Պատասխանի իրավունքով «Առավոտ»-ի խմբագրին

Հրապարակվել է Հեղինակ` ՀԱՄ

Պատասխանի իրավունքով
Ձեր թերթի մշակույթի այդ երկակի ստանդարտները


«Առավոտ» թերթի խմբագիր
Արամ Աբրահամյանին

Ի պատասխան Ձեր երեկվա թերթի առաջաբանի՝ հայտնում ենք.
1. Պարոն Աբրահամյան, ով ով, բայց դուք լավ գիտեք, թե ինչպես են մարդու խոսքը ընդհանուր տեքստից կտրում ու հարմարեցնում իրենց ուզածին: Այն, ինչ շահարկում եք Հայ Արիական Միաբանության առաջնորդ Արմեն Ավետիսյանի մասով, հասկանալի է, քանզի այն ժամանակ եւ այսօր էլ նույն պատվերն եք անում: Թեեւ բազմիցս ենք բացատրել, թե ձեզ համար երանելի այն ասուլիսում ինչ է ասել Արմեն Ավետիսյանը, բայց կարծես լավ չեք ըմբռնում: Իրականում Ա. Ավետիսյանի խոսքերի բացատրության կարիքը չկա, ամեն ինչ ասված է պարզ հայերենով: Դիմելով ձեր ասած «ամուսին, երեխաներ ու թոռներ ունեցող հայ կնոջը»՝ ՀԱՄ առաջնորդն ասել է. «Այսօր մենք ասուլիս ենք հրավիրել սոցքարտերի թեմայով եւ համասեռականների հարցի արծարծումը տեղին չէ: Առավելեւս, որ այս ասուլիսին մասնակցում են մարդիկ, ովքեր չեն առնչվում այդ թեմային: Դուք ի՞նչ է, սադրու՞մ եք բոլորին եւ փորձում եք տապալե՞լ սոցքարտերի թեմայի արծարծումը» (այս եւ մյուս մեջբերումները մեր արխիվից են): Սրան ի պատասխան «հայ կինը» (կարծում ենք՝ պիտի կարեւորվեր լրագրող հասկացությունը) երրորդ անգամ է նույն հարցը տալիս՝ արդեն աղմկելով (երեւի թե «հայ կնոջ»՝ ասուլիսում աղմկելն ու խանգարելը մշակույթի ընկալման «Առավոտ»-ական ձեւերից է): Սրան իր հերթին ի պատասխան Ա. Ավետիսյանն ավելացնում է. «Եթե իսկապես համասեռականների թեման ձեզ հետաքրքում է, ձեր հարցերին կպատասխանեմ ասուլիսից հետո կամ էլ այցելեք մեր գրասենյակ»: Այդ ժամանակ «հայ կնոջը» միացան մի քանի այլ պատվեր ստացած լրագրողներ՝ կրկին աղմկելով, թե ՀԱՄ առաջնորդը պարտավոր է պատասխանել: Ա. Ավետիսյանը նկատեց, որ ինքը որեւէ մեկին ոչինչ պարտավոր չէ եւ հավելեց. «Երեւի բոլոր թեմաներից շատ ձեզ համասեռականներն են հետաքրքրում: Հասկանում եմ, սոցքարտերի թեման տապալելու փորձ անելով՝ շոու եք բացել պատվերով: Ուստի, ես էլ կարող եմ կասկածել, որ դուք կապ ունեք համասեռականների հետ եւ պատվերն էլ նրանցից եք ստացել»: Այսքանը: Պարզ ու հայերեն: Իսկ եթե ոմանք իրենց «լեսբուհի» են պատկերացրել, խորհուրդ ենք տալիս բժշկի դիմել:

2. Հայերեն ասված խոսքի «չհասկանալու» ձեր պատճառներն էլ ենք հասկանում. մի քանի անգամ, երբ այնուամենայնիվ, ձեր խոսքի տերը չեղաք ու խախտեցիք ձեր իսկ հայտարարած բոյկոտը ՀԱՄ առաջնորդի դեմ (ու էլի համասեռականների թեմայով), պատվիրատուներից մեկը ձեզ մի լա~վ դաս տվեց… Ձեր «չհասկանալու» մյուս պատճառն այն է, որ եթե հասկանաք (ասել է թե՝ խոսքը մեջբերեք), գրելու ձեզ հետաքրքրող բան չեք ունենա: Այդ դեպքում ի~նչ եք ասելու այն պատվիրատուին: Ձեր՝ արդեն իրոք չհասկանալու մի պատճառ էլ կա. որոշ «լրագրողներ» սովոր չեն հայերեն, ճիշտ ու տեղին խոսացող քաղաքական գործչի:
3. Ինչ մնում է ձեր եւ մի շարք զլմ-ների՝ ՀԱՄ առաջնորդի դեմ պատվիրված բոյկոտին, ապ դրա արդարացումը հենց վերոնշյալ սադրանքը պիտի լիներ: Սակայն դա, կրկնում ենք,  չհաջողեցիք, քանզի ժամանակ առ ժամանակ հենց ինքներդ էլ (դուք եւ մյուսները) խախտեցիք ձեր իսկ հայտարարած բոյկոտը: Ու հիմա ոչ թե Ա. Ավետիսյանը պիտի ներողություն խնդրի, այլ՝ դուք՝ բոյկոտողներդ՝ հենց ձեր՝ մամուլի էթիկան խախտելու, այն է՝ գործն անձնական հարաբերություններով պայմանավորելու համար:
4. Ա. Ավետիսյանը ձեզ համար չակերտավոր ազգայնական է, որովհետեւ ազգայնականի ձեր մարմնավորումը ազգային գաղափարախոսությունը մերժող  այն գործիչներն են, ովքեր անպայման զտարյուն հայ չպիտի լինեն ու հայերի իրավունքները Հայաստանում բացառիկ պիտի չհամարեն:
5. Ինչ մնում է «հայ տղամարդ» հասկացության ձեր ընկալմանը, Աստված մի’ արասցե, որ մենք էլ հասկանանք այդ ընկալումները: Վերջում ի գիտություն ձեզ՝ մե’ր պատկերացրած Հայ տղամարդը իրապես Հայ կնոջ պաշտամունք ունի:

Հայ Արիական Միաբանության
լրատվական կենտրոն
2.10.2007.

Այս գրառումը հրապարակվել է Հ.Ա.Մ., Հայտարարություններ խորագրում։ Էջանշեք մշտական հղումը։