Հայտարարություն

Հայ Արիական Միաբանությունը, մի շարք ազգայնական ուժերի հետ, նախընտրական ժամանակահատվածում հայտարարություն էր տարածել, որով ներկայացրել էր իր չեզոքությունը փետրվարի 19-ի ՀՀ նախագահի ընտրության վերաբերյալ՝ միեւնույն ժամանակ գնահատական տալով բոլոր 9 թեկնածուներին, նրանց գործունեությանը:

Հիմա, հետեւելով հետընտրական գործընթացներին, Հայ Արիական Միաբանության Գերագույն Խորհուրդը, խորհրդակցելով իրեն սատարող ազգայնական կառույցների ու խմբերի հետ, հայտարարում է, որ իշխանության եւ արմատական ընդդիմության հակամարտող անզիջում բնույթի մարտավարությունը հանգեցրել է մի իրավիճակի, որը հետզհետե խորացնում է հայ հանրության պառակտումն ու փոխադարձ անվստահությունը, ինչն էլ աններելի է ներկայիս պայմաններում, երբ միջազգային զարգացումները հատկապես հիմա (երբ ՀՀ նախագահի օրինական ընտրության խնդիրն է լուծվում) ուղղակի կամ անուղղակի ազդելու են ՀՀ ներքին կյանքի ու ԼՂՀ հարցի քննարկման վրա:

Այսօր, երբ հայ հանրությունը իր իշխանությունների միջոցով Կոսովոյի անկախության նախադեպը պիտի միջազգային քննարկման դներ՝ Արցախի խնդիրը մեկ աստիճանով էլ բարձրացնելու համար, թաղված է ներազգային հակամարտության մեջ:

Այս իրավիճակի շարունակականությունը միանշանակ հանգեցնելու է բախումների, արյունահեղության, որից գրեթե միշտ կարողացել է խուսափել հայությունը, իհարկե մասնակի դեպքեր եղել են, բայց չեն ծավալվել կողմերից մեկի ըմբռնողականության արդյունքում: Հիմա կարծես թե չկա որեւէ ըմբռնողականություն: Ուստի, Հայ Արիական Միաբանությունը հակամարտող կողմերին առաջարկում է՝

1. Համատեղ դիմել ՀՀ Սահմանադրական դատարան՝ ՀՀ նախագահի ընտրության օրինականության հարցը լսելու եւ վերջնական վճիռ կայացնելու համար: Եթե ընդդիմությունը չունի բավարար վստահություն Սահմանադրական դատարանի նկատմամբ, ապա հարցի քննարկմանը կարող են մասնակցել նաեւ բոլոր տեղական ու միջազգային դիտորդական առաքելությունները: Եթե ընդդիմությունը հրաժարվում է դիմել Սահմանադրական դատարան, ապա իշխանություններին առաջարկում ենք ցուցաբերել վեհություն եւ դիմել Սահմանադրական դատարան՝ հայության մի ստվար մասի կասկածները փարատելու նպատակով: Եթե իշխանությունները մտահոգվելու խնդիր չունեն, ապա հարցը իրավական հարթություն տեղափոխելը կբերի ամբողջ ժողովրդի վստահության վերականգնմանը:

2. Հայ Արիական Միաբանությունը իրեն աջակցող ազգայնական ուժերի հետ պատրաստ է նպաստել այս խնդրի փոխշահավետ քննարկմանը՝ եռակողմ բանակցություններում: Մեզ համար հայեր են ինչպես ընդդիմության, այնպես էլ իշխանությունների հարյուր հազարների հասնող համակիրները, եւ մեզ համար թանկ է ամեն հայի արյան ամեն մի կաթիլը: Մենք անհանգստացած ենք նաեւ մեր երկրի, պետության վարկով, որի միջազգային ասպարեզում բարձր լինելն այլեւս անհրաժեշտություն է:

3. Պատրաստ ենք միջնորդական առաքելությունը սկսելուց եւ հաջող ընթանալուց հետո հեռանալ բանակցություններից՝ այն թողնելով արդեն բանակցող կողմերի վրա, որը կողմերին թույլ կտա փոխադարձ խնդիրները ներփակել՝ առանց երրորդ կողմին դրանք ցուցանելու:

4. Կարեւորելով միջազգային դիտորդների գնահատականները եւ հնարավոր մասնակցությունն ու դերակատարումը ՀՀ Սահմանադրական դատարանում, այնուամենայնիվ, կարծում ենք, որ նրանց՝ միջազգային այդ դիտորդներին չպիտի տրվի միջնորդությունների ու միջամտությունների անհարկի իրավունք, ակամա արտաքին միջամտություն թույլ չտալու եւ Սահմանադրական դատարանի վճիռը հայոց անկախ պետականության ինքնուրույնության դրսեւորում ցուցադրելու համար:

Կողմերի արձագանքման պարագայում մենք կանցնենք մեր միջնորդական առաքելության իրականացմանը:


Շարունակել կարդալ

Նախընտրական «համազարկ»-ից առաջ…

Ավարտին է մոտենում ՀՀ նախագահի թեկնածուների բուռն նախընտրական արշավը: Այս ընտրարշավն էապես, նաեւ բնույթով տարբերվում է նախորդներից: Նախ՝ առաջին անգամ պայքարի մեջ են մտել ՀՀ 1-ին եւ 2-րդ՝ նախկին ու ներկա նախագահների թիմերը (անուղղակի՝ հենց երկու ՀՀ նախագահները), ինչը ներքաղաքաղաքական (նաեւ՝ աշխարհաքաղաքական) ու բարոյա-հոգեբանական լարվածություն է մտցրել նախընտրական գործընթացներում: Եվ երկրորդ՝ այդ գործընթացներն անցնում են, այսպես կոչված, սեւ «PR»-ի ամենացայտուն դրսեւորումներով, որի հետեւանքով «ջրի երես» են դուրս գալիս նաեւ բազմաթիվ ճշմարտություններ, ինչը խնամքով տարիներ շարունակ իրենց օրոք թաքցրել են ե՛ւ նախկին, ե՛ւ ներկա իշխանությունները: Այսօր եթե մարդիկ դեռ չեն գիտակցում այդ՝ կամա, թե ակամա արվող բացահայտումների խորքայնությունը, քանզի տարված են նախընտրական աղմուկ-աղաղակով, հետագայում՝ ընտրություններից հետո, վերստին անդրադառնալով դրանց, շա՜տ լուրջ եզրահանգումներ կանեն: Դրա համար հսկայական նյութ կա արդեն: Դա կարող է ավելանալ նաեւ հետընտրական գործընթացների ժամանակ: Երբ պատրաստվում էինք ՀՀ նախագահի թեկնածուների նախընտրական քարոզարշավի վերջին դիտարկումն անել, որոշեցինք նաեւ վերլուծել «Լուսանցք»-ում հրապարակված ավելի քան 30 ՀՀ քաղաքական գործիչների, ազգային փոքրամասնությունների 3 ներկայացուցիչների, մի շարք պետական, մշակութային եւ տնտեսական գործիչների, տնտեսվարողների, սփյուռքահայ մտավորականների կարծիքները նույնպես: Հատկապես, երբ թերթի էջերում զետեղված էին նաեւ ՀՀ նախագահի որոշ թեկնածուների կամ նրանց գաղափարական թիմի անդամների հարցազրույցները:

Այսինքն՝ կփորձենք երկու դիտարկում իրականացնել, ինչպես ՀՀ նախագահի թեկնածուներին առնչվող, այնպես էլ՝ «Լուսանցք»-ում հանդես եկած քաղաքական ուժերի՝ «ի՞նչ պետություն է մեզ պետք եւ ինչպե՞ս հզորացնել պետականությունը» մոտեցումների ու քաղաքական հնարավոր վերադասավորումների մասին:

Շարունակել կարդալ

Հայոց Տրնդեզ

Trndez
Նկարը ՀԱՄ-ի արխիվից

Այսօր Կարմիր բլուրում՝ Հայաստանի հնավայրերից մեկում, ժամը 13:00-ին կայացավ արիական-հեթանոսական Տրնդեզի ծիսակատարություն եւ տոնախմբություն:
Արիական քրմերը ձոներ ուղղեցին Տիեզերքի Արարչին, Հայ Աստվածներին ու Նախնյաց Ոգիներին: Փառաբանեցին բոլոր Արիներին: Վառվեց ծիսական կրակ: Քրմերն ու արորդիները ավանդական շուրջպար բռնեցին: Ներկաները ըմպեցին ու համտեսեցին ծիսական գինի եւ գաթա:
Տրնդեզ – Ատր-ն-դեզ բառը նշանակում է՝ ատր (կրակ) և դեզ արմատներից, նշանակում է՝ կրակի դեզ – սուրբ խարույկ, որը վառվում է Աստվածային Երկունքի կրակով: Այդ Երկունքից էլ ծնվելու է Վահագնը, 40 օր հետո: Վահագնի ծնունդը արիական ամանօրն է՝ տարեփոխությունը, այն մարտի 21-ին է:
Իսկ մինչ այդ արիները երկնային Արեգակի երկրային արտացոլանք Կրակով ընդառաջ են գնում Տի-Եզերքի – Մեծ-Եզերքի Տիրոջը՝ Արարչին, Նրա Սիրուն ու Ջերմությանն արժանանալու՝ Գարնան գալստի նոր Ավետիսը զգալու համար:
Տոնախմբությանը մասնակցեցին «Արորդիների Ուխտ»-ի քրմերը, Հայ Արիական Միաբանության և «Հանուն Հայրենիքի» հ/կ-ի անդամները, տասնյակ անհատ արորդիներ:
 

Շարունակել կարդալ

Յօգա գիտությունը ըստ Պատանջալիի

Գլուխ 1. Վասն ինքնահաստատման

1.1. Ահավասիկ, Յոգայի ստույգ բացատրությունը:
1.2. Յոգան գիտակցության վերցնցումային վիճակն է:
1.3. Դա Էության բնական վիճակն է:
1.4. Այլ ժամանակ Էությունը միաձուլվում է ցնցումներին:
1.5. Կա ցնցումների 5 տեսակ, – ցավագին և հաճելի:
1.6. Դրանք են՝ իմացությունը, մոլորությունը, երևակայությունը, թմբիրը և հիշողությունը:
1.7. Ուղղակի ընկալումը, փորձը և հեղինակավոր աղբյուրը՝ իմացության սկզբունքն է:
1.8. Մոլորությունը – իրականությամբ չհաստատվող կեղծ իմացությունն է:
1.9. Երևակայությունը – փորձով չհաստատված մտքերի հոսքն է:
1.10. Թմբիրը – սկզբունքներից նահանջելու հետևանքն է:

Շարունակել կարդալ

Բաց նամակ

ՀՀ նախագահ Ռ. Քոչարյանին
ՀՀ վարչապետ Ս. Սարգսյանին
ԱԺ նախագահ Տ. Թորոսյանին
Լեզվի պետական տեսչության պետ Լ. Միրզոյանին
 

Փետրվարի 7-ին, «Հայլուր»-ի գիշերային թողարկման ընթացքում (ժամը 21.30-22.00-ի սահմաններում) լրատվական ծրագրին հյուրընկալել էր «Ռուսական աշխարհ» հիմնադրամի գործադիր տնօրեն Վյաչեսլավ Նիկոնովը: Ամբողջ հարցազրույցի ընթացքում հայ լրագրողը հյուրի հետ խոսեց ռուսերեն: Սրանով հանրային հեռուստաընկերության պատասխանատուները բացահայտ ու լկտիաբար ոտնահարեցին ՀՀ Սահմանադրությամբ ամրագրված մեր պետական՝ հայոց լեզվի իրավունքները՝ քամահրելով ինչպես հեռուստադիտողների, այնպես էլ պետբյուջեին հարկատու բոլոր ՀՀ քաղաքացիներին: Դեռ քիչ է, որ հարցազրույցն անցկացվեց ռուսերեն, հյուրն իրեն տանտիրոջ պես պահելով նախընտրական քարոզ էր անում մի թեկնածուի օգտին՝ մեղմորեն քննադատելով մեկ ուրիշին:


Շարունակել կարդալ

Երկու շնորհավորանք

Անդրանիկ ԱթոյանՀայրապետ Վարդանյան

 
Փետրվարի 6-ին լրացավ Ռուսաստանի Դաշնությունում ՀԱՄ կառույցի պատասխանատու Անդրանիկ Աթոյանի 40-ամյակը եւ ՀԱՄ Արարատի մարզի կառույցի ղեկավար Հայրապետ Վարդանյանի 54-ամյակը:
Հայ Արիական Միաբանության Գերագույն Խորհուրդը շնորհավորում է նվիրյալ արորդիներին՝ մաղթելով արիացու առողջություն, անձնական ու ընտանեկան հաջողություններ եւ՝ մեծագործություններ ազգային կյանքում:


Շարունակել կարդալ

Հայտարարություն նախագահական ընտրությունների մասին

ՀԱՄ


Ընթացքի մեջ է ՀՀ նախագահի ընտրության նախընտրական արշավը: ՀՀ նախագահ ընտրվելու համար առաջադրված 9 թեկնածուներն էլ ներկայացրել են իրենց ծրագրերն ու նպատակները:

Հայ Արիական Միաբանության Գերագույն Խորհուրդը ՀԱՄ Երեւանի քաղաքային ու մարզային խորհուրդների հետ քննարկել է բոլոր թեկնածուների առաջադրման նպատակներն ու ծրագրային դրույթները, նման քննարկումներ արել են նաեւ «Ուխտ Արարատի» եւ «Հանուն Հայրենիքի» կազմակերպությունները: Սույն հայտարարության համար հաշվի են առնվել նաեւ ՀՀ նախագահի 9 թեկնածուների անցյալն ու ներկա գործունեությունը:

Վերոնշյալ կազմակերպությունների ղեկավար խորհուրդները հայտնում են, որ բոլոր թեկնածուներն էլ իրապես ունեն լավ ու վատ կողմեր, կատարած գործեր ու սխալներ, սակայն բոլորն էլ հեռու են ինչպես հայ-արիների դավանած, այնպես էլ ճշմարիտ ազգայնական գաղափարախոսությունից, ինչն էլ նախ եւ առաջ պատճառ է հանդիսացել երկար ժամանակ ուսումնասիրելու առաջադրված թեկնածուների նախընտրական ծրագրերն ու ասելիքը, որն ամփոփվել է հունվարի 30-ի ՀԱՄ ԳԽ ընդլայնված նիստում, որին մասնակցել են «Ուխտ Արարատի» եւ «Հանուն Հայրենիքի» կազմակերպությունների լիազոր ներկայացուցիչները: Եվ ըստ այդմ՝

Հայ Արիական Միաբանության, «Ուխտ Արարատի» եւ «Հանուն Հայրենիքի» կազմակերպությունների ղեկավար խորհուրդները որոշել են.

1. Չսատարել ՀՀ նախագահի թեկնածու առաջադրված 9 թեկնածուներից ոչ մեկին:

2. Չսատարելու պարզաբանումը ներկայացնել հանրությանը ԶԼՄ-ների միջոցով՝ հայտարարությամբ:

3. Հանձնարարել՝ Հայ Արիական Միաբանության, «Ուխտ Արարատի» եւ «Հանուն Հայրենիքի» կազմակերպությունների անդամներին եւ համակիրներին, մասնակցել փետրվարի 19-ին կայանալիք ՀՀ նախագահի ընտրությանը, տեր լինելով սեփական ձայնին, դեմ քվեարկելով բոլոր թեկնածուներին:

Հայ Արիական Միաբանության, «Ուխտ Արարատի» եւ «Հանուն Հայրենիքի» կազմակերպությունների ղեկավար խորհուրդները պարզաբանում են, որ չեն սատարում՝ …

Շարունակել կարդալ

Հրավիրում ենք լրատվամիջոցներին

Հինգշաբթի օրը՝ հունվարի 31-ին, ժամը 11:30-ին, Հայ Արիական Միաբանության նոր գրասենյակում կկայանա մամլո ասուլիս, որում կներկայացվի ՀԱՄ ԳԽ և մի շարք կազմակերպությունների տեսակետը՝ ՀՀ նախագահի ընտրությունների եւ թեկնածուների վերաբերյալ:

ՀԱՄ կենտրոնական գրասենյակի նոր հասցեն է՝ Ագաթանգեղոսի – 7 շենք, սենյակ 241 (շենքի վերջին մուտք, 2-րդ հարկ):
Գրասենյակը գտնվում է «Այրարատ» տոնավաճառի (Կինո-«Ռոսիա») կողքի միակ բարձրահարկ շենքում:
Լրացուցիչ տեղեկությունների համար կարող եք զանգահարել ՀԱՄ կենտրոնական գրասենյակ 52-38-75 եւ ՀԱՄ առաջնորդի մամլո խոսնակ Արմենուհի Մելքոնյանին 091-49-64-51:

Հայ Արիական Միաբանության
Լրատվական կենտրոն
30.01.2008թ.

Շարունակել կարդալ

Ցավակցական

Քուրմ Արա



44-ը չբոլորած երկրային կյանքից հեռացավ «Արորդիների Ուխտ»-ի օծյալ քուրմ Արա (Արայիկ) Լեւոնի Դավթյանը: Քուրմ Արան ծնվել էր 1964թ. հունիսի 2-ին, Երեւանում: Նախնիները Մուշից էին: Նա մասնագիտությամբ նկարիչ էր եւ արվեստի մարդ, աշխատել է ՀՀ հուշարձանների պահպանության վարչությունում՝ իբրեւ գլխավոր մասնագետ Արմավիրի տարածքում: Ամուսնացած էր, ունի որդի եւ դուստր:

Քուրմ Արան մասնակցել է Գառնո տաճարում, Էրեբունիում, Կարմիր բլուրում, Մեծամորում, Զորաց քարերում եւ այլուր անցկացված արիական-հեթանոսական բոլոր միջոցառումներին ու ծեսերին: Քրմական դասի հետ նվիրական այց է կատարել նաեւ մեծն հայորդի Գարեգին Նժդեհի մասունքներին:

Արա Լեւոնի Դավթյանը նվիրյալ արորդի էր եւ նրա հիշատակը վառ կմնա նրա ընտանիքում, նրան չանաչողների սրտերում: Քուրմ Արան երկրորդն է, ում մարմինն այրվելուց հետո կհանձնվի բնության 4 տարրերին՝ կրակին, հողին, օդին, ջրին (Գառնո ձորում եւ Արագածի փեշերին): Առաջինը՝ տարիներ առաջ երկրային կյանքից հեռացած քրմապետ Սլակ Կակոսյանն էր:

Քրմերը հունվարի 23-ին հոգեհանգստի արարողություն կատարեցին նաեւ Կարմիր բլուրում:

Գնաս բարով դեպ ոգեղենություն՝ մեր արորդի եղբայր:

Հայ Աստվածներն ու փառահեղ նախնիք պահապան հոգուդ:


«
Արորդիների Ուխտ»-ի քրմական դաս
Հայ Արիական Միաբանություն
«

Հանուն Հայրենիքի» կազմակերպություն
«Ուխտ Արարատի» (ԱՍԱԼԱ-ի նախկին քաղբանտարկյալներ ու ազատամարտիկներ) կազմակերպություն
«Նժդեհյան ցեղակրոն» կուսակցություն
ԱՄՆ-ից «Հայ Արիական Բռունցք», «Սփյուռք-Դիասպորա» եւ «Հայկական ծագումնաբանական ընկերակցություն» կազմակերպություններ:
Միանում ենք վերոնշյալ կազմակերպություններին եւ ցավակցում քուրմ Արայի ընտանիքին, հարազատներին:
«Լուսանցք»-ի խմբագրակազմ Շարունակել կարդալ

Միջազգային վարկատու հաստատությունները աղքատացնում են

 ԽՍՀՄ-ից անկախություն հռչակելուց ի վեր տնտեսական ցեղասպանություն է կատարվում ՀՀ-ում: Միջազգային ֆինանսական հաստատությունների կառուցվածքային փոփոխությունների ծրագրերը նպատակ են հետապնդում միջազգայնացնել երկրի մակրոտնտեսական քաղաքականությունը եւ այն դնել Միջազգային դրամական հիմնադրամի (ՄԴՀ) եւ Համաշխարհային դրամատան (ՀԴ) անմիջական ղեկավարության ներքո: Պատմության որեւէ այլ շրջանում «ազատ» շուկան այնքան մեծ դեր չի խաղացել «ինքնիշխան» պետությունների ճակատագիրը տնօրինելու հարցում, ինչքան այսօր:

Անցած երկու տասնամյակների ընթացքում ՄԴՀ եւ ՀԴ կողմից զարգացող երկրներին պարտադրված «մակրոտնտեսական կայունացման» եւ «կառուցվածքային կանոնավորման» ծրագրերը (որպես արտաքին պարտքերի վերանայման պայման) հարյուր միլիոնավոր մարդկանց հասցրել են աղքատության: Հակառակ Բրեթըն Վուդի համաձայնագրի, որը նախատեսում էր «տնտեսական վերակառուցում» եւ հիմնական տարադրամների համաշխարհային գների կայունացում, կառուցվածքային կանոնավորման այս ծրագրերը մեծապես նպաստել են ազգային տարադրամների ապակայունացմանն ու զարգացող երկրների տնտեսության քայքայմանը: Դեռ ավելին, այդ ծրագրերի ազդեցությունը զարգացող երկրների հասարակության վրա ավերիչ է եղել:

ՄԴՀ-ն եւ ՀԴ-ն կարողացել են դանդաղեցնել ՀՀ տնտեսական զարգացումը՝ վարկեր տրամադրելով:

ՄԴՀ-ն ուշադիր հետեւում է Կենտրոնական դրամատան գործունեությանը եւ միջոցներ տրամադրում դրա վերակառուցման համար: Սա նշանակում է, որ պետության փոխարեն ՄԴՀ-ն է տնօրինում երկրի դրամական քաղաքականությունը, որը նրան հնարավորություն է տալիս անդամալուծել տնտեսական զարգացման ֆինանսավորումը: Ներքին տնտեսական հնարավորությունները դրամական քաղաքականությամբ խթանել չկարողանալով՝ երկիրը դառնում է ավելի ու ավելի կախված վարկի միջազգային աղբյուրներից, որի հետեւանքներից մեկը մեծացող արտաքին պարտքն է:

Շարունակել կարդալ

Մասոնականության քողի գաղտնիքները

 Մեր թերթի էջերում, մանավանդ այն օրից, երբ Երեւան ժամանեցին «Մեծ Արեւելք» մասոնական օթյակի անդամները, բազմիցս անդրադարձել ենք մասոնականությանը, դրա նպատակներին ու բացասական ազդեցությանը հայ ազգի պատմության ընթացքին: Անդրադարձերի անհրաժեշտությունը կարեւորում ենք հատկապես այն գործոնով պայմանավորված, որ դրան այսօր էլ կուլ են գնում մեր հայրենակցները՝ հաճախ չհասկանալով ու, ավելին, երբեմն նաեւ հպարտանալով այդ օթյակներին իրենց անդամակցությամբ: Մինչդեռ…

Մասոնական կազմակերպություններին անդամակից եւ հարող մարդկանց մեծամասնությունը հիմնականում տեղյակ չէ, թե իրականում ինչ է ուսուցանում ու իրականացնում մասոնականությունը: Մասոնական եւ նմանատիպ գաղտնի կազմակերպություններին անդամագրվելը հաճախ կատարվում է հասարակական ու բարեգործական նպատակներով, որոշ դեպքերում էլ անդամագրվում են անձնական շահերից ելնելով: Թափանցելով մասոնական օթյակ՝ մարդիկ հանդիպում են բազմաթիվ նշանների, խորհուրդների, որոնք ունեն տարատեսակ գաղտնի նշանակություններ: Նույնիսկ մասոնական առաջնորդները շատ լավ գիտակցում են, որ իրենց կազմակերպություններին անդամագրվող մարդկանց մեծամասնությունը իրականում չի գիտակցում մասոնականության ուսմունքի բուն էությունը: Պարզապես շատերն են ուզում «վերեւներին» մոտ լինել ու, իրենց կարծիքով, ըստ այդմ՝ նաեւ ապահով:

Փաստորեն մասոնականությունը գիտակցաբար մոլորեցնում է մասոնական օթյակներ նոր անդամագրված անձանց՝ նրանցից թաքցնելով մասոնականության իրական ուսմունքը, նպատակները, իսկական դեմքը…

Շարունակել կարդալ

Ինչպես շնորհավորում են, այնպես էլ տոնում են

 Տոներ բոլորն են սիրում: Խնդիրը մեկն է: Հաջողվու՞մ է այդ տոնը իսկապես տոն դարձնել, թե՞ տոնում են, որովհետեւ բոլորն են տոնում, ասել է թե՝ պետք է: «Լուսանցք»-ը 2007թ. դեկտեմբերի 31-ի դրությամբ ուսումնասիրեց քաղաքական ուժերի կայքէջերը՝ դիտարկելու, թե որ կազմակերպությունն ինչպես է շնորհավորել մեր ժողովրդին Ամանորի կապակցությամբ: Պարզվեց՝ շատ քչե’րն իրապես մաղթանք ունեն հենց ժողովրդի համար: Կազմակերպությունների մեծ մասը մաղթել էին… առաջիկա ընտրություններում սեփական-նեղ անձնական ցանկությունները:

Առաջ անցնելով ասենք. քաղաքական շատ կուսակցություններ, այդ թվում մեծ հավակնություններ ունեցող, կայքէջ չունեն: Տեղեկատվական այս դարում քաղաքական լուրջ նկրտումներ ունեցող ուժերի համար կայքէջ չունենալը պարզապես զարմանալի է: Որոշ կուսակցություններ էլ, ճիշտ է, կայքէջ ունեին, բայց մաղթանք չունեին՝ հավանաբար նախընտրական թոհուբոհում դրա համար ժամանակ չունենալով:

Շարունակել կարդալ

Խորհուրդ Արարատի

1. Արարչագործության Խորհուրդ է Արարատը՝ ԱՐԱՐ-ԱՏ /տեղ/՝ Արարման վայր: Արարատը հենց Հայկական Լեռնաշխարհն է:

2. Արարատը ցամաքային կղզի է: Դրանով արդեն նա առանձնանում է Երկրի ընդհանրությունից: Արարատը Տիեզերական Էներգետիկ Դաշտի խտացումն է Երկրի վրա: Եվ Արարատի Հողը պայմանականորեն է հող կոչվում: Նա տարբերվում է Երկրի հողից:

3. Արարատի Հողը իր մեջ կրում է եւþ տիեզերական, եւ’ երկրային հատկանիշներ: Արարատը հագեցած է բավական բարձր ռադիոակտիվ լիցքավորումով, որ հատուկ չէ Երկրին:

4. Եթե ամբողջ Երկրի հողը հիմնականում կրում է բացասական էներգիա, ապա Արարատը իր մեջ ունի եւþ դրական, եւþ բացասական էներգիա:

5. Եվ Արարատը դրական էներգիայով կապված է Տիեզերական Էներգետիկ Դաշտի հետ, իսկ բացասական էներգիայով կապված է Երկրի հետ:

6. Արարատը Երկրի վրա այն կենսավայրն է, որի միջոցով Երկիրը միանում է տիեզերական ամբողջությանը, կապվում է Տիեզերական Զորություններին եւ կենսական սնունդ ստանում մշտապես:

7. Եվ հենց Արարատում են Աստվածամարդերի համար ապահովված կենսական ամենանպաստավոր բնական պայմանները:

8. Հենց Արարատում է Երկրի տաքության ու սառնության, լույսի ու խավարի համաչափ հարաբերությունը հաստատված:

9. Արարատից դեպի հարավ տաքության ու սառնության, լույսի ու խավարի համաչափությունը խախտվում է հոգուտ տաքության եւ լույսի: Եվ որքան հեռանում ենք Արարատից, այնքան պակասում են սառնությունն ու խավարը, այնքան ավելանում են տաքությունն ու լույսը: Եվ Արարատից որքան հեռանում ենք դեպի հյուսիս, այնքան պակասում են տաքությունն ու լույսը, եւ ավելանում են սառնությունն ու խավարը:

10. Միայն Արարատում է օրինաչափորեն ընդգծված տարվա բոլոր չորս եղանակների հաջորդականությունը: Իսկ Արարատից դուրս տարվա եղանակները ընդգծված չեն, եւ աստիճանաբար չեզոքանում է նրանց անցումը:

Շարունակել կարդալ

Շնորհավորանք

Արմեն Ավետիսյան

Հունվարի 15-ին լրացավ Հայ Արիական Միաբանության առաջնորդ Արմեն Ավետիսյանի 45-ամյակը: Սրտանց շնորհավորում ենք ու մաղթում արևաշող կյանք, առողջություն և հաջողություններ անձնական կյանքում ու գործունեության մեջ:

ՀԱՄ Գերագույն Խորհուրդ
Բարեմաղթանքներին միանում են նաև այլ կազմակերպություններ ու անհատներ և ՀԱՄ առաջնորդին ցանկանում են մեծ տոկունություն, կամք ու անմար, հաղթաբեր արիական հավատ` մեր ընդհանուր նպատակներին հասնելու համար… 

ԱՄՆ-ից

Հայ Արիական Բռունցքը ԱՄՆ-ից
ԱՄՆ «Լոռի» հայրենակցական միություն
Հայկական Ծագումնաբանական Ընկերակցություն
Սփյուռք-Դիասպորա կազմակերպություն

Հայաստանից
Հանուն Հայրենիքի կազմակերպություն
Աբովյանի Ազգային Ուժերի Միացիալ Դաշինք
Նժդեհյան Ցեղակրոն կուսակցություն
Հայրենիք-Սփյուռք կազմակերպություն
Արորդիների Ուխտի քրմական դաս
Ուխտ Արարատի-ԱՍԱԼԱ
Ազգային արժեքների պաշտպանության հանձնախումբ
"Հայ-Արիներ" ամսաթերթի և "Լուսանցք" շաբաթերթի խմբագրակազմեր

Ռուսաստանից
ՌԴ ՀԱՄ կառույց

Բազմաթիվ Անհատներ Հայաստանից ու Սփյուռքից

Շարունակել կարդալ

Ցավակցական

Հայ Արիական Միաբանությունը ցավակցում է «Ժողովրդավարական ուղի» կուսակցության նախագահ Մանուկ Գասպարյանի ընտանիքին ու մտերիմներին՝ իրենց հարազատի, քաղաքական գործչի անժամանակ մահվան կապակցությամբ:
Մանուկ Գասպարյանը ե’ւ որպես գործարար, ե’ւ որպես ԱԺ պատգամավոր, ե’ւ որպես հասարակական-քաղաքական գործիչ մշտապես եղել է ժողովրդի հետ, ժողովրդի կողքին: Նա իր աջակցությունն է ցուցաբերել նաեւ ՀԱՄ առաջնորդ Արմեն Ավետիսյանի ձերբակալության ժամանակ, երբ իր պատգամավորական ստորագրությունն էր դրել ազգայնական գործչին իր պատասխանատվությամբ ազատ արձակելու նպատակով:
Վստահ ենք՝ Մանուկ Գասպարյանի հիշատակը վառ կմնա նրան ճանաչողների սրտերում:

Հայ Արիական Միաբանության
Գերագույն Խորհուրդ
10.01.2008թ.

 

Շարունակել կարդալ