Հնդկական Աստվածներ

Սկիզբը՝ թիվ 9-ում

http://www.hayary.org/wph/?p=4721 – Արարչական Համակարգի մյուս Բնածին Աստվածները (1-ին մաս) – Հնդկական Աստվածներ… Արմեն Ավետիսյան, Հայ Արիական Միաբանության առաջնորդ

– http://www.hayary.org/wph/?p=4708 – Հայ Աստվածների փնտրտուքը՝ բնածին ու արհեստածին հավատալիքների սահմանագծին (ամբողջական հոդվածը) – Արմեն Ավետիսյան, Հայ Արիական Միաբանության առաջնորդ  (ամբողջական հոդված) – …Հայ Աստվածները – Հայոց Աստվածային Համակարգ.- 1. Հայր Արա – Հայր (Գերագույն) Աստված, Աստվածահայր: 2. Մայր Անահիտ – մայրության եւ պտղաբերումի Աստվածուհի, Աստվածամայր: 3. Վահագն – ռազմի ու զորության Աստված: 4. Աստղիկ – սիրո (նաեւ գեղեցկության) Աստվածուհի: 5. Միհր – արդարադատության Աստված: 6. Նանե – ողջախոհության Աստվածուհի: 7. Տիր – իմաստնության (դպրության ու գիտության) Աստված: 8. Վանատուր – հյուրընկալության եւ հյուրասիրության (օջախի) Աստված…

Ի դեպ, տեսակետ կա, որ հայկական ՎԱՀԱԳՆ-ի պես հնդիկներն իրենց ուժի եւ զորքերի Աստծուն անվանում են ԱԳՆԻ, բայց միայն Երկրի վրա՝ շփոթություն առաջացնելու նպատակով: Հնդարիականությունից մշտապես օգտվող ռուսներն էլ ունեն ԱԳՈՆՅ (ԿՐԱԿ) անունը: Միայն հնդկական անվանափոխությունները չեն, որ վաղուց շփոթ են ստեղծել Աստվածների «սեփականացման» հարցում: Տեսակետ կա նաեւ, որ Վահագն անունն առաջացել է սանսկրիտ (իսկ այս հնագույն լեզուն միայն հայերեն է կարդացվում) «վահ» (բերող) կամ «վհա» (բոց, աստղ) եւ «ագնի» (կրակ) բառերից, հետո են սկսել նույնացնել հնդիրանական Վերեթրագնա, Վայու, Վաե վեհ աստվածությունների անուններին։ Փորձեր են արվել նաեւ՝ Վահագնի անունը «առաջացնել» հին հնդեվրոպական «Բահագին» (Աստված) գաղափարանուններից՝ «բ» հնչյունը «վե»–ի փոխվելու սովորական օրինաչափությամբ։ Դա արել են, քանի որ Վահագնը անձնավորել է դիցաբանական հար եւ նույն գաղափարը, փառաբանվել նույն մակդիրներով: Եվ հետեւություն է արվում, թե վերջինիս հեթանոս հայերն անվանել են Բահագին կամ Վահագին՝ նրա գաղափարանունը վերածելով հատուկ անվան։ Նշվում է, թե Անանիա Շիրակացու գրի առած մի հինավուրց ավանդազրույցում Հայկի փոխարեն հայոց նախնի եւ սեմական Բել աստծու հակառակորդ է հիշատակվում Վահագնը…

Սակայն, մեզ համար ակնհայտ է, որ այս բոլորը Հայ Աստվածների ՀԱՅԿԱԿԱՆ լինելը կասկածի տակ առնելու համար է արվում, ինչն այլեւս ապագա չունի: Հայ Աստվածների անունների նկատմամբ ոտնձգություններ արել են նաեւ հույները, պարսիկները եւ այլք, անգամ արհեստածին ազգերը, որ հայերից հետո տասնյակ հազարավոր տարիներ հետո են ինքնաստեղծվել… Ի դեպ, հնդկական Թաջ Մահալ դամբարանն այնպիսի բառակազմություն ունի, որի խորհուրդը՝ Թաջ (մեծ, բարձր) – ՄԱՀ (ոգի)- Ա(Ը)Ր (ուխտ), նույնանում է ՄԻՀՐ խորհրդին: ՄԻՀՐ (ՄՀԵՐ) – Ոգու Ուխտի, Հոգեւոր Ուխտի, Դաշինքի Խորհուրդ: Լեզվաբանորեն կազմված է՝ ՄԱՀ (ոգի) բառով եւ ԱՐ (ուխտ) արմատով՝ ՄԱՀ-ԱՐ՝ ՄԻՀ-ԸՐ՝ ՄԸՀ-ԷՐ: Արդեն ասել եմ, որ յուրաքանչյուր Աստվածային Համակարգում Աստվածների թիվը տարբեր է, որին որոշակի անդրադարձել եմ: Հայ Աստվածները 8-ն են, ունեն իրենց հստակ գործառույթները, որոնցով էլ պայմանավորված Նրանց Տիեզերական Զորությունն ու Առաքելությունը: Այսպես է բոլոր Աստվածների դեպքում: Մյուս 6 Աստվածային համակարգերի Աստվածների անուններին կամ թվաքանակին անդրադառնալը շատ դժվար կլինի, քանզի, ինչպես վերը նշեցի՝ անունների ճշմարտության հարցում ունեմ խիստ կասկածներ, ինչը նաեւ կասկածի տակ է առնում Նրանց թիվը նշելու հանգամանքը: Կանդրադառնամ մասնակի, հնարավորինս ամբողջացնելով այս կամ այն Աստվածային Համակարգի մասին պատկերացումը:

Հետաքրքրիր է, որ Հնդկական Աստվածներն ունեն բազում ձեռքեր, ոտքեր եւ մարմնի այլ մասեր: Տեսակետ կա, որ Նրանք այդկերպ հավասարակշռություն են պահպանում Երկրի վրա: Հաճախ այդ Աստվածները պատկերվում են բազում ձեռքերով, հատկապես չար ուժերի դեմ պայքարում: Դա նաեւ անհավանական ուժ է նշանակում եւ շատ գործեր միաժամանակ կատարելու ունակություն: Բայց կա նաեւ իմաստասիրական խնդիր՝ օրինակ՝ Շիվա Աստծո մի զույգ ձեռքը խորհրդանշում է հավասարակշռություն կյանքի եւ մահվան միջեւ, մյուս զույգը՝ պայքար բարու եւ չարի միջեւ, երրորդը՝ առարկայական (օբյեկտիվ) ու ենթակայական (սուբյեկտի) ճշմարտությունները, չորրորդը՝ աշխարհի ստեղծումն ու կործանումը: Շիվան ճակատին ունի նաեւ երրորդ աչք, որ խորհրդանշում է աստվածային իմաստություն, ներկան, անցյալն ու ապագան միաժամանակ տեսնելու ունակություն կամ Երկնքում, Երկրի վրա եւ դրա տակ տեղի ունեցող իրադարձությունները հսկելու կարողություն: Իսկ երեք գլուխները նրա բնավորության տարբեր կողմերն են. աստվածայնություն, անընկճելիություն ու հավիտենականություն:   Continue reading →

Հայոց Ամանորի Վահագնականչը՝ Արեւելյան ու Արեւմտյան Հայաստան-ներ ում

Մարտի 21-ին Հայ Արիական Միաբանության Հոգեւոր հանձնախմբի Քրմական դասի ներկայացուցիչները Հայոց Ամանորի օրը խմբերի բաժանված ծիսական արարողություն կատարեցին Արեւմտյան Հայաստանի Մշո գավառի Աստղկա բերդի տարածքում եւ Արեւելյան Հայաստանի Գեղամա լեռնաշղթայի Աստղոնք լեռան վրա: Յուրաքանչյուր վայրում ծեսն արեցին երեքական քրմեր: Այգաբացին Աստղկա բերդից տիեզերահաղորդ սրբազան ծեսը Աստղիկ Աստվածուհու սիրո ուժով ուղղորդվվեց դեպի Աստղոնք լեռը, որտեղ հայ արիները Վահագնականչով շարունակեցին հաղորդակցվել Տիեզերաազդակ Ծեսին՝ այն վերածելով Գարնանային տոնի՝ Ամանորի:

Աստղկա բերդից Աստղոնք լեռ. զուգահեռ սբազան ծեսը Աստղիկ Աստվածուհու սերը նոր ուժով կտա Վահագն Աստծուն՝ ի զորություն Ռազմի Աստծո եւ ի զորակցություն Հայոց աշխարհի, հատկապես՝ Հայ ռազմիկների: Ծեսն ամբողջ ընթացքում ուղղորդվեց վիշապազարդ գավերից գինըմպումով՝ ի նշան Վահագնի կողմից վիշապի հերթական սանձահարման, հնազանդեցման: Զուգահեռ նույն աստիճանի թեքումով բարձրացվեցին թրերը՝ ի անխախտ պաշտպանություն Հայոց երկրի:

Հայ արի քրմերը ծեսով Ռազմի Աստծո զորությունը հղեցին ներկայիս Հայաստանի սահմաններում հայկական դիրքերը անառիկ պահող զինվորին՝ Վահագն Աստծուց խնդրելով զինվորի համար մտքի ու բազկի համադրելի զորությունը: Հատուկ ծես արվեց նաեւ մարտական գործողություններում նահատակված եւ մասնակից հայորդիների համար:

Այսպես Հայարիական Ամանորը տոնեցին յուրահատուկ ծեսով եւ հայրենատիրության ու ազգահավաքի կանչով: Աստղոնքի գագաթին (3470 մ) զարդարվեց  (ծառզարդար) լեռ բարձրացրած տոնական ծառը՝ տոնածառը եւ փառաբանվեցին Տիեզերքի Արարիչն ու Հայ Աստվածները: Հենց այդ օրը (Բ)Արի Վահագնի եւ Չարի Վիշապի ահեղ մարտի հուր-բոցերի ներքո՝ հայ արիների ծիսական աջակցությամբ Հայկական լեռնաշխարհում իր իրավունքները հաստատեց Գարունը՝ Նոր Տարին՝ Բնության Նոր Կյանքը…

Հուր Վահագնը (դրական) էներգիայի (լիցքերի) խորհուրդն է Տիեզերքում, իսկ Երկրի վրա՝ հայ արիների զորության եւ ուժի հովանավորը: Գարուն է բերում Վահագնը աշխարհին՝ շարունակելով Տիեզերական Գարնան արձագանքները Հայ Տեսակի առաքելության վերաիմաստավորման ճանապարհին:   Continue reading →

Տավուշի մարզպետ Հովիկ Աբովյանին, Դիլիջանի քաղաքապետ Արմեն Սանթրոսյանին,  պատճենը՝ ՀՀ մշակույթի նախարար Հասմիկ Պողոսյանին

Հարգելի բարեկամներ.

Նժդեհյան նվիրական ուխտավայրերի պատկառելի շարքում (մասունքատեղիներ Խուստուփ լեռան լանջին, Սյունիքի մարզ, 1983թ-ից, Սպիտակավորի Սուրբ Աստվածածին վանքի բակում, Վայոց ձորի մարզ,1987թ.-ից, Կապանի Նժդեհանուն հուշահամալիրում, Սյունիքի մարզ, 2005թ.-ից) ամենահինը գտնվում է ձեր վարչական իրավասության տարածքում: Խոսքը եւ մեր խնդրանքն էլ վերաբերում են Դիլիջան քաղաքի հին գերեզմանատանը համեստորեն ծվարած՝ Գարեգին Նժդեհի պաշտասուն Մայր կամ, ինչպես ժողովուրդն է ասում, Սրբամայր Տիրուհի (Խաթայի) Գյուլնազարյանի (1855-1938) շիրմին: Եթե հաշվի առնենք, թե ինչպիսի տառապանքներով է բռնադատվել թրքաբոլշեւիկյան կայսրության գաղափարափար ախոյան ու գերեզմանափոր Գարեգին Տեր-Հարությունյանի ամբողջ գերդաստանը, ընդհուպ որ՝ Խորհրդային Հայաստանի սահմաններից արտաքսվել է անգամ գերդաստանի Մատրիարքը՝ Նժդեհի ծեր ու հիվանդ Մայրը, ապա կարելի է եզրահանգել, որ Իր շիրիմն ուղղակի Արարչի հայահաճ կամոք ու մեծագույն հրաշքով է պահպանվել: Մյուս կողմից՝ մեր հիմնավոր համոզմամբ, նույն Սրբամայրն է Յուր իսկ որբացյալ վերջին զավակի անդրանիկ ուխտագնացը. եւ, «առնական, խիզախ» նշանակող Անդրեաս անուն առաքյալի պես, ամեն առումով ողջամնա Նախավկան էլ հենց ինքն է՝ Մեծամեծն Հայորդին ու Համամարդը. «Կալանավոր էի ցարի օրով, եւ մայրս ամեն կիրակի ինձ այցի կու գար հեռավոր գյուղից, կու գար ոտքով: Իր նիոբեական վշտից ազդված՝ կը զայրանայի, որ ինձ համար կը նահատակե իր անձը:   Continue reading →

Եվրասիականությունը դարձել է մի ռազմա-քաղաքական ուղղություն, որը Մոսկվային օդ ու ջրի պես անհրաժեշտ է: Ռուսաստանը երկբեւեռ աշխարհի կերտման ճանապարհին այլեւս ետդարձի կամուրջներ չունի եւ ամեն գնով պետք է ավարտին հասցնի այս նախագիծը:

Իհարկե, Հայաստանը պիտի նպաստի երկբեւեռ աշխարհի առաջացմանը, սակայն այդ ճանապարհին պիտի հստակ շարունակի արտաքին փոխլրացնող քաղաքական գիծը: Միաժամանակ, պետք է ուշադիր լինել Մոսկվայի քայլերի նկատմամբ, որովհետեւ ամեն գնով նպատակին հասնելու ճանապարհին կարող են անտեսվել հայկական շահերը: Իսկ նման պատմական փորձ մենք ունենք եւ այն կրկնելու կարիք չկա, հատկապես՝ Հայոց ցեղասպանության 100-ամյա տարելիցի շեմին: Մոսկվայի երկակի խաղերը չեն կարող բավարարել մեզ, ինչպեսեւ՝ Արեւմուտքի, եւ Անկարայի ու Բաքվի հետ քաղաքական ֆլիրտներն անգամ պետք է դիտարկել որպես հայավնաս երեւույթներ:

Պետք է նշել, որ պաշտոնական Երեւանը ցայսօր արտաքին փոխլրացնող քաղաքականությունում հասցնում է հետեւել ու համադրել միջազգային գործընթացները: Ի տարբերություն ներքին քաղաքական ոլորտի, որտեղ, ցավոք, բացթողումներ կան, անգամ ակնհայտ, արտաքին հարցերում մեր իշխանությունները կարողանում են հայանպաստ գիծն առաջ տանել ինչպես Ռուսաստանի, այնպես էլ Արեւմուտքի հետ:

Բայց միշտ պետք է հիշել, որ միջազգային ասպարեզում կայուն եւ մնայուն գործելու համար պետք է կայացնել ու կայունացնել նաեւ պետության ներքին կյանքը: Անհրաժեշտ է խիստ ազգային ներքին կյանք ձեւավորել՝ միջազգային արտաքին ոլորտի հետ համադրություններին զուգահեռ նաեւ նպատակային հակադրությունների գնալու համար, ինչը, ըստ իրավիճակի, երբեմն խիստ կարեւոր է դառնում:

Պետք է կրկնեմ հայ արիների այն հայտարարությունը, որտեղ նշված է. որ ԱՊՀ-ն վաղուց է սկսել առավել հաճախ աշխատել հօգուտ ոչ ԱՊՀ-ական Ադրբեջանի ու Թուրքիայի, քան ԱՊՀ գործուն անդամ եւ ՀԱՊԿ ռազմական գործընկեր Հայաստանի: Սա, իհարկե, միայն Մոսկվայի մեղքով չէ, բայց առավելապես ռուսական մեղքի բաժին կա այս հարցում: Եթե Ռուսաստանը զենք է վաճառում Հայաստանի թշնամի Ադրբեջանին, որը ամեն րոպե պատրաստ է պատերազմը վերսկսել, ապա Բելառուսն ու Ղազախստանը արդեն ոչ մի խնդիր չունեն Բաքվին զենք վաճառելու հարցում, ինչն էլ անում են… Իսկ Ռուսաստան-Ղազախստան-Բելառուս եռյակը ԵՏՄ առանցքն է, Եվրասիականության հիմքը, որը փորձում են հակակշիռ դարձնել Եվրամիությանը: Երեւանը իր քաղաքական գծին հավատարիմ անդամագրվեց ԵՏՄ-ին, ինչը փորձում է անել նաեւ ԵՄ-ի հետ: Բայց պետք է զգուշությունը կրկնապատկել, քանզի 2 կողմերում էլ կան երկրներ, որ Հայաստանին փորձում են մղել խորթ զավակի կարգավիճակի:   Continue reading →

Վերջերս Վլադիմիր Պուտինի հրամանով մարտական տագնապով մարտական պատրաստության էին բերվել (ինչը գուցե պարբերաբար կրկնվի) Հյուսիսային նավատորմը, Արեւմտյան ռազմական օկրուգի առանձին զորամիավորումները եւ ռազմաօդային դեսանտը: Այս մասին հայտարարել էր երկրի պաշտպանության նախարար Սեգեյ Շոյգուն: Ընդհանուր առմամբ, տագնապին ներգրավվեց 38 հազար զինծառայող, 3360 միավոր մարտական տեխնիկա, 41 նավ, 15 սուզանավ, 110 օդանավ եւ ուղղաթիռ:

Տագնապն ուսումնավարժական էր ու հետապնդում էր զորքի պատրաստվածությունը ստուգելու նպատակ: Մասշտաբային այդ ստուգումն իրականացվեց Ռուսաստանի համար այնպիսի մի ժամանակահատվածում, երբ հրապարակային բոլոր միջոցառումներից «անհետացել» էր Վլադիմիր Պուտինը, եւ Ռուսաստանն ավելի քան 10 օր կարծես գտնվում էր «ստվերային կառավարման» փուլում: Անգամ խոսում էին, թե հայտնի չէ՝ նախագա՞հն է կառավարում Ռուսաստանը, թե՞ ուրիշները՝ նրա միջոցով, կամ՝ առանց նրա: Ստեղծվեց մի խորհրդավոր վիճակ, ինչը, մեր կարծիքով, պիտի պարզեր՝ ինչքան են վախենում Ռուսաստանից Արեւմուտքում … Եթե Մոսկվան ցույց տա, որ կարող է հանկարծ անկառավարելի դառնալ:

Ընդհուպ շրջանառվեցին վարկածներ, որ Ռուսաստանում իշխանական հեղաշրջում են իրականացրել ուժային կառույցները, եւ նրանք փորձում են իրենց կամքը թելադրել երկրի նախագահին, այդպիսով՝ նաեւ աշխարհին: Նույնիսկ խոսում էին, թե ով է փոխարինելու «նախկին» նախագահին: Բոլոր վարկածները ցրելու տարբերակ կար, եթե պարզապես հայտնվեր Ռուսաստանի ղեկավարը… Սակայն խորհրդավոր ուշացումը խնդիր ուներ լուծելու: Իսկ «անհետացած» նախագահի «անտեսանելի» հրամանագիրը զորական մասշտաբային տագնապի մասին՝ արդեն «թաքնագիտական» քայլի պիկն էր: Ուշագրավ է, որ մարտի ակզբներին էլ Ռուսաստանը ծավալուն զորավարժություն էր իրականացնում հարավային օկրուգում, որին ներգրավված էր անհամեմատ ավելի քիչ թվով զինծառայող՝ 2000:

Իսկ Ռուսաստանի նախագահն ավելի խորն էր գնացել դեռ հակամարտության սկզբում: Համաշխարհային 2-րդ բեւեռը պահելու ճանապարհին նա անգամ ակնարկել էր միջուկային հարվածների մասին: «Ղրիմ. Ճանապարհ դեպի հայրենիք» ֆիլմի համար տված հարցազրույցում նա նշել է, որ Կիեւում տեղի ունեցած հեղաշրջումից հետո երկրի զինված ուժերը պատրաստ էին իրադարձությունների ցանկացած զարգացման՝ ներառյալ միջուկային ուժերը մարտական պատրաստականության բերելուն: Նաեւ ասել է, որ արեւմտյան գործընկերների կողմից արվող հայտարարություններից հասկանալի չէր՝ արդյոք նրանք իրավիճակից ելնելով չեն պատրաստվում ռազմական միջամտություն իրականացնել:   Continue reading →

Վլադիմիր Պուտինը մարտի 17-ին ստորագրել է Ռուսաստանի եւ Ղրղըզստանի կառավարությունների միջեւ կնքված մի համաձայնագիր, ըստ որի Ռուսաստանը ներում է Ղրղըզստանին մոտ 190 մլն. դոլարի պարտք: Ընդհանուր պարտքը կազմում է 500 մլն. դոլար: Մնացած մասն էլ վերաձեւակերպվել է եւ կվճարվի առաջիկա 20 տարիներին:

Առաջին հայացքից թվում է, թե այս տեղեկատվությունը այնքան էլ կարեւոր չէ, բայց այդպես չէ՝ հատկապես հայերիս համար: Խնդիրն այն է, որ Ռուսաստանը մինչ օրս Հայաստանին ոչ մի լումա չի զիջել, եւ դա այն դեպքում, երբ Ռուսաստանն այլ երկրներին պարտքի ներումներ է շնորհում ուղղակի փաթեթներով:

Համոզվելու համար ուսումնասիրենք, թե ում եւ որքան պարտք է ներել Ռուսաստանը վերջին 20 տարիների ընթացքում՝ օգտվելով ռուսական մամուլում առկա վստահելի տեղեկատվությունից:

Ղրղըզստանին առաջին անգամ չէ, որ Ռուսաստանը պարտք է ներում: Ընդամենը 2 տարի առաջ՝ 2013թ. ապրիլին նույնքան՝ 190 մլն. դոլարի պարտք արդեն ներել էր:

2014թ. հուլիսին Ռուսաստանը ներեց Կուբայի պարտքի 90%-ը: Ընդհանուր պարտքը Ռուսաստանին կազմում էր 35,2 մլրդ. դոլար: Մնացած 3.5 մլրդ. դոլարը Կուբան պետք է վճարի 10 տարվա ընթացքում:   Continue reading →

Երբ ցեղասպանելը արյան մեջ է

Հայոց ցեղասպանության 100-ամյա տարելիցի նախաշեմին, մարտի 24-ին, Հայաստանի Ազգային Ժողովը քվեարկությամբ միաձայն ընդունեց նախորդ օրը քննարկված «Օսմանյան Թուրքիայի կողմից 1915-1923թթ. իրականացված հույների եւ ասորիների ցեղասպանությունը դատապարտելու մասին» ԱԺ հայտարարության նախագիծը, որի հեղինակներն են իշխանական եւ ընդդիմադիր թեւերի պատգամավորներ: Արծարծվեց նաեւ եզդիների եւ այլ ազգերի ցեղասպանության ճանաչման հարցը, սակայն խնդիրը դեռ ուսումնասիրության կարիք ուներ:

Այս հարցերն անչափ կարեւոր են մեր հայենիքը զավթած եւ հայության զգալի մասին ցեղասպանած թուրքերին ընդհանրական պատասխանատվության ենթարկելու համար, հատկապես, որ Անկարան այսօր էլ Իրաքի ծայրահեղ իսլամականների հետ ոչնչացնում է քրիստոնեական արժեքները, հատկապես՝ հայ համայնքի դեմ են ուղղորդում թուրքերն արնախում իսլամականներին: Հիշեցնենք, որ թուրք եւ ադրբեջանցի ահաբեկիչները եւս կռվում են Սիրիայի ու Իրաքի՝ այս բազմազգ երկրների դեմ…

Մեծի Տանն Կիլիկիո կաթողիկոս Արամ Առաջինը, ղպտի եկեղեցու հոգեւոր պետ Նորին Սրբություն Թավատրոս Բ. Պատրիարքը եւ ասորի ուղղափառ եկեղեցու հոգեւոր պետ Նորին Սրբություն Աֆրամ Բ. Պատրիարքը մարտի 19-20-ին հանդիպել են Կահիրում: Քննարկումներից հետո 3 հոգեւոր պետերը միացյալ հայտարարություն են ընդունել, որն անդրադառնում է Միջին Արեւելքի վիճակին, դատապարտում է ծայրահեղականների գործողություններն անմեղ մարդկանց ու հատկապես քրիստոնյա համայնքների նկատմամբ, շեշտվում է իսլամ-քրիստոնյա համակեցության կարեւորությունը՝ փոխադարձ հարգանքի ու վստահության վրա հիմնված, կարեւորվում է արեւելյան ուղղափառ եկեղեցիների ներքին միասնականության ամրապնդումը, Արեւելյան քույր եկեղեցիների աստվածաբանական երկխոսությունը կաթոլիկ, անգլիկան, ուղղափառ եկեղեցիների հետ: Միջին Արեւելքի հոգեւոր պետերի հանդիպումը կարեւորվել է այս վիճակում, երբ նաեւ Անկարան ու Բաքուն են աջակցում իսլամական ահաբեկիչներին: Անդրադարձել են նաեւ Հայոց ցեղասպանության 100-ամյա տարելիցին, ավելի քան 1,5 մլն. հայ նահատակների սրբացմանը: Հոգեւոր պետերը կոչով դիմել են եկեղեցիներին՝ իրենց մասնակցությունը բերելու նշյալ կարեւոր դեպքերին:

Վահագն Նանյան

ԱԺ-ում քննարկվել է Օսմանյան Թուրքիայում եզդիների նկատմամբ իրականացված բռնությունների հարցը

Մարտի 27-ին ՀՀ ԱԺ փոխնախագահ Էդուարդ Շարմազանովի հրավերով Ազգային ժողով են այցելել Հայաստանում եզդիական համայնքի ներկայացուցիչներ Ազիզ Թամոյանը, Բորիս Թամոյանը, Համլետ Սմոյանը, Զուզան Խուբոյանը, Ռուստամ Բաքոյանը, Մամե Ամիրյանը, Գառնիկ Ասատրյանը, Ռզգան Շամոյանը, Ամո Շարոյանը, Խդր Թամոյանը եւ Ռաշիդ Շամոյանը:   Continue reading →

Մինչ գաղտնիքին՝ Նիցշեի իմաստասիրության դեռեւս չնկատված էութենական կողմին անդրադառնալը մեկ-երկու խոսք այն մասին, թե ով է գաղտնիքի հեղինակը ու ինչ դեր է նա կատարել ժամանակի եվրոպական ու հայկական հոգեւոր-մշակութային կյանքում: Եվրոպականի առումով երկու դիպուկ ասույթներ հիշենք. «Իմ սերնդի համար նա դարաշրջանի երկրաշարժն էր եւ լութերից ի վեր խոսքի գերմանացի մեծագույն հանճարը» (Գորֆրիդ Բեն)¹. «Բոլորը, ում բեղմնավորել է Նիցշեն. այնպիսի մեծերը, ինչպիսին Մուզիլն է: Եվ բոլորը, ում նա կույս է թողել. Կաֆկան: Ինձ համար ամեն ինչ որոշվում է այս սահմանափակմամբ: Այստեղ եղել է Նիցշեն: Այստեղ Նիցշեն չի եղել» (Էլիաս Քանետի)²:

Իսկ ինձ մնում է հայկականի առումին,- այս պարագայում մեծամեծ անուններն ինքնին արդեն ամեն ինչ ասում են՝ Ավետիք Իսահակյան, Վրթանես Փափազյան, Լեւոն Շանթ, Եղիշե Չարենց, Դանիել Վարուժան, Հայկ Ասատրյան… (մեր օրերում՝ երգարվեստի ոլորտում՝ Արսեն Տերտերյան, հավատքի ոլորտում՝ Սլաք Կակոսյան): Ինչ մնում է Նժդեհի պարագային, ապա նա առանձնահատուկ դեպք է. նա արդեն, իր ցեղահավատքով, Նիցշեի տեսլականում ոչ մեկ անգամ հայտնված «Զավակների երկրի»³ կենսիմաստության վերականգնողն ու իրագործողն է:

Այն, որ իր՝ Նիցշեի գործերը այնպիսիք չեն, որ բացեիբաց, մերկության աստիճանի, դրված են ընթերցողի առջեւ եւ նա դրանցում եղած ամեն ինչը պա՜րզ տեսնում-հասկանում է (եւ պետք է տեսնի-հասկանա…), այն, որ Նիցշե երեւույթը խորախորհուրդ երեւույթ է՝ երբեմն գաղտնագրության աստիճանի բարուրված ու զգեստավորված,- այդ մասին լավագույնս, ի գիտություն իր ընթերցողների, ասում է ինքը՝ մեծ իմաստասերը, միաժամանակ տալով խնդրո հետ կապված բոլոր ինչու-ների պատասխանը. «Երբ գրում ես, ուզում ես ոչ միայն հասկացվել, այլ նույն կերպ  նաեւ չհասկացվել: Որեւէ գրքի դեմ ամենեւին էլ դեռ առարկություն չէ, երբ որեւէ մեկն այն համարում է անհասկանալի. գուցե՞ դա մտել է նրա հեղինակի մտադրությունների մեջ,- նա չի կամեցել, որ «ինչ-որ մեկը» հասկանա իրեն:  Յուրաքանչյուր առավել ազնվական միտք ու ճաշակ, եթե ուզում է կիսվել, իր համար ընտրում է նաեւ իր ունկնդիրներին. ըստ որում նրանց ընտրելով՝ նա միաժամանակ իր սահմաններն է քաշում «մյուսների» դեմ: Որեւէ ոճի բոլոր առավել նրբին օրենքների ակունքը այստեղ է. դրանք միաժամանակ հեռավորության վրա են պահում, դրանք դիստանցիա են ստեղծում, դրանք արգելում են «մուտքը», հասկանալը, ինչպես ասվեց,- մինչդեռ բացում են ականջները նրանց, ովքեր մեզ ականջներով հարազատ են»⁴. «Մենք երբեւէ բողոքե՞լ ենք, որ մեզ թյուր են հասկացել, անգիտակցել են, շփոթել են, զրպարտել են… Հենց դա է մեր բախտը, դա նաեւ մեր պարգեւն է. մենք ինքներս մեզ բավականաչափ չէինք հարգի, եթե այլ բան ուզենային: Մեզ շփոթում են՝ ուրեմն՝ մենք ինքներս աճում ենք, մենք շարունակ փոխվում ենք, մենք դեն ենք նետում հին կեղեւը, մենք ամեն գարնան հետ դեռ մաշկափոխ ենք լինում, մենք գնալով դառնում ենք ավելի պատանի, ավելի գալիք, ավելի բարձր, ավելի ուժեղ, մենք մեր արմատները ավելի ու ավելի հզոր ենք մխրճում դեպի խորքը… Մենք աճում ենք ծառերի հանգույն…»⁵. «Մենք էլ ենք շփվում  «մարդկանց» հետ, մենք էլ ենք համեստաբար մեզ վրա գցում հագուստը, որով (իբրեւ այդ) մեզ ճանաչում են, հարգում են, փնտրում են, եւ դրանով ոտք ենք դնում հասարակության մեջ, այն է՝ հագուստով ծպտվածների մեջ, որ չեն ուզում այդպես կոչվել. մենք էլ ենք անում, ինչպես բոլոր խելացի դիմակները… Բայց մարդկանց մեջ, մարդկանց հետ «շփվելու» ուրիշ եղանակներ ու հնարքներ էլ գոյություն ունեն. օրինակի համար՝ իբրեւ ուրվական,- ինչը շատ հանձնարարելի է, եթե ուզում ես շուտով ազատվել նրանցից եւ վախեցնել նրանց: Փորձ. ձեռքերը մեկնում են մեզ եւ չեն կարողանում բռնել: Դա վախեցնում է: Կամ. մենք ներս ենք մտնում փակ դռնով: Կամ. երբ բոլոր լույսերը հանգած են: Կամ. այն բանից հետո, երբ մենք արդեն մեռել ենք: Վերջինս հետմահու մարդկանց  հնարքն է par-excellence»⁶. «Մարդկանց հանդեպ լինել անխստապահանջ, սրտիդ տունը բաց պահել՝ սա բարեհոգի է, բայց միայն բարեհոգի: Այն սրտերը, որոնք ազնվականական⁷ հյուրընկալության են ընդունակ, ճանաչվում են բազմաթիվ վարագույրները քաշած պատուհաններով եւ փակ փեղկերով. իրենց լավագույն սրահները նրանք դատարկ են պահում: Բայց ինչո՞ւ: – Որովհետեւ նրանք սպասում են հյուրերի, որոնց հանդեպ «անխստապահանջ» չես լինում»⁸:   Continue reading →

Հիշենք մարդուն՝ գործչին ճիշտ մտապահելու համար

Մարտի 25-ին, հայ հասարակական-քաղաքական գործիչ, ՀՀ նախկին վարչապետ, ՀՀԿ  նախկին նախագահ Անդրանիկ Մարգարյանի մահվան 8-րդ տարելիցն է: Նա որպես վարչապետ պաշտոնավարեց՝ 2000-2007թթ.: 1995-99-ին՝ ՀՀ ԱԺ առաջին գումարման պատգամավոր էր, 1999-ին դարձյալ ընտրվել է ԱԺ պատգամավոր, եղել է մեծամասնություն կազմած «Միասնություն» խմբակցության ղեկավարը։

Անդրանիկ Մարգարյանին հայաստանյան քաղաքական թոհուբոհում հիշում են դեռ 1965թ.-ից:

1968-ից եղել է խորհրդային տարիներին ընդհատակյա գործող Ազգային միացյալ կուսակցության անդամ, 1973-ից՝ ԱՄԿ խորհրդի անդամ։

Հանդես է եկել խորհրդային տոտալիտար համակարգի քննադատությամբ, Հայ դատի պաշտպանության դիրքերից եւ հայ ժողովրդի ապագան տեսել ժողովրդավարական, անկախ պետության առկայության պայմաններում: Իր գաղափարների տարածման եւ ծավալած գործունեության համար 1974-ին ձերբակալվել է եւ դատապարտվել 2 տարվա ազատազրկման:

1992թ-ից Հայաստանի Հանրապետությունում առաջին գրանցված եւ Ազգային Միացյալ կուսակցության գաղափարական ժառանգորդ Հայաստանի Հանրապետական կուսակցության (ՀՀԿ) անդամ էր, 1993-1997 եւ 1998-2005թթ. ՀՀԿ խորհրդի նախագահ:

1997-98թթ. եղել է ՀՀԿ նախագահ, 2005թ-ին դարձյալ ընտրվել է ՀՀԿ նախագահ:

1998թ-ից Երկրապահ կամավորականների միության (ԵԿՄ) անդամ էր, այնուհետեւ՝ ԵԿՄ վարչության անդամ:

Կենսագրության էջերը կարող ենք շարունակել:

Բայց այս օրը պետք է խոսել նրա մարդ տեսակից՝ հենց Անդրանիկ Մարգարյան գործչին ճիշտ մտապահելու համար:

Նրա վարչապետության տարիներին լուսաբանել եմ կառավարության գործունեությունը, ինձ բախտ է վիճակվել նրա հետ շրջել մեր երկրի մարզերում ու արտերկիր գործուղումների մեկնել: Անդրանիկ Մարգարյանի հետ աշխատած լրագրողների՝ տնտեսական թեմաներով գրող լրագրողների նեղ թիմը միայն կհասկանա, թե ինչ եմ ուզում ասել: Այն թիմը, որ իսկապես օրը 24 ժամ աշխատում էր՝ առանց սենսացիա փնտրելու, ուրախանում էր մի գործարանի, մի ձեռնարկության բացման գնալիս, տխրում գյուղական մի քանդված ճամփա տեսնելիս: Աշխատում էինք թուղթ ու գրչով, համակարգիչն էլ մեզ համար հատկապես սկզբի տարիներին նանոտեխնոլոգիայի պես մի բան էր: Բայց ի՜նչ սիրով էինք աշխատում, այցերից հետո խոսում էինք վարչապետի հետ, քննարկում, վերլուծում, ասում էր՝ «Գրեք, կկարդամ, հետո էլի կխոսենք»:

Գրում էինք, խնդիրը վերհանում, լուծում առաջարկում ու սպասում արձագանքի:  Continue reading →

ՀԷՑ-ն էլ դատարկեցին Էլէներգիայի թանկացում է սպասվում

Շրջանառվում է, թե ռուսաստանաբնակ, ազգությամբ հայ գործարար, «Տաշիր գրուպ» ընկերության սեփականատեր Սամվել Կարապետյանի մասնագետները այս օրերին ուսումնասիրում են, թե ինչ վիճակում է «Հայաստանի էլեկտրական ցանցեր» ՓԲ ընկերությունը:

Բանն այն է, որ դեռ նախորդ տարվա կեսից (թեեւ մամուլն ավելի վաղ էլ էր ահազանգել) հայտնի դարձավ, որ ՀԷՑ-ը հարյուրավոր միլիոն դոլարների պարտքեր ունի: Ստույգ թիվ չի ասվում, բայց պտույտը 300-500 մլն դոլարի կողքն է:

Երբ ընկերությունում աուդիտը լինի, այդ ժամանակ էլ Սամվել Կարապետյանը կորոշի՝ գնել ՀԷՑ-ը, թե ոչ: Իսկ աուդիտը, ամենայն հավանականությամբ, սեպտեմբերին կլինի:

Ռուսները կտա՞ն ընկերությունը հայ գործարարին. կրկին ամենայն հավանականությամբ՝ այո, որովհետեւ «Հայաստանի էլցանցեր»-ից տարան այն ամենը, ինչ հնարավոր էր: Իսկ երբ արդեն տանելու բան չկա, հանգիստ կարող են բրախել:

Հարց է ծագում, իսկ եթե բան չի մնացել, ապա այն Սամվել Կարապետյանի ինչի՞ն է պետք: Արդյո՞ք «Հայաստանի էլցանցեր»-ի վերադարձը հայկական կողմին քաղաքական հարց է: Թեեւ մի բան էլ կա. երբ Կարապետյանը գնի ՀԷՑ-ը, հաստատ պարտքերի վերակազմակերպում կանեն:

Բայց այս ամենից առաջ մեզ այլ բան է հետաքրքրում: ՀԷՑ-ը շահութաբեր ընկերութոււն էր, ինչու՞ է թաղվել այդքան պարտքերի մեջ: Այն դեպքում, երբ էլէներգիան պարբերաբար թանկացրել են նաեւ այն հիմնավորումով, որ վնասներ չառաջանան, համակագը չխաթարվի: Համակարգից օգտվողներս էլ՝ սպառողներս, բարեխղճորեն մեզնից կտրել ու տվել ենք ցանցերին: Քանիսն են իրենց ստացած աշխատավարձը նախ կոմունալներին ուղղում, հետո՝ միայն սննդին: Եթե հանենք 1 տոկոս հարուստներին ու նրանց, ովքեր էլէներգիա վաղուց չունեն՝ գումար չունենալու պատճառով, ապա գրեթե բոլորս՝ մի ամբողջ ժողովուրդ:   Continue reading →

Հայկական խոհանոց – (Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028) – (ռեստորանն ընդունում է կոլեկտիվ հայտեր)

Խոհանոցը ազգի մշակույթի կարեւորագույն հիմքերից է: Տե՛րը լինենք մեր պատմության:

– Ոսպը՝ կանաչ թանձրուկով

Բաղադրությունը – Ոսպ – 0.5 կգ, գլուխ սոխ – 0.5 կգ, սխտոր – 50 գ, սամիթ – 0.5 կապ, համեմ – 0.5 կապ, աղ, սպիտակ պղպեղ, ձիթայուղ:

Թանձրուկի համար՝ ընկույզ – 100 գ, սպիտակ գինի – 100 գ, խնձորի քացախ – 50 գ, ձիթայուղ – 50 գ, սպանախ – 1 կապ, սպիտակ պղպեղ:

Պատրաստման եղանակը – Ոսպը թրջել, խաշել: Սոխը լուսնաձեւ կտրատել, ձիթայուղով տապակել: Հենց կրակից վերցնել, ավելացնել կտրտած սխտորը: Խառնել ոսպին, համեմել աղով եւ պղպեղով, ավելացնել սամիթն ու համեմը:

Թանձրուկ պատրաստելու համար ընկույզը հարիչով խառնել՝ մինչեւ փոշիանման զանգված դառնա: Ավելացնել սպիտակ պղպեղը, գինին, քացախը: Խառնել, ավելացնել ձիթայուղը, կտրտած սպանախը: Կրկին խառնել:

Ափսեի մեջ լցնել ոսպը՝ մեջտեղը փոսիկ թողնելով: Փոսիկի մեջ էլ լցնել թանձրուկը եւ մատուցել: Անու՛շ լինի: Վայելե՛ք այս ախորժալի, սննդարար եւ դյուրամարս ուտեստը:

Համաճարակ չկա

Հայաստանում չկա սուր շնչառական վարակների համաճարակ, իսկ տեղի ունեցածը բռնկում էր: Երեկ կառավարությունում լրագրողների հետ հանդիպման ժամանակ պարզաբանեց առողջապահության նախարար Արմեն Մուրադյանը: Նա հայտնեց, որ վարակի տարածումը դիտարկվել է որպես բռնկում եւ ժամանակին ձեռնարկվել են համապատասխան քայլերը: «Որպեսզի կարողանանք կանխարգելել բռնկման վերածումը համաճարակի, առաջարկով դիմեցինք ԿԳՆ՝ երկարաձգելու գարնանային արձակուրդները: Նշեմ, որ հիվանդության դեպքերի գրեթե 80%-ն արձանագրվել էր 0-18 տարեկան երեխաների շրջանում: Վարակի տարածումը կանխելու նպատակով փակվել են  նաեւ ռիսկային մանկապարտեզները՝ թվով 7-ը, որոնցից 5-ը Արագածոտնի, 1-ը՝ Տավուշի եւ 1-ը՝ Վայոց ձորի մարզերում»,- ասաց նախարարը:

* * *

Աշխարհի մարզական հեւքից –

Անուշը թագուհների չեմպիոնուհի, Անին՝ փոխչեմպիոնուհի

Գերմանիայի Շտարլզունդ քաղաքում մարտի 17-22-ը կայացած մինչեւ 17 եւ մինչեւ 19 տարեկան աղջիկների բռնցքամարտի «Թագուհիների գավաթ» ինքնատիպ անվանումը կրող՝ «Queens-Cup» U-19/17՝ միջազգային ներկայացուցչական մրցաշարում 12 երկրների ուժեղագույն մարզուհիների պայքարում իրենց գերազանց դրսեւորեցին մինչ 19 տարեկանների մրցաշարում Հայաստանը ներկայացրած Անուշ Գրիգորյանը (51 կգ) եւ Անի Հովսեփյանը (57 կգ):   Continue reading →

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան  – http://www.hayary.org/wph/?p=2223  (https://www.facebook.com/armenuhi.melqonyan

1. Արարչական Համակարգի մյուս Բնածին Աստվածները (1-ին մաս) – Հնդկական Աստվածներ… Արմեն Ավետիսյան, Հայ Արիական Միաբանության առաջնորդ

– http://www.hayary.org/wph/?p=4708 – Հայ Աստվածների փնտրտուքը՝ բնածին ու արհեստածին հավատալիքների սահմանագծին (ամբողջական հոդվածը) – Արմեն Ավետիսյան, Հայ Արիական Միաբանության առաջնորդ  (ամբողջական հոդված) – …Հայ Աստվածները – Հայոց Աստվածային Համակարգ.- 1. Հայր Արա – Հայր (Գերագույն) Աստված, Աստվածահայր: 2. Մայր Անահիտ – մայրության եւ պտղաբերումի Աստվածուհի, Աստվածամայր: 3. Վահագն – ռազմի ու զորության Աստված: 4. Աստղիկ – սիրո (նաեւ գեղեցկության) Աստվածուհի: 5. Միհր – արդարադատության Աստված: 6. Նանե – ողջախոհության Աստվածուհի: 7. Տիր – իմաստնության (դպրության ու գիտության) Աստված: 8. Վանատուր – հյուրընկալության եւ հյուրասիրության (օջախի) Աստված…

2. Գոթական տաճարների գաղտնիքները – Ֆուլկանելլի.- անկախ քարեգործները եղել են քարի հայ վարպետները (մասոնները), որոնք Եվրոպայում եւ այլ երկրներում ունեին իրենց մեկուսի ընկերությունները… «Ար» արմատը եւ «Հայկական» բառը – արքիմիան եւ ալքիմիան…

3. Հայոց Ամանորի Վահագնականչը՝ Արեւելյան ու Արեւմտյան Հայաստան-ներ-ում … «Աշխարհի հացեր – 2015».- Վարշավայի փառատոնում համտեսել են հայկական լավաշը… «Միսս-Էթնո» մրցույթում հաղթեց հայուհին…

– http://www.hayary.org/wph/?p=4712#more-4712 – Հայոց Ամանորի Վահագնականչը՝ Արեւելյան ու Արեւմտյան Հայաստան–ներ–ում… Այս մարտի 21-ին Հայ Արիական Միաբանության Հոգեւոր հանձնախմբի Քրմական դասի ներկայացուցիչները Ամանորի օրը խմբերի բաժանված ծիսական եւ տոնական  արարողություններ կատարեցին Արեւմտյան Հայաստանի  Մշո  գավառի  Աստղկաբերդի տարածքում ու նաեւ Արեւելյան Հայաստանի Գեղամա  լեռնաշղթայի Աստղոնք լեռան վրա: Յուրաքանչյուր վայրում ծեսն արեցին երեքական քրմեր…

– http://www.hayary.org/wph/?p=4713 – Հայ Արիական Միաբանությունը շնորհավորում է համայն հայությանը՝ Հայոց Ամանորի եւ Հայոց ռազմի ու զորության Աստված Վահագնի Երկրային Վերածննդի առթիվ… Գարուն է եւ Հայոց Գենի նոր պարբերափուլը – Հավերժական Պարբերաշրջանի Ավետիսն արդեն եղել է… Տիեզերական Գարնան Ավետաբեր Կանչը սկսել է Տիեզերական Ձմռան Մեծ Հալոցքը… Եվ սա ավետիս է բոլոր  արիական ազգերին, առավել եւս Արիական Տեսակի Նախահայրենիքի՝ Հայք –Հայաստանի Բնիկների՝ Հայերիս համար…

4. Կարծիքների բախում.- Ալյուրի հարստացում. առողջությու՞ն կպարգեւի, թե՞ կխլի այն – Տարբեր մեկնաբանություններին զուգահեռ, «Լուսանցք»-ըլսել է նաեւ մասնագիտական տեսակետ եւ այն փոխանցել ընթերցողին…

5. Կենսաբանական զենք չէ, բայց կենսական վտանգ է – Մարդկանց էլ գույքագրեցին՝ որպես սեփականություն – Դրանք թաքնվում են «անհատի իրավունքներ»-ի, անհատական «սոցքարտեր»-ի ու «բիոքարտեր»-ի ներդրմամբ, «գենդերային հավասարություն եւ իրավունք», «սեռային ու սեռական հավասարություն», «անսեռություն», «ընտրովի սեռ (մեր տվյալներով մինչեւ 7 սեռ են հնարել», «ընտրովի ազգություն» կամ այլ հակամարդկային, ապազգային ու անբարո «անմեղ» ձեւակերպումներով…

6. Երբ հայ զինվորը գիտի, որ իրեն փորձում են սպանել ռուսակա՛ն զենքով… Կիեւը լրացրեց Բաքվի բացը՝ ինչպես միշտ – Իրականում չկար ո՛չ ռուսամետություն, ո՛չ էլ առավել եւս՝ հակաուկրաինականություն…

7. Եվրանեսթում Հայաստանը պիտի լուրջ դերակատարում ստանձնի – Եվրանեսթ խորհրդարանական վեհաժողովն ընդունել է 6 փաստաթուղթ, որոնցից մեկը՝ Հայոց ցեղասպանության վերաբերյալ…

8. Հայկական խոհանոց – Կաթնաշոռով կարկանդակ… Աշխարհի մարզական հեւքից – Արցախցի մարզիկը՝ աշխարհի չեմպիոն… Հանուն եռագույնը Ադրբեջանում բարձրացնելու՞, թե՞ Բաքվի տոնը ամբողջացնելու… Այցելե՛ք www.hayary.org… Կարդացե՛ք եւ բաժանորդագրվե՛ք «Լուսանցք»…

Նախորդ պարզաբանումներում նշեցի («Հայ Աստվածների փնտրտուքը՝բնածին ու արհեստածին հավատալիքների սահմանագծին», «Լուսանցք» թիվ 2-8, 2015թ.), որ Հայ Արիական Միաբանությունը վաղուց է հայտարարել Բնածին 7 Երկրային Ազգերի ի սկզբանե գոյության մասին: Նշեցի նաեւ, որ «Տիեզերական հայելային արտացոլանքի» մեկնությամբ այդ Ազգերը, որպես Մարդ Տեսակի բազմազանություն, Արարվել են Տիեզերքի Արարչի կողմից, կրում են Տիեզերական Գենը, քանզի Արարչի Արարված 7 Աստվածությունների Զարմից են եւ յուրաքանչյուրն իր Տեսակի Առաքինություններն ու Առաքելությունն ունի որդեգրած:

Արծարծել եմ Արիական միասնության (Համաարիական) ժամանակների (որը համարում եմ նախահեթանոսական շրջան) ՄեկԱրարչական Բազմաստվածային Համակարգը եւ դրասնից հեռացած հեթանոսական կամ նախաքրիստոնեական համարվող շրջանի ՄեկԱրարչականությունից (Արարչից՝ Տիեզերքի՝ Ամենայնի Ստեղծիից) հեռացած Բազմաստվածային Համակարգը, որում յուրաքանչյուր Աստվածային Համակարգ «Արարիչ էր կարգել իր Գերագույն Աստծուն»...

Նախահեթանոսական ՄեկԱրարչականությանը վերջ դրվեց, երբ այլեւս մասնատված արիական ազգերը մրցակցելով՝ փորձեցին «արարիչ կարգել» իրենց Գլխավոր Աստվածներին… Եթե հայերիս դեպքում՝ Հայր Արային սկսեցին համարել «Երկնքի ու Երկրի արարիչը, լիություն, բարություն եւ արիություն պարգեւողը»… ինչը ցայսօր սխալմամբ շարունակվում է գործածվել մերօրյա որոշ հեթանոսական խմբերի մոտ, ապա հնդիկների մոտ դա Բրահման էր: Արդեն ասել եմ, որ այսօրինակ արարչամերժությունը հեթանոս շրջանում պահպանելով Բազմաստվածության Համակարգը, այնուամենայնիվ, հրաժարվեց Տիեզերքի իրական Տիրոջից՝ Արարչից, ինչն էլ հանգեցրեց արիադավանության-հեթանոսության կործանմանը:

Պետք է կրկնեմ ասելով, որ Աստվածների անունները Արարչի կամքի արտահայտություն են, բայց հստակորեն կարող են պարզաբանվել հայկական լեզվամտածողությամբ, քանզի Հայոց Լեզուն Աստվածային Լեզու է եւ Տիեզերախորհուրդ Իմաստ ունի… Եթե Հայ Աստվածների պարագայում Երկիր հասած 8 անունները ի սկզբանե ճշմարիտ են, ապա մյուս 6 Աստվածային Համակարգերի դեպքում նույն վստահությունը չկա (ինչպես գրել եմ՝ սա առանձին թեմա է, որին դեռ կանդրադառնանք): Ուստի՝ դժվարիրագործելի խնդիրը կա մյուս 6 աստվածությունների ճանաչման դեպքում, քանի որ պետք է ճշտել՝ արդյո՞ք այդ Աստվածների անունները ճիշտ են «իջեցվել» Երկիր կամ նրանցից քանիսն են ճիշտ հնչում «ներքեւում»…

Հնդկական Աստվածներ

Հնդկական Աստվածները Արարչական 7 Աստվածային Համակարգերից մեկն են:

Եթե հուդա-քրիստոնյաները ներխուժելով Հայաստան՝ ավերեցին հայոց տաճարներն ու այրեցին քրմական հնագույն մատյաններն ու հայոց բազմահազարամյա պատմության արձանագրությունները, ապա Հնդկաստանում եւ այլուր դա նման դաժանությամբ չընթացավ, եւ պահպանվեցին շատ արժեքներ, որոնք նաեւ համաարիական բնույթ ունեն ու համահունչ են նաեւ հայկական արժեհամակարգին: Շատ հավատքային, մշակութային ու գիտական շինություններ էլ հենց հայերի ձեռքով են կառուցվել այլ երկրներում, շատ գրություններ էլ հենց հայերի կողմից են թողնվել այլ ազգերի սրբազան գրքերում, երբ աշխարհի 4 ծագերը գնացին Հայ Քրմերը՝ Տիեզերական Առաքելությանն ընդառաջ…   Continue reading →

1926թ. Փարիզյան «Շեմիտ» հրատարակչությունում Ֆուլկանելլի կեղծանվան տակ լույս տեսավ «Գոթական տաճարների գաղտնիքները» գիրքը: Երկու տարի անց հրատարակվեց «Փիլիսոփայական մենաստաններ» երկրորդ գիրքը: Երկու գիրքն էլ Ֆուլկանելլիի աշակերտի՝ Էժեն Կանսելիեի նախաբաններով: Երրորդ գիրքը՝ «Աշխարհիկ փառքի վերջը», համաձայն վարպետի կանխագուշակության, պետք է տպագրվի Աշխարհի կործանումից առաջ:

«Մարդ-հանելուկ», «Առասպելական դեմք», «Անմահ», «Վերջինը, ում հաջողվել է ստանալ», «Փիլիսոփայական քար»՝ այսպիսի եւ այլ շատ մակդիրներով են նկարագրում այս Ադեպտին եւ գրողին, որը գերադասել է թաքցնել իր իրական անունը «Ասացող» կեղծանվան տակ, ինչպես պահանջում էր ավանդույթը:

Շատ մեկնակերպեր են արվել Ֆուլկանելլիի իսկական անունը բացահայտելու համար, բայց ապարդյուն:

Օլեգ Ֆոմինը, Ֆուլկանելլիի «Փիլիսոփայական մենաստաններ» գրքի ներածական հոդվածում գրում է. «Որոշ մարդիկ կարծում էին, որ Ֆուլկանելլին Պիեր Դյուժոլն է, բայց հաշվի չէին առնում, որ նա արդեն ուներ Մագաֆոն կեղծանունը: Ուշադիր կարդալով գիրքը՝ նկատվում է մի մանրամասնություն, որը հնարավոր է պատճառ է դարձել նրան համեմատելու Պիեր Դյուժոլի (Վալուայի) հետ: Ֆուլկանելլին հաճախ մեծ համակրանքով է արտահայտվում Վալուաների հին դինաստիայի մասին, որոնք սերում էին կելտական տիրակալներից: Վարպետի հիացմունքը թույլ է տալիս մտածելու, որ ինքն էլ է եղել Վալուաների տոհմից: Այնուամենայնիվ սա միայն ենթադրություն է». եզրակացնում է նա:

Իսկ մենք մի քանի պատճառներով ենթադրում ենք, որ Ֆուլկանելլիի կելտական ծագումը թույլ է տալիս ենթադրելու նաեւ հայկական հետքը:

Առաջին պատճառն այն է, որ Ֆուլկանելլին նույն հիացմունքով ու սիրով (ինչպես Վալուաների նկատմամբ) խոսում է Ֆրանսիայում կառուցված գոթական տաճարների, հատկապես Փարիզի Աստվածամոր տաճարի մասին:

Նա, տեղյակ լինելով, որ տաճարի կառուցողները եւ տերերը հայերն են եղել, հայ եպիսկոպոսի հետեւյալ տեղեկությունն է մեջբերում. «Մենք ունենք հայ եպիսկոպոս Մարտիրիի (Մարտիրոսի) բնագիրը, որտեղ նա գրում է, որ Փարիզի Աստվածամոր տաճարի գլխավոր մուտքը փայլում էր, ինչպես դրախտի մուտքը: Այստեղ կային լազուր, ծիրանի, արծաթ, ոսկի: Նույնիսկ հիմա կարելի է նկատել ոսկու նուրբ շերտի հետքերը գլխավոր շքամուտքի քանդակազարդ գագաթի վրա»:

Որ գոթական տաճարներն ունեն հայկական ծագում, վաղուց ապացուցված է: Բացի դրանից, Ֆրանսիայի արվեստագետներից շատերը իրենք են կարծում, որ գոթական տաճարները Ֆրանսիայում ազգային չեն:

Օրինակ, 1800թ. Պետիտ Ռադելը նույնիսկ նախագիծ է ներկայացրել գոթական եկեղեցիների քանդման համար, իսկ 1857թ. Բեուլեն մի ամբողջ դասախոսություն է նվիրել այս հարցին՝ համարելով, որ գոթական ճարտարապետությունը Ֆրանսիայում ազգային չէ եւ ամենեւին էլ կրոնական գաղափարների մարմնավորում չէ:

Մոլյերը զայրույթով է խոսել Փարիզի Աստվածամոր Տաճարի մասին, իսկ Լաբրյուերի ու Ռասինի համար «գոթականը» հոմանիշ է «բարբարոսականի»:   Continue reading →