Monthly Archives: March 2017

Պաշտոնական Երեւանը խիստ հայտարարությամբ է հանդես եկել Ադրբեջանի հասցեին՝ վերջինիս զգուշացնելով Արցախի դեմ շարունակվող ռազմական ագրեսիայի հնարավոր ծանր հետեւանքների մասին: Նախագահ Սերժ Սարգսյանը մարտի 2-ին Դիվանագետի օրվա կապակցությամբ այցելել էր ՀՀ ԱԳ նախարարություն, որտեղ խոսել է արցախյան հակամարտության մասին՝ ասելով. «Եթե Ադրբեջանը շարունակի նույն ոգով եւ իրավիճակը հասցնի պատերազմականի, ապա Արցախի ժողովրդի անվտանգությունն ապահովելու համար մենք մեկ վայրկյան անգամ չենք տատանվի կիրառելու մեր զինանոցում եղած բոլոր հնարավորությունները։ Այսօր տարածաշրջանում լայնածավալ պատերազմի զսպող գլխավոր գործոնը հայ զինվորն է, որն ամուր կանգնած է եւ հստակ գիտակցում է, թե ինչի համար է պայքարում եւ ինչ խնդիր է լուծում»:

Թե ինչ ուղերձներ է պարունակում Հայաստանի նախագահի հայտարարությունը եւ արդյոք սա նշանակում է, որ կա ադրբեջանական լայնածավալ նոր հարձակման վտանգ, դեռ ժամանակը ցույց կտա: Բայց որ այդ պատճառով է հայկական կողմը դիմում հակառակորդի զսպման այսօրինակ քաղաքական լծակների կիրառմանը, այդպես է:

Չմոռանանք, որ վերջերս մեր պաշտպանության նախարար Վիգեն Սարգսյանն էլ հայտարարեց, թե չի բացառվում, որ ՀՀ եւ ԼՂՀ անվտանգությանը սպառնացող իրավիճակում հայկական կողմը գործի կդնի հանրահայտ «Իսկանդեր»-ները, ինչը հաստատ Ադրբեջանի ապագայի վրա կարող է լուրջ ազդեցոություն ունենալ:

Ռուս հրապարակախոս, Միջազգային իրավունքի ռուսական ասոցիացիայի անդամ Դենիս Դվորնիկովը մեկնաբանում է մեր նախագահի հայտարարությունը՝ որպես հստակ ու երկիմաստություն չունեցող ուղերձ Բաքվին ու միջազգային ամբողջ հանրությանը, որով նա զգուշացնում է Բաքվին զերծ մնալ սադրանքներից, իսկ միջնորդներից պահանջում է ճնշում գործադրել ադրբեջանական կողմի վրա:

«Ոչ միայն դիվանագետներն ու ռազմական փորձագետները, այլեւ լրագրողները, հանրային տարբեր կառույցների ներկայացուցիչները, շարքային դիտորդները տեսնում են, որ Ադրբեջանը ամեն գնով իրավիճակը հրահրում է զինված առճակատման, եւ որ վառոդի հոտը գնալով ավելի պարզ է զգացվում՝ հասնելով մինչեւ Մոսկվա եւ աշխարհի այլ մայրաքաղաքներ: Որոշ գնահատականներով՝ լայնածավալ նոր սադրանքները կարող են սկսվել մոտակա ամսվա ընթացքում: Նախագահի խնդիրը քաղաքացիների, այդ թվում՝ Արցախ-Ադրբեջան սահմանին ծառայող զինվորների պաշտպանությունն է, եւ Սերժ Սարգսյանը հասկացնում է, որ նախորդ տարվա ապրիլյան իրադարձությունների առաջին ժամերի պատկերը չի՛ կրկնվելու: Դիվերսիա իրականացնելու ցանկացած փորձ կանխարգելիչ հարված հասցնելու իրավունք է տալիս հայկական կողմին: Սա ոչ միայն կոչ է Բաքվին՝ զերծ մնալ սադրանքներից, այլեւ դիմում բոլոր միջնորդներին՝ Ադրբեջանի իշխող ռեժիմի վրա ճնշում գործադրելու պահանջով»,- «Առաջին լրատվական»-ի հետ զրույցում նշել է Դենիս Դվորնիկովը:   Continue reading →

Թուրքիա-Ռուսաստան վերջին ռազմա-քաղաքական սրումների ժամանակ, երբ Անկարան փորձում էր ՆԱՏՕ-ից անկախ, զուտ թուրքանպաստ քայլեր անել Սիրիայի տարածքում, հատկապես քրդաբնակ շրջաններում, արեւմտյան դաշինքը խստացրեց պահանջներն Անկարայի նկատմամբ, ինչը դուր չեկավ թուրքական կողմին: Հատկապես Գերմանիան կտրուկ արտահայտվեց՝ Թուրքիային մեղադրելով նաեւ Աֆրիկայից եւ Ասիայից փախստականների ժամանակավոր կացարանների համար հատկացված գումարները յուրացնելու մեջ:

Իրավիճակն այնքան սրվեց, որ Անկարան հայտարարեց, թե հնարավոր է Ինջիրլիքի ռազմաբազան փակվի գերմանական զորախմբի առջեւ: Իսկ գերմանական կողմն ավելի կտրուկ արտահայտվեց, թե առհասարակ կարող է իր զինվորականներին հանել այդ ռազմաբազայից եւ Թուրքիայի հետ համագործակցությունը ռազմական առումով կարող է աննպտակահարմար համարել: Հասկանալի է, որ ՆԱՏՕ-ի ղեկավարությունը չէր կարող թույլ տալ նման բան… Բայց թուրք-գերմանական հակամարտությունը նորովի է բորբոքվում, այս անգամ քաղաքական ոլորտում:

Այժմ էլ հնչում են հայտարարություններ, թե Ինջիրլիքի ռազմաբազան ամերիկյան ուժերի համար կարող է փակվել: Հիշեցնենք, որ  թուրք-ռուսական հակասություններից հետո, երբ երկկողմանի ջերմացման քայլեր էին լինում, Անկարան անսպասելի հայտարարեց, թե Ինջիրլիքի ռազմաբազան կարող է նաեւ Ռուսաստանին ծառայել, ինչը զայրացրեց Արեւմուտքի երկրներին, առավելապես Միացյալ Նահանգներին: Այդ ժամանակ Ռուսաստանն արդեն իսկ հզորացնում էր տարածաշրջանի իր միակ բազան, որը Հայաստանում է, ինչպեսեւ՝ նոր ստեղծվող ռազմաբազան Սիրիայում:   Continue reading →

«Ռուսաստանի ձեռքերում է ղարաբաղյան կարգավորման բանալին եւ գերիշխող տարածաշրջանային կարգավիճակը պահպանելու նրա ձգտումը նույնքան ուժեղ է, որքան եւ այդ խնդիրը լուծելու ցանկությունը»,- ասվում է ամերիկյան «Stratfor» վերլուծական կենտրոնի զեկույցում։ Ըստ «Stratfor»-ի՝ Ղարաբաղյան հակամարտության կարգավորմանն ուղղված բանակցություններում այդպես էլ ձեռք չի բերվել առաջընթաց, իսկ հավանականությունը, որ այս տարի ռազմական գործողությունները կվերսկսվեն,  շատ մեծ է։

«Ադրբեջանի նպատակն է առնվազն հարցականի տակ դնել ստատուս-քվոն, մինչդեռ Հայաստանի նպատակն է պահպանել իրավիճակն այնպիսին, ինչպիսին կա։ Հայաստանի ու Ադրբեջանի չճկվող դիրքորոշումները փակուղի են տարել բանակցությունները, բայց կա նաեւ երրորդ վճռորոշ խաղացողը, որին պետք է հաշվի առնել, իսկ այդ խաղացողը Ռուսաստանն է։

Մինչ Հայաստանի ու Ադրբեջանի դիրքորոշումները ակնհայտ են, հակամարտությունում Ռուսաստանի մոտիվացիան շատ ավելի բարդ է»,- նշվում է վերլուծությունում։

«Stratfor»-ի փորձագետը համարում է, որ լայն իմաստով, Հայաստանի ու Ադրբեջանի, ինչպես նաեւ նախկին ԽՍՀՄ մյուս երկրների հանդեպ Ռուսաստանի հիմնական հետաքրքրությունը հանգում է ազդեցությունը պահպանելուն։ Հեղինակը համարում է, որ Ռուսաստանը

«ընդհանուր առմամբ հաղթահարել է այդ խնդիրը Հայաստանում», սակայն ուզում է Բաքվին էլ ավելի մոտեցնել իրեն։ Նա շեշտում է, որ 2016թ. ապրիլյան իրադարձությունների ժամանակ Ռուսաստանը չեզոք դիրքորոշում է զբաղեցրել, եւ ոչ թե պաշտպանել իր հայ դաշնակիցներին՝ ռազմական ու քաղաքական առումներով:   Continue reading →

Հայաստանը շարունակում է արտաքին աշխարհի հետ առնչվել փոխհամադրելի քաղաքականությամբ, ինչը հնարավորություն է տալիս խուսափել «միակ եւ հավատարիմ բարեկամը» կամ «անփոխարինելի հավատարիմ գործընկերը» լինելու տխուր հեռանկարից, ինչը մինչ վերջերս առկա էր մեր պետական արտաքին քաղաքական գրեթե բոլոր ուղղությունների մեջ:

Հայաստանը միջազգային ասպարեզում ընկալվում էր բացառապես ռուսամետ–ռուսաստանամետ մի երկիր, որն անկախ իր արեւմտյան գործընկերների հետ հարաբերությունների բարելավմանն ուղղված քայլերին, Արեւմուտքի կողմից չէր դիտարկվում տարածաշրջանային եւ այլ ծրագրերում՝ որպես դերակատար:

Վրաստանը վերածվելով հակառուսական պետության, կարողացավ անցնել արեւմտյան ուղղություն, սակայն կրեց տարածքային կորուստներ՝ Աբխազիան եւ Հարավային Օսիան փաստացի հանձնելով Ռուսաստանին:

Ադրբեջանը եղբայրական Թուրքիայի օժանդակությամբ եւս հանգրվանեց արեւմտյան քաղաքական շրջանակներում, սակայն տարածքային կորուստներ դեռեւս չունեցավ, քանի որ ինչպես Թուրքիան, այնպես էլ թուրքական դաշինքի մյուս երկրները՝ Ղազախստանը, Թուրքմենստանը, Ղրղզստանը, որոշակիորեն նաեւ Ուզբեկստանը Ռուսաստանի զսպող օղակներն են Կովկասյան ու Միջինասիական, որոշակի նաեւ Մերձավորարեւելյան տարածաշրջաններում, ինչպեսեւ՝ ԱՊՀ-ում, ՀԱՊԿ-ում ու ԵԱՏՄ-ում:

Հայաստանը եւս չունի եղբայր–հովանավորներ, ինչպես Վրաստանը, սակայն ի տարբերություն վրացական ընդգծված հակառուս քաղաքականության, որդեգրեց փոխլրացնող քաղաքական ուղին, ինչը առանց ավելորդ սրացումների պահպանում է երկկողմ քաղաքական գիծ ունենալու հնարավորությունը, ինչպես նաեւ թույլ է տալիս չհամարվել համաշխարհային որեւէ բեւեռի պատանդ…   Continue reading →

«Լուսանցք»-ը բազմիցս ներկայացրել է Անկարայի այն ցանկությունը, որ համաթուրանականությունը հնարավոր լինի համադրել համաիսլամականության եւ համաարաբականության հետ, ինչը թույլ կտա Թուրքիան դարձնել ոչ միայն տարածաշրջանային գերտերություն, այլեւ համաշխարհային: Սա թույլ կտա նաեւ. որ թուրքերը փորձեն իրականացնել իրենց «Մեծ Թուրան»-ի ստեղծման երազանքը:

Բայց շատ կարեւոր է, որ սա գիտակցում են նաեւ աշխարհի գհերտերությունները եւ հասկանում են, որ «Մեծ Թուրան»-ը ոչ միայն մրցակից է լինելու համաշխարհային բեւեռներին, այլեւ իրականացնելու է աշխարհակործան քաղաքականություն, որը կամա, թե ակամա կյանքի է կոչվելու թյուրքական արնախում եւ հակամարդ բնույթից…

Այսօր այդ քայլերից մեկը հայության դեմ համաիսլամական շարժում նախաձեռնելն է: Իսկ դա փորձում են անել Անկարան եւ Բաքուն միասին՝ Արցախի հարցը «ջիհադի» արժանացնելու փորձերով: Դա առայժմ փորձում են անել «Իսլամական համաժողով» կազմակերպության միջոցով: Այստեղ ներգրավված են նաեւ արաբական երկրները, ինչը միանգամից նաեւ համաարաբական ծավալումների դաշտ է ստեղծել:

Այսօրինակ քայլերի Անկարան եւ Բաքուն գնում են հատկապես այն ժամանակ, երբ արցախա-ադրբեջանական շփման գծում իրադրությունը լարվում է: Խնդրով շահագրգիռ բոլոր երկրներն էլ հասկանում են, որ սա նախապատերազմական իրավիճակ է՝ առանց չափազանցությունների:   Continue reading →

…«2003թ. խորհրդարանական ընտրություններում նախադեպեր շատ կային… Այս տարվա նորություններից էր նաեւ այն, որ ընտրություններին հայ ազգայնական քաղաքական պատմության մեջ առաջին անգամ հանդես եկավ «Հայ Արիական Բռունցք» նախընտրական դաշինքը, որտեղ համախմբվել էին Հայ Արիական Միաբանությունը՝ կառույցի առաջնորդ Արմեն Ավետիսյանի, Հայոց ազգային բանակի (ՀԱԲ) նախկին մարտիկները՝ ՀԱԲ-ի գլխավոր հրամանատար Ռազմիկ Վասիլյանի գլխավորությամբ, ինչպես նաեւ աջակից շուրջ 5-6 փոքր ու միջին ազգայնական կուսակցություններ»… 

* * *

Առաջիկա խորհրդարանական ընտրությունների ընթացքում դիտորդական առաքելություն իրականացնելու նպատակով Հայաստան ժամանած ԵԱՀԿ Ժողովրդավարական հաստատությունների եւ մարդու իրավունքների գրասենյակի (ԵԱՀԿ/ԺՀՄԻԳ) դիտորդական առաքելության ղեկավար Յան Պետերսենին ընդունել է Հայաստանի նախագահը:

Սերժ Սարգսյանը հավաստիացրել է դիտորդական առաքելության ղեկավարներին, որ Հայաստանի իշխանությունները պատրաստակամ են միջազգային չափանիշներին համապատասխան ընտրություններ անցկացնելու նպատակով համագործակցել բոլոր դիտորդական առաքելությունների, այդ թվում՝ ԵԱՀԿ/ԺՀՄԻԳ-ի հետ եւ նրանցից ակնկալում են անկողմնակալ ու հավաստի գնահատական Հայաստանում տեղի ունեցող ընտրական գործընթացների մասին:

Յան Պետերսենը կարեւոր է համարել ընտրությունները դիտարկելու նպատակով ԵԱՀԿ/ԺՀՄԻԳ դիտորդական առաքելությանը հրավիրելը՝ նշելով, որ առաքելությունն արդեն 11-րդ անգամն է Հայաստանում ընտրություններ դիտարկում, եւ մշակած մեթոդաբանությունն ու փորձը միանգամայն համապատասխանում են Հայաստանում ընտրությունները պատշաճ դիտարկելու, եզրակացություններ կատարելու պահանջներին: Դիտորդական առաքելության ղեկավարը գոհունակությամբ է խոսել Հայաստանում գտնվելուց ի վեր՝ անցած երկու շաբաթների ընթացքում իշխանությունների, քաղաքական կուսակցությունների եւ բոլոր մյուս գործընկերների հետ ԵԱՀԿ/ ԺՀՄԻԳ առաքելության համագործակցության մասին եւ տեղեկացրել, որ առաքելության դիտորդներն արդեն գործուղվել ու տեղաբաշխվել են հանրապետության ամբողջ տարածքով մեկ ու պատրաստ են իրականացնելու իրենց առաքելությունը:   Continue reading →

Յուրաքանչյուր նախընտրական շրջանում, լինի նախագահական թե խորհրդարանական, ծրագրերում մի բան ենք նայում՝ ինչ տեղ է հատկացված ծանր արդյունաբերությանը (մեր պարագայում՝ հանքարդյունաբերությանը, ուրիշ չունենք), գյուղատնտեսությանը եւ բնապահպանությանը (սրանք ես մի շղթայում ենք դիտարկում):

Նույնատիպ ուսումնասիրություն արեցի նաեւ այս անգամ:

Ու մի բան կասեմ. կոմկուսը կարող էր ծրագիր չգրել, այլ՝ իրենով անել ընտրություններին մասնակից բոլոր մյուս 8 ուժերի ծրագրերը: Բոլորն էլ խոստանում են երջանիկ մանկություն, ապահով ծերություն, կյանքն՝ ուրախ, ապրուստը՝ համարյա ձրի: Կոնգրես-ՀԺԿ-ն ընդհանրապես շնորհապետություն է խոստանում, այսինքն՝ մի հասարակարգ, որտեղ բոլորը «կդատվեն» ըստ իրենց շնորհի: Չէ, այնպես չէ, որ ճիշտ դրույթներ ու նկատառումներ չկան, պարզապես դրանք հիմնականում ներկայացված են այն ուժերի կամ կուսակցությունների կողմից, որոնց ներկայացուցիչները մինչ այս կային ԱԺ-ում: Հարցնող լինի՝ ո՞վ էր ձեռքներդ բռնել, բա աշխատեիք, ԱԺ-ում ձայն բարձրացնեիք, օրենսդրական մի նախագիծ ներկայացնեիք, թող չշրջանառվեր, օրակարգ չմտներ, բայց դուք ներկայացնեիք, որ այսօր էլ իմ պես գրողին պատասխան ունենայիք տալու: Դրա համար ես նրանց այդ չաշխատած ճիշտ–ճիշտ դրույթները կթողնեմ մի կողմ՝ ներկայացնելով այն կետերը, որոնք գալիս են ապացուցելու, որ քաղաքական ուժերը ստում են: Եվ որ ամենավատն է՝ մտածված են ստում, դուր գալ են ուզում, բայց հենց խորհրդարանում հայտնվեն, ձայնազուրկ են դառնալու:   Continue reading →

Տարօրինակ է, որ «Ազատ դեմոկրատներ» կուսակցությունը բնապահպանության հետ կապված ոչ մի խոստում չունի նախընտրական ծրագրում: Ավելին՝ «Մրցունակ Հայաստան» կոչվող նախընտրական տնտեսական ծրագրի 133 կետից եւ ոչ մեկը բնապահպանությանը չի վերաբերում:

Բնապահպանությունը չի հետաքրքրում նաեւ «Հայկական վերածնունդին» ու «Ծառուկյան» դաշինքին: Առաջինն իր 30 քայլերից ոչ մեկը եւ երկրորդը՝ իր 15 քայլերից ոչ մեկը բնապահպանությանը բաժին չի հանել: Հավանաբար նրանց կարծիքով բնապահպանությունը միայն ծառ ու ծաղիկ տնկելն է, մտածել են՝ դե դրա համար ինչ կարիք կա ծրագիր գրելու:

«Ելք»-ը հստակ ելք է առաջարկում՝ շրջակա միջավայրը տոտալ կաղբահանի եւ Սեւանա լիճը քաղաքակիրթ հանգստի գոտի կդարձնի: Թե այդ տոտալ աղբահանումն ինչպես է կազմակերպելու առանց, ասենք, երկոտանի խոզերին պատժելու մեխանիզմի, գոնե ինձ համար անհայտ է: Շրջակա միջավայրն ապականելու սովորություն ունեցողներին երկոտանի խոզեր եմ ասում, որովհետեւ ես սիրում եմ անկեղծ գրել, իսկ դրանց այլ կերպ բնորոշել չեմ կարող: Թեեւ իրականում, ինչպես պապս էր ասում, խոզը մաքուր կենդանի է, պարզապես ցեխով իրեն պաշտպանում է խոզ միջատներից:   Continue reading →

Ես ինձ տեսնում եմ գործադիր աշխատանքում

Երեւանի քաղաքապետ Տարոն Մարգարյանը, ով ՀՀԿ համամասնական ցուցակի 2-րդ հորիզոնականն է զբաղեցնում, իրեն տեսնում է գործադիր մարմնում, ոչ թե խորհրդարանում: Իսկ թե ԱԺ ընտրություններից հետո կլինի պատգամավոր, թե նորից պաշտոն կզբաղեցնի գործադիր իշխանությունում, նա պատասխանել է, որ «ամեն դեպքում, ՀՀԿ խորհուրդն է որոշում: Ես կուսակցական եմ եւ կարգապահությունը պահում եմ, բայց, եթե իմ կարծիքով լինի, բնականաբար, ես ինձ տեսնում եմ գործադիր աշխատանքում»:

Ինչ վերաբերում է թիվ 1 ընտրական տարածքում առկա լարվածությանը, որտեղ թեկնածու է նաեւ իր աներորդի Ռոբերտ Սարգսյանը, նա նշել է, որ ինչպես Ռոբերտ Սարգսյանը, այնպես էլ Միհրան Պողոսյանը եւ Ղուկաս Ուրիխանյանը ՀՀԿ-ի ռեյտինգային թեկնածուներն են եւ «իրար դեմ չեն մրցում»: Պաշտոնատար անձանց մասին էլ քաղաքապետը հստակեցրեց, որ «Վարչական շրջանների ղեկավարները ոչ մեկն արձակուրդում չի գտնվում, բոլորն աշխատում են, եւ պարտավոր են իրենց առօրյա աշխատանքը կատարել: Ոչ միայն այս տարի, այլ ամեն տարի, ամբողջ ժամանաշրջանում իրենց աշխատանքը կատարում են: Պարբերաբար մարդկանց սպասարկում են ի պաշտոնե: Այնպես չէ, որ եթե քարոզարշավն սկսվել է, վարչական շրջանների անձնակազմի դռները փակվելու են»:

Ժողովրդի 70%-ը տեղյակ չէ ընտրական փոփոխություններից

Հայ Հեղափոխական Դաշնակցությունն ԱԺ ընտրություններին գնում է «Նոր սկիզբ, արդար Հայաստան» կարգախոսով։   Continue reading →

Հայ մարզիկը նաեւ մարտիկ է – Մեր թրերը միշտ ամու՛ր են, սու՛ր են

Հայաստանի սամբոյի ֆեդերացիայի անձնակազմի գերակշիռ մեծամասնությունը տարիներ շարունակ կանգնած է Հայաստանի ժողովրդի կողքին ոչ միայն որպես մարզաշխարհի ներկայացուցիչ, այլեւ՝ որպես Հայաստանի Հանրապետության պաշտպան զինվոր:

Հայաստանի սամբոյի ֆեդերացիայի եւ Սամբոյի ու ձյուդոյի օլիմպիական մանկապատանեկան մարզադպրոցի շատ մարզիչներ ու մարզիկներ մասնակցել են Արցախի ազգային ազատագրական շարժմանն ու պատերազմին եւ մինչ օրս նվիրված են հայրենիքին ու կիսում են մեր իշխանությունների ու ժողովրդի ազգային գաղափարներն ու նպատակները:

Ի ուրախություն մեզ  նշենք, որ Հայաստանի գրեթե բոլոր մարզերում ունենք շուրջ 5000 մարզիկ-մարզուհիներ, այդ թվում Եվրոպայի ու Աշխարհի չեմպիոններ ոը մրցանակակիրներ, ովքեր Հայաստանի Հանրապետության անկախության տարիներին նվաճել են ավելի քան 700 ոսկե, արծաթե եւ բրոնզե մեդալներ:

Մենք գիտակցում ենք, որ Հայաստանում շատ կան չլուծված խնդիրներ, որոնցից ամենակարևորը Արցախի հիմնախնդիրն է, որի հանգուցալուծման համար պահանջվում են համալիր մոտեցումներ, կան մի շարք տնտեսական խնդիրներ, որոնց  լուծումները կապահովեն Հայաստանի զինված ուժերի ժամանակակից սպառազինությունը եւ ազգի միախմբումը:

Մենք չենք վախենում պատերազմից եւ պատրաստ ենք կռվել թշնամու դեմ մինչեւ վերջին կաթիլ արյունը: Մեզ պետք է խաղաղություն եւ հզոր Հայաստան…

Հայաստանի սամբոյի ֆեդերացիան Հայաստանի զարգացումն ու Արցախի պաշտպանությունը կապում է նաեւ գալիք ընտրությունների հետ, երբ միասին կկազմավորենք խորհրդարանական Հայաստան:

Այդ Հայաստանում հայ սամբիստներն ու ձյուդոիստները կարեւորում են ազգային ուժերի առկայությունը, այն մարդկանց, ովքեր ցայսօր նվիրված են ՀՀ եւ ԼՂՀ սահմանների պաշտպանության գործին ու հայ ժողովրդի անվտանգության երաշխավորն են: Նրանք իրենց աջակցությունն են հայտնում գործող նախագահ Սերժ Սարգսյանին, ով կարողանում է համաշխարհային գերտերությունների հետ վարել հավասարակշռված քաղաքականություն, որից էլ բխում են մեր պաշտպանությանն ու անվտանգությանը առնչվող բոլոր հարցերը:

13 մլն. դրամ՝ հայկական կոխի զարգացման համար

Հայկական կոխ մարզաձեւի զարգացման նպատակով ստեղծված «Հայկական կոխ ըմբշամարտի ֆեդերացիա» հ/կ-ն անցկացրել է հերթական նիստը, որի աշխատանքներին մասնակցել է սպորտի եւ երիտասարդության հարցերի նախարարի տեղակալ Գաբրիել Ղազարյանը: «Հայկական ազգային կոխ ըմբշամարտ մարզաձեւի զարգացումն ընդգրկված է Հայաստանի կառավարության 2017թ. գերակա խնդիրների ցանկում: Հաշվի առնելով հայկական կոխ ըմբշամարտի մարզամշակութային նշանակությունը՝ պետական բյուջեից կտրամադրվի 13 մլն. դրամ՝ մարզաձեւի զարգացման համար»,- ասել է նախարարի տեղակալը:

«Լուսանցք»-ն անդրադարձել է ազգային մարզաձեւի պատմությանն ու զարգացման խնդիրներին եւ կարեւորել այն՝ առաջ քաշելով մարզաձեւը զարգացնելու անհրաժեշտությունը: Կոխը մի մարզաձեւ է, որ համարվել է ուժեղագույների վեհանձն մենամարտ, որը 340 հնարք ունի… ինչը եւս պահպանել ու զարգացնել է պետք: («Լուսանցք», թիվ 7-8 (440-441), 2017թ.): Մարզաձեւը զարգացնելու համար անհրաժեշտ է համարվել նաեւ պետական չափորոշիչներ մշակելը (մարզական կարգեր շնորհելը), մրցումների կանոնները հրատարակելը եւն…   Continue reading →

http://www.hayary.org/wph/?p=6020 – Մեր հաղթանակած եւ հաղթանակների պատրաստ բանակը 25 տարեկան է – Հայոց Ազգային Բանակ ռազմական կազմավորումը՝ ՀԱԲ–ը, կանգնած է հայկական բանակաշինության հիմքում,- Արմեն Ավետիսյան, Հայ Արիական Միաբանության առաջնորդ, ՀԱԲ–ի հազարապետ…

http://www.hayary.org/wph/?p=6089 – Աշխարհը (Տիեզերքը) Արարողի՝ Արարչի անունը ՀԱՅ է, ՛՛հայ՛՛ բառը կա բոլոր ազգերի բառապաշարում եւ կոչվում է… «ՀԱՅ–Ա, որ ՀԱՅ ես» (Ձոն Արարչին)…– Արմեն Ավետիսյան, Հայ Արիական Միաբանության առաջնորդ

http://www.hayary.org/wph/?p=3356 – Տեսանյութ.- Պարզաբանում են հայ արիները.- Ներկայացնում է ՀԱՄ առաջնորդ Արմեն Ավետիսյանը…Թուրքիան պետք է վերադարձնի հայկական բոլոր բռնազավթված հողերը՝ Հայ Աստվածների կամոք եւ զորությամբ… Հայի Հավատը Արարչական է եւ Հայի Առաքելությունը եւս Տեսաժապավենը նկարահանել է թրքուհի երիտասարդ կինոռեժիսորը Երեւանում ու Գառնիում եւ այն ներկայացվել է Թուրքիայում՝ երիտասարդ կինոռեժիսորների փառատոնում: ՀԱՄ պայմանը՝ ներկայացնել տեսաժապավենն առանց աղճատման՝ պահպանվել է…

http://www.hayary.org/wph/?p=5262 – Տեսանյութեր համացանցից…

https://www.youtube.com/user/MrHayaryan – ՀԱՄ պաշտոնական ալիք / Hayary TV

http://www.hayary.org/wph/?p=2683 – Հայոց պատմություն եւ գաղափարներ…

http://www.hayary.org/wph/?p=2681 – Հայոց հայ–արիական հավատ…

http://www.hayary.org/wph/?p=2682 – Հայոց (Հայ–Արիական) տոներ եւ ծեսեր…

https://www.facebook.com/%D5%80%D5%A1%D5%B5-%D4%B1%D6%80%D5%AB%D5%A1%D5%AF%D5%A1%D5%B6-%D5%84%D5%AB%D5%A1%D5%A2%D5%A1%D5%B6%D5%B8%D6%82%D5%A9%D5%B5%D5%A1%D5%B6-%D5%A1%D5%BC%D5%A1%D5%BB%D5%B6%D5%B8%D6%80%D5%A4-%D4%B1%D6%80%D5%B4%D5%A5%D5%B6-%D4%B1%D5%BE%D5%A5%D5%BF%D5%AB%D5%BD%D5%B5%D5%A1%D5%B6-135442695410/?ref=ts&fref=ts – ՀԱՄ առաջնորդ Արմեն Ավետիսյան

https://www.facebook.com/armenuhi.melqonyan – ՀԱՄ առաջնորդի մամուլի խոսնակ Արմենուհի Մելքոնյան

«Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան) http://www.hayary.org/wph/?p=2223 (https://www.facebook.com/armenuhi.melqonyan)

Այս անգամ կարող եք կարդալ հետեւյալ թեմաների մասին:

– Պաշտոնական Երեւանը զգուշացրեց Բաքվին առանց երկիմաստության – Իսկ ՀԱՄ առաջնորդը չի կարողանում հասկանալ ադրբեջանցի սգացող մայրերի սուգը «հասկացող» հայերին… թուրք–ադրբեջանցի մայրը միայն թյուրքի լամուկ է ծնում եւ միայն հային հոշոտելու համար… Մի քանի հայի 1915-ին փրկելով՝ թյուրքական արնախում գազանը չի կարող մարդու վերածվել, հատկապես, որ դեռ հարց է՝ փրկողները թուրք են եղե՞լ, թե՞…

–  «Զարգացումներ, որտեղ Հայաստանը դեր պիտի ստանձնի»… (այն մասին, թե ինչպես է Անկարան փորձում ներազդել Եվրոպայի թուրքերի վրա)… Հայաստանը կարող է ստանալ Թուրքիա-Ադրբեջան դաշինքին հակակշռելու հնարավորություն՝ Արեւմուտքի եւ Ռուսաստանի հետ հարաբերություններում…

– «Ես ինձ տեսնում եմ գործադիր աշխատանքում» – (Երեւանի քաղաքապետ Տարոն Մարգարյանը, ով ՀՀԿ ընտրացուցակի 2-րդ հորիզոնականում է, հայտնում է, որ կաշխատի այնտեղ, որտեղ նպատակահարմար կգտնի կուսակցությունը, իսկ ինքը ամեն դեպքում նախընտրում է գործադիրում աշխատել)…

– «Մենք հաշվետու ենք» – Երեւանի քաղաքապետարանի 2016թ. տարեկան հաշվետվությունը տարվա ընթացքում կատարված եւ ընթացիկ աշխատանքների մասին – 3…

– « Ժողովրդի 70%-ը տեղյակ չէ ընտրական փոփոխություններից»,- հայտարարում են «Նոր սկիզբ, արդար Հայաստան» կարգախոսով ընտրության նետված դաշնակցականները…

– « Կլինի ինչպես խոստանու՞մ են, թե՞ կստացվի ինչպես միշտ» – (խորհրդարանական պատմությունից՝ 1995-ից 2017… Խոստումների հորձանուտ է Հայաստանում – տեսնելու եւ համոզվելու համար շատ չմնաց)…

– « Նախընտրական խոստումներ, որ շառաչում են հորդ գետի պես» – Յուրաքանչյուր նախընտրական շրջանում, լինի նախագահական թե խորհրդարանական, ծրագրերում մի բան եմ նայում՝ ինչ տեղ է հատկացված ծանր արդյունաբերությանը (մեր պարագայում՝ հանքարդյունաբերությանը, ուրիշ չունենք), գյուղատնտեսությանը եւ բնապահպանությանը (սրանք ես մի շղթայում եմ դիտարկում): Նույնատիպ ուսումնասիրություն արեցի նաեւ այս անգամ…   Continue reading →

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան) http://www.hayary.org/wph/?p=2223  (https://www.facebook.com/armenuhi.melqonyan)

1. Հայաստանը՝ հակաթուրքական ճակատի նախաձեռնող (այն մասին, թե ինչու է կարեւոր տարածաշրջանում հակաթուրքական ճակատի ձեւավորումը հե՛նց մեր պետության կողմից… Հայ Արիական Միաբանությունը նման փորձեր արել է դեռ տարիներ առաջ՝ ինչպես Թուրքիային սահմանակից, այնպես էլ շահագրգիռ երկրների, ինչպեսնաեւ՝ համաարիական դաշինքում նախատեսված երկրների միջոցով)…

2. Բանանային «պոլիտիկայով» բանանվեց (Ինտերպոլը հավատաց ՀՀ ոստիկանության փաստարկներին եւ հրահանգեց չեղարկել Բաքվի «սեւ ցուցակ»-ի հետախուզման հայտարարությունները)… Ընդդեմ Ադրբեջանի խառնակիչ գործողությունների (Թբիլիսիում Ադրբեջանի դեսպանատունը փորձում է սրել ադրբեջանցիների եւ հայերի հարաբերությունները)… «Վրաստանի հայ համայնք»-ը բողոքի ցույց է արել Վրաստանի ԱԳՆ շենքի մոտ…

3. ՀՀ-ԼՂՀ. համադրված քաղաքականության պտուղները – (ՀՀ եւ ԼՂՀ նախագահները, ԱԳՆ-ներն ու ՊՆ-ները, այլ գերատեսչությունները աշխատեցին վստահ եւ միասնական՝ ադրբեջանական հերթական դիվերսիոն եւ «սեւ ցուցակ»-ի միջազգայնացման փորձերի դեմ)…

4. Լարսի նորը, որ հին ու թանկ տարբերակն է (Հայաստան-Վրաստան-Աբխազիա-Ռուսաստան / Հայաստան-Վրաստան-Ուկրաինա-Եվրոպան – առավելապես քաղաքական լուծումների կարիք ունեցող այլընտրանքային ուղիներ)… Հայաստանը սպասում է վրաց-ռուսական պայմանավորվածությանը…

5. Հայելու քեթրինյան արտացոլանքով (չգիտեմ ինչ է պատգամավորության թեկնածու Քեթրինի (Պողոսյան) Միհրանի պահապան հրեշտակի անունը, բայց ես հավատում եմ նրան…) – գողական քֆուր ուտեմ, թե սուտ եմ ասում… Երեւանը 2016-ին. «Մենք հաշվետու ենք» – շինարարություն եւ բարեկարգում, արտաքին լուսավորության ցանցի արդիականացում, քաղաքային կահավորում եւ ձեւավորում…

6. Հայի ընտրության իրավունքը տիեզերափուլի արդյունք է եւ առաքելության հետեւանք – Ոչ միայն Թուրքիայում, ամենուր մե՛նք պիտի լինենք տերը մեր խոսքի… Պոլսի Պատրիարաքական ընտրությունների խնդիրը… Թուրքիայում հայկական եկեղեցիները վտանգի տակ են… Հիմա էլ սրա՞նք – Վրաստանի պատրիարք Իլյա 2-րդը Հայաստանում վրացական եկեղեցիներ է փնտրում…

7. Ուժ՝ մասիսաերդումը չդրժելու – Հայ արիականները նշեցին Հայր Արայի Հրաշագործության տոնը… Բնական վերազարթոնքի հովանավորը Աստվածահայրն է, որ հետեւում է բնակարգին եւ հայ արիներին պարգեւում Նոր Կյանք՝ Գարնան Վերազարթոնք…

8. Հայկական գինու հաղթարշավը պետք է որ սկսվեր (Հայկական գինիների տասնյակ ոսկե եւ արծաթե մեդալները Եվրոպայում – վրացիներն ու մոլդովացիները այլեւս զարմանալու են)… Ընդհանուր առմամբ մրցույթին ներկայացված էին շուրջ 6000 տեսակի գինիներ աշխարհի 44 երկրներից…

9. Մենք եւ մեր կենցաղը.- Խաղալիքների վտանգավոր աշխարհում (2-րդ մաս) – Ոչ թե վախեցնել, այլ խաղացնել է պետք… Բայց սրանք շարքային սպառողը ստուգել չի կարող, պատկան մարմինը պետք է անի – Ինչքանո՞վ է անում, պատասխանը աղբով լցված շուկան է…

10. Ավելի կարեւոր թեմաներ, քան ընտրությունները.- Կոխ. ուժեղագույների վեհանձն մենամարտը (2-րդ մաս) – Մարզաձեւ, որ 340 հնարք ունի… Մարզաձեւը զարգացնելու համար նախ անհրաժեշտ է պետական չափորոշիչներ մշակել (մարզական կարգեր շնորհել), մրցումների կանոնները հրատարակել…

11. Մարզական աշխարհի խաչմերուկներում.- Հայ առաջին ավտոարշավորդը կմասնակցի լեգենդար մարաթոնին… Հենրիխ Մխիթարյանն ու Արթուր Ալեքսանյանն արժանացել են «Հայկյան» հատուկ մրցանակի… Լեւոն Արոնյանը 9-րդը՝ ՖԻԴԵ-ի վարկանիշային աղյուսակում… Բուդապեշտը եւս հրաժարվեց Օլիմպիական խաղերն անցկացնելուց… Թուրքիան ցանկանում է անցկացնել Եվրո-2024-ը… Հայ բասկետբոլիստների մրցելույթները` ԱՄՆ-ում… Հայաստանի առաջնությունն Արցախում… Ռուսները պայմանագիրը խզել են Արցախի դրոշը ծածանելու համար… Վիվառոբլոտ եւ Տոտոնարդի… Այլ լուրեր՝ ձմեռային եւ ամառային մարզաձեւերից…

12. Այցելե՛ք եւ օգտվե՛ք www.hayary.org-ից… Կարդացե՛ք եւ բաժանորդագրվե՛ք «Լուսանցք»… ՀՀ նախագահը ներկա էր «Հայկյան» մրցանակաբաշխությանը… Քաղաքականացված «Օսկար»-ի կանխատեսումները եւ անակնկալները, հետօսկարյան զարգացումները… Հայ կոմպոզիտորական արվեստի 8-րդ փառատոնը փակվեց… Թուրքիայում հայկական եկեղեցին գրադարանի է վերածվելու… Հիմա էլ վրացիներն են հայկական եկեղեցիներ զավթում…

«Լուսանցք»-ն իր ռազմա-քաղաքական վերլուծություններում միշտ ակնարկել է թուրք-հունական հարաբերությունների վատթարացման հնարավորությունների մասին, դրանք առկա են դարերով, սակայն այսօր սառեցված են Արեւմուտքի կողմից, քանի որ Հունաստանն ու Թուրքիան ՆԱՏՕ-ի անդամ երկրներ են եւ ունեն կարեւոր ռազմավարական նշանակություն նաեւ իրենց աշխարհագրական դիրքի առումով:

Չնայած այդ ռազմա-քաղաքական պարտադրանքին, այս երկրների փոխհարաբերությունները մերթ ընդ մերթ սրվել են, անգամ հասել հակամարտության աստիճանի, սակայն, ինչպես վերը նշեցինք, կանխվել են եվրոպական ու ամերիկյան ջանքերով: Բայց այդ ընթացքում Անկարային հաջողվել է որոշակի առավելություններ ստանալ մրցակցի նկատմամբ, հատկապես Կիպրոսի մի մասի գրավման հարցում եւ հունական կղզիների վրա պարբերաբար զավթողական քաղաքականություն վարելու առումով: Եվ հատկապես ՆԱՏՕ-ն փորձել է դա  անտեսել՝ խաղաղեցնելով միայն հունական կողմին, որը եւ վնասներ է կրել:

Անկարան գիտակցում է, որ ցայսօր քոչվորական իր տեսակով (չնայած բռնի խառնարյունությամբ նստակյաց է իբր դարձել) առավելություն է ստացել՝ զավթելով ու տիրապետել է Հայկական լեռնաշխարհի զգալի մասին, որը եղել ու մնում է կարեւորագույն խաչմերուկ՝ Եվրոպա-Ասիա, որոշակիորեն նաեւ Աֆրիկա բազմաբնույթ կապը պահպանող ռազմավարական տարածաշրջանում: Ինչպեսեւ՝ լինելով ՆԱՏՕ-ի գլխավոր հենակայանը տարածաշրջանում, ունի նաեւ որոշակի առաջնահերթություններ Հունաստանի նկատմամբ, ինչն էլ գործածում է արտաքին քաղաքականության հարցերում:

Այսպես է վարվում Անկարան ոչ միայն Հունաստանի հետ հարաբերություններչում, այլեւ նույնիսկ եվրոպական առաջատար երկրների հետ հարցերում: Այս հանգամանքը Թուրքիային առավելություններ է տվել դեռ ԱՄՆ-ԽՍՀՄ հակամարտության տարիներին, տալիս է նաեւ այսօր՝ Արեւմուտք-Ռուսաստան հարաբերությունների ծիրում:

Բայց աշխարհա-քաղաքական իրավիճակը գնոմ է փոփոխության, ինչը արդեն մի քանի անգամ աննպաստ իրավիճակներ է ստեղծել արհեստածին թուրքական պետության համար: Այդ իրավիճակների համապատկերում նաեւ Թուրքիայի մասնատման խնդիրն է դրված, ինչը արդեն իրական մտահոգություն է դարձել Անկարայի գլխին: Եվ թուրք-ամերիկյան, թուրք-ռուսաստանյան խաղերը առավել հաճախակի են դարձել: Երեւի թե Ռեջեփ Թայիփ Էրդողանի եւ Դոնալդ Թրամփի վերջին հեռախոսազրույցն է պատճառը, որ Թուրքիայի ղեկավարը մարտի 9-10-ը պիտի այցելի Ռուսաստան՝ Վլադիմիր Պուտինի հետ բանակցությունների համար:   Continue reading →

Բանանային «պոլիտիկայով» բանանվեց

Ինչպես տեղեկանում ենք ՀՀ ոստիկանության լրատվական ծառայությունից, 2017թ. մարտի 1-ին Ադրբեջանում Ինտերպոլի ԱԿԲ-ի կողմից շրջաբերական էր ստացվել, հասցեագրված Ինտերպոլի անդամ-երկրներին, 2016թ. ԼՂՀ տարածքում հնագիտական պեղումներ անող արտասահմանյան եւ ՀՀ մի խումբ գիտաշխատողների նկատմամբ միջազգային հետախուզում հայտարարելու վերաբերյալ:

Նրանց նկատմամբ հետախուզում էր հայտարարվել Ադրբեջանի քրեական օրենսգրքի 116.0.8-3 (հակամարտության ժամանակ միջազգային մարդասիրական նորմերը խախտելը), 165.2.2 (հեղինակային կամ հարակից իրավունքները խախտելը), 183.2.1 (հատուկ արժեք ունեցող առարկաներ թալանելը), 183.2.2, 281.2 (Պետության դեմ ուղղված հանրային կոչերը) եւ 318.02 (Ադրբեջանի Հանրապետության պետական սահմանն ապօրինի հատելը) հոդվածների հատկանիշներով:

Շրջաբերականները ստանալուց անմիջապես հետո, ՀՀ ոստիկանության Հայաստանում Ինտերպոլի ԱԿԲ-ի կողմից Ինտերպոլի գլխավոր քարտուղարությանն են ներկայացվել անհրաժեշտ հիմնավորումներ եւ պարզաբանումներ առ այն, որ ադրբեջանական կողմը հերթական անգամ փորձ է անում Ինտերպոլին ներքաշել քաղաքական խնդիրների ոլորտ, ինչը, միանշանակ, հակասում է Կազմակերպության կանոնադրության 3-րդ հոդվածին (այն է՝ Կազմակերպությանը խստիվ արգելվում է որեւէ գործունեություն ծավալել կամ միջամտել քաղաքական, զինվորական, կրոնական, ռասայական բնույթ կրող գործերին եւ հարցերին) եւ սպառնում է Ինտերպոլի հեղինակությանն ու բարի համբավին:   Continue reading →