Տիեզերական զրույց

Տիեզերական զրույց

Զրուցում եմ քեզ հետ՝
 լույսի լեզվով,
հեռավոր մի մոլորակի
մտապահված բարբառով,
աստղերի, հրեշտակների,
աներևույթ էակների
ծածկագրված բառերով:

Զրուցում եմ քեզ հետ՝
քարերի լռությամբ,
քարերի մեջ լողացող
ավազների ծով համբերությամբ,
վերընթաց սիրով,
որ չծնված թռչունի
փետուրի պես
դեռ դրված է ձվի մեջ՝
կապտաթև առավոտի:

Արևշատ Ավագյան


Այս գրառումը հրապարակվել է Արվեստ, Հ.Ա.Մ. խորագրում։ Էջանշեք մշտական հղումը։