Ներքին լուրեր եւ հարցեր

ՀԴՄ-ների կտրոններով վիճակահանության կարգը կրկին փոխվում է: Հերթական որոշումը երեկ հաստատվել է կառավարության նիստի ժամանակ:
Ինչպես տեղեկացրեց պետական եկամուտների կոմիտեի նախագահի տեղակալ Արմեն Ալավերդյանը, հարկային վարչարարությանն օժանդակության նպա-տակով վիճակահանության անցկացման եւ պարգեւավճարների տրամադրման կարգում փոփոխություններից զատ նաեւ լրացումներ կարվեն: Այսուհետ կխաղարկվեն նաեւ ավտոմեքենաներ:

Գոհար Վանեսյան

Փոքր ու միջինների հերթն էլ հասավ

Գործադիրի երեկվա նիստում հավանության արժանացած «Ստուգումների կազմակերպման եւ անցկացման մասին» որոշումում փոփոխություն-ները ենթադրում են, որ այսուհետ կստուգվեն նաեւ փոքր ու միջին ձեռնարկությունները: Բայց, ըստ վարչապետի, ստուգումների կասեցման արգելքը վերանում է ստուգում իրականացնող այն մարմինների համար, որոնցում ռիսկի վրա հիմնված ստուգումների համակարգի ներդրման ավարտը  հաստատվել է Տեսչական բարեփոխումների համակարգման խորհրդի կողմից:
Ի դեպ, ՓՄՁ սուբյեկտներում կարող են իրականացվել ուսումնասիրություններ, սակայն չեն կարող կիրառվել պատասխանատվության միջոց-ներ: Բացառիկ դեպքերում, երբ ուսումնասիրությունների հետեւանքով  կամ այլ աղբյուրներից պարզվի, որ որոշակի ոլորտներում մարդկանց կյանքին կամ առողջությանը վտանգ է սպառնում: Վարչապետի որոշմամբ կամ նրա անմիջական հսկողությամբ կարող են իրականացվել նաեւ ստուգումներ: Ռիսկի վրա հիմնված ստուգումների համակարգի ներդրման համար անհրաժեշտ տվյալների հավաքագրման նպատակով տեսուչները ստիպված կլինեն այցելել գործարարներին: Եվ եթե գործարարը խոչընդոտի տեսուչին տվյալների բազայի լրացման հարցում, ապա մեխանիկո-րեն կհայտնվի բարձր ռիսկային խմբում:
«Կրկնում եմ, տեսուչների այցելությունները չեն կարող առաջացնել որեւէ պատասխանատվություն»,-համոզում էր էկոնոմիկայի նախա-րար Ներսես Երիցյանը:
Բայց քանի որ նախարարը լավ գիտե, թե այս որոշումը ինչ արձագանք է գտնելու ՓՄՁ-ի շրջանում, անընդհատ հորդորում էր՝ իհարկե գործա-րարներին. «Խնդրում ենք աջակցել տեսուչներին այս հարցով: Սա բխում է ձեր իսկ շահերից, այլապես կհայտնվեք բարձր ռիսկային խմ-բում»…
Հիմա շատ ՓՄՁ-ներ գուցե երազեն ճգնաժամային շրջանը, երբ տեսուչների ոտքն իրենց տարածքում չէին տեսնում:

Ա.ստղինե Քարամյան

ՀՀ տրանսպորտի և կապի նախարարությունը կարևորում է համագործակցությունը լրատվամիջոցների հետ

Ճանապարհային երթեւեկության անվտանգության ազգային խորհրդի նախաձեռնությամբ Ծաղկաձորում կայացավ «Ճանապարհային անվտանգութ-յունը` լրատվական դաշտում» միջազգա
յին 3-օրյա համաժողովը: Այս մասին հայտնում են ՀՀ տրանսպորտի եւ կապի նախարարության մամուլի ծառայությունից:
ՀՀ տրանսպորտի եւ կապի նախարարության անունից համաժողովի բացմանը ողջույնի խոսք է հղել փոխնախարար Արտաշես Ավետիսյանը եւ նշել, որ նախարարությունը կարեւորում է համակարգում իրականացվող ծրագրերի թափանցիկությունը եւ համագործակցությունը լրատվամի-ջոցների հետ: Ա. Ավետիսյանն այդ ծրագրերից առանձնացրել է անցյալ տարի ՀՀ կառավարության կողմից հաստատված` Հայաստանի եւ Երեւանի Ճանա-պարհային Երթևեկության Անվտանգության Ազգային Ռազմավարության եւ Հնգամյա Գործողությունների Պլանը, որի իրականացման համար ար-դեն ստեղծվել է ճանապարհային երթեւեկության անվտանգության ազգային խորհուրդ: Ըստ փոխնախարարի, միջազգային համաժողովն էլ միտ-ված է այդ ռազամավարության թափանցիկ եւ ճիշտ լուսաբանմանը: «Սա դեռ առաջին քայլն է եւ նմանատիպ այլ միջոցառումներ կիրականացվեն առա-ջիկա տարիներին»,- տեղեկացրել է Ա. Ավետիսյանը: Միջոցառմանը մասնակցել են են ՀՀ կառավարության, Կոտայքի մարզպետարանի ներկայացու-ցիչներ, ՀՀ ճանապարհապարեկային ծառայության պետը, Հայաստանի եւ Վրաստանի տարբեր զլմ–ների լրագրողներ:

Սեփ. լրատվություն

Նիկոլ Փաշինյանը` ի պատասխան ՔՎ խոսնակ Արսեն Բաբայանի հայտարարության

Շարունակվում է աղմուկը «Հայկական ժամանակ» օրաթերթի գլխավոր խմբագիր Նիկոլ Փաշինյանի՝ կալանավայրում նրան անհանգստություն պատ-ճառելու շուրջ: Նա իր պաշտպան փաստաբան Վահե Գրիգորյանի միջոցով հայտարարություն է տարածել` ի պատասխան ՔՎ խոսնակ Արսեն Բաբայանի հայտարարության:
«2010թ. նոյեմբերի 16-ին ՀՀ արդարադատության նախարարության քրեակատարողական վարչության հասարակայնության հետ կապերի բաժանմուն-քի պետ Արսեն Բաբայանը հայտարարել է, թե իբր Նիկոլը երկարատեւ տեսակցությունից հետո հրաժարվել է մուտք գործել բնակելի գոտի եւ իբր իր բանավոր դիմումի հիման վրա ՔԿՀ վարչակազմը իրեն մեկուսացրել է անվտնագության նկատառումներով: Նիկոլը միանշանակ պնդում է, որ այս տեղեկատվությունը չի համապատասխանում իրականությանը: Նոյեմբերի 14-ին տեղի է ունեցել հետեւյալը. երկարատեւ տեսակցութ-յունից հետո ՔԿՀ-ի հերթապահ խմբի պատասխանատու հերթապահ Ֆահրադ Մարտիրոսյանը, անվտանգության ապահովման բաժնի պետ Արտավան Բաղդսար-յանն իրեն արգելել են մուտքգործել բնակելիգոտի` պատճառաբանելով, թե օպերատիվ տեղեկություններ ունեն, որ իր կյանքի եւ անվտանգութ-յան համար բնակելիգոտում սպառնալիքներ կան, ուստի իրենք որեւէ պարագայում թույլ չեն տալու մուտքգործել բնակելիգոտի, եւ իրեն ա-ռաջարկել են դիմում գրել, համաձայն որի ինքը խնդրում է, որ իրեն տեղափոխեն բնակելի գոտուց առանձին տարածք` անվտանգության ապահով-ման նկատառումներով: Նիկոլը պատասխանել է. «Օպերատիվ տեղեկությունը դուք ունեք, իմ անվտանգության պատասխանատուն, ըստ օրենքի դուք եք, դուք էլ ապահովեք այդ ամենը», եւ հրաժարվել է դիմում գրել:
Հետո իրեն առաջարկվել է արձանագրություն կազմել, ըստ որի, ինքը խնդրում է իրեն տեղափոխել: Նիկոլը հրաժարվել է նաև նման արձանագ-րության կազմմանը մասնակցել: Ավելի ուշ Նիկոլ Փաշինյանը, դիմելով ՔԿՀ պետին, հետաքրքրվել է, թե որն է իրեն մեկուսացնելու պատ-ճառը: Իրեն պատասխանել են, որ իր անվտանգությունն ապահովելու նկատառումներից ելնելով են իրեն մեկուսացրել:  … Նիկոլը որեւէ դիմում չիգրել, ոչ բանավոր եւ ոչ էլգրավոր որևէ մեկին չի խնդրել իրեն տեղափոխել»,- մասնավորապես նշված է Վահե Գրիգորյանի տարածած հայտարարության մեջ:

Սեփ. լրատվություն

«Լուսանցք» թիվ 40 (171), 2010թ.
Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում