Տիգրանակերտը՝ արգելոց

Երբ տարիներ առաջ Հայաստանում կարծիքներ էին հնչում (նույնիսկ բարձրաստիճան պաշտոնյաների բերանով), թե գոնե մեզ չպատկանած ազատագրված տարածքները պիտի «վերադարձնել» Ադրբեջանին, շատերն էին զարմանում, թե այդ ո՞ր տարածքների մասին է հատկապես խոսքը: Իսկ առավելապես խոսում էին Աղդամի եւ հարակից տարածքների մասին:

Եվ հենց այդ խոսակցությունների թեժ պահին, Աղդամ-Մարտակերտ ճանապարհի շրջակայքում հայտնաբերվեց Տիգրանակերտ պատմական քաղաքը՝ այլեւս ոչ մի կասկած չթողնելով բոլոր ազատագրված տարածքների՝ մեզ պատկանելու խնդրում:

Եվ ահա, կեցցե՛ն արցախցիները, կարեւոր որոշում են կայացրել ԼՂՀ իշխանությունները, որոնք հազարամյակների «հիշողությամբ» պատմական տարածքին տվել են արգելոցի կարգավիճակ եւ ԼՂՀ 2009թ. բյուջեից 35 մլն. դրամ կհատկացնեն պատմական վայրում պեղումները շարունակելու համար: Ուրեմն՝ նաեւ կպաշտպանեն մեր հողերը:

Արտակ Հայոցյան

«Լուսանցք» թիվ 45 (84)


Այս գրառումը հրապարակվել է Հ.Ա.Մ., Հոդվածներ խորագրում։ Էջանշեք մշտական հղումը։