանց եւ տղամարդկանց համար: Հայաստանից մասնակցեց 14 մարզիկ՝ գլխավոր մարզիչ Սեյրան Նիկողոսյանի եւ ավագ մարզիչ Անդրանիկ Այվազյանի մարզչական ղեկավարությամբ: Մեր երկիրը Եվրոպայի առաջնությանը նման մեծ պատվիրակությամբ առաջին անգամ էր մասնակցում: Ցավոք, հայ մարզիկներին չհաջողվեց նվաճել օլիմպիական ուղեգրեր:

Մեր ներկայացուցիչները նախ վազող թիրախ երիտասարդ տղաների պայքարում գրանցեցին թիմային բրոնզե մեդալ, ապա վազող թիրախ՝ խառը վազք երիտասարդ աղջիկների պայքարում Լիլիթ Մկրտչյանը 366 միավորով գրավեց 2-րդ տեղը՝ արժանանալով արծաթե պարգեւի:

Հայաստանի արծաթե պարային զույգը

Հայաստանը ներկայացնող Թինա Կարապետյան-Սիմոն Սենեկալ պարային զույգը հաջող հանդես եկավ գեղասահքի «Բավարիա Օփեն» մրցաշարում: Կարճ ծրագրում մեր երկյակը վաստակելով 54,98 միավոր, զբաղեցրեց 2-րդ տեղը: Ազատ ծրագրում նրանք նույնպես ցույց տվեցին 2-րդ արդյունքը՝ 85,18: Այդպիսով, Թինա Կարապետյանն ու Սիմոն Սենեկալը ընդհանուր հաշվարկով վաստակեցին 140,16 միավոր եւ գրավեցին 2-րդ տեղը:

Մրցաշարի հաղթող դարձավ Պենի Կումս-Նիկոլաս Բուքլենդ բրիտանական զույգը, որը պարզապես մրցակցությունից դուրս էր՝ 165,68 միավոր: Ադրբեջանը ներկայացնող Վարվարա Օգլոբինա-Միխայիլ Ժիրնով զույգը գրավեց վերջին՝ 12-րդ տեղը:

Արթուրը եւ Սյուզին՝ Գերմանիայի լավագույն բռնցքամարտիկներ

Հայազգի բռնցքամարտիկը ճանաչվել է Գերմանիայի տարվա լավագույն բռնցքամարտիկ: Գերմանական «BoxSport» ամսագրի ժյուրիի եւ ընթերցողների միջեւ անցկացված քվեարկության արդյունքում պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոնը հավաքել է առավելագույն թվով ձայներ:

35-ամյա բռնցքամարտիկն այս տիտղոսին արժանանում է 7-րդ անգամ: Արթուր Աբրահամի մարզիչ Ուլի Վեգները ճանաչվել է տարվա լավագույն մարզիչ՝ այդ անվանակարգում հաղթելով 13-րդ անգամ: Հիշեցնենք, որ Աբրահամը հաջորդ մենամարտն անցկացնելու է ապրիլի 9-ին՝ Լաս Վեգասում, որտեղ մրցելու է 24-ամյա մեքսիկացի Ջիլբերտո Ռամիրեսի հետ: Նա նախորդ անգամ ԱՄՆ-ում մենամարտել է 2012-ի մայիսի 14-ին՝ Կալիֆորնիայում պարտվելով ամերիկացի Անդրե Ուորդին: Նախորդ մենամարտն անցկացրել է 2015-ի նոյեմբերի 21-ին Գերմանիայի Հանովեր քաղաքում, որտեղ միավորներով հաղթել էր անգլիացի Մարտին Մարեյին:

Նշենք նաեւ, որ WBA վարկածներով լավագույնն է ճանաչվել է մեր հայրենակից Սյուզի Կենտիկյանը:

Արթուրը պատրաստ է մենամարտել Ֆյոդոր Չուդինովի հետ

WBO-ի վարկածով պրոֆեսիոնալ բռնցքամարտի մինչեւ 76,2 կգ քաշային կարգում աշխարհի չեմպիոն Արթուր Աբրահամը հետաքրքրված է WBA-ի վարկածով «գերչեմպիոնի» կոչման նախկին տիրակալ Ֆյոդոր Չուդինովի հետ մենամարտով: Ռուս բռնցքամարտիկը կորցրել է կոչումը՝ մրցավարների որոշմամբ զիջելով գերմանացի Ֆելիքս Շտուրմին, ինչն առաջացրել է Չուդինովի բողոքը: Վերջինիս մարզիչը բողոքարկել է մրցավարների որոշումը:

«Չուդինովը լավ մրցակից է, եւ մենք հիմա էլ քննարկում ենք նրա հետ մենամարտելու հնարավորության հարցը»,- Աբրահամի խոսքերը մեջբերել է ՏԱՍՍ-ը: Ավելացնենք, որ 35-ամյա հայ բռնցքամարտիկի առաջիկա մրցակիցը մեքսիկացի Հիլբերտո Ռամիրեսն է:  Continue reading →

Հայ արիադավան-հեթանոս հայերը Երկրային Գարնան առաջին օրը՝ մարտի 2-ին, նշեցին Հայր Արայի՝ Հայ Տեսակի Գերագույն Աստծո տոնը: Երկրում մարտի սկիզբը նախանշում է գարնան այցը, ինչը ձմեռային քնից արթնացում է նախաշնում՝ վերազարթոնք:

Բնական վերազարթոնքի հովանավորը Հայր Արան է, որ հետեւում է բնակարգին եւ հայ արիներին պարգեւում Բնության Վերազարթոնք՝ Նոր Կյանք… Դրա համար այս տոնը կոչվում է նաեւ Աստվածահայր Արայի Հրաշագործության Տոն:

Մենք միշտ նշել ենք, որ ձմեռը բնության մեջ նախանշում է հարաբերական մահ՝ ծաղկունքի դադար, եւ Հայր Արան իր զորությամբ ապահովում է Գարնան մուտքը, ինչն էլ Բնության մեջ հարաբերական կյանքն է նախանշում՝ կյանք-մահ-կյանք… հավերժապտույտ շղթայի մեջ:

Հայ Արիական Միաբանության Գերագույն Խորհրդի եւ Հոգեւոր հանձնախմբի Քրմական դասի ներկայացուցիչները ՀԱՄ առաջնորդ Արմեն Ավետիսյանի գլխավորությամբ կատարեցին ծիսական արարողություն՝ փառաբանելով Հայր Արային, որ նաեւ Արարչի Զավակն է, ով արարվել է որպես հզոր Աստված, նաեւ Արարչածին Հայ Տեսակի Աստվածահայրն է եւ Հայ Գենի մարմնացումը…

Ծիսակարգը կատարվեց մարտի 2-ի վաղ առավոտյան, ինչպես միշտ Արարատյան դաշտի սահմանամերձ մի հատվածում՝ Մեծ եւ Փոքր Մասիսների հայացքների ներքո: Հայ արիները փառաբանեցին նաեւ Տիեզերքի Արարչին եւ բոլոր Հայ Աստվածներին:

Հայ Արիական Միաբանության լրատվական կենտրոն

02.03.2016թ.

«Լուսանցք» շաբաթաթերթի հարգելի բաժանորդներ եւ բոլոր ընթերցողներ.-

Հիշեցնենք, որ մենք զգուշացրել էինք, որ թերթի նախորդ թողարկումը չէր եղել այն պատճառով, որ նախորդ հինգշաբի, առավոտյան շուտ շաբաթաթերթի գլխավոր խմբագիրը շտապ ծննդատուն էր տեղափոխվել անսպասելի հանգամանքների բերումով, ինչը վտանգել էր Արմենուհի Մելքոնյանի եւ լույս աշխարհ եկող զավակի կյանքը…

«Գրիգոր Լուսավորիչ» բժշկական կենտրոնի բժիշկների հիրավի հրաշագործ ձեռքերը այս աշխարհ վերադարձրեցին «Լուսանցք»-ի գլխավոր խմբագրին եւ կյանք պարգեւեցին Արեգ զավակին: Մեկշաբաթյա հիվանդանոցային հատուկ բուժումը, որից 4 օրը կենաց մահու կռվի պայմաններում ընթացավ, տվեց իր ցանկալի արդյունքը:

Այսօր Արմենուհի Մելքոնյանի եւ Արեգի կյանքին վտանգ չի սպառնում, բայց բժիշկների խստիվ պահանջով «Լուսանցք»-ի գլխավոր խմբագիրն առաջիկա օրերին չի կարող ակտիվ գործունեությամբ զբաղվել, քանզի դեռ թույլ է եւ բուժական խստիվ ռեժիմը կիրառվում է նաեւ տնային պայմաններում:

Հարգելի ընթերցողներ, «Լուսանցք»-ի այս տարվա թիվ 5 (395) թողարկման հրատարակումը այս ուրբաթ եւս հետաձգվեց, քանզի թերթի պատասխանատուն ի վիճակի չէ իրականացնել իր գործառույթը: Հուսանք, որ տնային արագացված բուժումը հնարավորություն կտա հիշյալ թողարկումը կյանքի կոչել հաջորդ ուրբաթ:

«Լուսանցք» շաբաթաթերթի խմբագրական խորհուրդ

18.02.2016թ.-Երեւան

Խորհուրդ Երդումի

Հա՜յր իմ ԱրԱրիչ,

         Մա՜յր իմ Բնություն,

                   Տու՜ն իմ Տիեզերք.

Սիրու՛մ եմ ես Ձեզ,

          Գալի՛ս եմ ես Ձեզ,

                    Կհասնե՛մ ես Ձեզ…

Փետրվարի 13-ին հայոց հնավայրերից մեկում, որն ավելի քան 3-հազարամյա պատմություն ունի, Էլար-Դարանիի տարածքում Հայ Արիական Միաբանության եւ Հայ Ազգայնականների Համախմբման անդամները կատարեցին Հայոց Տրնդեզի ծիսական ու տոնական արարողություն:

Ծիսական կարգն ու տոնական մասը անցկացրեցին ՀԱՄ Հոգեւոր դասի առաջադրած քրմերն ու քրմի թեկնածուները: Արարողությանը մասնակց նաեւ ՀԱՄ առաջնորդ եւ ՀԱՀ համակարգող Արմեն Ավետիսյանը:

Կրակի վառման ծիսակարգի հետ հնչեցին գինեձոներ ու փառաբանումներ, եւ հայ-արիներն ու համախմբված հեթանոս ազգայնականները շուրջպար բռնեցին օծյալ կրակի շուրջ, որն ուղեկցվեց ասմունքով, երգ ու պարով:

Արիադավան հայերը երկրպագեցին Հայ Աստվածներին ու Տիեզերքի Արարչին՝ հանուն հայի ու Հայաստանի վերածաղկման ու վերահզորացման, վասն հայրենիքի վերամիավորման ու հայության՝ դեպի աստվածատուր բնօրրանը վերադարձի…

Ոգեկոչվեցին նաեւ նախնյաց հոգիները...  Continue reading →

Ընդդեմ՝ Զիկա վիրուսի եւ Ռիոյի օլիմպիադայի

ԱՄՆ-ի օլիմպիական կոմիտեն հաղորդել է, որ ամերիկացի մարզիկները հնարավոր է բաց թողնեն Ռիո դե Ժանեյրոյում կայանալիք օլիմպիական խաղերը, եթե Զիկա վիրուսի վտանգը վերացված չլինի: Մարզական բոլոր ֆեդերացիաներն արդեն համապատասխան հանձնարարականները ստացել են: Ավելի վաղ՝ «Ռիո-2016»-ի կազմկոմիտեն նշել էր, որ հետեւում է Բրազիլիայում վիրուսի տարածման շուրջ ստեղծված իրավիճակին: Կազմկոմիտեի տնօրեն Մարիո Անդրադան հայտարարել է, որ իրենք կհետեւեն Առողջապահության համաշխարհային կազմակերպության բոլոր ցուցումներին՝ կապված համաճարակի հետ:

Այդուհանդերձ, Միջազգային օլիմպիական կոմիտեի նախագահ Թոմաս Բախը վստահություն է հայտնել, որ Զիկան մոլորակի լավագույն մարզիկներին չի խանգարի մասնակցել 2016թ. Օլիմպիական խաղերին: Նրա խոսքերով՝ խնդրի լուծման համար դեռ ժամանակ կա: Հիշեցնենք, որ հիվանդության բռնկման դեպքեր են գրանցվել Ասիայում, Աֆրիկայում, Հարավային ու Հյուսիսային Ամերիկայում, Խաղաղօվկիանոսյան տարածաշրջանում: Արեւմտյան կիսագնդում վիրուսը շատ ավելի արագ է տարածվում: Այս տարի հիվանդության դեպքեր են արձանագրվել 33 երկրում: Բրազիլիայում վիրուսի տարածողը «Aedes aegypti» մոծակն է: Իշխանությունները հատուկ արշավ են իրականացնում, որպեսզի համոզեն բնակչությանը՝ ամեն օր ստուգվելու ու մոծակների բեղմնավորման հնարավոր վայրերը ոչնչացնելու համար:

Կմասնակցենք 2 մարզիկով  

Նորվեգական Լիլեհամերում կայանալիք պատանեկան 2-րդ ձմեռային օլիմպիական խաղերում հանդես կգան ռեկորդային թվով երկրներ: 71 երկրներ են ցանկություն հայտնել մասնակցելու այդ ստուգատեսին, որոնցից 7-ն առաջին անգամ են հայտ ներկայացրել: Դրանք են Կիպրոսը, ՀԱՀ-ը, Արեւելյան Թիմորը, Նեպալը, Քենիան, Լիբիան եւ Ջամայկան: Ըստ նախնական տվյալների, բոլորից շատ մասնակիցներ կունենան Նորվեգիան՝ 73, Ռուսաստանը՝ 67, ԱՄՆ-ն՝ 58, Կանադան՝ 50: Հայաստանի ազգային օլիմպիական կոմիտեից հայտնել են, որ, մեր երկիրն այդ խաղերին կմասնակցի 2 մարզիկով՝ Անաստասիա Գալուստյան, Միքայել Միքայելյան:

Բասկետբոլի մարզչական սեմինար՝ Երեւանում

Հայաստանի ԱՕԿ-ը ՀՀ բասկետբոլի ֆեդերացիայի հետ համատեղ կանցկացնի մարզաձեւի մարզչական սեմինար: Այն կվարի սլովենացի փորձառու մասնագետ Տոնե Կրամպը:

59-ամյա մասնագետը երկար տարիներ աշխատել է Սլովենիայի տարբեր տարիքային հավաքականներում: Նրա գլխավորած հավաքականները բազմիցս հանդես են եկել Եվրոպայի պատանեկան առաջնություններում: Դասընթացին կմասնակցեն Հայաստանի տարբեր քաղաքներում աշխատող մոտ 30 մարզիչ: Սեմինարը թույլ կտա բարձրացնել պատանեկան բասկետբոլում աշխատող մարզիչների որակավորումը: Այն կկայանա փետրվարի 15-20-ը:

…Նաեւ շախմատի Եվրոպայի առաջնություն

2016թ. շախմատի Եվրոպայի վետերանների առաջնությունը կկայանա Երեւանում: Առաջնությունը տեղի կունենա Տիգրան Պետրոսյանի անվան շախմատի տանը, հունիսի 4-14-ը, կանցկացվի 2 տարիքային խմբերում՝ 50-64 տարեկանների եւ 65-ից բարձր: Հաղթողները կորոշվեն շվեյցարական մրցակարգով, 9 փուլում: Մրցանակային հիմնադրամը կազմում է 10 հազար եվրո: Տղամարդկանց մրցումներում կպարգեւատրվեն 1-7-րդ տեղերը, կանանց՝ 1-3-րդը:  Continue reading →

Խորհուրդ Երդումի

Հա՜յր իմ ԱրԱրիչ,

         Մա՜յր իմ Բնություն,

                   Տու՜ն իմ Տիեզերք.

Սիրու՛մ եմ ես Ձեզ,

             Գալի՛ս եմ ես Ձեզ,

                       Կհասնե՛մ ես Ձեզ…

ՀԱՄ լրատվական կենտրոնից հայտնում են, որ փետրվարի 13-ին հայոց հնավայրերից մեկում, որն ավելի քան 3 հազարամյա պատմություն ունի՝ Էլար-Դարանիի տարածքում, Հայ Արիական Միաբանության եւ Հայ Ազգայնականների Համախմբման անդամները կկատարեն Հայոց Տրնդեզի ծիսական ու տոնական արարողություն:

Ծիսական կարգն ու տոնական մասը կանցկացնեն ՀԱՄ Հոգեւոր դասի առաջադրած քրմերն ու քրմի թեկնածուները: Արարողությանը կմասնակցի նաեւ ՀԱՄ առաջնորդ եւ ՀԱՀ համակարգող Արմեն Ավետիսյանը:

Կրակի վառման ծիսակարգի հետ կհնչեն գինեձոներ ու փառաբանումներ, եւ հայ-արիներն ու համախմբված հեթանոս ազգայնականները շուրջպար կբռնեն օծյալ կրակի շուրջ, որը կուղեկցվի ասմունքով, երգ ու պարով:

Արիադավան հայերը կերկրպագեն Հայ Աստվածներին ու Տիեզերքի Արարչին՝ հանուն հայի ու Հայաստանի վերածաղկման ու վերահզորացման, վասն հայրենիքի վերամիավորման ու հայության՝ դեպի աստվածատուր բնօրրանը վերադարձի…

Կոգեկոչվեն նաեւ նախնյաց հոգիները…

Տրնդեզը՝ Տիառն ընդ առաջի տոնն է, որ նշում են արի հայերը՝ Գարնան՝ Բնության Վերազարթոնքի տոնից՝ Բնական Ամանորից առաջ Տիեզերքի Արարչին ընդառաջ գնալու, Ամենայն Ստեղծիին փառք տալու համար, որ հավերժական կյանք է նվիրել բոլոր արարածներին՝ թե՛ երկրային ու թե՛ երկնային հայրենիքներում ապրելու եւ արարելու համար…

Փա՜ռք Տրնդեզին, փա՜ռք Արարչին, Փա՜ռք Հայ Տեսակին՝ Երկնային եւ Երկրային…

Ձոն Արարչին

– ՏԵՐ

Ամենաստեղծ եւ Ամենազոր,-

Մեր կյանքի Ակունք-Արարչաբնույթ,

Երազների կուռք-երազ արթմնի…

Նու՛րբ եթերական, բայցեւ իրակա՜ն,

Ահե՜ղ, զորավո՜ր Հա՜յր մեր փառավո՛ր,

Յուրաքանչյուրիս Գենի արձագանք,

Ների՜ր մեզ Դու Տեր, Արարի՜չ Բարի,

Իմաստ տու՜ր նորից ու Քե՜զ ուղղորդի,-

– Կանչը մեր հոգու,

– Զարկերը՝ սրտի,

– Միտքը՝ ուղեղի,

– Փա՛ռքն ու աղոթքը՝ կյանքի ու մահի…

– Տե՜ր Ամենայնի:

«Լուսանցք» շաբաթաթերթ

«Լուսանցք» շաբաթաթերթի հարգելի բաժանորդներ եւ բոլոր ընթերցողներ.-

Այսօրվա անակընկալի պատճառով վաղը «Լուսանցք»-ը լույս չի տեսնի, ուստի հայցում ենք ձեր ներողամտությունը: Առավոտյան շաբաթաթերթի գլխավոր խմբագիրը շտապ ծննդատուն է տեղափոխվել՝ անսպասելի հանգամանքների բերումով, ինչը խաթարել է «Լուսանցք»-ի այս տարվա թիվ 4 (394) թողարկման հրատարակումը:

Չհրատարակված համարը մեր ընթերցողների սեղանին կհայտնվի մյուս շաբաթ, իսկ մենք, վստահ ենք նաեւ մեր ընթերցողները, միասին շնորհավորենք գլխավոր խմբագրին՝ Արմենուհի Մելքոնյանին՝ երկրորդ զավակն ունենալու առթիվ: Շնորհավորում ենք նաեւ Հայ Արիական Միաբանության առաջնորդ Արմեն Ավետիսյանին՝ որդի ունենալու մեծ երջանկության առիթով…

Վարդավառի տոնին ընդառաջ ծնված Աստղիկ դստրիկին եղբայր է ծնվել՝ Արեգը, ով լույս աշխարհ եկավ արդեն Տրնդեզին, Տիեզերքի Տիրոջ՝ Արարչի տոնին ընդառաջ…

«Լուսանցք» շաբաթաթերթի խմբագրական խորհուրդ

11.02.2016թ.

Շնորհավորանքներին միանում են Հայ Արիական Միաբանության եւ Հայ Ազգայնականների Համախմբման հայաստանյան ու սփյուռքյան բոլոր կառույցները, անհատ համակիրներն ու օժանսակ անդամները՝Հայ Աստվածները պահապան ինչպես նորածին Արե(Է)գին, այնպես էլ ավելի քան 3,5-ամյա Աստղիկին:

Ներկայացնում ենք 2 «հնացող» նյութ՝ հրատարակման չհասած «Լուսանցք»-ից:

http://www.hayary.org/wph/?p=5405 – Հայոց Տրնդեզ՝ տոնն է Տիեզերքի Արարչի – Փա՛ռք Քեզ Տեր Մեր Ամենաստեղծ եւ Ամենայնի…

http://www.hayary.org/wph/?p=5407 – Շաբաթվա մարզական հեւքից – մարզաշխարհի խաչմերուկներում… Սեռական սկանդալ՝ բուլղարական սպորտում … Մարզուհիները հարաբերություններ են պարզում մարզադաշտում…