Ի պատասխան ՀՀ նախագահի եւ 50 կուսակցապետերի

Հրապարակվել է Հեղինակ` ՀԱՄ

Նոյեմբերի 28-ին տեղի է ունեցել Հայ Ազգային Կոնգրեսի մաս կազմող կուսակցությունների, հասարակական կազմակերպությունների խորհրդակցություն: Ինչպես հայտնում են ՀԱԿ կենտրոնական գրասենյակից, հավաքին մասնակցել են Լեւոն Տեր-Պետրոսյանը, կուսակցությունների ղեկավարները, ՀԱԿ կենտրոնական գրասենյակի ներկայացուցիչները եւ կուսակցական տարբեր պաշտոնյաներ:

Շուրջ 4 ժամ տեւած խորհրդակցության ընթացքում քննարկվել են ՀՀ ներքաղաքական ու տնտեսական իրավիճակը, ԼՂՀ հակամարտությում կարգավորման ներկա հանգրվանն ու ՀԱԿ-ի առաջիկա անելիքները: Խորհրդակցությունում ուրվագծվել են նաեւ դեկտեմբերին կայանալիք Կոնգրեսի համաժողովի հիմնական օրակարգային հարցերը:

Ափսո՜ս ՀԱԿ կենտրոնական գրասենյակից չեն նշել, թե քանի կուսակցություններ եւ քանի հասարակական կազմակերպություններ են մասնակցել հավաքին եւ դրանցից քանիսն են եղել «գրպանային», ու երբ են «ծախվել» Լեւոն Տեր-Պետրոսյանին:

Չի հաղորդվել նաեւ, թե ինչու՞ են այդ «ազգադավ» կազմակերպությունները եւ անհատները հավաքվել «Արցախը ծախող» ՀՀ 1-ին նախագահի հրավերով: Առանց մեկնաբանման դժվար է հասկանալ նաեւ, թե ինչու՞ «ընդդիմադիր» հավաքը չի տեւել 5 ժամ, ինչպես ՀՀ նախագահի եւ 50 կուսակցությունների ղեկավարների հանդիպումը, ավելին՝ 1 ժամ պակաս է տեւել…

Մեր կողմից սույն նյութի լրացուցիչ մեկնաբանությունները նույնպես, կարծում ենք, ավելորդ են: Հուսանք, որ հետագայում ավելորդ կլինեն նաեւ փոխադարձ բանսարկությունները:

Գոհար Վանեսյան

«Լուսանցք» թիվ 44 (83)


Այս գրառումը հրապարակվել է Հ.Ա.Մ., Հոդվածներ խորագրում։ Էջանշեք մշտական հղումը։