«Լուսանցք»-ը շատ քիչ կամ էլ գրեթե չի անդրադառնում հանրային ու քաղաքական այն ուժերին, որոնք մեր թերթի քաղաքական տեսության համար անհասկանալի են մնում, կամ էլ՝ ոչ միանշանակ գաղափարախոսական ուղղություն են ստանձնել իրենց գործունեությունում, հերթական փոփոխական երեւույթն են քաղաքական ասպարեզում: Այդ ուժերը երբեմն ազգային-ազգայնական են, երբեմն ժողովրդավար-ազատական ու այդպես շարունակ, եւ առանց վերապահումների մասնակից են բոլոր հասարակական ու քաղաքական այն ընդվզումներին, որոնք ուղղված են իշխանության դեմ: Այսինքն՝ սրանք ուժեր են, որ առանց վարանելու ձգտում են իշխանության (կամ ինչպես իրենք են ասում՝ իշխանափոխության), համագործակցելով ցանկացած այլ ուժի հետ, թեկուզ հակադիր գաղափարական բեւեռում գտնվող:

Սա շատ վտանգավոր է, քանի որ իշխանափոխությունն առանց հստակ իշխանության եկողների դեմքերի ու ծրագրերի՝ ճանապարհ է հարթում քաղաքական ասպարեզում իրենց դրամա-տնտեսական կարողություններով մշտապես հերթապահ ուժերի համար: Իսկ սրանք ոչ մի բանով, ոչ մի չափանիշով, անգամ անցած ուղիով չեն տարբերվում ներկայիս իշխանություններից: Ավելին՝ ոմանք իրենք են ծնել այս իշխանությանը…

Երբեմն փոփոխական ուժերը փորձում են միայնակ հանդես գալ՝ մոռանալով, որ յուրաքանչյուր իշխանափոխություն ավարտվում է նոր ընտրությունների անցկացմամբ, որտեղ նշյալ դրամա-տնտեսական կորողություններով ուժերն ունեն իրենց «հաղթական» գործելաոճը: Եթե միայնակ հանդես եկող որեւէ ուժ ակնկալում է ինքնուրույն հեռացնել իշխանությանը, այնուհետ անցկացնել արդար ընտրություններ, ապա դա այս իրավիճակում խաբկանք է: Իսկ եթե իշխանափոխությունը պետք է կատարվի ոչ թե հեղափոխության, այլ հեղաշրջման ճանապարհով, ապա վստահաբար նոր ընտրությունների մասին խոսելն ավելորդ է: Սա կարող է մի բան նշանակել, որ այդ քայլին գնացող կազմակերպությունն իր թիկունքին ունի միջազգային մի կարող ուժի, որը պիտի հովանավորի ոչ միայն հեղաշրջումը, այլեւ դա իրականացնողի իշխանության գալն ու մնալը… առանց միջազգային պատժամիջոցների եւ սահմանափակումների:

Սա, իհարկե, նույնպես ձեւ է, որը կարող է կիրառվել Հայաստանի դեմ:

Մեր պետությունն աշխարհի ամենամիատարրն է, որտեղ հայերն ավելի քան 98% են կազմում, ու «գունավոր հեղափոխություններ» կամ «միջէթնիկ բախումներ» եւ նման այլ «միջոցառումներ» անցկացնելու-առաջացնելու բոլոր փորձերը ձախողվում են: Մի անգամ այն մոտեցավ ինչ-որ սահմանագծի եւ ավարտվեց 2008-ի մարտիմեկյան ողբերգությամբ… բայց դա նույնպես չհանգեցրեց քաղաքացիական կռիվների, ինչը հրահրվում էր արեւմտյան որոշ կառույցների կողմից:

Հետո փորձեցին «գենդերային շարժումներ» ներմուծել Հայաստան, բայց ազգային միատարրության հետ հայության ներսում, այնուամենայնիվ, պահպանվել է ավանդական-պահպանողական կենսաձեւը, ինչն էլ դարձավ պատվար՝ միջազգային ներխուժումների դեմ:   Continue reading →

Հայոց ցեղասպանության 100-րդ տարելիցի համահայկական հռչակագրի՝ արդեն պաշտոնական ընդունման նախագծի քննարկմանը ԱԺ փոխնախագահ, ՀՀԿ խոսնակ Էդուարդ Շարմազանովը հայտարարեց, որ նման հայտարարություն ընդունելու անհրաժեշտություն կա, որպերսզի հռչակագօրը կյանքի ուժ ստանա պետական մակարդակով:

Նշեց. որ ՀՀԿ-ն միաձայն կողմ է քվեարկելու հայտարարությանը: ԱԺ փոխխոսնակը ելույթի անհրաժեշտությունը կապեց այն իրողության հետ, որ եթե իրենից առաջ որոշ պատգամավորներ հայտարարություններ չանեին, որոնք չի կարելի անվանել ազգային ու պետական շահերը սպասարկող, ապա ինքը չէր խոսի:

Մինչ այդ, քննադատական ելույթով էր հանդես եկել ՀԱԿ-ի ԱԺ խմբակցության ղեկավար Լեւոն Զուրաբյանը եւ հայտարարությունը որակել էր հակապետական: Իհարկե, այդպես էլ պիտի լիներ, եթե այս պատգամավորի թուրքահաճ, եթե չասենք՝ թուրքասեր ղեկավարը, արդեն Լեւոն Տեր-Պետրոսյանը դեմ է արտահայտվել հռչակագրի պահանջատիրական մոտեցումներին, ապա այդ տեսակետը պիտի պաշտպանվեր խորհրդարանում:

Հիշեցնենք, որ ՀՀ 1-ին նախագահը բաց նամակ էր հղել գործող նախագահին՝ հանդիպելու եւ հռչակագրի բովանդակությունը քննարկելու համար, սակայն Սերժ Սարգսյանի նույնքան բաց նամակից հետո հրաժարվեց հանդիպել: Պատճառը մեկն էր՝ հասկացավ, որ իշխանությունը սկսում է պահանջատիրական գործընթացը՝ նախքան Հայոց ցեղասպանության 100-ամյա տարելիցը:

ԱԺ փոխխոսնակը շարունակելով իր միտքը ՀԱԿ-ական տեսակետի մասին, նշել է. «Միգուցե այն կարող է սպասարկել այլ շահեր, բայց ոչ երբեք Հայաստանի Հանրապետության ու հայ ժողովրդի, եւ կարծում եմ՝ յուրաքանչյուրը պետք է էթիկա ունենա, երբ մի բան ասում է, պետք է լսի նաեւ պատասխանը, մենք միշտ ենք պատրաստ լսելու»: Այդ ընթացքում ՀԱԿ պատգամավորը բացակայում էր դահլիճից:

«Բայց քանի այստեղ չեն, իրենց շեֆը, կարծում եմ, հետաքրքրությամբ կլսի, մանավանդ խոսքս էլ ուղղված է իրենց քաղաքական առաջնորդին: Նախ՝ 25 տարին ցույց տվեց, որ Լեւոն Տեր-Պետրոսյանն իր թիմով հանդերձ, ինչպես բուրբոնների մասին էին ասում, ոչինչ չի մոռացել եւ ոչինչ էլ չի սովորել: Հայոց պետականության այս ժամանակաշրջանը ցույց տվեց, որ նրա քաղաքականությունը ցեղասպանության միջազգային ճանաչման, իսկ ըստ իս՝ պարտվողական քաղաքականություն է եւ ընդունելի չէ ոչ միայն մեր քաղաքական ուժերի մեծամասնության, այլեւ հայ հասարակության ու սփյուռքի կողմի: Եվ միգուցե դա է ջղաձգումների մեջ գցել հարգարժան պարոնին»,- հավելել է Էդուարդ Շարմազանովը:   Continue reading →

Կենդանաբանական այգին է՛լ չի խեղճացնի

1940-ականներից հետո՝ առաջին լայնածավալ վերակառուցումը

Երեւանի քաղաքապետ Տարոն Մարգարյանը ապրիլի 8-ին աշխատանքային շրջայցի շրջանակում ծանոթացել է կենդանաբանական այգում համայնքային բյուջեի միջոցներով իրականացվող շինարարական աշխատանքների ընթացքին: Այս մասին տեղեկանում ենք քաղաքապետարանի տեղեկատվության եւ հասարակայնության հետ կապերի վարչությունից:

Հարկ է նշել, որ դեռ 1940-ական թվականներին մայրաքաղաքում հիմնված Կենդանաբանական այգում առաջին անգամ են իրականացվում վերակառուցման լայնածավալ աշխատանքներ: Տարոն Մարգարյանը այգու տնօրեն Ռուբեն Խաչատրյանի ուղեկցությամբ նախ այցելել է կառուցվող կենդանաբուժական նոր կլինիկա, որն ինչպես նշել են պատասխանատուները, անհրաժեշտություն էր այգու համար:

Տնօրենը նշել է, որ վերակառուցումից հետո Կենդանաբանական այգին բոլորովին նոր ու ժամանակակից տեսքով եւ հարմարավետ պայմաններով այցելուներին կներկայանա: Այգու բարձրադիր թռչնարան-աշտարակը, որը վերակառուցումից հետո կդառնա կենդանաբանական այգու նոր անցակետը, կունենա տոմսարկղեր եւ տեղեկատվական կենտրոն: Փոքրիկ այցելուների համար տարածքում կկառուցվի նոր խաղահրապարակ, որն ապահովված կլինի նաեւ հենաշարժողական խնդիրներ ունեցող երեխաների համար նախատեսված ճոճանակներով: Ծրագրով ավարտին կհասցվի նաեւ խոշոր կատվազգիների համար միջազգային չափորոշիչներին համապատասխան նոր ազատավանդակի կառուցումն ու հարակից տարածքի բարեկարգումը, իսկ կապիկների որոշ տեսակների համար կկառուցվի նոր կղզյակ: Նշվել է նաեւ, որ զուգահեռ աշխատանքներ են տարվում այգու տարածքի կանաչապատման, անտառային գոտու, ջրային ավազանների ավելացման ու արտաքին լուսավորության եւ ընդհանուր էլեկտրական սնուցման մալուխների արդիականացման ուղղությամբ:

Ռուբեն Խաչատրյանն ընդգծել է, որ Երեւանի քաղաքապետարանի հատկացրած միջոցների շնորհիվ այգին արդեն հնարավորություն ունի իրականացնելու տարբեր հրատապ ծրագրեր: Այգու արդիականացումը լինելու է շարունակական, եւ առաջիկա տարիներին մյուս ազատավանդակները եւս կհամապատասխանեցվեն միջազգային չափորոշիչներին:

Փոքրիկիս հետ տարեկան գոնե 3 անգամ այցելում եմ Կենդանաբանական այգի: Բայց ես այստեղ ինձ երբեք լավ չեմ զգում. այգին մի տեսակ խեղճացնում էր ինձ: Գուցե նրանից էր, որ անգղին ոչ մի կերպ չէին պատկերացնում ցածր առաստաղ ունեցող վանդակում, կամ՝ առյուծին մի վանդակում, որտեղ ինքն անկարող էր թռիչքներ անել:   Continue reading →

Հայկական խոհանոց – (Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028) – (ռեստորանն ընդունում է կոլեկտիվ հայտեր)

Խոհանոցը ազգի մշակույթի կարեւորագույն հիմքերից է: Տե՛րը լինենք մեր պատմության:

– Ճլմբուր (Բասենի խոհանոց)

Բաղադրությունը – Կանաչ սոխ – 1 կապ, ձու – 4 հատ, կարագ – 50 գ, աղ:

Պատրաստման եղանակը – 1 լ ջուր դնել կրակին: Հենց եռա, կանաչ սոխը կտրտել մեջը եւ եռացնել եւս 5 րոպե:

Դրանից հետո ավելացնել հարած ձվերը՝ ծորալով, եւ աղը՝ ըստ ճաշակի: Վերջում ավելացնել կարագը եւ մատուցել:

* * *

Աշխարհի մարզական հեւքից –

Հայաստանի սամբոյի ֆեդերացիան պահանջում է

Հաշվի առնելով ադրբեջանցի մարզիկ Բախտիյար Աբասսովի՝ Սամբոյի աշխարհի գավաթի խաղարկության 90 կգ քաշային կարգում պարգեւատրման արարողության ընթացքում Հայաստանի օրհներգը հնչելիս կքանստելու գործողությունը ադրբեջանական սպորտի պատասխանատուների կողմից որեւէ կերպ չդատապարտելու փաստը, ավելին՝ արարքը լրատվամիջոցներով «հերոսություն» ներկայացնելու եւ մրցավայրում՝ մարզիկի, հավաքականի ավագ մարզչի եւ Ռուսաստանում Ադրբեջանի փոխդեսպանի ներողություն խնդրելու իրողությունը հերքելու եւ «հայկական հերթական սուտ» որակելու փորձերը, մեր սամբոյի ֆեդերացիան հայտարարում է, որ նշված մարզիկի արարքը ոչ միայն մարզական էթիկայի կանոնների խախտում է, այլեւ՝ քաղաքական, ազգային հակակրանքի ու թշնամանքի դրսեւորում: «Ինչն անընդունելի է ոչ միայն մեր, այլեւ միջազգային մարզական հանրության կողմից, ուստի պահանջում ենք ոչ միայն Սամբոյի համաշխարհային ֆեդերացիայի կողմից մարզիկի հանդեպ խիստ պատժի անհապաղ կիրառում, այլեւ՝ Ադրբեջանի սամբոյի ֆեդերացիայի պաշտոնական հայտարարությունը՝ կատարվածին գնահատական տալու եւ ներողություն խնդրելու մասին»:

Հարցը քննարկվում է Սամբոյի միջազգային կազմակերպություններում եւ հայկական կողմը պնդելու է ինչպես ադրբեջանցի մարզիկի մեդալից զրկելու, այնպես էլ որակազրկման հարցերը, ինչը պետք է մյուսների համար օրինակ ծառայի մարզական աշխարհում:

Եվրոպական խաղեր՝ սեփական համբավի համար

«10 շաբաթ անց մեկնարկելու են Եվրոպական խաղերը եւ մարդու իրավունքները խախտող Ադրբեջանի վարչակարգի համար մի պատվաբեր նախագիծ է սա թերեւս: Զուգահեռ սաստկանում է Եվրոպական օլիմպիական կոմիտեին ուղղված քննադատությունը»,- գրում է Frankfurter Allgemeine Zeitung գերմանական թերթը: Նախքան հունիսի 12-ին կայանալիք Եվրոպական խաղերի բացման արարողությունը՝ Ադրբեջանի մայրաքաղաք Բաքվում, Human Rights Watch իրավապաշտպան կազմակերպությունը Գերմանիայի օլիմպիական սպորտային կոնֆեդերացիայի (DOSB) ներկայացուցիչների հետ հանդիպմանը մատնանշել է երկրի նախագահի կողմից մարդու իրավունքների լուրջ խախտումները:   Continue reading →

Հայ արիները եւ հեթանոս ազգայնականների համախմբումն այս տարի Հայոց ավանդական Զատիկը նշեցին 2 միջոցառումներով՝ ապրիլի 5-ին եւ 7-ին:

Հայ Արիական Միաբանության եւ Հայ Ազգայնականների Համախմբման անդամները առաջին միջոցառումն անցկացրին Մեծամորի տարածքում (Մեծամոր – Մեծ Մոր – Աստվածամոր – Մայր Անահիտի), որտեղ արիադավան խորհրդապաշտական ու ծիսական արարողությամբ նշեցին Զատիկը, որ նշվում է նաեւ որպես Աստվածամայր Անահիտի Հրաշագործության տոն: Հայ Արիական Միաբանության Հոգեւոր հանձնախմբի քրմերն ու քրմի թեկնածուները կատարեցին Հայ Աստվածամորն ուղղված արարողություն եւ փառաբանեցին Մայր Անահիտին, Ով իր Աստվածային գործառույթով ապահովում է բնության գունագեղությունն ու ծաղկունքը:

Մայր Անահիտը նաեւ բերքատվության եւ ամենայն բերրիության, պտղաբերության եւ մայրանալու Աստվածուհին է, եւ հայ արիականներն ու ազգայնականները Հայոց Աստվածամորը դիմեցին՝ բազմազավակ ու բարգավաճ ընտանիքներ ունենալու մեծ ակնկալությամբ, ազգը հայոց բազմացնելու եւ զորացնելու սրբազան պատասխանատվությամբ: 
Continue reading →

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան  – http://www.hayary.org/wph/?p=2223  (https://www.facebook.com/armenuhi.melqonyan

1. Արարչական Համակարգի մյուս Բնածին Աստվածները – Հնդկական Աստվածներ – (3-րդ մաս) – Հունական Աստվածներ.- Արմեն Ավետիսյան, Հայ Արիական Միաբանության առաջնորդ

– http://www.hayary.org/wph/?p=4738 – Արարչական Համակարգի մյուս Բնածին Աստվածները (2-րդ մաս) – Հնդկական Աստվածներ… Արմեն Ավետիսյան, Հայ Արիական Միաբանության առաջնորդ

– http://www.hayary.org/wph/?p=4721 – Արարչական Համակարգի մյուս Բնածին Աստվածները (1-ին մաս) – Հնդկական Աստվածներ… Արմեն Ավետիսյան, Հայ Արիական Միաբանության առաջնորդ

– http://www.hayary.org/wph/?p=4708 – («Լուսանցք» թիվ 2-8 (348-354), 2015թ.) – հոդվածն ամբողջական). Հայ Աստվածների փնտրտուքը՝ բնածին  ու  արհեստածին հավատալիքների սահմանագծին (Արմեն Ավետիսյան, Հայ Արիական Միաբանության առաջնորդ). Հայ Աստվածները – Հայկական  Աստվածային Համակարգ` 1. Հայր Արա –Հայր (Գերագույն) Աստված, Աստվածահայր: 2. Մայր Անահիտ –մայրության եւ պտղաբերումի Աստվածուհի, Աստվածամայր: 3. Վահագն –ռազմի ու զորության Աստված: 4. Աստղիկ –սիրո (նաեւ գեղեցկության) Աստվածուհի: 5. Միհր – արդարադատության Աստված: 6. Նանե – ողջախոհության Աստվածուհի: 7. Տիր – իմաստնության (դպրության ու գիտության) Աստված: 8.Վանատուր –հյուրընկալության եւ հյուրասիրության (օջախի) Աստված…

2. Ազգադավությունը կհասցնի ինքնակործանման – Բայց ո՞վ է տվել այն երաշխիքը, որ Անկարան չի սպասում մեր քաղաքացիների այն սովորույթի ամրագրմանը, թե թուրքական սնունդը երբեք չի կարող թունավորված լինել կամ…

3. Ռազմա-քաղաքական քարտեզային պատերազմներ – Մերձավոր Արեւելքում քրիստոնեական միավորված զինուժ եւ համաարիական միացյալ դաշինք… Հայկական (Ցեղասպանության կանխարգելման) բանաձեւն ընդունվեց ՄԱԿ-ում…

4. Երբ խոսում է «հոգեկան խանգարում ունեցող»-ը կամ բանից անտեղյակը – ՀՀՇ-ական իշխանությունը ոչ թե մի քանի տարում, մի քանի օրում, այլ մի քանի ժամում միլիոնատեր դառնալու «հեղինակային» գյուտ ունի արված.- մոռացե՞լ են ազգային թալանի սկիզբը դրած ոչ անհայտ դեմքերը…

5. Հայ արիները կնշեն ավանդական Զատիկը՝ Աստվածամայր Անահիտի Հրաշագործության տոնը… Շնորհավո՛ր տոնդ հայուհի՝ հայ մայր, կին, քույր եւ դուստր… www.hayary.org-ը եւ «Լուսանցք» շաբաթաթերթը՝ հայ ազգայնականության եւ ազգային հավատի դիրքերից…

6. Նիցշեն եւ Հայաստանը (2-րդ մաս) – Հայկական լեռնաշխարհը դիտել են որպես Մեծ ջրհեղեղից՝ ջրից դուրս մնացած կղզի, աշխարհի կենտրոն, արեւի ու անմահության երկիր, Աստվածային կացարան՝ որտեղ անմահության ծառն է գտնվում… ուր Արարչի ընտրյալներն են ապրում…

7. Կարդալու արվեստն ու արհեստը – Ով՝ ինչի համար է գիրքը ձեռքն առնում եւ ի՞նչ է նշանակում «Գիրք կարդալը նորաձեւ է» իմաստազուրկ գովազդը… Ջինսից էլ նորաձեւ – Շորի գույնի գրքով զբոսնող աղջիկները…

8. Հայկական խոհանոց – Արիշտայով ապուր – (Էրիշտե ապուր – Բասենի խոհանոց)… Աշխարհի մարզական հեւքից… Այցելե՛ք եւ օգտվե՛ք ՀԱՄ պաշտոնական կայքից… Կարդացե՛ք եւ բաժանորդագրվե՛ք «Լուսանցք»…

Հնդկական Աստվածներ

Սկիզբը՝ թիվ 9-10-ում

– http://www.hayary.org/wph/?p=4738 – Արարչական Համակարգի մյուս Բնածին Աստվածները (2-րդ մաս) – Հնդկական Աստվածներ… Արմեն Ավետիսյան, Հայ Արիական Միաբանության առաջնորդ

– http://www.hayary.org/wph/?p=4721 – Արարչական Համակարգի մյուս Բնածին Աստվածները (1-ին մաս) – Հնդկական Աստվածներ… Արմեն Ավետիսյան, Հայ Արիական Միաբանության առաջնորդ

– http://www.hayary.org/wph/?p=4708 – (ամբողջական հոդվածը («Լուսանցք» թիվ 2-8 (348-354), 2015թ.)) – Հայ Աստվածների փնտրտուքը՝ բնածին ու արհեստածին հավատալիքների սահմանագծին (Արմեն Ավետիսյան, Հայ Արիական Միաբանության առաջնորդ).– Հայ Աստվածները  –Հայկական Աստվածային Համակարգ՝  1. Հայր Արա – Հայր (Գերագույն) Աստված, Աստվածահայր: 2. Մայր Անահիտ – մայրության եւ պտղաբերումի Աստվածուհի, Աստվածամայր: 3. Վահագն – ռազմի ուզորության Աստված: 4. Աստղիկ – սիրո (եւ գեղեցկության) Աստվածուհի: 5. Միհր – արդարադատության Աստված: 6. Նանե – ողջախոհության Աստվածուհի: 7. Տիր – իմաստնության (դպրության ու գիտության) Աստված: 8. Վանատուր – հյուրընկալության եւ հյուրասիրության (օջախի) Աստված…

Պրանա (Կաղապար, Lang-sa, prana IAST), սանկսկրիտերեն բառ է, նշանակում է ներշնչում, շնչառություն, կյանք, կենսագործունեություն, քամի, էներգիա, ուժ։ Հոգնակի թվով (պրանաներ) այս տերմինը կիրառվում է մարդու՝ կենսականորեն կարեւոր էներգետիկ կենտրոնների, դրանցով էներգետիկ հոսքերի ու այդ հոսքերի՝ մարդու վրա ունեցած ազդեցությունների մասին խոսելիս։

Անվան ստուգաբանությամբ այս բառի հիմքում երկու սանսկրիտերեն բառեր են. «Պրանա»՝ կենսաուժ կամ կենսատեւ ուժ, մասնավորապես շնչառությունը, եւ «այամա»՝ արտամղում, դուրս բերում (սակայն կա թարգմանության եւ այլ տարբերակ, «յամ» բառի, որ նշանակում է՝ սանձում, կառավարում։ Հաճախ Պրանայամա բառը հենց այսպես է թարգմանվում սանսկրիտից, ինչը մինչեւ այժմ բանավեճերի առիթ է թարգմանիչների շրջանում։ Հարկ է նշել, որ Պրանայամայի ընթացքում հավասարապես կարեւոր են թե օդի / պրանայի արտամղումը, թե ներմղումը, թե դադարները արտամղումից ու ներմղումից հետո, ուստի իմաստային առումով առավել հարմար է հենց թարգմանության երկրորդ տարբերակը։

Եթե կարճ պատմական ակնարկ անենք, ապա Պրանայամայի ակունքները հինավուրց Բհարատում են, այսինքն՝ Հնդկաստանում, ուր հազարամյակներ առաջ ծնունդ է առել ու զարգանալով մինչեւ մեր օրերը հասել Յոգա գիտությունը (որ Հայաստանից է տարածվել Հոգի-Յոգի(հին հայերենով)-Յոգա՝ Հոգու գիտություն)։ Պրանայաման Յոգայի 8 հիմնական փուլերից մեկն է՝ 4-րդը։ Պրանայամայի ուսանումն ու տիրապետումը բարդ եւ համակարգված գործընթաց է ու ենթադրում է հմուտ եւ փորձառու մասնագետի առկայություն, այլապես կարող է օգուտի փոխարեն վնաս հասցնել կիրարկողին։ Պրանայաման չի կարելի շփոթել այժմ մոդայիկ դարձած շնչառական մարմնամարզության զանազան տեսակների հետ, քանի որ դրանցում գերակայող դինամիկ վարժություններն անհամեմատ մեղմացնում, թուլացնում են մարդու շնչառական եւ այլ համակարգերի փոխշաղկապված ակտիվացումը, եւ հետեւաբար, չեն կարող բերել այն էական ազդեցությանը, որին կարող է բերել հմուտ վարպետի ուղեկցմամբ կատարված Պրանայաման։ Պրանայամայի մասին հիշատակումներ կան բազմաթիվ հինդուիստական ձեռագրերում, սակայն ամենից հեղինակավոր հիմնաղբյուր է հանդիսանում Պատանջալի Իմաստունի (մ.թ.ա. մոտ 2-րդ դարի կեսեր) հեղինակած «Յոգա Սուտրա» աշխատությունը, որում ասացվածքների ոճով գրի են առնված Յոգայի մասին հազարամյակներով բերնեբերան փոխանցված գիտելիքները, որոնց հիմնաղբյուրն են համարվում Չորս Վեդաները։    Continue reading →

«Լուսանցք»-ը հաճախ է անդրադառնում թուրքական ամենատարբեր ապրանքների ներկրմանը, ինչը քաղաքական ու տնտեսական ներխուժումներից զատ նաեւ ազգային անվտանգության եւ այլաբնույթ խնդիրների է առնչվում:

Քաղաքականը հստակ է (որ նաեւ ռազմա-քաղաքական է)՝ յուրաքանչյուր լուման, որ հայկական կողմից մտնում է թուրքական գանձարան, արագորեն վերածվում է նաեւ զենք-զինամթերքի, որը թուրքական աջակցությամբ գործածվում է հայ-ադրբեջանական սահմանային հատվածներում, որտեղ գրեթե ամեն օր սահմանախախտումներ են լինում, զոհվում կամ վիրավորվում են հայ զինվորականները (թերեւս մերձավորարեւելյան հատվածում էլ է այդ գումարը ներդրվում՝ սնելով իսլամական ծայրահեղականներին, որոնք լծվել են նաեւ հայության եւ հայկական արժեքների ոչնչացման գործին):

Տնտեսական առումով վնասը եւս ակնհայտ է, էժան ու անորակ թուրքական հագուստներն անարգելք Հայաստան են մտնում եւ դառնում հայկական նորաձեւության «նշխարներ»: Առանց չափազանցության պիտի նշենք, որ անգամ Հայաստանում արտադրվող որակյալ հագուստների (նաեւ որոշ եվրոպական, չինական ու այլ երկրների) վրա թուրքական պիտակներ են կպցվում երբեմն, որ առեւտուրը լավ ընթանա (սա վաճառողների բացատրությունից է)… Ահա թե ուր է հասել անհեթեթությունը… Ասում են՝ անգամ թուրքական խանութներ կան Երեւանում (կամ միայն թուրքական ապրանքներ վաճառող) ու հենց մեր մայրաքաղաքից են սնում Անկարային…

Իսկ ազգային անվտանգության հարցը հատկապես առողջապահական ոլորտին է առնչվում: Շատերի կարծիքով ոչ մի վտանգ չկա, երբ թուրքական սնունդը առանց ստուգման, երրորդ երկրներից բերվում է Հայաստան: Բայց ո՞վ է տվել այն երաշխիքը, որ Անկարան չի սպասում մեր քաղաքացիների այն սովորույթի ամրագրմանը, թե թուրքական սնունդը երբեք չի կարող թունավորված լինել կամ տարբեր հիվանդություններ չի առաջացնի մեր բնակչության մոտ՝ այն գործածելու ընթացքում… Continue reading →

Մերձավորարեւելյան սրացումները ամեն անգամ վեր են հանում աշխարհի վերաձեւման հերթական ծրագիրը, երբեմն նաեւ ծրագրերը՝ տարբեր քարտեզներով: (քարտեզները տեսնել այս համարի PDF տարբերակում)

Եվ երբ Թուրքիայի մասնատման խնդիրն է առաջ քաշվում, անպայման արծարծվում է երբեւէ չգոյ Քրդստանի «վերականգնման» հարցը:

Վերջերս ամերիկացիները տարածել են նաեւ Հայաստանի՝ իրենց նախատեսած քարտեզը… Չկան Վրաստանն ու Ադրբեջանը, իսկ Հայաստանը ծովային երկիր է: Ամերիկյան Business Insider բլոգը հրապարակել է Մերձավոր Արեւելքի քարտեզը՝ ըստ ԱՄՆ-ի նախագահ Վիլսոնի տեսլականի:

1919թ. Վիլսոնը մեծահարուստ Քրեյնի եւ աստվածաբան Քինգի հետ կազմել էր քարտեզ, որով տարածքները պետք է տնօրինվեին Օսմանյան կայսրության վերացումից հետո: Աղբյուրը նկատում է, որ դա հսկայական փորձություն էր ազգերի ինքնորոշման սկզբունքի առումով, որի ջատագովն էր ԱՄՆ նախագահ Վիլսոնը:

Եվ այժմ աղբյուրն առաջարկում է մի պահ պատկերացնել 2015թ. Մերձավոր Արեւելքը՝ ըստ այն ժամանակվա նախագծածի: Ըստ այդմ՝ մեր տարածաշրջանում գերիշխում է Հայաստանը՝ ելքով դեպի Սեւ ծով:

Ադրբեջանը եւ Վրաստանը՝ որպես տարածքային միավորներ նախատեսված չեն, սակայն փոխարենը կա Քրդստան: Հայաստանի հարեւաններն են Քրդստանը, Իրանը, Թուրքիան եւ Ռուսաստանի կայսրությունը:

Ի դեպ, Հայաստանը նշված է որպես ամերիկյան մանդատային պետություն, ինչը փորձ է նաեւ իրավական տեսանկյունից վերադառնալ Վիլսոնի գծած քարտեզին…

Սա գուցե նոր նետված քար է՝ բողոքի եւ հավանության տեսակետները հավաքելուն ուղղված:

Ամեն դեպքում, Արեւմուտքը եւ Իսրայելը դեռ չեն պատկերացնում Թուրքիայի մասնատումը առանց Քրդստանի ստեղծման: Քրդերը եւս Իսրայելից երես չեն թեքում՝ հասկանալով, որ արաբական աշխարհի հետ խնդիր ունենալով հանդերձ, նրանք առանց պատմական արդարության հիմքի՝ կարող են տիրանալ մի մեծ երկրի: Իսկ այդ դեպքում, ոչ միայն թուրքերն են թուլանում, այլեւ հայկական գործոնն է կրկին հետին պլան մղվում, իսկ արաբներն այդ ժամանակ ուզեն, թե չուզեն, պիտի հաշտվեն Քրդստանի լինելիության հետ: Բայց դա կնշանակի նաեւ Իրաքի եւ Սիրիայի տրոհում, ինչն էլ Իսրայելի բուն նպատակն է՝ թուլացնել արաբական աշխարհը: Այնուհետեւ, հերթը Իրանին կհասնի:

Սրանք պարզապես խոսակցություններ չեն, եւ Հայաստանի հետ միասին մտածելու բաներ ունեն նաեւ արաբներն ու պարսիկները:   Continue reading →

Երբ քաղաքական ասպարեզում ճամարտակող գործիչների համար այլեւս անելիք չի մնում, հին ու նոր խոստումնալից երգերն արդեն մի քանի անգամ անհույս երգված են լինում, ապա այդ բեմարվեստի քաղաքականացված վարպետներն իրենց տեղում մնալու համար դիմում են ամեն քայլի, որպեսզի կարողանան հայտնվել ուշադրության կենտրոնում: Այո, սրանց մասին քաղաքական գործիչ ասելը սխալ է, այսպիսիները քաղաքականացված անձինք են, որ մտել են ասպարեզ՝ «քաղաքականությունը պոռնկություն է» սկզբունքը պաշտպանելու եւ դա կենցաղ մտցնելու համար: Խցկվելով քաղաքականություն՝ այդպես էլ քաղաքական գործչի մակարդակի չեն ձգում, չնայած ամեն ինչ անելով՝ դեռ մնում են բեմահարթակում, բայց՝ ընդամենը քաղաքական թատերաբեմի վրա:

Երեւի 1988-ից Թատերական հրապարակը սրանց ներսում այդպիսին էլ մնացել է, չնայած վաղուց Ազատության ու Անկախության հրապարակ է դարձել…

«Լուսանցք»-ը երբեմն անդրադառնում է մեր դաժան տարիներին, ՀՀՇ-ական անցյալին ու ներկային ու որեւէ լուրջ տարբերություն չի նկատվում, ավելին՝ այդպես դիմակավորված էլ փորձում են գնալ դեպի ապագա՝ կեղծ ու շինծու հայրենասիրությամբ, ժողովրդավարության ամբոխավարացմամբ:

Այն՝ որ ՀՀՇ կազմակերպությունը ՀԱԿ-ի է վերածվել, դա միայն անվանափոխութուն է, ուրիշ ոչինչ: Նույն առաջնորդն է գլուխը՝ Լեւոն Տեր-Պետրոսյանը, ով նույն ապազգային կերպարն է՝ ազգային գաղափարախոսությունը կեղծ քաղաքական կատեգորիա հռչակած, մշտապես հայկական պահանջատիրությանը դեմ հանդես եկող եւ թուրքական բարեկամության իր քարոզներով հայտնի: Վաղուց պարզ է, որ դա օտարի ֆինանսա-քաղաքական պատվերով է կատարում, բայց միանշանակ բխում է ՀՀ 1-ին նախագահի ու ՀԱԿ-ի առաջնորդի, ինչպեսեւ՝ նրա թիմակիցների սրտից: Այլապես գոնե վերջինիս շարքերում ընդվզում կլիներ:

Continue reading →

Հայ արիները կնշեն ավանդական Զատիկը՝ Աստվածամայր Անահիտի Հրաշագործության տոնը

Ըստ Հայ Արիական Միաբանության լրատվական կենտրոնի հաղորդագրության, այս տարի ապրիլի 5-ին է նախատեսված ավանդական Զատիկի տոնը:

Հայ Արիական Միաբանության եւ Հայ Ազգայնականների Համախմբման անդամները Մեծամորի տարածքում (Մեծամոր – Մեծ Մոր – Աստվածամոր – Մայր Անահիտի) կնշեն Զատիկը, որ նշվում է նաեւ որպես Աստվածամայր Անահիտի Հրաշագործության տոն:

Հայ Արիական Միաբանության Հոգեւոր հանձնախմբի քրմերն ու քրմի թեկնածուները կկատարեն ծիսական արարողություն եւ կփառաբանեն Մայր Անահիտին, Ով իր Աստվածային գործառույթով ապահովում է բնության գունագեղությունն ու ծաղկունքը:

Մայր Անահիտը նաեւ բերքատվության եւ ամենայն բերրիության, պտղաբերության եւ մայրանալու Աստվածուհին է, եւ հայ արիականներն ու ազգայնականները Աստվածամորը կդիմեն՝ բազմազավակ ու բարգավաճ ընտանիքներ ունենալու մեծ ակնկալությամբ:

Հայ արիականներն ու ազգայնականները ծիսական արարողությունից եւ կրակի վրայով, երազանքներ պահած, թռչելուց հետո, գույնզգույն ներկված ձվերով ձվախաղ կկազմակերպեն, որը կավարտվի ազգային երգ ու պարով, գինեձոներով, ծիսական փառաբանումներով՝ վասն եւ ի փառս Հայ Աստվածների եւ Տիեզերքի Արարչի: Վասն ազգի բարգավաճման եւ ծաղկունքի:

Հայ Արիական Միաբանությունը եւ Հայ Ազգայնականների Համախմբումը շնորհավորում են նաեւ Հայաստանի ասորական համայնքին՝ Հաբ-Նիսանի կապակցությամբ:   

Այս տոնն ասորիների համար Նոր տարվա տոն է, շնորհավորանքները նաեւ ամանորյա են: Հաբ-Նիսանը սիրո, բերկրանքի ու պտղաբերության տոն է, որը խորհրդանշում է նաեւ բնության վերածնունդը:

Շնորհավո՛ր տոնդ հայուհի՝ հայ մայր, կին, քույր եւ դուստր    Continue reading →

Սկիզբը՝ թիվ 10-ում

http://www.hayary.org/wph/?p=4731 – Նիցշեն եւ Հայաստանը (1-ին մաս) – Նիցշե երեւույթը խորախորհուրդ է՝ երբեմն գաղտնագրության աստիճանի բարուրված ու զգեստավորված – Քուրմ Մանուկ (Հայ Արիական Միաբանություն)… Քրմի սիրո ուխտ՝ Գառնո տաճարում…

Ինչպես արդեն գիտենք, Նիցշեի մարգարեի համար երկրի միակ սրբազան վայրը իր «հայրերի ու մայրերի երկիրն» է: Դժվար չէ, հետեւաբար, կռահել, որ նա իր՝ աշխարհն իսկությամբ տեսանող երազում հայտնվել է ոչ այլ տեղ, քան իր նախնյաց երկրում, որն այս անգամ նրան հայտնվել է իր ժայռեղեն պատկերով:

– Այդ «ժայռի» խորհուրդն ու տեղը Զրադաշտը ավելի է որոշակիացնում «Յոթ կնիքները» (Կամ՝ Ամեն-ի եւ Այո-ի երգը)» դրվագում ներկայացված իր մեկ այլ ոգետեսիլքում, որն ասում է այն մասին, որ այն նրանում առաջացել է ոչ որպես զուտ երեւակայական կամ պատահական պատկեր, այլ խորհրդալից ինչ-որ բան. «Ես գուշակ եմ եւ լցված այն ոգով կանխագուշակ, որը շրջում է զույգ ծովերի միջեւ ձգվող բարձր լեռնաթմբին,– շրջում անցյալի ու գալիքի միջեւ, որպես ծանրածանր մի ամպ,- թշնամի հեղձուկ հարթավայրերին եւ այն ամենին, ինչը հոգնած է եւ ոչ մեռել կարող է, ոչ էլ ապրել մռայլ ծոցում պատրաստ կայծակին եւ փրկարար լույսի ճառագայթին, կայծակներով հղի, որ Այո՜ են ասում, Այո՜ են ծիծաղում, կայծակնային կանխագուշակ ճառագայթներին պատրաստ,- սակայն երանելի՜ է նա, ով այդպես է հղի. եւ արդարեւ, երկար պետք է կախվի լերանց վրա, հանց ծանր որոտ, ով մի օր պետք է վառի լո՜ւյսը գալիքի – Օ, ինչպե՞ս հավերժությունը ես տենչում եւ մատանիների մատանի՜ն հարսանեկան,- մատանին վերադարձի: Երբեք դեռ չեմ գտել ես այն կինը, ումից զավակներ ուզենայի,- եթե ոչ կինն այս, ում ես սիրում եմ. զի ես սիրում եմ քեզ, օ, հավերժություն»²⁰:

– Մենք դեռ կանդրադառնանք «Յոթ կնիքները (Կամ. Ամեն-ի եւ Այո-ի երգը)»-ի հաջորդ հատվածներին, որոնցում երգի՝ որպես գուշակ հանդես բերվող Զրադաշտը հիշում է իր՝ «երբեւէ» ապրած աստվածամարդկային կյանքի դրվագները. այստեղ բերված հատվածի առանձին մասերի վրա մեր ուշադրությունը կենտրոնացնենք: – Պարզվում է, կանխագուշակ՝ գալիքն ու անցյալը տեսանող ոգով լցված գուշակ Զրադաշտը հեռաթափանցողական իր տեսիլքում շրջում է երկու ծովերի միջեւ գտնվող բարձր լեռների թմբին կամ, այլ կերպ ասած, լեռնաշխարհում: Հենց այդ՝ կարծես աստվածավայր, կարծես իդեալական դիտակետ տեղանքից է նրա ոգին ազատորեն «շրջում անցյալի ու գալիքի միջեւ», շրջում՝ «որպես ծանրածանր մի ամպ», պատրաստ շամփրելու այն ամենը, ինչը հարթավայրային է, այն ամենը, ինչը վտիտ է ու մեռելային, պատրաստ՝ միաժամանակ լինելու կայծակ ու Այո ասող, Այո ծիծաղող «փրկարար լույսի ճառագայթ»: Նիցշեի Զրադաշտը երանելի է համարում նրան, ով «լերանց վրա» շրջող կանխագուշակ ոգով՝ «ծանրածանր մի ամպ»-ով է հղի, որը դեռ «երկար պետք է կախվի լերանց վրա», որ մի օր «վառի լո՜ւյսը գալիքի»: Իմաստասերի հոգեզավակը, փաստորեն, «լերանց» հետ է կապում իր հավերժությունը, իր սկզբին վերադարձը, որը նրա ոգետեսիլքում հայտնվում է հարսանեկան  մատանիների մատանու՝ վերադարձի  մատանու կամ սիրելի կնոջ՝ միայն ումից կցանկանար զավակներ, հավերժի՜ զավակներ, ունենալ, տեսքով:    Continue reading →

Կարդալու արվեստն ու արհեստը – Ով՝ ինչի համար է գիրքը ձեռքն առնում

Մարդիկ մտածում են, որ երիտասարդները քիչ կամ ընդհանրապես չեն կարդում: Բայց այսօր նորաձեւ է նաեւ քննարկելը, թե՝ գիրք կարդալը նորաձեւ է դառնում: Նույնիսկ գիրք նվիրելու օր ունենք՝ փետրվարի 19-ը: «Նվիրելուց» առաջ փորձեցի պարզել, թե ո՞վ եւ ի՞նչ է կարդում:

«էտքան կարեւոր չի՝ ինչ ժանրի, այլ թե ինչքան հետաքրքիր գիրք ես կարդում: Ես հաստ գրքեր եմ սիրում, որ ուշ վերջացնեմ: Օրինակ՝ գիշերներ չեմ քնել «Աննա Կարենինա»-ի օրոք: Սկսեցի Վիլյամ Սարոյանի «Մարդկային կատակերգությունը» ու զգացի, որ հանդիպել եմ իմ սիրելի գրողին: Ամեն էջից հետո չեմ հարցնում՝ ինչ վերցրեցի, էտ հետագայում ա երեւում, երբ հրաշալի սխալները անում ու ճիշտն եմ սովորում»,- ասում է Խ. Աբովյանի անվան մանկավարժական պետական համալսարանի կուլտուրայի ֆակուլտետի ուսանողուհի Տաթեւը:

Տաթեւի էջանիշը (2 տարի արտադրությունից դուրս մնացած, արդեն չսպասված, բայց մամայի որոնման արդյունքում գտնված նվերը) դեռ «Վեսլի Ջեքսոնի արկածները» գրքում է: Ապագա լրագրողը 8 թերթանոց ցանկ ունի, որի հետեւից չի հասցնում հասնել: Անգամ տրոլեյբուսում պապիկներն են առաջարկներ անում, օրինակ՝ Ջեկ Լոնդոնի «Զսպաշապիկը», որը դեռ առաջարկ է մնացել: Ստիպված միանգամից մի քանի գիրք է թերթում: Հիմա զուգահեռ Պոզների  «Նպատակը վարում է կյանքը» հոգեբանական ուղեցույցն է կարդում՝ ճիշտ ապրելու մասին, բայց ծիծաղելով ասում է, որ էն հարաբերական ճշտի մասին էլ չի մոռանում: Հաջորդը կկարդա՝ «Ջոնթն Լիվինգսթոն անունով ճայը», «Ավազուտների կինը», «Թախիծը»:

«Ես խորհուրդ եմ տալիս կարդալ «Մարդկային կատակերգությունը», «Անասնաֆերման» եւ «Փոքրիկ իշխանը», չէ՝ «Փոքրիկ իշխանը», հետո՝ «Անասնաֆերման»: Թշնամուս կառաջարկեմ Հեմինգուեյի՝ «Երբ ծագում է արեւը», որովհետեւ արտաքինից հաստ չի, բայց «արեւը տենց էլ չծագեց»: Կարճ ասած՝ էս գործը թշմանուս պես չսիրեցի՝ ո՛չ պատում կար, ո՛չ հերոսներ: Ավելի լուրջ՝ մտածում եմ, որ ես չեմ հասկացել: Թող կարդա պոեզիա, որովհետեւ ես դրա մեջ պատմություն չեմ տեսնում, կամ թող ոչինչ չկարդա, այ դրան է արժանի»,- ծիծաղելով ավելացնում է Տաթեւը:

Ռեալ ու անմիջական սյուժեների սիրահար Տաթեւը նույնիսկ ուզեցել է իր ընկերուհու մասին գրել, բայց համարձակ հերոսուհու պատմությունը չկա, որովհետեւ իր համարձակությունը չի բավարարել:

72 տարեկան տատիկը, ով Հարավ-արեւմտյան թաղամասի իմ բակից է, ոգեւորված պատմում է, որ «Տրիստան եւ Իզոլդա»-ն 2 ժամում է վերջացրել, հիմա երիտասարդները ամենաքիչը 2 ժամ են համակարգչից հեռու լինում. «Պետք է հայրենասիրական գրքեր կարդալ, ասենք՝ «Մուսա լեռան 40 օրը», որ դադարեն միայն իրենց սիրել»:    Continue reading →

Հայկական խոհանոց – (Ներկայացնում է «Արվասար» ռեստորանի (Ամիրյան 27) տնօրեն Ռուզաննա Նահապետյանը, հեռ` 531-027, 531-028) – (ռեստորանն ընդունում է կոլեկտիվ հայտեր)

Խոհանոցը ազգի մշակույթի կարեւորագույն հիմքերից է: Տե՛րը լինենք մեր պատմության:

– Արիշտայով ապուր – (Էրիշտե ապուր – Բասենի խոհանոց)

Բաղադրությունը – Կարտոֆիլ – 2 հատ, սոխ  – 1 գլուխ, կանաչ սոխ  – 0.5 կապ, կարմիր փոշի պղպեղ, աղ, արիշտա – 150 գ, ձու – 1 հատ, չոր ռեհան:

Պատրաստման եղանակը – 2 լ ջուր եռացնել: Մեջը գցել կտրտած կարտոֆիլը:

Առանձին գլուխ սոխը սոխառած անել, ավելացնել կտրտած կանաչ սոխը, կարմիր փոշի պղպեղը, աղը: Սոխառածը լցնել եռացող ջրի մեջ: Արիշտան էլ լցնել մեջը, նաեւ՝ հարած ձուն եւ վերջում ավելացնել չոր ռեհանը:

* * *

Աշխարհի մարզական հեւքից –

Աշոտ Դանիելյանը նվաճեց աշխարհի գավաթը

Մոսկվայում կայացավ Սամբոյի աշխարհի գավաթի խաղարկությունը՝ «Խառլամպիեւի հուշամրցաշարը», որին այս տարի մասնակցում էր 35 պետության շուրջ 300 մարզիկ: Այս հեղինակավոր մրցաշարին Հայաստանը մասնակցեց ուժեղագույն մարզիկներով, ուստի ուրախալի է, որ մրցումների հենց առաջին իսկ օրը, մեր ամենահեղինակավոր մարզիկ Աշոտ Դանիելյանը գերազանց անցկացրեց մրցելույթները եւ 90 կգ քաշային կարգում դարձավ մրցաշարի հաղթող ու նվաճեց աշխարհի գավաթը: Մեկ մեդալ էլ նվաճեց Վահե Օթարյանը՝ 52 կգ քաշային կարգում գրավելով 3-րդ տեղը:

Արցախցի սամբիստն առաջինն էր՝ նա չեմպիոն էր եւ տպավորիչ ու հուզիչ ստացվեց նաեւ պարգեւատրման արարողությունը։ Պատվո պատվանդանի վերին հարթակին կանգնած էր Արցախում բնակվող Աշոտ Դանիելյանը, հպարտ, ձեռքը՝ սրտին:

Այս հաղթանակը եւ հաղթական պահը փորձեց թուրքավարի փչացնել ադրբեջանցի մարզիկը, ով 3-րդ տեղն էր զբաղեցրել: Որպեսզի հարգանքի տուրք չմատուցի Հայաստանի Հանրապետությանը, նա մեր օրհներգի հնչելու պահին ծնկել էր։ Սա մի անառողջ տեսարան էր, որին անգամ դահլիճում նստած մյուս հաղթած մարզիկներն էին քմծիծաղով հետեւում:    Continue reading →

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան  – http://www.hayary.org/wph/?p=2223  (https://www.facebook.com/armenuhi.melqonyan 

1. Արարչական Համակարգի մյուս Բնածին Աստվածները (2-րդ մաս) – Հնդկական Աստվածներ… Արմեն Ավետիսյան, Հայ Արիական Միաբանության առաջնորդ

– http://www.hayary.org/wph/?p=4721 – Արարչական Համակարգի մյուս Բնածին Աստվածները (1-ին մաս) – Հնդկական Աստվածներ… Արմեն Ավետիսյան, Հայ Արիական Միաբանության առաջնորդ

– http://www.hayary.org/wph/?p=4708 – (ամբողջական հոդվածը) – Հայ Աստվածների փնտրտուքը՝ բնածին ու արհեստածին հավատալիքների սահմանագծին  (Արմեն Ավետիսյան, ՀԱՄ առաջնորդ).– Հայ Աստվածները  – Հայկական Աստվածային Համակարգ՝  1. Հայր Արա – Հայր (Գերագույն) Աստված, Աստվածահայր: 2. Մայր Անահիտ – մայրության եւ պտղաբերումի Աստվածուհի, Աստվածամայր: 3. Վահագն – ռազմի ու զորության Աստված: 4. Աստղիկ – սիրո (եւ գեղեցկության) Աստվածուհի:  5. Միհր –արդարադատության Աստված: 6. Նանե – ողջախոհության Աստվածուհի: 7. Տիր – իմաստնության (դպրության ու գիտության) Աստված: 8. Վանատուր –հյուրընկալության եւ հյուրասիրության (օջախի) Աստված…

2. Հայոց Ամանորի Վահագնականչը՝ Արեւելյան ու Արեւմտյան Հայաստան-ներ ում… Ավետիս՝ բոլոր արիական ազգերին – Շնորհավոր Ամանորը՝ բնական տարեփոխությունը եւ գարնան տոնը… Արեւի խավարումը տիեզերակա՛ն երեւույթ է… Երկնաքար է անցել Երկիր մոլորակի կողքով…

3. Բաց դիմում՝ Մայրության տոնին ընդառաջ – Պետական ուշադրություն՝ Նծդեհածին մոր՝ Տիրուհի Գյուլնազարյանի շիրիմի նկատմամբ… Նժդեհի նամակներից… Նժդեհի մոմե արձանը՝ Մայր Հայաստան զինվորական թանգարանում…

4. Թյուրքական ազնիվ խոսքը յաթաղանի ծայրին է – Եվրամիության ու Եվրասիամիության ջատագովները սա պիտի հաշվի առնեն… Հայաստանը պիտի նպաստի երկբեւեռ աշխարհի առաջացմանը… Արմեն Ավետիսյան, Հայ Արիական Միաբանության առաջնորդ

5.Համաշխարհային ճգնաժամի սպասումով – Համաշխարհային 2-րդ բեւեռը պահելու ճանապարհին Մոսկվան Վաշինգտոնին սպառնացել է միջուկային պատերազմով…

6. Ինչու Ռուսաստանը չի՛ ներում Հայաստանին – Ո՞ր երկրների պարտքերն է «ջնջում» Մոսկվան՝ այդ ցանկում երբեք չներառելով դաշնակից եւ ռազմավարական գործընկեր Հայաստանին…

7. Երբ ցեղասպանելը արյան մեջ է – Հույների եւ ասորիների ցեղասպանությունը Օսմանյան Թուրքիայում… Նաեւ եզդիների նկատմամբ իրականացված բռնությունները… Լեւոն Տեր-Պետրոսյանը միշտ էլ թուրքահաճ է մտածել… Ֆրանսիան ՄԱԿ ԱԽ-ում կպաշտպանի Իրաքի եւ Սիրիայի քրիստոնյաներին…

8. Նիցշեն եւ Հայաստանը (1-ին մաս) – Նիցշե երեւույթը խորախորհուրդ է՝ երբեմն գաղտնագրության աստիճանի բարուրված ու զգեստավորված – Քուրմ Մանուկ (Հայ Արիական Միաբանություն)… Քրմի սիրո ուխտ՝ Գառնո տաճարում…

9. Հիշենք մարդուն՝ գործչին ճիշտ մտապահելու համար – ՀՀ նախկին վարչապետ, ՀՀԿ  նախկին նախագահ Անդրանիկ Մարգարյանի մահվան 8-րդ տարելիցն է… Տարոն Մարգարյանը` արվեստի մեկենաս… Հայաստանը՝ Փարիզի գրքի տոնավաճառում… «Արտավազդ-2015»-ի մրցանակակիրները…

10. ՀԷՑ-ն էլ դատարկեցին Էլէներգիայի թանկացում է սպասվում – Հանրային ծառայությունները կարգավորող հանձնաժողովը եւս մեղավոր է… Մնաց մարենք (եվրապարտատոմսեր) անհամար պարտքերը… Համաճարակ չկա…

11. Հայկական խոհանոց – Ոսպը՝ կանաչ թանձրուկով… Հայաստանում չկա սուր շնչառական վարակների համաճարակ… Աշխարհի մարզական հեւքից… Այցելե՛ք www.hayary.org… Կարդացե՛ք եւ բաժանորդագրվե՛ք «Լուսանցք»…