Վարչապետ Տիգրան Սարգսյանը ճգնաժամի այս ամբողջ ընթացքում առաջին անգամ խոստովանեց, որ Հայաստանը կտրուկ տնտեսական անկում է ապրում եւ այս տարի համապատասխան՝ այդ անկման ցուցանիշը կարող է 20 տոկոսի հասնել: Այս մասին նա հայտարարեց Երեւանում մեկնարկած «Համաշխարհային ճգնաժամի ազդեցությունը Հայաստանի վրա. կարճաժամկետ եւ երկարաժամկետ հեռանկարներ» միջազգային համաժողովում: Տիգրան Սարգսյանը, անդրադառնալով ճգնաժամի հետեւանքով Հայաստանում տնտեսական անկման տարբերակներին, նշեց, որ երեք սցենարներ կան, ըստ որոնց՝ այս տարի անկումը կլինի 9.5, 16 կամ 20 տոկոս:

Գործադիր իշխանության ղեկավարն այդ օրերին մի քանի խոստովանություններ էլ արեց, որոնք մինչ այս խնամքով թաքցնում էր: Թաքցնում էր այն, ինչ վաղուց բոլորին էր հայտնի:

Այս օրերին Հայ Արիական Միաբանությունը, Հայ ազգայնականների համախմբումը եւ «Լուսանցք»-ը անընդհատ հանդես են գալիս քաղաքական դաշտում ազգայնական գործիչ Արմեն Ավետիսյանին զորակցությամբ: Ու քանի որ այս օրերին շատերն են հավակնում ազգայնական երեւալ (միշտ այդպես է նախընտրական ու հետընտրական փուլերում), հարկ ենք համարում մեջբերել իրապես ազգայնական Արմեն Ավետիսյանի տեսակետը տարբեր բնագավառների, դրանց զարգացումների ու հեռանկարների մասին:
Գիտության, կրթության եւ մշակույթի բնագավառ

Մեր բազմափորձ եւ իմաստուն նախնիները, ճանաչելով Համատիեզերական օրինաչափություններն ու իրականությունը, կատարելապես տիրապետելով տարածության եւ ժամանակի մեջ մտովի տեղաշարժվելու սկզբունքներին, ծանոթ են եղել բոլոր գիտություններին եւ այն առավելագույնս օգտագործելով, պարբերաբար ստեղծել են զարգացած քաղաքակրթություններ, որոնց հետքերը հայտնաբերվում են գիտական շարունակական պեղումների ժամանակ…