Monthly Archives: July 2013

Սպորտային լուրեր հայ մարզիկների մասնակցությամբ մրցաշարերից

Մարզաշխարհ. Շաբաթվա մարզական կյանքից –

Սպորտի եւ երիտասարդության հարցերի նախարարը Յուրի Վարդանյանն է

Շնորհավորանքներն այս նշանակման առուոմվ շատ են, եւ բոլորն անվանի մարզիկին մաղթել են, որ որպես հայկական սպորտի պատասխանատու, լավագույնս օգտագործի պետական կառույցի բոլոր միջոցները՝ Հայաստանի անունը մարզական առումով էլ ավելի բարձրացնելու, նոր նվաճումներ արձանագրելու համար:

Յուրի Վարդանյանը փառահեղ մարզական ուղի է անցել եւ միջազգային մրցասպարեզներում նվաճած 100-ից ավել մեդալները, աշխարհի ու Եվրոպայի առաջնությունների, օլիմպիական խաղերի մոտ 5 տասնյակ ռեկորդները դրա վառ օրինակն են:

ԲՀԿ նախագահ Գագիկ Ծառուկյանը շարունակում է մնալ ՀՀ ԱՕԿ-ի ղեկավարը եւ օրերս Երեւանում Բելառուսի նախագահ Ալեքսանդր Լուկաշենկոյի հետ համաձայնագիր են ստորագրել, ըստ որի՝ վավերացրել են երկու երկրների ազգային օլիմպիական կոմիտեների նախագահների ստորագրած փաստաթուղթը՝ Հայաստանում եւ Բելառուսում մարզիկների համատեղ ուսումնամարզական հավաքներ անցկացնլու համար:

Continue reading →

Հետահայաց ՀՀ նախագահի եւ Երեւանի ավագանու ընտրություններին.-

– Ավելի լավ Երեւանի սպասումով…

– Եվրոպայի ՙեւ՜ նալին եւ՜ մեխին՚-ը…

– Մրցակցային, բայց գաղափարազուրկ…

Ավելի լավ Երեւանի սպասումով

Ըստ ՀՀ Ընտրական օրենսգրքի՝ Երեւանի ավագանու անդամների մանդատները բաշխվում են այն կուսակցությունների եւ կուսակցությունների դաշինքների թեկնածուների ընտրական ցուցակների միջեւ, որոնք ստացել են կողմ քվեարկված քվեաթերթիկների ընդհանուր թվի եւ անճշտությունների թվի գումարի համապատասխանաբար առնվազն՝ կուսակցությունների դեպքում՝ 6%, իսկ կուսակցությունների դաշինքների դեպքում՝ 8% կողմ քվեարկված քվեաթերթիկներ:

Ձայների հաշվարկի ավարտը ազդարարեց, որ մայրաքաղաքի ավագանիում 3 քաղաքական ուժ կլինի: ԿԸՀ-ի հաղորդման համաձայն, բոլոր ընտրատեղամասերի արդյունքներով հաղթանակ է տարել ՀՀԿ-ն, որի համամասնական ընտրացուցակը գլխավորում էր գործող քաղաքապետը: Իշխող ուժն ստացավ 235.512 ձայն կամ 55,89%-ը, 2-րդ տեղում ԲՀԿ-ն է՝ 97.189 ձայն (23,07%) եւ 3-րդ՝ ընդդիմադիր ուժը՝ «Բարեւ, Երեւան» դաշինքը, որի հիմնական կազմը «Ժառանգություն»-ն է, ստացել է 35.732 քվե (8,48%): Երեւանի ավագանիում չհայտնվեցին մասնակցած 7 քաղաքական ուժերից 4-ը՝ ՀԱԿ-ը, ՀՅԴ-ն, ՕԵԿ-ն ու «Առաքելություն»-ը: Չհաղթահարեցին 6%-ի սահմանը. ՀԱԿ-ը հավաքեց 18.499 ձայն (4,39%), որին հաջորդում են ՀՅԴ-ն՝ 15.999 (3,8%), ՕԵԿ-ը՝ 15.733 (3,73%) եւ շատ քչերին հայտնի ՙԱռաքելություն՚-ը՝ 2.692 (0,64%) ձայներով:

Continue reading →

– Պահանջվում է 1 գովերգող եւ 1 ճշմարտախոս կառավարական խորհրդական – Սա է տնտեսական աճի նախապայմանը…

– Չկայացած ընդդիմության չկայացման դատապարտող քայլերը

Պահանջվում է 1 գովերգող եւ 1 ճշմարտախոս խորհրդական – Սա է տնտեսական աճի նախապայմանը

Դեռ կառավարության կազմը չէր հաստատվել, վարչապետի պաշտոնում վերանշանակվելու կապակցությամբ Տիգրան Սարգսյանը շնորհավորանքներ էր ստանում պետությունների վարչապետերից, միջազգային կազմակերպությունների ղեկավարներից: Առաջին ողջունողներից էին Ռուսաստանի, Բելառուսի, Ուկրաինայի եւ Վրաստանի վարչապետերը, ՀԱՊԿ գլխավոր քարտուղար Նիկոլայ Բորդյուժան:

Այդ ընթացքում վարչապետն ընդունել է Հայաստան ժամանած ԵԽ-ի պահպանողականների ու ռեֆորմիստների խմբի պատգամավորներին եւ քննարկել ՀՀ եվրաինտեգրման գործընթացը, ՀՀ-ում տարբեր ոլորտներում բարեփոխումները: Եվրոպացիները չեն մոռացել քննարկել տարածաշրջանային հարցեր՝ հայ-թուրքական հարաբերությունների, Լեռնային Ղարաբաղի հակամարտության կարգավորմանը վերաբերող: Արժույթի միջազգային հիմնադրամը եւս կողմնակից էր Տ. Սարգսյանի վերանշանակմանը: Հիմնադրամի ներկայացուցիչները զեկուցել են ԱՄՀ «Երկարաձգվող ֆինանսավորու­մ»/«Երկարաձգվող վարկավորու­մ» ծրագրի եզրափակիչ փուլի արդյունքների մասին եւ նշել, որ ընթացիկ ծրագրի բարեհաջող ավարտը ամուր հիմք կլինի ԱՄՀ նոր ծրագրի շուրջ բանակցության համար: Հիմնադրամի առաքելության ղեկավարը արդյունավետ է համարել ՀՀ կառավարության հետ իրենց համագործակցությունը:

Ինչեւէ, մեր կառավարության կազմում փոփոխություններ չեղան՝ միայն նոր երկու նախարար եւ տեղափոխումներ: Նոր նախարարը էկոնոմիկայի նախարար Վահրամ Ավանեսյանն է, ով ոլորտը ղեկավարել էր նաեւ 1996-97թթ.: Էկոնոմիկայի նախկին նախարար Տիգրան Դավթյանը կլինի ՀՀ-ի ներկայացուցիչը ԱՀԿ-ում: Սպորտի եւ երիտասարդության հարցերի նախարար նշանակվեց հանրահայտ Յուրի Վարդանյանը: Իսկ նախկին ԲՀԿ-ական նախարար Հրաչյա Ռոստոմյանը, ըստ իր խոսքերի, Գագիկ Ծառուկյանի կողմից նշանակվելու է «Ավիասերվիս»-ի տնօրեն: Ինչ վերաբերում է փոխատեղումներին. ֆինանսների նախարար Վաչե Գաբրիելյանը նշանակվեց կառավարության աշխատակազմի ղեկավար՝ մի փոքր բարձրացումով՝ ղեկավար-նախարար: Իսկ աշխատակազմի նախկին ղեկավար Դավիթ Սարգսյանը դարձավ ֆինանսների նախարար: ԲՀԿ-ն նոր կառավարության կազմում չընդգրկվեց: Երեք ՕԵԿ-ական նախարարները պահպանեցին իրենց պաշտոնները, մնացյալը ՀՀԿ-ից են:

Continue reading →

– Ա՛խ Ֆլեթչեր՝ «Կարծես տուն եկած լինե­մ» – ԱՄՆ-ի ձգողական ուժը…

– Մոսկվան ներում է նաեւ այս պարտքը – ՌԴ-ի հեռացնող ուժը…

– Երկուսի դեպքում (թուրք-հրեական) դառնում է վտանգ…

 Ա՛խ Ֆլեթչեր՝ «Կարծես տուն եկած լինե­մ» – ԱՄՆ-ի ձգողական ուժը

Երեւանի ավագանու ընտրության օրերին դեռ խոսակցություններ կային, որ հնարավոր է Վարդան Օսկանյանն առաջարկվի հեռանալ ԲՀԿ-ից ու դառնալ ընդդիմադիր, հատկապես, որ երբեմն նրա եւ կուսակցության նախագահ Գագիկ Ծառուկյանի տեսակետները հակադիր են լինում: Անգամ կատակողներ եղան, թե արտգործնախարարական ցանց է հյուսվում երկրի քաղաքական դաշտում եւ Րաֆֆի Հովհաննիսյանին ու Ալեքսանդր Արզումանյանին՝ էլ ավելի ընդդիմադիր կեցվածքով կմիանա Վարդան Օսկանյանը, ում փորձեցին ամեն կերպ դարձնել ԲՀԿ քաղաքական թեւի առաջամարտիկ:

Բայց ԲՀԿ-ից հեռանալը կարող է «Սիվիլիթաս»-ի գործի հետ կապված՝ վտանգավոր լինել ընդդիմադիր Օսկանյանի համար, որովհետեւ կարող են վերսկսել քրեական հետապնդումը եւ հարց բարձրացնել պատգամավորական անձեռնմխելիությունից զիկելու համար: ԲՀԿ-ի կազմում ընդդիմադիր լինելը վտանգավոր չէ, իսկ այլ տեղում՝ կդառնա վտանգավոր: Ընդդիմադիր Օսկանյանը շտապել է Միացյալ Նահանգներ, որտեղ մի ժամանակ շտապում էր մեկ այլ ընդդիմադիր Հովհաննիսյանը: ԲՀԿ պատգամավոր Օսկանյանն իր ֆեյսբուքյան գրառումներում նշել է. «Ֆլեթչերի դիվանագիտության դպրոցում էի, Բոստոնում: Ամեն անգամ այստեղ գալիս ինձ մոտ տպավորություն է՝ կարծես տուն եկած լինեմ: 1980-ականների վերջին, երբ ես Ֆլեթչերում էի, հայ ուսանողներ չկային: Այսօր այստեղ ՀՀ-ից 15 ուսանող կա, որոնք «Թավիթյան» կրթաթոշակով մասնակցում են 6-ամսյա ծրագրի: Նրանք պետական տարբեր գերատեսչություններից են եւ ծրագրի ավարտից հետո վերադառնալու են իրենց զբաղեցրած աշխատանքի­ն»: Դիվանագետ պատգամավորը նրանց առջեւ խոսել է ՀՀ դիվանագիտության մասին, համեմատություններ է արել 3 նախագահների վարած արտաքին քաղաքականությունների միջեւ: Նշված է, որ այս հատուկ ծրագրին, որն սկսվել է 1999թ.՝ իր նախարար եղած ժամանակ, մինչ այժմ շուրջ 200 հոգի է մասնակցել. «Գիտելիքները հարստացնելով ակադեմիական հրաշալի միջավայրում, առաջին մի քանի տարիներին մասնակիցները միայն ԱԳՆ-ից էին, այժմ՝ ամենատարբեր գերատեսչություններից ե­ն»: Այդ երիտասարդները մեր երկրի հարստությունն են. կարծում է նախկին արտգործնախարարը՝ չմանրամասնելով, որ նրանք էլ հետագայում ԱՄՆ գնալուց կասեն՝ «Կարծես տուն եկած լինե­մ»…

Continue reading →

Կոմայգին կդառնա՞ մանուկներինը

…Առհասարակ մեր ամբողջ երկիրը պե՜տք է ազատել բոլոր անբարո, ապազգային ու հակամարդկային երեւույթներից՝ կլինեն դրանք մարմնական, հոգեւոր, թե այլ բնույթի…

…ուստի ինչպե՞ս է լուծվելու բացահայտ եւ անպատիժ (քրեական եւ վարչական օրենքների բազում խախտումների մասին «Լուսանցք»-ը մի շարք հրապարակումներ ունեցել է) երեւացող տրանսվիստիտների՝ Կոմայգուց «արտահանման» հարցը…

Կոմայգու հարցը Երեւանի ավագանու ընտրություններում առանցքային դարձավ: Ի վերջո, մարդիկ ուզում էին հասկանալ՝ այդ այգին ո՞վ կկարողանա գոմից վերածել այգու ու վերադարձնել մանուկներին: «Լուսանցք»-ը այս հարցով շատ է զբաղվել եւ հիշեցնենք, որ ոստիկանությունից մեզ պատասխանել էին, թե մեր բարձրացրած հարցերը քննության են առնվել կազմակերպված հանցագործությունների դեմ պայքարի վարչությունում:

Մենք հասկացանք, որ դա հարցը գոնե մեզ համար սառեցնելու ձեւ է: Բայց քանի որ մեր նպատակը սենսացիա անելը չէր, այդ «լռությանն» էլ համաձայնեցինք, միայն թե Կոմայգու խնդիրը լուծում ստանա վերջնականապես:

Արդյո՞ք յուրօրինակ լուծում են սպասվելիք՝ այգում ներդրումներն ու վերակառուցումները, ժամանակը ցույց կտա: Բայց ուզում ենք, որ այդպես լինի:

Հիմա՝ ի՞նչ է ենթադրում նշյալ ծրագիրը: Վերընտրված քաղաքապետը հայտնել է, թե մեծ ներդրումներ են իրականացվելու, ինչի մասին դեռ հայտարարվել էր մինչեւ ավագանու ընտրությունները: Այդ ժամանակ լրագրողները ցանկացել են հստակ պատասխան լսել, քանզի այդ տարածքով անցնում են իրենց, շատերի երեխաները, ուստի ինչպե՞ս է լուծվելու բացահայտ եւ անպատիժ (քրեական եւ վարչական օրենքների բազում խախտումների մասին «Լուսանցք»-ը մի շարք հրապարակումներ ունեցել է) երեւացող տրանսվիստիտների՝ Կոմայգուց «արտահանման» հարցը: Քաղաքապետը կարճել է՝ խնդիրը կլուծվի:

Continue reading →

– Ինչու՞ է գազազել ռուսաստանյան արջը – Գազը թանկանում է…

…ոչ թե «ռուսական ար­ջ», այլ՝ «ռուսաստանյան ար­ջ», «ռուսական արջ­ը», եւ դա գաղտնիք չէ, վաղուց չկա…

– Հայաստան էր ժամանել Բելառուսի նախագահ Ալեքսանդր Լուկաշենկոն…

Ինչու՞ է գազազել ռուսաստանյան արջը

Գազը թանկանում է, տարատեսակ մեկնաբանությունները շատանում են: Բոլորը մեղադրում են մեր կառավարությանը:

Ասեմ՝ եւ բոլորը իրավացի են, թեկուզ հենց այն բանի համար, որ մեր կառավարությունը Ռուսաստանի հետ հարաբերություններում բավականաչափ քաղաքական կամք չի դրսեւորում կամ չի կարողանում դրսեւորել:

Continue reading →

Միջուկային մրցակցության նոր հանգրվանում

– Հայաստան. նոր սեյսմիկ կայաններ ԱԷԿ-ի շուրջ…

– Իրան.  խաղա՞ղ է միջուկային ծրագիրը…

– Թուրքիա. ԱԷԿ-ը՝ քաղաքական գործիք…

– Թուրքական միջանցք (Ջավախքով)՝ դեպի Ադրբեջան…

Հայաստան. նոր սեյսմիկ կայաններ ԱԷԿ-ի շուրջ

ՀԱԷԿ-ի գոյությունն ու գոյության իրավունքը հաստատուն է, այն  հավաստել են նաեւ միջազգային մասնագետները, իսկ մեր ատոմակայանի շահագործման դադարեցման միակ պայմանը՝ նոր ատոմակայանի կառուցման հետ է կապված, ինչի անհրաժեշտությունն այլեւս ապացուցման ենթակա չէ:

Իսկ եղած պաշտպանական կարողություններին լրացուցիչ միջոցներ են ավելանում: Անգլիական արտադրության «Guralp» մակնիշի նորագույն կայանները ՀՀ արտակարգ իրավիճակների նախարարության (ԱԻՆ) սեյսմիկ պաշտպանության ծառայությանն է տրամադրել ՀՀ միջուկային անվտանգության կարգավորման պետական կոմիտեն: Ընթացքում է ՀԱԷԿ-ի շուրջ 6 նոր թվային սեյսմիկ կայանների տեղադրումը:

Ներկա փուլում փորձարարական աշխատանքներ են՝ ՍՊԾ ազգային մոնիթորինգային ցանցի դիտակետերում սեյսմիկ աղմուկները գրանցելու, ստացված տվյալները վերլուծելու եւ իրական ժամանակում հաղորդելու ուղղությամբ: Ստուգողական չափումների նպատակն է ընտրել ընդունված պահանջներին բավարարող դիտակետեր, որտեղ աշխատանքների հաջորդ փուլում կտեղադրվեն մշտապես գործող սեյսմիկ կայաններ:

Նախատեսվում է, որ ստացված մեծածավալ տվյալներն իրական ժամանակում կհաղորդվեն ՍՊԾ տվյալների հավաքման, մշակման ու վերլուծության կենտրոն: Անհրաժեշտ տվյալները կհաղորդվեն նաեւ ԱԻՆ ճգնաժամային կառավարման կենտրոն:

Continue reading →

– Մայիսյան տոները՝ հայրենատիրության երաշխիք – Հայ Արիական միաբանությունը (եւ կառույցի «Արցախի ազատամարտի մասնակիցների» խորհուրդը) հայտարարում է…

– Թերեւս նոր կռիվը սթափեցնի ոմանց – Բողոքում են ազատամարտիկները…

Մայիսյան տոները՝ հայրենատիրության երաշխիք

Հայ Արիական միաբանությունը (եւ կառույցի «Արցախի ազատամարտի մասնակիցների» խորհուրդը) հայտարարություն է տարածել, որում ասվում է. «Գոյապայքարի ելած հայության համար մայիսը հաղթանակների ամիս է – անցյալի, ներկայի ու գալիքի հաղթանակների, որ գոյապայքարն այս կհանգեցնեն հավերժելու աստվածաշնորհ կեցակարգի: Մայիսյան օրերին հայերն աշխարհի հիշում եւ նշում են վերջին դարերում մեր նվաճած ազատագրական ու բարոյա-հոգեբանական հաղթանակները.

– Շուշին ազատագրելով՝ մեր նահատակների ու ազգային պահանջատիրության, հայրենիքի վերատիրման պայքարին նոր լիցք հաղորդեցինք:

– Շուշիի ազատագրումը այն վճռական բեկումն էր, որ Արցախյան պատերազմում պիտի ամրագրեր ազատագրական հաղթանակը, հայոց հողահավաքի նպատակը: Իսկ դա մեր պահանջատիրական առաջին ազդեցիկ ղողանջն էր մարդկությանը:

Continue reading →

– Վտանգի զգացողությունը՝ ցպահանջ – Սյունիքի արոտավայրերը չենք զիջի «եղբայրական» իրանաադրբեջանցիներին…

– Ծավալապա՞շտ, թե՞ բարեկամ հարեւան – Իրանում ավարտվել է նախագահի թեկնածուների պաշտոնական գրանցումը…

Վտանգի զգացողությունը՝ ցպահանջ

Հայ-ադրբեջանական նոր բախումների հնարավոր հեռանկարի պայմաններում, երբ ամեն օր արցախա-ադրբեջանական ու, առհասարակ, հայ-ադրբեջանական սահմանագծին անկայուն վիճակներ են լինում, թշնամական սադրանքներ, հանկարծ մի վտանգավոր նախագիծ է ի հայտ գալիս: Ինչը լավ է՝ ժամանակին կանգ առավ: Ըստ որոշ տվյալների, Սյունիքի արոտավայրերը շուրջ 100 հազար հեկտար են, որի կեսը նախատեսվում էր «զիջել» «եղբայրական» իրանաադրբեջանցիներին:

Խոսքը ոչխարաբուծությանն է առնչվում, բայց քանի որ մեր գյուղացին 1 կովը գերադասում է 10 ոչխարից (ըստ տարբեր մասնագիտական հաշվարկների), ապա հայտնի չէ, թե նոր հայ-պարսկաադրբեջանական շփումները ոչխարաբուծության ինչ հեռանկար կթողնեին հետագայում (թյուրքը այստեղ տարիներ հետո հայի ձեռքից վերցնելու էր նաեւ խոշոր եղջերավոր անասնապահության գործը):

Սյունիքի արոտավայրերը թրքախոս իրանցիներին վարձակալությամբ տալու պայմանավորվածության մասին հայաստանահայերն ու սփյուռքահայերը զարմանքով  լսեցին: Ինչպե՞ս կարելի է սեփական երկիրը մի կերպ արյուն-պատերազմով մաքրել ադրբեջանցիներից ու հետո՝ նորից խաղաղ ճանապարհով տրամադրել նրանց: Հասկանալի է, Հայաստանում դժվարությամբ են զբաղվում ոչխարաբուծությամբ, ընդհանրապես վիճակագրական տվյալների համաձայն, այս ճյուղը չնչին դեր ունի համաշխարհային կաթի, մսի արտադրության մեջ: Հայերն էլ առավելապես նախընտրում են խոշոր եղջերավորների անասնապահությունը: Բայց պետության որոշակի աջակցության դեպքում հարցը կարող է այլ լուծում ստանալ: Անգամ եթե Սյունիքի անասնապահները չեն նախընտրում ոչխարաբուծությունը, ապա այդ արոտավայրերը կարելի է վարձավճարով Հայաստանի այլ մարզերի անասնապահներին տրամադրել եւ ոչ թե հարեւան Իրանի՝ մեզ թշնամի ադրբեջանցիներին: Եվ որ ամենակարեւորն է՝ պետության համար ավելի շահեկան է արոտավայրերը առանց օգտագործման թողնել, քան տալ այդ ծավալի ոչխարաբուծության նպատակով: Սրա վնասները նկատելի են շատ երկրներում, դրանց հազարների հասնող հոտերը հաճախ անդառնալի փչացնում են արոտավայրերը: Իրանում արդեն այդպես եղել է, եւ վնասն այն չափի է հասել, որ նրանց համար նվազագույն ծախսատար է հոտերը Հայաստան բերելը, քան սեփական արոտավայրերը վերականգնելը: Արդյունքում՝ մեր արոտավայրերին ի վերջո նույն՝ իրանականի ճակատագիրն էր սպասվելու:

Continue reading →

Հայաստանը միացնելու է Իրանի՞ն –

Հայ արիների առաջնորդ Արմեն Ավետիսյանի խոսքը՝ «Հեզբոլլահ»-ի Իրանի ներկայացուցչության գլխավոր քարտուղար Մոհամմադ Բաղեր Խարազիին, ներկայացնում ենք առանց կրճատումների («Լուսանցք» շաբաթաթերթ)…

Երկար ժամանակ է, որպես հայ արիական (օտարի կողմից հեթանոսական կոչված) հավատի ու համակարգի հետեւորդ, հետեւում եմ նաեւ հարեւան Իրանի (քանզի արիական պարսիկ ազգի երկիրն է) շուրջ ծավալվող քաղաքական իրադարձություններին:

Խոսքս, ինչպես Իրանի ներքին, այնպես էլ այդ պետության արտաքին ոլորտին է վերաբերվում: Սակայն մինչ մանրամասնելը նշեմ, որ.

– Քանիցս մեր աջակցությունն ենք հայտնել իրանական կարեւորագույն ծրագրերին, հատկապես միջուկային խաղաղ ծրագրի կյանքի կոչման օգտին, քանի որ ամեն երկիր իրավունք ունի խաղաղ նպատակներով միջուկային ծրագիր մշակել: Անգամ պաշտպանել ենք հարեւան երկրի՝ ատոմային ռումբ ունենալու իրավունքը, ինչը կարող է լուրջ հակակշիռ լինել տարածաշրջանում առկա երկու ծայրահեղ ուղղություններ դավանող ատոմային երկրների՝ հուդա սիոնիստական Իսրայելի եւ խիստ իսլամական Պակիստանի միջեւ (Հայաստանը եւս պետք է մտածի այս մասին): Հայ արիներն իրենց տեսակետը պնդել են անգամ այն բանից հետո, երբ «Վեցյակի երկրներ­ը» հայտարարել են, թե պատրաստ են ճանաչել Իրանի խաղաղ ատոմ ունենալու իրավունքը, սակայն Թեհրանը միջազգային հանրությանը պետք է ապացուցի, որ իր միջուկային ծրագիրն ունի բացառապես խաղաղ բնույթ:

Continue reading →

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան)

1. Ի գիտություն հայ հոգեւորականների – Հա՛յ քրիստոնյա՛, ոչ թե քրիստոնյա հայ… Բացի արիադավան-հեթանոսներից՝ մնացյալը աղանդավորականներ են…

2. Քրիստոնեացումը նոր ջարդերի է մղելու… – Ծպտյալ հայեր.- քանակը հաստատ 100 հազար չէ… որոշ տվյալներով՝ շուրջ 8-10 միլիոն, ովքեր թաքնված են…

3. Արցախը՝ լուծում պահանջող խաչմերուկի կիզակետում – Հայաստանը պետք է լրջորեն մղվի միջազգային աշխուժության եւ առաջնային դերստանձման…

4. Հայկական հետքը բացառվեց – Զայրացնող էր, որ ահաբեկչությանը հայկական ուղղվածություն տրվեց Հայոց ցեղասպանության 98-րդ տարելիցի օրերին…

5. Ահաբեկիչներին սնում են գերտերությունները – Մնացինք մենք, այն տարածաշրջանում, որտեղ Հայաստանն է գտնվում, ավելի խիստ պետք է լինել…

6. Արգելվում է արտերկրում հաշիվներ ունենալ  – Հատուկ գործողությունների ուժերը կգործեն նաեւ երկրից դուրս… Բռունցքը նպաստում է հիշողությանը…

7. Ո՛չ պատգամավոր են, ո՛չ էլ՝ գողական… Վերականգնված հավատը՝ օրինականության երաշխիք – ոստիկանապետը նաեւ խոստովանահա՞յր, թե՞ գողական…

8. ՏԻՄ ընտրություններ. Ռուսի ու պարսիկի հայտնելը խախտում չէ՞… Նախընտրականն ըստ GALLUP-ի… Կստուգվի՞ ՀՀՇ-ականների ունեցածքը… Կպատժի՞ Ծառուկյանին…

9. Հայկական խոհանոց… Շաբաթվա մարզական կյանքից… www.hayary.org-ը տրամադրում է գովազդի տեղ… Կարդացե՛ք եւ բաժանորդագրվե՛ք «Լուսանցք»…

Հայկական խոհանոց – Թարմ ավելուկով աղցան…

Շաբաթվա մարզական կյանքից…

Հայ Արիական Միաբանության պաշտոնական կայքը տրամադրում է գովազդային վահանակի տեղ…

Կարդացե՜ք «Լուսանցք», բաժանորդագրության համար դիմել…

Հայկական խոհանոց – (Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028) – (ռեստորանն ընդունում է կոլեկտիվ հայտեր)

– Թարմ ավելուկով աղցան

 Բաղադրությունը

Ավելուկ – 100 գ

դանդուռ – 100 գ

նանա – 25 գ

լոլիկ – 1 հատ

տաքդեղ – 1 հատ

խնձորի քացախ – 3 ճաշի գդալ

բուսայուղ – 4 ճաշի գդալ

մանանեխ – 0.5 թեյի գդալ

աղ՝ ըստ ճաշակի

Պատրաստման եղանակը

Քացախը, բուսայուղը, մանանեխը, աղը խառնել, պատրաստել թանձրուկ:

Ավելուկը, դանդուռը, նանան մանր-մանր կտրատել, լցնել ափսեի մեջ, վրան ավելացնել թանձրուկը: Իսկ լոլիկն ու տաքդեղը կտրատել երեսի շերտին:

Գարուն է, ու Ձեզ մնում է վայելել մեր երկրի սննդարար ու բուժիչ պարգեւները:

Անու՜շ լինի:

*  *  *

Continue reading →

Տեղական ընտրություններ եւ միջազգային հետախուզումներ…

Ռուսի ու պարսիկի հայտնվելը խախտում չէ՞…

Նախընտրական երանգներ՝ ըստ GALLUP-ի…

Ե՞րբ է ստուգվելու ՀՀՇ-ականների ունեցվածքը…

Հեռացնու՞մ են, թե՞ հեռանում են ԲՀԿ-ականները…

Աբրահամյանը կպատժի՞ Ծառուկյանին…

 Տեղական ընտրություններ եւ միջազգային հետախուզումներ

Ոստիկանության պետի տեղակալ, ոստիկանության գեներալ-լեյտենանտ Սաշա Աֆյանի մոտ տեղի է ունեցել խորհրդակցություն, որը նվիրված էր մայիսի 5-ին կայանալիք  Երեւանի ավագանու ընտրություններին: Նշվել է, որ նախընտարական շրջանում եւ ընտրությունների ժամանակ ոստիկանության վրա դրված պարտականությունները պետք է կատարվեն բարձր մակարդակով: Ոստիկանության հիմնական խնդիրն է համարվել տվյալ դեպքում հասարակական կարգի ապահովումը եւ իրավախախտումների բացառումը:

Ոստիկանության իրավաբանական վարչությունը պատրաստել է ուղեցույց, որով պետք է առաջնորդվեն ոստիկանները: Ներկայացված են ընտրությունների ժամանակ ոստիկանի ֆունկցիոնալ պարտականություններն ու իրավունքները: Ներկայացվել է նաեւ ոստիկանության Երեւանի վարչության կողմից կազմված պլանը՝ մայիսի 5-ին կայանալիք ընտրությունների ընթացքում հասարակական կարգի պահպանման եւ անվտանգության ապահովման ուժերի տեղաբաշխման վերաբերյալ: Կրկին ստուգվելու են անձնակազմերի պատրաստականությունը, ընտրացուցակների հետ կապված հարցերը:

Իսկ արտաքին ասպարեզում ՀՀ ոստիկանությունը Ինտերպոլի հետ համագործակցության նոր եզրեր է ստեղծում: Ոստիկանության կոլեգիայի նիստերի դահլիճում տեղի է ունեցել ՀՀ-ում Ինտերպոլի ազգային կենտրոնական բյուրոյի հետ համագործացություն իրականացնող ֆունկցիոնալ պատասխանատու կապի սպաների սեմինար-հանդիպումը: Հանցավորության դեմ պայքարի գործում կարեւորելով ոստիկանության Ինտերպոլի ԱԿԲ-ի տարածքային ստորաբաժանումների միջեւ համագործակցությունը՝ ոստիկանության պետի տեղակալ, ոստիկանության գեներալ-մայոր Հունան Պողոսյանը նշել է, որ այդ համագործակցությունը դեռեւս բավարար հիմքերի վրա չէ. «Համագործակցությունը չպետք է տարվի միայն  հետախուզական աշխատանքներով, այն պետք է առավել ընդգրկուն, առավել արդյունավետ լինի բոլոր առումներով»,- ասել է նա:

Continue reading →

– Ոչ պատգամավոր են, ոչ էլ՝ գողական…

– Վերականգնված հավատը օրինականության երաշխիք – Վլադիմիր Գասպարյանը՝ ոստիկանապե՞տ, խոստովանահա՞յր,  թե՞ գողական…

Ոչ պատգամավոր են, ոչ էլ՝ գողական

«Հիմա դուք պատգամավո՞ր եք, թե՞ գողական, արա՚»

Անթաքույց բարկացել էր ոստիկանապետ Վլադիմիր Գասպարյանը, որովհետեւ Գյումրիի վերջին դեպքերից հետո որոշ պատգամավորներ զանգահարել էին իր տեղակալին եւ բարեխոսել ձերբակալվածների համար:

Վլադիմիր Գասպարյանի տոնից, սակայն, ակնհայտ էր, որ նա քաջատեղյակ է, որ փոխոստիկանապետին զանգողները ոչ պատգամավոր են, ոչ էլ գողական, արա են՝ բառիս ոչ թե իրական-հայկական, այլ՝ ժամանակակից-անարժեքային իմաստով:

Պատգամավոր չեն, որովհետեւ չեն պատկերացնում, թե ինչ է օրենսդիր աշխատանքը, ու ոչ թե երբեւէ օրենք չեն գրել, այլ՝ չեն էլ կարդացել: Ու թե հարցնես՝ որ օրենքի համար են քվեարկում ու ինչ է իրենց քվեարկածի արդյունքում լինելու, ապուշ կտրած դեմքիդ կնայեն:

Բայց դե գողական էլ չեն: Գողականները փոխոստիկանապետին չէին զանգի ու միջնորդության համար չէին խնդրի: Պարզապես հիմա մեր երկրում գողը, գողցողն ու գողականը խառնվել են իրար: Ի դեպ, երբ արդարադատության նախարար էր Դավիթ Հարությունյանը, բերդերից նրա հետ համագործակցում էին որոշ՝ իրենց գողական համարողներ: Դրա համար էլ ասում եմ, որ խառնվել են…

Continue reading →

– Արգելվում է արտերկրում հաշիվներ ունենալ  – Հատուկ գործողությունների ուժերը կգործեն նաեւ երկրից դուրս…

– Երեւանում մրցեցին ԱՊՀ ԶՈւ մարզիկ-զինծառայողները…

– Բռունցքը նպաստում է հիշողությանը…

 Արգելվում է արտերկրում հաշիվներ ունենալ

Ռուսաստանի Դաշնային խորհուրդը հավանություն է տվել Պետական դումայի կողմից ընդունված օրենսդրկան փաթեթին, որն արգելում է պետական ծառայողներին ու չինովնիկներին արտասահմանյան բանկերում հաշիվներ ու ավանդներ բացել, կանխիկ գումարներ ու արժեքավոր իրեր պահել, ինչպես նաեւ տնօրինել արտասահմանյան ֆինանսական գործիքներ: Մի խոսքով՝ պաշտոնյաներին արգելվում է արտերկրում բանկային հաշվեհամարներ, արտասահմանյան ընկերությունների բաժնետոմսեր եւ արժեթղթեր ունենալ:

Արգելքը չի տարածվում անշարժ գույք ունենալու վրա, բայց պաշտոնյաները պետք է հրապարակեն այդ մասին տեղեկությունները՝ մատնանշելով ձեռքբերման ֆինանսական աղբյուրները: Օրենքով նախատեսված է արգելել արտասահմանյան բանկերում ոչ միայն հաշիվներ եւ պարտատոմսեր ունենալը, այլեւ արժեթղթեր, մասնավորապես, ճանապարհային չեկեր ու ցանկացած արժեքավոր իր, այդ թվում՝ թանկարժեք մետաղներ: Օրենքի ուժի ներքո հայտնվելու են այն անձիք, ովքեր իրենց ծառայողական պարտականություններից ելնելով ընդունում են որոշումներ, որոնք առնչվում են «ՌԴ ինքնիշխանության եւ ազգային անվտանգության հետ»: Այսինքն՝ օրենքը տարածվում է պետական բարձրաստիճան պաշտոնյաների, պետական ծառայողների եւ համայնքային ղեկավարների բավական լայն շրջանակի՝ վարչապետի, վերջինիս օգնականների, դաշնային նախարարների, նրանց կանաց կամ ամուսինների ու անչափահաս երեխաների, պատգամավորների եւ պատգամավորի թեկնածուների, դաշնային մարմինների ղեկավարների, նրանց բոլոր տեղակալների, խոշոր համայնքների ղեկավարների, տարածաշրջանների պետական պաշտոնյաների վրա: Բացի այդ՝ օրենքը կիրառվելու է նաեւ գլխավոր դատախազի, նրա 1-ին տեղակալի, ՌԴ կենտրոնական բանկի տնօրենների խորհրդի անդամների, պետական ընկերությունների եւ ֆոնդերի պաշտոնյաների բանկային հաշիվների հարցում:

Continue reading →