Բաքվի կայծակնային հաղթանակի միֆ է – Արցախյան հիմնախնդիր

Արցախի Հանրապետության նախագահ Բակո Սահակյանը երբ աշխատանքային այցով ԱՄՆ-ում էր, նաեւ մասնակցեց «Հայաստան» համահայկական հիմնադ-րամի ամենամյա հեռուստամարաթոնի կազմակերպմանը: ԼՂՀ ղեկավարը Լոս Անջելեսում հանդիպեց հայ համայնքի քաղաքական, կրոնական, բա-րերար շրջանակներին, քննարկեց Արցախ-Սփյուռք փոխհարաբերությունները, Արցախում սոցիալ-տնտեսական իրավիճակը, ադրբեջանա-արցախյան հակամարտության կարգավորմանը վերաբերող հարցեր, շինարարության ոլորտում տարբեր ծրագրերի իրականացման հեռանկարները եւ այլն:

Արամ Ավետյան

*  *  *
Օրերս դարձյալ ձախողվել է ԱԺ «Ժառանգություն» խմբակցության ներկայացրած՝ Լեռնային Ղարաբաղի ճանաչման մասին օրինագիծը: ՀՀԿ խմբակցության ղեկավար Գալուստ Սահակյանն ամբիոնից հայտարարել էր, որ քաղաքական կոալիցիայի տեսակետն այդ հարցի կապակցությամբ չի փոխվել: «Ընդհակառակը, ավելի է ամրապնդվել»,- հավելել էր իշխանական մեծամասնության ներկայացուցիչը` հայտարարելով, որ իրենք քվեար-կությանը չեն մասնակցելու: Իշխանական պատգամավորները կարծում են, թե Արցախի Հանրապետության անկախության ճանաչման հարցը դեռ չի հասունացել:
«Ժառանգություն» խմբակցության անդամ Րաֆֆի Հովհաննիսյանն իր ելույթում հայտարարել էր, որ իրենք եւս իրենց տեսակետը չեն փո-խում ու համարում են դա «համազգային հարց»:
Այնուհետեւ ԱԺ նախագահ Հովիկ Աբրահամյանը հարցը դրել էր քվեարկության, որին մասնակցել էր ընդամենը 13 պատգամավոր, որոնք բոլորն էլ «կողմ» էին քվեարկել օրինագծի օրակարգ մտնելուն: Իշխանության կոալիցիոն պատգամավորները բոյկոտել են այս քվեարկությունը, քանի որ նրանցից շատերի պնդմամբ, եթե հարցը մտնի օրակարգ եւ քվեարկվի, ապա 131 պատգամավորներն էլ պետք է միաձայն «կողմ» քվեարկեն Արցախի անկախությանը…
«ՀՀ-ն պետք է ճանաչի Լեռնային Ղարաբաղի Հանրապետությունը, քանի որ վերջինս` որպես անկախ պետություն, համապատասխանում է ինք-նիշխան պետականության անհրաժեշտ չափանիշներին: Այսօրինակ որոշումն ուշացել է. այն պետք է ընդունվեր 1992թ.-ին կամ առնվազն 1994թ.-ին` հրադադարի հաստատմանը զուգընթաց, կամ նախորդեր Կոսովոյի անկախության ճանաչմանը կամ էլ Կոսովոյի հարցով Հաագայի միջազ-գային դատարանի որոշմանը»,- այնուամենայնիվ, կարծում են, ԱԺ մի շարք պատգամավորներ:

Մոսկվայում տեղի է ունեցել Լավրով-Նալբանդյան-Մամեդյարով հանդիպումը
Մոսկվայում տեղի է ունեցել Հայաստանի, Ռուսաստանի եւ Ադրբեջանի ԱԳ նախարարներ Էդվարդ Նալբանդյանի, Սերգեյ Լավրովի եւ Էլման Մա-մադյարովի աշխատանքային հանդիպումը: Հանդիպմանը շարունակվել են քննարկումները ԵԱՀԿ Մինսկի խմբի համանախագահների միջնոր-դությամբ արցախյան հիմնախնդրի կարգավորմանն առնչվող օրակարգային հարցերի շուրջ:

«Մենք դե ֆակտո ճանաչել ենք ԼՂՀ-ն վաղուց».
Շ. Քոչարյանը մեկնաբանել է երկրի ղեկավարի հայտարարությունը
Դե յուրե ճանաչման հիշատակումը պարունակում է երկրորդ երանգը, որ մենք դե ֆակտո ճանաչել ենք Լեռնային Ղարաբաղի Հանրապետությու-նը վաղուց: «Հայլուր» լրատվական ծրագրին տված հարցազրույցում խոսելով ՀՀ նախագահ Սերժ Սարգսյանի` Աստանայում արած այն հայտարարութ-յան մասին, թե Ադրբեջանի ցանկացած ագրեսիայի փորձի դեպքում Հայաստանը կճանաչի Լեռնային Ղարաբաղի Հանրապետությունը, նման գնա-հատական է հնչեցրել փոխարտգործնախարար Շավարշ Քոչարյանը:
«Առաջին հերթին կառանձնացնեի այդ նույն պատասխանի երկրորդ մասը. որ Հայաստանն իր բոլոր հնարավորությունները կներդնի Արցախի ժողովրդի պաշտպանության համար: Այդ տեսակետից, այո, շատ հստակ, միանշանակ էր ձեւակերպումը, իսկ դե յուրե ճանաչման հիշատակումը պարու-նակում է երկրորդ երանգը, որ մենք դե ֆակտո ճանաչել ենք Լեռնային Ղարաբաղի Հանրապետությունը վաղուց, իսկ մեր հարաբերություն-ները Արցախի հետ կառուցված են որպես իրավահավասար սուբյեկտների միջեւ հարաբերություններ»,- ասել է Շ. Քոչարյանը:
Նրա գնահտմամբ, ավելին. նախագահի ամբողջ ելույթը նաեւ ուղղված էր, հարցը միայն քաղաքականից տեղափոխելու նաեւ դեպի իրավական դաշտ, որտեղ անընդհատ շահարկումներ է կատարում Ադրբեջանը:
«Ես կարծում եմ, ընդհանուր առմամբ, այս գագաթաժողովը, եւս մեկ անգամ բացահայտելով Ադրբեջանի մեկուսացումը, եւս մեկ անգամ Բաքվին շատ լուրջ ազդանշան տվեց, Բաքուն եթե իրոք ցանկանում է հարցի կարգավորում, այլ ոչ` ստատուսքվոյի պահպանում, ապա պետք է վերջ դնի իր դեստ-րուկտիվ քաղաքականությանը»,- ասել է փոխնախարարը, ապա ընդգծել, որ անկախ ամեն ինչից, Լեռնային Ղարաբաղի Հանրապետությունը շարունա-կում է անկախ պետության կերտման իր ճանապարհը եւ ապացուցել է, որ արժանի է եւ ունակ աշխարհի քարտեզի վրա զբաղեցնելու իր տեղը, որ-պես անկախ ժողովրդավար պետություն:
 
Սեփ. լրատվություն

«Լուսանցք» թիվ 43 (174), 2010թ.
Կարդացեք «Լուսանցք»-ի PDF տարբերակները www.hayary.org -ի «Մամուլ» բաժնում www.pressinfo.am -ի «Բեռնում» բաժնում