Աֆրիկյան ժանտախտն էլ դեռ վերջը չէ

Տրամադրել է «Լուսանցք»-ը:

Աֆրիկյան ժանտախտն էլ դեռ վերջը չէ

Մի օր բոլորս կհասկանանք, թե ինչու եւ ինչպես է մարդկության մի հսկայական հատված (էլ չենք ասում կենդանական աշխարհը) վերածվել «փորձարկվող ճագարների» եւ ում համար է դա արվում……

Բայց այս մասին մի ուրիշ, ավելի հարմար առիթով:

Երբ համաշխարհային մամլիչ համապարփակեցնող մեքենան տենդագին փորձում է գենետիկ, նույնիսկ էթնիկ ոչնչացման զենք ստեղծել, ապա այսօր առնվազն սարսափելի չեն երեւում կենդանական ծագում ունեցող վիրուսները՝ սիբիրյան խոցի, դաբաղի, թռչնագրիպի կամ աֆրիկյան ժանտախտի «տեսքով»…

Զարմանալի չեն նաեւ ՁԻԱՀ -ի կամ նման այլ անբուժելի հիվանդությունների փորձարկման «սպրդումից» առաջացած հետեւանքները՝ արդեն մարդկության հանդեպ:

Գենաբնախեղումները լավ բանի չեն հանգեցնելու, եւ եթե մարդկությունը չկարողանա ոչնչացնել իր միջի՝ մարդկությանը փորձարկման ենթարկող «արնածուծ տզրուկներին», ապա մենք հետագայում ահագնացնող վիրուսներից առաջացած մուտանդների մի զանգված «կպարգեւենք» տիեզերքին:

Իսկ տիեզերքը ոչնչացնում է հակաբնական ամեն աղբ…

Հայկ Թորգոմյան

Հ.Գ. – Հիմա՝ դառնանք մերոնց: Մասնագետները խորհուրդ են տալիս չվախենալ եւ ուտել «չալաղաջոտ» խոզի միսը, քանզի աֆրիկյան ժանտախտը միայն խոզից խոզին է անցնում: Մինչդեռ երեկ, երբ կառավարության նիստից հետո լրագրողներից մեկը հարցրել է, թե ինչքանով է այդ խորհուրդը մասնագիտական, չէ՞ որ գոյություն ունի նաեւ «վիրուսի փոխակերպում» հասկացությունը, եւ այն մարդու օրգանիզմում կարող է այլ հիվանդության վերածվել (հենց մասնագետների բնորոշմամբ՝ սույն վիրուսն անբուժելի է), մեր երկրի գլխավոր անասնաբույժը համառոտել է. «Մարդկությանը առայժմ նման դեպքեր հայտնի չեն»:

Հետաքրքիր է, եթե ա՛յլ հիվանդության պատճառ են դառնում, ապա ինչպե՞ս պետք է հայտնի դառնան: Ամեն դեպքում՝ խոզաբարո մարդկանց խորհուրդ ենք տալիս չգայթակղվել «չալաղաջոտ» մսի յուղերով, որովհետեւ վիրուսը խոզից խոզին է անցնում…


Այս գրառումը հրապարակվել է Հ.Ա.Մ., Հայտարարություններ խորագրում։ Էջանշեք մշտական հղումը։