Ներքին ապակայունության փորձն իսկ հղի է արտաքին վտանգներով

Հրապարակվել է Հեղինակ` ՀԱՄ

Մարտի 3-4-ը, Արցախի Մարտակերտի հյուսիս-արեւելյան հատվածում, ադրբեջանցիները փորձելով օգտվել մարտի 1-2-ին Երեւանում կատարված ներքաղաքական զանգվածային միջադեպերից ու բախումներից, խախտել են զինադադարը եւ անցել ԼՂՀ եւ Ադրբեջանի միջեւ հաստատված սահմանագիծը:

Ըստ ՀՀ պաշտպանության նախարարության մամուլի կենտրոնի հաղորդագրության, «մարտի 4-ին, ժամը 05:00-ի սահմաններում ԼՂՀ եւ Ադրբեջանի Հանրապետության շփման գծում՝ Մարտակերտից հյուսիս-արեւելք, Լեւոնարխ գյուղից 3,5 կմ հեռավորությամբ ադրբեջանական զինված ուժերը, խախտելով զինադադարի ռեժիմը, կրակ են բացել ԼՂՀ դիրքերի վրա, որի հետեւանքով վիրավորվել է պաշտպանության բանակի երկու զինվորական»: Այսքանով չբավարարվելով՝ ադրբեջանցիներն առաջանալով գրավել են առաջնային պաշտպանական հենակետերից մեկը: Արցախի զինված ուժերը պատասխան կրակ են բացել, դիմել են համարժեք գործողությունների եւ թշնամուն ստիպել են վերադառնալ նախկին դիրքերը: Այս մարտի ընթացքում ադրբեջանական կողմը կրել է կորուստներ՝ կան վիրավորներ եւ զոհեր: Մեր դիրքերում թողել են նաեւ մեծ քանակությամբ զենք եւ զինամթերք:

Շարունակել կարդալ →

Հայտարարություն իրավիճակի մասին

Հրապարակվել է Հեղինակ` ՀԱՄ

Մենք ակնկալում էինք, որ ՀՀ նախագահի հերթական ընտրությունն անցնելու էր ներքին լարված պայքարում եւ արտաքին ուժերն էլ, ինչպես միշտ, ունենալու են իրենց հետաքրքրությունները:
Սակայն, որ իսրայելա-անգլո-ամերիկյան դաշինքը փորձելու է վերախաղարկել 1988-1990թթ. ներքին ու արտաքին զարգացումները ու գրեթե այդ տարիների իրադարձությունների նմանությամբ ու դերակատարների օժանդակությամբ, անսպասելի էր թերեւս:
Անսպասելի էր, որովհետեւ Հայաստանը տարածաշրջանում հանդիսանալով Ռուսաստանի ռազմա-քաղաքական դաշնակիցը (ընդհանուր անվտանգության պայմանագրով՝ նաեւ ԱՊՀ մյուս երկրների), այնուամենայնիվ, գործընկերային լավ հարաբերություններ ունի ՆԱՏՕ-ի եւ Արեւմուտքի քաղաքական ղեկավարության հետ եւ կատարում է իր միջազգային, հատկապես Արեւմուտքի հանդեպ ստանձնած բոլոր պարտավորությունները, հաճախ` դրա հաշվին ոտնահարելով մեր ազգային-արմատականը, ինչի մասին մենք` հայ ազգայնականներս, միշտ բարձրաձայնել ենք ու դժգոհել: Բայց պարզվում է, սա էլ բավարար չէ արեւմտյան որոշ շրջանակների համար, եւ ահա, իսրայելա-անգլո-ամերիկյան դաշինքը, որը միակ ռազմա-քաղաքական ուղղությունն է որ ոչ միայն չճանաչեց ՀՀ նախագահի ընտրության արդյունքները, ինչն արեցին արեւմտյան եվրոպական ուղղությունն ու Ռուսաստանը, այլեւ` Հայաստանի արմատական ընդդիմության ղեկավարների միջոցով անցավ լուրջ հարձակման գաղափարա-քաղաքական ոլորտում, իսկ թուրքա-ադրբեջանական դաշինքի օժանդակությամբ` ռազմա-քաղաքական ոլորտում:
Մենք կարծում ենք, որ իսրայելա-անգլո-ամերիկյան դաշինքը ՀՀ իշխանությունների ու ժողովրդի վրա կիրառում է քաղաքական ներքին ու արտաքին ճնշումներ` որպեսզի.

 

Շարունակել կարդալ →

Միջուկային էներգետիկա. զարգացումներ. աշխարհ եւ տարածաշրջան

Հրապարակվել է Հեղինակ` ՀԱՄ

Մեծամորի ԱԷԿԶեկույց`
«Իրանի միջուկային խաղաղ ծրագիրը եւ գործունեությունը. ատոմային էներգիայի միջազգային գործակալության հետ համագործակցության որակը» Թեհրանում (2008թ. մարտի 9-ին) կազմակերպված միջազգային գիտաժողովի

* * *

Զեկույցը`Հայ Արիական Միաբանության առաջնորդ Արմեն Ավետիսյանի

Խորհրդատվությամբ` «Հայաստանի Հանրապետություն» պաշտոնաթերթի
տնտեսական թեմաներով գրող, վերլուծաբան Արմենուհի Մելքոնյանի

* * *

Միջուկային էներգետիկա. զարգացումներ. աշխարհ եւ տարածաշրջան

«Իրանի միջուկային խաղաղ ծրագիրը եւ գործունեությունը. ատոմային էներգիայի միջազգային գործակալության հետ համագործակցության որակը» միջազգային գիտաժողովի կազմակերպումը հստակ խոսում է այն քաղաքականության մասին, որ  միջուկային էներգիայի խնդիրը ընդհանրապես փակ թեմա չէ եւ այն կարելի է քննարկել: Իսկ քննարկումը, մանավանդ եթե այն իրանցի եւ օտարերկրյա փորձագետների ու իրավաբանների մասնակցությամբ է, արդեն ենթադրում է, որ այն բացառապես հետապնդում է խաղաղ նպատակներ:
Իրանը բազմիցս հայտարարել է այդ մասին եւ պատրաստակամ է շարունակել ՄԱԳԱՏԷ-ի (ատոմային էներգիայի միջազգային գործակալություն) հետ համագործակցությունը` միջուկային զենքի չտարածման պայմանագրի շրջանակներում: 

Շարունակել կարդալ →

Շնորհավորանք հայ կանանց

Հրապարակվել է Հեղինակ` ՀԱՄ
Ծաղիկ

Հայ Արիական Միաբանությունը շնորհավորում է հայ մայրերի, կանանց, քույրերի ու աղջիկների արդեն ավանդական դարձած «կանանց միամսյակը»՝ մարտի 8 – ապրիլի 7-ը, որի ընթացքում նշվում է ինչպես կանանց, այնպես էլ մայրության ու գեղեցկության տոնը:
Բոլորին մաղթում ենք սեր, հավատարմություն և հաջողություններ, առողջություն և երջանկություն անձնական կյանքում, ինչպես նաև՝ մայրանալու բեղունություն, ապահով, արժանապատիվ ու գնահատված կարգավիճակ` հանուն հայ ընտանիքների ու ազգի բարգավաճման:
Ցանկալի կլիներ, որ «կանանց միամսյակ»-ն ուղեկցվեր ազգային բնույթի տոնակատարություններով ու հայ կանանց՝ ԱրԷգԱկ-ի պաշտամունքի ամենօրյա դրսևորումներով, որպեսզի հայուհիներն իրենց իրական արժեքն իմանային հենց Արական և Է(Ի)գական Ակունքներում… Ու զերծ մնային սին «գենդերային» խաղերից՝ միշտ լինելով սիրված ու գնահատված իրենց կյանքի կեսերի կողմից:
Թող նրանք արժանանան հայ-արիական ընտանիքներին վայել գիտակցության իշխանությանն ապավինած ընտանիքների:
ՀԱՄ Գերագույն Խորհուրդ

Շարունակել կարդալ →

Հայտարարություն

Հրապարակվել է Հեղինակ` ՀԱՄ

Հայ Արիական Միաբանությունն իր մտահոգությունն է հայտնում մարտի 1-ի առավոտյան ժամը 6:00-7:00-ի սահմաններում Երեւանի Ազատության հրապարակում տեղի ունեցած բախման (ցուցարարների ու ոստիկանների միջեւ) հետ կապված, որի հետեւանքով կան բազմաթիվ տուժածներ, ձերբակալվածներ, վիրավորներ (ինչպես ցուցարարներից, այնպես էլ զինվորներից ու ոստիկաններից) եւ, ցավոք, զոհեր, որոնց հարազատներին հայտնում ենք մեր ցավակցությունը: Բախմանը հաջորդել են տարերային ցույցերը, որոնք շարունակականության մեջ նույնպես անկանխատեսելի են, քանզի անվերահսկելի էին այլեւս, եւ ցուցարարներն իրենց վրդովմունքն արտահայտելով սկսել են ջարդել ու հրկիզել իրենց ճանապարհին հանդիպած ավտոմեքենաներ, խանութներ եւ այլն, հակամարտության մեջ մտնելով նաեւ իրավապահների հետ:
Այս ամենից հետո ՀՀ գործող նախագահը մայրաքաղաքում հայտարարել է արտակարգ դրություն եւ իշխանությունները փորձում են վերականգնել երկրում խաթարված կարգ ու կանոնը:

 

Շարունակել կարդալ →

Բաց նամակ

Հրապարակվել է Հեղինակ` ՀԱՄ

Գարեգին Բ

ամենայն կաթողիկոսին Հայ Առաքելական Եկեղեցու

Արամ Ա

կաթողիկոս-պատրիարքին Տանն Կիլիկիո Կաթողիկե Հայոց

Մեծարգո Տիայրք, առաջնորդներ աշխարհասփյուռ հայ կրոնական համայնքների:


Հայ Արիական Միաբանությունը տարիներ շարունակ իր սերմնացանի առաքելությունն է իրականացնում հայոց մեջ, հայի հոգում, որպեսզի վերազարթնի Ծինը (Գենը) Հայոց Արարչաբնույթ: Վստահ ենք, որ առաջնորդները աշխարհասփյուռ հայ կրոնական համայնքների գիտեն իրական պատմությունն հայոց ու ծագումն հայոց: Խոսքն այն պատմության մասին է, որն առ այսօր էլ պարուրված է օտարածին շղարշով ու օտարահավատ ծագումնաբանությամբ:

Մենք՝ որպես երդվյալ արորդիներ, զինվորները Տիեզերքի Արարչի ու Հայ Աստվածների, Ազգի Հայոց, դիմում ենք Ձեզ՝ բացեք վերջապես ԱԶԳԻ աչքերը, մաքրագործեք արարչաբնույթ հոգին, հրաժարվեք հուդա-քրիստոնեական հակահայ հավատից ու հետ դարձեք՝ դեպի Աստվածներն Հայոց, դեպի Ամենայն Ստեղծին՝ Տիեզերքի Արարչին:

Շարունակել կարդալ →

Ցավակցական

Հրապարակվել է Հեղինակ` ՀԱՄ

Sibir Gevorg

Ձախից աջ` Հովիկ Վասիլյան և Սիբիր Գևորգ

Փետրվարի  23-ին երկրային կյանքից հեռացավ նվիրյալ հայորդի Գեւորգ Հակոբի Թաշչյանը: Շատերը նրան գիտեն որպես Սիբիր Գեւորգ: Ծնվել է 1927թ. նոյեմբերի 3-ին, Սիրիայի Հալեպ քաղաքում, արմատներով Զեյթունցի է: Ծնողները մազապուրծ փրկվելով 1915թ. ցեղասպանությունից՝ պատսպարվել էին Դեր Զորի անապատներում:
1946թ. ընտանիքով տեղափոխվել են հայրենիք: 1949թ. աքսորվել է Սիբիր (որի համար էլ ստացել էր իր մականունը):
Երեւան է վերադարձել 1956թ.: 1974թ. տեղափոխվել է Լիբանան, Բեյրութ, այնտեղից էլ՝ ԱՄՆ, Լոս Անջելես:
1965թ.-ից եղել է հայ մտավորականների ազգային շարժման մասնակից: Անդամակցել է Խորհրդային Հայաստանում գործող «Հայ Դատ» կազմակերպությանը: Ազգային-ազգայնական գործունեությամբ է զբաղվել նաեւ ամերիկահայության շրջանում:
Մինչեւ կյանքի վերջը մնաց իր գործին ու գաղափարներին հավատարիմ: Ցեղակրոն եւ հայ-արիական գաղափարների կրող էր:
Նվիրյալ հայորդու մահվան կապակցությամբ Սիբիր Գեւորգի հարազատներին իրենց ցավակցությունն են հայտնում.

Հայաստանից՝
Հայ Արիական Միաբանությունը,
«Հայ Դատ» կազմակերպությունը,
«Հայ Դատ» կազմակերպության եւ «Ազգային Վերածննդի» կուսակցության հիմնադիր նախագահ, նախկին քաղբանտարկյալ Հովիկ Վասիլյանը,
«Հանուն Հայրենիքի» հ/կ-ն,
Ազգային արժեքների պաշտպանության հանձնախումբը:

ԱՄՆ-ից՝
Հայ Արիական Բռունցքը,
«Հայկական ծագումնաբանական» ընկերակցությունը,
«Սփյուռք-Դիասպորա» կազմակերպությունը:

Բազմաթիվ անհատ ազգայնականներ Հայաստանից ու Սփյուռքից:

 

Շարունակել կարդալ →

Հայտարարություն

Հրապարակվել է Հեղինակ` ՀԱՄ

Հայ Արիական Միաբանությունը, մի շարք ազգայնական ուժերի հետ, նախընտրական ժամանակահատվածում հայտարարություն էր տարածել, որով ներկայացրել էր իր չեզոքությունը փետրվարի 19-ի ՀՀ նախագահի ընտրության վերաբերյալ՝ միեւնույն ժամանակ գնահատական տալով բոլոր 9 թեկնածուներին, նրանց գործունեությանը:

Հիմա, հետեւելով հետընտրական գործընթացներին, Հայ Արիական Միաբանության Գերագույն Խորհուրդը, խորհրդակցելով իրեն սատարող ազգայնական կառույցների ու խմբերի հետ, հայտարարում է, որ իշխանության եւ արմատական ընդդիմության հակամարտող անզիջում բնույթի մարտավարությունը հանգեցրել է մի իրավիճակի, որը հետզհետե խորացնում է հայ հանրության պառակտումն ու փոխադարձ անվստահությունը, ինչն էլ աններելի է ներկայիս պայմաններում, երբ միջազգային զարգացումները հատկապես հիմա (երբ ՀՀ նախագահի օրինական ընտրության խնդիրն է լուծվում) ուղղակի կամ անուղղակի ազդելու են ՀՀ ներքին կյանքի ու ԼՂՀ հարցի քննարկման վրա:

Այսօր, երբ հայ հանրությունը իր իշխանությունների միջոցով Կոսովոյի անկախության նախադեպը պիտի միջազգային քննարկման դներ՝ Արցախի խնդիրը մեկ աստիճանով էլ բարձրացնելու համար, թաղված է ներազգային հակամարտության մեջ:

Այս իրավիճակի շարունակականությունը միանշանակ հանգեցնելու է բախումների, արյունահեղության, որից գրեթե միշտ կարողացել է խուսափել հայությունը, իհարկե մասնակի դեպքեր եղել են, բայց չեն ծավալվել կողմերից մեկի ըմբռնողականության արդյունքում: Հիմա կարծես թե չկա որեւէ ըմբռնողականություն: Ուստի, Հայ Արիական Միաբանությունը հակամարտող կողմերին առաջարկում է՝

1. Համատեղ դիմել ՀՀ Սահմանադրական դատարան՝ ՀՀ նախագահի ընտրության օրինականության հարցը լսելու եւ վերջնական վճիռ կայացնելու համար: Եթե ընդդիմությունը չունի բավարար վստահություն Սահմանադրական դատարանի նկատմամբ, ապա հարցի քննարկմանը կարող են մասնակցել նաեւ բոլոր տեղական ու միջազգային դիտորդական առաքելությունները: Եթե ընդդիմությունը հրաժարվում է դիմել Սահմանադրական դատարան, ապա իշխանություններին առաջարկում ենք ցուցաբերել վեհություն եւ դիմել Սահմանադրական դատարան՝ հայության մի ստվար մասի կասկածները փարատելու նպատակով: Եթե իշխանությունները մտահոգվելու խնդիր չունեն, ապա հարցը իրավական հարթություն տեղափոխելը կբերի ամբողջ ժողովրդի վստահության վերականգնմանը:

2. Հայ Արիական Միաբանությունը իրեն աջակցող ազգայնական ուժերի հետ պատրաստ է նպաստել այս խնդրի փոխշահավետ քննարկմանը՝ եռակողմ բանակցություններում: Մեզ համար հայեր են ինչպես ընդդիմության, այնպես էլ իշխանությունների հարյուր հազարների հասնող համակիրները, եւ մեզ համար թանկ է ամեն հայի արյան ամեն մի կաթիլը: Մենք անհանգստացած ենք նաեւ մեր երկրի, պետության վարկով, որի միջազգային ասպարեզում բարձր լինելն այլեւս անհրաժեշտություն է:

3. Պատրաստ ենք միջնորդական առաքելությունը սկսելուց եւ հաջող ընթանալուց հետո հեռանալ բանակցություններից՝ այն թողնելով արդեն բանակցող կողմերի վրա, որը կողմերին թույլ կտա փոխադարձ խնդիրները ներփակել՝ առանց երրորդ կողմին դրանք ցուցանելու:

4. Կարեւորելով միջազգային դիտորդների գնահատականները եւ հնարավոր մասնակցությունն ու դերակատարումը ՀՀ Սահմանադրական դատարանում, այնուամենայնիվ, կարծում ենք, որ նրանց՝ միջազգային այդ դիտորդներին չպիտի տրվի միջնորդությունների ու միջամտությունների անհարկի իրավունք, ակամա արտաքին միջամտություն թույլ չտալու եւ Սահմանադրական դատարանի վճիռը հայոց անկախ պետականության ինքնուրույնության դրսեւորում ցուցադրելու համար:

Կողմերի արձագանքման պարագայում մենք կանցնենք մեր միջնորդական առաքելության իրականացմանը:


Շարունակել կարդալ →

Նախընտրական «համազարկ»-ից առաջ…

Հրապարակվել է Հեղինակ` ՀԱՄ

Ավարտին է մոտենում ՀՀ նախագահի թեկնածուների բուռն նախընտրական արշավը: Այս ընտրարշավն էապես, նաեւ բնույթով տարբերվում է նախորդներից: Նախ՝ առաջին անգամ պայքարի մեջ են մտել ՀՀ 1-ին եւ 2-րդ՝ նախկին ու ներկա նախագահների թիմերը (անուղղակի՝ հենց երկու ՀՀ նախագահները), ինչը ներքաղաքաղաքական (նաեւ՝ աշխարհաքաղաքական) ու բարոյա-հոգեբանական լարվածություն է մտցրել նախընտրական գործընթացներում: Եվ երկրորդ՝ այդ գործընթացներն անցնում են, այսպես կոչված, սեւ «PR»-ի ամենացայտուն դրսեւորումներով, որի հետեւանքով «ջրի երես» են դուրս գալիս նաեւ բազմաթիվ ճշմարտություններ, ինչը խնամքով տարիներ շարունակ իրենց օրոք թաքցրել են ե՛ւ նախկին, ե՛ւ ներկա իշխանությունները: Այսօր եթե մարդիկ դեռ չեն գիտակցում այդ՝ կամա, թե ակամա արվող բացահայտումների խորքայնությունը, քանզի տարված են նախընտրական աղմուկ-աղաղակով, հետագայում՝ ընտրություններից հետո, վերստին անդրադառնալով դրանց, շա՜տ լուրջ եզրահանգումներ կանեն: Դրա համար հսկայական նյութ կա արդեն: Դա կարող է ավելանալ նաեւ հետընտրական գործընթացների ժամանակ: Երբ պատրաստվում էինք ՀՀ նախագահի թեկնածուների նախընտրական քարոզարշավի վերջին դիտարկումն անել, որոշեցինք նաեւ վերլուծել «Լուսանցք»-ում հրապարակված ավելի քան 30 ՀՀ քաղաքական գործիչների, ազգային փոքրամասնությունների 3 ներկայացուցիչների, մի շարք պետական, մշակութային եւ տնտեսական գործիչների, տնտեսվարողների, սփյուռքահայ մտավորականների կարծիքները նույնպես: Հատկապես, երբ թերթի էջերում զետեղված էին նաեւ ՀՀ նախագահի որոշ թեկնածուների կամ նրանց գաղափարական թիմի անդամների հարցազրույցները:

Այսինքն՝ կփորձենք երկու դիտարկում իրականացնել, ինչպես ՀՀ նախագահի թեկնածուներին առնչվող, այնպես էլ՝ «Լուսանցք»-ում հանդես եկած քաղաքական ուժերի՝ «ի՞նչ պետություն է մեզ պետք եւ ինչպե՞ս հզորացնել պետականությունը» մոտեցումների ու քաղաքական հնարավոր վերադասավորումների մասին:

Շարունակել կարդալ →

Հայոց Տրնդեզ

Հրապարակվել է Հեղինակ` ՀԱՄ
Trndez
Նկարը ՀԱՄ-ի արխիվից

Այսօր Կարմիր բլուրում՝ Հայաստանի հնավայրերից մեկում, ժամը 13:00-ին կայացավ արիական-հեթանոսական Տրնդեզի ծիսակատարություն եւ տոնախմբություն:
Արիական քրմերը ձոներ ուղղեցին Տիեզերքի Արարչին, Հայ Աստվածներին ու Նախնյաց Ոգիներին: Փառաբանեցին բոլոր Արիներին: Վառվեց ծիսական կրակ: Քրմերն ու արորդիները ավանդական շուրջպար բռնեցին: Ներկաները ըմպեցին ու համտեսեցին ծիսական գինի եւ գաթա:
Տրնդեզ – Ատր-ն-դեզ բառը նշանակում է՝ ատր (կրակ) և դեզ արմատներից, նշանակում է՝ կրակի դեզ – սուրբ խարույկ, որը վառվում է Աստվածային Երկունքի կրակով: Այդ Երկունքից էլ ծնվելու է Վահագնը, 40 օր հետո: Վահագնի ծնունդը արիական ամանօրն է՝ տարեփոխությունը, այն մարտի 21-ին է:
Իսկ մինչ այդ արիները երկնային Արեգակի երկրային արտացոլանք Կրակով ընդառաջ են գնում Տի-Եզերքի – Մեծ-Եզերքի Տիրոջը՝ Արարչին, Նրա Սիրուն ու Ջերմությանն արժանանալու՝ Գարնան գալստի նոր Ավետիսը զգալու համար:
Տոնախմբությանը մասնակցեցին «Արորդիների Ուխտ»-ի քրմերը, Հայ Արիական Միաբանության և «Հանուն Հայրենիքի» հ/կ-ի անդամները, տասնյակ անհատ արորդիներ: 

Շարունակել կարդալ →

Յօգա գիտությունը ըստ Պատանջալիի

Հրապարակվել է Հեղինակ` ՀԱՄ

Գլուխ 1. Վասն ինքնահաստատման

1.1. Ահավասիկ, Յոգայի ստույգ բացատրությունը:
1.2. Յոգան գիտակցության վերցնցումային վիճակն է:
1.3. Դա Էության բնական վիճակն է:
1.4. Այլ ժամանակ Էությունը միաձուլվում է ցնցումներին:
1.5. Կա ցնցումների 5 տեսակ, – ցավագին և հաճելի:
1.6. Դրանք են՝ իմացությունը, մոլորությունը, երևակայությունը, թմբիրը և հիշողությունը:
1.7. Ուղղակի ընկալումը, փորձը և հեղինակավոր աղբյուրը՝ իմացության սկզբունքն է:
1.8. Մոլորությունը – իրականությամբ չհաստատվող կեղծ իմացությունն է:
1.9. Երևակայությունը – փորձով չհաստատված մտքերի հոսքն է:
1.10. Թմբիրը – սկզբունքներից նահանջելու հետևանքն է:

Շարունակել կարդալ →

Բաց նամակ

Հրապարակվել է Հեղինակ` ՀԱՄ

ՀՀ նախագահ Ռ. Քոչարյանին
ՀՀ վարչապետ Ս. Սարգսյանին
ԱԺ նախագահ Տ. Թորոսյանին
Լեզվի պետական տեսչության պետ Լ. Միրզոյանին
 

Փետրվարի 7-ին, «Հայլուր»-ի գիշերային թողարկման ընթացքում (ժամը 21.30-22.00-ի սահմաններում) լրատվական ծրագրին հյուրընկալել էր «Ռուսական աշխարհ» հիմնադրամի գործադիր տնօրեն Վյաչեսլավ Նիկոնովը: Ամբողջ հարցազրույցի ընթացքում հայ լրագրողը հյուրի հետ խոսեց ռուսերեն: Սրանով հանրային հեռուստաընկերության պատասխանատուները բացահայտ ու լկտիաբար ոտնահարեցին ՀՀ Սահմանադրությամբ ամրագրված մեր պետական՝ հայոց լեզվի իրավունքները՝ քամահրելով ինչպես հեռուստադիտողների, այնպես էլ պետբյուջեին հարկատու բոլոր ՀՀ քաղաքացիներին: Դեռ քիչ է, որ հարցազրույցն անցկացվեց ռուսերեն, հյուրն իրեն տանտիրոջ պես պահելով նախընտրական քարոզ էր անում մի թեկնածուի օգտին՝ մեղմորեն քննադատելով մեկ ուրիշին:


Շարունակել կարդալ →

Երկու շնորհավորանք

Հրապարակվել է Հեղինակ` ՀԱՄ
Անդրանիկ ԱթոյանՀայրապետ Վարդանյան

 
Փետրվարի 6-ին լրացավ Ռուսաստանի Դաշնությունում ՀԱՄ կառույցի պատասխանատու Անդրանիկ Աթոյանի 40-ամյակը եւ ՀԱՄ Արարատի մարզի կառույցի ղեկավար Հայրապետ Վարդանյանի 54-ամյակը:
Հայ Արիական Միաբանության Գերագույն Խորհուրդը շնորհավորում է նվիրյալ արորդիներին՝ մաղթելով արիացու առողջություն, անձնական ու ընտանեկան հաջողություններ եւ՝ մեծագործություններ ազգային կյանքում:


Շարունակել կարդալ →

Հայտարարություն նախագահական ընտրությունների մասին

Հրապարակվել է Հեղինակ` ՀԱՄ

ՀԱՄ


Ընթացքի մեջ է ՀՀ նախագահի ընտրության նախընտրական արշավը: ՀՀ նախագահ ընտրվելու համար առաջադրված 9 թեկնածուներն էլ ներկայացրել են իրենց ծրագրերն ու նպատակները:

Հայ Արիական Միաբանության Գերագույն Խորհուրդը ՀԱՄ Երեւանի քաղաքային ու մարզային խորհուրդների հետ քննարկել է բոլոր թեկնածուների առաջադրման նպատակներն ու ծրագրային դրույթները, նման քննարկումներ արել են նաեւ «Ուխտ Արարատի» եւ «Հանուն Հայրենիքի» կազմակերպությունները: Սույն հայտարարության համար հաշվի են առնվել նաեւ ՀՀ նախագահի 9 թեկնածուների անցյալն ու ներկա գործունեությունը:

Վերոնշյալ կազմակերպությունների ղեկավար խորհուրդները հայտնում են, որ բոլոր թեկնածուներն էլ իրապես ունեն լավ ու վատ կողմեր, կատարած գործեր ու սխալներ, սակայն բոլորն էլ հեռու են ինչպես հայ-արիների դավանած, այնպես էլ ճշմարիտ ազգայնական գաղափարախոսությունից, ինչն էլ նախ եւ առաջ պատճառ է հանդիսացել երկար ժամանակ ուսումնասիրելու առաջադրված թեկնածուների նախընտրական ծրագրերն ու ասելիքը, որն ամփոփվել է հունվարի 30-ի ՀԱՄ ԳԽ ընդլայնված նիստում, որին մասնակցել են «Ուխտ Արարատի» եւ «Հանուն Հայրենիքի» կազմակերպությունների լիազոր ներկայացուցիչները: Եվ ըստ այդմ՝

Հայ Արիական Միաբանության, «Ուխտ Արարատի» եւ «Հանուն Հայրենիքի» կազմակերպությունների ղեկավար խորհուրդները որոշել են.

1. Չսատարել ՀՀ նախագահի թեկնածու առաջադրված 9 թեկնածուներից ոչ մեկին:

2. Չսատարելու պարզաբանումը ներկայացնել հանրությանը ԶԼՄ-ների միջոցով՝ հայտարարությամբ:

3. Հանձնարարել՝ Հայ Արիական Միաբանության, «Ուխտ Արարատի» եւ «Հանուն Հայրենիքի» կազմակերպությունների անդամներին եւ համակիրներին, մասնակցել փետրվարի 19-ին կայանալիք ՀՀ նախագահի ընտրությանը, տեր լինելով սեփական ձայնին, դեմ քվեարկելով բոլոր թեկնածուներին:

Հայ Արիական Միաբանության, «Ուխտ Արարատի» եւ «Հանուն Հայրենիքի» կազմակերպությունների ղեկավար խորհուրդները պարզաբանում են, որ չեն սատարում՝ …

Շարունակել կարդալ →

Հրավիրում ենք լրատվամիջոցներին

Հրապարակվել է Հեղինակ` ՀԱՄ

Հինգշաբթի օրը՝ հունվարի 31-ին, ժամը 11:30-ին, Հայ Արիական Միաբանության նոր գրասենյակում կկայանա մամլո ասուլիս, որում կներկայացվի ՀԱՄ ԳԽ և մի շարք կազմակերպությունների տեսակետը՝ ՀՀ նախագահի ընտրությունների եւ թեկնածուների վերաբերյալ:

ՀԱՄ կենտրոնական գրասենյակի նոր հասցեն է՝ Ագաթանգեղոսի – 7 շենք, սենյակ 241 (շենքի վերջին մուտք, 2-րդ հարկ):
Գրասենյակը գտնվում է «Այրարատ» տոնավաճառի (Կինո-«Ռոսիա») կողքի միակ բարձրահարկ շենքում:
Լրացուցիչ տեղեկությունների համար կարող եք զանգահարել ՀԱՄ կենտրոնական գրասենյակ 52-38-75 եւ ՀԱՄ առաջնորդի մամլո խոսնակ Արմենուհի Մելքոնյանին 091-49-64-51:

Հայ Արիական Միաբանության
Լրատվական կենտրոն
30.01.2008թ.

Շարունակել կարդալ →