Ռուսաստանի անվտանգության խորհրդի նիստում այդ երկրի նախագահը մի շարք տարօրինակ հայտարություններ է արել:

Մասնավորապես ասել է, որ «Ռուսաստանի Դաշնության ինքնիշխանության գրավականն այն է, որ նա դաշինքների մեջ չի մտնում, քանի որ ցանկացած դաշինք ենթադրում է սուվերենության զիջում, ինչը հաճախ չի համապատասխանում պետության շահերին»: Սա ասվել է՝ քար նետելով Եվրոպայի ուղղությամբ, որ նշանակում է՝ եվրոպական համագործակցությունը որոշումներ է կայացնում հատկապես ԱՄՆ-ից ղեկավարվող ՆԱՏՕ-ական ռազմական դաշինքի թելադրմամբ (ուկրաինական հարցում հիմնական հակամարտությունը ԱՄՆ-ի եւ ՌԴ-ի միջեւ է): ՆԱՏՕ-ն էլ համարվում է Եվրոպայի փրկիչը Ռուսաստանից (ինչպես հայտարարում է Միացյալ Նահանգները), ինչն էլ նշանակում է՝ Ֆրանսիան, Գերմանիան, Իտալիան եւ այլ եվրոպական պետություններ գործում են «սուվերենության զիջում»-ը չնկատելով…

Իրականում Եվրոպական վերոնշյալ եռյակը ցանկանում է պահպանել հարաբերությունները Ռուսաստանի հետ, ինչը Վաշինգտոնի սրտով չէ: 

Ինչեւէ: Ռուսաստանը պաշտոնապես մտնում է առնվազն մեկ դաշինքի՝ Հավաքական անվտանգության կազմակերպության պայմանագրի (ՀԱՊԿ) մեջ, ինչը հերքել հնարավոր չէ: Հաստատ նախագահ Պուտինը դա չէր մոռացել: Իսկ եթե այդպես է, ապա նրա հայտարարությունը մի քանի բան է նշանակում: 1. Ի լուր աշխարհի հայտարարվում է, որ ՀԱՊԿ-ն այլեւս հեռանկար չունի եւ հայտարարման պահից այլեւս գոյություն չունի: 2. ՀԱՊԿ-ն բացառապես ռուսաստանյան ծառայություններ է մատուցում եւ մյուս երկրներն իրենք թող մտածեն իրենց «սուվերենության զիջում»-ը թույլ չտալու մասին…

Հիշեցնենք, որ ՀԱՄ առաջնորդ Արմեն Ավետիսյանը հայտարարել էր, որ ՀԱՊԿ-ն մի կառույց է, որի անդամների մեծ մասը համաթուրքական դաշինքում են նաեւ, ուստի հայտնի չէ «Հայաստան-Թուրքիա կամ Հայաստան-Ադրբեջան հակամարտություններում այս դաշինքը Հայաստանի՞ն կպաշտպանի, թե՞ մյուսներին… Իսկ եթե խոսքը միայն Ռուսաստանի ու Բելառուսի մասին է, ապա սրանք էլ զանգվածային ոչնչացման զենքեր են վաճառում Ադրբեջանին… Այսինքն՝ ՀԱՊԿ-ն որպես անվտանգության երաշխավոր՝ պատրանք է, այն էլ՝ վտանգավոր»:

Փաստացի Վլադիմիր Պուտինը հայտարարել է նման մի բան, որ ՀԱՊԿ-ն ընդամենը թղթի վրա գոյություն ունեցող կառույց է, իսկ իրականում այն չկա: Կամ էլ՝ իսկապես համարվում է ռուսական բանակի մաս: Այլապես ինչպե՞ս է հնարավոր ասել, թե «Ռուսաստանը որեւէ դաշինքի մեջ չի մտնում եւ դրանում է ինքնիշխանության գրավականը»: Եթե ՀԱՊԿ-ն Ռուսաստանի շահերով է առաջնորդվելու, նշանակում է ԱՊՀ անդամ երկրները, կամա թե ակամա, դառնում են Ռուսաստանի Դաշնության որոշակի մաս: Սա արդեն լուրջ ահազանգ է Եվրասիական միության ճանապարհին: Ռուսաստանի գործիքը չի կարելի ազգային անվտանգության երաշխիք դիտարկել:

Continue reading →

Վրաստանը սպառնու՞մ է վիզային ռեժիմով

Վրաստանը, համաձայն ընդունված նոր օրենքի, մասնակի վիզային ռեժիմ է կիրառելու Հայաստանի հանդեպ: Վրաստանի ԱԳՆ-ն ռուսական Ռեգնումին հայտնել է, որ վիզային ռեժիմը չի վերաբերի կարճ ժամանակով՝ զբոսաշրջային նպատակով Վրաստան այցելող հայաստանցիներին: Վիզա հարկ կլինի այն դեպքում, երբ Վրաստան են մեկնում երկար ժամանակով՝ բիզնեսի կամ ուսման համար:

Վրաստանը չի պատրաստվում վիզային ռեժիմ կիրառել Հայաստանի հանդեպ. այս մասին հայտնել է ՀՀ արտգործնախարարության մամուլի քարտուղար Տիգրան Բալայանը, նշելով, որ Վրաստանի ԱԳՆ-ն այդպիսի պատասխան է տվել Վրաստանում Հայաստանի դեսպանատան հարցմանը:

Նշվել է, թե ակնհայտ է, որ առաջին հայացքից տեխնիկական խնդիրն այդուհանդերձ խորքային բարդություն է հայ-վրացական հարաբերության համար: Եվ դա այն դեպքում, երբ Հայաստանի շահը պահանջում է Վրաստանի հետ մուտքային առավելագույնս դյուրացված ռեժիմ եւ ելումուտ՝ հատկապես նկատի ունենալով Ջավախքի հանգամանքը: Դրա փոխարեն, պաշտոնական Թբիլիսին ձեռնարկում է մի քայլ, որը փաստացի բաժանարար գիծ է Հայաստանի ու Վրաստանի միջեւ: Իսկ Սերժ Սարգսյանը հունիսի 18-ին Վրաստանում վրացի գործարարներին ասում էր, թե Հայաստանը նրանց համար լավ հարթակ կլինի Մաքսային միության շուկա գնալու համար, իսկ հայ գործարարների համար էլ Վրաստանը լավ հարթակ կլինի Եվրոպական շուկա գնալու համար: Լավ հարթակը արգելքներ չպետք է ունենա:

Այս իմաստով, արդյո՞ք հնարավոր է ասել, որ իրականում հայ-վրացական հարաբերության մեջ առավել դինամիկ զարգանում են միայն բաժանարար գծերը: Այդ տեսանկյունից խորհրդանշական է, որ վիզային ռեժիմի մասին տեղեկությունը տարածվում է Թբիլիսիում հայկական եկեղեցու մոտ տեղի ունեցած բախման մասին նախօրեին Վիրահայոց թեմի հայտարարության եւ Հայաստանից ու Ջավախքից կոշտ արձագանքների համապատկերին: Երբ Հայաստանից էլ արդարադատության նախարար Հովհաննես Մանուկյանն է բարձրաձայնում, թե այդ միջադեպը առաջին հայացքից է կենցաղային վեճ, մինչդեռ իրականում կրոնական եւ ազգային հանդուրժողականության խնդիր կա (ի դեպ, Հովաննես Մանուկյանը մինչ նախարարի աթոռին նստելը ՀՀ արտակարգ եւ լիազոր դեսպանն էր Վրաստանում): Արդյոք այդ զուգահեռը պատահակա՞ն է, թե Թբիլիսին վիզային ռեժիմի մասին հայտարարելով, փորձում է ցույց տալ, որ կոշտ քայլեր կկատարի տեղի ունեցածին էթնիկ-կրոնական երանգ հաղորդելու փորձերի հանդեպ: Միեւնույն ժամանակ, Վրաստանից վիզային տեղեկությունը ստացվում է Հայաստանում Իրանի դեսպանի հայտարարությունների համապատկերին, որոնցով Իրանը հերթական անգամ Հայաստանի իշխանությանը փաստացի կոչ է անում զբաղվել տարածաշրջանային ինքնուրույն քաղաքականությամբ: Հիշեցնենք, որ Իրանը մի շարք տարածաշրջանային ծրագրեր է առաջարկել Հայաստանին:

Continue reading →

Հակահայկականությունը նաեւ հոգեւոր բնույթ ունի Վրաստանում

«Լուսանցք»-ը միանալով աշխարհասփյուռ հայերի բողոքներին՝ անդրադառնում է Թբիլիսիի կողմից սադրված հերթական հակահայ դրսեւորմանը:

Թբիլիսիի սբ. Էջմիածին հայկական եկեղեցու բակում տեղի ունեցած միջադեպի սադրիչները հայհոյանքներ տալով ու սպառնալով հեռացել են, բայց երեկոյան կողմ նույն խումբը, հավաքագրելով մոտ 50 հոգի, արդեն հարձակվել են եկեղեցու առջեւ կանգնած Տեր Մանուկ քահանա Զեյնալյանի, թեմի Իրավական հարցերով եւ համագործակցության բաժնի տնօրեն Լեւոն Իսախանյանի ու տնտեսվար Ռոբերտ Իսախանյանի վրա, դաժանորեն ծեծել նրանց՝ մարմնական վնասվածքներ հասցնելով հոգեւորականներին եւ Առաջնորդարանի աշխատակիցներին: Հարձակվողները պոկել են հոգեւորականներից մեկի լանջախաչը ու վերցրել են իրենց հետ: Այդ պահին եկեղեցուց դուրս են եկել մկրտության արարողության մասնակիցներ, ովքեր փորձել են կարգի հրավիրել հարձակվող ամբոխին, սակայն եկեղեցու դեմ հարձակվողներն այս անգամ ուժ են կիրառել նաեւ մկրտության եկած ժողովրդի վրա, որոնց մեջ եղել են կանայք եւ երեխաներ, ովքեր այդ տեսարանից սարսափած, նորից եկեղեցի են մտել:

Այդ դաժան տեսարանները նկարահանվել են «Հայարտան» դիտարկող տեսախցիկներով: Մինչեւ ոստիկանների մոտենալը, Առաջնորդարանի վարչատնտեսական բաժնի տնօրեն Կարեն Երիցյանը իրեն ամրակցված օրինական զենքից մի քանի անգամ կրակել է օդ եւ հանդարտեցրել կռվողներին:

Քրեական գործ է հարուցվել եւ ընթանում է քննություն: Լուրջ վնասվածքներ է ստացել Լեւոն Իսախանյանը, ում տրվել է դատաբժշկական ուղեգիր: Ականատեսների վկայությամբ՝ հարձակվող ամբոխը ընդգծված ազգային ատելությամբ է լցված եղել հայության հանդեպ: Ոմանք եղել են ալկոհոլի եւ թմրադեղերի ազդեցության տակ: Հարձակված 50-հոգանոց ամբոխին ղեկավարել է թանկարժեք մեքենաներով եւ վայելուչ հագուկապով ստահակների խումբը:

Այս ամենը վրացական եկեղեցիներում, նաեւ լրատվությամբ, կենցաղային մակարդակով հայ եկեղեցու, ընդհանրապես հայութան հանդեպ սերմանվող ատելության հետեւանք է:

Continue reading →

…Հիշեցնենք, որ ՀԱՄ առաջնորդ Արմեն Ավետիսյանը հայտարարել էր, որ ՀԱՊԿ-ն մի կառույց է, որի անդամների մեծ մասը համաթուրքական դաշինքում են նաեւ, ուստի հայտնի չէ «Հայաստան-Թուրքիա կամ Հայաստան-Ադրբեջան հակամարտություններում այս դաշինքը Հայաստանի՞ն կպաշտպանի, թե՞ մյուսներին… Իսկ եթե խոսքը միայն Ռուսաստանի ու Բելառուսի մասին է, ապա սրանք էլ զանգվածային ոչնչացման զենքեր են վաճառում Ադրբեջանին… Այսինքն՝ ՀԱՊԿ-ն որպես անվտանգության երաշխավոր՝ պատրանք է, այն էլ՝ վտանգավոր»…

Քանի դեռ Հայաստանը ատամ ցույց չի տա

Արդեն հայտարարվում է, որ Մաքսային միությանը անդամակցության հարցը կլուծվի հոկտեմբերի վերջին: Բայց դա որեւէ երաշխիք չէ, որ հենց այդպես էլ լինելու է, ինչքան էլ վարչապետ Հովիկ Աբրահամյանը համոզված է դրանում՝ Մոսկվայում իր ռուս գործընկերոջ՝ Դմիտրի Մեդվեդեւի հետ հանդիպումից հետո: Վերջերս նույն բանը նաեւ Ղազախստանի արտգործնախարարն էր ասել, բայց ամեն օր կատարվում են դեպքեր, մեր դաշնակիցները կատարում են քայլեր, որոնք հեռացնում են հոկտեմբերը:

Մաքսային միությանը Հայաստանի անդամակցության հարցը առկախվել է, քանի որ մեր բարեկամները մեր թշնամիների հետ ավելի գործնական են, քան մեզ հետ:

Այսինքն՝ իրականում մենք բարեկամներ չունենք, ինչն էլ պետք է դառնա մեր հաջորդիվ քայլերի մեխը:

Այստեղ ավելի հետաքրքրական է դառնում հայ-թուրքական կոչված սահմանի խնդիրը: Ինչպե՞ս կարող է աշխատել Թուրքիա-ՄՄ ազատ առեւտրային հարաբերությունը, որին դեմ չէ Անկարան, եթե Հայաստանի հետ սահմանը լինի փակ: Կստացվի, որ Թուրքիան ազատ առեւտրի մեջ է մի կառույցի հետ, որի հետ սահմանը փակ է:

Այսպես է ԵՄ-ի հետ հարաբերություններում, մի՞թե այսպես կլինի նաեւ ՄՄ-ի հետ: Բայց ի տարբերություն ԵՄ-ի, ՄՄ-ին անդամակցելու դեպքում հայ-թուրքական սահմանը կլինի թուրք-մաքսային սահման: Չէ՞ որ Վրաստանը ՄՄ անդամ չի լինելու եւ այլ ճանապարհ չկա: Հետեւաբար, քանի դեռ հայ-թուրքական սահմանը փակ է, Թուրքիա-ՄՄ գործակցությունն ազատ առեւտրի հասնել չի կարող:

Իսկ եթե Անկարան եւ Մոսկվան պիտի ճանապարհային քարտեզ գծեն Թուրքիա-Սեւ ծով-Ռուսաստանով, ապա Հայաստանին անդամագրելու խնդիրը դառնում է երկրորդական: Իսկ Հայաստանի համար այդօրինակ անդամակցումը առհասարակ դառնում է ստորացուցիչ:

Բայց կա մի հարց էլ, արդյո՞ք այդ ազատ առեւտրի գործընթացը հանգեցնել կտա հայ-թուրքական սահմանի բացմանը, եթե Մոսկվան պնդի, որ Հայաստանը պետք է լինի ՄՄ անդամ: Այստեղ, իհարկե, իրավիճակը բարդանում է, քանի որ կա Արցախի խնդիր, որը Բաքուն միշտ դրել է Անկարայի առաջ, երբ Թուրքիան փորձում է հայ-թուրքական սահմանի հարցով ունենալ որեւէ էական պայմանավորվածություն որեւէ կառույցի հետ: Այդպես եղավ նաեւ ԵՏՄ Աստանայի համաժողովում, երբ թուրք-ղազախ  Նուրսուլթան Նազարբաեւը կարդաց թուրք-ադրբեջանցի Իլհամ Ալիեւի նամակը:

Continue reading →

 Օգոստոսյան արձակուրդներից առաջ կրկին խոսք եղավ աշնանային քաղաքական թեժացման մասին, սակայն վերջին ամիսներին ընդդիմության առաջադրած 12, հետ նաեւ 6 այլ հարցերի բարձրաձայնումից բացի, գրեթե ոչինչ տեղի չունեցավ: Նույնիսկ քաղաքացիական շարժումները հետ քաշվեցին, բայց այստեղ գոնե սպասումներ կան, քանի որ հանդիպումները Հայաստանի կառավարության կամ Երեւանի քաղաքապետարանի պատասխանատուների հետ արդեն կայացել է եւ դեռ պատասխաններ են լինելու տասնյակ հարցերի առումով: Ըստ ամենայնի, հենց աշնանային թեժացման միտումն այստեղ էլ նկատել են քաղաքական ուժերը, հույսով, որ քաղաքացիական շարժումների նոր ընդվզումները նոր ճակատ կբացեն ընդդիմության գործունեության համար:

Բայց ընդդիմադիր, կամ ինչպես ասում են ոչ իշխանական քառյակի կեցվածքը ոգեշնչող չէ: «Ժառանգության» ղեկավար Րաֆֆի Հովհաննիսյանը քանիցս հայտարարել է, որ չկա ընդդիմադիր դաշինք, այլ կա՝ խորհրդարանական ընդդիմադիր ուժերի համագործակցություն: ՀԱԿ-ի եւ ՀՅԴ-ի «ընդդիմադիր ջրերը» նույն առվով չեն հոսի երբեք, ինչն ակնհայտ էր ի սկզբանե: Կապող օղակը ԲՀԿ-ն է, որի հետ ՀԱԿ-ն ու ՀՅԴ-ն փորձում են առանձին կապեր ստեղծել: Սա խանդի զգացումներ է առաջացնում «Ժառանգության» մոտ, որը դեռ համոզված է, որ ՀՀ նախագահի անցած ընտրություններում իր թեկնածուի 2-րդ տեղը գրավելը մնացյալին պետք է պարտավորեցնի համախմբվել Րաֆֆի Հովհաննիսյանի շուրջ: Բայց Լեւոն Տեր-Պետրոսյանը, Լեւոն Զուրաբյանը, Գագիկ Ծառուկյանը, Նաիրա Զոհրաբյանը, Արմեն Ռուստամյանը, Արծվիկ Մինասյանը եւ ՀԱԿ-ի, ԲՀԿ-ի ու ՀՅԴ-ի այլ անդամներ բազմիցս հասկացրել են, որ նախագահի ընտրության ժամանակ այլ ընդդիմադիր թեկնածու չի առաջադրվել իրենց կողմից, ինչն էլ հասկանալի արդյունք է ապահովել «Ժառանգության» համար: Եվ Երեւանի քաղաքապետի ու ավագանու ընտրության ժամանակ ԲՀԿ-ն դա հավաքած ձայների քանակով հստակ ցույց տվեց՝ ընտրության արդյունքներով: Ստացվեց, որ իրենք պետք է հավաքվեն Գագիկ Ծառուկյանի շուրջ:

Բայց քառյակը այս շրջապտույտից չի կարողանում դուրս գալ, ինչը թերեւս հուսախաբ կանի ընդդիմադիր քաղաքացիներին, քանի որ քառյակի խոստացած «թեժ աշունը» այս տրամադրություններով չի կարող կայանալ: Գուցե լինի, բայց հաստատ կարճ կյանք կունենա: Ամառային արձակուրդի մեկնած ոչ իշխանական խորհրդարանական քառյակի հետարձակուրդային առաջին հանդիպումը նախնական պայմանավորվածության համաձայն նախատեսված է օգոստոսի 20-ին:

Դատելով ծավալումներից՝ աշնանային սրացումներ իրականում չեն սպասվում, քանի որ այս քառյակը չի պատրաստվում ո՛չ կառավարության, ո՛չ էլ Սերժ Սարգսյանի հրաժարականը պահանջել: ԱԺ արտահերթ ընտրությունների պահանջ ներկայացնելը քառյակի կողմից թերեւս նույնպես բացառվում է: Քայլերը կսկսվեն իշխանություններին ներկայացված հայտնի 12 կետերի շուրջ, ինչը կարող է սրվել միայն քաղաքացիական շարժումների միջոցով, որը դեռ նկատելի չէ հեռանկարում: Նաեւ չի բացառվում, որ երկրի նախագահի հետ համաձայնություն ձեռքբերվի սահմանադրական փոփոխությունների հանրաքվե չանցկացնելու շուրջ, ինչը նոր իրողություններ կստեղծի, որը կկանխի անգամ այդ պահին առկա սրացումները:

Continue reading →

Երբ երկրի ղեկավարը ցանկանում է ինչ-որ կարեւոր բանի մասին խոսել, ինչին սպասում են նաեւ միջազգային ասպարեզում, հանկարծ դա հնչում է նրա՝ որեւէ մարզ այցի ընթացքում, լրագրողների հերթական մի սովորական հարցին ի պատասխան, բայց հանգամանալից եւ պատասխանատու կերպով ասված: Իսկ երբ երկրի ղեկավարը ցանկանում է ինչ-որ բան լսեցնել ներքին ասպարեզում, ապա հաճախ դա արվում է անուղղակի ու անսպասելի մարդկանց միջոցով… Իհարկե երկու դեպքում էլ այլ ձեւեր եւս օգտագործվում են, բայց սրանք արդեն կիրառական են դարձել, մատչելի են, միանգամից ընկալվում են, ինչն ասողի համար եւս կարեւոր է:

Հիշեցնենք, որ Ղազախստանի նախագահին պատասխան խոսք ասվեց Երեւանում՝ ՀՀԿ երիտասարդների հետ հանդիպման ժամանակ, որտեղ Սերժ Սարգսյանը մանրամասնորեն անդրադարձավ Աստանայի եվրասիական խաղերին, Ադրբեջանի նախագահի տխրահռչակ նամակին:

Օրերս անսպասելիորեն խոսեց Ֆուտբոլի ֆեդերացիայի նախագահ, նախկին պատգամավոր Ռուբեն Հայրապետյանը, ով հանդես չի գալիս հրապարակային ելույթներով: Մեկ անգամ ներքաղաքական կյանքում նա հրապարակավ անդրադարձավ ԲՀԿ ղեկավար, ՀՕԿ նախագահ Գագիկ Ծառուկյանին, նրա գործունեությանը, որում միանշանակ ինչ-որ բաներ հասկացնել տվեցին ընդդիմադիր ոլորտում առույգացած ԲՀԿ առաջնորդին:

Այժմ, մի նոր հայտարարություն: Ի՞նչ է կատարվում իշխանության մեջ: Ռուբեն Հայրապետյանը բարձրաձայնել է նորից՝ այս անգամ կապի ու տրանսպորտի նախարար Գագիկ Բեգլարյանի հետ իր հակադրությունն ի ցույց դնելով: Սա ամեն դեպքում ՀՀ իշխող համակարգի համար արտառոց երեւույթ է ու միանգամից արժանանում է ուշադրության: Այն, որ  հակադրություններ կան տարբեր պաշտոնյաների, գործարարների եւ… միջեւ՝ փաստ է, դրանք ունենում են նաեւ թափանցիկ դրսեւորումներ, ինչը եւս նորություն չէ: Բայց որ «կողմը» կամ «կողմերը» խոստովանում են հակադրությունը՝ անսովոր է մի քիչ: Անգամ Արթուր Բաղդասարյանն ու Գագիկ Ծառուկյանը օդանավակայանում բացահայտ ու կիսահայհոյախառը վիճաբանությունից հետո հերքեցին, ասելով՝ լուրջ խնդիր չկա, «տղայական» զրույց է եղել… Չնայած ամեն բան պարզ էր, խառնել էին մարզաշխարհի եւ քաղաքականության շրջանակները:

Իսկ ի՞նչ չեն կիսել Հայաստանի իշխող օլիգարխիկ հատվածի 2 առանցքային ներկայացուցիչները, որ բարձրաձայնելու կարիք է եղել: Իսկ չկիսածը անձնակա՞ն է, թե՞ ներկուսակցական, գուցե ավելի լայն՝ ներհամակարգայի՞ն դիմակայության մասին է խոսքը:

«Որպես մարդ, կարող է լինեն  մարդիկ, որոնց հետ ես որեւէ հարաբերություն չունենամ: Ասենք՝ Բեգլարյան Գագիկի մասին է խոսքը»,- իրենց հարաբերությունների մասին ասել է Ռուբեն Հայրապետյանը՝ հավելելով, որ ինքն արդեն հեռացել է քաղաքականությունից ու չի վերադառնա, բայց կարծում է, որ «շատ նախարարներ էլ կան, ովքեր մի օր կհասկանան, որ իրենք երկրի համար խայտառակություն են»: Այսինքն՝ Գագիկ Բեգլարյանն այդ «խայտառակություններից» մեկն է: Այսինքն՝ երբ ՀՖՖ նախագահը քաղաքականությունում էր, չէ՞ր հասկանում սա, հիմա՞ է հասկացել:

Continue reading →

Լեւոն Տեր-Պետրոսյանը եւս խոսել է «թեժ աշնան» մասին՝ հայտարարելով «քառյակի օրակարգը»: Գլխավոր հարցը, նաեւ ըստ նրա, միմյանցից տարբեր 4 կուսակցությունների համար լինելու է սահմանադրական բարեփոխումներին չհավատալն ու դեմ լինելը: Համենայնդեպս սա միակ բանն է, որի շուրջ կարողացել են պայմանավորվել կուսակցությունները:

Համատեղ օրակարգը երկար ժամանակ չէր որոշվում, քանի որ սոցիալ-տնտեսական հարցերը այնքան էլ ԲՀԿ-ի սրտով չեն, հակառակ դեպքում հարց կառաջանա պահանջել վարչապետի հրաժարականը, իսկ Հովիկ Աբրահամյանը Գագիկ Ծառուկյանի համար շատ լավ տարբերակ է:

Արտաքին քաղաքական խնդիրները նույնպես «քառյակը» դժվար համաձայնեցնի առաջիկայում, եթե եվրոպական ուղղության հետ գրեթե տարաձայնություններ չկան, ապա եվրասիական ուղղության առումով ԲՀԿ-ն ու ՀԱԿ-ը թերեւս դեմ չեն խնդրի լուծման առումով, «Ժառանգություն»-ը դեմ է խոսում, իսկ ՀՅԴ-ն որոշակի պայմաններ է ցանկանում տեսնել փաստաթղթերում:

Այսպես՝ քառյակի համար ընդհանուր խնդիրը սահմանադրական բարեփոխումների թեման է: Թե ինչը այդ բարեփոխումներում դուր չի գալիս քառյակին, հայտնի չէ: Լեւոն Տեր-Պետրոսյանն ասում է, որ դրանք ուղղված են «դիկտատուրայի հավերժացմանը եւ հարվածում են մեր պետության արմատներին»: Տեսակետ կա, որ խնդիրը Սերժ Սարգսյանի առաջարկն է իր նախորդներին՝ «ես չեմ հավակնում նախագահի կամ վարչապետի պաշտոնին, բայց դուք էլ պետք է հրաժարվեք այդ մտադրություններից»: Հետաքրքիր է, որ չի բացառվում, որ սա կդառնա ամենահավանական տարբերակը: Բայց խնդիրը այս առումով չի քննարկվում, այլ այն, թե սպասվող միասնական հանրահավաքի ընդհանուր օրակարգի առանցքը ո՞ր հարցը կդառնա:

Իհարկե, իշխանություններին առաջարկած 12 կետանոց փաստաթուղթը կա, բայց առանցքային հարց է պետք ունենալ:

Continue reading →

Հայ արիականները եւ հեթանոս ազգայնականները ավանդության համաձայն այսօր՝ հուլիսի 25-ին կնշեն Հայոց Վարդավառի տոնը: Այն ամենասիրված ու զանգվածային տոներից է, որ նշվել է ինչպես նախահեթանոսական եւ հեթանոսական ժամանակներում, այնպես էլ այսօր՝ քրիստոնեական համարվող, բայց այդպես էլ քրիստոնեավար չդարձած Հայաստանում:

Ինչպես տեղեկացրեցին ՀԱՄ լրատվական-տեղեկատվական կենտրոնից, Հայ Արիական Միաբանության ու Հայ Ազգայնականների Համախմբման անդամները այսօր Հայոց Սրբազան տոմարով եւ Արեգակնային անշարժ օրացույցով Աստղիկ օրը կկազմակերպեն հայ-արիական ծիսական տոնակատարություն:

Հազարամյակներ շարունակ, անգամ 301-ի հուդա-քրիստոնեական ներխուժումից ու հայոց ցեղասպանդից հետո, այդ տոնը նշվում է որպես Հայոց սիրո Աստղիկ Աստվածուհու տոն: Աստղիկը սիրո եւ գեղեցկության մարմնավորումն է հայոց մեջ, եւ առհասարակ Տիեզերքում, քանզի միայն Հայ Աստվածային Համակարգում է, որ ի սկզբանե եղել է Սիրող Զույգերի Արարչակնքում…

Այսինքն՝ Հայոց ռազմի ու զորության Աստված Վահագնի եւ Հայոց սիրո ու գեղեցկության Աստվածուհի Աստղիկի սերը ցայսօր եզակի է ներաստվածային պատմության մեջ, որ ստացել է Տիեզերքի Արարչի հովանավորությունն ու հավերժանալու առաքելությունը… Հայի զորությունն ու սերն ի սկզբանե միահյուսվել են, ինչը մեր Աստվածային Համակարգին ու Հայ Տեսակին օժտել է արդարամտությամբ՝ Արարչակարգին հավատարիմ մնալու Առաքելությամբ… Եվ արդար ուժ է Վահագնի զորությունը, զերծ չարությունից ու բիրտ լինելուց… Եվ զորավոր ու հաստատուն է Աստղիկի սերը, զերծ սին ու տկար դրսեւորումներից…

Հայ արիներն ու ազգայնականները հերթական տոնական միջոցառմանն ավանդական ջրախաղով միմյանց կջրեն հայ արի քրմերի կողմից օծված ջրով, եւ մեծ ու փոքր ջրոցի խաղալով կփառաբանեն Աստղիկ Աստվածուհուն եւ սերը, որ տիեզերաստեղծ միջուկն է արարչական, քանզի ամեն բան արարվել է սիրով ու առաքինությամբ:

Վարդ՝ Վ-Արդ նշանակում է Գերագույն-Վերին Սերումի Խորհուրդ, Գերագույն Սիրո Խորհուրդ: Վարդավառը նախաշնում է Գերագույն Սիրո Խորհրդով վառվել-խանդավառվելը, օծվելը: Ջուրը նախանշում է մաքրություն-մաքրագործություն, ջրվելը՝ մաքրվել, իսկ Սիրո Գերագույն Խորհրդի կրող եւ պահապան Աստղիկ Աստվածուհուն (յուրաքանչյուրը՝ նաեւ իր սիրուն) ընդառաջ գնալու համար կատարվել է ջրով մաքրվելու-օծվելու արարողություն, ինչը արիադավան-հեթանոսական ավանդույթ է, որն 301-ից այս կողմ ինչքան էլ փորձում են վերացնել հայոց տոների արիադավան-հեթանոսական հետքերը՝ անարդյունք է լինում, ազգը գենետիկ-ծինաբանական հիշողությամբ պահպանում է նախնական իմաստը…

Վարդավառի տոնական արարողությունն այս անգամ էլ կկազմակերպվի (Հայոց Սրբազան Տոմարով Աստղիկ օրը) սառնորակ Քարի լճի մոտ՝ Արագածի գագաթները բարձրանալու ճանապարհին:

Continue reading →

Սպորտը` որպես հավասարության միջոց

«Հույսի կամուրջ» եւ «Առաքելություն արեւելք» հ/կ-ները Դանիայի արտաքին գործերի աջակցությամբ Հայաստանում կազմակերպեցին «Սպորտը հանուն հավասար հնարավորությունների» խորագրով թվով 6-րդ մրցաշարը:

«Մենք նմանատիպ միջոցառումներով ցանկանում ենք հասարակությանը իրազեկել` որքանով են հաշմանդամություն ունեցող մարդիկ օգտվում մարդու եւ քաղաքացու հիմնական իրավունքներից եւ ազատություններից: Ցավոք, մեր խաղասրահները մատչելի չեն շատերի համար: Օրինակ, հենասայլակներից օգտվող մարդիկ ֆիզիկապես ի վիճակի չեն բարձրանալ խաղասրահ»,- նշել են կազմակերպիչները:

Նախորդ 5 մրցաշարերին հանդես եկած Ռուդոլֆ Զաբրոդինը նշել է, որ իրենք ավելի լուրջ նպատակներ են հետապնդում` մասնակցելով միջոցառմանը. «Մենք մասնակցելով մրցաշարին` արդեն բարձրացնում ենք այն խնդիրները, որոնք ամեն օր ունենում են հաշմանդամություն ունեցող մարդիկ: Հայաստանում ընդունվել է հաշմանդամության իրավունքների պաշտպանության հռչակագիրը, բայց, ցավոք սրտի, դրանք դեռ չեն պաշպանված հանրապետությունում: Այս մրցաշարերի օգնությամբ մենք փորձում ենք հաղթահարել այն խնդիրները, որոնք կան մեր հասարակությունում»:

Մրցաշարին ավանդույթի համաձայն մասնակցեցին հաշմանդամություն ունեցող անձանց խնդիրներով զբաղվող հասարակական կազմակերպությունների ներկայացուցիչները, հայտնի մարզիկները, լրագրողները եւ այլոք:

Հաշմանդամություն ունենալը չի խանգարի դառնալ լավագույն ընտանիք

Երեւանի քաղաքապետի տեղակալ Արամ Սուքիասյանը հանդիպել է ՀՀ նախագահի մրցանակի «Լավագույն մարզական ընտանիք-2014» հանրապետական մրցույթի Երեւանը ներկայացնող հաշմանդամություն ունեցող մարզիկներին ու քաղաքապետ Տարոն Մարգարյանի անունից բարի երթ մաղթել նրանց այդ մարզական ստուգատեսում:

Երեւանի քաղաքապետարանը, ի թիվս այլ ծրագրերի, այսուհետ եւս հնարավորին նպաստելու է հաշմանդամ մարզիկների ակտիվ ներգրավվածությանը մարզական միջոցառումներին: Հաշմանդամ մարզիկները քաղաքապետի տեղակալին վստահեցրել են, որ հավուր պատշաճի են պատրաստվել մրցումներին, ներդնելու են ամբողջ կարողությունները հաջողության հասնելու համար եւ խնդրել են քաղաքապետին փոխանցել իրենց երախտագիտությունը մշտական աջակցության, ինչպես նաեւ տվյալ մրցաշարին մասնակցելու անհրաժեշտ գույքով, մարզական հանդերձանքով եւ հաշմանդամասայլակներով ապահովելու համար:

«Լավագույն մարզական ընտանիք-2014» հանրապետական մրցույթում Երեւանը ներկայացնում են հաշմանդամություն ունեցող անձանց երեւանաբնակ 5 ընտանիք ու մեկական ընտանիք Չարենցավանից եւ Վարդենիսից:

«Լավագույն մարզական ընտանիք»-ը հայտնի է

ՀՀ նախագահի մրցանակի համար արդեն 11-րդ անգամ անցկացվող «Լավագույն մարզական ընտանիք» հանրապետական մրցույթն անցկացվում է 4 տարիքային խմբերի միջեւ: Մրցույթի հունիսի 1-15-ը անցկացված 1-ին՝ վարչական շրջանների փուլին մասնակցել է 387 ընտանիք, իսկ քաղաքային փուլին՝ 144 ընտանիք, որոնք պարգեւատրվել են հուշամեդալներով:

4 տարիքային խմբերում հաղթող ընտանիքներին հանձնվել են ՀՀ նախագահի կողմից սահմանված համապատասխան դրամական պարգևներ ու հավաստագրեր։ Մրցումներն անցկացվել են 7 մրցաձեւերից. 30 մ խաղային փոխանցումավազք, խաղային փոխանցումավազք թենիսի գնդակներով, 80 մ խաղային փոխանցումավազք, հեռացատկ, վարժություն բասկետբոլի գնդակով, պարանի ձգում։ Մրցումների ծրագրում առաջին անգամ ընդգրկվել էր նաեւ օդամղիչ հրացանով հրաձգությունը։ 7 մրցաձեւերում հավաքած միավորների հանրագումարով էլ որոշվել են 4 տարիքային խմբերի հաղթողներն ու մրցանակակիրները։

Continue reading →

Հայկական խոհանոց – (Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028) – (ռեստորանն ընդունում է կոլեկտիվ հայտեր)

– Խնձորով բլիթներ

Բաղադրությունը – Ալյուր – 0.5 կգ, թթխմոր – 10 գ, աղ – 0.5 թեյի գդալ, շաքարավազ – 1 թեյի գդալ, կաթ – 200 գ, ջուր- 100 գ:

Միջուկի համար՝ խնձոր – 0.5 կգ, խնձորի հետ՝ շաքարավազ – 4 ճաշի գդալ, դարչին, վանիլ եւ 1 թեյի գդալ ալյուր:

Պատրաստման եղանակը – Ալյուրը, թթխմորը, աղը, շաքարավազը, կաթը, ջուրը խառնել, հունցել՝ մինչեւ դառնա ձեռքերին չկպչող պինդ խմոր: Թողնել մի քիչ հանգստանա:

Այս ընթացքում խնձորը կտրտել, խառնել շաքարավազը, դարչինը, վանիլը, ալյուրը: Հետո խմորը բաժանել 50 գրամանոց գնդերի, ալյուրով բացել, ափսեի տեսք տալ, խնձորը դնել մեջը, լուսնաձեւ փակել այնպես, որ թավայում բուսայուղի մեջ տապակելիս չթափվի:

Բուսայուղում տապակելուց զատ բլիթները կարելի է դնել ջեռոցը, եփել 20 րոպե 250⁰-ի տակ: Բլիթները ջեռոցից հանելուց հետո դրանց վրա մեղրաջուր լցնել: Բարի ախորժա՛կ:

Գիտա-մշակութային Հայաստան.–

«Ոսկե ծիրան»-ը փակվեց

«Ոսկե ծիրան» Երեւանի 11-րդ միջազգային կինոփառատոնը եւս դարձավ պատմություն, ցուցադրվեց շուրջ 50 երկրի ավելի քան 300 կինոնկար: Ժյուրիի կազմը փակման հանդիսավոր արարողությանը հայտարարեց մրցանակակիրներին՝ հուլիսի 19-ին Ալ. Սպենդիարյանի անվան Օպերայի եւ բալետի ազգային ակադեմիական թատրոնում:

Միջազգային խաղարկային մրցույթ

1-ին մրցանակ (կամ «Ոսկե Ծիրան»). «Ցեղը», ռեժ.՝ Միրոսլավ Սլաբոշպիցկի (Ուկրաինա):

2-րդ մրցանակ (կամ «Արծաթե Ծիրան»). «Կույր ժամադրություններ», ռեժ.՝ Լեւան Կոգուաշվիլի (Վրաստան):

Ժյուրիի հատուկ մրցանակ. «Նատյուրմորտ», ռեժ.՝ Ուբերտո Պազոլինի (Մեծ Բրիտանիա/Իտալիա):

Միջազգային վավերագրական մրցույթ

1-ին մրցանակ. «Քարե գետը», ռեժ.՝ Ջիովանի Դոնֆրանչեսկո (Իտալիա/Ֆրանսիա):

2-րդ մրցանակ. «Դոմինոյի էֆեկտը», ռեժ.՝ Էլվիրա Նեւերա, Պյոտր Ռոսոլովսկի (Լեհաստան/Գերմանիա):

«Կորիզ» կարճամետրաժ ֆիլմերի մրցույթ

1-ին մրցանակ. «Թեեւ գիտեմ, որ գետը չորացել է», ռեժ.՝ Օմար Ռոբերտ Համիլթոն (Պաղեստին/Եգիպտոս/Քաթար/Մեծ Բրիտանիա):

Ժյուրիի հատուկ մրցանակ. «Կարմիր Հալքը», ռեժ.՝ Ասմինա Պրոեդրու (Հունաստան):

Հայկական համայնապատկեր

1-ին մրցանակ. լիամետրաժ խաղարկային. «Թեւանիկ», ռեժ.՝ Ջիվան Ավետիսյան (Հայաստան/Լիտվա):

1-ին մրցանակ. կարճամետրաժ խաղարկային. «Կաթնեղբայր», ռեժ.՝ Վահրամ Մխիթարյան, (Լեհաստան/Հայաստան):

2-րդ մրցանակ. լիամետրաժ-խաղարկային. «Ռոմանտիկները», ռեժ.՝ Արեգ Ազատյան եւ Շողիկ Թադեւոսյան, (Հայաստան):

Պատվոգիր. «Նորմալ եղիր, խնդրում եմ», ռեժ.՝ Հայկ Քոչարյան (ԱՄՆ):

Continue reading →

Հայ արիականները եւ հեթանոս ազգայնականները ավանդության համաձայն նշել են Հայոց Վարդավառի տոնը: Այն ամենասիրված ու զանգվածային տոներից է, որ նշվել է ինչպես նախահեթանոսական եւ հեթանոսական ժամանակներում, այնպես էլ այսօր՝ քրիստոնեական համարվող, բայց այդպես էլ քրիստոնեավար չդարձած Հայաստանում:

Հայ Արիական Միաբանության ու Հայ Ազգայնականների Համախմբման անդամները հուլիսի 25-ին՝ Հայոց Սրբազան տոմարով եւ Արեգակնային անշարժ օրացույցով Աստղիկ օրը կազմակերպել են հայ-արիական ծիսական տոնակատարություն:

Հազարամյակներ շարունակ, անգամ 301-ի հուդա–քրիստոնեական ներխուժումից ու հայոց ցեղասպանդից հետո, այդ տոնը նշվում է որպես Հայոց սիրո Աստղիկ Աստվածուհու տոն: Աստղիկը սիրո եւ գեղեցկության մարմնավորումն է հայոց մեջ, եւ առհասարակ Տիեզերքում, քանզի միայն Հայ Աստվածային Համակարգում է, որ ի սկզբանե եղել է Սիրող Զույգերի Արարչակնքում…

Այսինքն՝ Հայոց ռազմի ու զորության Աստված Վահագնի եւ Հայոց սիրո ու գեղեցկության Աստվածուհի Աստղիկի սերը ցայսօր եզակի է ներաստվածային պատմության մեջ, որ ստացել է Տիեզերքի Արարչի հովանավորությունն ու հավերժանալու առաքելությունը…Հայի զորությունն ու սերն ի սկզբանե միահյուսվել են, ինչը Հայոց Աստվածային Համակարգին ու Հայ Տեսակին օժտել է արդարամտությամբ՝ Արարչակարգին հավատարիմ մնալու Առաքելությամբ…

Continue reading →

Հայ Արիական Միաբանությունը եւ Հայ Ազգայնականների Համախմբումը դիմում են Հայաստանի իշխանություններին՝ վերահսկելու եւ պաշտոնական մակարդակով հետամուտ լինելու Թբիլիսիի սբ. Էջմիածին հայկական եկեղեցու բակում տեղի ունեցած միջադեպի քրեական գործի ընթացքը: Մեղավորները պետք է պատժվեն, այլապես (արդեն փորձն ունենք) հայ արիականներն ու ազգայնականները կարող են կոչով դիմել, որ Հայաստանում ապրող կամ մուտք գործած վրացիները նույն վերաբերմունքին արժանանան…

Վրաստանում նորություն չեն հակահայ դրսեւորումները եւ հայ մարդկանց ազգային ու կրոնական պատկանելության համար վարկաբեկելը, իրավունքներից զրկելը: Սա վաղուց եւ այլեւս անհանդուրժելի է: Մենք՝ արիադավան-հեթանոս հայերս, պատրաստ ենք Հայ առաքելական եկեղեցու հետ միասին (եթե նման որոշում կայացվի) պատժել մեղավորներին, եթե դա չանեն վրացական այն իշխանությունները, որ ամեն օր ստորաբար բարբաջում են, թե պատրաստ են մեռնել հանուն ժողովրդավարության ու մարդու իրավունքների:

Տեղեկացանք, որ հուլիսի 19-ի երեկոյան «Թբիլիսիի սբ. Էջմիածին եկեղեցու բակում, ազգային եւ կրոնական ատելությամբ դրդված, իրականացվել է ծրագրված հարձակում եկեղեցու հոգեւոր դասի, թեմի պաշտոնեության եւ հավատացյալների վրա»: Նշվել է, որ նույն օրը, կեսօրին ոմն վրացուհի (գուցեեւ սադրիչ) եկեղեցու պարսպի մոտ կայանել է իր մեքենան եւ չի կարողացել այն դուրս բերել՝ խոչընդոտող այլ մեքենաների պատճառով: Նրան օգնություն են առաջարկել Հայ եկեղեցու հոգեւորականը եւ թեմի պաշտոնյաները: Սակայն կինը մերժել ու զանգահարել է իր մտերիմներին, ովքեր գալով, եկեղեցու բակի մոտ օգնել են դուրս բերել մեքենան՝ միաժամանակ ազգային բնույթի հայհոյանքներ տալով հայ հոգեւորականի ու Առաջնորդարանի պաշտոնեության հասցեին: Եկեղեցու աշխատակիցներից մի քանիսը մոտեցել են, որ կարգի հրավիրեն նրանց, սակայն վերոնշյալները շարունակել են իրենց խուլիգանական պահվածքը եւ նույնիսկ հարվածել եկեղեցու պաշտոնյային, ինչն էլ պատճառ է դարձել ծեծկռտուքի: Կարճ ժամանակ անց սադրիչները հեռացել են, բայց վերադարձել ու կենդանու պահվածք են դրսեւորել:

Continue reading →

https://www.facebook.com/photo.php?v=728827520492504  – Բավ է Հայ Ազգ – Արարող Հայը՝ Տիեզերածին Տեսակ…

http://www.hayary.org/wph/?p=2683 – Հայոց պատմություն եւ եւ ազգային-ազգայնական գաղափարներ…  Հայ տեսակի ծագումն ու կազմավորումը…

http://www.hayary.org/wph/?p=2682– Հայոց տոներ եւ ծեսեր… Հայ Արիական տոնացույց – Առաջին անգամ նշված են բոլոր Հայ Աստվածների տոները… Հայոց Սրբազան Տոմարն ու արեգակնային անշարժ օրացույցը…

http://www.hayary.org/wph/?p=2681 – Ազգային Ինքնություն. Ունե՞նք, թե՞ փնտրենք… Մեկարարչական Հայ Աստվածները… Բազմաստվածություն՝ մեկարարչականությամբ… Աղոթի՛ր  եւ փառաբանի՛ր քո’ Աստծուն` Հայի՛  Աստծուն ու Հա՛յ Աստծուն…

http://www.hayary.org/wph/?p=3356 – Հայ-Արիական տեսանյութեր Պարզաբանում են հայ արիները.- Ներկայացնում է ՀԱՄ առաջնորդ Արմեն Ավետիսյանը… Թուրքիան պետք է վերադարձնի հայկական բոլոր բռնազավթված հողերը՝ Հայ Աստվածների կամոք եւ զորությամբ… Հայի Հավատը Արարչական է եւ Հայի Առաքելությունը եւս Տեսաժապավենը նկարահանել է թրքուհի երիտասարդ կինոռեժիսորը Երեւանում ու Գառնիում եւ այն ներկայացվել է Թուրքիայում՝ երիտասարդ կինոռեժիսորների փառատոնում: ՀԱՄ պայմանը՝ ներկայացնել տեսաժապավենն առանց աղճատման՝ պահպանվել է…

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան – http://www.hayary.org/wph/?p=2223 

1. Միշտ հարվածող հայկական հզոր բանակ է պետք – Հայաստանը սրտաճմլիկների երկիր չէ. թշնամուն պետք է սատկացնել ամեն կերպ եւ ամենուր… Իսկ ոմանք կկանգնե՞ն իրենց փողերով ձեռք բերված թուրքական (կամ ադրբեջանական) տանկերի ճանապարհին…

2. Հայապատկան հողերը՝ Հայաստանին – Հայ արիները վաղուց են բարձրաձայնում Ադրբեջանի եռատման մասին՝ հայ-ռուս-իրանական զինակցությամբ…

3. Հանցագործները պիտի պատասխա՛ն տան – ԵԱՀԿ ՄԽ-ի՝ երկակի ստանդարտները եւս մեղավոր են… Արցախում չկա խուճապ, մենք էլ զգոնանում ենք, իսկ եվրաերկակիությունը մնում է…

4. Երբ ծայրահեղացնում են միտումնավոր – Եվ պարզ է, թե ինչու է «շրջափակվել» հայ ազգայնականությունը եւ համաարիական դաշինքի նախաձեռնությունը ՀԱՄ կողմից՝ «անհարմար» դրության մեջ դրել ոմանց…

5. Թերմարդկանց ինքնախոստովանություն – Իրենք են պնդում, որ ոչխարներն ադրբեջանցիներին միանգամայն մոտ կենդանիներ են… Բաքվում Հիտլերի հետեւորդնե՞ր են հայտնվել – Էշն ի՞նչ իմանա՝ նուշն ինչա… Պատերազմող Հայաստանում ապրելով՝ ոմանք Թուրքիայի բյուջեն են լցնում…

6. Մեր օրենքներով պետական գաղտնիությունը՝ հումորային ուղղություն – ՀՀ բոլոր քաղաքացիների անձնագրային եւ այլ տվյալները նորից հայտնվել են համացանցում… Ռուսաստան էլ գաղտնագրումը ուշացրեց…

7. Երբ գողը տնից է… թշնամին խնդիր չունի – Չիպը կդառնա ալիքային կառավարման այն միջոցը, որով կազդեն մարդու գիտակցության եւ ենթագիտակցության վրա,- ասում է ՀԱՄ առաջնորդ Արմեն Ավետիսյանը…

8. Մարդկանց համարակալումը հասնում է չիպավորման ընթացքին – հայ արիները դեռ պայքարում են… Կամավոր-պարտադիր սկզբունքը դառնում է ճնշող լծակ – ստեղծվել է ընդդիմացող միավորում…

9. Ցավոտ կետեր.- Հայկական կոնյակը՝ միջազգային իրավունքի շրջանակներում – Ինչպես լուծել ծագելիք խնդիրները… Առավելություններ եւ խնդիրներ… Դեպի չինական եւ այլ շուկաներ…

10. Հայկական խոհանոց – Պանրով թխվածքաբլիթ… Աշխարհի մարզական հեւքից – Միջազգային եւ ազգային մարզական կյանք… Տեղադրե՛ք ձեր գովազդը՝ հայ արիների պաշտոնական կայքում… Կարդացե՛ք եւ բաժանորդագրվե՛ք «Լուսանցք»…

Պատերազմող Հայաստանում ապրելով՝ ոմանք Թուրքիայի բյուջեն են լցնում

…Մի առիթով ՀԱՄ առաջնորդ Արմեն Ավետիսյանը եւս նշեց, որ խիստ կասկածում է, որ այդ «հայրենասերների» գոնե կեսի կեսը՝ արդեն հայի քրտինքով գնված զենքերով կկանգնեն իրենց փողերով ձեռք բերված թուրքական (կամ ադրբեջանական) տանկերի ճանապարհին. «Ոմանց լավ գիտեմ, որ արցախյան կռվի տարիներին մնացին իրենց տներում, կանանց կողքին կամ մոր փեշերի տակ, ու էլի նույն «հայրենասերներն» էին եւ նույն «հայրենապաշտությամբ» էին երազում Արցախի, Նախիջեւանի, Ջավախքի կամ Արեւմտյան Հայաստանի մասին»…

Հայ արիների ղեկավարը նշել էր նաեւ, որ «հիմա այդ մարդիկ տեսնում են էրգիրը ու վայելու՛մ, չէ՞ որ փափագել են ու ճառեր ճառել, լիքը կենացներ ասել տարիներ շարունակ, հիմա պիտի գան ասեն չէ՞, որ իրենք տեսել են պապերի էրգիրը, ասում էին չէ՞, որ տեսնելու են, ի՛նչ հերոսություն, ի՛նչ հաղթություն…»:

Արմեն Ավետիսյանի խոսքով, քանիցս մերժել է հրավերը՝ որպես զբոսաշրջիկ լինել Արեւմտյան Հայաստանում, մերժել է, որպեսզի հաջորդ սադրանքը, որ ադրբեջանական կողմը թուրքական օժանդակությամբ իրականացնի, հանկարծ իր 1 լուման անգամ այդտեղ չգործի. «Չեք պատկերացնի, թե ինչպես եմ ցանկանում լինել բռնազավթված հայրենիքում եւ ամենուր, որ հայապատկան է, ինչպես եմ ուզում լինել Հայ Աստվածների հուշարձան-համալիրում… բայց ներքին ձայնս, որ հոգուցս է բխում, երբեք թույլ չի տվել 1 լումա անգամ նվիրել թուրքին: Իսկ Հայոց Երկիրը մենք տեսնելու՛ ենք ու ո՛չ որպես զբոսաշրջիկ»…

* * *

«Լուսանցք»-ը մշտապես կարեւորել ու անդրադարձել է մեր սահմանային խնդիրներին, հայկական զինուժի, հատկապես՝ երկրի սահմանապահների գործունեությանը: Նկատելով առկա թերությունները՝ մենք խոսել ենք այդ մասին, բայց արժեւորել, կարեւորել ենք հայկական բանակը եւ այդպես էլ շարունակելու ենք հետագայում:

Մեզ համար թանկ է յուրաքանչյուր հայ մարդու, հայ զինվորի կյանքը, ուստի խոսել ենք նաեւ բանակում տեղ գտած որոշակի վտանգավոր ու վնասարար բացթողումների մասին, որոնք նպաստում են հայ զինվորի բարոյահոգեբանական կերպարի խաթարմանը, որոշ դեպքերում էլ նաեւ ծառայողական չարաշահումներ են լինում, որ հանգեցնում են սպանության կամ վիրավորվում՝ վնասվում են մեր զինվորականները:

Երբ հայ զինվորականը զոհվում կամ վիրավորվում է սահմանագծին կամ մարտական գործողության ժամանակ՝ թշնամու հետ մարտի ընթացքում, բոլորովին ուրիշ վերաբերմունք է լինում եւ՛ հանրության եւ՛ տվյալ զինվորականի հարազատության կողմից: Նահատակված հայորդին հերոսանում ու անմահանում է, ամրագրում իր անունը ազգի հիշողության հավերժության մեջ, իսկ կյանքը վտանգած եւ մարտական շարքերում մնացած հայորդին դառնում է ծառայակիցների պարծանքը եւ քայլող օրինակ հաջորդ սխրանքների:

Սահմանային խնդիրներին անդրադառնալիս կարեւոր ենք համարել հայ մարտիկի պատրաստվածությունը (ինչպես զինվորական, այնպես էլ գաղափարական առումով), զգաստության ու կամքի մշտառկայությունը, դեմ ենք եղել սահմանապահությունն իրականացնելու հարցում ռուսական զինուժի ներգրավմանը, քանի որ հենց մե՜ր պատմությամբ է ապացուցված, որ տան դռների բանալին պետք է տանտիրոջ մոտ լինի:

Continue reading →