Սկիզբը՝ թիվ 26-32, 34-37-ում

Եվրոպայի դժբախտությունն այն էր, որ նա որպես քաղաքակրթական հիմք ընդունեց Հունաստանը, այլ՝ ոչ Հայաստանը:

Հենրիխ Շլիման

Հայոց Բագրատունիները, սկսած հենց օրգանակապ աստվածային արմատներից ու հատկանունից մինչեւ արքենի աշխարհատարածումը, անզուգական տոհմ էին ու են, որոնց՝ նշանակալիությամբ փոքրիշատե մոտեցող այլ զարմ կամ գերդաստան անհնարության չափ գերդժվար է մատնացուցել: ԲԱԳՐԱՏ-պարսկ. «Բագա» (Աստված) եւ «դատա» (պարգեւ, տուրք). «(Միհր) Աստծո տվածը կամ ստեղծածը» (Աստվածատուր), ստուգաբանորեն հմմտ. բագին, Բագարան (իրենց իսկ՝ Բագրատունյաց Հայաստանի մայրաքաղաք), Բագավան, Բագրեւանդ, սլավոն. «Բոգ» (Աստված) եւ այլն, ոչ անվիճելի մի վարկածով՝  անգամ առնչակցվում է սլավոնական «Պանկրատ», «Պանկրատով», «Պանկրատեւ» տոհմանուններին (գեներալ Պանկրատեւը, օրինակ, էական դեր է կատարել Հայաստանում մղված ռուս-թուրքական 1828-1829թթ. պատերազմում), գերանգամ  «պանկրատիում» բուսանվանը եւ անտիկ օլիմպիադաների ծրագրում  մ.թ.ա. 648թ-ից ընդգրկված «պանկրատիոն» ամենահեղինակավոր մրցաձեւի անվանմանը (թեպետ բուն հունարեն «բավական հեռավոր» հոմանիշերով են ստուգաբանվում. «պան»՝ ամեն ինչ, «կրատոս»՝ ուժ, իշխանություն. ասե՞լ է թե՝ «Բագրատի» աստվածատուրը համարժեք է ինքնին «Պանկրատի» ամենազորությանը կամ լիիշխանությանը):

Համենայն դեպս՝ ակունքներն իրոք ընդհուպ մինչեւ Սուրբ Կույս Աստվածածին: Քեյթ Քարմայքլը  անգլերեն «Արմինիըն դայջիստ» ամսագրի (1971, թիվ 5) «Անի» հոդվածում, նույնիսկ առանց Մովսես Խորենացուն հղում անելու, բառացի շեշտել է .«Բագրատունիները, ըստ ավանդության, վերականգնելով իրենց տոհմական ծառը, հասնում էին մինչեւ Դավիթ ու Բաթշեբա եւ կույս Մարիամին համարում իրենց հորեղբոր աղջիկը»:

Այստեղ, իհարկե, կանգ չենք առնի այնտեսակ առաջադրությունների վերլուծության  վրա, ըստ որոնց՝ «Մայրամ» (այո՛, հենց առաջին քառատառ ամենանվիրաբառի շեշտարկմամբ) Աստվածածինը ծնվել է դեռ անկախությունը չկորցրած Արտաշիսյան Հայաստանի Եդեսիա (Ուռհա, Արքա) քաղաքում, հայկազունք Հովակիմի եւ Աննայի ընտանիքում, ավելին՝ զարմանալիորեն,  արդի Հայաստանի անկախության օրը (մ.թ.ա. 21.09.20թ.-մահ. 43(կամ 45,48)թ.), ամուսնացել է, նույն հայազգի Դավթի պորտից, տարեց Հովսեփի հետ: Հովսեփին ի վերուստ պատվիրանվել է Աստվածորդուն կոչել «Հիսուս» (հայերեն «հիւսիս) բառից, այսինքն՝ հյուսիսցի), որ Նա խոսել է «վաղնջական (արխաիկ) գրաբարով կամ Մուշի բարբառով» (Սուրեն Մ. Այվազյան, առաջարկելի է վերջինիս «Հայաստանը եւ Աստվածաշնչային պատումները» ռուսերեն գիրքը /Երեւան, 2005/), Հիսուսն ինքը ծնվել է Հայոց  (1.,2.), Դարանաղյաց գավառում (Հրաչյա Հարությունյան, վերջինիս հայերենալույս քրիստոսագիտական հոդվածաշարը «Լուսանցքն» էլ հրապարակում է), որ Աստվածորդին, պարզիպարզո, նախ հենց լեզվաբանական «հիպոստասով», ազգությամբ հայ էր, որովհետեւ չէր կարող հայ չլինել (ՅՈՒՆԵՍԿՕ-ի նկարիչների միջազգային դաշնության անդամ, «Նոյի երկիր. Երկրի ներխուժումը Արեւակարգ» եռալեզու պատկերագրքի /Մ.,1997/ հեղինակ Կորյուն Նահապետյան) եւն եւ նմ.: Կամրագրենք միայն, թե քանի՜-քանի՜ երկրների ու ազգերի վրա են Բագրատունյաց տոհմաճյուղերն իրենց իշխանության թեւերը փռել:   Continue reading →

Ավարտվեց Հայաստանի շախմատի տղամարդկանց 1-ին խմբի առաջնությունը

Տիգրան Պետրոսյանի անվան շախմատի տանն այսօր ավարտվեց Հայաստանի շախմատի  տղամարդկանց 1-ին խմբի առաջնությունը: Վերջին 13-րդ փուլում մրցաշարի առաջատար Հայկ Մարտիրոսյանը ոչ-ոքի խաղաց Դավիթ Քալաշյանի հետ եւ վաստակեց 9,5 միավոր: Հաղթանակի դեպքում նրան կարող էր հասնել Տիգրան Հարությունյանը, սակայն վերջինս նույնպես խաղաղ դաշն կնքեց եւ բավարարվեց 9 միավորով: 3-րդ տեղը բաժանող 2 շախմատիստներից ավելի հաջողակ գտնվեց Մանուել Պետրոսյանը, ով հաղթեց Կարեն Հովհաննիսյանին եւ վաստակեց 8,5 միավոր: Իսկ ահա նրա գլխավոր մրցակիցը՝ Արման Միքայելյանը, պարտվեց գրոսմայստեր Հովիկ Հայրապետյանին եւ նահանջեց 5-րդ հորիզոնական: 4-րդ տեղը զբաղեցրեց հենց ղարաբաղցի շախմատիստը, ով ընդամենը կես միավորով ետ մնաց ցանկալի 3-րդ տեղից:

Այդպիսով, 2017թ.Հայաստանի շախմատի բարձրագույն խմբի 3 ուղեգրերը նվաճեցին միջազգային վարպետներ Հայկ Մարտիրոսյանը, Տիգրան Հարությունյանը եւ Մանուել Պետրոսյանը:

2016թ Հայաստանի շախմատի 1-ին խմբի մրցաշարային աղյուսակ՝ 1. Մարտիրոսյան Հայկ՝ 9,5; 2. Հարությունյան Տիգրան՝  9; 3. Պետրոսյան Մանուել՝ 8,5; 4. Հայրապետյան Հովիկ՝ 8; 5. Միքայելյան Արման՝ 7,5; 6.  Հակոբյան Արամ՝ 7; 7. Եզիազարյան Արմենակ՝ 6,5; 8. Շահինյան Դավիթ՝ 6,5; 9. Բակունց Ռաֆայել՝ 6,5; 10. Քալաշյան Դավիթ՝ 6,5; 11. Բաբուջյան Լեւոն՝ 5; 12. Թորոսյան Նորայր՝ 5; 13. Սարգսյան Շանթ՝ 4; 14. Հովհաննիսյան Կարեն՝ 1,5:

Կամային հաղթանակ.- Հայաստան–Չեռնոգորիա՝ 3։2

Ֆուտբոլի աշխարհի 2018թ. առաջնության ընտրական փուլի շրջանակներում Հայաստանի հավաքականը Վազգեն Սարգսյանի անվան «Հանրապետական» մարզադաշտում հյուրընկալեց խմբի առաջատար Չեռնոգորիայի հավաքականին: 1-ին խաղակեսի մեկնարկային րոպեներից թիմերը փոխնիփոխ վտանգավոր պահեր էին ստեղծում, սակայն աստիճանաբար Չեռնոգորիայի հավաքականի գրոհները դառնում էին ավելի ու ավելի վտանգավոր: Փոխարենը մեր ֆուտբոլիստներն ավելի շատ էին սխալվում, փոխանցումների ժամանակ միմյանց չէին հասկանում, ինչից էլ օգտվում էր մրցակիցը` սուր հակագրոհներ ձեռնարկելով:

Արդյունքում` գոլերը չուշացան: Հանդիպման 36-րդ րոպեին Վեշովեչի հարվածից հետո անդրադարձ եղավ, դարպասապահ Արսեն Բեգլարյանը հետ մղեց գնդակը, սակայն Կոյաշևիչը հուժկու հարվածով գրավեց դարպասը: Ընդամենը 2 րոպե անց մրցակիցը նաեւ կրկնապատկեց հաշիվը: Խորքից փոխանցումից հետո Ստեֆան Յովետիչը մեն-մենակ մնաց Արսեն Բեգլարյանի դեմ` գնդակն ուղարկելով դարպասը: Թվում էր, թե կարող է կրկնվել Ռումինիայի ազգային հավաքականի հետ դրամատիկ հանդիպումը, երբ առաջին բաց թողած գոլից րոպեներ անց հաշիվն արդեն 0:3 էր, սակայն ընդմիջումից հետո «Հանրապետական»-ի մարզադաշտում բոլորովին այլ Հայաստանի հավաքական էր` վերափոխված, արագ, եվրոպական…

Թե ինչ էր ասել հանդերձարանում տղաներին Արթուր Պետրոսյանը, դժվար է գուշակել, սակայն մրցակցին բոլոր ցուցանիշներով գերազանցող մեր ընտրանին կարողացավ պատասխան 2 գոլ խփել: Նախ հաշվի տարբերությունը 50-րդ րոպեին կրճատեց հիանալի գործողություններով աչքի ընկնող և հավաքականի կազմում ամենաակտիվ ֆուտբոլիստներից մեկը` Արտակ Գրիգորյանը, իսկ 74-րդ րոպեին հաշվի հավասարակշռությունը վերականգնեց Վարազդատ Հարոյանը` 2:2: Իսկ մրցավարի ավելացրած ժամանակում Հայաստանի հավաքականի կազմում հաղթական գոլի հեղինակ դարձավ Գեւորգ Ղազարյանը:   Continue reading →

Խոհանոցը ազգի մշակույթի կարեւորագույն հիմքերից է: Տե՛րը լինենք մեր պատմության:

Հայաստանում ու երկրից դուրս բնակվող հայերի մշակութային եւ այլ ոլորտների զարգացումը՝ պատմաաշխարհագրական մի շարք գործոններվ պայմանավորված՝ ընթանում է փոքր-ինչ ինքնատիպ, երբեմն առանձին ճանապարհով: Չնայած այս ամենին, հայկական խոհանոցը պահպանել է իր ինքնատիպությունը, անգամ եթե Հայաստանում չի պահպանվել որեւէ բաղադրատոմս, ապա դա պահպանվել է սփյուռքահայ խոհարարների մոտ: Ցավոք, հավաքական գործ չի կատարվել եւ ցայսօր հայկական խոհանոցի ինքնատիպ ուտեստներ սեփականացվում են թուրքերի, ադրբեջանցիների, պարսիկների, արաբների, վրացիների, քրդերի եւ այլոց կողմից, դրանք ՅՈՒՆԵՍԿՕ-ում արձանագրելով որպես իրենց խոհանոցի մաս:

ՅՈՒՆԵՍԿՕ-ն կարող է մի խոհանոցին արդեն պատկանող բաղադրատոմսը նաեւ ուրիշ խոհանոցի վերագրել, եւ օրինակ, կստացվի այսպես՝ տոլման ոչ միայն հայկական է, այլեւ թուրքական ու ադրբեջանական, որ լավաշը նաեւ պարսկական ու վրացական է ու այսպես շարունակ: Անգամ հարց չի դրվում, թե մի քանի հազարամյակների պատմություն արձանագրած խաշլաման, տոլման, հարիսան եւ այլ հնագույն ուտեստները ինչպես կարող են լինել նաեւ ադրբեջանական, եթե սրանց պատմությունը մի 100 տարվա է հասնում ընդամենը, կամ եթե իրենց թուրքերի ժառանգ են համարում, ապա միեւնույնն է՝ 1000 տարվա չի հասնում անգամ: Կամ՝ ինչպես կարող էին քոչվոր ցեղերը, որ անընդհատ տեղափոխվում էին, հացահատիկ ցանել, խաղող մշակել եւ այլն, որ իրենց վերագրեն լավաշի, խաղողի թփով տոլմայի կամ այգիների մրգերից ստացված գինու ստեղծման պատմությունը… Սա կարող էր անել նստակյաց մարդը, հավաքական կերպար ունեցող ազգը:   Continue reading →

Հեղինակ՝ «Լուսանցք» շաբաթաթերթ (Հայաստան, գլխավոր խմբագիր՝ Արմենուհի Մելքոնյան) http://www.hayary.org/wph/?p=2223  (https://www.facebook.com/armenuhi.melqonyan)

1. Հայ-ամերիկյան զուգադիպությու՞ն, թե՞ համադրություն – «Գլոբալ հայերի ապագան այսօր է» նախաձեռնությունը եւ մինչ այդ՝ Համահայկական գաղտնի (համաշխարհային) կառավարության տեսլականը (քննարկում հայ արիակաների առաջնորդ Արմեն Ավետիսյանի հետ)… Հայ-ամերիկյան համագործակցությունը՝ պաշտպանական բնագավառում…

2. Հայաստանյայց առաքելական եկեղեցին՝ համաքրիստոնեական քայլերին ընդառաջ… Եկեղեցական կառույցների եւ ՀԲԸՄ  միացյալ ժողովին հաջորդեց «Գլոբալ հայերի» կոչը՝ որպես պատմական հնարավորություն՝ հայերի միավորման եւ Հայաստանի ապագան միասնաբար կերտելու համար…

3. Կվերադարձվե՞ն հայ-թուրքական արձանագրությունները քաղաքական օրակարգ… Ռուս-թուրքական եւ հայ-ամերիկյան հարաբերություններ – Այս օրերին Ռուսաստանն ու Ադրբեջանը նոր համաձայնագրեր են ստորագրել…

– Թուրքիան եւ Ադրբեջանը պիտի՛ կործանվեն… Սա՛ պետք է լինի աշխարհի բոլոր անկյուններում գտնվող յուրաքանչյուր հայի առաջին խոսքն  Արեւածագին՝ ԱրԷգԱկ–ին ողջունելուց հետո…- Արմեն Ավետիսյան (Հայ Արիական Միաբանության առաջնորդ – http://www.hayary.org/wph/?p=33) – Փա՛ռք Հային ու Հայքին, Հայ Հոգե–Ոգեղեն Տիեզերաաշխարհներին… Փա՛ռք Հայ Աստվածներին ու Տիեզերքի Արարչին… www.hayary.org      

4. ՀՀ ԱԺ ընտրություններին ընդառաջ. ընտրացուցակների հրապարակումը՝ վստահության կարեւոր քայլ… ՀՀ ՏԻՄ ընտրությունների ստրասբուրգյան գնահատականը…ՀՀ օրենքով կդյուրացվի կուսակցություն հիմնադրելն ու կուսակցապետ դառնալը…

5. Մասնավորը ուզի թե ոչ, գումարները պետությունն է տնօրինելու – ավտոկայանատեղիներից ու արագաչափերից ստացվող ֆինանսական հոսքերի հարցը կառավարությունում եւ նախագահականում…  Դեֆոլտի ներքինը չկա…

6. Հյուսիս-Հարավ. ի՞նչ է կատարվում իրականում (մաս 2-րդ) – Երբ խոսքը երկրի անվտանգության խնդրին է վերաբերում, ապա մնացած ամեն ինչ հետին պլան է մղվում (Արմենուհի Մելքոնյան, «Լուսանցք»-ի գլխավոր խմբագիր)…

7. Պատմության մութ ծալքերից՝ առանց գրաքննության.- Հիսուսը խոսել է արամերեն. Աստվածաշունչ մատյանի նոր բացահայտումները (մաս 1-ին)… Արամերենը՝ Արամի ցեղախմբի լեզու… Նոյի տապանը փրկվեց Աստվածների երկրում…

8. Ռիոյից հետո՝ պատմական խորքերից.- Հայազգի օլիմպիական հաղթորդներ (11-րդ մաս) – Փնտրվող «ծպտյալները» (անհրաժեշտ քնարաէպիկական նախաշեղումով) – 2 – անհայտ-հանրահայտ «այլազգի» հայերը…

9. Աշխարհի մարզական հեւքից.- Մարզաշխարհի խաչմերուկներում – Հայաստանի ազգային հավաքականի եւ «Մանչեսթր Յունայթեդ»-ի ֆուտբոլիստ Հենրիխ Մխիթարյանի ոդիսականը – նրա վերադարձը կայացավ Թուրքիայում… Ֆուտբոլի ազգային հավաքականի գլխավոր մարզիչն առաջին անգամ հրապարակեց հավաքականի կազմը… Շախմատային խոչմերուկ… Այլ մարզական լուրեր…

10. Հայկական խոհանոց – Ծաղկակաղամբը՝ հավի մսով… «Եվրատեսիլ-2017»-ին մասնակցելու է ռեկորդային թվով երկրներ… «Մանկական Եվրատեսիլ».- Հայաստանյան երգն ու տեսահոլովակը… Այցելե՛ք եւ օգտվե՛ք ՀԱՄ պաշտոնական կայքից-www.hayary.org-ից… Կարդացե՛ք եւ բաժանորդագրվե՛ք «Լուսանցք»…

Այս տարվա հոկտեմբերի 27-ին «New York Times»-ում, հաջորդ օրն էլ «Հայաստանի Հանրապետություն» օրաթերթում  տպագրվեց Միացյալ Նահանգների, Ռուսաստանի Դաշնության, Կանադայի, Ֆրանսիայի, Մեծ Բրիտանիայի, Բելգիայի, Լյուքսեմբուրգի, Ճապոնիայի ու Հայաստանի հանրահայտ 23 հայերի՝ «Գլոբալ հայերի ապագան այսօր է» բաց նամակը, որում արձանագրում է հայկական ազգային մտածողությամբ կազմած հիմնադրոյթների մի փունջ, որը նպատակ ունի համախմբել աշխարհի հայերին՝ ապահովելով հայերի այսօրն ու վաղը՝ ապագան:

Իհարկե, հնարավոր էր նախաձեռնողների թվաքանակը երկրների ներգրավման առումով ավելի մեծացնել, բայց դա ընթացիկ խնդիր է, որ կարող է նաեւ համալրվել, հիմնակետը՝ այսօրվա ապահով ու վաղվա առավել հզոր ու միասնական Հայաստանի կերտմանն է առնչվում, որին կոչ է արվում մասնակցել հայության բոլոր հատվածներին: Այսօրվա խոշորագույն հայկական կազմակերպությունը՝ Հայկական բարեգործական ընդհանուր միությունը (ՀԲԸՄ) Նյու-Յորքում տոնել է իր 110-ամյակը, որի ընթացքում էլ հնչել է այս բաց նամակը: Այնտեղ մասնավորապես ասված է. որ Հայաստանում ու Սփյուռքում ծագած մարտահրավերների դիմակայելու նպատակով «այս հանգրվանը հնարավորություն է տալիս Հայաստանի ապագան վերաձեւել», ու նաեւ մտածել, «թե մեզանից յուրաքանչյուրն ինչպես կարող է մասնակցել վաղվա առավել հզոր Հայաստանի կերտմանը»: Նամակի հեղինակները վստահ են, որ սա ոչ միայն Հայոց Ցեղասպանությունը վերապրելու, վերածնվելու եւ առաջանալու հնարավորություն է մեզ համար, այլեւ՝ աշխարհի հայերով համախմբված գործելու վճռորոշ նպատակ է:

«Առաջ շարժվելով՝ ամբողջ աշխարհի հայությունն առավել հանձնառու պետք է լինի՝ սոցիալական ազդեցության, թե առեւտրային ներդրումների, նորարարությունների, փորձի, թե ակտիվ ներգրավման միջոցով: Երկարաժամկետ հեռանկարում մենք պիտի ձգտենք առնվազն համապատասխանեցնել Հայաստանը այնպիսի չափանիշներին, ինչպիսիք գործում են մեզանից շատերին հյուրընկալած երկրներում»,- նշված է բաց նամակում:   Continue reading →

Նախորդ թողարկումում եւս «Լուսանցք»-ն անդրադարձավ քրիստոնեական աշխարհի միջազգային ծավալումներին, ինչը մենք կարեւորեցինք համաքրիստոնեական քայլերի այնպիսի անհրաժեշտության տեսանկյունից, որը նպաստավոր դրույթներ ու ծավալումներ ուներ՝ հայկական ազգային շահերի հետ համադրվող: Ինչպես նշել էինք, դրանք իրենց հետեւանքները դեռ կունենան քրիստոնեական աշխարհի համար, հատկապես աշխարհա-քաղաքական նոր վերաբաժանումների ժամանակ, մասնավորապես՝ մահմեդական աշխարհի հետ հարաբերությունների ու տարաբնույթ գործընթացների ընթացքում:

http://www.hayary.org/wph/?p=5880#more-5880 – Համաքրիստոնեական քայլերի անհրաժեշտություն, որին կհամադրվեն ազգային շահերը… Այս խոսքերը համարենք նշան, որ նման այցերը նպաստեն, որ աշխարհի վերաբաժանմանը՝ Մասիսները հայկական հողերի հետ այլեւս հասանելի լինեն, ոչ թե միայն տեսանելի…

Հայանպաստ է առանձնապես Վատիկանի, Հռոմի Պապի վերաբերմունքը նշյալ հարցերում, ով անգամ իր էկումենիկ ելույթներում է պահպանում արդարություն պահանջող հոգեւոր-քաղաքական գիծը: Էկումենիկ համաքրիստոնեական ժողովները եւս վերափոխումների են միտված, նախկին կարծրատիպերը «սառեցվում» են, ինչը հավաստում է, որ մեր նախորդ թողարկմանը ներկայացրած տեսակետները իրական են, եւ քրիստոնյա աշխարհը ինչ-որ լուրջ բանի է նախապատրաստվում: Այս համապատկերում էլ դիտարկել էինք Հայաստան ժամանած Մալթայի Ինքնիշխան Մարտական Ուխտի իշխան եւ Մեծ Վարպետ Ֆրա Մեթյու Ֆեստինգի պետական այցը Հայաստան (Արամ Ավետյան, «Լուսանցք» թիվ 36 (426), 2016թ.):

http://www.hayary.org/wph/?p=5879#more-5879 – «Մեր պատմության մի հատվածում կրկին Մալթան էր – Նրանք մասոնական օթյակի անդամներ էին՝ դրանով իսկ պաշտպանված անգամ Հայոց ցեղասպանությունից հետո… «Մալթայական օրդեն»-ը ներկա էր ԽՍՀՄ քանդմանը, չի բացառվում, որ ներկա կլինի նաեւ Թուրքիայի ու Ռուսաստանի քանդմանը…

http://www.hayary.org/wph/?p=5878 – Գործածվել են մալթայական խաչն ու տամպլիերների օրդենի կնիքը (նորվեգացի ահաբեկիչ Անդերս Բրեյվիկի կողմից)… ՀԱՄ առաջնորդ Արմեն Ավետիսյանը եվրոպական ազգայնամոլական որոշ դեպքեր կապում է միմյանց հետ… Փորձում են ազգայնականության հերթական վարկաբեկմամբ նոր աշխարհակարգ ձեւավորել…

Այս ամենին հաջորդեց Հայաստանյայց առաքելական եկեղեցու՝ եկեղեցական կառույցների եւ Հայկական բարեգործական ընդհանուր միության (ՀԲԸՄ) միացյալ ժողովը, որին անդրադառնում ենք կրկին նույն տրամաբանությամբ՝ քրիստոնյա աշխարհը ինչ-որ լուրջ բանի է նախապատրաստվում…   Continue reading →

Կվերադարձվե՞ն հայ-թուրքական արձանագրությունները քաղաքական օրակարգ

ԱՄՆ-ի նախագահական ընտրություններին թեկնածու Հիլարի Քլինթոնի անմիջական մասնակցությամբ եւ վերահսկողությամբ կայացավ հայ-թուրքական արձանագրությունների ստորագրումը: ԱՄՆ-ի նախկին նախագահ Բիլ Քլինթոնի կնոջ՝ Հիլարիի հաղթանակը կարծես թե մոտ է եւ այս ընտրություններում նա կարող է դառնալ ԱՄՆ-ի նոր նախագահը: Կիմանանք նոյեմբերի 8-ին:

Արդյո՞ք այդ դեպքում հայ-թուրքական արձանագրությունները կվերադարձվեն միջազգային քաղաքական օրակարգ: Այս խնդրի մասին խոսել են փորձագետները:

Մուջիբ Խանը Կալիֆորնիայի համալսարանից հայտնել է, թե «պետքարտուղար Հիլարի Քլինտոնն ուներ ավելի դրական մոտեցում եւ ավելի շատ էր ընդգրկված հայ-թուրքական հաշտեցման հարցում, քան նախագահ Բարաք Օբաման: Հուսամ՝ նախագահ դառնալու դեպքում նա կվերսկի այս գործընթացը»: «Ցավոք, կարծում եմ այսօր հայ-թուրքական հաշտեցումը կորցրել է իր կարեւորությունը, քանի որ առկա են բազմաթիվ այլ խնդիրներ: Ո՛չ Անկարայի եւ ո՛չ էլ Վաշինգտոնի համար դա առաջնահերթություն չէ: Հույս ունեմ հաշտեցման գործընթացը կվերսկսվի, բայց չեմ տեսնում, որ կողմերից որեւէ մեկը հետաքրքրված լինի այս հարցում»,- հայ-թուրքական արձանագրությունների վերադարձման եւս մեկ ջատագով է այսպես արտահայտվել Մայքլ Ռեյնոլդսը՝ Փրինստոնի համալսարանից:

Դեյվիդ Ֆիլիփսը, ով Կոլումբիայի համալսարանի Խաղաղության եւ մարդու իրավունքների ծրագրի ղեկավարն է, հույս չունի, որ արձանագրությունները տեղից կշարժվեն: «Այսօր հայ-թուրքական հարաբերությունները գտնվում են շատ ցածր մակարդակի վրա: Երկխոսության հեռանկարները չափազանց փոքր են, քանի որ Թուրքիան գտնվում է ավտորիտարիզմից դեպի բռնապետություն անցման փուլում: Եթե Թուրքիան ցանկանա քայլեր ձեռնարկել արձանագրությունների վավերացման հարցում, ապա անհրաժեշտ կլինեն որոշակի քաղաքական բանակցություններ ու վստահության մթնոլորտի ձեւավորում, որոնք դրականորեն կազդեն երկկողմանի հարաբերությունների վրա: Սակայն այսօր նման ցանկություն թուրքական կողմից չի նկատվում»,- ասել է նա:   Continue reading →

ՀՀ ԱԺ ընտրություններին ընդառաջ. ընտրացուցակների հրապարակումը՝ վստահության կարեւոր քայլ

«Ընտրացուցակների հրապարակման վերաբերյալ որոշումը ստեղծված իրավիճակում հանրության վստահության ապահովմանն ուղղված կարեւոր քայլ է»,- Վիեննայում նոյեմբերի 2-ին տեղի ունեցած «Ընտրությունների դիտարկումը եւ դրան հաջորդող առաջարկությունների կատարման ընթացքը» խորագրով ԵԱՀԿ/ԺՀՄԻԳ աշխատաժողովիում հայտարարել է ՀՀ արդարադատության նախարար Արփինե Հովհաննիսյանը:

Ընտրական օրենսգրքում կատարված փոփոխություններով սահմանվել է, որ մրցույթի արդյունքում ընտրված մասնագիտացված կազմակերպությանը Կենտրոնական ընտրական հանձնաժողովը թույլատրում է իրականացնել բոլոր ընտրական տեղամասերից քվեարկության ընթացքի ու արդյունքների ամփոփման գործընթացի տեսանկարահանում եւ միաժամանակյա համացանցային հեռարձակում, ինչպես նաեւ նախատեսվում է արխիվացնել տեսանկարահանված նյութերը:

Արդարադատության նախարարը նշել է, որ Հայաստանում կազմակերպվել են առավելագույնս ներառական քննարկումներ օրենսգրքի նախագծի շուրջ՝ ներկայացնելով «4+4+4» բանակցային ձեւաչափը:

Նրա խոսքով՝ այն ընդդիմության, իշխանության եւ քաղաքացիական հասարակության ներկայացուցիչներից բաղկացած հավասարաչափ ու հավասարակշռված քննարկման կարեւոր հարթակ էր:   Continue reading →

ՀՀ նախագահ Սերժ Սարգսյանի 2 օր առաջվա՝ ճանապարհային երթեւեկության կանոնների նկատմամբ վերահսկողական համակարգերի եւ վճարովի ավտոկայանատեղերի կազմակերպման ծրագրի վերաբերյալ հարցերի խորհրդակցությունից հետո եւ վարչապետ Կարեն Կարապետյանի կառավարության երեկվա նիստում հանձնարարության հետքերով ֆինանսների նախարարությունը իր իրավասության շրջանակներում իրականացվող գործառույթների օպտիմալացման է գնալու: Այս մասին գործադիրի երեկվա նիստից հետո լրագրողներին տեղեկացրեց ֆինանսների նախարար Վարդան Արամյանը:

Բանն այն է, որ մեր երկրի նախագահը հանձնարարել էր գտնել հստակ լուծումներ, որպեսզի ավտոկայանատեղիներից ու արագաչափերից ստացվող ֆինանսական հոսքերի տնօրինումն ու կառավարումն ամբողջովին անցնեն պետական ու համայնքային կառույցներին: Երեկվա նիստում էլ նույն հանձնարարականը իրավասու նախարարներին վարչապետը տվեց: Հարց է ծագում՝ ինչքա՞ն խնայողություն կլինի այս հանձնարարականների կատարման հետեւանքով: Ի պատասխան Վարդան Արամյանը նկատեց. «Այն գործառույթները, որը հնարավոր է, որ մեր ուժերով իրականացնենք, կփորձենք անել: Արդյունքում կլինի այն, որ այն միջոցները, որը դիտվում էր որպես շահույթ, ապա դա մեզ համար կդիտվի որպես խնայողություն»:   Continue reading →

Սկիզբը՝ թիվ 36-ում

http://www.hayary.org/wph/?p=5877 – Հյուսիս-Հարավ. ի՞նչ է կատարվում իրականում – Այս պատկերն էր 6 տարի առաջ… Ահազանգ կա, որ ներգրավված գումարները վատնվել են, եւ ճանապարհն էլ չկա այն երկարությամբ, որ պիտի լիներ գոնե այս փուլում… Ինչպե՞ս է ռազմավարական նշանակության այդ ծրագրի իրագործումը վստահվել Գագիկ Բեգլարյանին…

2010թ. փետրվարին խոսեցի Հյուսիս-հարավ ծրագրի ընթացքում առաջանալիք ռիսկերից: Նաեւ օգուտներից խոսեցի, բայց դրանք չեմ մանրամասնի, քանզի նախորդիվ գրել եմ: Հավելեմ միայն (տվյալները 2010թ. էի հրապարակել), որ ծրագիրը նախատեսվում է իրականացնել 2 փուլով: 1-ին փուլը ներառում է Երեւան-Գյումրի հատվածը, իսկ 2-րդ փուլը՝ Երեւան-Մեղրի: Յուրաքանչյուր փուլ իրականացվելու է ենթափուլերի միջոցով: Մասնավորապես, առաջին փուլը կունենա 2 ենթափուլեր, իսկ երրորդ տրանշը կմտնի ծրագրի երկրորդ փուլի մեջ: Վերջինս նախատեսվում է իրականացնել այլ վարկային միջոցներ ներգրավելու եւ պետություն-մասնավոր համագործակցության միջոցով: Երրորդ տրանշի իրականացման ժամանակ առաջացած խնայողությունները կուղղվեն Գյումրի-Բավրա ճանապարհահատվածի վերականգնմանը: Ծրագրի առաջին փուլի առաջին ենթափուլով նախատեսվում է՝ Երեւան-Աշտարակ քառուղի ճանապարհի բարելավում, ճանապարհի անվտանգության բարձրացում եւ Երեւան-Արարատ քառուղի ճանապարհի անվտանգության բարձրացում, ծրագրի աջակցություն (ներառյալ հետագա ծրագրերի նախագծերի առաջարկվող ֆինանսավորում) եւ ճանապարհային ենթաոլորտային ծրագրին օժանադակության տրամադրում: Առաջին տրանշի ընդհանուր գումարը կկազմի 70 մլն. դոլար, որից 10 մլն. դոլարը կառավարության համաֆինանսավորումը կլինի: Ակնկալվում է, որ այս գումարից խնայողություն կլինի, որը կուղղվի երկրորդ տրանշին:

http://www.hayary.org/wph/?p=5862 – «Հյուսիս-հարավ»-ի գլխին ամպե՞ր են կուտակվում – ամպեր կուտակվեցին դեռ այն ժամանակ, երբ տրանսպորտի նախարար նշանակվեց Գագիկ Բեգլարյանը… Փողերը տարել են. ինչու՞ վարչապետն ահազանգեց…

http://www.hayary.org/wph/?p=5695 – Հյուսիս–հարավ խնդիրը նոր տեսան – …Ահա սա է պատճառը, որ տրանսպորտի նախարարությունը քնած է… Փողերը տարել են. ինչու՞ վարչապետն ահազանգեց…   Continue reading →

Բանաստեղծ, արձակագիր, մշակութաբան, բնագրագետ Հրաչյա Խաչիկի Հարությունյանը զբաղվել է Աստվածաշունչ մատյանի ուսումնասիրությամբ, նրա ուշադրության կենտրոնում են հատկապես   աստվածաշնչյան պարականոն աշխատությունները: Ընդ որում, նա  արդեն հրատարակել է «Պարականոն Ավետարաններ» շարքի Ա գիրքը, պատրաստ են հրատարակման «Ջրհոսի դարաշրջանի Հիսուս Քրիստոսի Ավետարան»-ը, «Պարականոն Հայտնություններ եւ Ապոկալիպսիսներ»-ը:

Ստորեւ ներկայացնում ենք նրա «Աստվածաշունչ մատյանի նոր բացահայտումներ»-ից:

Արամերեն այբուբենի նկարը քաղված է ռուսական կայքից, ճիշտ է տրված, թե սխալ, մասնագետները կդատեն (նայել այս թողարկման PDF տարբերակում / http://www.hayary.org/wph/wp-content/uploads/37-427.pdf – էջ՝ 4):

* * *

Արամերենը՝ Արամի ցեղախմբի լեզու

Աստվածաշունչ մատյանը քրիստոնյաների Սուրբ գիրքը լինելուց բացի, պատմական շատ արժեքավոր փաստեր է պարունակում: Ե՛վ Հին Կտակարանի, եւ՛ Նոր Կտակարանի մեջ Հայաստանի հնագույն պատմության մասին բազմաթիվ փաստեր կան: Այդ փաստերից շատերը աղավաղված են, որոնք տարբեր լեզուներից կատարված թարգմանությունների արդյունք են: Աստվածաշունչ մատյանը բաղկացած է 75 գրքերից, եւ այդ գրքերը գրվել են արամերեն (արամերենի պատմությունը լեզվաբանները բաժանում են հետեւյալ շրջանների. 1. Հին արամերեն՝ Ք.ծ.ա. 925-700թթ., 2. Արքունական կամ պաշտոնական արամերեն՝ Ք.ծ.ա. 700-200թթ., 3. Միջին արամերեն Ք.ծ.ա. 200 – Ք.ծ.հ. 200թթ., 4. Ուշ շրջանի արամերեն Ք.ծ.հ. 200-700թթ., 5. Նոր արամերեն:

Այդ շրջանները նաեւ կոչվում են հին, միջին եւ նոր, ասորերեն եւ հուներեն լեզուներով, որոնք հետո թարգմանվել են հայերեն (գրաբար, միջին հայերեն, արեւելահայերեն եւ արեւմտահայերեն), եբրայերեն եւ այլ լեզուներով:

«Աստվածաշնչյան ուսումնասիրությունները ցույց են տալիս. որ «արամերեն» եզրույթը բնավ չի պահպանվել «Յոթանասնից» թարգմանության մեջ, քանի որ հրեա թարգմանիչներն արամերենը եբրայցերենից հունարեն թարգմանել են սյուրիստի, որը եւ հայերեն թարգմանության մեջ դարձել է «ասորերեն»: Հրեա թարգմանիչների այս սրբագրումը հիմք է տալիս ենթադրելու, որ սեմական ընտանիքի արամեական ճյուղին պատկանող հին արամերենն ու սյուրիերենը (եբրայերեն՝ սյուրիտ) համարվել են նույն լեզուն: Տեսնենք դա այդպե՞ս է, թե՞ ոչ: Ըստ հրեա սեմագետ Շմուել Պիսբերգի «Արամերեն» եբրայերեն աշխատության, որում ներառված են այդ լեզվի զարգացման բոլոր շրջանները՝ հնագույնից մինչեւ մեր օրերը, գրված է. «Արամերենը» (առամիտ) հյուսիսարեւմտյան սեմական երկու գլխավոր ճյուղերից մեկն է, մյուսը՝ քանաներենն է: Սկզբնապես արամերենը եղել է միայն Արամի ցեղախմբի խոսակցական լեզուն, սակայն Ասորեստանի եւ Բաբելոնի թագավորությունների տապալումից հետո, հատկապես պարսկական (ինչպես նաեւ հայկական) տիրապետության շրջանում վերածվել է միջազգային լեզվի մերձավորարեւելյան բազմաթիվ ժողովուրդների համար՝ մինչեւ արաբական նվաճումները: Ք.ծ.ա. Ժ-Թ դդ. արամերեն արձանագրություններ են հայտնաբերվել Վերին Միջագետքում (Հայկական լեռնաշխարհ) եւ Սիրիայում» (Ռուզան Պողոսյան, Հին Կտակարանում «Արամերեն» եզրի գործածության շուրջ, Էջմիածին, 2011 Է, էջ 102-103):   Continue reading →

Սկիզբը՝ թիվ 26-32, 34-36-ում

http://www.hayary.org/wph/?p=5873 – Ռիոյից հետո՝ պատմական խորքերից.- Հայազգի օլիմպիական հաղթորդներ (10-րդ մաս) – Փնտրվող «ծպտյալները» (անհրաժեշտ քնարաէպիկական նախաշեղումով)… Ջուղայի արմատներով Իոսիֆ Ադելխանով-Առուստամով (Ստալինի) եւ այլ ծպտյալ հայերի մասին… Ռուսաստանի Եկատերինա Բ Մեծ կայսրուհու գլխավոր ֆավորիտ Պոտյոմկին-Տավրիդյանը…

http://www.hayary.org/wph/?p=5859 – Ռիոյից հետո՝ պատմական խորքերից.- Հայազգի օլիմպիական հաղթորդներ (9-րդ մաս) – Ոգու եւ մարմնի կրթիչներ. հսկա սառցալեռան երեւացող մասը – 2… Մանավանդ որ այդ աստղասփյուռը ժամանակի եւ տարածության մեջ հանապազ խտանում-բազմանում է…

http://www.hayary.org/wph/?p=5842 – Ռիոյից հետո՝ պատմական խորքերից.- Հայազգի օլիմպիական հաղթորդներ (8-րդ մաս) – Ոգու եւ մարմնի կրթիչներ. հսկա սառցալեռան երեւացող մասը… Ծավալվենք սոսկ օտարերկրացի օլիմպիական չեմպիոնների հայատոհմիկ մարզիչների փաղանգի շուրջ…

http://www.hayary.org/wph/?p=5813 – Արդարությունը գեթ մասամբ վերականգնելու համար – Բաց նամակ ՀՀ նախագահ Սերժ Սարգսյանին… Ռիոյից հետո՝ պատմական խորքերից.- Հայազգի օլիմպիական հաղթորդներ – (7-րդ մաս) – Ոչ մի օլիմպիադա՝ առանց հայ չեմպիոնի (Օլիմպիական խաղեր եւ Բարի կամքի խաղեր)…

http://www.hayary.org/wph/?p=5795 – Ռիոյից հետո՝ պատմական խորքերից.- Հայազգի օլիմպիական հաղթորդներ – (6-րդ մաս) – Թիվ մեկ մարզաձեւի նախաօլիմպոսյան հայահետքերից մինչեւ օլիմպիական գոլի հայ մեծավարպետ ու հայամականուն մարզարքա…

http://www.hayary.org/wph/?p=5776 – Ռիոյից հետո՝ պատմական խորքերից.- Հայազգի օլիմպիական հաղթորդներ.- Ոչ մի օլիմպիադա՝ առանց հայ չեմպիոնի (5-րդ մաս), բայց ինչպե՞ս լուծել կորուսյալ մեդալների գերխնդիրը… Միհրան Հարությունյանի՝ օլիմպիական չեմպիոնի կոչումը վերականգնելու շուրջ…

http://www.hayary.org/wph/?p=5761 – Ռիոյից հետո՝ պատմության վերանայում.- Հայազգի օլիմպիական հաղթորդներ – Ոչ մի օլիմպիադա՝ առանց հայ չեմպիոնի (4-րդ մաս) – Այն ժամանակ մեդալներ տրվում էին միմիայն հենց եզրափակիչի մասնակիցներին.…

http://www.hayary.org/wph/?p=5749 – Ռիոյից հետո՝ պատմության վերանայում.- Հայազգի օլիմպիական հաղթորդներ (3-րդ մաս) – Ոչ մի օլիմպիադա՝ առանց հայ չեմպիոնի… «Սիրելի՛ հայեր, միշտ հիշե՛ք, որ դուք լավագույնն եք, ես ձեզ սիրում եմ, որովհետեւ ես էլ ձեր մի մասն եմ. ունեմ հայ արյուն»…

http://www.hayary.org/wph/?p=5727 – Ռիոյին ընդառաջ՝ պատմական խորքերից.- Հայազգի օլիմպիական հաղթորդներ – (2-րդ մաս) – Իրական դեմքերն ընդդեմ առասպելյալ դեպքերի, բայցեւ ոչ մի օլիմպիադա՝ առանց հայ չեմպիոնի… Արդի օլիմպիական խաղերին մասնակցած առաջին հայ մարզիկները…

http://www.hayary.org/wph/?p=5717 – Ռիոյին ընդառաջ՝ պատմական խորքերից.- (1-ին մաս) – Հայազգի օլիմպիական հաղթորդներ – Իրական դեմքերն ընդդեմ առասպելյալ դեպքերի… Մինչ դեպի նորագույն ժամանակներ «առաջադիմելը»՝ արժե պարզապես դիմել մի «կամրջող» համեմատության…   Continue reading →

Ռուբեն Հայրապետյանը խոսել է Հենրիխ Մխիթարյանի հետ

Վանաձորում ֆուտբոլի ակադեմիայի բացումից հետո ՀՖՖ նախագահ Ռուբեն Հայրապետյանը զրուցեց լրագրողների հետ: Նրան հարցրել են Հենրիխ Մխիթարյանի՝ «Մանչեսթեր Յունայթեդ»-ում չխաղալու մասին: ՀՖՖ նախագահը չի հասկանում, թե «ինչ է կատարվում Մոուրինյուի գլխում»: Ռուբեն Հայրապետյանը զրուցել է Հենրիխ Մխիթարյանի հետ. նա ասել է, որ չի հասկանում, թե ինչու չի խաղում:

Հարցեր են եղել նաեւ Ռոբերտ Արզումանյանի եւ Յուրա Մովսիսյանի՝ հավաքական չհրավիրվելու մասին: Ֆեդերացիայի նախագահը պատասխանել է, որ անկախ գլխավոր մարզչի որոշումից՝ ինքը թույլ չի տալու այդ խաղացողներին հրավիրվել ազգային թիմ: «Արթուր Պետրոսյանին ազատություն է տրված ֆուտբոլիստների ընտրության հարցում: Չեն հրավիրվի այն խաղացողները, ովքեր, գտնում եմ, խախտել են հավաքականի կարգապահությունը եւ վնաս են բերել ազգային թիմին. օրինակ Յուրա Մովսիսյանը եւ Ռոբերտ Արզումանյանը. իմ իրավունքն է, ես թույլ չեմ տա հրավիրել նրանց»:

Ինչո՞ւ է Հենրիխ Մխիթարյանը միայնակ մարզվել

Ինչպես արդեն տեղեկացրել էինք, «Մանչեսթեր Յունայթեդ»-ի կիսապաշտպան Հենրիխ Մխիթարյանը թիմի մարզաբազայում միայնակ էր մարզվել։ «Mirror»-ը տեղեկացնում է, որ մանկունյանցիների գլխավոր մարզիչ Ժոզե Մոուրինյոն Անգլիայի առաջնության 10-րդ փուլից հետո հանգստի հնարավորություն էր ընձեռել ամբողջ թիմին, սակայն Հենրիխ Մխիթարյանը որոշել է չհանգստանալ:

Հայաստանի ազգային հավաքականի ավագը «Քարինգտոն»-ում մարզվել է ոչ թե ստիպողաբար, այլ մարզավիճակը բարելավելու նպատակով: Աղբյուրը նաեւ նշում է, որ հայ ֆուտբոլիստը հաճախ է լրացուցիչ մարզումներ անցկացնում` հիմնական կազմ վերադառնալու համար:

Մխիթարյանի խաղի սպասումով

Հայաստանի ազգային հավաքականի առաջատար Հենրիխ Մխիթարյանի անունը վերջին ամսվա ընթացքում ամենահաճախ տրվողներից է համացանցում եւ ԶԼՄ-ներում: Առայժմ հայ ֆուտբոլիստը «Մանչեսթեր Յունայթեդ»-ի կազմում խաղադաշտ դուրս չի գալիս եւ շուրջ մեկ ամիս է ինչ խաղային պրակտիկա չունի:

«Ժամանակն է, որ Մխիթարյանը վերադառնա իր խաղամակարդակին»

Օգոստսոի 31-ին Չեխիա-Հայաստանի ընկերական խաղից հետո Մխիթարյանի վնասվածքը ապաքինվեց, սակայն դա էլ դեռևս հիմք չի հանդիսանում մանկունյանցիների մարզիչ Ժոզե Մոուրինյոյի համար, որը Հենրիխի հետ հույսեր կապելով, նրան չի «տեսնում» իր թիմի կազմում: Վերջին խաղը հայ ֆուտբոլիստը «Մանչեսթեր Յունայթեդ»-ի կազմում անցկացրել է սեպտեմբերի 10-ին:   Continue reading →

Հայկական խոհանոց – Խորագիրը վարում է սննդի տեխնոլոգ  Ռուզաննա Նահապետյանը:

Խոհանոցը ազգի մշակույթի կարեւորագույն հիմքերից է: Տե՛րը լինենք մեր պատմության:

– Ծաղկակաղամբը՝ հավի մսով

Բաղադրությունը – Սոխ – 2 գլուխ, ծաղկակաղամբ – 1 կհգ, հավի կրծքամիս – 1 կգ, համեմ – 1 կապ, սամիթ – 1 կապ, սխտոր – 1 գլուխ, աղ, քրքում, բուսայուղ – 80գ:

Պատրաստման եղանակը – Եռացրած ջրի մեջ խաշել փոքրիկ գլխիկներով ծաղկակաղամբը 2-3 րոպեի չափ: Հանել, լցնել սառը ջրի մեջ:

Հավի կրծքամիսը լվանալ, ձողաձեւ կտրատել եւ դնել քամոցի մեջ: Բուսայուղը լցնել թավայի մեջ, մանր կտրատած սոխը տապակել:

Հավի միսը լցնել մեջը: Խառնել 3 րոպեի չափ՝ մինչեւ միսը տապակվի, ավելացնել քրքում: Վրան լցնել խաշած ծաղկակաղամբը՝ վրան կտրտած սխտորը:

Տապակել 1 րոպեի չափ: Լցնել 100 գրամ ջուր: 3 րոպե եփելուց հետո լցնել կանաչեղենը՝ կտրատած:

«Եվրատեսիլ-2017»-ին մասնակցելու է ռեկորդային թվով երկրներ

Երգի միջազգային այս մրցույթին, որն անցկացվելու է Կիեւում, 43 պետություն հաստատել է իր մասնակցությունը: Եվրատեսիլ-2017»-ին մասնակցելու է ռեկորդային թվով երկրներ»,- հայտնել են կազմակերպիչները: Մասնակից երկրներն են՝ Հայաստան, Ալբանիա, Ավստրիա, Ավստրալիա, Ադրբեջան, Բելառուս, Բելգիա, Բուլղարիա, Խորվաթիա, Կիպրոս, Չեխիա, Դանիա, Էստոնիա, Ֆինլանդիա, Ֆրանսիա, Գերմանիա, Վրաստան, Հունաստան, Հունգարիա, Իսլանդիա, Իռլանդիա, Իսրայել, Իտալիա, Լատվիա, Լիտվա, Մակեդոնիա, Մալթա, Մոլդովա, Մոնտենեգրո, Նիդեռլանդներ, Նորվեգիա, Լեհաստան, Պորտուգալիա, Ռումինիա, Ռուսաստան, Սան Մարինո, Սերբիա, Սլովենիա, Իսպանիա, Շվեդիա, Շվեյցարիա, Ուկրաինա, Մեծ Բրիտանիա: Նշվում է, որ Ռումինիան եւ Պորտուգալիան անցած տարի չեն մասնակցել մրցույթին:   Continue reading →