Ե՞րբ մի օր առաջինը կլինենք՝ հա՛յ լինելու գործում

Հրապարակվել է Հեղինակ` ՀԱՄ

ԶԼՄ-ներով հաճախակի ենք լսում կամ կարդում՝ «Հարավային Կովկասի երեք հանրապետություններ» արտահայտությունը: Խորհրդային կայսրության տարիներին ՀԽՍՀ-ն «տեղադրում» էին Այսրկովկասում, իսկ մեր օրերին՝ ՀՀ-ն՝ Հարավային Կովկասում:

Հայաստանը Կովկասի մաս չի կազմում, իսկ հայերը կովկասցի չեն ո՛չ ծագումով, ո՛չ էլ աշխարհագրորեն: Հայ տեսակի բնօրրան Մեծ Հայքն իր տարածքով համընկնում է այն երկրամասին, որն աշխարհագրական բոլոր քարտեզներում կոչվում է Հայկական լեռնաշխարհ (բարձրավանդակ), որտեղ ձեւավորվել է հայ ազգը ու անցել հազարամյակներ հարատեւած պատմական զարգացման բոլոր փուլերը: Հետեւաբար՝ Հայաստանը Կովկասում չի կարող «տեղադրվել», իսկ հայերը կովկասյան ազգ չեն կարող կոչվել:

Բայցեւ հարց է ծագում, թե ովքե՞ր են «կովկասյան ազգության անձինք», այսպես կոչված, «սՌՓՈ ՍՈՉՍՈջրՍՏռ վՈՓՌՏվՈսՖվՏրՑՌ» եւ ո՞ր ազգին են այդ անձինք պատկանում:

Շարունակել կարդալ →

Թուլամորթ հայերից ամեն ինչ սպասելի է

Հրապարակվել է Հեղինակ` ՀԱՄ

Մի շարք հայ մտավորականների՝ Թուրքիայի նախագահին հղած նամակի հրապարակումից հետո (հայոց ցեղասպանության ճանաչմանն ուղղված), մի շարք թուրք մտավորականներ էլ որոշեցին թեման շարունակել ինտերնետում:

Ու դեռ թարմ են թուրք մտավորականների կողմից «Հայոց ցեղասպանության համար հայերից ներողություն խնդրելու» ինտերնետային նախաձեռնության արձագանքները, որին ոմանք ոգեւորությամբ էին մոտենում: Սակայն, շատերը հասկացան, որ սա որեւէ կապ չունի ցեղասպանության ճանաչման հետ եւ հերթական բարոյական հաղթանակն են փորձում մեզ մատուցել…

Հիմա էլ մի խումբ հայեր են ի հայտ եկել նմանատիպ մի նախաձեռնությամբ. սրանք ներողություն են խնդրում թուրքերից «ԱՍԱԼԱ» («ՀԱՀԳԲ»-Հայաստանի ազատագրության հայ գաղտնի բանակ) խմբավորման կողմից իրականացրած սպանությունների համար:

Շարունակել կարդալ →

Թուրքական դիվանագիտական խայծ

Հրապարակվել է Հեղինակ` ՀԱՄ

Իրանի նախագահ Մահմուդ Ահմադինեջադը շնորհակալություն է հայտնել Թուրքիայի վարչապետ Ռեջեփ Թայիփ Էրդողանին՝ Դավոսի համաշխարհային տնտեսական ֆորումում նրա պահվածքի համար՝ «Թուրքիայի կառավարության ղեկավարի արարքը արտահայտում է ամբողջ թուրք ժողովրդի, տարածաշրջանի ազգերի ու աշխարհի տեսակետը: Մենք գնահատում ենք դա: Նա իրեն պահեց այնպես, ինչպես պետք է պահեր նման իրավիճակում»: Հիշեցնենք, որ այդ ժամանակ միջադեպ էր ծագել Իսրայելի նախագահ Շիմոն Պերեսի ու Թուրքիայի վարչապետ Էրդողանի միջեւ: Գազայի հատվածում ստեղծված վիճակին վերաբերող Պերեսի զգացմունքային ելույթից հետո, Էրդողանը մեղադրել էր Իսրայելին՝ Գազայի խաղաղ բնակիչների զանգվածային սպանությունների համար: Իսկ երբ կարգավարն ընդհատել էր նրան, Թուրքիայի վարչապետը ցուցադրաբար լքել էր ֆորումը՝ հայտարարելով, որ ինքն այլեւս չի գա Դավոս:

Շարունակել կարդալ →

30 տարի աստվածապետական երկիր

Հրապարակվել է Հեղինակ` ՀԱՄ

1978թ. հունվարից Իրանի շահ Մոհամադ Ռեզա Փեհլավիի արեւմտամետ քաղաքականության դեմ ցույցեր սկսվեցին երկրում: 1 տարի անց շահը փախչում է Իրանից, իսկ երկրից աքսորված հոգեւոր առաջնորդ այաթոլլա Խոմեյնին վերադառնում է Թեհրան եւ ղեկավարում Իսլամական հեղափոխությունը:

Իրանը պաշտոնապես Իսլամական Հանրապետություն է հռչակվում 1979թ. ապրիլի 1-ին՝ համազգային հանրաքվեի արդյունքներով: 1979թ. դեկտեմբերին Իրանի Իսլամական Հանրապետությունում հաստատվում է Աստվածապետական Սահմանադրություն, որի համաձայն իսլամական շիա ուղղությունը հռչակվում է պետական կրոն, ինչպես եւ պարսկերենը՝ պետական լեզու:

Շարունակել կարդալ →

Չկա այլեւս «երկաթե վարագույր», բայց վտանգը մնում է

Հրապարակվել է Հեղինակ` ՀԱՄ

Հունական եւ թուրքական մասոնների դավադրությունը

Արդեն գաղտնազերծված են մասոնական օթյակների (ժողովարանների) հիմնական նպատակներն ու առաքելությունը, եւ սրանք առաջվա գաղտնիությունն ու վտանգավորությունը թերեւս չունեն: Իհարկե, դեռեւս հիմնովին վտանգազերծված չեն, ուստի՝ սրանց հանդեպ զգուշավորությունը պետք է դեռ պահպանել:

Բացահայտված լինելու պայմաններում, «անկախ» երկրների օրենքներին համապատասխան պետականորեն գրանցվելուց հետո, այս օթյակները այժմ փորձում են հիմնականում բարեգործական կազմակերպության համբավ ձեռք բերել, որպեսզի վերստին աներեւույթ տիրանան պետական, քաղաքական, տնտեսական ու մշակութային բարձր դիրքերի՝ իրենց երբեմնի ուժը վերականգնելու համար: Մասոնական օթյակներն այսօր էլ օժանդակություն են ստանում «Աշխարհի գաղտնի կառավարություն»-ից եւ առավելապես սպասարկում են «300-ի կոմիտե»-ի շահերը, սակայն Հայաստանի նման պետությունների համար այս օթյակների գործունեությունը կարող է կործանարար լինել……

Շարունակել կարդալ →

Դեռ պայքարու՞մ ենք եվրաձայնի համար

Հրապարակվել է Հեղինակ` ՀԱՄ

Պատմության գիրկն անցան ՀՀ-ին վերաբերող ԵԽԽՎ 2008թ. թիվ 1609 եւ 2009թ. 1620 բանաձեւերը, սակայն, իր պատմությունն է կերտում ԵԽԽՎ 2009թ. թիվ 1643 բանաձեւը: Այն առավելապես ՀՀ քր.օր.-ի հոդվածների փոփոխություններին ու լրացումներին է վերաբերում, որն էլ ուղղակիորեն առնչվում է «7-ի» գործով դատավարությանը: Իշխանությունները պնդում են, որ սկսել են իրականացնել վերջին բանաձեւի պահանջները, իսկ ընդդիմությունը ընդդիմանում է, թե դա այդպես չէ:

Ինչեւէ, այս հարցով մարտի 1-2-ի դեպքերն ուսումնասիրող ԱԺ ժամանակավոր հանձնաժողովին եւ փաստահավաք խմբին ավելացավ եւս մեկը՝ ԱԺ նախագահի հրամանագրով ստեղծված աշխատանքային խումբը:

Եվ ահա, ՀՀ քր.օր.-ի 225-րդ եւ 300-րդ հոդվածներում փոփոխություններ ու լրացումներ կատարելու մասին համապատասխան օրենքի նախագծի մշակման նպատակով ստեղծված աշխատանքային խումբը փետրվարի 11-ի նիստում, ԱԺ պետական-իրավական հարցերի հանձնաժողովի եւ խմբի ղեկավարի նախագահությամբ, կրկին անդրադարձել է քրեական օրենսգրքի 2 հոդվածներին: Առաջարկվել է քրեական օրենսգիրքը համալրել 301/1՝ նոր հոդվածով, որով տարանջատվում են իշխանությունը յուրացնելուն ուղղված եւ չուղղված գործողությունները, որոնց համար նախատեսվում են տարբեր պատժաչափեր: Նոր հոդվածով որպես առանձին հանցատեսակ Է ամրագրվում՝ «ՀՀ նախագահին, ԱԺ-ին, կառավարությանը, Սահմանադրական դատարանին, նրանց նկատմամբ բռնություն գործադրելու կամ դա գործադրելու սպառնալիքի միջոցով, որեւէ իշխանական գործողություն կատարելը կամ չկատարելը պարտադրելը, որն ուղղված չէ իշխանությունը յուրացնելուն»: Աշխատանքային խմբում առաջարկվել է նկարագրված դեպքում նույնպես կիրառել քր.օր.-ի 300-րդ հոդվածը՝ համապատասխան տարբերակումներով: Խմբի անդամները կարծում են, որ հասարակության համար վտանգավոր լինելու տեսանկյունից այս եւ 300-րդ հոդվածով նկարագրվող հանցագործությունները անհամադրելի են:

Շարունակել կարդալ →

Նշվեց Տրնդեզը

Հրապարակվել է Հեղինակ` ՀԱՄ

Այսօր՝ փետրվարի 13-ին, ժամը 13:00-ին Երեւանի Կարմիր Բլուր հնավայրի նախկին տաճարի տեղում կայացավ Տրնդեզի արարողություն:
Միջոցառումը կազմակերպել էին «Արորդիների Ուխտ»-ի քրմական դասը եւ Հայ Արիական Միաբանությունը:
Մասնակիցները կրակ վառելով փառաբանեցին Տիեզերքի Արարչին, Հայ Աստվածներին: Քրմական ծեսից հետո ձոներ երգվեցին եւ շուրջպար բռնեցին հայ արիները:
Նրանք կրակով կատարեցին բնական ինքնամաքրման արարողությունը եւ փառաբանեցին Հայր Արային ու Զորության Աստված Վահագնին, ում աստվածային վերածնունդը տեղի կունենա 40 օր հետո՝ մարտի 21-ին՝ Արիական ամանորին:
Նորապսակ հարսները կրակի վրայից թռչելով ինքնամաքրվեցին եւ, Մայր Անահիտի սիրուն արժանանալով, նախապատրաստվեցին մայրանալու:

Տրնդեզ

ՏՈՆ-ը Նորոգումի խորհուրդ է: Լեզվաբանորեն կազմված է՝ Տ – հաստատական հունչարմատով եւ ԱՆ /ծնունդ, նորոգում/ արմատով՝ Տ-ՈՆ /ԱՆ/:

ՏՈՆ-երը իրենց խորհրդանշանային տարբերությամբ, ունեն միեւնույն հիմնական խորհուրդը՝ մարդկանց մեջ նորոգել նրանց բնական զգացողությունները:

Ըստ այդմ՝ բոլոր Ազգերի մոտ էլ ՏՈՆ-երը նրանց կյանքի կարեւորագույն մաս են կազմում: Կան համազգային ավանդական ՏՈՆ-եր, կան նաեւ մասնավոր տոհմային, ընտանեկան, ընկերային… ՏՈՆ-եր: Բայց բոլորն էլ մարդկանց մեջ նորոգում են նրանց սիրո, զորության, հարազատության, արյունի, հիշողության, շարունակելիության, հոգեձուլումի եւ այլ զգացողություններ:

Շարունակել կարդալ →

Ստորագրահավաք

Հրապարակվել է Հեղինակ` ՀԱՄ

Ողջունում ենք մի խումբ սփյուռքահայ ուսանողների հայրենանվիրական պոռթկումը, ովքեր բողոքում են հայոց պատմության եւ հայագիտական առարկաների՝ իրենց դասագրքերից, որոնցում հայերը ներկայացված են որպես Հայկական լեռնաշխարհի եկվորներ, իսկ Արցախը համարվում է աղվանների երկիր, կեղծված են նաեւ պատմական ու վիճակագրական թվեր, տվյալներ…
http://gopetition.com/petitions/armenian-history/sign.html

Ներբեռնեք նաև այս Դիմումը ուղղված ՀՀ նախագահին կապված հայագիտության հետ


ՀԱՅԱԳԻՏՈՒԹՅՈՒՆԸ ԳԻՏԱԿԱՆՈՐԵՆ ՀԱՅԱՆՈՒՄ Է. ՆԵՐՔԻՆ ԵՎ ԱՐՏԱՔԻՆ ԹՇՆԱՄԻՆԵՐԸ ԽՈՒՃԱՊԻ ՄԵՋ ԵՆ

Հայ Արիական Միաբանությունը երկար տարիներ է, ինչ առաջարկում է հայագիտությունը համարել որպես ազգային անվտանգության բաղկացուցիչ մաս, եւ անզիջում համահայկական պայքար ծավալել Հայոց Պատմության իրական վերաշարադրման ուղղությամբ:
Ազգադավ պատմաբանները մի կողմից, կղերական քահանա «դիվանագետները» մյուս կողմից Հայոց Պատմությունը խեղաթյուրել ու հարմարացրել են օտարի շահերին:

Շարունակել կարդալ →

ՀԱՄ առաջնորդը TV5-ի եթերում

Հրապարակվել է Հեղինակ` ՀԱՄ


Հայ Արիական Միաբանության առաջնորդ Արմեն Ավետիսյանը ՀՀ TV-5 հեռուստաալիքով պարզաբանում է Հայ Ազգայնականների Համախմբման ստեղծման անհրաժեշտությունը:
Նա կարեւորում է ՀԱՀ-ի ստեղծումը երեք հիմնական առանցքների վրա խարսխված՝
1. Հոգեւոր,
2. Գաղափարախոսական,
3. Քաղաքական:
Հոգեւոր ոլորտում ՀԱՀ-ը արիադավան-հեթանոսական հավատի ուղղությամբ է առաջնորդվում՝ Տիեզերքի Արարչի եւ Հայ Աստվածների պաշտամունքն ունի, գաղափարախոսական իմաստով՝ նժդեհյան-ցեղակրոն ուսմունքի հետեւորդ կառույց է, քաղաքական առումով՝ ազգայնական դաշտի արմատական ներկայացուցիչ է:
Արմեն Ավետիսյանը ներկայացնում է նաեւ հայ ազգայնականության դերը եւ երկրում առկա մի շարք հիմնախնդիրներ:

Շարունակել կարդալ →

Պատասխանի իրավունքով Panorama.am-ին

Հրապարակվել է Հեղինակ` ՀԱՄ

Շնորհակալ ենք, որ Panorama.am-ը արագ արձագանքեց Հայ Արիական Միաբանության հերթական հայտարարությանը և հարցումներ ուղղեց Հայաստանյայց առաքելական եկեղեցու սպասավորներին: Խոսքը Բոլիվիայի նախագահ Էվո Մորալեսին ջերմ ողջույններ հղելու մասին է, ով հայ-արիականներիս քաջալերանքին է արժանացել Բոլիվիայի հնդկացիների նախնյաց հավատը վերականգնելու նախաձեռնության համար:
Հիշեցնենք, որ Բոլիվիայի նախագահը հրապարակայնորեն նշել էր, որ իր երկիրը կհրաժարվի կաթոլիկ (քրիստոնեական) կրոնից, որպես պետական կրոն եւ կվերադառնա հնդկացիների հին հավատին:

Շարունակել կարդալ →

Հայտարարություն Բոլիվիայի հետ կապված

Հրապարակվել է Հեղինակ` ՀԱՄ

Հայ Արիական Միաբանությունը ջերմ ողջույններ է հղում Բոլիվիայի նախագահ Էվո Մորալեսին՝ իր նախնյաց հավատքին վերադառնալու նախաձեռնության համար:
Վերջերս բնիկ ամերիկացի նախագահը հայտարարել է, որ Բոլիվիան այլեւս կաթոլիկ (քրիստոնեական) պետություն չէ եւ այդ կրոնը չի կարող համարվել պետական կրոն:
Նախագահ Մորալեսը նշել է, որ Բոլիվիայի բնակչության ավելի քան 85%-ը  հնդկացիական ցեղերի ներկայացուցիչներ եւ հին հավատի հետեւորդներ են, ուստի պետք է վերականգնվի իրենց հին հավատը: Նա նաեւ նշել է, թե չի բացառվում, որ իսպաներենի հետ համատեղ պետական լեզու համարվի տեղի հնդկացիների լեզուն:
Հայ Արիական Միաբանությունը Ամերիկա  աշխարհամասի առաջին հնդկացի նախագահի պետականորեն իրականացվող այս թերեւս եզակի նախաձեռնությունը համարում է լուրջ աշխարհայացքային քայլ, ինչը կարող է շրջադարձային ազդեցություն թողնել բոլոր հին ազգերի հավատադարձության վրա:
Մենք՝ հայ-արիականներս, նույնպես ունենք մեր հին հավատի, հայ Աստվածների պաշտամունքը եւ կարեւորում ենք Բոլիվիայի նախագահի վճռական քայլը՝ իր երկիրն ու ազգը սեփական արմատներին ամրացնելուն եւ զորացնելուն միտված:
Վստահ ենք, որ հայությանը նույնպես սպասվում է դարձ դեպի արմատները՝ հայոց հավատը, հայ Աստվածների պաշտամունքը:
Փա’ռք Տիեզերքի Արարչին եւ բարի վերադարձ հայ Աստվածներին:
Արիական Հայաստանն է հայոց զորության հիմնաքարը:

Հայ Արիական Միաբանության
Գերագույն Խորհուրդ
04.02.2009թ.

Շարունակել կարդալ →

Քուրմը

Հրապարակվել է Հեղինակ` ՀԱՄ

                                                           
                                     նվիրում եմ կնքահորս՝   
                                     փիլիսոփայական գիտությունների  դոկտր,           
                                     Գառնու տաճարի քուրմ՝ Սերգեյ Մանուկյանին  
       
                  Ընկած իր արյան մեջ, հին մեհյանի շեմին,                
                  Շուրթին սառած վերջին աղոթքն արշալույսի,           
                  Հայացքն հառած հեռու՜, հեռու Արեգակին,             
                  Մահանում էր Քուրմը, զոհը նոր հավատքի…    
             
                  Որքա՜ն գիտելիքներ գաղտնագրեց այստեղ,      
                  Այս սուրբ տաճարի հին, լուսե մատյաններում,            
                  Պեղեց կուրծքը երկնի աստեղազարդ ու վեհ, 
                  Եվ գաղտնիքը բացեց Տիեզերքի անհուն:                     
           
                  Կամարներին վսեմ, հրաշք այս տաճարի,  
                  Միշտ փարվել է երգը Նավասարդյան,            
                  Այժմ չար հարվածով, օտար, գոռ մուրճերի,  
                  Չարիներն են ջարդում տաճարը այն…                       
                
                  …Եվ շրջվեց դանդաղ, Քուրմը վերջին ճիգով,                 
                  Տեսավ բոցկլտացող մատյանները մտքի,              
                  Հետո սառեց շուրթին, որպես վերջին աղոթք,  
                 Օ՜, Արարիչ Աստված, փրկիր Գենը ազգիս…»     
               
                                          24.08.2008թ. – Երևան     

                                                               Սվետլանա Մարգարյան

Շարունակել կարդալ →

Բաց նամակ ՀՀ նախագահ Սերժ Սարգսյանին

Հրապարակվել է Հեղինակ` ՀԱՄ

Հայ Արիական Միաբանությունն իր խորը մտահոգությունն է հայտնում վերջերս ՄԱԿ-ում ՀՀ դեսպան Արմեն Մարտիրոսյանի կողմից համասեռամոլների իրավունքների պաշտպանության հռչակագրին միանալու կապակցությամբ:
Այս հռչակագրին միացել են աշխարհի1/4-րդ պետությունները միայն, եւ ավանդական արժեքներ ունեցող եւ ազգային ավանդույթներով հարուստ մեր երկիրը աշխարհի այդ շուրջ 60 երկրներին միանալու կարիքը չուներ:
Այդ հռչակագրին չեն միացել աշխարհի գերտերությունները՝ ԱՄՆ-ն ու ՌԴ-ն, մեր անմիջական հարեւանները՝ Թուրքիան, Վրաստանը, Ադրբեջանն ու Իրանը:
Մեզ համար անհասկանալի են ՀՀ-ի՝ այդ հռչակագրին միանալու դրդապատճառները, ուստի դիմում ենք Ձեզ՝ որեւէ կերպ արձագանքելու սույն փաստին:
Այդ ստորագրությունը Ձեր հրահանգո՞վ է դրվել հռչակագրի տակ, թե՞ ՄԱԿ-ում ՀՀ դեսպանի ինքնագործունեության հետեւանք է (հիվանդագին ցանկություն՝ ամեն ինչին միանալու):
Եթե առաջինն է, ապա կարծում ենք «հայը՝ հայ է» Ձեր իսկ հռչակած կարգախոսը սկսել է տարածվել նաեւ համասեռականների հայկականացման գործընթացին… ինչը շուտով այլ հիվանդների վրա էլ կտարածվի:
Եթե երկրորդն է, ապա դիմում ենք Ձեզ՝ հրահանգելու, որ ՄԱԿ-ում ՀՀ դեսպանը «հետ կանչի» իր տխրահռչակ ստորագրությունը եւ հրաժարական ներկայացնի ինքնագործունեության համար:
Հայ Արիական Միաբանությունն օրեր անց է արձագանքում սույն հարցին, քանզի ցանկանում էր մեկ անգամ եւս համոզվել, որ հայ հանրությունը մերժում է համասեռական դրսեւորումները, որոնք պիտի տեղ չունենան մեզանում: Հայկական զլմ-ների եւ հանրության արձագանքներն ապացուցեցին, որ մեր բաց նամակը խիստ անհրաժեշտություն է:
Արձագանքելը նույնպես կհամարենք պատասխան:

Հայ Արիական Միաբանության
Գերագույն Խորհուրդ
02.02.2009թ.

Շարունակել կարդալ →

Հայոց Սրբազան Տոմարն ու արեգակնային անշարժ օրացույցը

Հրապարակվել է Հեղինակ` ՀԱՄ

«Միանգամայն եւ ցաւէ՛ որ չեմք կրնար դեռ ՛ի գործ դնել եւ զուգել այս հին տոմարը նորոյն հետ եւ վարել»:

Ղ.Ալիշան

Ըստ եկեղեցական տոմարագիտության, «Հայոց հին շարժական տոմարին զուգընթաց, հայերն օգտագործել են մի տոմար եւս, որ կոչվել է ՍՐԲԱԶԱՆ ԱՆՇԱՐԺ ՏՈՄԱՐ, սա գործածվել է Հայկա Ա եւ Բ շրջաններում (խոսքը Ղ. Ալիշանի կողմից հաշվարկված մ. թ. ա. 2492 թ-ից մինչեւ մ. թ. ա. 1032թ. եւ 1032թ-ից մինչեւ մ. թ. 428թ. ընկած 1460 տարի տեւողությամբ երկու ժամանակաշրջանների մասին է-Ս. Ս.):

Սրբազան տոմարը մեր հեթանոս (իմա՝ ցեղակրոն-Ս. Ս.) հայրերի կրոնական տոմարն էր, որի հիման վրա, տարվա չորս եղանակներին պատշաճ, կարգավորել էին հեթանոսական տոների օրերը: Ըստ Սրբազան տոմարի, Ամանորն սկսել են գարնանային գիշերահավասարից՝ Արեգ ամսի 1-ից: Այս գիշերահավասարով են ստուգել տարվա տեւողությունը, որը հավասար է 365 օր 5 ժ 48 ր 46 վրկ:

Սրբազան տոմարը բացառված պետք է լինի 301 թվին, երբ հայերը ընդունեցին քրիստոնեությունը: Սրբազան տոմարին փոխարինել է Հուլյան տոմարը, որն ընդունվել է քրիստոնյա եկեղեցիների կողմից իբրեւ պաշտոնական տոմար»1:

Շարունակել կարդալ →

Ջավախք-Սամցխե տարածաշրջանի անցյալը, ներկան և ապագան

Հրապարակվել է Հեղինակ` ՀԱՄ

Ջավախքի մասին կարող եք տեղեկություն ստանալ Bagin.info կայքից 

Պատմականորեն Ջավախք-Սամցխե տարածաշրջանը կամ, ինչպես այն անվանում են վրացիները՝ Սամցխե-Ջավախեթին, տարբեր ժամանակներում ընդգրկված էր հայկական, վրացական, պարսկական և վերջացրած բյուզանդական, արաբական, օսմանյան և ռուսաստանյան պետությունների կազմում և եղել է դրանց միջև պատնեշ: 1921 թվականից, ինչպես և ողջ Վրաստանը, այս տարածաշրջանն ընդգրկվեց ԽՍՀՄ-ի կազմում:

1980-ականների վերջում և 1990-ականների սկզբում, երբ ողջ Միության տարածքում անձրևից հետո սնկերի պես սկսեցին ստեղծվել ազգային շարժումներ և ժողովրդական ճակատներ, այնժամ Ախալքալաքում 1989 թվականին տեղացի հայրենասերները, ազգայնականները և մտավորականները ստեղծեցին Ջավախքի ժողովրդական շարժումը: Չունենալով հստակ ծրագիր և կանոնակարգ, գաղափարախոսություն և ուղղվածություն` ոմանք պահանջում էին քաղաքական-մշակութային ինքնավարություն Վրաստանի կազմում, իսկ մյուսները` Վրաստանից անջատում: Իբր Զվիադականներից բնակչության ինքնապաշտպանության համար ստեղծելով ֆիդայինական ջոկատներ` նրանք իրականում զբաղվում էին թալանով և զենքի վաճառքով և նման պարագլուխներ-առաջնորդներից մեկն Ախալքալաքի շրջանի ոստիկանության ներկայիս պետ Սամվել Պետրոսյանն էր և իր բանդան: Գնելով զենք և զինամթերք պարզ չէ ումից` նա այն վաճառում էր Զվիադականներին, Մխիդրիոնականներին և վրացական գվարդիականներին, որոնք պատերազմում էին Հարավային Օսիայում և Աբխազիայում, իսկ ստացված գումարներով գնում էր տներ և անշարժ գույք Թբիլիսիում և Երևանում: Այնուհետև ընդհանուր լեզու գտնելով նրա հետ` Զվիադ Գամսախուրդիյան նրան նշանակեց Ախալքալաքի շրջանի պրեֆեկտ` փակելով նրա բերանը: Սակայն, Շևարդնաձեի իշխանության գալուց հետո նրան հանեցին այս պաշտոնից:  1996-97 թվականներին Սամվել Պետրոսյանը նորից սկսեց աղմկել, ինչից հետո նա միանգամից դարձավ Բոգդանովկա-Բորժոմի ճանապարհի պետը, և քաղաքական ակտիվությունը Ջավախքում լիովին դադարեց: 2001-2002 թվականներին Ախալքալաքում Դավիթ Ռստակյանը և նրա համախոհները ստեղծեցին «Վիրք» կուսակցությունը: 2003 թվականի նոյեմբերին՝ Վարդերի Հեղափոխության ժամանակ Սամվել Պետրոսյանը եղել է ֆաշիստ Սահակաշվիլու մոլի կողմնակիցը, քանի որ արդեն իսկ մի քանի տարի չէր աշխատում պետական համակարգում, այլ զբաղվում էր հայ-վրացական սահմանով երշիկեղենի և նրբերշիկների ապօրինի արտահանմամբ: 

Շարունակել կարդալ →