Ուխտ Արարատի – Թիվ 14

Oukht Ararati

Չկա մի ասպարեզ. քաղաքական, դիվանագիտական, տնտեսական, պատմական, հոգևոր, մշակութային…, անգամ մարզական, որտեղ ամեն օր և ամեն ժամ չոտնահարվեն հայի և հայության իրավունքները: Եվ չկա դրանց մեջ մի դեպք, որ ենթակա չլինի պատասխանատվության ու պատժի: Պետք է փաստել, սակայն, որ մենք վատ ենք տիրապետում օրենքին, իրավունքի մեխանիզմին, այդ թվում՝ միջազգային…, ավելի ճիշտ կլինի ասել, ընդհանրապես
չենք օգտվում դրանից:….
«Ուխտ Արարատի» այս հատուկ համարը քաշեք այստեղից


Բ Ո Վ Ա Ն Դ Ա Կ Ո Ւ Թ Յ Ո Ւ Ն

Առաջաբան
Հայության մաքառումների փուլերը Սփյուռքում և Հայրենիքում
Ինչո՞ւ Նորագույն զինյալ ազատագրական պայքար
Լոուրենս Արաբացու հարցազրույցը
Չերչիլ, Սիոնիզմն ընդդեմ բոլշևիզմի
Պաուլ Ռորբախ
Լ. Բ. Տրոցկու 1921թ. հոդվածը
Պայմանագիր Ռուսաստանի և Թուրքիայի միջև
Լոզանի կոնֆերանս, 1923թ.
Սևրի հաշտության պայմանագիրը, 1920թ.
ԱՄՆ անկախության հռչակագիրը
Ալան Դալեսի ծրագիրը
Ռալֆ Պիտերս, «Նոր Մերձավոր Արևելքի քարտեզը», 2006

թ.

ՄԱԿ-ի հռչակագրեր, բանաձևեր
ՀՀ-ի և ԼՂՀ-ի ազգային և միջազգային իրավական
կարգավիճակի փուլերը 1917-ից ցայսօր
ՀՀ և ԼՂՀ հռչակագրեր, որոշումներ
Մահաթմա Գանդի
Ֆրիտյոֆ Նանսեն
Գուրգեն Յանիկյան
Վերջաբան

Շարունակել կարդալ

«Գոլոս Արմենիի» թերթի գլխավոր խմբագրին

 «Գոլոս Արմենիի» թերթի գլխավոր խմբագիր՝
Ֆլորա Նախշքարյանին


Ի պատասխան

Հարգելի տիկ. Նախշքարյան.
«Գոլոս Արմենիի» թերթի 15.11.2007թ., թիվ 124 թողարկման «Հայկական ոգին դեռեւս ապրում է այս հողում» հարցազրույցում (ԵՊՀ իրանագիտության ամբիոնի ղեկավար Գառնիկ Ասատրյանի հետ), արծարծվում է նաեւ Հայ Արիական Միաբանության հնչեցրած՝ քրդացած հայերին առնչվող հարցը: Չնայած մենք հայտարարությամբ անդրադարձել էինք ինչպես քրդացած, այնպես էլ թրքացած հայերի խնդրին, եւ կոչ էինք արել լրջորեն զբաղվել նրանց ազգային գիտակցության վերականգնմամբ, սակայն թերթն իր հարցադրումով անդրադարձել էր միայն քդացած հայերին: Չանդրադառնալով ԵՊՀ դասախոսի ամբողջական հարցազրույցին՝ ներկայացնենք միայն մեզ վերաբերող մասի պարզաբանմունը:
Այն հարցին, թե ինչպես է վերաբերում Գ. Ասատրյանը մեր առաջարկած՝ «քրդացած հայերին հայկականացնելու խնդրին», նա պատասխանում է՝ «այս գաղափարը հնչում է վեհանձն ու հրապուրիչ», սակայն… «հայկականությանը վերադառնալը ապահով չէ» եւ այսպիսի բաներ: Այնուհետեւ հավելում է՝ «…արժե արդյո՞ք ջանքեր գործադրել այդ ուղղությամբ, երբ ոչ ոք, այդ թվում եւ արիները, այդ խնդիրները լուծելու միջոցներ չգիտեն: Այդ կարգի կոչերը հիմնավորված չեն»: Հիմա ես հասկանալի պատճառներով հրապարակայնորեն չեմ պատասխանի ԵՊՀ դասախոսին, թե ինչ հնարավոր ձեւեր ու միջոցներ կան՝ քրդացած եւ թրքացած հայերի հետ «աշխատելու», հատկապես, որ դա իրեն չի վերաբերում: Տարիներ առաջ մենք այս թեմայի շուրջ առաջարկներ արդեն արել ենք եւ մեր ազգային անվտանգությանը, եւ արտգործնախարարությանը: Կարող ենք կրկնել…

 

Շարունակել կարդալ

Հայերենը կարող էր եւ դառնալ միջազգային լեզու

Եվրոպացի մի շարք ականավոր լեզվաբաններ, ուսումնասիրելով հայոց լեզուն, ժամանակին առաջարկել են հայերենը դարձնել գիտության (հետագայում՝ նաեւ հաղորդակցության) միջազգային լեզու:

Ներկայացնում ենք այդ կարծիքներից մեկը.

«Հայերենն ունի չափազանց մեծ բառապաշար: Բառապաշարի հարստությամբ քիչ լեզուներ կարող են մրցել հայերենի հետ: Հայոց լեզվի մյուս հարստությունը նրա բառակազմությունն է՝ բառածանցումը եւ բառաբարդումը: Ամեն մի նոր իմաստի համար հայերենը կարողանում է սեփական բառ ստեղծել…

Հայերենը եվրոպական լեզուների համեմատ մի կարեւոր առավելություն ունի, եվրոպացիները գիտական նոր եզրեր ստեղշում են հունարեն բառերի միջոցով, իսկ եվրոպացիների մեծամասնության համար այն անհասկանալի, մեռած լեզու է: Ուրեմն այդ լեզվով կազմված բառերն ու եզրերն էլ եվրոպացիների համար խորթ են, մեռած: Մինչդեռ հայերենն ի վիճակի է գիտական եզրեր, բառեր կազմել իր միջոցներով, որոնք հասկանալի են հայերեն խոսող բոլոր մարդկանց: Սա մեծ առավելություն է: Հայերենի մյուս արժանիքներն են նրա պարզ քերականությունը, հրաշալի տրամաբանությունը:

Հայերենը կարող է լինել նորոգույն լեզու: Հայոց լեզվի արտահայտչական միջոցները ավելի մեծ են, քան նույնիսկ անգլերենինը, ֆրանսերենինը: Բացի դրանից, գիտությունը սիրում է ճշգրտություն: Հայերենի ամենակարեւոր հատկություններից է արտահայտման ճշգրտությունը»:

Հայերենը կարող էր իրապես դառնալ միջազգային լեզու, եթե «խորհրդային եղբայրության» խանդը տեղի չտար եւ ՄԱԿ-ում իրական եղբայր-պաշտպաններ ունենայինք այդ տարիներին:

Շարունակել կարդալ

Ահաբեկչությու՞ն, թե՞ վրիժառություն

ԱՍԱԼԱ

Հարձակողական եւ ինքնապաշտպանական

զինված գործողություններ ու ընդհարումներ

Ահաբեկչություն

Հեռու մնալով ահաբեկչության ու վրիժառության այսպես կոչված դասական ձեւակերպումներից՝ դրանք կքննարկենք իրենց ներկայիս ակներեւ դրսեւորումների վերլուծությամբ:

Յուրաքանչյուր զինված գործողություն կարելի է դիտարկել եւ’ որպես ահաբեկչություն, եւ’ որպես վրիժառություն, նայած թե ով ինչպես եւ որ կողմից է դիտարկում դրանք: Սակայն, իրականում տարբերություններն ակնհայտ են ու եթե իրապես վերլուծության ենթարկվեն ահաբեկչությունն ու վրիժառությունը, ապա դրանց նմանությունը կարող է լինել բացառապես կատարման ձեւի մեջ, բայց՝ ոչ բովանդակության: Դրանք միմյանցից հստակորեն տարբերվում են նպատակների ու գաղափարաբանական առումով: Ահաբեկչությունը նախահարձակ բնույթ ունենալով՝ հարձակողական է նաեւ իր էությամբ, ինչ-որ բան զավթելու, տիրելու, թիրախին ոչնչացնելով ինչ-որ բան ստանալու, տիրապետելու խնդիր է լուծում եւ շահախնդիր է ի սկզբանե: Ուստի անարդար է ու արժանի համարժեք պատասխանի:

Թվում է, թե ահաբեկչությունը մեկ այլ ահաբեկչության տրամաբանական հակադարձումն է: Այդպես էլ է լինում իհարկե, սակայն հիմնականում ահաբեկչության հակադարձումը վրիժառությունն է լինում, եւ այն գոյատեւում է այնքան ժամանակ, մինչեւ մեկը մյուսի հանդեպ ահաբեկչություն-վրիժառություն փակ շղթայում ներառնված կողմերը հավասարապես բավարարված լինեն կամ՝ բանակցելով գան փոխհամաձայնության, որն առավել մոտ է իրականությանը: Եվ կապ չունի, թե որ դարի մասին է խոսքը եւ ինչ քաղաքակրթություն է տվյալ պահին: Հաճախ են ասում, թե 21-րդ դարը «մարդկության քաղաքակրթության» ու «փոխըմբռնման» վերելքն է, բայց սխալվում են. սա ազգերի հակադրման ամենադաժան դարն է լինելու՝ ազգերին ճզմելու, ձուլելու, պետություններ «բացել-փակելու», աշխարհին տիրելու առումով: Գոնե առաջիկա 20-25 տարիներին այդպես է լինելու: Միակ կանխարգելիչ ելքը տվյալ պահին առավել հզոր ահաբեկչի (անհատ, թե պետություն) «մեղա» գալն է ու հաշտության ձեռք մեկնելը, այլապես ահաբեկչական ալիքը գնալով ընդարձակվելու է՝ ձնագնդի նման մեծանալով: Ներկայում ոչ մի գերտերություն «մեղա» գալու մարտավարություն չի որդեգրել, ավելին՝ վերստին սրվում է աշխարհին վերատիրելու, այն վերաձեւելու հարցը…

Շարունակել կարդալ

Ցավակցություններ

Մահացել է Ժիրայր Սէֆիլյանի մայրը

Հայ Արիական Միաբանությունը, «Հանուն Հայրենիքի» հ/կ-ն, «Նժդեհյան Ցեղակրոն» կուսակցությունը, «Ուխտ Արարատի» (ԱՍԱԼԱ) հ/կ-ն, «Արորդիների Ուխտ» հեթանոսական համայնքը, Ազգային արժեքների պաշտպանության հանձնախումբը իրենց ցավակցությունն են հայտնում «Վարդաշեն» ՔԿՀ-ում գտնվող Ժիրայր Սէֆիլյանին՝ իր սիրելի մոր՝ Սիմա Թասլաքյանի մահվան կապակցությամբ: Նշյալ կազմակերպությունների անդամները ցավում են, որ հայ ազատամարտիկի մայրը մահացավ որդու ազատությունը տեսնելու սպասումներում:

«Լուսանցք»-ի խմբագրակազմն էլ իր ցավակցությունն է հայտնում Ժիրայր Սէֆիլյանին՝ համբերություն մաղթելով ազատազրկման մեջ գտնվող ազատամարտիկին:


«
Լուսանցք» թիվ 34, 16-22.11.2007թ.

Շարունակել կարդալ

Վճռական բողոք ընդդեմ բռնության

Հայտարարություն

Հայ Արիական Միաբանության «Ոգու պահապաններ» ուսանողական եւ երիտասարդական կազմակերպությունն իր վճռական բողոքն է հայտնում՝ ՍԴՀԿ «Սարգիս Տխրունի» միության ղեկավար Նարեկ Գալստյանին դաժանորեն ծեծի ենթարկելու առիթով:
Արդեն ավանդույթ է դարձել, որ «փառապանծ» ոստիկանները եւ ուժային այլ կառույցների ներկայացուցիչները ակտիվ երիտասարդներին փողոցից կամ տներից կալանավորում ու տանում են իրենց կառույցներ՝ «բացատրական աշխատանքների» համար: Վերջերս էլ Նարեկ Գալստյանն այլ երիտասարդների հետ բերման էր ենթարկվել ոստիկանների կողմից՝ թռուցիկներ բաժանելու համար: Եվ ահա, սրան հաջորդում է ծեծը, որի հետեւանքով մարմնական վնասվածքներ ստացած Նարեկ Գալստկանը հայտնվել է հիվանդանոցում:
Դիմում ենք իրավապահ մարմիններին ու պահանջում՝ անհապաղ բացահայտել այս հակաօրինական ու հակազգային արարքը, այլապես, ստիպված ենք մտածել, որ այս ամենի հեղինակը հենց ոստիկաններն են:

Հայ Արիական Միաբանության «Ոգու պահապաններ»
ուսանողական եւ երիտասարդական կազմակերպություն
16.11.2007թ.

Շարունակել կարդալ

Հնագույն հեթանոսական Աստվածաշունչ – «Սասնա Ծռեր» դյուցազնավեպը

Արթուր Արմին«Դարերով փնտրում ենք այն, ինչը մեր մեջ է. եւ կորցրածը կվերագտնենք միայն այն ժամանակ, երբ գիտակցենք կորստի արժեքը». իր գրքի՝ «Հնագույն հեթանոսական Աստվածաշունչ՝ Սասնա Ծռեր էպոսի» 1-ին հատորի մուտքն այսպես է սկսել լոսանջելեսաբնակ Արթուր Արմինը (Արթուր Լեւոնի Բաբայան): Աշխատության այս հատորը բաղկացած է երկու մասից՝ «Հնագույն հավատքի թաքնագիտական իմաստները» եւ «Սասնա Տուն հավատամք-էպոսը»: Առաջինում ներկայացված են հնագույն հավատամքային պատումների ընդհանրությունները, թվաբանական, երկրաչափական, աստղագիտական համակարգերը եւ հին ժամանակների աշխարհաճանաչողությունը: Երկրորդ մասում հայկական էպոսի քողարկված, թաքնագիտական իմաստների վերծանություներն են ու վերլուծությունները, որոնք փաստում են «Սասնա Ծռեր»

էպոսի հնագույն հեթանոսական հավատամք լինելը: Ինչու՞ է հեղինակը էպոսը Աստվածաշունչ համարում, ի՞նչ թաքնագիտական իմաստներ կան մեր էպոսում, ու եթե կարողանանք ճիշտ վերլուծել այդ թաքնագիտական գաղտնիքները, կարո՞ղ ենք առաջնորդվել դրանցով: Այս եւ այլ հարցերի շուրջ է մեր զրույցը Արթուր Արմինի հետ:

Քաջատեղյակ լինելով մեր իրականությունում առկա մի երեւույթի՝ այն է՝ հայկական ամեն ինչի հանդեպ հակահայկական դրսեւորումների, աշխատության հեղինակը երբ նշեց, թե հնդեվրոպական մայր լեզվաընտանիքի նախահայրենիքը Հայկական լեռնաշխարհն է, միանգամից հավելեց. «Դա լուրջ գիտնականների խումբ է պնդել: Այսօր նրանցից մեկը կա՝ Վյաչեսլավ Իվանովը, ով դա ապացուցել է համեմատական լեզվաբանության միջոցով, մաթեմատիկական ճշգրտությամբ:


Շարունակել կարդալ

Մերձավորարեւելյան թնջուկ – Ճշտենք մեր տեղն ու դերը

 «Մեծ Մերձավոր Արեւելք»

«Մեծ Մերձավոր Արեւելք» անունը կրող ամերիկյան ծրագիրը բացահայտորեն չի հրապարակվել, սակայն, դրա առանձին հատվածներ ընթացքում (հետո ամբողջապես) հայտնի են դարձել եվրոպական, մերձավորարեւելյան ու աֆրիկյան մի շարք երկրների իշխանություններին, ու տարածաշրջանի ժողովուրդների դժգոհությունն են հարուցել: Այդ ծրագրի մասին խոսվել է ոչ միայն պետությունների իշխանությունների մակարդակով, այլեւ՝ Եվրամիության եւ «Մեծ ութնյակի» գագաթաժողովներում, Արաբական լիգայի ու ՆԱՏՕ-ի համաժողովներում:

Ո՞րն է «Մեծ Մերձավոր Արեւելք» ծրագրի էությունը եւ ի՞նչ նպատակներ է հետապնդում: Ծրագիրն ընդհանուր գծերով շարադրվել է ԱՄՆ նախագահ Ջորջ Բուշի 2003թ. փետրվարի 26-ի ելույթում: 2001թ. սեպտեմբերի 11-ի ահաբեկչություններից հետո ամերիկյան վարչակազմը պարբերաբար փորձում է Արեւմուտքի համար անվտանգ դարձնել մահմեդական աշխարհը (նախ եւ առաջ՝ արաբական) եւ վերացնել արմատական ահաբեկչության տնտեսական, սոցիալական ու քաղաքական արմատները: Ուստի փորձում է արաբա-մահմեդական պետություններում այսպես կոչված ժողովրդավարական բարեփոխումներ անցկացնել: Այլ տեղերում՝ իբր ժողովրդավարական երկրներում, դրանք կոչվում են «գունավոր հեղափոխություններ»…

Թվում է, հատկապես արաբական աշխարհի համար սարսափելի ոչինչ չկա, բայց ամերիկյան ծրագրում դիտավորյալ հետին պլան է մղված մերձավորարեւելյան գլխավոր խնդիրը՝ պաղեստինա-իսրայելական հակամարտությունը, ինչպես նաեւ չի խոսվում ամերիկա-իսրայելա-թուրքական ռազմավարական դաշինքի մասին:

«Մեծ Մերձավոր Արեւելք»-ը ներկայացվում է իբրեւ արաբական աշխարհի «արդիականացման» ծրագիր: Ամերիկացիները տվյալ դեպքում զուգահեռներ են անցկացնում Հելսինկիի 1975թ. համաձայնագրերի հետ, որոնք հանգեցրին խորհրդային դաշինքի երկրների (ԽՍՀՄ եւ սոցճամբար) «ազատագրմանը» եւ «ժողովրդավարացմանը»: Սակայն նրանք մոռանում են, որ մահմեդականների մեծամասնությունը Մերձավոր Արեւելքում ամերիկա-իսրայելական զույգին անվերապահորեն վերագրում է բռնակալի նույն դերը, ինչ կատարում էր ԽՍՀՄ-ը Արեւելյան Եվրոպայում:

Շարունակել կարդալ

ԻԻՀ նախագահ Մահմուդ Ահմադինեջադի ելույթը-2007թ.

  Ահմադինեջադ

ԱՄՆ Կոլումբիայի համալսարանում
ԻԻՀ նախագահ Մահմուդ Ահմադինեջադի ելույթը-2007թ.


Հանուն Ողորմած եւ Բարեգութ Աստծո

Հարգարժան ռեկտոր, սիրելի համալսարանականներ, դասախոսներ եւ ուսանողներ:
Նախ ողջունում եմ բոլորիդ եւ երախտապարտ եմ Իմաստնագույն Տիրոջը, որ ինձ բախտ վիճակեց ներկայանալ մի գիտական միջավայրում եւ ճշմարտություն որոնողների ու գիտության ու ճանաչողության ոլորտի հետազոտող շրջանակներին:

Ցանկանում եմ այս թանկագին նիստում Ձեզ հետ խոսել գիտության ու գիտնականի (իմաստուն մարդու) մասին:

Դասախոսներն ու իմաստունները այն լուսավոր ճրագներն են, որոնցից յուրաքանչյուրը լուսարձակում է տվյալ ոլորտը, լուսավորում մութ ու խուլ արահետները եւ մարդուն փրկում մոլորությունից ու տգիտությունից:

Աշխարհի իրողությունների ընկալման բանալին գիտություն որոնողների ու իմաստություն փնտրողների ձեռքերում է:

Չբացահայտված բնագավառները, աներեւույթ աշխարհներն ու անհասանելի գիտությունները անսահման են եւ փակ պատուհանները գիտնականների աշխատանքով ու ջանքերով են բացվում դեպի ճշմարտություն:

Յուրաքանչյուր փորձով մի դուռ է բացվում եւ մի ճշմարտություն բացահայտվում:

Ցանկացած շրջանում, երբ պահպանվել են գիտության ու իմաստության վեհ արժանիքները եւ հարգանքի ու մեծարման արժանացել գիտնականներն ու հետազոտողները, մարդը մեծ քայլեր է ձեռնարկել նյութական ու հոգեւոր կատարելագործման ու զարգացման ճանապարհին եւ հակառակը, ցանկացած շրջանում, երբ գիտությունն ու գիտնականը զայրույթի ու ատելության են արժանացել, այդ ժամանակաշրջանները մարդկային պատմության մեջ խավարի շրջան են եղել, եւ մարդկությունը բանտարկված է եղել իր տգիտության ու անիրազեկության շրջանակներում:

Եթե չլիներ մարդու բնությունը, որը ճշմարտության փնտրտուքի հարատեւման եւ ճշմարտության բացահայտմանն ուղղված ձգտումի գաղտնիքն է, մարդը շարունակ կմնար տգիտության գերին եւ չէին բացվի մարդու երջանկության ուղիները:

Բնույթը Բարձրյալ Տիրոջ կողմից մարդու էության մեջ հավերժ պահ դրված պարգեւ է:

Շարունակել կարդալ

Հայոց խորհրդանիշերի համակարգը

Խորհրդանիշ

Խորհրդանիշն էության, ինքնության, մտածողության, գաղափարի, կեցության կառույցների ոգեղեն կամ նյութական արժեքի արտահայտությունն է:

Ազգը ծագում եւ էություն է, ունի առաքելություն ու իր գոյության ընթացքում ստեղծում է խորհրդանիշերի համակարգ:

Խորհրդանիշերն ըստ բնույթի լինում են հավատամքային-ծինաբանական, բարոյակերպարային, պատմական-աշխարհագրական, ազգային եւ պետական: Լինում են նաեւ տոտեմական՝ ինչը հայրենի բնության մեջ ապրող կենդանիների հանդեպ սիրո (որոշակիորեն նաեւ պաշտամունքի) դրսեւորում է: Դրանցից են՝ առյուծը, արծիվը, այծը, խոյը, որոնք բնորոշում են հզորություն եւ համառություն՝ կամք: Այստեղ սա դիտարկում ենք առանձին խնդիր, թեեւ կարող է եւ տեղավորվել Հայոց խորհրդանիշերի համակարգում:

Հայոց արարչաբնույթ նկարագրի հավատամքային-ծինաբանական խորհրդանիշներն են՝ տեսակի ծագումը, լեզուն ու արարչական հավատքը՝ իր առաքելությամբ ու աստվածային համակարգով (Հայր Արա, Մայր Անահիտ, Վահագն, Աստղիկ, Միհր, Նանե, Տիր, Վանատուր…), իսկ բարոյականության հատկանիշներ կրող խորհրդանիշերն են՝ կեռխաչը, մաշտոցյան այբուբենը (ինչը վերարտադրվել է, քանզի ավելի հին ծագում ունի), «Սասնա Ծռեր» դյուցազնավեպը, հայկական մշակույթի դասական այլ արժեքներ, նաեւ սրբացած, հերոսացած անհատներ (հայ թագավորներ ու սպարապետեր, Հայկ Նահապետ, Արա Գեղեցիկ, Նարեկացի, Նժդեհ, Անդրանիկ…):

Ազգային նկարագիրը բնութագրող խորհրդանիշերը ոգեղեն են՝ իմաստավորված տեսակի ժառանգական հիշողությամբ: Պատմական-աշխարհագրական խորհրդանիշը (մտապատկերային եւ առարկայական) արտացոլում է ազգի անցած ճանապարհը, վավերագրում եւ’ հաղթանակներ, եւ’ պարտություններ: Մտապատկերային խորհրդանիշը լեզվի, լեզվամտածողության տարր է եւ լեզվահիշողությամբ փոխանցվում է սերնդեսերունդ: Առարկայական խորհրդանիշը նյութականացված արժեք է, որ վերացարկվում է գիտակցականում (սար, լեռ ու լիճ, Ճառընտիր, Նարեկ, խաչքար ու կոթող…), պատմում անցյալի լավ ու վատ անցքերի մասին, արտահայտում ազգի նկաագրի բյուրեղացման աստիճանը:

Պետական խորհրդանիշերը երկակի բնույթ ունեն, նաեւ՝ երկակի չափանիշ՝ ազգային եւ միջազգային: Դրանք, տվյալ պետության առանձնահատկությունը նշելուց զատ, պետք է համապատասխանեն նաեւ միջպետական հարաբերությունների զուտ առարկայական պահանջներին: Պետականության բնութագրման եւ ճանաչման խորհրդանիշ-տարրերն են՝ Դրոշը, Զինանշանը, Օրհներգը, նաեւ՝ Դրամը:

Իշխանության հավաստման պետական-պատմական խորհրդանիշեր են՝ Թագը, Գահը եւ Գայիսոնը:

Խորհրդանիշերն ընկալող եւ դրանցով կրթվող անձը լինում է ցեղահաղորդ, ցեղաճանաչ ու ցեղահավատ, բացահայտում է ժառանգականությամբ պայմանավորված իր նկարագիրը եւ զորանում ազգի ոգով: Երբ հոգին սկսում է ընկալել խորհրդանիշը՝ անհատի առջեւ հայտնվում են զգացողության, հասկացության պատկերացումներ, որոնք անհասանելի են մաքուր տրամաբանությանն ու մտքին:

Ակնհայտ է, որ խորհրդանիշերի համակարգը պետք է լինի նաեւ կրթամշակութային քաղաքականության եւ քարոզչամիջոցների գործունեության ուղենիշ:

Մի քննախույզ հայացք գցենք գործող ու անտեսված խորհրդանիշերին եւ որոշենք մեր ազգային ներուժի օգտագործման չափը:

Շարունակել կարդալ

Սատանա` առասպե՞լ, թե՞ իրականություն

Ժամանակի արագ ընթացքը մեր հարյուրամյակում, գաղափարների, իրադարձությունների եւ առաջնորդների արագ, ինչպես գեղադիտակում, փոփոխությունը իշխանության տերերին թելադրում է բազմաթիվ անգամ կատարել քաղաքացիների ուղեղների «լվացում»՝ նրանց հաջողությամբ ղեկավարելու նպատակով: «Լվացումը» հեշտ է իրականացնել, երբ ղեկավարվողները հիպնոզացված են եւ այդ պատճառով չեն կարողանում հասկանալ, թե ով է նրանց գլխավոր թշնամին: Իրենց գլխավոր նպատակին՝ ամբողջ մոլորակի բնակչության ղեկավարմանը հասնելու համար քաղաքագետների եւ բանկիրների միջազգային մաֆիան օգտագործում է տարբեր հնարքներ՝ էքստրասենսերի եւ աստղագուշակների ներշնչումները, երաժըշտաթմրամոլությունը, ալկոհոլը, զանգվածների գիտակցության մեջ ներդնելով կռապաշտության միստիկան:

Շատերի կողմից կռապաշտությունը հասկացվում է որպես հեթանոսություն: Բայց դա այդպես չէ: Իրական կռապաշտությունը կապված է կյանքի միջոցների աստվածացման եւ հենց իր՝ կյանքի նենգափոխմամբ նրա իրականացման ձեւով եւ միջոցով: Ժամանակակից կռապաշտությունը իրերի պաշտամունք է, գիտության եւ տեխնիկայի, ժողովրդավարության եւ իրավունքի, կուսակցության կամ որեւէ այլ կազմակերպության պաշտամունք:

Շարունակել կարդալ

Պատասխանի իրավունքով

Արդեն քանիերորդ անգամ մեր զլմ-ները փորձում են վեր հանել համասեռականների եւ դրանց հետ կապված հայտնի ցուցակի թեման, սակայն, չգիտես ինչու դա արվում է որոշակի պահերի. նախ՝ երբ ՀԱՄ-ը կամ նրա առաջնորդն է կտրուկ հարցեր բարձրացնում կամ՝ երբ քաղաքական լուրջ իրադարձությունների նախաշեմին ենք գտնվում:
Արդեն քանիերորդ անգամ ենք ասում՝ ի գիտություն «Փակագիծ» թերթին ու զլմ-ներին՝ ՀԱՄ առաջնորդը երբեք այդ թեման չի արծարծել որեւէ մեկի պատվերով ու չի էլ պատրաստվում դա անել ինչ-ինչ ուժերի քաղաքական նպատակների համար: ՀԱՄ-ը սա համարում է մտահոգիչ հարց եւ այն բարձրաձայնել է միմիայն հասարակության մեջ այլասերումների դեմն առնելու նպատակով: Մեր հնչեցրած հարցը քննարկվեց ամենատարբեր մակարդակներում, եւ հայ հանրությունը ցուցադրաբար մերժեց համասեռականներին քաջալերելու օտար եւ մեր, այսպես կոչված, ամենաթողություններ քարոզողների ջանքերը՝ չնայած ՀՀ ԱԺ-ն եվրաճնշման ներքո մեր ավանդական օրենքներն աղավաղեց…
Հիմա էլ «Փակագիծ»-ն է ակնարկում, թե տեղեկատվություն ունի, որ համասեռականների ցուցակը կրկին վեր է հանվելու՝ «եւ արդյոք ցուցակը հրապարակելու է նույն Արմեն Ավետիսյանը, թե այս անգամ դերակատարը լինելու է այլ մարդ…»: Չցանկանալով անդրադառնալ մեր զլմ-ների մե~ծ «դերակատարումներին»՝ կրկնենք, որ նման դերեր մենք չենք ստանձնել ու չենք էլ պատրաստվում երբեւէ: Դերակատար այլ տեղ փնտրեք…
Իսկ այն, որ Արմեն Ավետիսյանը «Հայաստանի գեյ պաշտոնյաների ցուցակը… խոստացավ հրապարակել… սակայն չարեց այդ, հայտնվեց բանտում ու մոռացավ դրա մասին», իրականությանը չի համապատասխանում: Միայն մի բան է այստեղ իրականություն, որ ՀԱՄ առաջնորդը հայտնվեց բանտում… այն էլ՝ այլ մեղադրանքով: Սա հանրահայտ է: Իսկ ցուցակներն ուղարկվել են այսօրվա իշխանավորներին, ու մամուլում էլ մի քանի անուններ են արծարծվել… ու ի՞նչ է փոխվել: Ոչի’նչ: Իսկ Արմեն Ավետիսյանը չի լռել ու մոռացել, նա այս հարցի մասին խոսել է՝ համակարգված պայքար տանելով ու մի քանի զլմ-ների պատվերներին պատասխանելով:
ՀԱՄ – ը վաղուց է հայտարարել, որ այլեւս աննպատակահարմար է համարում այս իշխանությունների օրոք նման խնդիր հնչեցնելը, եւ համասեռականների (նաեւ՝ աղանդավորականների, մասոնների) ցուցակներին կանդրադառնա այն ժամանակ, երբ ներքին ներուժ կունենա դրանց դեմն իրապես առնելու համար, այլ ոչ թե «շոուներ»-ի ու «սեւ PR-ներ»-ի մասնակցելու նպատակով:


Հայ Արիական Միաբանության
Լրատվական կենտրոն
07.11.2007թ.

Շարունակել կարդալ

Ողջունում ենք քաղաքական մերձեցումը

Հայ Արիական Միաբանությունը ողջունում է ՀՅԴ-ՀՌԱԿ համատեղ համագումարը հայրենիքում: Երկու ավանդական կուսակցությունների մերձեցումը միանշանակ բարերար ազդեցություն կունենա ՀՀ քաղաքական կյանքում եւ սփյուռքում: Գաղափարախոսություն ունեցող եւ ներքին կազմակերպվածությամբ գործող քաղաքական ուժերի համագործակցությունը հաստատապես ի նպաստ կլինի մեր ազգային շահերին:
Հայ Արիական Միաբանության
Գերագույն Խորհուրդ
07.11.2007թ.

Շարունակել կարդալ

Ազգային գաղափարախոսության խնդիրների շուրջ


ՀԱՄ լրատվական կենտրոնի հայտարարությունը

Մենք ափսոսանքով ենք հայտնում, որ մեր կայքում Լեւոն Տեր-Պետրոսյանի եւ այլոց օգտին «հակերական» քվեարկումների աղմուկը օրինակ չծառայեց որոշ «հակերական» շրջանակների համար եւ ահա, մեկ օրվա մեջ, մեզ իր ip-ով արդեն հայտնի «հակերը» ցուցադրաբար մեխանիկական քվեարկումներ է արել Ներսես Ներսիսյանի ու Գեւորգ Յազըճյանի, քիչ քանակությամբ նաեւ Գեւորգ Հովսեփյանի օգտին:
Մենք կփակենք «հակերի» ip-ի մուտքը մեր կայք, իսկ քանի որ քվեարկվածները մեղք չունեն այս անօրինական գործում, «հակերը» փորձում էր խժդժություն մտցնել կայքում, պարզապես Ն. Ներսիսյանից եւ Գ. Յազըճյանից կհանվի 1000-ական միավոր:

Շարունակել կարդալ