Բրիտանական «Legatum» գիտա-հետազոտական ինստիտուտը «Oxford Analytica» եւ «Gallup World Poll Service» ընկերությունների հետ համատեղ կա-զմել է երկրների ազգային բարեկեցության վարկանշային աղյուսակը:
Այս տարի վարկանշային ցուցակի 1-ին տեղում է Նորվեգիան, հաջորդում են Դանիան, Ֆինլանդիան, Ավստրալիան, Նոր Զելանդիան: Առաջին տասնյա-կում են նաեւ Շվեդիան, Կանադան, Շվեյցարիան, Նիդեռլանդներն ու ԱՄՆ-ն:
Բալթյան երկրներից Էստոնիան զբաղեցնում է 35-րդ տեղը, Լիտվիան ու Լատվիան՝ համապատասխանաբար՝ 42-րդ եւ 47-րդ:
ԱՊՀ երկրներից Ղազախստանը՝ 50-րդն է, Բելառուսը՝ 54-րդը, Ռուսաստանը՝ 63-րդը, Ուկրաինան՝ 69-րդը, Ուզբեկստանը՝ 76-րդը, Մոլդովան՝ 86-րդը: Աղյուսակում ԱՊՀ այլ երկրներ, նաեւ՝ Վրաստանը, ընդհանրապես ընդգրկված չեն:
Վերջին տասնյակը զբաղեցնում են աֆրիկյան երկրները:

Ռուս համարվող լոնդոնաբնակ գործարար եւ հայտնի քաղաքական «դեմք» Բորիս Բերեզովսկին հայտնել է, թե պատրաստ է օգնություն ցուցաբե-րել Մոսկվայի նախկին քաղաքապետ Յուրի Լուժկովին, սակայն չի պատրաստվում համագործակցել վերջինիս հետ:
«Եթե նա վատ իրավիճակում հայտնվի, եթե կնոջ հետ միասին գումար չունենա քաղաքական ապաստան հայցելու նպատակով փաստաբաններին վճարելու համար, ես պատրաստ եմ նրան օգնել»,- հայտնել է Բ. Բերեզովսկին: Ավելի վաղ զլմ-ներում տեղ գտած տեղեկատվության համաձայն, նախորդ շաբաթ Լուժկովը փաստաթղթեր էր ներկայացրել Մոսկվայում Մեծ Բրիտանիայի դեսպանատուն մուտքի արտոնագիր ձեռք բերելու նպատակով: Լուրեր կան, թե նախկին քաղաքապետի կինը՝ Ելենա Բատուրինան, արդեն իսկ Լոնդոնում է:

(Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը,
հեռ` 531-027, 531-028)

Գաթա

Բաղադրությունը
Ձու – 4 հատ
մածուն – 250գ
յուղ – 1 ճաշի գդալ
մեղր – 1 ճաշի գդալ
չաման – 2գ
ալյուր – 400 գ
նաեւ՝
3 ճաշի գդալ յուղ՝ խմորի շերտերին քսելու համար
2 ճաշի գդալ յուղ՝ խորիզի համար
4 ճաշի գդալ շաքարի փոշի          
2 գ վանիլ
4 ճաշի գդալ ալյուր

1. Ազատագրենք նաեւ մեր դիվանադիտությունը…
2. Երբ անգրագետ է նախագահը… եւ ,,հեյդարիզմի,, ուրվականը
3. Բաց աչքով քնենք, քանզի թուրքը միշտ ,,շակալ,, է
4. Դաս Երուսաղեմի հոգեւորականին… – Անդրանիկ Աթոյան
5. ՀՀ-ում երբեք չի եղել այլատյացություն…
6. Արտաքին հարցեր եւ լուրեր
7. Ներքին խնդիրներ եւ լուրեր
8. Հայկական խոհանոց… եւ շաբաթվա մարզական կյանքից

Բաքվի քաղաքական հայտարարությունների հերթական տարափը ոչ միայն ալիեւական ոճի հետեւանք են, այլեւ նոյեմբերի 7-ին Ադրբեջանում կայանալիք ընտրություններին են առնչվում: Չնայած, վստահաբար, ընտրություններից հետո էլ այդ ամպագոռգոռ կոչերը կմնան. Բաքվի մոտե-ցումները հազիվ թե փոխվեն Արցախի հարցում:
Չնայած, վերլուծաբաններից ոմանք կարծում են, թե հոկտեմբերի 6-13-ը ԼՂ-ի հարակից տարածքներում կատարված միջազգային առաքելությամբ «իրավիճակ է փոխվում բանակցային գործընթացում»: Կարծիք կա, թե Դաշտային գնահատման առաքելության անցկացումը ՄԱԿ-ի Գլխավոր Ասամբլեա-յի 65-րդ նիստից Ադրբեջանի ներկայացրած բանաձեւի հետկանչման պատասխանն էր:
Բայց որոշակի մտահոգիչ է, որ ԵԱՀԿ ՄԽ համանախագահների հայտարարությունում վերջերս գործածվել են «օկուպացված տարածքներ» եւ «Ստեփանա-կերտ/Խանքենդի» արտահայտությունները:

Ադրբեջանի նախագահ Իլհամ Ալիեւը հերթական անգամ խելքից դուրս հայտարարություններ է արել: Այս անգամ նշել է, որ ոչ միայն Արցա-խը, այլեւ Զանգեզուրը, Երեւանը եւ Սեւանը «ադրբեջանական պատմական տարածքներն են»: Ժամանակին այս կարգի ելույթներ էր ունենում ադր-բեջանական մեկ այլ տխրահռչակ նախագահ՝ Աբուլֆազ Էլչիբեյը, ով հայտարարել էր, որ արցախյան պատերազմի տարիներին «ոտքերը շուտով պետք է լվանա Սեւանա լճում»…
Ադրբեջանում սա նախագահական հիվանդություն է…
Ի. Ալիեւը վերջերս մեղադրական խոսքեր է հնչեցրել նաեւ հայ հայտնի հեղափոխական Ստեփան Շահումյանի հասցեին: Նա հպարտությամբ նշել է, որ իր հրամանով է ապամոնտաժվել 26 կոմիսարների հուշարձանը:

Միշտ բաց աչքով քնենք, քանզի թուրքը միշտ «շակալ» է

Ադրբեջանն ամեն ինչ անում է, որպեսզի ԼՂ-ի խնդրի քննարկումը ԵԱՀԿ Մինսկի խմբի ձեւաչափից տեղափոխի եվրոպական այլ քաղաքական կառույցներ, Եվրոպայի խորհուրդ կամ ՄԱԿ, եւ շփման գծում ադրբեջանական կողմի հատուկ սադրանքների նպատակն է ցույց տալ Մինսկի խմբի գործունեության իբր անարդյունավետությունը: 2005թ. ԵԽԽՎ-ում որոշում կայացվեց ստեղծել Լեռնային Ղարաբաղի հարցերով ժամանակա-վոր հանձնաժողով, որի անդամն էր նավթային խոշոր ընկերությունների շահերի կրող Դեյվիդ Աթքինսոնը, իսկ 2008թ. հանձնաժողո-վի գործունեությունը սառեցվեց: ԵԽԽՎ-ի ներկայիս թուրք նախագահ Մեվլութ Չավուշօղլուն կրկին ցանկանում է վերսկսել հանձնաժո-ղովի գործունեությունը, իսկ սույն թվականի նոյեմբերից մինչեւ 2011թ. մայիսը եվրոպական մեկ այլ կառույցի՝ Եվրոպայի խորհրդի նախարարների հանձնաժողովի նախագահությունը կստանձնի Թուրքիայի արտգործնախարար Ահմեթ Դավութօղլուն:

Դաս Երուսաղեմի (եւ ոչ միայն) հոգեւորականին, որ «հետապնդման բարդույթի» պատճառով պարզունակ է դարձել

Վերջերս համացանցում պատահաբար ընթերցեցի Երուսաղեմի ոմն քրիստոնյա հոգեւորական Ղեւոնդի հոդվածը՝ հետեւյալ վերնագրով. «նՑվՏՉպՐՈ Ռ պրՑՖ ղՐՌրՑՌՈվրՑՉՏ! ԿոՐՈքպվՌպ Ս ԸՐՎÿվրՍՏռ ԾՏսՏՊպՋՌ!!!» (ցանկացողները կարող են ծանոթանալ բովանդակությանը այստեղ – http://frghev-ond.livejournal.com/46010.html):
Հոդվածի հեղինակը բավականին պերճախոս շարադրում է իր տեսակետը՝ անհերքելի ճշմարտության ոգով: Եվ ընթերցողներից քչերը կկռահեն, որ հոդվածը մարդու եւ իր երեւակայության երկխոսության արդյունք է:

Ըստ «Ռիա Նովոստի»-ի, 17 մարդ, այդ թվում` ոստիկանության 6 աշխատակից, տարբեր աստիճանի վնասվածքներ են ստացել, եւս 3-ը մահացել Չեչնիա-յի խորհրդարանի շենքի մոտ իրականացրած ահաբեկչական գործողության հետեւանքով: Երբ պատգամավորների մեքենաները մտնում էին խորհրդա-րանի տարածք, նրանց հետեւից տարածք է մուտք գործել ահաբեկիչների մեքենան, ահաբեկիչներից մեկը տեղում իրեն պայթեցրել է, մյուս-ները՝ մուտք են գործել խորհրդարանի շենք, որից հետո փոխհրաձգություն է սկսվել: Խորհրդարանի շենքի հարակից տարածքում, ինչպես նաեւ շենքի ներսում կազմակերպած հատուկ գործողությունների արդյունքում ահաբեկիչներին չեզոքացվել են:

Գյուղնախարար Գերասիմ Ալավերդյանը գովազդ է անում, բայց չգիտի՞ ում գովազդն է անում
Գործադիրի երեկվա նիստում գյուղատնտեսության ոլորտին վերաբերող հարցերի մի ամբողջ փաթեթ քննարկվեց, որոնք վերաբերում էին կենսապարարտանյութերի շուկայի զարգացմանը եւ կենդանական ծագման մթերք ներկրող ու արտահանող տնտեսվարողների աշխատանքը հեշտացնելուն:
Ըստ այդմ տեղեկացնենք, որ, ինչպես վստահեցնում է գյուղատնտեսության նախարար Գերասիմ Ալավերդյանը, Հայաստանում արտադրվում է հայկա-կան պարարտանյութ, որն օրգանական է եւ արդյունավետ հողի համար՝ ի տարբերություն ներկրվող պարարտանյութի՝ ազոտականի, որ տարիների ընթացքում «դեգրագացնում» է հողը: Այնպես որ, հարկ է իրազեկել գյուղացիներին, որպեսզի նրանք օգտվեն հայկական պարարտանյութից:

(Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը,
հեռ` 531-027, 531-028)

Լցոնած դդում

Բաղադրությունը
Դդում – 1 հատ
սալորի չիր – 400գ
ծիրանի չիր – 400գ
նուշ – 250գ
չամիչ – 250գ
դարչին – 10գ
կարագ – 100գ

Հայ Արիական Միաբանության
Գերագույն խորհուրդ
20.10.2010թ.