Կայուն անկայունության հեռանկարները

Երկրների եւ ազգերի ներքին ու արտաքին քաղաքական առանցքները մշտապես հատվում են եւ դառնում փոխազդող պայմաններ: Սա հանրահայտ է: Այդ հատումները առաջացնում են կա՛մ դրական, կա՛մ բացասական հետեւանքներ: Իհարկե, երբեմն նաեւ հնարավոր է լինում խուսափել հետեւանքներից՝ պահպանելով գոնե առկա վիճակը: Սա կարեւոր է լինում, երբ ներքին ու արտաքին քաղաքական հատումների ազդեցությունը թեքվում է դեպի վտանգավոր բացասականը:

Այժմ տարածաշրջանային հին ու նոր խնդիրներին ավելացել է Մաքսային միության եւ Ասոցացման համաձայնագրի շրջանակներում առկա հակամարտությունը, եւ Հայաստանը հայտնվել է Եվրամիության ու Եվրասիամիության հեռագնա նպատակների չկարգավորված խաչմերուկում:

Նման դեպքերում, երբ գերշահերի ակնհայտ բախում կա տարածաշրջանում, աշխարհաքաղաքական վերաձեւումների հնարավորություն է առաջ գալիս: Ինչն էլ ոչ միայն անհանգստացնում է երկրների ներքաղաքկան կյանքը, այլեւ առաջ է բերում վերոնշյալ դրական ու բացասական հետեւանքների շղթան:

Ուկրաինական այսօրվա իրադարձությունները, իշխանական եւ ընդդիմադիր ուժերի զինված բախումները, որը զոհերի ու վիրավորների պատճառ դարձավ, հիշեցնում է հայաստանյան 2008-ի մարտիմեկյան հեռակառավարվող դեպքերը: Բայց եթե Ուկրաինան միայն եվրոպական ու եվրասիական նպատակների կռիվների մեջ է հայտնվել, ապա Հայաստանը բացի այդ հակասությունների մեջ հայտնվելուց, ունի Արցախի չկարգավորված հարցը եւ հայ-ադրբեջանական ու հայ-թուրքական հակասությունները, անգամ հայ-վրացական որոշակի խնդիրներ, ինչը առավել զգոնության պետք է մղի հայաստանահայությանն ու սփյուռքահայությանը: Նորօրյա մարտի 1-ը կարող է արդեն ներքին ու արտաքին քաղաքական առանցքների հատումը տանել բացասական ուղղությամբ՝ դրանից բխող բոլոր ծանր հետեւանքներով:

Թվում է՝ Հարավային Կովկաս ասված տարածքում գերտերություններին պետք է կայունություն, բայց ինչպես վերլուծաբաններն են հաճախ ասում, իրենց շահերի համար այդ գերտերություններին հիմնականում պետք է կայուն անկայունություն:

Նման մի իրավիճակում, հայերիս համար ցավոտ մի ժամանակահատվածում, որոշվեց Արցախն ու Նախիջեւանը հանձնել Ադրբեջանին, իսկ Ջավախքը՝ Վրաստանին, որպեսզի կայուն անկայունությամբ վերաբաժանեն տարածաշրջանը: Արցախը եւ Նախիջեւանը հանձնվեցին, որպեսզի արհեստականորեն ստեղծված Ադրբեջանի ավագ եղբայր Թուրքիան էլ դառնար խորհրդային ու արեւմուտքում քարոզեր սոցիալիզմ-կոմունիզմ: Ջավախքի հանձնումն էլ Վրաստանին գոհացնելու խնդիր ուներ, որպեսզի սա էլ դառնար խորհրդային:

Continue reading →

…(Հայ Արիական Միաբանությունը վաղուց է առաջարկել Ադրբեջանի եռահատումը՝ Հայաստան-Ռուսաստան-Իրան դաշինքով)…

Վանգան գուշակել է Ադրբեջանի կործանումը

Արցախի մայրաքաղաք Ստեփանակերտում կայացել է «Ադրբեջանը՝ էթնոնիմի փնտրտուքում» կինոնկարի ցուցադրումը, որում ներկայացվել է ադրբեջանցիների էթնոնիմի փնտրտուքի գործընթացը: Եզրակացությունն այն է, որ շարքային ադրբեջանցին չգիտե, թե ինքը որ ազգի ներկայացուցիչ է: Միեւնույն ընտանիքում մեկը կարծում է, որ ինքը ադրբեջանցի է, մյուսը՝ թուրք: Կինոնկարում ներկայացվել է նաեւ հանրահայտ Վանգայի գուշակությունն Ադրբեջանի կործանման մասին: 1993թ. նա ասել է, որ Ադրբեջանը կկործանվի 30 տարի անց եւ բնիկ ժողովուրդները կազատագրվեն: Ստացվում է, որ Ադրբեջանի գոյությանը մնացել է 10 տարի: Այն հանգամանքը, որ Վանգայի մոտ՝ Բուլղարիա են այցելել ոչ միայն սովորական մարդիկ, այլեւ համաշխարհային դեմքեր, նաեւ երկրների նախագահներ, փաստում է, որ կույր գուշակ բուլղարուհին ունեցել է բնախոսական մեծ կարողություններ: Ադրբեջանում սա դեռ հիշում են, եւ հատկապես քաղաքագետները երբեմն անդրադառնում են վախով: Այժմ այս ամենը ոչ պակաս մտահոգիչ է այն պատճառով, որ ԵԱՀԿ ՄԽ համանախագահները բացեիբաց խոսում են ԼՂ-ի՝ բանակցային սեղան վերադառնալու մասին:

Արդեն մեղադրանքներ են հնչում ամերիկացի նոր համանախագահի հասցեին, սակայն այս մասին Ստեփանակերտում հայտարարել էր նաեւ ռուսաստանցի համանախագահ Իգոր Պոպովը. «Որոշակի փուլում Ղարաբաղը պիտի վերադառնա բանակցային գործընթաց»: Բաքվում ցավով են արձանագրել այն ջանքերը, որ ամերիկյան կողմը գործադրում է «ԼՂ-ի հիմնախնդիրն ու հայ-թուրքական հարաբերությունների նորմալացման հարցն առանձնացնելու համար»: Ադրբեջանցի քաղաքագետ Թոֆիկ Աբբասովի վերլուծությունը հավաստել է, որ ամերիկացի համանախագահ Ջեյմս Ուորլիքի հայտարարությունը Բաքվում «ծանր են տանում», քանի որ առաջին դեպքը չէ, երբ արեւմտյան դիվանագետները եւ հատկապես նրանք, ովքեր ամերիկյան վերնախավից են, «Լեռնային Ղարաբաղը ներկայացնում են որպես բանակցային գործընթացի կողմ»: Ըստ ամերիկյան համանախագահի, դա կարող է լինել, որովհետեւ «ԼՂ-ի հիմնախնդրի կարգավորումը Հայաստանի, Ադրբեջանի եւ Լեռնային Ղարաբաղի ժողովուրդների համար շատ կարեւոր է»:

«Լեռնային Ղարաբաղի ժողովուրդ» ձեւակերպումն էլ Ադրբեջանում մեծ անհանգստություն է առաջացրել, քանզի եկել են այն համոզման, որ համանախագահը փորձել է ընդգծել «Լեռնային Ղարաբաղի սուբյեկտությունը»:

Continue reading →

Քաղաքական գումարելիներ, որ տնտեսական գումարային օգուտ չեն բերում

Ամեն ինչ սկսվեց վարչապետ Տիգրան Սարգսյանի նախորդ տարեվերջին ասուլիսում հնչեցրած մտքերից՝ մասնավորապես շինարարական փուչիկին վերաբերող: Սրան հետեւեց ՀՀ 2-րդ նախագահ Ռոբերտ Քոչարյանի պատասխանը: Սրան կրկին հետեւեց Տիգրան Սարգսյանի պատասխանը եւ… չշարունակեմ: ԶԼՄ-ներին հետեւող հանրությունը քաջատեղյակ է ով՝ ում եւ ինչ ասաց:

Անձամբ ես նորմալ եմ վերաբերում այն բանին, որ ՀՀ 2-րդ նախագահ Ռոբերտ Քոչարյանը տնտեսական դիտարկումներով  հանդես եկավ առ այն, որ իրականում եղել է շինարարության աճ:  Նույնքան նորմալ եմ  վերաբերում, որ 2-րդ նախագահին հակադարձեց  վարչապետը՝ մեջբերելով զանազան աղյուսակներ, տարատեսակ միջազգային մտքեր: Բնական եմ համարում այն, որ Ռոբերտ Քոչարյանը պիտի հուշեր Տիգրան Սարգսյանին՝ մարդկանց հասկանալի լեզվով խոսել եւ աղյուսակներ հրապարակելու փոխարեն խոստովանել, որ այս կառավարության տարիներին երկրի տնտեսական վիճակը վատթարացել է: Նույնքան բնական եմ համարում այն, որ երկուսի ընդդիմախոսն էլ լինելով՝ նրանց քննադատում է նախկին վարչապետերից Հրանտ Բագրատյանը՝ շեշտելով, որ թե՛ Ռոբերտ Քոչարյանը եւ թե՛ Տիգրան Սարգսյանը հսկայական ռեսուրսներ են վատնել: Ըմբռնումով եմ վերաբերում այն հանգամանքին, որ Ռոբերտ Քոչարյանին «Հայռոսգազարդ»-ի եւ կենսաթոշակային կուտակային համակարգի հետ կապված հարցերում պիտի սատարեին ԲՀԿ-ն ու ՀՅԴ-ն… Մի խոսքով, այս ամենն այն է, ինչ արդի աշխարհում կոչվում է քաղաքականխաղերում միավորների վաստակում: Արդի աշխարհում սրանով իշխանություններ ու ընդդիմություններ են փոխվում եւ, ըստ այդմ, քաղաքա-տնտեսական ուղղություններ, ծրագրերի իրագործման ձեւեր…

Սակայն ոչ մի կերպ չեմ կարողանում ո՛չ հասկանալ, ո՛չ ըմբռնել մեր քաղաքական խաղերում մի բան, որին հայերեն շատ բնորոշ գզվռտոց անունն են տալիս: Իսկ գզվռտոց է, որովհետեւ բանավիճելու մշակույթ չկա:

Կփորձեմ ասելիքս պարզ բացատրել, որպեսզի ընթերցողս հասկանա, թե ուր եմ տանում խոսքս:

Անկեղծ ասած, հասկանում եմ Ռոբերտ Քոչարյանի զայրույթը, երբ իր կառավարման տարիներին տնտեսական աճի առյուծի բաժին շինարարությունը փուչիկ են անվանում: Եթե այդպես է, ապա ինչու այդ տարիների Կենտրոնական բանկի նախագահ Տիգրան Սարգսյանը, որ դրամավարկային քաղաքականության պատասխանատուն էր, չէր բարձրաձայնում այդ մասին: Տիգրան Սարգսյանին էլ եմ հասկանում. հանրությունը նրան մեղադրում է տնտեսական հետընթացի, արտագաղթը խթանելու, գործադիր իշխանության նկատմամբ ժողովրդի վստահությունը վերջնականապես տապալելու, դեռ չպարզաբանված օֆշորային սկանդալի մեջ: Եվ վարչապետը «պաշտպանվելու» համար մեղքը բարդեց քոչարյանական տարիների վրա: Արդյունքում՝ Տիգրան Սարգսյանը ի պատասխան «շինարարական փուչիկի», Ռոբերտ Քոչարյանի կողմից ստացավ «բանականության ու բարոյականության դեգրադացիա» ապրողի բնորոշումը: Ու հետո սկսվեց այն, ինչ կանխատեսելի էր մեր իրականությունում. նախարարները՝ մեծ ու փոքր, ՀՀԿ-ականները՝ թարմ ու նորօրյա, լծվեցին Ռոբերտ Քոչարյանին պատասխանելու գործին:

Continue reading →

Վարչական վարույթ՝ Լեւոն Տեր-Պետրոսյանի տան նկատմամբ

ՀՀ 1-ին նախագահի տան նկատմամբ Երեւանի քաղաքապետարանում վարչական վարույթ էր հարուցվել: Դրա համար հիմք էր հանդիսացել նախկին նախագահի դիմումը՝ Ծիծեռնակաբերդի խճուղու հ.10 հասցեում, սեփականության իրավունքով իրեն պատկանող տան կիսանկուղային եւ 1-ին հարկերի տարածքների գործառական նշանակությունը փոխելու պահանջով:

Բանն այն է, որ 1-ին նախագահը որոշել է իր տան այդ 2 հարկերում գրասենյակ հիմնել: Վարչական վարույթի ավարտին քաղաքային իշխանությունները պետք է կամ թույլ տային, կամ արգելեին նրան՝ իր սեփական տանը գրասենյակ ունենալ:

Երեւանի քաղաքապետարանի տեղեկատվության եւ հասարակայնության հետ կապերի վարչությունը հանդես եկավ 1-ին նախագահի տան նկատմամբ իրականացված վարչական վարույթի վերաբերյալ պարզաբանմամբ. «Որոշ զլմ-ների կողմից Լեւոն Տեր-Պետրոսյանի տան նկատմամբ Երեւանի քաղաքապետարանի կողմից վարչական վարույթ հարուցելու վերաբերյալ տարածվող տեղեկատվության առնչությամբ հարկ ենք համարում տեղեկացնել, որ, «Վարչարարության հիմունքների եւ վարչական վարույթի մասին» ՀՀ օրենքի համաձայն, Երեւանի քաղաքապետը հանդիսանում է վարչական մարմին եւ, ըստ այդմ, քաղաքացու դիմումի հիման վրա պարտավոր է հարուցել վարչական վարույթ՝ դիմումը քննարկելու եւ օրենքով սահմանված կարգով որոշում (վարչական ակտ) կայացնելու համար: Քաղաքացի Տեր-Պետրոսյանի դիմումը եւս, օրենքի պահանջի համաձայն, օրենքով սահմանված կարգով քննարկվել է ու Երեւանի քաղաքապետ Տարոն Մարգարյանի կողմից կայացվել է քաղաքացու խնդրանքը բավարարելու մասին որոշում»:

Այսպես՝ քաղաքապետարանը բավարարել է ՀՀ 1-ին նախագահի դիմումը, եւ նա կհիմնի իր գրասենյակը հենց իր տանը: Ինչը նշանակում է, որ սա, բացի անհատական գրասենյակ ծառայելուց, թույլ կտա, որ ՀԱԿ-ը, որը քաղաքական դաշինքից բացառապես կուսակցություն դարձավ Լեւոն Տեր-Պետրոսյանի կամքով, առավելապես գործի ՀՀ 1-ին նախագահի տնից:

Դարձյալ նոր ակտիվություն է նկատվում ՀՀ նախագահների շրջանում, եւ այս գրասենյակի բացումը նաեւ դրանով է պայմանավորված: ՀՀ 1-ին, 2-րդ եւ գործող 3-րդ նախագահների պայքարը չի դադարել երբեք: Երբեմն Սերժ Սարգսյան – Ռոբերտ Քոչարյան պայքարի հետեւում պայմանավորվածություններ են նկատվել, բայց այսօր, երբ գործող նախագահը փորձում է երկիրը խորհրդարանական կարգերի տանել եւ «պարալիզացնել» նախագահական աթոռը… նորից զարկ է տվել նախագահական հակամարտությանը:

Continue reading →

– Մակարոնով ջեռեփուկ

Բաղադրությունը – Հորթի միս կամ ապխտած ազդրամիս – 300 գ, սոխ – 2 գլուխ, հալվող պանիր – 250 գ, մակարոն – 0.5 կգ, բուսայուղ – 100 գ, ալյուր – 5 ճաշի գդալ, կաթ – 300 գ, կարագ – 100 գ, ձու – 5 հատ, սպիտակ պղպեղ եւ աղ:

Պատրաստման եղանակը – Կարագը էմալապատ տարայով դնել կրակին, ավելացնել կաթը, աղը, հասցնել եռման աստիճանի, լցնել 5 գդալ ալյուրը: Այնուհետեւ դա վերցնել կրակի վրայից, սառելուց հետո ավելացնել հարած ձուն: Ստացվում է կրեմանման զանգված: Աղացած միսը սոխով բուսայուղի մեջ տապակել, դնել մի կողմ: Մակարոնը խաշել, ջրքամել:

Այս ամենից հետո վերցնել վառարանի տակդիր եւ դրա մեջ որպես առաջին շերտ լցնել մակարոնի կեսը, վրան պատել մի շերտ կրեմով, ավելացնել պանրի մի մասը, հետո լցնել մսի մի շերտ:

Սրա վրա շատ քիչ, տեղ-տեղ կրեմ լցնել եւ ավելացնել մնացած մակարոնը: Հետո մակարոնի վրա լցնել մնացած կրեմը եւ մնացած պանիրն էլ քերել վրան: Դնել ջեռոցը եւ եփել մինչեւ երեսը կարմրելը:

Այս ուտեստը շատ հեշտ է պատրաստվում, եւ շատ տոնական տեսք ունի: Անու՜շ լինի:

Հայկական խոհանոց – (Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028) – (ռեստորանն ընդունում է կոլեկտիվ հայտեր)

* * *

Աշխարհի մարզական հեւքից – Հայկական մարզաշխարհի նորություններ

32 մեդալ՝ տարվա ընթացքում

ՀՀ կրթության եւ գիտության նախարար Արմեն Աշոտյանն հանդիպել է Դպրոցական մարզիկների համաշխարհային 13-րդ գիմնազիադիայի մասնակիցներին, Եվրոպայի ուսանողական առաջնությանը մասնակցած ՀՀ ուսանող մարզիկների թաեքվոնդոյի թիմին ու «Աստղագիտություն» առարկայի միջազգային օլիմպիադայում բրոնզե մեդալ նվաճած դպրոցականներին: Հայաստանի անունը միջազգային հարթակներում բարձր պահելու համար նախարարը շեշտել է, որ Բրազիլիայում տեղի ունեցած գիմնազիադայի հաջողություններով եզրափակվել են 2013թ. կրթական հաջողությունները: Նախարարը միջազգային մրցաշարերի մասնակիցներին հանձնել է պատվոգրեր, իսկ մեդալակիրները նախարարության կողմից արժանացել են պարգեւների: Նշենք, որ 2013թ. ՀՀ դպրոցականները միջազգային առարկայական օլիմպիադաներում նվաճել են 15 մեդալ, 4 մեդալ՝ դպրոցականների գիմնազիադայում, 10 մեդալ՝ ուսանողների ունիվերսիադայում, 3 մեդալ՝ Եվրոպայի ուսանողական առաջնությունում:

Continue reading →

Հայ Արիական Միաբանությունը (ՀԱՄ) իր կառույցներով, տարածքային ու սփյուռքյան մասնաճյուղերով հանդերձ շնորհավորում է ՀԱՄ առաջնորդ Արմեն Ավետիսյանին` ծննդյան 51-ամյակի առթիվ, որը լրացավ հունվարի 15-ին:

Մաղթում ենք առողջություն, երջանկություն, հաջողություններ ինչպես անձնական կյանքում, այնպես էլ ազգային գործունեության մեջ, որոնք անբաժանելի են մնացել միմյանցից:

ՀԱՄ առաջնորդին կամենում ենք առավել հոգեւոր իմաստնություն, անդրդվելի կամք եւ զորություն, նպատակասլացության ու հաղթանակի առավելագույն  կարողություններ:

Հայ Աստվածներն ու Տիեզերքի Արարիչը պահապան հայ արիների եւ ազգայնականների համախմբման առաջնորդին…

Հայ Արիական Միաբանություն.

1. Հայ ցեղապաշտ արիադավան ընտանիքների դաշինք

2. Հայաստանի Հայ-Արիական կուսակցություն (ՀՀԱԿ)

3. Հայ Արիական-Ցեղապաշտական Դաշինք հասարակական (հոգեւոր-մշակութային) կազմակերպություն (ՀԱՑԴ)

4. Հայ-Արիական կենտրոն՝ իր մարտարվեստների, մարմնակրթական, ստեղծագործական ու գիտական խմբակներով

5. «Հայ-Արիա» երկշաբաթաթերթ (ՀՀԱԿ եւ ՀԱՑԴ համատեղ պաշտոնաթերթ)

6. «Հայ-Արիներ» ամսաթերթ (ՀԱՄ պաշտոնաթերթ)

7. ՀԱՄ պաշտոնաթերթի «Հայեր» եռամսյա հավելված

8. ՀԱՄ լրատվական կենտրոն

9. ՀԱՄ տեղեկատվական-վերլուծական կենտրոն

10. Համացանցային ուսումնասիրությունների եւ գործունեության խորհուրդ (ՀԱՄ պաշտոնական կայք – www.hayary.org)

11. «Հայ-Արիական» ուսանողական ակումբ

12. «Հայ-Արիներ» երիտասարդական ակումբ

13. «Հայ-Արորդիներ» մանկապատանեկան ակումբ

14. ՀԱՄ «Ոգու պահապաններ» հոգեւոր-գաղափարախոսական կազմակերպություն

15. ՀԱՄ «Արցախյան պատերազմի մասնակիցների» խորհուրդ

16. Արիագիտական հետազոտությունների կենտրոն

17. Պատմագիտական, իմաստասիրական եւ գաղափարաբանական կենտրոն

18. Ազգային արժեքների պաշտպանության միավորում

19. Ազգային եւ միջազգային ռազմավարական հարցերի կենտրոն

20. «Արիական Արահետ» արտադրա-տնտեսական կազմակերպություն

21. ՀԱՄ Սփյուռքի հետ կապերի խորհուրդ

22. Համահայկական ազգայնական ուժերի միավորման նախաձեռնություն

23. Համահայկական համաշխարհային գաղտնի կառույցի ստեղծման նախաձեռնություն

24. Համաարիական ուժերի միավորման արտաքին կապերի խորհուրդ:

25. ՀԱՄ Ավագանու եւ մտավորականների խորհուրդ

26. ՀԱՄ Անվտանգության խորհուրդ

27. ՀԱՄ Հոգեւոր հանձնախումբ

28. ՀԱՄ Քրմական խորհուրդ

29. ՀԱՄ Տիեզերագիտական եւ Աստվածաբանական կենտրոն

30. ՀԱՄ Թաքնագիտական կենտրոն

– Շնորհավորանքներին միանում են նաեւ Հայ Ազգայնականների Համախմբման (ՀԱՀ) Խորհուրդը` իր բոլոր կառույցներով, ինչպեսեւ՝ ՀԱՄ անհատ միաբան անդամները, համակիր, օժանդակ եւ աջակից շրջանակները:

http://www.hayary.org/wph/?p=33 – Արմեն Ավետիսյան – Հայ Արիական Միաբանության առաջնորդ

http://www.youtube.com/watch?v=tJJf9_OENgo
Reincarnation- Hay Ariner… Հայ Արիներ…

http://www.youtube.com/watch?v=RAbFWo7h9Pk#t=90 – Rahvira – Ov Du Ariakan (Ով Դու Արիական)…

– Սիրում եմ քեզ կյանք, քանզի  արարչական ես ու անգնահատելի, սրբազան ժամանակահատված՝  ծննդի եւ մահվան միջեւ, մի լուսեղեն տիեզերապարբերություն՝ ազգիս նվիրաբերվելու եւ անդադրում գործելու…

֊ Սիրում եմ քեզ մահ, քանզի   բնականն ես ու  անգերազանցելի, գալիս եւ տանում ես հոգիս՝ վասն  հայ տեսակի բնության հետ ձուլելու, ուրեմնեւ՝ հավերժության գիրկը…

ԱրԱրիչը ԱրԱրեց ԱրԱրածին ԱրԱրատում եւ ԱրԱրված Արիածին ԱրԱրածը Արիացին էր՝ Արի Մարդը (Արի Մանը)՝ Արմանը կամ Արմենը…

Փա՛ռք ԱՐԱՐՉԻՆ, որ Սկիզբն է եւ Վերջը Ամենայնի, Ամենակարողն է ու Ամենակատարյալը, եւ Ինքը հենց Տիեզերքն է՝ Տիրոջ Եզերքը՝ Մեծ Եզերքը…

Հա՛յր իմ ԱրԱրիչ,

Մա՛յր իմ Բնություն,

Տու՛ն իմ Տիեզերք,

Սիրու՜մ եմ ես Ձեզ,

Գալի՜ս եմ ես Ձեզ,

Կհասնե՜մ ես Ձեզ…

Փա՛ռք Ամենակալ Տիրոջը, որ ԱրԱրիչն է նաեւ Իր Որդիների՝ Հայ Աստվածների…

Օ՛ Հայոց Աստվածներ, Տիեզերքի Զավակներ, Զորության, Սիրո ու Բարու Աստվածներ, ԱրԱրչական Առաքինության ու Հայոց Առաքելության Աստվածներ…

Օ՛ Հայր Արա, որ Քո Աստվածային Սերմից ենք մենք եւ կրում ենք Քո Անմահ Գենը (Ծինը)…

Օ՛ Մայր Անահիտ, որ Արգանդն ես Հայոց ԱրԱրման, Աստվածամայրը՝ Հայորդի-Արորդիների…

Օ՛ Վահագն, Հայոց Զորության տիրակալ, ոգու եւ բազկի Դու ապավեն, քաջության ու մարտունակության տիպար…

Օ՛ Միհր, արդարադատ եւ արեւատենչ, Հայոց ոգեղեն ու անշեջ լույս-կրակ…

Օ՛ Տիր, Հայոց մտքի ու դպրության գանձարան, հայկականության անսպառ դպրանոց…

Օ՛ Աստղիկ, սիրո ու գեղեցկության հավերժական դիցուհի, մարդու եւ բնության ներդաշնակ գեղանք…

Օ՛ Նանե, ողջախոհության Դու ակունք, մեր առաքելության պահապան…

Օ՛ Վանատուր, Հայոց հյուրընկալության-հյուրասիրության շտեմարան, նվիրաբերվելու անհակ օրրան…

Օ՛ Հայոց բոլոր Աստվածներ, որ Զավակներն են Արարչի…

Օ՛ Հայկ Նահապետ, որ զարմն ես Հայր Արայի, եւ մեր փառահեղ Նախնին ու՝ Աստվածամարդ…

Continue reading →

Հայ Արիական Միաբանությունը (ՀԱՄ) եւ Հայ Ազգայնականների Համախմբումը (ՀԱՀ) կրկին իրենց շնորհավորանքներն են հղում համայն հայությանը՝ մեծանուն հայի՝ Գարեգին Նժդեհի՝ հունվարի 1-ի ծննդյան 128-ամյակի կապակցությամբ, ինչպեսեւ՝ հունվարի 14-ի՝ Հայ ցեղակրոնի (Ցեղակրոնության) օրվա առթիվ:

Ցեղակրոն հայակուռ ուսմունքը ստեղծել է ազգային գաղափարախոս, պետական գործիչ, իմաստասեր եւ ռազմագետ, ռազմիկ եւ սպարապետ Գարեգին Նժդեհը, եւ այդ հզոր ուսմունքն առայսօր համակարգված ու արդեն իսկ գործուն ազգային գաղափարախոսություն է, հայի դրսեւորման մի կուռ համակարգ, ինչը նաեւ բնույթով վերկուսակցական, վերդասակարգային ու վերկրոնական է:

Ցեղակրոն հայորդի – նշանակում է ցեղը կրող՝ հայի գենը կրող, հայկական արժեքային համակարգը կյանքի ուղենիշ դարձրած հայ:

Եվ հայի գենը կրող աշխարհասփյուռ ավելի քան 15 մլն. (եւ շուրջ այդքան էլ ծպտյալ) հայերին է ուղղված այս համազգային շնորհավորանքը:

Հայ արիադավան (հեթանոս), քրիստոնյա, մահմեդական (ծպտյալ) եւ այլադավան ու այլուրեք ապրող հայերը կարո՛ղ են եւ պե՛տք է համախմբվեն Ցեղակրոն-Ցեղահավատ-Ցեղապաշտ գաղափարների շուրջ, ինչը թույլ կտա աշխարհի ավելի քան 200 երկրներում ազգայնորեն աշխուժացնել հայկական տարրն ու հայանպաստ գործունեությունը:

Ցեղակրոն հայը ապագա եւ միացյալ Հայաստանի (Հայկական լեռնաշխարհում) կերտողն ու տերն է լինելու, հայության համախմբողը, ուստի՝ հունվարի 1-ը եւ 14-ը պետք է դառնան աշխարհասփյուռ հայության ազգային ու պետական տոները, ինչը պարբերաբար վեր կհառնի նաեւ հայի գենետիկ ու աստվածատուր զորություններն ամբողջ աշխարհում:

Փա՛ռք Ցեղակրոն հային, փա՛ռք Գարեգին Նժդեհին: Փա՛ռք Հային ու Հայքին:

Հայ Արիական Միաբանություն

Հայ Ազգայնականների Համախմբում

14.01.2014թ. – քաղաքամայր Երեւան

ՑԵՂԱԿՐՈՆՈՒԹՅՈՒՆԸ՝ ԱՌՈՂՋ ԱԶԳԱՅՆԱԿԱՆՈՒԹՅՈՒՆ

– Ազգայնականության երկու ձեւերից՝ ազգայնական անհատապաշտություն եւ եսապաշտություն, ցեղակրոնը ողջունում է առաջինը, որն այլ բան չէ, եթե ոչ ազգ-անհատի արդար եւ արգասավոր ձգտումը՝ հավատարիմ մնալ իր ցեղի ոգուն, կատարելագործել իր պատմական տիպը եւ պաշտպանել իր հավաքական անձի ազատությունը: Ցեղակրոնի այդ ձգտումը լիուլի համապատասխանում է համամարդկային բարոյականի եւ առաջադիմության բարձր սկզբունքներին,- ասված է Ցեղակրոնության «Հավատամք»-ում:

Ցեղակրոնությունը յուրատեսակ զուգորդում, ներդաշնակում է ցեղայինի ու համամարդկայինի: Անկրկնելի ցեղայինը եւ օրինակելի մարդկայինը համադրաբար կազմում են Ցեղակրոնության հենքը: Ցեղակրոնությունը չի՛ քարոզում թշնամանք դեպի մնացած ազգերը, բացառությամբ թուրքի, որին աներկբա հռչակում է Ցեղի թշնամի: Այն «բացառիկություն» ու «ընտրյալություն» շեփորող կույր ցեղամոլություն չէ՛, այլ՝ Ցեղի ինքնատիպությունը եւ անհատականությունը հաստատող առողջ ազգայնականություն:
Նժդեհը «առողջ ցեղապաշտության քարոզիչն էր»

ՑԵՂԱԿՐՈՆՈՒԹՅԱՆ ՀԱՎԱՏԱՄՔԸ

Ա. Ես ցեղակրօն եմ – Եւ ահա՝ կ երդնում Վահագնի աջի վրայ՝ երբեք չմեղանչել ուխտիս դէմ – ապրել, գործել ու մեռնել որպէս ցեղամարդ:
Բ. Ինձ համար անհատականութեան եւ ազատութեան ամենաբարձր արարքը – դա հնազանդուելն է ցեղիս:

Գ. Ես ցեղաճանաչ եմ, եւ ահա՝ գիտեմ, թէ մե՛ծ է իմ ցեղը, թէ իմ ցեղն աւելի՛ն է տուել մարդկութեան, քան ստացել է նրանից. գիտեմ, որ հայոց նորագոյն յեղափոխութիւնը վերջին գործը չէ իմ ցեղի էութեան. գիտեմ, թէ ի՞նչ բաների ատակ է իմ ցեղը:
Դ. Ես ցեղահաւատ եմ, եւ ահա՛ պաշտում եմ ե՛ւ մի այլ աստուածութիւն – ցեղիս արի՛ւնը, որի անարատութեան մէջ է իմ ցեղի ապագան:
Ե. Ես ցեղահաղորդ եմ, եւ ահա՛ զգում եմ, որ իմ անձը աւելի՛ իմ գերագոյն ծնողին – իմ ցեղին է պատկանում, քան իմ անմիջական ծնողներին:
Զ. Իմ ժողովրդի քաղաքական ճակատագրով զբաղուելու պարտականութիւն ունիմ ես, եւ ահա՛ պայքարում եմ մի մե՛ծ ճակատագրի համար, որին արժանի է իմ ցեղը:
Է. Ցեղակրօն ե՛մ, ասել է՝ ուր էլ որ լինեմ, ընկերային ինչ դիրք էլ որ ունենամ, ես խանդավառօրէն կը մնամ հպատակն ու մարտիկն իմ ցեղի:

Continue reading →

Նժդեհը հայությունը բաժանում է զգայա-գիտակցական երեք շերտերի՝ ազգային-ցեղային (Ցեղը), տատանվող կամ չկողմնորոշված (ժողովուրդը), ամբոխացած, հակազգային (տականքը):

Արդի հայությունը գերազանցորեն հանդես է գալիս որպես հայ ժողովուրդ, այսինքն՝ հայկական որեւէ հատկանիշ ունեցող մարդկանց ժողովածու: Հայության շատ փոքր մասն է, որ իր զգայա-գիտակցական մակարդակով ու կենսաձեւով նկատվում է որպես Հայ ցեղ (ազգ): Հայության մի հատվածն էլ կազմում է տականքը:
Տականքը – Սա հայության ազգուրաց տարրն է, նրա աղբը, թերմացքը: Սա Ցեղի ներքին թշնամին է՝ լծված արտաքին թշնամու ռազմակառքին. անդիմագիծ՝ որպես հայ եւ զզվելի՝ որպես մարդ. հայության հանդեպ ո՛չ մի պարտականություններ չճանաչող, բայց մշտապես իրավունքներից ճամարտակող:
Նա ազգային պատկանելություն չունի, եւ եթե խոսում էլ է հայերեն, ապա միայն այն պատճառով, որ հաղորդակցվելու այլ ձեւ դեռ չի գտել: Նյութակրոն՝ որի համար գերագույն արժեքը դրամն է: Հայրենիք չի՛ ճանաչում եւ առաջնորդվում է «որտեղ հաց, էնտեղ կա՛ց» սկզբունքով: Նրա համոզումով՝ Հայ ցեղը «ցեխ» է, մարդկային ստորադաս տեսակ: «Ցեղանենգ շեյթա՛ն»,- այսպես խարանեց նրան Հայկ Ասատրյանը: Դա՝ հայության ազգորեն մեռած տարրն է, մեկընդմիշտ ամբոխացած: Ցե՜ղը – Սա հայության ընտրանին է, սերուցքը, որի գերնպատակն է՝ իր տեսակի հավիտենականացումը Հայրենիքում: Նա՛ է իր մեջ կրում Հայկականությունը եւ այն փոխանցում սերունդներին: Ցեղի համար՝ անփոխարինելի՛ է Հայրենիքը, նրա անկախությունը՝ թթվածնի պես անհրաժեշտ: Ցեղն է մարտնչում ու նահատակվում՝ հայության պատիվը փրկելիս:

Continue reading →

ՑԵՂԱԿՐՈՆՈՒԹՅՈՒՆԸ՝ ՀԱՂԹԱՆԱԿԻ ԵՐԱՇԽԻՔ

«Հաղթել՝ ասել է գերազանցել: Գերազանցելու ճիգ է Ցեղակրոնությունը»: Նա ուսուցանում է, թե Ցեղի արտաքին թշնամիներին գերազանցած լինելու համար, պետք է նախ գերազանցել իր նախորդ սերնդին: «Իբրեւ օրենք՝ գերազանցի՛ր նախորդներիդ – խիզախությամբ, նվիրումով, հայրենահոգությամբ», քանզի «ո՛վ չի գերազանցում իր նախորդներին, նա անարգում է նրանց անունը՝ մեղանչելով ոգու զարգացման օրենքի դեմ»,- պատգամում է Նժդեհը: Դա ասել է՝ որպես հավատամք ընդունել, որ քո սերունդը ավելի մեծ պարտականություն ունի, քան ուներ անցնող սերունդը, եւ որ պարտականության մեջ քո բաժինը՝ առյուծի բաժինն է, ամենամե՛ծը:
Եվ Նժդեհը վստահ է, թե Ցեղի թշնամիների հանդեպ «հայը միայն ցեղակրոնությամբ կարող է գերազանց հանդիսանալ, որովհետեւ… հրաշունչ ցեղայնությունն է նրա էության հիմնական կշռույթը»: Ասել է, թե հայը միայն Ցեղակրոնությամբ կարող է հաղթել:

ՑԵՂԱԿՐՈՆԸ (ՑԵՂԱՄԱՐԴԸ)

Ցեղակրոնությունը ձգտում է ստեղծել հոգեբանական այն մթնոլորտը, որի պայմաններում հնարավոր լինի Ցեղի առաքինությունների ու կարողությունների դրսեւորումը: Այն «ճգնում է աշխարհ բերել ցեղամարդը՝ ամբողջակա՛ն հայ մարդը, որի մեջ եւ միջոցով պիտի արտահայտվեն ցեղի բովանդակ դրական ուժերն ու հատկությունները»:
Ցեղամարդ հայի գաղափարատիպն է ցեղակրոնը: Ցեղակրոնը չի՛ սարսափում միջավայրի այլասերիչ ազդեցությունից, քանզի գիտե, որ այն անզոր կլինի ուծացնել, եթե մենք ապրում ենք ցեղորե՛ն:
Նա ատում է վախկոտությունը: Պատահական չէ, որ Ցեղակրոն Ուխտերում խստիվ արգելված էր «մի՛ վախնար» խոսքը, քանզի ցեղակրոնի հասկացողությամբ «վախենալ մեկի համար՝ ասել է թշնամանել (անպատվել, անարգել) նրան»:
Պարտվողականությանը նա հակադրում է հաղթական ոգին, կրավորական տառապանքին՝ ներգործուն պայքարը, սարսափի հոգեբանությ անը՝ մեռնելու կամքը, լալկանությանը՝ արիադավանությունը, մտքի անիշխանականությանը՝ ցեղային մտածումը, կրոնական անդենականությանը՝ երկրավոր հայրենապաշտությունը, դասակարգային եւ հարանվանական եսականությանը՝ ներցեղային բարոյականը: Ցեղակրոնը թշնամի է ճանաչում թուրքին, բոլշեւիկին ու սրանց հայադավ գործակալներին, որոնց վճռաբար հակադրում է իր զորութենական ցեղապաշտությունը: Նա խորշում է բոլոր այն հոսանքներից, կրոններից ու վարդապետություններից, որոնք ժխտելով ազգերի անհրաժեշտությունը կամ եղծելով ցեղային անհատականությունը, վտանգում են նաեւ Հայ ցեղի գոյությունը:
Continue reading →

Շնորհավորում ենք`

– Մեր ազգի բազում հազարամյակներ անցած եւ Հայ Գենին հավատարիմ մնացած արիադավան (հեթանոս) – ցեղակրոն հատվածին` հունվարի 1-ի` Արորդի  եւ այլեւս Աստվածամարդ Գարեգին Նժդեհի ծննդյան օրվա, եւ հունվարի 14-ի` Հայ ցեղակրոնի ու Ցեղակրոնության օրվա կապակցությամբ` մաղթելով արդար աշխատանք, հարատեւ երջանկություն, գիտակցված համբերություն եւ աննկուն քաջություն, նաեւ ազգային ու պետական խնդիրները հաղթանակով լուծելու կամք ու կարողություն:

Աշխարհասփյուռ հայությանը մաղթում ենք հաջողություններ՝ միացյալ Հայաստանի եւ միասնական Ազգի վերակերտման ճանապարհին…

Փա՛ռք Հավերժական Կյանք մտած Գարեգին Նժդեհին եւ փառահեղ Հայ Նախնյաց:

* * *

Շնորհավորում ենք նաեւ՝

– Հայ քրիստոնյաների Նոր (2014թ.) տարին` Ամանորը` մաղթելով մեր այլադավան քույր-եղբայրներին երջանկություն եւ հաջողություններ, սեր ու միասնություն` անձնական կյանքում եւ ի նպաստ ազգի ու հայրենիքի զորացման:

* * *

Շնորհավորում ենք՝

– Եվ հայ արիական փառաբանությամբ մաղթում, որ համայն հայությունն ի վերջո բռնի տունդարձի ճանապարհը, ինչը կարող է իրականություն դառնալ միայն Հայոց հավատադարձի եւ Ազգային պետության ուղին բռնելու դեպքում… Եվ թող վերագտնի՛ հայն իր արմատը-ակունքը, ծինաբանական իմաստնությունն ու ողջախոհությունը, հավատն ու զորությունը, ինքնությունն ու էությունը… Ապրի՛ հայաշունր եւ հայաբնույթ՝ իր հայակերտ ու հայակամք հայրենիքում:

Փա՛ռք Տիեզերքի Արարչին, որ Հայ Տեսակ է Արարել:

Փա՛ռք Հայ Աստվածներին, որ հարատեւման կամք են պարգեւել Հայ Մարդկանց ու Հայկական Լեռնաշխարհին:

Փա՛ռք Հային ու Հայքին:

Հայ Արիական Միաբանություն (ՀԱՄ)

Շնորհավորանքներին միանում է Հայ Ազգայնականների Համախմբման (ՀԱՀ) Խորհուրդը` իր բոլոր կառույցներով:

http://www.hayary.org/wph/?p=3690 – Հունվարի 1-ին Գարեգին Նժդեհի սուրբ ծննդյան օրն է – Հունվարի 14-ին Հայ ցեղակրոնի եւ Ցեղակրոնության օրն է… Հավերժի ճամփորդը՝ Հայոց հսկան՝ Գարեգին Նժդեհ… Նժդեհի հրապարակում՝ Նժդեհի՛ արձանը…

http://www.hayary.org/wph/?p=2315  – (ամբողջական նյութը այստեղ)

– Մեր արիացեղ-հեթանոսական ժամանակներում հայերն Ամանորը տոնել են բնական տարեփոխության ժամանակ՝ մարտի 21-ին` գարնանային գիշերահավասարի օրը, փառաբանելով Բնության Զարթոնքը եւ Հայ Աստվածներից (ու Տիեզերքի Արարչից) խնդրելով բերքառատ ու հաջողբեր տարի:

…Այդ օրն արի հայերը տոնում են նաեւ Հայոց ռազմի ու զորության Աստված Վահագնի Ծնունդը (Երկրային վերամարմնավորումը՝ Հայոց հավատավոր հոգիներում), քանզի Տիեզերական Զորությամբ Օժտված Աստվածն է Հայոց Աշխարհում ապավենը Գարնան Վերազարթոնքի:

…Հայաստանում այսօր էլ նախնիների ավանդույթները շարունակում են հայ հեթանոսները` հայ արիադավանները, միաժամանակ չանտեսելով քրիստոնեական (հայ քրիստոնյաների) Ամանորը…

Այս տարվա Ձմեռնամուտը դեկտեմբերի 21-ին էր, այդ օրից սկսել է Արեւագալը: Հայ արիական տոնացույցով ամեն տարի նշվում է Հայոց արդարադատության Միհր Աստծո տոնը: Հայ արիներն այս տոնը հաճախ են տոնում Գառնո տաճարում, քանզի տաճարը հենց Միհր Աստծո պաշտամունքի համար է կառուցվել եւ գործող տաճար դառնալուց հետո, թերեւս նորից իր առաքելությունը կատար… Եթե պետական ու կրոնական քարոզչամեքենաներն առավել սիրով մոտենան հայոց փառավոր անցյալին ու զորավոր հավատին…

Արեւագալին կամ Ձմեռային Արեւադարձին հայ արիները կնշեն Հայոց արդարադատության Աստված Միհրի վերածնունդը (վերածնունդ է երկրային պատկերացումներով, քանզի Աստվածներն անմահ են եւ չեն լինում հին ու նոր, առավել եւս՝ «մեռած», ինչի մասին հոխորտում են հուդա-քրիստոնյաները):

Օրը (դեկտեմբերի 22-ի լույս 23-ի գիշերը) դեպի Տիեզերք, դեպի Արարիչն ու Աստվածները գնացող ազդակների համար նպաստավոր է եւ դա իր կնիքն է դրել հավատավորների պատկերացումներում, որ Միհր Աստվածն այս Բնական ու Տիեզերական Արեւադարձի վերահաստատումից պաշտվի նաեւ որպես լույսի ու ջերմության Աստված (Արեւ-Աստված):

Հայ տեսակի Արարման տոնից հետո հայ արիներն ու հեթանոս արիադավան ազգայնականները Ձմեռային Արեւադարձին փառաբանել են Միհր Աստծուն՝ Տիեզերական Արդարության եւ Բնականոն Իրավունքի վերահաստատման հավատով, նաեւ Հայ տեսակի Առաքելության վերաիմաստավորման համար, ինչպես Երկիր մոլորակում, այնպես էլ բոլոր Տիեզեաաշխարհներում…

Հայ Արիական Միաբանության Հոգեւոր հանձնախմբի քրմերն ու քրմի թեկնածուներն այս անգամ Արեւագալը դիմավորել են Ջավախքում եւ արիադավան-հեթանոսական քրմական ծեսով դիմել են Հայ արդարադատ Աստծուն, որ վասն արդարության իր աստվածային կամքը ներդնի Հայոց Ջավախքի եւ Հայոց բոլոր տարածքների՝ Հայաստանին վերամիավորվելու համար:

Continue reading →

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան – http://www.hayary.org/wph/?p=2223  

1. Հունվարի 1-ին Գարեգին Նժդեհի սուրբ ծննդյան օրն է – Հունվարի 14-ին Հայ ցեղակրոնի եւ Ցեղակրոնության օրն է… Հավերժի ճամփորդը՝ Հայոց հսկան՝ Գարեգին Նժդեհ… Նժդեհի հրապարակում՝ Նժդեհի՛ արձանը…

2. Մեր ավանդապատումները – Սյունիք (4-րդմաս)… Արեւագալ է եւ Հայոց Միհր Աստծո տոնը (Քուրմ Արեգ – ՀԱՄ Հոգեւոր հանձնախմբի Քրմական խորհրդի ներկայացուցիչ)…

3. Կրոնախաղերի խաչմերուկում. – Դալայ Լաման զարմանում է… Բրիտանացիները եկեղեցի են հիմնել աթեիստների համար… Հանդիպել են Պուտինը (Ռուսաստանի «պապան») եւ Հռոմի պապը… Հերթական սկանդալը՝ Ռամզան Կադիրովի կողմից… Չկա Մերձավոր Արեւելք՝ առանց քրիստոնյաների… Մի՞թե ջհուդի կրոնը կարող է մեր ազգայինը լինել… Քրիստոնյա աշխարհի կենտրոնը՝ Երուսաղեմ…

4. Խմբակային սեքս եւ արյունապղծություն են քարոզում… Արցախում գործում է նոր աղանդ՝ «Արթնության կրակ»-ը… Անբարոները թափանցում են ամենուր… Զգույշ լինենք՝ չդառնա հակագովազդ… ՀԱՄ կայքը տրամադրում է գովազդային վահանակի տեղ… 2014-ին կարդացե՛ք եւ բաժանորդագրվե՛ք «Լուսանցք»…

5. Գազային խարդավանքներ… Հայի շահն ու ծրագրերի ժամանակը… Բրյուսելը Մաքսային միության եւ Ասոցացման պայմանագրի հակամարտությունում հասկացրել է Մոսկվային, թե կարող է «հիշել», որ «Հարավային հոսքը» ԵՄ պահանջների չի համապատասխանում…

6. Արցախի վերամիավորումը՝ պահանջատիրական քայլ 1915-ի շեմին… Արցախը հայի հող է «դառնում» նաեւ ՄԱԿ-ի աչքին… Բարեկամության պուրակ՝ Արցախում…

7. Հասարակական-քաղաքական.- Տարեփոխության պահանջը ներքաղաքական փոփոխություններն են… Տրանսպորտի ուղեվարձը հունվարից չի՞ թանկանա… Ընդդեմ ապօրինի, անողոք թանկացումների…

8. Ցավոտ կետեր – Աճ՝ նույնիսկ ճգնաժամի տարիներին – Բայց նոր շուկաներ մտնելու մասին մոռանալ պետք չէ… Հայաստանի փորձը ներառվեց որոշման մեջ… Հայաստանը՝ մշակութային արժեքների կոմիտեի անդամ…

9. Մարզական խճանկար – 10 լավագույնները. Դավիթ Սաֆարյանը՝ Հայաստանի լավագույն մարզիկ… Գագիկ Ծառուկյանի եւ Ռուբեն Հայրապետյանի հեռակա մենամարտը շարունակվում է (ստվերում նաեւ ՀՀ սպորտի նախարար Յուրի Վարդանյանն է)…

10. «Լուսանցք»-ը շնորհավորում է հայ արիներին, որ հունվարի 1-ին տոնում են Գարեգին Նժդեհի ծննդյան օրը եւ քրիստոնյա հայերի տարբեր հատվածներին, որ տոնում են իրենց սուրբ ծնունդն ու Ամանորը… Հայկական խոհանոց՝ տոնական օրերի համար…