Monthly Archives: May 2014

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան – http://www.hayary.org/wph/?p=2223  

1. (2-րդ մաս) – Խոսում են հայ արիականներն ու ազգայնականները – Հայաստան – Արեւմուտք. անդեմ եւ անբարո «զարգանալու» հեռանկարը…

http://www.hayary.org/wph/?p=4145 – Խոսում են հայ արիականներն ու ազգայնականները – Ռուսաստան. թշնամի՞, թե՞ բարեկամ երկիր («Միջազգային առկա վիճակի եւ Հայաստանի դերակատարման ու քայլերի մասին» (1-ին մաս)…

2. Լսում են այն կողմին, ով…- Սրե՞նք իրավիճակը, որ միջնորդները Երեւան շտապեն… Առճակատում երրորդ երկրներում – Ադրբեջանը պարտվում է իր նախաձեռնություններում…

3. Փորձը փորձանքի վերածեցին հանուն շահի – Իսկ թուրքամետ եվրասիականությունը փորձանք չի՞ դառնա Հայաստանի գլխին…

4. Ամենաազդեցիկ պատիժը դրանց սատկացնելն է – թուրքը մնում է թուրք, կապ չունի եվրոպացի է հորջորջվում, թե ասիացի, կամ էլ…

5. Եվրոպացիերը կորցրել են վստահությունը. Ազգայնականությունը նոր ուժ կդառնա շուտով – Այս առումով միշտ ողջունելի է Հայաստանում ազգայնական ուժերի առաջխաղացումը…

6. Հանրային ծառայությունների համարանիշը՝ փորձանք մարդկանց գլխին, նաեւ՝ պետության – Հայ արիները մարդ-համարանիշի ստեղծման մեջ են տեսել մարդկանց համարակալման վտանգը…

7. Մեր ավանդապատումներ շարքից – Երեւան… Գոյություն ունեն Երեւան անունը մեկնող բազմաթիվ բացատրություններ եւ ավանդություններ…

8. Ցավոտ կետեր.- Շքեղության գործի անշուք վիճակը – Ադամանդի տեղափոխումը «դռնից դուռ» սկզբունքով է… Կառավարությունը կասկածելի արտոնություն տվեց…

9. Հայկական խոհանոց – Հորթի մսով, ընկույզով արքայական ուտեստ… Աշխարհի մարզական հեւքից… ՀԱՄ պաշտոնական կայքը տրամադրում է գովազդային վահանակի տեղ… Կարդացե՛ք եւ բաժանորդագրվե՛ք «Լուսանցք»…

Հատված Հայ Արիական Միաբանության եւ Հայ Ազգայնականների Համախմբման ղեկավար կազմերի 15.05.2014թ. խորհրդատվական նիստի «Միջազգային առկա իրավիճակի եւ Հայաստանի դերակատարման ու քայլերի մասին» համատեղ քննարկումից

«Լուսանցք»-ը ներկայացնում է այդ թեմաները՝ առանց մեկնաբանության

Հայաստան-Արեւմուտք.- պատմության նախադուռ

Եվրոպական երկրները եւ Միացյալ Նահանգները, ինչպես Ռուսաստանի դեպքում է, չունեն հազարամյակների պատմություն: Եվ 1 հազարամյակն անգամ շատ է սրանց համար պատմական անցյալի տեսանկյունից, ուստի ինչպես Ռուսաստանի դեպքում, Հայաստան-Արեւմուտք հարաբերությունների մասին նույնպես կարելի է խոսել մի քանի հարյուրամյակների կտրվածքով, առանձնացնելով՝ Հռոմեական ու Հունական պետությունների հին լինելու իրողությունը:

Հայաստան-Հռոմ կամ Հայաստան-Հունաստան հարաբերությունները որեւէ կապ չունեն այսօրվա եվրոպական խառնածին ազգերի, առավել եւս տարածաշրջան ներթափանցած կիսավայրենի թյուրքական խառնամբոխի հետ, որոնց եվրագոյության մասին ոչինչ չկա ու չի կարող լինել ոչ մի պատմական փաստաթղթերում կամ քարտեզներում…

Հաշվի առնելով, որ այսօրվա ԵՎՐՈՊԱ կոչված աշխարհամասի տարածքի պետություններից միայն Հայաստանն ու Հունաստանն են Բնակարգին եւ Տիեզերակարգին համապատասխանում, քանզի այսօրվա ԵՎՐՈՊԱՑԻՆԵՐ-ից միայն հայերն ու հույները բնածին ծագում ունեն, ապա պարզ է լինում, որ Հայաստան-Արեւմուտք քաղաքական խնդիրները առավելապես ծագել ու առաջացել են վերջին հարյուրամյակների ընթացքում:

Այս ընթացքում էլ ձեւավորվել են Հայաստան-Եվրոպական երկրներ եւ Հայաստան-Միացյալ Նահանգներ հարաբերությունները (ներկայիս Արեւմուտք ասվածն էլ հենց սա է՝ Եվրոպա+ԱՄՆ), ինչը հիմնականում հակահայ բնույթ է կրել, քանզի Արեւմուտքի բնակիչները խառնարյունության ենթարկվելով, առավելապես հենվել են իրենց նման խառնածինների՝ Եվրոպա ներթափանցած թյուրք-թաթարական եւ հրեա-սեմիտական տարրերի վրա (այժմ ցանկանում են նրանցից ազատվել, բայց չեն կարողանում…): Օրվա եվրոպացիներին շատ հեշտ է եղել զավթիչներին ու թալանչիներին աջակցելով տիրել հսկայական տարածքների ու հարստությունների, ինչից էլ տխմարաբար օգտվել են նրանք՝ գնալով նաեւ ինքնակործանման: Կործանվել են, քանի որ նրանք մեզանից մեկն են եղել՝ Հայկական լեռնաշխարհից եւ Արիապատկան այլ տարածքներից հազարամյակներ առաջ հեռացածների ժառանգները… Սա հետզհետե բացահայտվում է իռլանդացիների, սկանդինավցիների կամ շոտլանդացիների ու այլերի համաարիական, իսկ բասկերի, բրետոնների կամ բավարացիների դեպքում ավելի հստակ՝ հայկական ծագումնաբանության ուսումնասիրությամբ: Ներկա թվագրությունից 3-5 հազար տարի առաջ համաարիական ինքնակործան պառակտումները հանգեցրեցին նոր արշավանքների եւ այլեւս պառակտված ու մասնատված տարբեր տոհմեր, ցեղախմբեր հեռացան նաեւ Արիական նախահայրենիքից՝ Հայկական լեռնաշխարհից դեպի Արեւմուտք…

Այսպես վերջնականապես քայքայվեց Արիական Մեծ Ընտանիքը, ՀԱՄԱԱՐԻԱԿԱՆ ՏԻԵԶԵՐԱՀԱՎԱՏ-ից առաջացան Ազգային հավատներ եւ դրանք կրող Արիական ազգեր, Ազգային պետություններ՝ ասիական Հիմալայներից մինչեւ եվրոպական Ալպեր ընկած Կենսատարածքում: Եվ Հայկական լեռնաշխարը եղել ու մնացել է այն կենտրոնատեղին, որը հանդիսացել ու հանդիսանում է Մարդկության ու Աստվածների բնակատեղի, Մարդկության ծագման, փրկության ու վերածննդի Օրրան…

Continue reading →

Այսօր, երբ կրկին սրվել է միջազգային իրավիճակը եւ ուկրաինական իրադարձությունները նորովի են բորբոքել արցախյան հիմնահարցը, մեր անվտանգության, երկրի սահմանների անառիկ պաշտպանության խնդիրը դարձել է հրատապ:

Իսկ այն, որ ադրբեջանական կողմը սահմանն անհանգիստ է պահում՝ ակնհայտ է: Ճիշտ է, մեր զինուժը հակառակորդին լռեցնելուն ուղղված անհրաժեշտ քայլեր է ձեռնարկում միշտ, բայց վտանգի զգացողությունը մնում է:

Վերջին շրջանում, բացի Արցախա-ադրբեջանական սահմանահատվածներից, Հայաստանա-ադրբեջանական սահմանի Տավուշի մարզի մի շարք սահմանամերձ գյուղերն են ենթարկվում գնդակոծման: Հակառակորդը հիմնականում կրակ է բացում խոշոր տրամաչափի զենքերից, գործում են նաեւ դիպուկահարները:

ՀՀ ԶՈւ առաջապահ ստորաբաժանումները հրաման ունեն ամեն գնով կասեցնելու հակառակորդի վտանգավոր գործողությունները, բայց միայն պատասխանելով հարցը լուծում չի ստանում: Առավել եւս, երբ հրադադարի յուրաքանչյուր խախտման դեպքում, իսկ դրանք իրականացվում են բացառապես ադրբեջանցիների կողմից, ԵԱՀԿ ՄԽ համանախագահները մեղադրական են հնչեցնում թե՛ ադրբեջանական, թե՛ հայկական կողմերի ուղղությամբ, առանց թացն ու չորը զատելու: Անգամ Ադրբեջանի հատուկ ստորաբաժանումների բացահայտ դիվերսիոն հարձակման ժամանակ նույն երկակի ստանդարտներն են գործում:

Իսկ Ադրբեջանի ռազմական ղեկավարությունը մի քանի խնդիր է լուծում, նախ՝ աշխարհին ցուվադրում է, թե իր զինվորները, քաղաքացիները չեն հաշտվել Արցախի եւ ազատագրված տարածքների կորստի հետ, հետո էլ՝ իր ներքին խնդիրները կապում է Հայաստանի դեմ նախապատրաստվող հսկայական ծախսերի հետ, այնուհետեւ՝ բանակում առկա ինքնասպանության կամ սպանության դեպքերը վերագրում է սահմաններում անհանգիստ լինելուն:

Իսկ ի՞նչ է անում Հայաստանը: Միայն հակահարվածներ է տալիս եւ դարձել է զինադադարի օրինապահ կատարողն ու ԵԱՀԿ ՄԽ համանախագահներին բողոքող կողմը: Արդյո՞ք բավարար է: Մի՞թե պարզ չէ, որ լսում են այն կողմին, ով անհարմարություններ է ստեղծում…

Քաղաքական առումով, ադրբեջանական սադրանքն ուղղված է տարածաշրջանում լարվածության ու անկայունության պահպանմանը, ինչը ձեռնտու է նաեւ Անկարային: Իսկ հայ-ադրբեջանական հարաբերություններում մեծացնում է Ադրբեջանին ավելի շատ զիջելու մտադրությունները:

Continue reading →

…Ու սա միայն Հայաստանի մտահոգությունը պիտի չլինի: Համաթուրքական համաժողովում շուտով Ղրիմի հարցը կքննարկեն…

ՀՀ արտգործնախարար Էդվարդ Նալբանդյանը Ուկրաինայում կայացած նախագահի ընտրություններին Հայաստանի պաշտոնական արձագանքը հասկանալու համար հղում է արել Ուկրաինայի նորընտիր նախագահ Պյոտր Պորոշենկոյին ուղղված մեր նախագահ Սերժ Սարգսյանի շնորհավորանքին։ «Արձագանքը տեսեք նախագահի շնորհավորական ուղերձի մեջ, որն ուղարկվել է Ուկրաինայի նորընտիր նախագահին, այսինքն՝ ճանաչում ենք այդ ընտրությունները: Եթե Հայաստանի նախագահը շնորհավորական ուղերձ է հղել, ինչպե՞ս կարող ենք չճանաչել»,- նշել է նախարարը՝ արձագանքելով բոլոր հնչեցվող հարցականներին: Հիշեցնենք, որ մայիսի 25-ին Ուկրաինայում տեղի ունեցան նախագահի, խորհրդարանական եւ տեղական ինքնակառավարման մարմինների ընտրություններ։ Նախագահի ընտրության 1-ին փուլում հաղթեց միլիարդատեր Պյոտր Պորոշենկոն:

Նախագահ Սերժ Սարգսյանը հույս է հայտնել, որ «շարունակվող հայ-ուկրաինական փոխգործակցության համաչափ զարգացումը, առեւտրատնտեսական փոխշահավետ համագործակցության ակտիվացումը եւ հումանիտար կապերը շարունակաբար ընդլայնելու մեր երկրների հանձնառությունը կնպաստեն երկկողմ միջպետական հարաբերությունների հետագա զարգացմանը, որոնց հիմքում ընկած են Հայաստանի եւ Ուկրաինայի ժողովուրդների բարեկամության բազմադարյա կապերը»:

Իհարկե, Կիեւը վրդովված է Երեւանի այն քվեարկությամբ, որը ՄԱԿ-ում պաշտպանեց Մոսկվայի տեսակետը Ղրիմի հարցում, չնայած ուկրաինական ժամանակավոր իշխանությունները պաշտոնապես հայտարարել էին, որ կշարունակեն համագործակցել Հայաստանի հետ: Բայց եթե հիշենք, թե Կիեւը քանի անգամ է ընդդեմ Հայաստանի քվեարկել ՄԱԿ-ում ու տարբեր եվրակառույցներում՝ հօգուտ Ադրբեջանի, ապա դեռ հարց է՝ ով, երբ ու ինչի համար պետք է դադարեցնի համագործակցությունը:

Ուկրաինան Ադրբեջանի հետ նույն կառույցում՝ ՎՈւԱՄ-ում (նաեւ՝ Վրաստանի հետ), բազմաթիվ խնդիրներ է հարուցել Հայաստանի ու Արցախի համար եւ, եթե այս մասին հայկական կողմը դեռ չի բարձրաձայնում, չի նշանակում, որ ուկրաինացիները դա կարող են անել առանց հիշողության ծանրաբեռնվածության:

Ինչեւէ, Ուկրաինան ունի մի նախագահ, ով ընտրվել է առանց Ղրիմի, առանց արեւելյան Ուկրաինայի բնակչության հիմնական մասի քվեի: Հետաքրքիր է, որ նախագահի թեկնածու Յուլիա Տիմոշչենկոն դեռ լռում է, մինչդեռ հայտարարել էր, որ չընտրվելու դեպքում նոր Մայդանի հեղափոխական ալիք է անելու: Չնայած արդեն մի շարք գործիչներ, այդ թվում զինյալ խմբերի հովանավորներից, նշել են, որ «Յուլիան տրոյական ձի է Ուկրաինայի քաղաքական դաշտում»: Այս երկրի նախագահը վարչապետի պաշտոնում թողել է Արսենի Յացենյուկին՝ նշելով՝ «գոնե առայժմ»: Իսկ Ուկրաինայի մայրաքաղաք Կիեւի քաղաքագլխի ընտրություններում հաղթանակ է տարել բռնցքամարտի աշխարհի նախկին չեմպիոն Վիտալի Կլիչկոն, ով Ուկրաինայի նորընտիր նախագահի մերձավոր զինակիցն է: Նա նախագահական ընտրություններին դրել էր իր թեկնածությունը, սակայն հետագայում հեռացրել այն՝ սատարելով Պյոտո Պորոշենկոյին: Կիեւի քաղաքագլխի ընտրություններում հաղթական տանելուց հետո Վիտալի Կլիչկոն ասել է, որ երկրում նախագահական եւ Կիեւի քաղաքապետի ազատ ու արդար ընտրություններ անցկացնելուց հետո Մայդանի ցուցարարներին պետք է հեռանալ: Նորընտիրները հասկանում են, որ Մայդանը կարող է դառնալ բումներանգ… Մայդանի հիմնական խնդիրը կատարվել է, եւ եկել է բարիկադները հեռացնելու ժամանակը. պնդում են նորընտիրները: Կիեւի նոր քաղաքապետը, բացի այդ, հորդորել է ազատել քաղաքի Կրեսչատիկ փողոցը եւ վերականգնել երթեւեկությունը՝ վերադառնալով «նորմալ, խաղաղ կյանքի», խոստացել է պաշտպանել Մայդանի իդեալները եւ առավել սերտ տնտեսական ու քաղաքական կապեր հաստատել Եվրամիության հետ:

Continue reading →

Ադրբեջանական կողմը նկատելով, որ զինադադարի պարբերաբար խախտումները չեն հանգեցնում ԵԱՀԿ Մինսկի խմբի կողմից կտրուկ միջոցների ու քայլերի, որոշել է շարունակել ապակայունացնող գործընթացները:Մայիսի 27-ի լույս 28-ի գիշերը՝ ժամը 02:55-ի սահմաններում, արցախա-ադրբեջանական հակամարտ զորքերի շփման գծի հարավային ուղղությամբ հակառակորդը ձեռնարկել է հերթական հետախուզադիվերսիոն ներթափանցման փորձ: Ինչպես տեղեկացրել են ԼՂՀ ՊՆ մամուլի ծառայությունից, ՊԲ առաջապահ ստորաբաժանումները, ժամանակին հավաստանշելով հակառակորդի հատուկ ջոկատայինների առաջխաղացումը, դիմել են պատասխան գործողությունների եւ, նրանց պատճառելով նշանակալի կորուստ, հետ շպրտել ելման դիրքեր: Ադրբեջանական կողմը տվել է 2 զոհ եւ 1 վիրավոր, ինչը հաստատվել է նաեւ Բաքվի կողմից:

Ադրբեջանական գրոհայիններին դիմակայելու ընթացքում մեր պաշտպանության բանակը, ցավոք, ունեցել է 1 կորուստ: Հակառակորդի դեմ ծավալված մերձամարտում զոհվել է եւս մի հայորդի՝ ՊԲ զինծառայող, եֆրեյտոր, 1995թ. ծնված Էրիկ Վիլենի Գասպարյանը: ՀՀ եւ ԼՂՀ պաշտպանության նախարարությունները իրենց զորակցությունն են հայտնել հայ մարտիկի ընտանիքի անդամներին, հարազատներին ու ծառայակիցներին: «Լուսանցք»-ը եւս զորակցում ու փառաբանում է հայ զինվորականին (բոլորին), ով հեռացավ այս աշխարհից՝ հայ նվիրյալների բանակը լրացնելու համար… Ներկա դրությամբ շփման գծի ամբողջ երկայնքով ՊԲ առաջապահ ստորաբաժանումները շարունակում են վստահորեն իրականացնել իրենց առջեւ դրված մարտական խնդիրը:

Ադրբեջանի կողմից սահմանագծի եւ հրադադարի խախտման դեպքերը, սպառազինությունների մրցավազքը մտահգում է ոչ միայն միջազգային հանրությանը, այլեւ ԵԱՀԿ Մինսկի խմբի եռանախագահող երկրներին. այս մասին հայտնել է ԱԳ նախարար Էդվարդ Նալբանդյանը՝ Սարդարապատի հուշահամալիրում, 1918թ. մայիսի 28-ի՝ Հայաստանի 1-ին Հանրապետության ստեղծման 96-ամյակի տոնակատարության ժամանակ: Նա մեկ անգամ եւս նշել է, թե եվրոպական ու միջազգային կառույցները միշտ կոչ են անում համապատասխան քայլեր ձեռնարկել՝ հրադադարի ամրապնդմանն ու դիպուկահարների դուրսբերմանն ուղղված, բայց խնդիրները մնում են: Նախարարը հայտնել է, որ քայլեր են արվում համապատասխան մեխանիզմներ, կառույցներ ստեղծելու, որոնք կզբաղվեն հրադադարի խախտման դեպքերի հետաքննությամբ:

Continue reading →

…Հայ Արիական Միաբանությունը վաղուց է նախաձեռնել այդ գործընթացը, եւ ո՛չ միայն Հայաստանում: Նաեւ՝ Սփյուռքում: Հայ արիներն անգամ միջազգային ազգայնական միավորում փորձեցին ձեւավորել՝ համաարիական դաշինքի ստեղծմամբ, ինչը եւս ընթացքում է…

Եվրախորհրդարանի վերջին ընտրությունները փաստեցին, որ անգամ Եվրոպայում արդեն գիտակցում են ազգայինի, ավելին՝ ազգայնականության կարեւորությունը:

«Պոպուլիստների ու եվրահոռետեսների հաղթանակը բացատրվում է նրանով, որ ընտրողներն ավելի շատ են կորցրել վստահությունը քաղաքական էլիտաների հանդեպ»,- «Deutsche Welle» պարբերականի փոխանցմամբ, այս մասին հայտարարել է Եվրոպական հանձնաժողովի նախագահ Ժոզե Մանուել Բարոզուն: «Մենք չափազանց անհանգստացած ենք այդ միտումներով: Քաղաքացիների վստահության կորուստը ողբերգական երեւույթ է եւ հանգեցնում է ապագայի հանդեպ մեծ մտահոգությունների ու վախերի»,- ասել է նա:

Եվրահանձնաժողովի նախագահը աջ արմատական կուսակցությունների հաջողությունը բացատրել է նաեւ Եվրամիությունում գործազրկության աճով եւ ներգաղթյալների հանդեպ քաղաքականությամբ, որը երբեմն հանգեցնում է քսենոֆոբիայի: «Դա պարարտ հող է աջ պոպուլիզմի եւ ազգայնականության բարգավաճման համար»,- ընդգծել է Բարոզուն:

Հիշեցնենք, որ մայիսի 22-ից մինչեւ մայիսի 25-ը Եվրամիության 28 անդամ պետություններում տեղի են ունեցել Եվրոպական խորհրդարանի ընտրություններ, որոնց արդյունքներով զգալի քվեներ են ստացել աջ եւ ձախ արմատական կուսակցությունները, որոնք դեմ են Եվրամիության ընդլայնմանը, եվրոյին, վերազգային ինստիտուտների լիազորությունների ընդլայնմանը եւ անգամ կողմնակից են ԵՄ կազմից իրենց պետությունների դուրս գալուն:

Continue reading →

Հարկերն ու տուրքերը չեն հավաքվում

…Սա այն էր, ինչ տարիներ շարունակ ասում էին ընդդեմ մարդկանց համարակալման շարժման մասնակիցները: Սոցիալական քարտի համարանիշը նույնությամբ պատճենված է նույնականացման քարտում, ինչը ստացել է հանրային ծառայությունների համարանիշ անվանումը: Մեր պաշտոնյաները օրինակ են բերում արտասահմանյան փորձից, իբր արդյունավետացում ցույց տալու համար, սակայն արտերկրում համարանիշը փոփոխական է նաեւ, ինչպես անձնագրինը: Այս դեպքում ճիշտ են հայ արիներն ու սոցքարտերի եւ կենսաչափական քարտերի դեմ պայքարողները…

Հանրային ծառայությունների համարանիշի կիրառումը, պարզվում է, որոշ բարդություններ է ստեղծել մեր քաղաքացիների համար: Եվ ոչ միայն քաղաքացիների: Ու երեւի հենց դրա համար է, որ արդեն կառավարությունն ինքն է խոսում այդ խնդրի մասին:

Գործադիրի երեկվա նիստում թեմային անդրադարձավ Երեւանի քաղաքապետ Տարոն Մարգարյանը:

Բանն այն է, որ հանրային ծառայությունների համարանիշը պարտադիր կիրառվում է հարկեր, տուրքեր, պարտադիր վճարներ հաշվարկելու եւ վճարելու ժամանակ, նաեւ՝ պետական եւ տեղական ինքնակառավարման մարմինների, պետական եւ համայնքային ենթակայության կազմակերպությունների տեղեկատվական բազաները վարելու ժամանակ: Հանրային ծառայությունների համարանիշն օգտագործվում է պետական մարմինների, պաշտոնատար անձանց, իրավասու այլ անձանց կողմից օրենքով նրանց վերապահված խնդիրների (գործառույթների) շրջանակներում ֆիզիկական անձանց ծառայություններ մատուցելիս՝ անհատական տվյալների տեղեկատվական բազաներում վերջիններիս նույնականացումն իրականացնելու նպատակով: «Համապատասխան օրենքի լրացման արդյունքում տեղական հարկեր, տուրքեր եւ վճարներ վճարելու հարցում բարդություններ ու դժվարություններ են ստեղծվել քաղաքացիների համար, որոշ դեպքերում նաեւ վճարման անհնարինություն, որի հետեւանքով լրջագույն խնդիր է առաջացել համայնքներում բյուջեների մուտքերն ապահովելու համար»,-ասաց Տ. Մարգարյանը:

Օրինակ, «Ավտոտրանսպորտային միջոցների կայանատեղերի տեղական տուրքի մասին» օրենքի համաձայն՝ ավտոտրանսպորտային միջոցն ավտոկայանատեղում կայանած անձի կողմից ավտոկայանատեղի տուրքը չվճարվելու դեպքում տուրք վճարող է դառնում ավտոտրանսպորտային միջոցի սեփականատերը, իսկ եթե ավտոտրանսպորտային միջոցը պետական կամ համայնքային սեփականություն է, ապա այն անձը« որին ամրակցված է ավտոտրանսպորտային միջոցը: Հաճախ են հանդիպում դեպքեր, երբ նույն ավտոտրանսպորտային միջոցը մի քանի անգամ վերավաճառվել է լիազորագրի հիման վրա եւ գործարքների արդյունքները չեն հաշվառվել պետական լիազորված մարմնում, որի հետեւանքով սեփականությունը հաշվառվել է սկզբնական սեփականատիրոջ անունով: Կամ՝ բանկերին պարտադրվում է ավտոկայանատեղի տեղական տուրք վճարողից պահանջել այլ փաստաթղթերի հետ մեկտեղ հանրային ծառայությունների համարանիշ՝ վճարումն ընդունելու համար, ինչը անհնարին է դարձնում օրենքի պահանջի կատարումն ավտոմեքենայի վերջին սեփականատիրոջ կողմից: Նույնը վերաբերում է նաեւ փոխադրամիջոցի գույքահարկի վճարման դեպքերին:

Կամ՝ Երեւանի ավագանու դեռ երկու տարի առաջվա որոշման համաձայն‘վճարողներն ավտոկայանատեղի տուրքը վճարում են անկանխիկ՝ Երեւանի քաղաքապետարանի հաշվեհամարին՝ բանկային եւ վճարահաշվարկային կազմակերպությունների միջոցով, էլեկտրոնային եղանակով, «sms» վճարմամբ: Եվ Երեւանում լայն տարածում է ստացել բջջային կարճ հաղորդագրության միջոցով ավտոկայանատեղի տուրքի վճարումը եւ ավագանու որոշմամբ, ի տարբերություն Հայաստանում այլ տուրքերի վճարման եղանակների, նախատեսված է նաեւ լրացուցիչ հնարավորություն տեղական տուրքը վճարելու համար, ինչը շատ հարմարավետ ու արդյունավետ գործիք է: Բայց արի ու տես, որ օրենքը չի կարգավորում բջջային կարճ հաղորդագրության միջոցով տուրքի վճարման հետ կապված հարաբերությունները:

Մեկ այլ խնդրահարույց վիճակ է աղբահանության ոլորտում: «Ստեղծվել է մի այսպիսի վիճակ. հասարակական նշանակության շինության սեփականատերը ամիսներ շարունակ վճարում է աղբահանության վճարը եւ հաշվառման բազայում գրանցված են նրա անհատական տվյալները, եւ եթե հետագայում նա իր սեփականությունը հանդիսացող տարածքները հանձնել է վարձակալության մի քանի սուբյեկտների, ապա նշված սուբյեկտներն մի խնդրի առաջ են կանգնում՝ աղբահանության վճարի վճարում սեփականատիրոջ հանրային ծառայությունների համարանիշով, որը պետք է ներկայացնեն վճարում կատարելու ժամանակ, քանի որ անհատական տվյալների բազայում հաշվառված է սեփականատիրոջ հանրային ծառայությունների համարանիշը»: Եթե սեփականատերը բացակայում է տվյալ համայնքից կամ գտնվում է ՀՀ-ից դուրս, ապա խնդիրներ կծագեն ոչ միայն աղբահանության վճար վճարողի համար, այլ նաեւ տվյալ համայքի համար բյուջե չմուտքագրվող տեղական վճարի առումով:

Continue reading →

Երեւանի ավանդապատումները

Սկիզբը՝ թիվ 39-42-ում (2013թ.) եւ թիվ 1-17-ում

Երեւանն աշխարհի հնագույն քաղաքներից է: Նրա տարածքում կատարված հնագիտական պեղումները ցույց են տալիս, որ մարդն այստեղ ապրել է տասնյակ հազարավոր տարիներ առաջ: Հատկանշական է այն փաստը, որ Երեւանի տարածքն անընդհատ բնակեցված է եղել: Ուսումնասիրությունները պարզել են, որ քաղաքի տարածքում տարբեր ժամանակաշրջաններում առաջացել եւ տարբեր պատճառներով կործանվել են բազմաթիվ բնակավայրեր: Ժամանակագրական առումով քաղաքի տարածքում հայտնաբերված հնագույն բնակավայրը Երեւանյան կամ Հրազդանյան քարայրն է (Երեւանյան լճի մոտ, Հրազդան գետի ձախ ափին), որի հնագույն, ստորին շերտը (4-5 մշակութային շերտ) թվագրվում է մուստերյան շրջանով (100 000 – 35 000 տարի առաջ): Այնուհետեւ, Երեւանի տարածքում մարդու բնակության հետքերը հայտնաբերվում են նոր բնակավայրերում՝ ստեղծելով պատմական հուշարձանների մի ամբողջական շղթա: Թվարկենք դրանք. Շենգավիթ, (մ.թ.ա. 4-2-րդ հազարամյակներ), Ծիծեռնակաբերդ, Ավան, Զեյթուն թաղամասեր, Կայարանամերձ հրապարակ (մ.թ.ա. 2-րդ հազարամյակի կես), Կարմիր-բերդ (մ.թ.ա. 2-րդ հազարամյակի վերջ), Կարմիր-բլուր (մ.թ.ա. 2-րդ հազարամյակի վերջ -1-ին հազարամյակի սկիզբ), Արին բերդ (Էրեբունի, մ.թ.ա. 1-ին հազարամյակի սկիզբ), Ավան-Առինջ (մ.թ.ա. 2-րդ-1-ին դարեր), վաղ միջնադարյան Երեւան (Կենտրոն), Երեւանի բերդ (7-րդ դար, 16-րդ դար) եւ այլն:

Ուսումնասիրողներին (Ղ. Ալիշան, Ղ. Ինճիճյան) եւ Երեւան այցելած օտարերկրյա ճանապարհորդներին (Ժ. Շարդեն, Ռոբերտ Կեր Փորտեր, Ուիլյամ Աուզլեյ, Լինչ) հետաքրքրել է հատկապես Երեւան անունը:

Երեւան անունը (յերեւան ձեւով) հայ մատենագրության մեջ առաջին անգամ հանդիպում է V դարի հնագույն մի հիշատակարանում (ՙՀնոց եւ նորոց պատմութիւն վասն Դավթի եւ Մովսէսի Խորենացւոց, թուղթ Դիոնէսիոսի՚, Կ. Պոլիս, 1874):

Երեւանի մասին հաջորդ հիշատակությունը վերաբերում է 607թ., երբ Դվինում հրավիրված եկեղեցական ժողովին մասնակցել են նաեւ Դավիթ Երեցը եւ Ջոջիկ անունով վանականը Երեւանից («Գիրք Թղթոց» մատենագրութիւն նախնեաց, 1901):

VII դարի պատմիչ Սեբեոսը եւս վկայություն ունի Երեւանի մասին, կապված 642-643թթ. արաբական արշավանքների հետ (Սեբէոս, Պատմութիւնք, 1672 թ., Ձեռագիր մատյան, 2639): Հովհ. Դրասխանակերտցու (IX-X դդ., Պատմութիւն Հայոց), Ս. Անեցու (XII դար, «Հաւաքմունք ի գրոց պատմագրաց»), Ստ. Օրբելյանի (XIII դար, «Պատմութիւն նահանգին Սիսական») եւ այլ մատենագիրների աշխատություններում եւս հիշատակություններ կան Երեւանի մասին: Հայ մատենագրությունում Երեւանը հիշատակվում է Երեւան, Էրեւան, Էրվան, Էրուան, Երեւան, Արեւան եւ այլ ձեւերով:

Continue reading →

Սկիզբը՝ թիվ 17-ում

Հայաստանում մշակվող ադամանդի հումքը հիմնականում ներմուծվել է Բելգիայից, Իսրայելից եւ Ռուսաստանից: Ռուսաստանյան հումքի կշիռը մեծ է եղել միայն 2001-02 եւ 2010-2011թթ. ընթացքում՝ Հայաստանի կառավարության՝ ռուսական կողմի հետ պայմանավորվածությունների շնորհիվ: Ռուսական հումքի ներկրումն էապես կրճատվել է 2003-2009թթ. Ռուսաստանում ադամանդի ոլորտի ազատականացման հետեւանքով, որի արդյունքում Հայաստանը զրկվել է նպաստավոր պայմաններով Ռուսաստանից հումք ներմուծելու հնարավորությունից: Մեր էկոնոմիկայի նախարարությունից այդ տարիներին ասում էին, որ ռուսական հումքի գների փոփոխությունները կախված են բարդ վարչարարական ընթացակարգերից եւ հաճախ տարբերություններ են առաջանում միջազգային շուկայի գների հետ: Ներկայումս ՌԴ-ում դեռ գների համապատասխանեցում միջազգային շուկայի գներին չեն արել, որի արդյունքում այն մոտ 10%-ով ավելի բարձր է: Իսկ Իսրայելից հումքի ներմուծումները կապված էին հիմնականում «Շողակն» գործարանի գործարկմամբ, որը զրոյացավ ընկերության գործունեության դադարեցման հետեւանքով (նախորդիվ ասել ենք, որ ընկերութունը խնդիրներ ուներ մեր ՊԵԿ-ի հետ):

Մեր երկրում ադամանդի մշակման ծախսերի մակարդակը հնարավորություն է տալիս մրցակցել առավել բարձրարժեք, միջին չափի քարերի մշակման հատվածում: Հայաստանը ադամանդի մշակման ծախսերով զիջում է Հնդկաստանին, Չինաստանին եւ Թայլանդին: Մեր ադամանդի մշակման ոլորտում աշխատավարձը հիմնական ծախսային հոդվածն է: Հայաստանում աշխատավարձի տեսակարար կշիռը ընդհանուր ծախսերի մեջ բավական բարձր է, բայց դա էլ պայմանավորված է հիմնականում առավել մեծ չափերի քարերի եւ առավել որակյալ մշակմամբ: Ծախսերի այսպիսի մակարդակի արդյունքում հայկական ընկերությունները հիմնականում մասնագիտացել են միջին չափերի ադամանդի մշակման սեգմենտում (0.5-2 կարատ):

Բայց Հայաստանը մշակման որակի առումով այսպես ասենք ամենաբարձր՝ գերազանց դասում է:

Ըստ միջազգային փորձագետների, Չինաստանում աստիճանաբար բարձրանում է ադամանդի մշակման արժեքը, ինչի արդյունքում միջազգային խոշորագույն խաղացողները լրջորեն դիտարկում են իրենց պատվերներն այլ երկրներ տեղափոխելու հնարավորությունը:

Նկատի ունենք, որ ոլորտի միջազգային խաղացողները տեղյակ են նաեւ, որ Հայաստանում առկա է ոլորտի զարգացման համար բարենպաստ օրենսդրական դաշտ (սակայն վերջին տարիներին խնդիրներ են առաջացել կապված ավելացված արժեքի հարկի վերադարձի հետ): Բանն այն է, որ մեր երկրում մշակված եւ չմշակված ադամանդի արտահանումն ու ներմուծումն ազատված է մաքսատուրքից: Թանկարժեք մետաղների եւ քարերի իրացումն ազատված է ավելացված արժեքի հարկից: 2001թ.-ից ադամանդի առեւտուրը ենթակա է լիցենզավորման՝ պարզեցված ընթացակարգով: 2004թ.-ից ոլորտն ազատված է շահութահարկի կանխավճարի 1% նվազագույն շեմից:

Այս ամենից զատ. մեզ մոտ գործում է թանկարժեք քարերի գնահատման եւ գիտաուսումնական կենտրոն: «Զանգ» գիտաուսումնական լաբորատորիան զբաղվում է թանկարժեք քարերի գնահատմամբ, սերտիֆիկացմամբ, գիտական եւ ուսումնական գործունեությամբ: 2000թ.-ից կենտրոնն ուսումնական ծրագրեր է իրականացնում եւ մինչ այժմ ունի մոտ 400 շրջանավարտ Հայաստանից եւ աշխարհի տարբեր երկրներից: Երկրում կա նաեւ թանկարժեք քարերի փոխադրումների համար անհրաժեշտ ծառայություն: «Կուրիեր Հայկ»-ը զբաղվում է ադամանդի տեղափոխությամբ, միջազգային հեղինակավոր Brinks ընկերության ներկայացուցիչն է Հայաստանում: Ադամանդի տեղափոխումը «դռնից դուռ» սկզբունքով է: Բեռն ապահովագրված է տեղափոխման ամբողջ ընթացքում:

Նաեւ ադամանդագործության հաստոցների տեղական արտադրություն ունենք: Ադամադագործության գագաթնակետային տարիների որոշ տեղական ընկերությունները մասնագիտացել էին հաստոցների արտադրության բնագավառում, եւ նույնիսկ արտահանել են հաստոցներ:

Այսքանով հանդերձ՝ մեր երկիրը միջազգային ադամանդագործական շուկայում չի կարողանում լուրջ տեղ զբաղեցնել: Բայց կարո՞ղ է:

Հասկանալու համար դա՝ պիտի քննարկենք համաշխարհային միտումները:

Continue reading →

Հայկական խոհանոց – (Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028) – (ռեստորանն ընդունում է կոլեկտիվ հայտեր)

– Հորթի մսով, ընկույզով արքայական ուտեստ

Բաղադրությունը – Հորթի միս – 0.5 կգ, ընկույզ – 200 գ, սխտոր – 2 պճեղ, ռեհան – 0.5 կապ, նռան հյութ – 1 բաժակ, հորթի մսի արգանակ – 100 գ, զեյթունի բուսայուղ – 100 գ, աղ, սպիտակ պղպեղ:

Պատրաստման եղանակը – Միսը խաշել, ձողաձեւ կտրատել: Ընկույզը հավանգով կամ հարիչով ծեծել, ավելացնել սխտորը, մանր կտրտած ռեհանի տերեւները եւ կրկին ծեծել: Հետո ավելացնել նռան հյութը, աղը, պղպեղը, արգանակը եւ աստիճանաբար՝ բուսայուղը: Այս ամենը միասին կրկին հարել:

Երբ թանձրուկը պատրաստ լինի, այն լցնել մսի վրա եւ մատուցել ռեհանով կամ նռով: Զգա՛ արքայական ուտեստի համը:

Աշխարհի մարզական հեւքից –

Հաղթանակ, որը նաեւ լուրջ մտորումներ առաջացրեց

Հայաստանի ֆուտբոլի ազգային հավաքականը Շվեյցարիայում ընկերական հանդիպում անցկացրեց Արաբական Միացյալ Էմիրությունների թիմի հետ եւ հաղթեց 4:3 հաշվով: Մեր թիմի կազմում 2 անգամ աչքի ընկավ Հենրիխ Մխիթարյանը, 1-ական անգամ՝ Լեւոն Հայրապետյանն ու Ռումյան Հովսեփյանը:

Հաճելի է, որ մեր հավաքականը Եվրոպայի 2016թ. ընտրական փուլի առաջնությանը նախապատրաստությունն սկսեց հաղթանակով, բայց սա այն հաղթանակներից է, որ նաեւ  մտահոգվելու առիթ է տալիս: Մեր հավաքականը 2 գնդակ բաց թողեց անկյունայինների խաղարկումից, իսկ գոլային մյուս դրվագում էլ մրցակցի ֆուտբոլիստները մեր թիմի տուգանային հրապարակում գնդակն ազատ խաղարկելու ու հարվածելու հնարավորություն ստացան: Հասկանալի է, որ գլխավոր մարզիչ Բեռնար Շալանդը մեծ աշխատանք ունի կատարելու՝ հատկապես պաշտպանությունում առկա խնդիրները լուծելու եւ հավաքականի խաղը ավելի կուռ  կազմակերպելու համար: Հայաստանի հավաքականն այս ուսումնամարզական հավաքի ընթացքում եւս 2 ստուգողական խաղ կանցկացնի՝ ընդդեմ Ալժիրի ու Գերմանիայի ընտրանիների, որոնք նախապատրաստվում են Բրազիլիայում կայանալիք աշխարհի 2014թ. առաջնությանը եւ, բնականաբար, կարգով գերազանցում են մեր ազգային թիմի առաջին մրցակցին՝ ԱՄԷ-ի հավաքականին:

Հայտնի ֆուտբոլիստները՝ Հայաստանում

«Զվարթնոց» միջազգային օդանավակայանում մեկնարկեց Բրազիլիայում կայանալիք Ֆուտբոլի աշխարհի առաջնությանն ընդառաջ տոնական միջոցառում: Տեղադրվել են հայտնի ֆուտբոլիստների մանեկեններ: Ցանկացողները լուսանկարվել են հայտնի ֆուտբոլիստների նմանակների հետ։ Միջոցառմանը մասնակցել են Բրազիլիայի ու Արգենտինայի դիվանագիտական առաքելության ներկայացուցիչներ, կառավարության ներկայացուցիչներ, օդանավակայանի ղեկավարությունը:

Անիրական թվացող իրականություն. Արարատը միայն անուն չէ…

Երեւանի «Արարատ» ակումբի հետ բազում գեղեցիկ հուշեր են կապված, երբ  թիմը հանդես էր գալիս ֆուտբոլի ԽՍՀՄ առաջնությունում ու եվրոպական ակումբային մրցաշարերում: Բայց անկախ Հայաստանի «Արարատ»-ը չարդարացրեց մարզասերների սպասումները: Թվում էր՝ այս տարի թիմն իր նախկին համբավը կվերականգնի, եւ երբ «Արարատ»-ը 24 խաղափուլ շարունակ աղյուսակը գլխավորում էր, անգամ շուրջ 10 միավորի առավելություն հաջորդող թիմի նկատմամբ… բոլորը համոզված էին, որ չեմպիոնության խնդիրը լուծված է: Բայց կատարվեց անսպասելին՝ արարատցիները անչափ անվստահ անցկացրեցին մնացած հանդիպումները, եւ չկարողացան անգամ մրցանակային տեղ զբաղեցնել ու եվրոգավաթների ուղեգիր նվաճել: Հանգրվանեցին միայն 4-րդ տեղում:

Continue reading →

Հայ արիականներն ու ազգայնականները այցելեցին Սարդարապատ, ապա նաեւ՝ Եռաբլուր…

Այդ պատմական օրը Հայաստանի ազգային խորհուրդը հայտարարեց անկախ Հանրապետության ստեղծման մասին: Եվ 1-ին Հանրապետությունը ծնվեց ու ամրացավ հայ նվիրյալների կամքով, փառահեղ հերոսամարտերով՝ Բաշ-Ապարանի, Ղարաքիլիսայի եւ Սարդարապատի:

1918-1920թթ. գոյատեւած Հայաստանի 1-ին Հանրապետությունը վերականգնեց հայոց անկախության եւ պետականության վերականգնման ընթացքը…

Հայոց ցեղասպանությունից եւ հայրենազրկումից հետո, հայրենիքի մի փոքր հատվածի վրա պետության կառուցումը հայությանը շնչելու եւ գալիքը վերաիմաստավորելու հնարավորություն տվեց: 1-ին Հանրապետության ավելի քան 2 տարվա գոյությունն, այնուամենայնիվ, համախմբեց հային եւ հայի միտքն ու բազուկը, ինչը չկոտրվեց անգամ այն ժամանակ, երբ 1920թ. նոյեմբերին մասոնա-բոլշեւիկյան համաշխարհային հեղափոխությունը հասավ նաեւ Հայաստան…

Continue reading →

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան – http://www.hayary.org/wph/?p=2223 

1. (1-ին մաս) Խոսում են հայ արիականներն ու ազգայնականները – Ռուսաստան. թշնամի՞, թե՞ բարեկամ երկիր («Միջազգային առկա վիճակի եւ Հայաստանի դերակատարման ու քայլերի մասին»)…

2. Մոսկվա՞ն է կանխել Ադրբեջանի ոչնչացումը – Իսկ Մոսկվան, Վաշինգտոնն ու Բրյուսելը չեն ներում հայերի ազատատենչ հանդգնությունը եւ կամային հաղթանակը…

3. Համանախագահները խրամատներ են փորում իրենց դեսպանատներում – Հայաստանում եւ Արցախում հասկացել են, որ մշտապես հանդուրժող ու հավասարակշռված լինելը եվրահասկացողությանը հարիր չէ…

4. Որ դիրքից կրակեցին մեր զինվորի վրա՝ կգրավվի – Հայտարարված «մեր 1 զոհի դիմաց՝ 10 զոհը» միայն խոսքեր չեն եւ հայկական կողմը դա ապացուցում է մարտական դիրքերում…

5. Ինքնակործանման քաղաքականությունը – Հայաստանում վաղ է խոսել միակուսակցական համակարգի հաջողելու մասին… Ստվերազերծումը՝ տնտեսական խարակիրի… Այլընտրանքի քաղաքական ստվերը…

6. Հայ էթնոսի մասին – Ավանդաբանություն… Պատմագրական ակնարկ… Հայագիտական ակնարկ… – Հայոց Լեռնաշխարհից հնդեվրոպական քաղաքակրթության սփռումը դեպի Արեւելք եւ Արեւմուտք…

7. Մեր ավանդապատումները – Գեղարքունիք.- Սեւանա լճի տեղում ցամաք է եղել՝ անտառապատ բլուրներով, ծաղկավետ դաշտերով ու բերրի վարելահողերով… Վանեցիները գաղթում եւ վերաբնակվում են Սեւանի ափերին…

8. Ցավոտ կետեր – Շքեղության գործի անշուք վիճակը… Ովքե՞ր են Հայաստանում ադամանդագործության տերերը – ադամանդի մշակումը օտարերկրյա ընկերությունների մասնաճյուղերի կողմից…

9. Հայաստանից արտահանվում է (…) Հայաստան… Իսկ Հայաստանից գազ է արտահանվում «անհայտ երկիր»… Եվ թե ինչու ֆիննախը նեղեց ԿԲ-ին… Տեղադրե՛ք գովազդ՝ www.hayary.org-ում – Կարդացե՛ք եւ բաժանորդագրվե՛ք «Լուսանցք»…

10. Հայկական խոհանոց – Հորթի մսով, մանդակով ու պանրով համեղհամ… Աշխարհի մարզական հեւքից… ՀԱՄ պաշտոնական կայքը տրամադրում է գովազդային վահանակի տեղ… «Լուսանցք»-ի բաժանորդագրության համար դիմել…

Հատվածներ Հայ Արիական Միաբանության եւ Հայ Ազգայնականների Համախմբման ղեկավար կազմերի 15.05.2014թ. խորհրդատվական նիստի «Միջազգային առկա վիճակի եւ Հայաստանի դերակատարման ու քայլերի մասին» համատեղ քննարկումից…

«Լուսանցք»-ը ներկայացնում է այդ թեմաները՝ առանց մեկնաբանության

Այսպես կոչված նոր թվագրության կամ հիսուսյան 21-րդ դարը գրոհում ու ճզմում է այն ազգերին, որոնք չեն կարող կամ պատրաստ չեն դիմակայել ժամանակի մարտահրավերներին: Աշխարհի ներկայիս տերերն օրըստօրե նորանոր ձեւեր են մշակում՝ պետական կազմավորումներն անկայունացնելու, փոքրաթիվ ազգերին ճնշելու, նրանց բարոյալքելու, այնուհետեւ ոչնչացնելու (միադեմ կամ անդեմ դարձնելու) համար…

Հայ Արիական Միաբանության եւ Հայ Ազգայնականների Համախմբման նպատակն է դիմակայել այս ամենին՝ սերտ համագործակցելով այլազգի պատրաստակամ ուժերի հետ:

Համատեղ պայքարը կզուգահեռվի այն առաջնային նպատակին, որը նախատեսվող միադեմ կամ անդեմ մարդկային զանգվածի մեջ բնածին հայ ազգի տարրալուծման կանխարգելումն է: Այս մասին բազմիցս ենք նշել, որ սա մարդատյաց գաղափարներով առաջնորդվող համաշխարհային գաղտնի կառավարության եւ կից մութ ուժերի տեսլականն է:

Հայ արիականների ու ազգայնականների նպատակը ոչ միայն չարին դիմակայելն է (դա նախաձեռնելն ու կազմակերպելը, հանուն նպատակի նաեւ միավորվելը), այլեւ հայության ԳԵՐՆՊԱՏԱԿ-ը ավարտին հասցնելը՝ Հայոց Հողահավաքին ու Ազգահավաքին հաղթանակով հասնելը: Այլապես՝ Սփյուռքի հայությունն ի վերջո դատապարտվելու է ուծացման, իսկ Հայաստանի հայությունը՝ ստրկացման եւ դիմազրկման: Արցախը, Գարդմանը, Նախիջեւանը, Ջավախքը, Արեւմտյան Հայաստանն ու մեր գերեվարված այլ տարածքների ազատագրման տեսլականը պետք է վերալիցքավորեն համահայկական ԳԵՐՆՊԱՏԱԿ-ը, իսկ հայի բնածին ինքնության, աստվածների հավատի ու առաջնորդող առաքելության վերարժեւորումը պիտի մեր ԳԵՐՆՊԱՏԱԿ-ին ուղղեն հայության հավաքական միտքն ու բազուկը, հոգեւոր հավատարմությունն ու տիեզերահաս կամքը:

Աշխարհը չարի տիրապետության տակ է, կիրառվող քայլերն էլ ավերիչ են ու կործանարար: Դրանք առավել արագ են կործանման տանում փոքրաթիվ ազգերին եւ փոքր հնարավորություններով երկրներին, ինչը պետք է ստիպեր բոլորի միավորմանը՝ ընդդեմ այս ավերիչ ուժի, սակայն համաշխարհային մութ ուժերին հաջողվում է գործադրել «բաժանի՜ր, որ տիրես» սկզբունքը, ինչը դեռ պահպանում է նրանց տիրապետությունը:

Մինչ համաշխարհային ընդդիամադիր ճակատի ձեւավորումը, Հայաստանն ու հայությունը պիտի գործեն հավասարակշռված, բայց կտրուկ ու հստակ հայանպաստ, հանդես գան ոչ միայն այս ու այն միջազգային ծրագրին միանալու-մերժելու քաղաքականությամբ, այլեւ սեփական ծրագրերը միջազգային օրակարգ բերելու եւ դրանք բոլոր հնարավոր միջոցներով հետապնդելու ռազմավարությամբ:

Պարտադիր չէ առաջնորդվել «ով մեզ հետ չէ՝ մեր թշնամին է» կարգախոսով, բայց չի կարելի բարեկամ համարել այն ազգերին ու երկրներին, որոնք սերտորեն համագործակցում են մեր թշնամիների հետ, ավելին՝ ռազմա-քաղաքական կամ տնտեսական շահեր են հետապնդում նրանց հետ միասին:

Հայաստանը պետք է հստեկեցնի իր բարեկամների ու թշնամիների, նաեւ դրական չեզոքների ցանկը, հայության շահերին հանահունչ եւ առաջնային դիտարկի միայն այդ ցանկում առկա բարեկամների շահերը: Մնացած դեպքերում չի կարող փոխշահավետ գործարքներ լինել: Այստեղ է, որ խախտումները հանգեցնում են հայկական շահերի ստորադասմանն ու անտեսմանը:

Հայաստան-Ռուսաստան. ԱՊՀ եւ ՀԱՊԿ հետագա համագործակցություն

Քանի որ հայ-ռուսական հարաբերությունները պաշտոնապես համարվում են բարեկամական եւ ռազմավարական, ամրագրված են ռազմա-քաղաքական, տնտեսական եւ այլ ոլորտների դաշինքային սկզբունքներով եւ առաջնահերթությամբ, նախեւառաջ պիտի դիտարկել այս ուղղությունը: Սույն դաշինքի շրջանակներում է այսօր պայմանավորված Հայաստանի ու հայության համընդհանուր ինքնապաշտպանությունը, ներկա քայլերն ու հետագա զարգացումը:

Continue reading →

Հայտնի ռուս փորձագետ, Կրեմլի քարոզիչ Ստանիսլավ Տարասովը հոդված է հրապարակել Արցախյան պատերազմի հրադադարի պայմանագրի 20-ամյակի կապակցությամբ, որում մասնավորաբար գրել է. «Երբ 1993-94թթ. ձմռանը Ադրբեջանը մասշտաբային հարձակում ծավալեց ղարաբաղյան ճակատի ողջ երկայնքով, հենց ԱՊՀ միջխորհրդարանական ասամբլեային, եւ ոչ թե եվրոպական կառույցներին կամ ԱՄՆ-ին հաջողվեց խանգարել հայկական զորքերին դուրս գալ Քուռ գետ եւ հարցականի տակ դնել ընդհանրապես Ադրբեջանի պետականության գոյությունը»: Հետաքրքիր է, որ ռուս փորձագետը գրում է մի ճշմարտություն, որն այնքան էլ մեծ գաղտնիք չէ, բոլորը գիտեն, որ Արցախյան պատերազմը հրահրել են ոչ թե ԱՄՆ-ն կամ եվրոպական երկրները, այլ մեր ներկա գործընկեր Ռուսաստանը, երբ ցանկանում էր մշտապես փակել «արցախյան թեման»: 1990-ականների սկզբին հենց Ռուսաստանը 2 ռազմական գործողություն կատարեց Արցախիի հայերի դեմ, որի հետեւանքը եղավ տասնյակ հայկական բնակավայրերի ոչնչացումը եւ հազարավոր հայերի սպանություններն ու տեղահանությունը: Դեռ խորհրդային ժամանակներից ռուսական կողմը իր ՕՄՕՆ-ականների միջոցով աջակցում էր ադրբեջանցիներին:

Արցախյան կողմը հասկացավ սա եւ սկսեց մեկ այլ դիմադրություն. Ստեփանակերտից ռուսական գունդը հեռացվեց եւ, զենքերը վերցնելով, արցախցիներն անցան հաղթական պայքարի: Այսպես եղավ նաեւ Հայաստանում, երբ կամավորական ջոկատները հարձակվում էին սովետական զինանոցների, զորակայանների վրա եւ զենքեր հայթայթում սովետական բանակին Հայաստանում դիմակայելու, ադրբեջանական հրոսակներին էլ՝ Հայաստանի ու Արցախի սահմաններին:

Այսպես եւ՛ զենք-զինամթերք հայթայթելով եւ՛ ինքնապաշտպանվելով ու պատերազմելով հայկական ուժերը կամավորական ջոկատներից վերածվում էին ամուր ու մարտական զորագնդերի: Եվ հաղթանակները հաջորդում էին մեկը մյուսին, մինչեւ Բաքու հասնելու ծրագրերն այլեւս իրատեսական էին…

Continue reading →

Ամերիկայի Հայ դատի հանձնախումբը նույնպես արձագանքել է ԵԱՀԿ Մինսկի խմբի ամերիկացի համանախագահ Ջեյմս Ուորլիքի՝ ԼՂ հակամարտության կարգավորման հնարավոր ուղիների մասին արած հայտարարությանը. «Չնայած նրան, որ մենք ողջունում ենք հիմքային մակարդակում կարգավիճակի վերաբերյալ նորացված ուշադրությունը, այս ծրագիրը չի համապատասխանում ժողովրդավարական ինքնորոշման ամերիկյան իդեալին. հարատեւ սկզբունք, որի վրա հիմնված է մեր երկիրը եւ որի վրա վերջին կես դարում ստեղծվել են ավելի քան հարյուր պետություններ։ Օգտագործելով խորապես սադրող եւ ակնհայտորեն ոչ ճիշտ «օկուպացիա» տերմինը՝ առաջարկված ծրագիրը կրկին կոչ է անում Լեռնային Ղարաբաղին ու Հայաստանին… Բաքվի ագրեսիայի պատերազմի զոհերին, ռազմավարական անվտանգության զիջումների գնալ՝ ի պատասխան Ադրբեջանի՝ խիստ ռազմատենչ հեշտությամբ շրջելի խոստումներին»: ԵԱՀԿ օրակարգի առաջնային հարցերից պետք է լինի Բաքվի արգելքի հարցը՝ Լեռնային Ղարաբաղի ամբողջական եւ անմիջական մասնակցությանը խաղաղ բանակցություններին. նշված է Հայ դատի հանձնախմբի հայտարարության մեջ:

Ադրբեջանը մինչ այսօր չի կատարում ՄԱԿ-ի Անվտանգության խորհրդի 1993թ. 4 բանաձեւերը՝ շարունակելով տարածաշրջանում սպառազինությունների մրցավազքի հրահրումը եւ կոպտորեն խախտելով միջազգային իրավունքի ուժի եւ ուժի սպառնալիքի չկիրառման սկզբունքը, բայց համանախագահները որեւէ կտրուկ վերաբերմունք չեն ցուցաբերում:

Սա հետեւանք է այն բանի, որ հայկական կողմը՝ Հայաստանում եւ Արցախում, մշտապես հանդուրժող եւ հավասարակշռված է պահում իրեն: Իսկ դա երեւի թե եվրահասկացողության վրա այնքան էլ չի ազդում, ինչքան ադրբեջանական կողմի սադրանքները: Նշանակում է՝ եկել է պահը պնդելու, որ հենց ԼՂՀ-ն պե՜տք է լինի բանակցային կողմը, նվազագույնը՝ լինի բանակցային սեղանի հավասարազոր մասնակից:

Հասկանալի է, որ ԼՂՀ խնդրի լուծման հարցի ակտիվացումը մի քանի դրդապատճառ ունի, որոնցից մեկը՝ ԱՊՀ տարածաշրջանային զարգացումներն են, ինչի հետեւանքով այդ խնդրին ավելացել է ԱՄՆ-Ռուսաստան հարաբերությունների սրումը: Յուրաքանչյուր կողմ փորձում է մի տեղ դիրքերը կորցնելու դեպքում մյուս տարածաշրջանում այն ավելացնել: Հայաստանի կիսաչեզոք դիրքորոշումը եւս հարցեր է հարուցել: Չնայած պաշտոնական Երեւանը ուկրաինական հարցում ՄԱԿ-ում քվեարկեց ռուսական քայլերի օգտին, սակայն ամեն ինչ դեռ միակողմանի ընթացք չի ստացել Հայաստանում:

Կալիֆորնիայի նահանգի՝ Արցախի անկախության ճանաչման փաստը նոր ազդակ էր հայկական կողմին, իսկ ԱՄՆ համանախագահ Ուորլիքի հնարավորինս չեզոք (որոշակիորեն՝ ադրբեջանանպաստ) հայտարարությունը քայլ էր  ադրբեջանական կողմին ուղղված, որն սկսել էր ԱՄՆ-ի համանախագահի անվստահություն հայտնելու գործընթաց: ԵԱՀԿ Մինսկի խմբի ամերիկացի համանախագահի ներկայացրած ԼՂ կարգավորման 6 կետերը նախկին խնդիրները նորից օրակարգ բերելու քայլ է՝ ԱՄՆ-ի դիրքերն ամրապնդելու, կողմերին որոշ բաներ հասկացնելու համար: Այս հակադրությունների համապատկերին էլ ընթանում է Հայաստանի համագործակցությունը ռուսական ու եվրա-ամերիկյան ուղղությունների հետ:

Continue reading →