Մարզական աշխարհի խաչմերուկներում՝ մեկ հեւքով

Հայաստանը՝ բասկետբոլի Եվրոպայի փոքր երկրների չեմպիոն

Բասկետբոլի Հայաստանի տղամարդկանց հավաքականը նվաճեց Եվրոպայի փոքր երկրների չեմպիոնի կոչումը, առաջին անգամ մասնակցելով այս մրցաշարին: Մեր ընտրանին 79:71 հաշվով հաղթեց գործող չեմպիոն Անդորայի ազգային թիմին: Հանդիպման ամենաարդյունավետ բասկետբոլիստ ճանաչվեց մեր թիմի հարձակվող Անդրե Սպայտ Մկրտչյանը: Հայաստանի հավաքականը, հաղթելով այս մրցաշարում, իրավունք ստացավ հաջորդ մրցաշրջանում մասնակցելու Եվրոպայի առաջնության եզրափակիչ փուլի ընտրական մրցաշարին:

Հիշեցնենք, որ Մոլդովայում կայացած Եվրոպայի փոքր երկրների բասկետբոլի տղամարդկանց առաջնությանը մասնակցում էին Հայաստանի, Անդորրայի, Ջիբրալթարի, Իռլանդիայի, Մալթայի, Մոլդովայի, Սան Մարինոյի եւ Ուելսի հավաքական թիմերը: Հայաստանի հավաքականը առաջին խաղն անցկացրեց տանտերերի՝ Մոլդովայի հավաքականի հետ եւ հաղթեց խոշոր՝ 83:64 հաշվով: Հաջորդ խաղը մեր բասկետբոլիստներն անցկացրեցին Անդորայի թիմի հետ, որի խաղացողները հանդես են գալիս Իսպանիայի տարբեր առաջնություններոմ: Մեր թիմը առաջ էր անցել հաշվի մեջ, սակայն վերջին 2 քառյակում անդորացիներն ավելի արդյունավետ գործեցին եւ ի վերջո կամային հաղթանակ տարան՝ 70:63: Հայաստան-Ուելս խաղի արդյունքը արդեն մեր օգտին էր` 92:40: Մեր ընտրանին կիսաեզրափակիչ առաջին խաղում հանդիպեց Իռլանդիայի հետ, որը նախնական փուլում 1-ին տեղն էր գրավել Ա խմբում, եւ հաղթեց` 74:60 հաշվով:

Բասկետբոլի Հայաստանի տղամարդկանց հավաքականին նախագահական նստավայրում ընդունեց եւ ողջունեց ՀՀ նախագահ Սերժ Սարգսյանը:

Հայաստանի կանանց հավաքականը մեկնարկեց հաղթանակով

Թբիլիսիում մեկնարկել է բասկետբոլի կանանց մինչև 18 տարեկանների Եվրոպայի C դիվիզիոնի առաջնությունը, որին մասնակցում է նաև մեր հավաքականը:

Ինչպես տեղեկացնում է Հայաստանի բասկետբոլի ֆեդերացիայի մամուլի ծառայությունը, մեկնարկային խաղում մեր աղջիկները կարողացել են պարտության մատնել Անդորրայի իրենց հասակակիցներին: Հանդիպումն ավարտվել է 66:40 հաշվով:

Հայկական ակումբները եվրոպական խաղերում

Հայաստանի ֆուտբոլային ակումբներն անհաջող էին մեկնարկել Եվրոպայի լիգայի 2016-2017թթ խաղարկությունում: ՈւԵՖԱ-ի չեմպիոնների լիգայի նոր խաղարկության որակավորման 1-ին փուլում Հայաստանի չեմպիոն Երեւանի «Ալաշկերտ»-ը Անդորա Լա Վելա քաղաքի կենտրոնական մարզադաշտում ոչ-ոքի էր խաղացել Անդորայի չեմպիոն «Սանտա Կոլոմա»-ի հետ:

Երեւանում մեր թիմը պատասխան խաղում 3:0 հաշվով հաղթեց Անդորայի չեմպիոնին եւ վստահ մտավ հաջորդ փուլ: Հանդիպումը, ինչպես ասում են, սկանդալային ստացվեց: Գլխավոր մրցավար Ալեքսանդր Ալիեւը չկարողացավ ժամանակին զսպել ֆուտբոլիստների կրքերը եւ ստիպված 3 կարմիր քարտ ցույց տվեց՝ 1-ը մեր, 2-ը՝ անդորացի խաղացողներին: Խաղավարտից հետո նոր ընդհարում տեղի ունեցավ թիմերի ֆուտբոլիստների միջեւ, որն ավելի թեժացրին երկրպագուները, որոնք պլաստմասե շշեր նետեցին հյուրերի ուղղությամբ: Դա ՈՒԵՖԱ-ի կանոնակարգի խախտում է եւ «Ալաշկերտ»-ին լուրջ պատիժ է սպասում:

Ետխաղյա մամուլի ասուլիսին «Սանտա Կոլոմա»-ի գլխավոր մարզիչ Ռիչարդ Ինբերնոնը դժգոհեց մրցավարությունից եւ «Ալաշկերտ»-ի իր գործընկերոջից: «Մրցավարությունը շատ վատ էր: Նրանք գողացան մեր հաղթանակը: 2-րդ գոլի ժամանակ մրցավարը պարզապես ծիծաղեց մեր վրա: Դժվար էր խաղալ 14 հոգու դեմ: Խաղից առաջ մեզ վիրավորել էր «Ալաշկերտ»-ի գլխավոր մարզիչը, ով մամուլի ասուլիսի ժամանակ ասել էր, որ կճզմի մեզ»,- ասել է անդորացի մարզիչը:   Continue reading →

Հայաստանի հավաքականը հաղթական է տրամադրված

Մոլդովայում տեղի ունեցող Եվրոպայի փոքր երկրների բասկետբոլի տղամարդկանց առաջնությունում Հայաստանի հավաքականը առաջին խաղն անցկացրեց տանտերերի՝ Մոլդովայի հավաքականի հետ եւ հաղթեց խոշոր՝ 83:64 հաշվով:

Հաջորդ խաղը մեր բասկետբոլիստներն անցկացրեցին Անդորայի թիմի հետ, որի խաղացողները հանդես են գալիս Իսպանիայի տարբեր առաջնություններոմ: Վերջին 2 քառյակում անդորացիներն ավելի արդյունավետ գործեցին եւ ի վերջո կամային հաղթանակ տարան՝ 70:63:

Հայաստան-Ուելս խաղի արդյունքը արդեն մեր օգտին էր` 92:40:

Մոլդովա-Անդորրա խաղից հետո պարզ կդառնա, թե որ հորիզոնականով է Հայաստանի հավաքականը դուրս գալիս կիսաեզրափակիչ փուլ: Առաջնությանը մասնակցում են Հայաստանի, Անդորրայի, Ջիբրալթարի, Իռլանդիայի, Մալթայի, Մոլդովայի, Սան Մարինոյի եւ Ուելսի հավաքական թիմերը:

Հ.Գ. – Հայաստանի հավաքականը հաղթեց Իռլանդիային – Բասկետբոլի Հայաստանի տղամարդկանց հավաքականը կպայքարի Եվրոպայի փոքր երկրների չեմպիոնի կոչման համար: Մոլդովայում ընթացող բասկետբոլի Եվրոպայի փոքր երկրների առաջնությունում մեր ընտրանին կիսաեզրափակիչ առաջին խաղում հանդիպեց Իռլանդիայի ազգային թիմի հետ, որը նախնական փուլում 1-ին տեղն էր գրավել Ա խմբում: Հայաստանի հավաքականը չնայած անհաջող սկսեց հանդիպումը եւ առաջին քառյակը զիջեց 16:20 հաշվով, սակայն հետագայում լիովին տիրեց նախաձեռնությանը եւ առավելության հասավ մնացած 3 քառյակներում: Արդյունքում, մեր բասկետբոլիստները 74:60 հաշվով վստահ հաղթանակ տարան եւ մտան եզրափակիչ, որտեղ նրանք կհանդիպեն Անդորա – Սան Մարինո զույգի հաղթողի հետ:

Երիտասարդները գրավեցին 12-րդ տեղը

Հայաստանի բասկետբոլի ֆեդերացիայի նախագահ Հրաչյա Ռոստոմյանն ամփոփելով Հունգարիայում ավարտված բասկետբոլի Եվրոպայի մինչեւ 20 տարեկանների առաջնությունը՝ նշել է, որ միայն դրականը կարելի է ասել գրանցված արդյունքների համար: Հայաստանի երիտասարդական հավաքականն առաջնությունում անցկացրել է 7 հանդիպում, որից հաղթել է 3-ում, իսկ 4-ում պարտություն է կրել: Մեր թիմը, որը համալրված է եղել ԱՄՆ-ում եւ Ռուսաստանում բնակվող մեր հայրենակիցներով, B դիվիզիոնի մրցաշարում գրավել է 12-րդ տեղը: Ուշագրավն այն է, որ վերջին, վճռորոշ խաղում, Հայաստանի ընտրանին 78:88 հաշվով պարտվել է Վրաստանի ընտրանուն, որն առաջին փուլում 4 անընդմեջ պարտություն էր կրել եւ իր խմբում զբաղեցրել վերջին, 5-րդ տեղը:

Հրաչյա Ռոստոմյանը նաեւ նշել է, որ «դեռ պետք է վերլուծեն գրանցված արդյունքները եւ հասկանան, թե ինչ բացթողումներ են եղել եւ ինչ է հարկավոր հետագայում ավելի լավ հանդես գալու համար»:

Հայկական ակումբները ձախողվեցին Եվրոպայի առաջին խաղերում

Հայաստանի ֆուտբոլային ակումբներն անհաջող մեկնարկեցին Եվրոպայի լիգայի 2016-2017թթ խաղարկությունում: ՈւԵՖԱ-ի չեմպիոնների լիգայի նոր խաղարկության որակավորման 1-ին փուլում Հայաստանի չեմպիոն Երեւանի «Ալաշկերտ»-ը ոչ-ոքի խաղաց Անդորայի չեմպիոն «Սանտա Կոլոմա»-ի հետ: Անդորա Լա Վելա քաղաքի կենտրոնական մարզադաշտում կայացած հանդիպումն անցավ բավական լարված պայքարում: Երկու թիմերն էլ ձգտում էին հաղթանակով մեկնարկել նոր մրցաշրջանը, սակայն 90 րոպեների ընթացքում այդպես էլ չկարողացան ստեղծել ռեալ գոլային պահեր եւ դարպասներն այդպես էլ մնացին անառիկ: Այդպիսով, «Ալաշկերտ»-ը գոլազուրկ ոչ-ոքիով նշեց իր նորամուտը չեմպիոնների լիգայում:

Հանրապետության փոխչեմպիոն Գյումրիի «Շիրակ»-ը Վրաստանում 0:1 հաշվով պարտվեց Գորիի «Դիլա»-ին: Հանդիպման 36-րդ րոպեին «Շիրակի» տուգանային հրապարակում ստեղծված խառնաշփոթ իրավիճակի ժամանակ գնդակը հայտնվեց աջ կողմում միայնակ մնացած Դոլիձեի մոտ, ում փոխանցումից հետո «Դիլա»-ի ավագ Իրակլի Մոբեդաձեն  մոտ տարածությունից գրավեց դարպասը:

Որքան էլ «Շիրակը» 2-րդ խաղակեսում փորձեց փրկել խաղը, այլ գոլեր այս դիմակայությունում չգրանցվեցին: Չնայած Վրաստանում կրած պարտությանը, «Շիրակը» դեռ կարող է 2-րդ փուլ դուրս գալ, եթե կարողանա հաջող հանդես գալ սեփական հարկի տակ կայանալիք պատասխան խաղում:

Մեր գործող գավաթակիր Երեւանի «Բանանց»-ը սեփական դաշտում 0:1 հաշվով զիջեց Կիպրոսի «Օմոնիա»-ին, ինչը բարդացրեց «Բանանց»-ի վիճակը, քանի որ դժվար կլինի Կիպրոսում հասնել հաղթանակի 2 գնդակի տարբերությամբ:

Ամենաանսպասելի արդյունքը գրանցվեց Ջիբրալթարում, որտեղ տեղի սիրողական «Եվրոպա» թիմը 2:0 հաշվով պարտության մատնեց մեր բրոնզե մեդալակիր Երեւանի «Փյունիկ»-ին: Չնայած չի բացառվում, որ «Փյունիկ»-ը Երեւանում կարող է շտկել վիճակը:   Continue reading →

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան) http://www.hayary.org/wph/?p=2223  (https://www.facebook.com/armenuhi.melqonyan)

1. Հայկական հարցին զուգահեռ ընթացող վտանգ էլ կա – Մերձավոր Արեւելքում կրկին հասունացել են կրոնական պատերազմները… Աշխարհի գաղտնի տերերը համաշխարհային վերաբաժանումների ընթացքում գործածում են բոլոր իրավիճակները…

2. Պապը ուզում է, բայց էկումենիզմը պարտադրում է.– Միությունը, ինչպես ասաց Հռոմի պապը, չպետք է լինի մեկը մյուսին ենթարկելու միջոցով – Այս Պապի արդարացի ձգտումները դեռ կհանդիպեն միջազգային կղերների դիմադրությանը…

3. Իսրայել Չարնին վախկոտ է համարում Իսրայելին ու ԱՄՆ-ին… Անկարայի հաշտարար քայլերն ուղղված են դեպի Մոսկվա ու Թել Ավիվ… Իսրայելը ներողություն է խնդրում Թուրքիայից, վերջինս էլ՝ Ռուսաստանից…

4. 100 տարի անց, բայց ո՛չ ինչպես 100 տարի առաջ – Առաջին անգամ Հայաստանը ռուս-թուրքական (նաեւ ադրբեջանական) հարաբերություններում կամա, թե ակամա չկանգնեց միայն ռուսական շահերի պաշտպանության համար եւ հայկական շահերը պաշտպանվեցին…

5. Հայոց հոգեւոր ոլորտը պիտի ազգային եւ միջազգային բաժանումների գնա – Միջազգային պետական քրիստոնեական կրոնին զուգահեռ պիտի գործի Ազգային հեթանոսական հավատը… Մայր Աթոռ Սուրբ Էջմիածնում ստորագրվեց համատեղ հռչակագիր…

6. Եղավ այն, ինչի մասին արդեն գիտեինք՝ թուրքերն ու ռուսները էլի եղբայրացան… Եվ երգը փոխվեց, երբ խեղկատակն այն կատարեց՝ Ժիրինովսկին փտախտի շեմին… Հայկական բանակն անհամբեր սպասում է՝ հաջորդ սադրանքի պատասխանը պիտի ստանալ Բաքվում…

7. Վերին Լարսը` իսկական պատուհաս – Հյուսիս-հարավի գումարները եկան՝ ճանապարհը դեռ չկա, բայց ներգրավված վարկերն էլ չկան… Կունենա՞նք Ռուսաստան գնացող այլընտրանքային ճանապարհ… Քաղավիացիա.- ազգային փոխադրող մեզ պետք չէ…

8. Պատմության մութ ծալքերից՝ առանց գրաքննության.- Քոչարի-գոչարի. ծիսական պար՝ ընդդեմ պարտվողականության… (մաս 3-րդ) – Գողանան, թե փոխառեն, հայկականի դրոշմն անջնջելի է…

9. Ազգային մշակույթը նախ ազգայի՛ն գործիչների կարիք ունի… Մշակութային լուրեր… Հանգստացե՛ք Հայաստանում, մասնավորապես` կապուտաչյա Սեւանում… Օգտվե՛ք հայ արիների պաշտոնական www.hayary.org-ից… Կարդացե՛ք եւ բաժանորդագրվե՛ք «Լուսանցք»…

10. Մարզական աշխարհի խաչմերուկներում՝ մեկ հեւքով – Բասկետբոլի Հայաստանի տղամարդկանց հավաքականը՝ եզրափակիչում… Հայկական ֆուտբոլային ակումբներն անհաջող սկսեցին… Հենրիխ Մխիթարյանը՝ նախկին ԽՍՀՄ-ի ամենաթանկ ֆուտբոլիստ… Հայ վետերան շախմատիստները պայքարում են… Այլ մարզական լուրեր…

– Թուրքիան եւ Ադրբեջանը պիտի՛ կործանվեն… Սա՛ պետք է լինի յուրաքանչյուր հայի առաջին խոսքը Արեւածագին՝ ԱրԷգԱկ-ին ողջունելուց հետո…- Արմեն Ավետիսյան (Հայ Արիական Միաբանության առաջնորդ – http://www.hayary.org/wph/?p=33) – Փա՛ռք Հային ու Հայքին…

Չնայած համաշխարհային իշխող կրոններն այսօր չորսն են, սակայն, քրիստոնեության դերը ժամանակակից աշխարհում ավելի քաղաքակրթական է դիտարկվում, քան` բուդդայականությունը, հուդդայականությունը եւ իսլամականությունը:

Եվ Վատիկանն էլ իր առանձնահատուկ դերն ունի քրիստոնեական հավատի ու քրիստոնեական երկրների քաղաքականության մեջ: Չնայած մյուս քույր-կրոնների գործունեությանը` առաքելական, ուղղափառ, բողոքական եւ այլն, կաթոլիկ եկեղեցու համաշխարհային կշիռը տարբերվում է: Անգամ մրցակցության ելած ռուսական ուղղափառությունը այլեւս շատ է ետ մնացել իր ազդեցությամբ, չնայած ժամանակին հունական, ուկրաինական եւ վրացական ուղղափառ եկեղեցիների հետ փորձում էր հակակշիռ լինել… Բայց այսօր Վրաստանի եկեղեցին չի համագործակցում Ռուսաստանի հետ, իսկ Ուկրաինայինը` անկախացավ Մոսկվայից: Հունաստանն էլ ներքաշված խոշոր տնտեսական ճգնաժամի մեջ` բոլորովին այլ հոգսեր ունի…

Այսօր Հայաստանյայց առաքելական եկեղեցին ավելի ազդեցիկ է ռուսականից` իր Էջմիածնի ու Անթիլիասի (Կիլիկիո թեմի) կաթողիկոսներով, նաեւ ավելի ջերմ հարաբերություններ ունի Վատիկանի հետ: Թեեւ պիտի նշենք, որ Վատիկանը (նախկինում` Հռոմը) քիչ դեր չի ունեցել ինչպես 301թ. հայկական ազգային հավատի (այսպես նաեւ Հայոց հզոր պետականության) ոչնչացման, այնպես էլ` Կիլիկիայի հայկական թագավորության կործանման առումով…

301թ. կրոնա-քաղաքական դավադրությունը շատ ենք քննարկել, այսօր այն մի կողմ թողնենք, որոշակի անդրադառնանք, թե ինչպես Հռոմի պապերը կործանեցին Կիլիկիայի հայկական թագավորությունը: Այս պատճառների մասին շատ քիչ է գրվել, քանզի, ինչպես հայոց պատմության այլ հարցերում, այստեղ էլ մասնագետները խուսափել են նշել իրական բուն պատճառները: Բայց ժամանակները փոխվում են: Ըստ որոշ արդեն առկա նյութերի, Կիլիկիայի հայկական թագավորության կործանման հիմնական պատճառը Եգիպտոսի մամլուքները չէին կամ Կիլիկիայի հարեւան մահմեդական իշխանությունները, այլ Վատիկանի վարած քայքայիչ գործունեությունը, որը մեր պատմության մեջ հայտնի է որպես ունիթորների եւ հակաունիթորների պայքար: Ունիթորները (ունիտորություն, լատ. unitor` միաբանող), Հռոմի կաթոլիկ եկեղեցու հետ քրիստոնեական տարբեր եկեղեցիների միության (ունիայի) գաղափարի վրա հիմնված եկեղեցական ուղղության հետեւորդներն էին, որոնք ընդունում է Հռոմի պապի հոգեւոր իշխանությունը, կաթոլիկական դավանանքը:   Continue reading →

«Լուսանցք»-ը նշել է, որ Հռոմի Ֆրանսցիսկոս Պապը Հայաստան էր այցելել ոչ միայն կրոնական (դիցուկ` էկումենիկ) նկատառումներով ու նպատակներով: Ակնհայտ է, որ այս բարձրաստիճան հոգեւորականը փորձում է սրբագրել անցյալի շատ սխալներ ու բացթողումներ: Դրանք ոչ միայն պատմա-քաղաքական, այլեւ բարոյա-հոգեբանական բնույթ ունեն ու շոշափում են մարդկության շահերը:

Հռոմի պապը հենց սկզբից սրբագրումներ իրականացրեց կրոնական դասի այն ակնհայտ թերությունների շարքում, որոնք կային վաղուց, բայց այդ մասին գրեթե չէր բարձրաձայնվում: Խոսքը` մանկապղծության եւ համասեռականության դեպքերի մասին է նաեւ, ինչը Ֆրանցիսկոս Պապը  համարձակորեն վեր հանեց ու կասեցրեց հակաստվածային այդ ապրելակերպը: Ոչ բարձրաձայն, բայց կիրառվեցին նաեւ համապատասխան պատժամիջոցներ ու քայլեր:

Բարոյական ոլորտին է պատկանում նաեւ ճշմարտության եւ արդարության պաշտպանությունը, եւ այս ոլորտի պատմական արդարության վերականգնման հարցում եւս Հռոմի պապը համարձակ քայլերի գնաց: Հիշեցնենք Հայոց ցեղասպանության 100-ամյա տարելիցի նախորդ տարվա միջոցառումները Վատիկանում եւ Հայոց ցեղասպանության ճանաչման ու դատապարտման քաղաքական այն հստակ գիծը, որն ուղենիշ է դարձել նաեւ միլիոնավոր հավատացյալների համար: Վատիկանը բացել է իր արխիվները եւ նշել, որ դեռ դատապարտող ասելիք կա այս ուղղությամբ:

2016-ի հունիսյան այցը ներառում էր ինչպես պաշտոնական, այնպես էլ բարեկամական բոլոր արարողակարգերը եւ խիստ ընդգծված էր Վատիկանի նման հոգեւոր կենտրոնի համար: Վստահ ենք, շատ երկրներ կերազեն նման բարձր մակարդակի ընդունելություն կազմակերպել Հռոմի պապին դիմավորելու համար: Նման միջոցառումները միանշանակ դրական ազդեցություն են թողնում ոչ միայն աշխարհի ավելի քան 1 մլրդ. կաթոլիկների, այլեւ այլ ճշմարիտ հավատավոր ու առաջադեմ մարդկանց վրա: Ինչը նշանակում է` նաեւ տարբեր երկրների արտաքին քաղաքական մոտեցումների վրա: Եվ Թուրքիայի ու Ադրբեջանի ընդվզումներն այս հարցում հենց այդ ենթատեքստն էլ ունեն` Հայաստանը հետզհետե այլ կերպ է ճանաչվում եւ ընկալվում աշխարհի, այսպես կոչված միջազգային հանրության կողմից, ինչը նպաստում է հայկական խնդիրների նկատմամբ դրական վերաբերմունքի ավելացմանը միջազգային հարթակում…   Continue reading →

Իսրայել Չարնին վախկոտ է համարում Իսրայելին ու ԱՄՆ-ին

«Գերմանիայի խորհրդարանի կողմից Հայոց ցեղասպանության ճանաչումը ինքնին շատ գնահատելի եւ հիշարժան քայլ է: Դա  նաեւ կարեւոր պաշտոնական հաղորդագրություն է՝ ուղղված այլ ժողովրդավար երկրներին, ինչպիսին են իմ երկու երկրները՝ Իսրայելը եւ ԱՄՆ-ն, որոնք վախկոտի պես խուսափել են ճանաչումից: Գերմանիայի ճանաչումն անշուշտ ուժեղ բարոյական ազդակ է այլ կառավարությունների համար»,- Panorama.am-ի հետ զրույցում այսպիսի կարծիք է հայտնել անվանի հրեա ցեղասպանագետ Իսրայել Չարնին՝ մեկնաբանելով Բունդեսթագի՝ հունիսի 2-ի որոշումը:

Դոկտոր Չարնին հատկապես կարեւորել է այն, որ այս բանաձեւով Գերմանիան ընդունում է իր սեփական դերը Հայոց ցեղասպանության մեջ, ինչը նրա կարծիքով է՛լ ավելի ազդեցիկ է դարձնում այս որոշումը: «Տարիներ շարունակ պատմաբանները հավաքել են մեծ քանակությամբ տեղեկություններ այն մասին, որ Հայոց ցեղասպանության մեջ Գերմանիան ունեցել է աջակցող ու արտոնող դեր եւ որոշ առումով նույնիսկ անմիջական մասնակցություն. այս ինքնակամ խոստովանությունը մեկընդմիշտ հաստատում է Գերմանիայի հանցակցության մասին փաստերի իսկությունը»,- նշել է հրեա գիտնականը:

Նա հիշեցրել է, որ «միջազգային գիտական համայնքը վաղուց արդեն կոնսենսուս ունի 1915թ. ցեղասպանության փաստի շուրջ», ապա հավելել է, թե «ինչ վերաբերում է թուրքերի կողմից պարբերաբար կրկնվող զավեշտալի պնդումներին, թե գիտնականներն ու պատմաբանները պետք է այս հարցի շուրջ գան ընդհանուր եզրակացության, ապա թող նրանք իմանան, որ այդ եզրակացությունն արդեն անվիճելիորեն տրվել է»: Դոկտոր Չարնին, ով երկար տարիներ պայքարել է Իսրայելի կողմից Հայոց ցեղասպանության ճանաչման համար, կարծում է, որ հանուն ճանաչման արժե որոշակի գին վճարել՝ ի դեմս Թուրքիայի հետ հարաբերությունների վատթարացման: Նա համոզված է սակայն, որ Բունդեսթագի այս որոշումը չի վատթարացնի Գերմանիայի եւ Թուրքիայի միջեւ հարաբերությունները: «Կարճ ժամանակ անց Թուրքիան կպատվիրի գերմանական գարեջրի հաջորդ խմբաքանակը»,- հեգնանքով նկատել է նա:

Հրեա գիտնականը քննադատել է նաեւ  Թուրքիայի ներկայիս վարչախմբի վարած քաղաքականությունը փոքրամասնությունների հանդեպ: Հրեա պատմաբանն ասել է. «Այս օրերին բռնապետ Էրդողանը գնալով է՛լ ավելի է կտրվում աշխարհից, նա խճճվել է իր սեփական սարդոստայնում, որով ճնշում է բազմաթիվ թուրք գրողների, ոստիկանների եւ այլոց՝ էլ չխոսենք իր վտանգավոր էթնոկենտրոնության մասին ազգությամբ ոչ թուրքերի հանդեպ, ինչպիսին են քրդերը»:   Continue reading →

Անկարան կարծում էր` մի որոշ ժամանակ կգործածի «Իսլամական պետության» հանգամանքը եւ ինչպես ռազմա-քաղաքական, այնպես էլ տնտեսական (նավթա-գազային ներկրումներ) օգուտներ կստանա, ապա կանցնի հակառակ կողմը, եթե դրա անհրաժեշտությունը լինի: Իհարկե, Անկարան ստացավ նախատեսված օգուտները, այն էլ բավականաչափ: Արեւմոտքն այս մասին լավ գիտեր, բայց լռեց, քանզի Իրաքի եւ Սիրիայի նավթի ու գազի պաշարները, որ գտնվում էին ԻԼԻՊ-ի հսկողության տակ` Թուրքիայով անցնում էին Եվրոպա…

Շատ տխուր իրականություն է, բայց սա է ճշմարտությունը: Հենց այս առումով էր «Լուսանցք»-ը բարձրաձայնում ու զգուշացնում, որ չմոռանանք, թե Հայոց ցեղասպանությունը ինչպես տեղի ունեցավ Բեռլին-Բաղդադ երկաթգիծը կառուցելու «ճանապարհին»:

Այսօր էլ Իրաքի ու Սիրիայի քրիստոնյա ու մահմեդական, նաեւ եզդիների հսկայական համայնքներ կազմալուծվեցին ու ոչնչացան, քանի որ «Իսլամական պետություն» կոչվածը վերահսկում էր նավթի ու գազի պաշարները, եւ «առաջադեմ աշխարհը» այս անգամ էլ չտեսնելու տվեց թուրքական խաղը ծայրահեղ իսլամականների հետ, որպեսզի Եվրոպան չզրկվի բնական պաշարներից ստացվող բարիքներից: Իսկ այսօր Արեւմուտքում հայտնվել են կառույցներ, որ հանդես են գալիս որպես փրկարարներ ու դիմում են այս կամ այն պետությանը` ճանաչելու քրիստոնյաների, եզդիների եւ այլոց ցեղասպանությունները իսլամական ծայրահեղականների կողմից իրականացված:

Բայց ինչպես 1915-1923թթ, հայերի արյունն է եղել թուրքերի կողմից հրամցված` եվրոպացիների կուշտ ապրելակերպի պահպանման համար, այսօր էլ ցեղասպանված հայերի ժառանգների (որ պատսպարվել էին Մերձավոր Արեւելքի երկրներում), ասորիների, եզդիների, արաբների արյունը դարձավ եվրոպական կայուն կյանքի պայմանը, որը եւս թուրքերի հրամցված պայմանն էր…

Թուրքերը հույս ունեին, որ իսլամականները չեն գնա հարաբերությունների սրմանը եւ Թուրքիային չեն հարվածի` հաշվի առնելով ինչպես համագործակցության շահեկան արդյունքները, այնպես էլ հետագայում հնարավոր համագործակցության հեռանկարը: Բայց ԻԼԻՊ-ում այդպես չմտածեցին` Թուրքիան առաջին հարվածը ստացավ Ստամբուլի ահաբեկչությամբ, քանի որ սկսեց գործակցության եզրեր փնտրել ծայրահեղականների թշնամիների` Ռուսաստանի ու Իսրայելի հետ:   Continue reading →

Հայաստանի հոգեւոր ոլորտը, որը պետականորեն ճանաչվում է բացառապես Առաքելական եկեղեցու տիրույթ (չնայած կան այլ քրիստոնեական կազմակերպություններ, հայ արիադավան (հեթանոսական) ազգային հավատի հետեւորդներ եւ սյլն) մշտապես կաղել է միջազգային հոգեւոր քաղաքականության ասպարեզում, առավելապես եղել է հարաբերությունները պահպանող, առանց լուրջ դերակատարման:

Հայկական նպատակների իրագործման հարցում Հայաստանի հոգեւոր ոլորտը, համենայնդեպս, ավելի է հաջողել, քանզի հայկական սփյւռքը, գաղթօջախները ունեն եկեղեցական կենտրոններ եւ Հայաստանյայց առաքելական եկեղեցին Կիլիկիո թեմի եկեղեցու հետ միասին կարողանում են որոշակի դերակատարում ստանձնել միջազգային ասպարեզում` հայկական հարցերում:

Իսկ ընդգծված պետական կրոնական քաղաքականություն, կրկնենք` չկա: Չկա` ոչ մեր ներքին կյանքում, ոչ էլ` արտաքին: Հայտնի է, որ եկեղեցին դեմ է աղանդավորական կազմակերպությունների ներթափանցմանը: Ամեն կերպ ընդդիմանում է արիադավան-հեթանոսական ազգային հավատի` ճիշտ լույսի ներքո ներկայացմանը, ու անընդհատ ողջունում է եկեղեցաշինական քայլերը, չնայած այլեւս դրա կարիքը չկա, անգամ «չսպասարկող» եկեղեցիներն են շատ մեր ոչ այնքան հարուստ երկրում…

Հատնի չեն մեր երկրի պետական կրոն հանդիսացող քրիստոնեության հարաբերությունները հուդդայական, բուդդայական, իսլամական համաշխարհային կրոնների հետ, Հայաստանյայց առաքելական եկեղեցին լուրջ քայլերի չդիմեց նաեւ հայկական երկու եկեղեցական համայնքները միավորելու ուղղությամբ:

Իսկ հայկական պետականությունը պետք է այլեւս առաջնային դիտարկի Հայոց ազգային հավատի (հայ արիադավան հեթանոսության) ներգրավումը պետական շինարարության գործում: Համաշխարհային կրոնական պատերազմները ընթանում են եւ դեռ սրվելու են եւ հաճախ ազգային հավատները կարող են բերել ընդհանրական մոտեցումների` ինչպես ծագումնաբանական, այնպես էլ աստվածաբանական պատկերացումների հիմքի վրա…

Այսօր շատ երկրներ կան, որ որպես պետական կրոն ունեն համաշխարհային կրոններից մեկը, բայց ունեն նաեւ իրենց ազգային հավատը, որը ներքին հարցերում ավելի մեծ ու օգտակար գործեր է անում:

Ազգային հավատի եւ միջազգային կրոնի միաժամանակյա գոյությունը չի կարող վնասել ազգին ու պետությանը, եթե դրանցից որեւէ մեկը ապազգային բարդույթներ չցուցաբերի…   Continue reading →

Եղավ այն, ինչի մասին արդեն գիտեինք

ՌԴ վարչապետ Դմիտրի Մեդվեդեւն հանձնարարել է կառավարությանը գործողությունների փաթեթ մշակել, որով կհանվեն Ռուսաստանի կողմից Թուրքիայի նկատմամբ սահմանված տնտեսական պատժամիջոցները: Հունիսի 30-ին կայացած ՌԴ կառավարության նիստի ժամանակ նա հայտարարել է, որ տնտեսական սահմանափակումները Թուրքիայի վրայից հանվելու են աստիճանաբար: «Մի կողմից հարկավոր է հանել այդ սահմանափակումները քաղաքական մթնոլորտի բարելավմանը համապատասխան, սակայն դա չպետք է արվի հայրենական արտադրողների շահերի հաշվին, չպետք է տուժեն նաեւ այն տնտեսվարողները, որոնք այս ընթացքում հասցրել են զբաղեցնել շուկայում ազատված դիրքերը»,- նշել է ռուս վարչապետը, ով հայտարարել է, թե Թուրքիան պարտավոր է ռուսաստանցի զբոսաշրջիկների համար անվտանգության երաշխիքներ տրամադրել:

Այսպիսով ՌԴ կառավարությունը պատրաստվում է իրականացնել Թուրքիայի հետ առեւտրատնտեսական հարաբերությունները սահմանափակող պատժամիջոցները վերացնելու մասին նախագահ Վլադիմիր Պուտինի հանձնարարականը, որը վերջինս տվել է նախօրեին՝ Թուրքիայի նախագահ Ռեջեփ Թաիփ Էրդողանի հետ ունեցած հեռախոսազրույցից հետո:   Continue reading →

Մենք ամեն տարի խնդիրներ ենք ունենում Վերին Լարսի հետ կապված: Տարին գոնե երկու անգամ դա ապահովված է. մեկ ձմռանը կամ գարնան շեմին` ճանապարհների փակ լինելու կամ փլուզումների հետեւանքով, մեկ` ամռանը` պտուղ-բանջարեղենի արտահանման սեզոնին` փլուզումների, վարարումների կամ քաղաքական պատճառներով: Իսկ դա ՌԴ գնացող ավտո-ճանապարհն է:

Այս տարին բացառություն չէր: Մեծ բեռներն, իհարկե, չմնացին ճանապարհին (Փոթիով կհասնեն), բայց փոքրածավալ արտադրանք արտահանողները մնացին, ու ապրանքն էլ փչացավ: Ի վերջո, մի բան կարվի՞ խնդիրը լուծելու համար, թե՞ ամեն տարի պիտի անցնենք այդ փորձության միջով:

Իսկ Վերին Լարսին այլընտրանքային ճանապարհ կա` Հարավային Օսեթիայով: Բայց դրա համար պետք է Վրաստանի եւ Ռուսաստանի բարի կամքի դրսեւորումը:

Ինչպես երեկ կառավարության նիստից հետո հավաստեց ՀՀ տրանսպորտի եւ կապի նախարար Գագիկ Բեգլարյանը, հայկական կողմը բանակցություններ է վարում վրացական կողմի հետ Հայաստանը Ռուսաստանին կապող այլընտրանքային ճանապարհ ունենալու համար: «Օրինակ, Հարավային Օսեթիայի ճանապարհը լավ վիճակում է, երկու պետությունների հետ բանակցություններ են վարվում այդ ճանապարհը բացելու ուղղությամբ: Դիվանագիտական օղակներով պետք է հասենք նրան, որ Լարսից բացի ունենանք նաեւ դեպի Ռուսաստան գնացող այլընտրանքային ճանապարհ: Այս հարցով բանակցություններ են վարվում նաեւ ռուսական կողմի հետ, չնայած այս հարցը, մեծ մասամբ , հայկական կողմով չէ պայմանավորված, որովհետեւ Վրաստանն ու Ռուսաստանը քաղաքական խնդիրներ ունեն: Դրանից ելնելով էլ, այդ ճանապարհը գործարկելու վերաբերյալ մեր հույսը գնահատվում է  50/50 հարաբերակցությամբ: Սակայն բանակցություններ կվարվեն, որպեսզի Հարավային Օսեթիայի ճանապարհը գոնե ժամանակավորապես բացվի»,- նկատեց  նախարարը:   Continue reading →

Սկիզբը` թիվ 20-21ում

http://www.hayary.org/wph/?p=5652 – Քոչարի-գոչարի.- ծիսական պար՝ ընդդեմ պարտվողականության (մաս 2-րդ) – Երբ զուռնան կոչը միացնում եւ կանչում է խոյ արիներին… Արիներին համախմբելու՝ պայքարի եւ հաղթանակի գաղափար է դրված Քոչարի պարանվան եւ պարի մեջ…

http://www.hayary.org/wph/?p=5639 – Պատմության մութ ծալքերից՝ առանց գրաքննության.- (մաս 1-ին) Քոչարի-գոչարի. (Հայկական Լեռնաշխարհում ծնված հայ էթնոսի բնաշխարհիկ, ազգային) ծիսական պար՝ ընդդեմ պարտվողականության – Եվ աշխարհի ամենագեղեցիկ պարտեզի գաղափարը…

Այծի ծիսականն ու դիցականը           

Այծի ծիսականն ու դիցականը           

Մաս  հինգերորդ

Խոսքի, մշակութային արժեքների մեջ հոմանիշների բազմազանությունը պայմանավորված է նրա աղբյուրների հարստությամբ,  բառապաշարի տարբեր շերտերի առաջացման ուղիների բազմազանությամբ: Յուրաքանչյուր էթնոս իր ազգային առանձնահատկությունները, գաղափարները, դիցական հերոսներին ներկայացնում է առասպելական պատումների, ծիսական արարողությունների, ծիսական պարերի, տոտեմների միջոցով:

Հայ էթնոսի նախընտրած Խոյական շարքին է պատկանում այծը: Հայոց լեզվական մշակույթի  մեջ եղջերու-այծին է վերագրվում  30-40 եւ ավելի անվանումներ եւ ծիսական անուններ.

ա) Այծ, ած, էծ, իծ, դիգ-դից,  այծեղջյուր, քարայծ-այծյամ,

-քաղ, վիշապաքաղ,  այծքաղ, եղջերուաքաղ, այծաձուկ

– Խոյ, հոյ, խոյնեղջյուր, ցլախոյ-եզնախոյ, խոյձագ,

– Քոչ-խոչ-կոչ-գոչ, քոչքար, քոշ-խաշ

– Նոխազ, ազ, խաչ-խաչենակ,  ուլ,

– արտի, արխար, պարխար,

– ամ, յամոյր, մարալ, եղնիկ, եղջերու,

– Կեծարայծ,  ցելայծ, բեզոարյան այծ (կայծակնեղեն այծեր) (Հր. Աճառյան, ՆՀԲ բառարաններ):

Բազմաքանակ դիցաբանական այծատեսակներից եւ դիցական, տոտեմական  ծիսական անվանումներից առանձնացնենք

1) այծ-ayus- կյանք-արու եւ էգ, 2) Հոյ-Խոյ-Ցլախոյ, Քոչ-կոչ-խոչ-ղոչ-գոչ, 3) Կեծարայծ, 4) Արխար,  5) Նոխազ-ազ, խաչ-խաչենակ, ուլ, 6) Ամ, յամոյր, 7) Քաղ-վիշապաքաղ տեսակները:

Ներկայացնենք ընտրված տեսակները լրացուցիչ դիցական,  պատմական մեկնաբանություն ներով, տանք նրանց ընդհանրական իմաստաբանությունը` հաստատելով, որ մենք գործ ունենք մի քանի հազարամյա դավանաբանական գաղափարախոսական մտածողության հետ, որը կապված է միայն եւ միայն հայ էթնոսի կենսակերպի հետ: Ներքո բերվող մեկնությունները ամուր հիմք են վերջնականապես ամրապնդելու, որ Քոչ բառը բնութագրում է արեւապաշտական տոտեմ արու այծին` Խոյին:

Այծ-Այա-հայա

Այ-ը հայ մշակույթի եւ հայոց լեզվի մեջ ունի ծնունդի, ծնելիության խորհուրդ, ծագում:  Այգ, Ծայգ,  Ցայգ ժամանակ ցույց տվող բառերը նշանակում են առավոտյան Լույսի կամ Արեգակի ծագման ժամանակ: Հայ քաղաքակրթական պատմագրությունը այ-ը ամրագրեց որպես Այա-Aia-Երկրի Տատ, Մեծ Մայր:

Հայոց Այրարատ, Բիայնա, Նաիրի, Հայասա երկրանունների անվան արմատն այ-այա արմատն է:

Այծ-ը նշանակում է արդեն սերունդ տվող այծ-արու եւ էգ, -ayus-կյանք – (սանսկրիտ, Հրաչյա Աճառյան, 165 էջ 2-րդ սյունակ) (ՆԲՀ): Հր. Աճառյանի եւ ՆՀԲ բառարաններում Այծ-այր-հայա բառերը մեկնաբանվում են որպես  արական առաջնորդ:   Continue reading →

Ազգային մշակույթը նախ ազգայի՛ն գործիչների կարիք ունի

Հերթական անգամ մտավորականների մի խումբ իր մտահոգությունն է հայտնում ազգային մշակույթի զարգացում չապրելու առումով:

Լրագրողների հետ հանդիպման ժամանակ ՀԱՖՆ-ի գեղարվեստական ղեկավար եւ գլխավոր դիրիժոր Էդուարդ Թոփչյանը նշել է, որ «ժողովուրդ, ազգ կոչվելու համար պետք է ուժեղ մշակույթ ունենալ»: Սա պատասխանն էր նաեւ այն հարցին, թե ինչո՞ւ Հայոց ցեղասպանությունից մի քանի տարի անց Հայաստանում ստեղծվեցին մշակութային, գիտական կենտրոններ, հաստատություններ, չնայած սովին, խորհրդային բռնատիրական կարգերին, իսկ վերջին 25 տարում այդքան մեծահարուստներ կան Հայաստանում, բայց մեկ թատրոն անգամ չի կառուցվում: Էդուարդ Թոփչյանը մեջբերեց 2-րդ աշխարհամարտի տարիներին Մեծ Բրիտանիայի վարչապետ Ուինսթոն Չերչիլի խոսքերը. «Պատերազմի ժամանակ ծախսերը կրճատելու ցուցակ են ներկայացնում, երբ հասնում են մշակույթի ոլորտին, նա ասում է՝ մեկ րոպե, եթե կրճատում ենք մշակույթից, էլ ինչի համար ենք պայքարում»…

Դիրիժորի կարծիքով, թեեւ ասվում է Խորհրդային բռնատիրական կարգեր, սակայն հենց այդ տարիներին մշակույթին շատ մեծ ուշադրություն է դարձվել. «Այսօր ես հաճախ եմ օրինակ բերում երիտասարդ հանրահայտ ջութակահար Սերգեյ Խաչատրյանին: Տաղանդավոր հայ ժողովրդի մեջ  միայն նա չէ, բայց ինչու իրեն գիտենք, որովհետեւ ճիշտ է կրթվել, ճիշտ է աշխատել, ճիշտ տեղում է հայտնվել: Այսօր մեր պրոբլեմն ինչն է՝ չենք ուզում կրթվել, լուրջ ուղղությամբ չենք ուզում գնալ»:

Ինչ վերաբերում է մեծահարուստներին, դիրիժորի խոսքով, գուցե ոչ բոլորն են զարգացած ու ոչ բոլորն են հասկանում, թե ով է Շեքսպիրը, Բեթհովենը… «Սա երեւի հաջորդ էտապն է, որ պետք է մեզ մոտ տեղի ունենա»,- հավելել նա` ըստ ամենայնի հուսալով, որ մեծահարուստ կոչվածները մի օր կհասկանան մշակույթի զորությունը:”

Իսկ ՀՀ ժողովրդական արտիստ, օպերային երգիչ Բարսեղ Թումանյանը հայ ժողովրդի գենետիկ անցյալի մեջ է տեսնում արագ հաստատվելու, վերաձեւավորվելու հիմքերը: «Ինչպե՞ս եղավ, որ քրիստոնեությունից անմիջապես հետո մեր երկրում ստեղծվեցին անկրկնելի տաճարներ: Դա մեր գենետիկ անցյալն է, որպես ազգային տեսակ արագ ենք վերականգնվում, իհարկե, երբ որ լինում է պարարտ հող: Լավ կլինի, որ այդ գենետիկ անցյալը չվերանա»,- ասել է երգիչը:

ՀՀ ժողովրդական արտիստ Հասմիկ Պապյանի դիտարկմամբ էլ, Հայաստանում Խորհրդային միության կարգերի հաստատումից հետո շատ շնորհալի հայեր վերադարձան՝ Սպենդիարյան, Թամանյան, Սարյան… «Հիմա մեզ մոտ հակառակն է, այստեղից գնում են: Ժամանակն է, որպեսզի մեր ունեցած գանձերը հետ վերադառնան, կարողանան իրենց գիտելիքները ներդնել հանուն հայրենիքի»,- նշել է օպերային երգչուհին:

«Լուսանցք»-ը պարբրաբար անդրադառնում է հայկական մշակույթի այսօրվա տխուր վիճակին: Այսօր մենք տանուլ ենք տալիս մեր մշակույթրը ոչ միայն միջազգային ասպարեզում, այլեւ բուն Հայաստանում, մեր այսօրվա պետության ներսում:

Երբ պետական պաշտոնյան ազգային գործը իր աթոռի հնարավորությունների գործածումն է դիտարկում, այն էլ անձնական նպատակների համար, ապա մեր մշակութային լացը դեռ կշարունակվի, իսկ մեծահարուստները, եթե անգամ ցանկացողներ կան, այդպիսի պետական գործիչների կողմից ղեկավարվող ոլորտում որեւէ ներդրում չեն անի… Իսկ որ ՀՀ մշակույթի նախարար Հասմիկ Պողոսյանն իր տեղում չէ, «Լուսանցք»-ը վաղուց է նշել, փաստել ու դիմել երկրի ղեկավարին…

Շվեյցարիայի դեսպանը մասնակցեց «Խաղաղության բրդուճի» պատրաստմանը…

Հուլիս 2-ին Տավուշի մարզի Ենոքավան  գյուղում կազմակերպված «ՀայԲույս» փառատոնի ժամանակ պատրաստվեց աշխարհի ամենամեծ՝ 25 մետրանոց  բրդուճը՝ «Խաղաղության բրդուճը»:

Բրդուճի պատրաստմանը, ի թիվս տասնյակ կամավորների, մասնակցում էր նաեւ Հայաստանում Շվեյցարիայի  արտակարգ եւ լիազոր դեսպան  Լուկաս Գասսերը, ով նաեւ շվեյցարական պանիր հյուրասիրեց ներկաներին:

Կրակ ու ջուր… Վարդավառի նախատոնակը նշվեց մեծ շուքով…

Ինչքան էլ Հայաստանյայց (Հայաստան այցելած) առաքելական եկեղեցին փորձում է հին ավանդական ազգային տոներից  դուրս մղել հեթանոսական արիադավան ծիսակարգի տարրերն ու պատմությունը՝ չի ստացվում: Չի ստացվում արդեն շուրջ 1700 տարի…  Continue reading →

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան) http://www.hayary.org/wph/?p=2223  (https://www.facebook.com/armenuhi.melqonyan)

1. Կա՛մ օտար խաղի «հերոս», կա՛մ՝ ազգային խաղի «գերի» – Այսինքն՝ կա՛մ պիտի շարունակել փակել ազատության տանող բոլոր ճանապարհները, կա՛մ պիտի կարողանալ բռնել ազգային պետություն կերտելու համազգային ուղին…

2. Պատերազմող երկրում չե՛ն սարքում ներքին խրամատներ – Իսկ այդ խրամատները հաճած օտարների պատվերով են առաջանում, ինչպես այս կամ այն գունավոր եւ այլ հեղափոխական շարժումները…

3. Հայերի «ռուս-թուրքական պայմանագիրը»՝ հոգեւորականի ձեռքով – Պոլսո պատրիարքի փոխանորդ Արամ Աթեշյանի եւ Ռուսատանի թեմի առաջնորդ Եզրաս արք. Ներսիսյանի Հայաստան գալը կասեցրել է Գարեգին Բ կաթողիկոսը…

4. Հռոմի Պապն իրապես գնահատում է Հայաստանը – Ֆրանցիսկոս Պապի այցը առաջին քրիստոնյա երկիր ոչ միայն կրոնական, այլեւ պատմական արդարության վերականգնման խնդրների հետ է առնչվում…

5. Հանդիպում, որն ավելի շատ Մոսկվային էր անհրաժեշտ – Հայաստանի նախագահը պետք է պատրաստ լինի ,հնարավոր ծավալումներին ինչպես արտաքին, այնպես էլ ներքին ճակատներում՝ ամրացնելով թիկունքը Հայաստանում…

6. Առանց արարողակարգի.- Մեր նախարարին չհաջողվեց հոգեւորական դասալիքներին զինվորի հագուստ հագցնել, փոխարենը… (մաս 2-րդ) – Մեր հյուրն է Հայկական ճարտարապետությունն ուսումնասիրող հիմնադրամի նախագահի ժամանակավոր պաշտոնակատար, հասարակական գործիչ Սամվել Կարապետյանը…

7. Քոչարի-գոչարի.- ծիսական պար՝ ընդդեմ պարտվողականության (մաս 2-րդ) – Երբ զուռնան կոչը միացնում եւ կանչում է խոյ արիներին… Արիներին համախմբելու՝ պայքարի եւ հաղթանակի գաղափար է դրված Քոչարի պարանվան եւ պարի մեջ…

8. Հայկական խոհանոց – Կախասնկով եւ կանաչ լոբով աղցան… Աշխարհի մարզական հեւքից – Մարզաշխարհի խաչմերուկներում… Ի վերջո ընտրեց սեռափոխման ուղին՝ թողեց մարզականը… Ադրբեջանուհին գենը փոխել է ուզում… հայի հետ… Օգտվե՛ք www.hayary.org-ից… Կարդացե՛ք եւ բաժանորդագրվե՛ք «Լուսանցք»…

Հասկանալի է, որ աշխարհի բոլոր երկրների բոլոր իշխանություններն իրենց բոլոր նպատակներից զատ, թերեւս ամենաառաջնայինը, մեկ նպատակ ունեն՝ բոլոր միջոցներով պահպանել իրենց իշխանությունը: Սա համաշխարհային գործող կարգի անտեսանելի օրենսգրքի առաջին նախապայմաններից է՝ սեփական երկրում իշխանության գալու եւ միջազգային ասպարեզում թույլատրված սահմաններում գործելու համար:

Ովքեր գործում են խաղի այս կանոններով, երբ ամեն բան պահում են իրենց հսկողության տակ, ուրեմնեւ համաշխարհային վերահսկողության տակ, ապա նրանց իշխանությունը ճանաչվում է «միջազգային հանրության» կողմից: Ովքեր այս խաղի կանոններով չեն հասնում իշխանության սեփական երկրում, կամ ընթացքում են փոխում իրենց քաղաքական ուղին՝ նրանց իշխանությունը չի ճանաչվում՝ դրանից բխող բոլոր հետագա խնդիրներով:

Եվ «միջազգային հանրությունն» անցնում է այս կամ այն գույնի հեղափոխության նախաձեռնմանը, այս կամ այն հանրային կամ հասարակական շարժումների առաջացմանը, այս կամ այն հակազգային ու հակապետական դրսեւորումների ծավալմանը ներքին կյանքում:   Continue reading →

Ինչպես իշխանությունը, այնպես էլ «միջազգային չափորոշիչներին համապատասխանող» ընդդիմությունները, որ անգամ հենց նոր իշխանական կոալիցիայից դուրս են եկել ու իրենց ընդդիմություն հայտարարել, երբ հոգնում են ամենօրյա աշխատանքից (իշխանությունն իսկապես պիտի հաջողի կյանքի կոչել փոխլրացնող արտաքին քաղաքականությունը աշխարհի բեւեռների հետ, իսկ ընդդիմության այս կամ այն թեւը ռուսական կողմնորոշումը պիտի փոխի արեւմտյանի, կամ՝ հակառակը, եւ էլի նման բաներ) մեծահոգաբար թողնում են, որ առաջանան քաղաքացիական նախաձեռնություններ եւ ընդդիմադիր ոչ մեծ շարժումներ, որոնք նախ անցնում են իրենց թրերի տակով, ապա՝ իշխանության, եւ ապա սկսում են գոյատեւել իբր անկախ, բայց իրականում օտարների դրամաշնորհներից սնվելով ու պատվերների տակ մտնելով:

Վերջերս եւ՛ ոստիկանությունը եւ՛ ազգային անվտանգության մարմինները հայտնեցին, որ իրենց համապատասխան տեղեկություններ ունեն, թե ժողովրդի անունից խոսող այս կամ այն ուժը քանի տեղից է «սնվում» եւ ինչ հանձնարարականներ է ստանում: Որոշ ուժեր կալանավորվեցին, անգամ զինված հեղաշրջման նախապատրաստման մեղադրանքով, որոշները ցիրուցան եղան, սակայն կան ուժեր էլ, որ ամսեամիս անունները փոխելով գործում են նույն ձեւաչափով ու կարգավիճակով:

Բայց, եթե իսկապես վտանգ կա, ինչու են իշխանությունները թաքցնում այդ տեղեկություններն ու առկա վտանգները, եթե չկա, ապա արդեն ծիծաղ է առաջացնում, ասենք՝ դիցուկ Ժիրայր Սեֆիլյանին պարբերաբար կալանավորելն ու ազատ արձակելը… Ծիծաղը միջազգային հարթություն կտեղափոխվի, եւ ծիծաղելի վիճակում մեր երկիրը կհայտնվի:

Եթե այսպիսով իշխանություններն անգամ առկա ընդդիմության ճանապարհն են փակում, այսպես կոչված նոր արտախորհրդարանական ընդդիմությամբ, որը վերահսկելի ու առավել խոցելի է ամեն պահի, ապա դա մի օր անպայման բումերանգի հարվածի է վերածվում, քանի որ օտարից սնվող ուժերը (ինչպես պնդում են իրավապահ մարմինները) մի օր կանեն քայլ, որը պատերազմական իրավիճակում գոյատեւող մեր երկիրը կներքաշի նոր ցնցումների մեջ…

Հիմա՝ Ժիրայր Սեֆիլյանին նորից մեղադրանք է առաջադրվել: ՀՀ քննչական կոմիտեի ՀԿԳ քննության գլխավոր վարչության վարույթում քննվող քրեական գործով 2016թ. հունիսի 22-ին Ժիրայր Սեֆիլյանին մեղադրանք է առաջադրվել ՀՀ քրեական օրենսգրքի 235-րդ հոդվածի 2-րդ մասով։ ՀՀ Քննչական կոմիտեից հայտնել են, որ՝ «հաշվի առնելով հանրության հետաքրքրությունը եւ համակողմանի ու անաչառ քննության կապակցությամբ հասարակության մեջ ձեւավորված ակնկալիքները՝ տեղեկացնում ենք, որ նախնական քննությամբ բավարար ապացույցներ են ձեռք բերվել առ այն, որ  նա կազմակերպել է մի խումբ անձանց կողմից ապօրինի կերպով զենք եւ ռազմամթերք ձեռք բերելը, փոխադրելը եւ տարբեր վայրերում դրանք ապօրինի կերպով պահելը: Մասնավորապես, Ժիրայր Սեֆիլյանն անմիջական շփումներ է ունեցել քրեական գործով որպես մեղադրյալ ներգրավված տարբեր անձանց հետ, որոնց ուղղակիորեն հանձնարարել է ապօրինի կերպով պահվող զենք եւ ռազմամթերք փոխադրել, դրանք տեղափոխել եւ պահել տարբեր վայրերում, ինչպես նաեւ պատրաստ լինել՝ համապատասխան հրամանի դեպքում օգտագործել դրանք։ Նրան առաջարկվել է ցուցմունք տալ մեղադրանքի առաջադրման համար հիմք հանդիսացած փաստերի վերաբերյալ, սակայն նա, օգտվելով իր սահմանադրական իրավունքից, նախընտրել է լռություն պահպանել եւ ցուցմունք չտալ: Ընդ որում, Ժիրայր Սեֆիլյանը ցանկություն չի հայտնել ցուցմունք տալ նաեւ առերես հարցաքննության ժամանակ եւ հարցեր ուղղել իր դեմ վկայություն տված անձանց։ Քրեական գործի շրջանակներում կատարվել են մի շարք քննչական եւ այլ դատավարական գործողություններ, այդ թվում խուզարկություններ են իրականացվել ձերբակալվածի բնակարանում եւ աշխատավայրում, առգրավվել համակարգիչներ, փաստաթղթեր եւ այլ նյութեր:

Նախաքննական մարմինը, գնահատելով իր տրամադրության տակ եղած ապացույցների համակցությունը, Ժիրայր Սեֆիլյանին մեղսագրվող արարքի բնույթը եւ վտանգավորության աստիճանը, ինչպես նաեւ՝ նրան անազատության մեջ պահելու համար անհրաժեշտ բավարար հիմքերի առկայությունը, որոշում է կայացրել միջնորդություն ներկայացնել դատարան՝ նրա նկատմամբ որպես խափանման միջոց կալանավորումը կիրառելու վերաբերյալ։ Միաժամանակ տեղեկացնում ենք, որ սույն քրեական գործի շրջանակներում որպես մեղադրյալ է ներգրավվել 9 անձ, որոնց թվում՝ Ժիրայր Սեֆիլյանը։ Մեղադրյալներից մեկի գտնվելու վայրն անհայտ է, եւ նրա նկատմամբ հայտարարվել է հետախուզում, հանձնարարություն տրվել համապատասխան մարմիններին միջոցներ ձեռնարկել՝ նրան հայտնաբերելու եւ վարույթն իրականացնող մարմնին ներկայացնելու ուղղությամբ։ ՀՀ քննչական կոմիտեն, ապահովելով սույն քրեական գործում ներգրավված անձանց իրավունքների, ինչպես նաեւ արդարադատության շահերի հավասարակշռված պաշտպանությունը, կշարունակի պարբերաբար տեղեկատվություն տրամադրել նախաքննության ընթացքի եւ արդյունքների վերաբերյալ»։

Հայտնի է նաեւ, թե ում ցուցմունքի հիման վրա է ձերբակալվել Ժիրայր Սեֆիլյանը: Ըստ իրավապահների՝ նրա դեմ ինչ-որ անձինք են ցուցմունք տվել, որոնք ներկայումս գտնվում են կալանքի տակ: Սակայն ուշագրավ է, որ Ժիրայր Սեֆիլյանի շրջապատից ոչ մեկն այդ քրեական գործով չի անցնում: Քրգործով կալանավորված անձանցից մեկը Ներսես Միքայելի Պողոսյանն է, մյուսը՝ Հովհաննես Դորիկի Պետրոսյանը: Նրանց անուններն առայժմ ոչինչ չեն ասում: Սակայն այդպես էլ անհայտ է մնում նրանց կապը Ժիրայր Սեֆիլյանի հետ: Համենայնդեպս, այս պահի դրությամբ այդպես են հայտարարում Սեֆիլյանի ընկերները:

Տեղին է մեկ անգամ եւս հնչեցնել ԱԻՄ ղեկավար Պարույր Հայրիկյանի՝ «ինչքա՞ն կարելի է տունտունիկ խաղալ» խոսքը: Նա անգամ չի ցանկանում խոսել «Հիմնադիր խորհրդարանի» անդամ Ժիրայր Սեֆիլյանի ձերբակալության պատճառների մասին. դեռ վաղ է գնահատականներ տալ, կսկսի գնահատականներ տալ, եթե ձերբակալությունը վերածվի կալանքի»: Պարույր Հայրիկյանը ընդհանրապես դեմ է նախնական կալանքին, երբ դեռ դատը չեղած՝ մարդուն զրկում են ազատությունից:

Հունիսի 22-ին դատարանի որոշմամբ 2 ամսով կալանավորվեց Ժիրայր Սեֆիլյանը: Նա մեղադրանքը շինծու համարեց:   Continue reading →