«Իրավունք» թերթուկը վաղուց իր որոշակի սին հեթանոսությամբ (եւ իբր հեթանոսներով) փորձում է ինքնահաստատվել մայր-թերթի պառակտումից եւ երկու «Իրավունք»-ների առաջացումից հետո եւ արդեն երկրորդ անգամ փորձում է իբր վարկաբեկել ՀԱՄ առաջնորդ Արմեն Ավետիսյանին՝ թերթուկի «հերոս» երեւալու ծիծաղելի ձգտումով:
Տխուր թերթուկի տխուր պահվածք: Ուրիշ ոչինչ: Ահա մեր պատասխանը: Քանի որ այս լրատվամիջոցի խմբագրակազմին էլ, Արմեն Ավետիսյանին էլ մեր հանրությունը լավ տարբերակում է, ուստի թերթուկի պատվերով համերգներին պատասխանում ենք զուտ լուռ չմնալու համար:

Թուրքական «Հուրիեթ» (Hurriyet) պարբերականը հրապարակել է դիտարկումներ այն մասին, թե հայ-թուրքական հարաբերությունների կարգավորումն ինչ ազդեցություն կունենա երկրների տնտեսությունների վրա:
Որոշակի պարզաբանումներ ստանալու համար օրաթերթը դիմել է թուրք-հայ գործարար միության համանախագահ Քաան Սոյաքին:
«Հայաստանի եւ Թուրքիայի միջեւ առեւտրաշրջանառության ծավալը ներկայումս կազմում է շուրջ 150 մլն դոլար: Կարճ ժամանակահատվածում այդ ցուցանիշը կարող է կրկնապատկվել` հասնելով մինչեւ 300 մլն դոլար: Իսկ առաջին երեք տարում առեւտրաշրջանառության ծավալները հակված են լինելու հասնել մինչեւ 1 մլրդ դոլարի»,- ըստ «Հուրիեթ»-ի, ասել է թուրք համանախագահը եւ հավելել, թե սահմանների բացումը կուղեկցվի առեւտրի աշխուժացմամբ ու դա կնպաստի երկրի արեւելյան շրջանների, մասնավորապես, Կարսի զարգացմանը:

1. Հայ-թուրքական վերջնագրի սպասումով
2. Գծաձեւային խորհրդանիշեր
3. Վրացական եղբայրության եւ ժողովրդավարության հետեւանքը…
4. Հիմա թուրքերի հետ քույրիկ-եղբայրի՞կ ենք դառնալու
5. Այստեղ, այնտեղ եւ մեզ մոտ
6. Ես Գարեգին Նժդեհը չեմ
7. Պարզունակ խաղ` ընդդեմ դաս չքաղողների
8. Մերոնք խնդրում են, թուրքն էլ չի՞ ուզում

Երեւանում սեպտեմբերի 11-ին մեկնարկած ձյուդոյի Եվրոպայի երիտասարդական առաջնության պաշտոնական բացման արարողությունը կայացավ սեպտեմբերի 12-ին Կարեն Դեմիրճյանի անվան մարզահամերգային համալիրում: Արարողությանը ներկա էր ՀՀ վարչապետ Տիգրան Սարգսյանը: Հայաստան էին ժամանել 38 երկրների ներկայացուցիչներ (295 մարզիկներ, մարզիչներ, լրագրողներ):
Առաջնության պաշտոնական բացման արարողության համար երբ բեմ հրավիրվեցին մասնակից երկրների դրոշակակիրները, Թուրքիայի ու Ադրբեջանի ներկայացուցիչների երեւալուն պես դահլիճը դժգոհության «նոտա» արձակեց:

Հայկական ռադիոյին ուղղված հարց՝ «Ո՞վ է հսկում (ՍՐօՔցպՑ) Գարեգին Նժդեհի հրապարակը»: Պատասխան՝ «Սուրեն Սպանդարյանի ուրվականը»: Այս զավեշտական վիճակում է Երեւանը:  Խորհրդային կայսրության վերջին օրերին թաքուն, գիշերով բերեցին եւ տեղադրեցին Սուրեն Սպանդարյանի արձանը՝ կոմունիզմի վերջին ուրվականի խորհրդանիշը: Անցան տարիներ: Այս հրապարակում ցույցեր ու միտինգներ անցկացրեցին կարկառուն դեմքեր, նախագահներ, պատգամավորներ, քաղաքապետեր… Նրանք ճառեցին, խոսեցին, խոստումներ տվեցին ու երդվեցին… իրենց իմանալով՝ Գարեգին Նժդեհի արձանի մոտ: Այսպես վարվեցին նույնիսկ նժդեհյան «գաղափարակիրներ» հանրապետականները…