«Լուսանցք» շաբաթաթերթի գլխավոր խմբագիր Արմենուհի Մելքոնյան

Գրել է «Լուսանցք»-ի խմբագրական խորհուրդը.

Արմենուհի Արտավազդի Մելքոնյան

http://www.hayary.org/wph/?p=2223 – Արմենուհի Մելքոնյան

https://www.facebook.com/armenuhi.melqonyan 

– Ծնվել է 1975թ. Երեւանում: Արմատներով մշեցի է: Պապերը Արեւմտյան Հայաստանից գալով՝ հաստատվել են Գեղարքունիքի մարզի Ծովինար գյուղում:
– Ավարտել է Երեւանի թիվ 185 միջնակարգ դպրոցը: Դպրոցական տարիներին թղթակցել է «Գարուն» ամսագրին, «Աղբյուր» մանկա-պատանեկան հանդեսին:

1993թ. ընդունվել է Երեւանի պետական համալսարանի (ԵՊՀ) ժուռնալիստիկայի ֆակուլտետը: Ուսանողական տարիներին թղթակցել է Հայաստանի տարբեր թերթերի, (մասնավորապես՝ «Առավոտ»-ին), «Գարուն» ամսագրին նույնպես, հաղորդումներ է պատրաստել Հայաստանի ազգային ռադիոյի համար, որոնք հեռարձակվել են «Իրավունք» ծրագրով:

– 1998թ. ավարտելով համալսարանը՝ 1999թ. աշխատանքի է անցել «Հայաստանի Հանրապետություն» օրաթերթում, որտեղ իբրեւ տնտեսական թեմաներով գրող լրագրող աշխատում է ցայսօր: Այժմ՝ օրաթերթի տնտեսական մեկնաբանն է:

– Աշխատանքի անցնելով «Հայաստանի Հանրապետություն» թերթում՝ կարեւորել է տնտեսական բնագավառում հմտանալու անհրաժեշտությունը: Մասնավորապես լուսաբանում է էներգետիկային (հատկապես ատոմային, այլընտրանքային՝ արեւային, ջրային, քամու, երկրաջերմային ներուժի, գազի ոլորտի), հանքարդյունաբերությանը, թեթեւ արդյունաբերությանը, գյուղատնտեսությանը, ճանապարհաշինությանը, անշարժ գույքի կառավարմանը, մաքսային ու հարկային կառույցների գործունեությանը, ջրային (հատկապես՝ Սեւանա լճի խնդիրը, ենթակառուցվածքների վիճակը, ոլորտի զարգացման հեռանկարները) համակարգին առնչվող ազգային եւ միջազգային թեմաներ: Պարբերաբար ներկայացնում է նաեւ ՀՀ պետական բյուջեի տարեկան վերլուծությունները: Անդրադառնում է տարածաշրջանային տնտեսաքաղաքական մարտահրավերներին ու դրանց ազդեցությանը Հայաստանի տնտեսությանը:

– 2000-2002թթ. զուգահեռաբար ֆոտոթղթակցել է «Կառավարում» ամսագրին:
– 2003թ. «Անշարժ գույքի գրանցում» ԾԻԳ ՊՀ-ում խորհրդատվական ծառայություն է մատուցել:
– 2005թ. ՀՀ կառավարությանն առընթեր անշարժ գույքի կադաստրի պետական կոմիտեի նախագահի հրամանով նշանակվել է «Կադաստրի տեղեկագրի» խմբագրական խորհրդի անդամ:
– 2005-2007թթ. զուգահեռաբար աշխատել է «Գեոդեզիայի եւ քարտեզագրության ինստիտուտ» ՊՈԱԿ-ում՝ իբրեւ լրատվության գծով մասնագետ:

– 2006թ. խմբագրել է Հայ Արիական Միաբանության «Հայ-Արիներ» պաշտոնաթերթը, իսկ 2007թ.-ից ցայսօր նաեւ ՀԱՄ պաշտոնական www.hayary.org կայքէջը: Միաժամանակ Հայ Արիական Միաբանության առաջնորդ Արմեն Ավետիսյանի մամլո խոսնակն է:
– 2007թ. մարտից «Լուսանցք» քաղաքական, տնտեսական մշակութային վերլուծական շաբաթաթերթի (ազգայնական ուղղվածության է) հրատարակիչ «Ար-Մոգ» ՍՊԸ-ի մասնակիցներից է, այժմ նաեւ ՍՊԸ գլխավոր բաժնետերն ու տնօրենն է եւ շաբաթաթերթի գլխավոր խմբագիրը:
– Մասնագիտության բերումով զբաղվում է նաեւ հասարակական գործունեությամբ, մասնավորապես Ազգային արժեքների պաշտպանության հանձնախմբի (ԱԱՊՀ) եւ Հայ Ազգայնականների Համախմբման (ՀԱՀ) խորհուրդների անդամ է:

– Որպես լրագրող եղել է տարբեր եվրոպական եւ ԱՊՀ տարբեր երկրներում, ամենակարեւորը՝ մատների վրա կարելի է հաշվել Հայաստանի ու Արցախի այն գյուղերը, որտեղ նա չի եղել:

– 2010թ. հոկտեմբերի 9-ին «Հայաստանի Հանրապետություն» թերթի 20-ամյա հոբելյանի առթիվ եւ թերթի կայացման գործում ներդրած նշանակալի ավանդի համար Արմենուհի Մելքոնյանը պարգեւատրվել է ՀՀ վարչապետի շնորհակալագրով:

– 2013թ. հունվարի 11-ին (հիմք ընդունելով ՀՀ վարչապետի դեկտեմբերի 10-ի N:861 որոշումը) «Հայաստանի Հանրապետություն» օրաթերթի լրագրող Արմենուհի Մելքոնյանը ՀՀ վարչապետ Տիգրան Սարգսյանի N:7-Ա որոշումով պարգեւատրվել է Հանրապետության վարչապետի հուշանվերով՝ անվանական ժամացույցով, Հայաստանի կառավարության գործունեությունը մշտապես ուշադրության կենտրոնում պահելու համար:

– 2013թ. հոկտեմբերի 20-ին գյուղատնտեսության աշխատողի օրվա կապակցությամբ խրախուսվել է ՀՀ գյուղատնտեսության նախարարի շնորհակալագրով:

Հ.Գ. ֊ 2020թ. Հայրենական (Արցախյան) 44֊օրյա պատերազմի ընթացքում անհրաժեշտ գործունեություն է ծավալել թիկունքում` տարբեր ոլորտներում…

Առավել ծավալուն գործունեությամբ է զբաղվել զլմ֊ներում` տեղեկատվական եւ քարոզչական ոլորտներում. հատկապես ռազմա֊տնտեսական. գաղափարա֊քաղաքական. ինչպես նաեւ պետական անվտանգային հարցերին առնչվող…

–  Ամուսնացած է. Բնակվում է ՀՀ մայրաքաղաք Երեւանում: Ամուսինը՝ Հայ Արիական Միաբանության առաջնորդ Արմեն Ավետիսյանն է:  http://www.hayary.org/wph/?p=33

– Ունի 2 զավակ՝ դուստր եւ որդի՝ Աստղիկն ու Արեգը: Դուստրը ծնվել է 2012թ. հուլիսի 12-ին, որդին՝ 2016թ. փետրվարի 11-ին: 

* Արմենուհի Արտավազդի Մելքոնյանը ծնվել է 1975թ. նոյեմբերի 29֊ին. Երեւանում։ /// Հայրը` Արտավազդ Մակիչի Մեկքոնյան / ծնվել է 1947թ.. Գեղարքունիքի մարզի (Մարտունու շրջան) Ծովինար գյուղում… / պապական կողմից Մշեցի են… /// Մայրը` Անահիտ Ասատուրի Առաքելյան / ծնվել է 1954թ. Երեւանում… / պապական կողմից նույնպես գաղթականներ են Արեւմտյան Հայաստանից ֊ հաստատվել են Լիբանանում. ապա տեղափոխվել են հայրենիք…

* * *

http://www.hayary.org/wph/?p=7192 – Երբ ա՛յն Կեսն է, որ այլեւս չես փնտրելու…- Շնորհավոր ծնունդդ՝ Արմենուհի: (Արմեն Ավետիսյան, Հայ Արիական Միաբանության առաջնորդ)

– http://www.hayary.org/wph/

– http://www.hayary.org/wph/?lang=en

– http://www.hayary.org/wph/?lang=ru

– https://www.facebook.com/armenuhi.melqonyan 

– https://www.facebook.com/pg/%D5%80%D5%A1%D5%B5-%D4%B1%D6%80%D5%AB%D5%A1%D5%AF%D5%A1%D5%B6-%D5%84%D5%AB%D5%A1%D5%A2%D5%A1%D5%B6%D5%B8%D6%82%D5%A9%D5%B5%D5%A1%D5%B6-%D5%A1%D5%BC%D5%A1%D5%BB%D5%B6%D5%B8%D6%80%D5%A4-%D4%B1%D6%80%D5%B4%D5%A5%D5%B6-%D4%B1%D5%BE%D5%A5%D5%BF%D5%AB%D5%BD%D5%B5%D5%A1%D5%B6-135442695410/community/?ref=page_internal – Հայ Արիական Միաբանության առաջնորդ Արմեն Ավետիսյան

– https://www.facebook.com/profile.php?id=100029169784366 – Արմեն Ավետիսյան